bardhi

MBULIM-BARDHI-PER-KAJMAKUN.mpg_snapshot_00.08-1280x720.jpg
ent ela10:10 | 22/08/2019

Pas kandidatit të Shkodrës, Valdrin Pjetrit, Partia Demokratike ka gjetur prova për një tjetër kandidat me të kaluar kriminale. Sekretari i Përgjithshëm i PD, Gazment Bardhi i kërkoi Prokurorisë së Përgjithshme dhe sektorit të Dekriminalizimit të verifikojnë pastërtinë e figurës për kryebashkiakun socialist të Vorës, Agim Kajmaku. Sipas numrit dy të demokratëve, Kajmaku është subjekt i ligjit të dekriminalizimit dhe duhet ti ndërpritet mandati.

“Ai dyshhet se ka qenë i arrestuar/ndaluar në Greqi dhe, më pas, ndaj tij është marrë masa e dënimit dhe dëbimit nga autoritetet përgjegjëse greke” – thuhet në kërkesën e Sekretarit të Përgjithshëm të PD. Sipas Bardhit, kryebashkiaku socialist i Vorës Agim Kajmaku që në Greqi ka mbajtur identitetin Jorgo Toro nga periudha 2004 – 2016 nuk ka udhëtuar në asnjë rast të vetëm në drejtim të Greqisë, ndërkohë që në formularin e dekriminalizimit ka deklaruar se ka jetuar për 5 vite në këtë shtet./ABC News Albania 24/7

e3036a32-fc6e-4ae8-b284-b70951ee3eba-1280x853.jpg
ent ela14:40 | 13/07/2019

Djegien materialeve zgjedhore në KZAZ. N.r 6 në Vaun e Dejës e risjell në vëmendje Partia Demokratike.

“Çdo qytetar kujton se materialet zgjedhore në KZAZ e bashkisë së Vaut të Dejës u dogjën në rrethana të panjohura, sipas një skenari të parapërgatitur nga Edi Rama dhe banda e tij në zonë dhe për pasojë, KQZ me vendimin me nr. 925 të datës 28 qershor, nxori jashtë përdorimit rreth 40 mijë fletë votimi dhe të gjitha materialet zgjedhore, përfshirë, lista apo vulat”.

Këtu nis edhe skandali i tretë i procesit zgjedhor të 30 qershorit deklaron Sekretari i Përgjithshëm i Partisë Demokratike. Në orën 07:00 të mëngjesit të datës 30 qershor, nga KQZ u raportua se, gjithçka ishte ne rregull, fletët e votimit kishin ardhur, materialet zgjedhore gjithashtu, ishin shpërndarë në të gjitha qendrat e votimit në Bashkinë e Vaut të Dejës dhe proçesi i votimit kishte nisur në të gjitha QV e kësaj Bashkie, me përjashtim të kësaj qendre në Vaun e Dejës.

 “E gjitha është një gënjeshtër. Është mashtrim publik, kriminal i KQZ.  Sipas dokumenteve zyrtare rezulton se Fletët e Votimit në orën 07:58 min të datës 30 Qershor kanë qenë ende në Doganën e Hanit të Hotit. Ky është dokumenti zyrtar, i nxjerrë nga sistemi i zhdoganimit të mallrave në Doganën e Hanit të Hotit ku siç rezulton, në orën 8 të mëngjesit, makina që transportonte fletët e votimit ndodhej ende në Doganën e Hanit të Hotit”.

Partia Demokratike kërkon të provojë me këtë dokument se në 8 të mëngjesit jo vetëm nuk kishte në dispozicion KZAZ fletë votimi, por ato ndodheshin në doganë dhe do të duhej që pas zhdoganimit të ndiqnin procesin normal të transportimit të tyre që kërkonte disa orë.

“Nëse në orën 8 të mëngjesit Fletët e Votimit ishin ende në Doganën e Hanit të Hotit, me çfarë fletësh votimi nisi procesi i votimit në orën 7.00? Sa zgjati procedura e dërgimit të tyre në KQZ, marrjes së tyre në dorëzim nga KQZ, nisjes për në KZAZ e Vaut të Dejës, shpërndarjes në çdo Qendër Votimi?”

Nuk është kjo e vetmja shkelje e ligjit deklaron sekretari i përgjithshëm i Partisë Demokratike.

“Një tjetër shkelje flagrante e ligjit është vetë përbërja e KZAZ. Sipas të dhënave zyrtare anëtare e KZAZ e Bashkisë së Vaut të Dejës, ka qenë edhe znj. Listinë Ndoja, e cila rezulton të jetë e punësuar si arkëtare zyre pranë shoqërisë “MARE ADRIATIK” shpk, që sipas dokumenteve zyrtare të QKB-së ka si ortak të vetëm, kandidatin e PS Mark Babani”.

Kjo bie ndesh me nenin 32 të Kodit Zgjedhor vë në duke Partia Demokratike që për të shtangur konfliktin e interesit, nuk lejon që një anëtar i KZAZ-së të jetë në një marrëdhënie pune me ndonjë prej kandidatëve.

“Por akoma më shumë, zonja Lestinë Ndoji, ka qenë edhe vetë, kandidate për Këshillin Bashkiak të Bashkisë së Vaut të Dejës. Një kandidat për Këshillin Bashkiak, nj i punësuar i kandidatit për Kryetar Bashkie, ka menaxhuar procesin e votimit si anëtar i Komisionit Zonal të Administrimit të Zgjedhjeve, në Bashkinë e Vaut të Dejës”.

Gament Bardhi i kërkon gjyqtarëve që ti nënshtrohen ligjit dhe Kushtetutës duke e shpallur të pavlefshme çdo vendimmarrje në KZAZ nr. 6. Jo vetëm kaq por edhe të ndëshkohen të gjithë personat përgjegjës./ABC News Albania 24/7

SINKRON-BARDHI-PER-GJYQTARET.mpg_snapshot_00.12-1280x720.jpg
ent ela15:10 | 10/07/2019

Ka dy mënyra sipas opozitës që mandatet e dala nga 30 qershori të mos bëhen efektivë. Sekretari i përgjithshëm i Partisë Demokratike Gazment Bardhi i kërkon gjyqtarëve që ti shpallin të pavlevshëm këto mandate ose të pezullojnë gjykimin derisa dekreti të shqyrtohet nga Gjykata Kushtetuese.

Ekziston akoma mundësia që votimet e 30 qershorit të refuzohen edhe “de juro” si të paligjshme. Këtë mund ta bëjnë gjykatat në të gjithë Shqipërinë sipas Partisë Demokratike.

“Të mos japin mandatet, duke vërtetuar pavlefshmërinë e 30 Qershorit.

Të pezullojnë gjykimin, për shkak se çështja nuk mund të zgjidhet para se Gjykata Kushtetuese të vendosë për dekretet e Presidentit të Republikës”.

Sekretari i përgjithshëm i Partisë Demokratike sqaron se sipas ligjeve të vendit, që një Kryebashkiak të marrë detyrën, mandati i tij duhet të vërtetohet nga gjykata, nëse është marrë në përputhje me Kushtetutën, nëse është fituar apo jo në zgjedhje të organizuara në mbështetje të Dekretit të Presidentit. Prandaj thirrja e opozitës i drejtohet gjytarëve.

“Nëse gjyqtarët do të tregojnë integritet, do t’i binden ligjit dhe nuk do t’i nënshtrohen kërcënimeve me veting apo me mjete të tjera mafioze, të përdorura më parë nga Edi Rama, vendimi i tyre është shumë i thjeshtë: të respektojnë kompetencën kushtetuese të Presidentit për të shpallur datën e zgjedhjeve”.

Demokratët thonë se nuk do të lejojnë të merret nga kryeministri Edi Rama edhe hallka e fundit e pushtetit në vend, qeverisja vendore.

“Ne nuk kemi për ta lejuar kurrë që kjo të ndodhë, por mënyra për ta ndaluar me sa më pak kosto për vendin është që gjyqtarët t’i binden ligjit dhe të bëjnë drejtësi përmes ligjit”.

Për opozitën e bashkuar sa kohë Gjykata Kushtetuese nuk është shprehur, Dekretet e Presidentit të Republikës janë në fuqi dhe të detyrueshme për zbatim

Kushdo që pohon të kundërtën- deklaron Gazment Bardhi- nxit anarkinë, vetëgjyqësinë dhe anormalitetin. /ABC News Albania 24/7

BARDHI-SINKRON-ABC-M5-T1.mpg_snapshot_00.18-1280x720.jpg
ent ela14:58 | 15/06/2019

I ktheu një herë pas protestuesit në 8 Qershor.  Sekretari i përgjithshëm  i Partisë Demokratike paralajmëron se kjo nuk do të ndodhë më nëse kryeministri Edi Rama nuk ndryshon qëndrim. E këshillon në emër të opozitës që të largohet pa ardhur protesta e 9 kombëtare që do të zhvillohet të premten.

“Edi Rama ka blerë pushtetin me krimin, ai është kryeministër ilegjitim dhe ai duhet të largohet me sa më pak kosto për vendin”.

Lidhjen e kryeministrit me krimin e kanë faktuar edhe mediat ndërkombëtare nënvizoi Gazment Bardhi duke i ri-sjellë në vëmendje audio përgjimet e publikuara nga gazeta gjermane “Bild”.

“Në përgjimet e gazetës gjermane Bild gjendet arsyeja përse Europa refuzon të pranojë në familjen e vet një vend, ku bandat dhe krimi i organizuar janë zotër të partisë në pushtet, Partisë Socialiste, blejnë vota dhe kërcënojnë kundërshtarët politikë për llogari të kryeministrit Edi Rama”.
Javën e ardhshme Bashkimi Evropian do të vendosë nëse Shqipërisë do t’i hapen apo jo negociatat për anëtarësim. Duke iu referuar së fundi mediave ndërkombëtare Reuters, EU Observer, Euroactiv demokratët lexojnë mesazhin e përbashkët që përcjellin.

“Shqipëria është një problem i madh dhe nuk është aspak premtuese”.

Zgjidhja e vetme për opozitën është një: Largimi i Edi Ramës.

“Është hapi i vetëm që i hap rrugën një zgjidhjeje politike sipas standardeve demokratike perëndimore, krijimit të një qeverie tranzitore për t’i garantuar vendit zgjedhje të lira e të ndershme”.

Në 21 qershor shqiptarët do të bashkohen përsëri për të dhënë mesazhin e tyre e paralajmëron Gazment Bardhi Kryeministrin Rama.

“Asnjë hap pas! Boll më me Shqipërinë që duan Edi Rama, një grusht pushtetarësh të korruptuar në palcë, një grusht kriminelësh dhe oligarkësh grabitqarë! Tani është koha për Shqipërinë e të gjithë shqiptarëve!”/ABC News Albania 24/7

Gazment-Bardhi-1-1280x853.jpeg
ent ela14:49 | 11/06/2019

Krijimi i Aleancës me Qytetarët për Mbrojtjen e Demokracisë dhe Rendit kushtetues do ti japë fund qeverisjes së kryeministrit Rama dhe do të jetë garanti i zgjedhjeve të lira e të ndershme. Kështu ka deklaruar nga selia e Partisë Demokratike sekretari i përgjithshëm Gazment Bardhi.

Deklarata e sekretarit të përgjithshëm të Partisë Demokratike, Gazment Bardhi:

Edi Rama është sot njeriu më i rrezikshëm për stabilitetin e vendit, për funksionimin e shtetit ligjor dhe sigurinë e qytetarëve.

 Ai po provon çdo ditë se për pushtetin e tij personal, të blerë në bashkëpunim me krimin e organizuar, është gati të sakrifikojë gjithçka, rendin kushtetues, demokracinë, paqen sociale.

 Kryeministri ilegjitim i bandës së Avdyljave ka përqendruar çdo pushtet në dorën e tij ose duke i asgjësuar institucionet, ose duke i marrë ato nën kontroll.

 Edi Rama ka asgjesuar Gjykatën Kushtetuese, ka asgjesuar Gjykatën e Lartë, ka asgjesuar Prokurorin e Përgjithshëm, ka marrë nën kontroll organet e reja të drejtësisë, përdor si instrumenta politikë kundër kundërshtarëve politikë Shërbimin Informativ të Shtetit dhe Policinë e Shtetit, përdor si kamikazë kundër zgjedhjeve të lira e të ndershme anëtarët e Komisionit Qendror të Zgjedhjeve.   

Përgjimet tronditëse, të publikuara pak ditë më parë nga gazeta gjermane BILD, provuan se Edi Rama  e mori dhe e mban pushtetin vetëm me ndihmën e krimit të organizuar dhe të bandave.  

 Përgjimet faktuan çdo denoncim të bërë nga Partia Demokratike këto 6 vjet se  për të ardhur në pushtet, Edi Rama bëri marrëveshje me krimin e organizuar dhe e shndërroi Shqipërinë në një narkoshtet në mes të Europës. Pakti i tij me krimin është arsyeja madhore që na ka mbyllur derën e Europës dhe po rrezikon rikthimin e vizave për shqiptarët.

Pakti i Edi Ramës me krimin është pakt për të vjedhur Shqipërinë. Bashkë me një grusht oligarkësh, ai e ka kthyer Shqipërinë në pronë private të tij, ku pasuritë dhe buxheti i Shtetit është në dorën e pak njerëzve që kanë lidhje të ngushta me Kryeministrin e dalë nga vota e blerë nëpërmjet avdyljave në të gjithë Shqipërinë. 

 Është pakti i Edi Ramës me krimin dhe një grusht oligarkësh, arsyeja kryesore që  ka rrënuar ekonominë, ka larguar investitorët e huaj dhe ka mbyllur me mijëra biznese të ndershme shqiptare, duke rritur papunësinë, duke penguar hapjen e vendeve të reja të punës, duke detyruar me qindra mijëra shqiptarë të largohen pa shpresë nga vendi i tyre.  

 Për shkak të paktit të Edi Ramës me krimin, Shqipëria ndodhet sot në një udhëkryq të rrezikshëm, në të cilin demokracia dhe e drejta themelore e qytetarëve për të zgjedhur të lirë qeverisjen që duan, është drejt asgjwsimit të plotë.

 Ne nuk do ta pranojmë kurrë që Edi Rama të destabilizojë Shqipërinë, të instalojë në vend një diktaturë të re të krimit dhe oligarkisë, dy instrumentat e tij kryesorë për t’u pasuruar në mënyrë të paligjshme dhe për të ruajtur më dhunë pushtetin e tij të kriminalizuar.

 Së bashku me elitën e shoqërisë, me qytetarët që duan ndryshimin e këtij sistemi të kalbur nga krimi dhe korrupsioni, së bashku me rininë që e do Shqipërinë si gjithë Europa, ne po krijojmë Aleancën e vlerave, Aleancën me Qytetarët për Mbrojtjen e Demokracisë dhe Rendit kushtetues.

 Së bashku me elitën e shoqërisë, me qytetarët që duan ndryshimin e këtij sistemi të kalbur nga krimi dhe korrupsioni, së bashku me rininë që e do Shqipërinë si gjithë Europa, ne do të mbrojmë parimet. /abcnews.al

partizani-2-1280x718.jpg
Sej rie14:00 | 27/05/2019

Priten ndryshime të rëndësishme tek Partizani, sezonin e ardhshëm. Dy nga lojtarët kryesorë të skuadrës mund të largohen, ndonëse drejtuesit e klubit nuk pohojnë asgjë.

Boshti do të ruhet, por jo i gjithi.

Një klub shqiptar nuk mundet të mos preket nga eksodi, as kur quhet Partizani dhe del në vend të parë.

Pjesëmarrja në Champions nuk mjafton për të bindur këdo, sidomos kur ka oferta nga jashtë vendit, dhe të tilla kanë ardhur për Jurgen Bardhin dhe Lorenc Trashin.

Kapiteni i dytë i skuadrës ka mundësi të transferohet për në Hungari, ndërsa sulmuesi mund të shkojë në Itali apo në ndonjë kampionat tjetër.

Burime në klub pohojnë se Partizani mund të fitojë rreth 500 000 euro nga shitja e kartonit të dy futbollistëve, para që do ta ndihmojnë për të realizuar afrime të rëndësishme, për të përballuar siç duhet Championsin.

Gjithsesi, njerëzit kryesorë të kryeqytetasve, natyrshëm, që janë të rezervuar në deklaratat e tyre.

Ja drejtori sportiv, Olsi Rama: “Mirëpresim çdo interes ndaj lojtarëve tanë. Nuk falim askënd dhe nuk japim askënd që të shkojë diku tjetër nëse nuk është kërkesa e tij që nuk është i lumtur tek Partizani. Deri më tani asnjëri nga djemtë nuk më ka thënë që nuk është i lumtur tek Partizani. Përkundrazi edhe ata që janë në skadencë dhe ata që u skadon kontrata vitin tjetër, të gjithë janë gati të ulen dhe të bisedojnë për rinovime”.

 Drejtori Rama pohon se puna në treg është e përhershme, por trajneri Gega thotë diçka tjetër.

Gega: “Do vijë një moment do ulemi me klubin dhe të shikojmë me kujdes se kush mund të jetë pjesë projektit vitin tjetër. Sot për sot nuk kam asgjë dhe nuk ia kam vënë syrin asnjërit nga jashtë dhe brenda Superligës. Këta që janë do uroja që të ishin me ne deri në fund”.

Partizani do të ketë fitime të rëndësishme këtë verë, të paktën 1 milionë euro nga Europa, titulli dhe të drejtat televizive, ndaj mundësitë për t’u forcuar do të jenë të mëdha./ABC News Albania 24/7

gaz-bardhi-dhuna.jpg
ent ela16:46 | 08/05/2019

Pas përplasjes mes banorëve që protestojnë prej muajsh kundër shembjes së shtëpive të tyre në kuadër të projektit të unazës së madhe, sekretari i përgjithshëm i demokratëve Gazment Bardhi akuzoi qeverinë se po përdor policinë për burgime politike.

Për Partinë Demokratike, kreu i qeverisë Edi Rama me ndihmën e ministrit të tij të brendshëm, po përdor policinë si mjet dhune ndaj qytetarëve që protestojnë ndaj tij, duke mbushur qelitë me të burgosur politik.

“Rasti me flagrant është ai i dhunimit të banorëve të Unazës së Re duke i goditur dhe helmuar me gaz, policë të armatosur që ulin kokën përpara krimit të organizuar trimërohen përpara grave dhe fëmijëve, duke i djegur ato”.

Dëshmia e Astrit Sadikajt për demokratët është vetë-ilustruese. Sot në burg sipas demokratëve, duhet të jenë urdhëruesit e këtyre akteve dhe ata që kanë firmosur për projektin e Unazës së Re. /ABC News Albania 24/7

bardhi-ne-komisariat-1280x720.jpg
ent ela14:27 | 07/05/2019

Banorë të zonës së Astirit dhe ish-deputetë të Partisë Demokratike ndodhen te komisariati nr. 6 ku po mbahen protestuesit e ndaluar dhe ish-deputeti i PD-së Klevis Balliu. Sekretari i përgjithshëm Gazmend Bardhi deklaroi se ndalimi i tyre është bërë me urdhër politik dhe i bëri thirrje ministrit të brendshëm të reflektojë, sepse sipas tij po fabrikohen prova ndaj të shoqëruarve.

Bardhi:Janë duke fabrikuar prova dhe fakte me urdhër politik të Edi Ramës për të mbajtur 4 qytetarë të pafajshëm mes tyre deputetin e opozitës Klevis Balliu të shqoqëruar në polici.

I bëj thirrje Ministrit të Brendshëm; mos guxo të provokosh popullin opozitar, përgjëgjësia do jetë mbi Ministrin e Brendshëm, se nga ky moment ne nuk e njohim institucionin e Drejtorit të Policisë së  Tiranës, një kriminel që paguhet me taksat për të mbrojtur të drejtat e liritë e qytetarëve për të luftuar krimin, ndërkohë që i ka shpallur luftë qytetarëve”. /ABC News Albania 24/7

gazment-bardhi-1-1280x743.jpg
Sej rie16:04 | 25/04/2019

Paralajmërimin për protestën e thirrur nga opozita e bashkuar në 5 akse kryesore në vend e bëri sekretari i përgjithshëm Gazment Bardhi nga foltorja e selisë blu ku akuzoi kryeministrin për bllokim të rrugës së Shqipërisë drejt BE-së.

Bllokimin e rrugëve, të organizuar nga opozita e bashkuar për pasditen e së enjtes në 5 akse kryesore të Shqipërisë, e njoftoi sekretari i përgjithshëm i Partisë Demokratike, Gazment Bardhi, duke hequr një paralele me bllokimin e rrugës së Shqipërisë drejt BE-se, autor të së cilit identifikon kryeministrin Edi Rama.

“Opozita dhe qytetarët do të jenë sërish së bashku në të njëjtën kohë, për të demonstruar se një qeveri e paralizuar nga krimi dhe e krimbur nga korrupsioni i ka bllokuar Shqipërisë rrugën e saj europiane. Së bashku me mijëra qytetarë, ne do të ndalojmë makinat dhe do të kërkojmë që Kryeministri i votave të blera me paratë e bandave dhe krimit të organizuar të mos ketë më mundësi të shkatërrojë jetën e familjeve shqiptare, duke grabitur me babëzi të pakufishme çdo pasuri të këtij vendi”, tha Bardhi.

Për selinë blu, shqiptarët e kanë kuptuar skemën grabitëse të kësaj qeverie ndaj sot me ndalimin e makinave në gjithë Shqipërinë dhe nesër me ndalimin e zgjedhjeve false./abcnews.al

gazment-bardhi-1280x736.jpg
Sej rie13:10 | 25/04/2019

Sekretari i Përgjithshëm i Partisë Demokratike Gazment Bardhi konfirmoi në një intervistë për Abc Neës se ka një tjetër dosje që do ta bëjë publike së shpejti që denoncon një tjetër aferë korruptive të qeverisë që ka të bëjë edhe me shitblerjen e votës.

Një tjetër denoncim po përgatit Partia Demokratike që sipas saj janë përfshirë në aktivitet kriminal anëtarët e qeverisë.

“Konfirmoj që po, kemi informacione të cilat i kemi në përpunim dhe verifikim të mëtejshëm, dhe sapo të jenë të të gatshme për tu ndarë me opinionin publik sigurisht që do të bëjmë denoncimin përkatës”.

Në studion e ABC News përballë gazetares Mirela Milori sekretari i përgjithshëm i Partisë Demokratike paralajmëron se denoncimi i radhës mund të jetë më i rëndësishmi ndër ata që ka bërë deri më tani. Në thelb është shitblerja e votës ku janë përfshirë ministra dhe ish ministra.

“Ministra, ish-ministra. Pra ministra në detyrë dhe ish-ministra e gjithë veprimtaria e kësaj qeverie. Kjo qeveri sillet si bandë. Në çdo veprim që kryen sillet si bandë. Mungesë respekti ndaj ligjit dhe shërbim ndaj grupeve kriminale dhe një grushti të caktuar njerëzish. Edi Rama është njeriu që zgjohet në mëngjes, hap hartën e Shqipërisë dhe vendos se çfarë do të bëjë me Shqipërinë dhe cilën copë do ti japë kujt krimineli apo oligarku”.

Partia Demokratike është ende në procesin verifikues dhe dokumentues të këtyre informacioneve dhe sapo të jetë gati do të bëhet publik njofton Gazment Bardhi sipas të cilit dosjet denoncuese nuk janë të pakta.

“Prokuroria ka dosjet e veta, ashtu siç partnerët ndërkombëtarë dhe shërbimet partnere kanë informacione e tyre. Prokuroria, besoj unë, ka të dokumentuara mal me material që provojnë. Nëse prokuroria do të ishte në krye të detyrës, sot gjysma e qeverisë apo ish-ministrave të kësaj qeverie, do të ishin në burg, përfshirë edhe Edi Ramën”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono