Barcelona

City-Manchester-e1581753400381.jpg
Igli Nikolli13:17 | 22/02/2020

Klubet e mëdha europiane po tentojnë të përfitojnë nga situata e vështira e Manchester City. Barcelona është një prej tyre dhe pëlqen shumë Bernardo Silvën. Mediat angleze raportojnë se klubi katalanas po përgatit një ofertë për mesfushorin ofensiv.

25-vjeçari portugez është kthyer në një nga lojtarët kryesor të skuadrës së Pep Guardiolës. Ai ndihet shumë mirë te “Cityzens”, por konfirmimi i pezullimit nga kompeticionet europiane mund të ndikojnë që të pranojë largimin.

Bernardo Silva është ndër lojtarët e preferuar të Guardiolës dhe akordi me të mund të lehtësonte edhe rikthimin e trajnerit katalanas në pankinën e Barcelonës. /abcnews.al

 

Bernardo Silva
braithwaite.jpg
Klejdi Kaimi11:13 | 22/02/2020

Barcelona zyrtarizoi ditën e djeshme blerjen e sulmuesit të Leganes, Martin Braithwaite. Katalanasit kërkuan nga La Liga të drejtën për të zëvendësuar Dembelen e dëmtuar dhe Federata ia lejoi diçka të tillë. Por, jo të gjithë mendojnë se kjo gjë ndodhi është e drejtë.

Ish-trajneri spanjoll, Javier Clemente, nuk është aspak dakord me vendimin e marrë. 69-vjeçari, me anë të një postimi në Twitter, nuk është përmbajtur aspak. Sipas tij ky transferim i ka shkelur të gjitha rregullat dhe prish garën në Spanjë.

“Kjo gjëja që të firmosësh lojtarë nga i njëjti kampionat është një mënyrë për t’i dobësuar ekipet që kanë të njëjtin objektiv me ty me para. Është një mënyrë diplomatike për të blerë ndeshjet”, është komenti i bërë nga Clemente.

Klubi i Leganes pas shitjes së Braithwaite, bëri të njëjtën kërkesë në Federatë si Barcelona. Spanjollët kërkonin një zëvendësues për sulmuesin, i cili ishte një nga pikat kyçe të ekipit. Kërkesa e tyre nuk u miratua nga Federata dhe kjo ka hapur një debat në Spanjë dhe jo vetëm. /abcnews.al

 

Javier Clemente
Rivaldo.png
Igli Nikolli16:40 | 21/02/2020

Rivaldo është një nga ata persona që flet gjithmonë atë që mendon. Braziliani e njeh mirë Barcelonën, zhvilloi pesë sezone fantastike në “Camp Nou” (1997-2002) dhe ia doli të fitonte “Topin e Artë” në vitin 1999.

Në një prononcim për AS, ish-mesfushori ofensiv jep mendimin e tij në lidhje me mundësinë e rikthimit të Pep Guardiolës në stolin e Barcelonës dhe kritikon klubin për blerjen e sulmuesit Braithwaite nga Leganes.

GUARDIOLA – “Mund të jetë një mundësi e shkëlqyer duke pasur parasysh  atë që po ndodh te Manchester City, por mendoj se gjithçka do të varet nga rezultatet që do të arrijë Quique Setien”.

BARTOMEU – “Sinqerisht shpresoj që e gjitha ajo që ka dalë në shtyp të mos jetë e vërtetë. Nëse presidenti ka paguar dikë për të shpifur për lojtarët, do të ishte diçka shumë e trishtueshme”.

BRAITHWAITE – “Nuk jam dakord me këtë lëvizje. Nuk është kohë merkato dhe ky operacion dëmton Leganes, kub që po lufton për të mos rënë nga kategoria. Barcelona duhet të kishte promovuar një djalë të ri nga moshat në vend të blerjes së danezit”. /abcnews.al

messi-3.jpg
Veronik Istrefaj10:40 | 21/02/2020

Trajneri i Eibar, Jose Mendilibar, është në qendër të vëmendjes së mediave iberike, për shkak të deklaratës së tij më të fundit. Mendilibar foli për Lionel Messin, duke e quajtur këtë të fundit një bastard.

“Nuk mendoj se Messi pushon ndonjëherë. Ai është një bastard, pushon kur është në fushën e lojës. E di kur duhet të vrapojë e kur jo, është një gjeni. Nëse ai do të merrte një ditë pushim, do të lodhej më shumë në tribunë se në fushën e lojës, jam i bindur për këtë gjë”, tha Mendilibar.

Barcelona zbret në fushën e lojës nesër, në takimin kundër Eibar në orën 16:00. Sfida luhet në Camp Nou dhe katalanasit luajnë sërish në mesjavë për Champions League. Megjithatë, trajneri i Eibar është i bindur se Messi do të luajë dhe nuk do të lihet pushim nga Setien./abcnews.al

Braithwaite-1.jpg
Veronik Istrefaj10:19 | 21/02/2020

Sulmuesi më i ri i Barcelonës, Martin Braithwaite, ka bërë ëndrrën e tij realitet dhe është transferuar te katalanasit, si zëvendësues për Ousmane Dembele, që e ka mbyllur sezonin për shkak dëmtimi.

Ky transferim, shkaktoi shumë polemika, pasi Leganesit nuk iu lejua të gjente një zëvendësues për Braithwaite. Megjithatë, gjithçka është lënë pas për këtë transferim dhe dje, sulmuesi danez u prezantua para tifozëve katalanas.

 

Braithwaite me fanellën e Barcelonës

 

Edhe pse i kushtoi katalanasve 18 milion euro, aftësitë e Braithwaite kanë ngritur që tani dyshime, pasi dështimi i tij në bërjen e disa “flick-ups”, janë bërë virale në rrjet. Video më poshtë, është me të vërtetë qesharake./abcnews.al

Manaj-Rakitiv.jpg
Igli Nikolli20:16 | 20/02/2020

Rey Manaj ka gjetur një mik te Barcelona dhe ai është Ivan Rakitic. Mesfushori kroat ka një raport pozitiv me sulmuesin lushnjar dhe diçka të tillë e ka treguar në postimin e bërë në Twitter.

31-vjeçari ka postuar një foto me Manajn, teksa shkruan fjalët Ajde Brate, ndryshe hajde vëlla. Sulmuesi i kombëtares kuqezi po stërvitet këto ditë me ekipin e parë dhe shpreson të grumbullohet për sfidën e kampionatit ndaj Eibar.

Diçka e tillë ndodhi ndaj Getafes, por 22-vjeçari qëndroi gjatë gjithë ndeshjes në stol. Të gjithë tifozët shqiptarë shpresojnë që Manaj të debutojë sa më shpejt për Barcelonën, duke u bërë i pari futbollist kuqezi që aktivizohet me skuadrën e famshme. /abcnews.al

Capello-e1580801457132.png
Igli Nikolli19:56 | 20/02/2020

Napoli e ka marrë veten, Gennaro Gattuso po ia del nga ndeshja në ndeshje të rikthejë në formë një skuadër që kishte harruar të luante futboll, por testi real i forcës së nënkampionëve të Italisë është përballje me Barcelonën.

Sfida e parë për një vend në çerekfinalet e Champions League zhvillohet të martën në “San Paolo” dhe një analizë rreth kësaj ndeshje ka dhënë Fabio Capello për Sky Sport, ish-trajneri i famshëm italian.

Napoli ka gjetur identitetin e humbur, Gattuso po bën një punë të madhe. Trajneri ka vepruar mirë duke lënë në shtëpi ata që nuk janë stërvitur mirë. Nëse nuk stërvitesh në maksimum, nuk mund të luash mirë.

Barcelona ka shumë cilësi dhe mund të mbështetet te lojtarë gjenialë që mund të të vendosin në vështirësi në çdo moment. Gjithsesi, mendoj se Napoli mund të luajë si i barabartë të martën“, thekson Fabio Capello. /abcnews.al

martin-braithwaite-1-1280x801.jpg
Vladimir Prenga16:11 | 20/02/2020

Martin Braithwaite firmosi sot me Barcelonën deri në verën e vitit 2024. Klubi katalanas pagoi 18 milion euro, ndërkohë që klauzola e largimit të sulmuesit danez është 300 milion euro. Ai ka folur për faqen e klubit, duke treguar emocionet e kalimit nga Leganes te Barcelona.

“Jam shumë i entuziazmuar që jam këtu, një ëndërr e bërë realitet. Të gjithë ata që luajnë futboll ëndërrojnë të luajnë me Barcelonën. Jam këtu, me një dëshirë shumë të madhe. Dua të fitoj shumë tituj. Jem në një klub ku ka shumë presion për fitore dhe pritshmëritë janë të larta. Shpresoj të fitoj gjithçka të mundshme”, deklaron Braithwaite, i cili më tej përshkruan veten.

“Unë jam një lojtar teknik. Gjithashtu jam lojtar fizik, i shpejtë, i fortë. Karakteristika ime më e madhe është që unë jam inteligjent. Studioj lojën dhe gjithmonë përpiqem të përmirësoj lojën time me lëvizjet e mia. Jam golashënues dhe shpresoj të realizoj sa më shumë gola”, shton sulmuesi.

Braithwaite do të ketë mundësinë të luajë me Lionel Messi dhe sigurisht që ka folur edhe për të pas firmosjes së kontratës me Barcelonën. “Messi është ndoshta lojtari më i mirë në historinë e futbollit. Të luaj me të është diçka e shkëlqyeshme për mua dhe gjithmonë do të mund të them se kam luajtur me të”, përfundon sulmuesi më i ri i katalanasve. /abcnews.al

Messi-5.jpg
Klejdi Kaimi11:59 | 20/02/2020

Nuk e shohim shpesh në intervista, por ylli i Barcelonës, Leo Messi, ka folur ditën e sotme për “Mundo Deportivo”. Argjentinasi ka folur gjerë e gjatë për çështje të ndryshme, ku ato që spikasin janë ato për Neymar, Lautaro Martinez si dhe për të ardhmen e tij.

RIKTHIMI I NEYMAR TE BARCELONA – “E kam thënë shumë herë dhe prapë po e them: Neymar është një nga lojtarët më të mirë në botë dhe do të më pëlqente që ai të rikthehej një ditë. Mendoj se ai është bërë pishman që është larguar dhe e po e mendon realisht mundësinë për të veshur sërish fanellën e Barcelonës”, shprehet Messi.

 

LAUTARO MARTINEZ – Argjentinasi i Interit është një nga më të lakuarit për një kalim te Barcelona. Në lidhje me të, Messi shprehet: “Ai është spektakolar. Pritej që Martinez të ishte një lojtar i madh dhe tani ai po shpërthen, po i tregon më së mirë aftësitë që zotëron. Është shumë i fortë, sidomos në lojën një kundër një. Shënon shumë gola dhe më ngjan shumë me Luis Suarez”.

 

E ARDHMJA E TIJ – Messi ngacmohet edhe për të ardhmen e tij: “E kam përsëritur disa herë që dëshira ime është të qëndroj këtu. Nëse klubi dhe tifozët më duan këtu, atëherë qëndrimi im këtu kurrë nuk do të jetë një problem. Kam pasur shumë mundësi për t’u larguar, madje disa klube kanë qenë gati të paguanin dhe klauzolën time, por nuk e kam menduar kurrë largimin”.

SHERRI ME ABIDAL – Para pak kohësht pati akuza në distancë me drejtorin sportiv, Eric Abidal: “Nuk e di se çfarë po mendonte ai. Ju kundërpërgjigja se u ndjeva i sulmuar. Janë thënë shumë gjëra për mua, që unë kam më shumë pushtet se trajner apo ku di unë. Janë thjesht fjalë boshe”. /abcnews.al

braithwaite.jpg
Vladimir Prenga11:19 | 20/02/2020

Barcelona ka blerë sulmuesin Martin Braithwaite nga Leganes. Klubi katalanas ka paguar klauzolën prej 18 milion eurosh dhe futbollisti danez do të jetë pjesë e klubit të ri deri më 30 qershor të vitit 2024. Nuk mungon edhe klauzola që e lë të lirë atë dhe kap shifrën e 300 milion eurove.

“Por Martin Braithwaite bën më shumë se sa dërgon topat në rrjetë. Ai është një lojtar që punon shumë, është shumë i dedikuar dhe mund të luajë kudo në sulm. Te Leganes ai ka qenë edhe vija e parë e mbrojtjes, duke shfrytëzuar shpejtësinë e tij për t’u kthyer prapa.

Gjithashtu ai është një lojtar i mrekullueshëm në kombinime. Me pak fjalë ai është një dhimbje koke për çdo mbrojtje që duhet të përballet me të”, shkruan mes të tjerash Barcelona në postimin e zyrtarizimit të sulmuesit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono