bardhi

bardhi-ok.png
R D21:37 | 18/01/2020

Sekretari i Përgjithshëm i Partisë Demokratike, Gazment Bardhi pasi zhvilloi takim me strukturat partiake në Korçë iu përgjigj interesit të medias, për tryezën e reformës zgjedhore. Po kështu ai u pyet edhe mbi debatin për ndryshimin e sistemit zgjedhor. Bardhi tha se “sistemi zgjedhor është një çështje për të cilen PD-ja është e hapur ta diskutojë bashkë me qytetarët”.

Sipas tij, sistemi elektoral nuk përbën pengesë që PD-ja të fitoje zgjedhjet. Sakaq ai propozoi se kjo çështje të vendoset me referendum.

“Unë gjykoj që lidhur me sistemin zgjedhor duhet të ketë një debat të hapur publik dhe të jenë qytetarët që do të vendosin se cili eshte sistemi me i mire. Në këtë kuadër unë kam vetëm një vote si qytetar i Republikës së Shqipërisë. Janë në proces verifikimi të paktën 15 kandidate të Partisë socialistë që janë emëruar si kryebashkiake në 30 Qershor nga Edi Rama. Reforma Zgjedhore është një nga kushtet e vendosura nga Bundestagu German dhe BE për hapjen e negociatave të anëtarësimit të Shqipërisë në BE, ndaj dhe në këtë kuadër opozita është angazhuar që ne momentin kur 9 kushtet e Budenstagut u bënë publike që do të ishte prezent dhe do të jepte kontributin e vet për realizimin e reformës zgjedhore kemi patur një zvarritje të qëllimshme nga pala tjetër për 4 muaj në gjetjen e një mekanizmi propozuar nga ana jonë që në tetor për ti bërë të gjitha palët bashkë në realizimin e reformës zgjedhore ky është një moment ku opozita e bashkuar, PD do të bëjë të gjitha propozimet e veta për të garantuar standardet minimale për zgjedhje të lira dhe të ndershme”, u shpreh Bardhi.

Më tej ai tha se kërkesa imediate e PD vazhdon të jetë mbajtja e zgjedhjeve të parakohshme, si një mundësi reale për ti dhënë fund krizës politike dhe mbi te gjitha krizës ekonomike dhe sociale në vend.

“Jam i bindur që shumica e shqiptarëve duan të shkojnë në zgjedhje për të vendosur qeverine që punon në interes te tyre. Ne i qendrojme zgjidhjes politike që kemi ofruar per te eleminuar problematika qe cenojne zgjedhjet e lira dhe te ndershme, qeverine kujdestare per zgjedhjet e kemi ofruar si mundesi per te eleminuar problemet qe jane evidentuar. Edi Rama ka provuar që nuk garanton zgjedhje te lira dhe te ndershme dhe kjo u faktua më 30 qershor 2019”, deklaroi numri II i PD-së. /abcnews.al

termeti-dhe-ne-Vlore.jpg
R D18:15 | 14/01/2020

Pas termetit të 26 Nëntorit, nisën hetimet nga prokuroria e Tiranës për ndërtesat e dëmtuara në bashkinë e Tiranës dhe në Bashkinë e Vorës. Sot mësohet se prokurorët kanë prerë rreth 38 urdhër-arreste për ish-zyrtarë vendorë të Bashkisë së Vorës si dhe të ish-kryetaret e komunave Kashar dhe Farkë.

Gazetari Andi Qosja tha se mes të ndaluarve në Drejtorinë e Policisë së Tiranës është edhe ish-kreu demokrat i komunës së Farkës, Fatbardh Plaku si dhe ish-kreu i komunës Kashar, Besnik Fuçia.

Operacioni i policisë po vijon thanë burimet në Vorë, Kashar dhe në Farkë, zonat ku dëmet nga tërmeti kanë qenë të shumta. Nuk dihet ende me siguri se sa është numri i arrestimeve të deritanishme, por burimet thanë se mes tyre është Luan Beka, ish-kreu i Urbanistikës në Vorë. /abcnews.al

gazment-bardhiii.jpg
Autor E15:57 | 18/12/2019

Gjykata Penale e Tiranës vendosi sot të dënojë me një vit burg ish-deputetin demokrat, Ervin Salianji për çështjen “Babale”. Vendimi u dha nga trupi gjykues i kryesuar nga gjyqtari Artan Gjermeni.

Gazetari Andi Qosja bën me dije për abcnews.al se gjykata ka dënuar me 3 vite e 5 muaj burg Albert Veliun (i njohur si Babale) dhe 2 vite burg për Fredi Alizotin. Ndërkohë, gazetari Jetmir Olldashi u dënua me 6 muaj burg, dënim që konvertohet me 200 orë shërbim për komunitetin.

Pasi doli nga gjykata, Sekretari i Përgjithshëm i PD-së, Gazmend Bardhi lëshoi akuza të rënda ndaj gjyqtarit Gjermeni. Sipas tij Ervin Salianji dhe gazetari Jetmir Olldashi janë dënuar nga banda e Lushnjes dhe jo nga një trupë gjyqësore.

“Sot Ervin Salianji dhe gazetari Jetmir Olldashi janë dënuar nga banda e Lushnjes pasi sulmoi bandën e Lushnjes, Agron Xhafajn. Artan Gjermeni është anëtar i bandës së Lushnjes dhe militant i Partisë Socialiste. Sot janë bërë bashkë banda e Lushnjes dhe banda e Agron Xhafajt”, tha Bardhi.

Salianji gjithashtu tha se është dënuar nga një trupë gjyqësore e ndikuar politikisht dhe ky sipas tij nuk është i vetmi rast.

Gjatë seancës ishin të pranishëm, kolegët e tij, ish-anëtare te grupit të PD, si Braho, Boçi, Alibeaj, Balliu etj. Në momentin kur u dha vendimi ata thirrën Turp, turp ndaj gjyqtarit Gjermeni.

Çfarë është dosja “Babale”

Pranverën e 2018-ës, PD-ja publikoi 2 audio-regjistrime, përmes së cilave supozonte se vëllai i ministrit të Brendshëm të asaj asokohe, Fatmir Xhafaj, Agron (Geron) Xhafaj ishte i përfshirë në trafikimin e lëndëve narkotike. Dëshmitari X i Partisë Demokratike, që më vonë u identifikua si Arbert Veliu, thirrej me pseudonimin Babale, ndaj edhe dosja në zhargon quhet “Babale”.

Direkt pas daljes së pergjimeve, Agron (Geron) Xhafaj u largua nga Shqipëria, për të vuajtur dënimin në Itali ku ishte dënuar disa vite më parë për trafik droge.

Kryeministri Edi Rama, ish-ministri Fatmir Xhafaj e mohuan përfshirjen e Agron Xhafajt  në trafik droge. Sipas tyre, gjithçka në audio-përgjim ishte sajuar nga PD-ja.

Prokuroria për Krimet e Rënda nisi hetimet dhe lëshoi urdhër-arreste për protagonistët e audiopërgjimit, Albert Veliu, i njohur si “Babalja” dhe kunatin e tij, Fredi Alizoti. Sipas Prokurorisë, nga ekspertiza e kampionit të zërit, bashkëbiseduesit janë Babale dhe kunati i tij Fredi Alizoti që ka luajtur rolin e Agron Xhafajt. Alizoti është mbajtur gjatë gjithë kësaj kohe në arrrest me burg, ai ka pranuar para hetuesve se ka marrë 200 mijë euro për të imituar zërin e vëllait të Fatmir Xhafës. /abcnews.al

2168c7ed-dd41-46ca-8c33-f44d7b16bd27.jpg
R D20:47 | 14/12/2019

Në emër të Bashës, ndaj akuzave të Kryeministrit, ka reaguar numri II i PD, Gazment Bardhi. Ai shprehet se “dështimi më i madh i Edi Ramës është se nuk shndërroi dot Partinë Demokratike dhe opozitën në fasadën e pushtetit të tij të korruptuar dhe të kriminalizuar. Ai e ka të lidhur fatin me Vangjush Dakon dhe Arben Ahmetajn, ndërsa ne me qytetarët shqiptarë”. Reagimi i tij shoqërohet me foton ku shkruhet “ku është flete arresti per Vangjushin”

REAGIM I SEKRETARIT TË PËRGJITHSHËM GAZMENT BARDHI

Edi Rama vazhdon të bëjë show mbi tragjedinë e 26 Nëntorit, duke u përpjekur të mbulojë paaftësinë, papërgjegjshmërinë dhe abuzimin e qeverisë së tij me propagandë të shëmtuar kundër opozitës.

Për fatin e keq të Shqipërisë dhe qytetarëve të prekur nga tërmeti, këto 3 javë provuan se vendi drejtohet nga një kryeministër i dështuar. Edi Rama dështoi të menaxhojë situatën pas tërmetit, dështoi t’u japë qytetarëve sigurinë për banesat e tyre, dështoi të mbrojë interesin publik, duke mbrojtur paturpësisht 150 milionë dollarë që u jep oligarkëve për koncesionet korruptive të firmosura prej qeverisë se tij.

Dëshmi e dështimit të Edi Ramës është edhe përgjegjësia direkte për vdjekjen e 24 qytetarëve në pallatet e shpallura të pabanueshme në Thumanë pas tërmetit të 21 Shatorit, për të cilët nuk mori asnjë masë për ti strehuar, duke i lënë në mëshirën e fatit.

Dështimi më i madh i Edi Ramës është se nuk shndërroi dot Partinë Demokratike dhe opozitën në fasadën e pushtetit të tij të korruptuar dhe të kriminalizuar. Ai e ka të lidhur fatin me Vangjush Dakon dhe Arben Ahmetajn, ndërsa ne me qytetarët shqiptarë.

Në këtë kohë fatkeqësie, shqiptarët kanë parë se e vetmja forcë e përgjegjshme, që ka ngritur zërin për interesin e tyre është opozita. Ne nuk përfituam politikisht nga tragjedia, ne nuk u tallëm me viktimat dhe as nuk i përdorëm të prekurit nga tërmeti, siç po përpiqet prej ditës së parë, Edi Rama, i cili shpiku edhe fejesën e të birit për t’u viktimizuar para shqiptarëve që ia kanë hequr vizën me kohë.

Lexo edhe:

VIDEO-MESAZH/ Rama: Ka nisur lufta e egër e baltës, mos e dëgjoni. Do dalim më të fortë nga termeti

 

gazment_bardhi.jpg
R D16:01 | 13/12/2019

Sekretari i Përgjithshëm i PD-së, Gazment Bardhi reagoi pas vizitës së Kryeministrit në Thumanë. Sipas Bardhit, Rama duhet të japë llogari për krimin shtetëror, pasi 24 persona vdiqën nga neglizhenca e autoriteteve vendore. “Edi Rama është i detyruar t’u thotë shqiptarëve çfarë permbanin aktet e konstatimit për dy pallatet e shembura me 26 Nëntor, çfarë masash u morën dhe kush i lejoi banorët të futeshin në pallate të pasigurta pas termetit të 21 Shtatorit”, shprehet ai.

Reagimi i plotë në facebook

Spektakli i shëmtuar i Edi Ramës në Thumanë me shtëpitë që i ka detyrim ligjor për t’i ndërtuar është i papranueshëm dhe nuk e shpëton dot atë dhe bashkëpunëtorët e tij nga përgjegjësia morale, politike dhe penale.

Ai është kthyer në vendin e krimit shtetëror pa dhënë llogari për humbjen e jetëve të 24 njerëzve të pafajshëm. Në javën e tretë pas tërmetit, Edi Rama hesht për përgjegjësitë direkte të Komitetit të Emergjencave, të drejtuar prej tij dhe të Bashkisë së Krujës, përse banorët e pallateve të shembura në Thumanë u lejuan të jetojnë aty pas tërmetit të 21 Shtatorit.

Edi Rama është i detyruar t’u thotë shqiptarëve çfarë permbanin aktet e konstatimit për dy pallatet e shembura me 26 Nëntor, çfarë masash u morën dhe kush i lejoi banorët të futeshin në pallate të pasigurta pas 21 Shtatorit.

#DREJTËSI për viktimat e 26 Nëntorit!

Lexo edhe: Rama me Elvis Naçin në Thumanë: Si do të investohen 7 milion eurot

gazment-bardhi-1.jpg
ent ela14:17 | 25/11/2019

Partia Demokratike ka akuzuar kryeministrin Edi Rama se kërkon që dështimin e tij ta shesë për sukses. në një deklaratë për mediat sekretari i Përgjithshëm i PD, Gazmend Bardhi tha se Rama nuk ka asnjë masë të re kundër krimit të organizuar dhe mafias. Sipas tij SPAK është mekanizmi i duhur kushtetues, për t’i dhënë fund krimit të të fortëve, por që ka përballë të njëjtin kundërshtar që  e pengoi për 3 vjet.

Bardhi theksoi gjithashtu se Rama e di mirë se SPAK-u dhe BKH-ja e pavarur është rrezik për të dhe bandën e tij.

Deklarata e plotë e Bardhit

Kjo është një përpjekje e dëshpëruar për të ringjallur një plan të vjetër, të paligjshëm dhe të dështuar, nga një njëri që i kanë shteruar idetë dhe kërkon që dështimin e tij ta shesë për sukses.

Shqiptarët e dinë mirë që shfaqjet propagandistike dhe krekosjet e kota nuk do ta rikthejnë sigurinë e vërtetë në rrugët tona, fjalët boshe të një Kryeministri të lidhur me krimin nuk do ta ringjallin ekonominë dhe as nuk do të sjellin lekë për xhepat e boshatisura të shqiptarëve nga korrupsioni dhe keqqeverisja e tij.

Rikthimi i modelit të shtetit policor, i rrëzuar më parë si antikushtetues, është tentativë e qartë për të penguar dhe ndërhyrë në punën e SPAK dhe BKH, në ditën e ngritjes së tyre, për të luftuar krimin e organizuar dhe korrupsionin mes zyrtarëve të lartë dhe politikanëve.

Ligji është një mashtrim që synon të nënshtrojë drejtësinë dhe të pengojë veprimin e saj kundër krimit të organizuar dhe korrupsionit, duke krijuar zyrtarisht shtetin policor.

Edi Rama e di mirë se SPAK-u dhe BKH-ja e pavarur është rrezik për të dhe bandën e tij!

Të gjitha rastet kur Rama mbrojti krimin që promovoi në politikë. “Shqipërisë i duhet një qeveri e palidhur me krimin”

Edi Rama nuk mund ta luftojë krimin, pavarësisht spektaklit me të cilin jep premtimet. Ai ka dhënë prova se ka marrë në mbrojtje të gjithë bashkëpunëtorët e tij të kapur në flagrancë me krimin, që nga Elvis Rroshi, Saimir Tahiri, Fatmir Xhafa, Vangjush Dako, Mark Frroku, Agim Kajamaku. Ai kishte të gjithë shtetin nën kontroll, në dispozicion për t’i hetuar, por bëri të kundërtën, i mori në mbrojtje, fshehu urdhërarrestin ndërkombëtar për kriminelët që futi në parlament, duke u dhënë atyre imunitet, pengoi  për 3 vjet hetimin për vjedhjen e zgjedhjeve me dosjet 184 dhe 339.

Kuadri ligjor në Shqipëri për të luftuar krimin e organizuar është i plotë dhe madje shumë i fortë.

Qytetarët presin ngritjen e SPAK dhe BKH për ta zbatuar atë. Qytetarët nuk presin që SPAK-un dhe BKH-në, e ngritur me ndihmën e Shteteve të Bashkuara të Amerikës, ta zëvendësojë Edi Rama, Sandër Lleshaj apo Ardi Veliu.

Nën drejtimin e Edi Ramës, Saimir Tahirit, Fatmir Xhafës dhe Sandër Lleshit, Policia e Shtetit është provuar që mbron dhe nuk lufton krimin e organizuar, është provuar që mbron dhe nuk lufton trafikun e drogës, sepse në krye të KÇK është vetë Kryeministri. Ai është kapur në bashkëpunim me krimin e organizuar për të vjedhur vota, ai është kapur me klientët e tij duke vjedhur tendera dhe e koncesione.

E keqja është në krye të Qeverisë mafioze të Shqipërisë. Shqipëria nuk ka kohë për të humbur me nisma propagandistike, që Rama shpall me bujë sa herë Shqipërisë i mbyllet dera e Europës!

Shqipërisë i duhet një qeveri e dalë nga zgjedhjet e lira e të ndershme, që mbështet dhe nuk pengon drejtësinë dhe që ka vullnet të vërtetë për të luftuar krimin e organizuar dhe korrupsionin! /abcnews.al

Gazment-Bardhi-1280x853.jpeg
ent ela16:51 | 21/11/2019

Partia Demokratike mbështet qëndrimet e mbajtura nga Presidenti i Republikës, Ilir Meta në lidhje me emërimet në Gjykatën Kushtetuese, duke akuzuar kryeministrin Rama se po bën gjithçka për kapjen e kësaj gjykate.

Në një reagim për mediat, sekretari i Përgjithshëm i PD, Gazment Bardhi sqaroi se PD mbështet plotësisht qëndrimin institucional dhe kushtetutes të Presidentit të Republikës për emërimet në Gjykatën Kushtetutese.

“Është provuar qartë dhe pa asnjë mëdyshje se Edi Rama kërkonte të vidhte një anëtar që i takonte ta emëronte Presidenti. Edi Rama shkeli Kushtetutën dhe ligjin, jo vetëm duke emëruar njëkohësisht dy anëtarë në Parlament, por mbi të gjitha, duke mos zbatuar kushtin kushtetues dhe ligjor që për çdo vend vakant duhet të kishte jo më pak se 3 kandidatë të vlefshëm. Lidhur me dërgimin e çështjes në Komisionin e Venecias, Partia Demokratike shpreh bindjen se për Shqipërinë dhe qytetarët e saj është me rëndësi themelore vënia në funksionim sa më parë e Gjykatës Kushtetuese.

Duke patur në konsideratë se Komisioni i Venecias nuk jep vendime por opinione, e vetmja pasojë do të ishte vonesa e bërjes funksionale të Gjykatës Kushtetuese dhe hapja e një debati tjetër mbi lexime të kundërta të çfarëdo opinioni të Komisionit të Venecias nga palët”, sqaron Bardhi.

Lidhur me shkarkimin e gjyqtarit Besnik Muçi nga KPA, Bardhi ka sqaruar se PD nuk ka komentuar dhe nuk do të komentojë asnjë vendim të vetingut për përjashtim nga sistemi i drejtësisë, me të drejtë ose me të padrejtë, por nxiti këdo prokuror dhe gjyqtar ta kërkojë të drejtën e tij në institucionet vendase dhe ndërkombëtare. /abcnews.al

7ca9b35d-9acb-4f6e-8542-d435010ab422-1280x853.jpg
ent ela16:16 | 19/11/2019

Partia Demokratike ka mbështetur kallëzimin penal të Presidentit Ilir Meta për kreun e KED Ardian Dvorani. Në një deklaratë për mediat sekretari i Përgjithshëm i PD, Gazment Bardhi tha se është akti i duhur në mbrojtje të Kushtetutës dhe integritetit të Gjykatës Kushtetuese. Sipas tij, Ardian Dvorani me veprimet e tij në shërbim të partisë në pushtet, ka minuar ligjshmërinë dhe besueshmërinë e Gjykatës Kushtetuese.

Deklaratë e Sekretarit të Përgjithshëm të PD, Gazment Bardhi

Kallëzimi penal i Presidentit të Republikës ndaj Kryetarit të KED është akti i duhur në mbrojtje të Kushtetutës dhe integritetit të Gjykatës Kushtetuese.

Me veprimet e tij në shërbim të partisë në pushtet, Ardian Dvorani ka minuar ligjshmërinë dhe besueshmërinë e Gjykatës Kushtetuese.

Partia Demokratike beson se një hetim i shpejtë, i plotë dhe i pavarur  i shkeljeve të ligjit nga Ardian Dvorani, është një gur themeli për rikthimin e besimit tek drejtësia.

Nga veprimet e prokurorisë do të varet, nëse shqiptarët mund të besojnë akoma se Reforma në Drejtësi nuk u bë që sistemi të kontrollohet nga Edi Rama, por për t’i dhënë fund pandëshkueshmërisë së politikanëve dhe zyrtarëve të korruptuar dhe për të trajtuar shqiptarët si të barabartë para ligjit. /bcnews.al

Bardhi.png
Veronik Istrefaj19:46 | 30/10/2019

Futbollisti me origjinë shqiptare, Enis Bardhi, ka shënuar një supergol sot në La Liga. 24-vjeçari i dha avantazhin skuadrës së Levantes në transfertën ndaj Real Sociedad, duke mposhtur portierin vendas me një parabolë të bukur.

Edhe pse ekzekutimi ishte i shkëlqyer nga mesfushori, aksioni i Levantes ka meritë absolute. Pasi rikuperojnë një top në mesfushë, miqtë bënë një aksion model, me pasime të shkurtra dhe me vetëm një prekje. Në fund, Bardhi del i vetëm përballë portierit dhe me një parabolë “alla-Messi”, ndëshkon gardianin Remiro./abcnews.al

La Liga, java 11

Real Sociedad – Levante  0-1
Bardhi 24′

IMG_1237-1280x853.jpg
ent ela12:40 | 19/09/2019

Pas deklaratës së Damian Gjiknurit se është gati të rishikojë pozicion e tij si bashkëkryetari socialist i komisionit parlamentar për reformën zgjedhore, me kushtin që PD të përfshihet në këtë Reformë, vjen edhe reagimi i selisë blu. Në një deklaratë për mediat sekretari i përgjithshëm i Partisë Demokratike Gazmend Bardhi u shpreh se kjo nuk është ndonjë sakrificë e Gjiknurit, pasi ai sipas tij, duhet të ishte në burg për krim zgjedhor.

“Besoj unë, Damian Gjiknuri dhe gjithë ata që kanë bashkëpunuar me krimin e organizuar për të shkatërruar zgjedhjet dhe për të vjedhur votat, nuk duhet të jetë me zgjedhje për të dhënë apo jo dorëheqjen nga Komisioni, por duhet të ndiqen penalisht dhe të shkojë në burg për kryerjen e krimeve zgjedhore.

Kjo nuk është kërkesë e opozitës, ky është standard evropian, është një nga kushtet e Bashkimit Europian për hapjen e negociatave.

Të gjithë ata, përfshirë Damian Gjiknurin dhe gjithë pjesën tjetër të anëtarëve të Komisionit, që janë pjesë e dosjeve “184” dhe “339” nuk duhet të jenë në komisionin për reformën zgjedhore, por do të duhet të jenë në burg dhe të proceduar penalisht për të gjitha krimet zgjedhore që kanë kryer”. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono