Barcelona

De-Jong-Messi.jpg
Igli Nikolli16:28 | 24/01/2020

Frenkie De Jong realizoi ëndrrën e fëmijërisë verën e kaluar. Mesfushori holandez u transferua nga Ajax te Barcelona dhe ndihet shumë i lumtur për këtë fakt. 22-vjeçari ka dhënë një prononcim për katalanasen Sport, aty ku tregon dhe dëshirën e tij të madhe.

Po argëtohem shumë, ëndrra ime që fëmijë ishte të luaja një ditë me Barcelonën. Jam vërtetë i lumtur që ndodhem këtu, nuk pendohem për asnjë sekondë që firmosa me Barcelonën.

Luaj përkrah legjendave dhe ky është klubi më i mirë në botë. Do të më pëlqente të qëndroja këtu për një kohë të gjatë, mbase derisa të bëhem një legjendë e Barçës“, thekson Frenkie De Jong. /abcnews.al

auba-4.jpg
Klejdi Kaimi14:37 | 24/01/2020

Barcelona kërkon me patjetër një sulmues në merkaton e janarit. Pas konfirmimit se Luis Suarez do të mungojë deri në muajin prill, katalanasit menjëherë janë futur në merkato për të gjetur një zëvendësues për uruguaianin.

Emri më i fundit i lidhur me blaugranat është ai i sulmuesit të Chelsea, Oliver Giroud. Francezi ka kohë që e kërkon largimin nga Londra, për shkak të minutave të pakta që trajneri Lampard e ka aktivizuar sulmuesin. 33-vjeçari flitej se do të kalonte tek Interi, por transferimi nuk u realizua.

Në ditët e fundit mediat në Spanjë e konsideronin të mbyllur kalimin e kapitenit të Arsenalit, Pierre-Emerick Aubameyang, në Barcelonë, por mesa duket as ky transferim nuk do të ndodhë. Sulmuesi nga Gaboni do të qëndrojë deri në fundin e këtij sezoni tek “Topçinjtë” dhe në merkaton e verës mund të transferohet tek Barcelona. /abcnews.al

 

Oliver Giroud
Suarez-1.jpg
Klejdi Kaimi13:06 | 24/01/2020

Sulmuesi i Barcelonës, Luis Suarez, është i njohur për veprimet jo të zakonshme në fushën e futbollit. Portali “SportBible” rikujton një episod të sulmuesit pikërisht sot në ditëlindjen e tij, ku ai mbush 33-vjeç.  Në shkurtin e 2018 gjatë një ndeshje mes Barcelonës dhe Granadës, uruguaiani ishte vetëm një karton të verdhë larg pezullimit automatik.

Për të mos humbur sfidën e vështirë me Atletico Madrid, e cila do të zhvillohej pas dy javësh, Suarez vendosi të ndëshkohej me karton të verdhë për të humbur kështu sfidën e radhës dhe për të mos rrezikuar mungesën kundër madrilenëve.

Në minutat e fundit të takimit ai u mundua me të gjitha mënyrat, por gjyqtari Alberola Rojas nuk e ndëshkoi sulmuesin. Luis bëri një ndërhyrje nga pas ndaj një mbrojtësi të Granadës, pretendoi se ishte portier si dhe e kreu një rivënie anësore për 15 sekonda. Suarez nuk ia arriti qëllimit, por në fund buzëqeshi ndaj gjyqtarit të takimit. /abcnews.al

Eriksen-1.jpg
Veronik Istrefaj10:06 | 24/01/2020

Christian Eriksen është ende lojtar i Tottenhamit, por e ardhmja e yllit danez është larg “Spurs”. Lojtari nuk ka pranuar rinovimin me klubin londinez dhe me kontratën e tij që skadon në fund të sezonit, klubet më të mëdha europiane janë vënë pas tij.

Drejtori i Interit, Ausilio, konfirmoi publikisht se kanë bërë një ofertë për shërbimet e fantazistit, ofertë që shkon deri në 10 milionë euro sipas medieve italiane. Megjithatë, Barcelona ka bërë një ofertë më të lartë për mesfushorin.

Raportimet e sotme konfirmojnë se katalanasit kanë ofruar 17 milionë euro për shërbimet e Eriksen, ofertë që po shqyrtohet nga drejtuesit e Tottenham. Eriksen është një lojtar që vlen shumë herë më shumë se kaq, por problemet me klubin e Tottenham, e kanë ulur ndjeshëm vlerën e lojtarit në merkato.

“Gjelat” e Londrës kanë kohë dhe një javë për të vendosur përfundimisht sa i takon së ardhmes së Eriksen, nëse do të pranojnë ndonjë ofertë në janar, ose nëse do e humbasin pa asnjë qindarkë në verë./abcnews.al

suarez.png
Klejdi Kaimi14:26 | 23/01/2020

Barcelona më në fund duket se e ka gjetur zëvendësuesin për të dëmtuarin, Luis Suarez. Bëhet fjalë për sulmuesin e Arsenalit, Pierre-Emerick Aubameyang, i cili ka dhënë dritën jeshile për transferimin në Katalonjë.

Sipas raportimit nga “Mundo Deportivo”, katalanasit kërkojnë ta huazojnë lojtarin nga Gaboni deri në fundin e sezonit. Nga ana tjetër klubi londinez e ka futur në presion Aubameyangun, duke i kërkuar të vendosë për të ardhmen pasi kontrata e tij përfundon sezonin tjetër.

Arsenal nuk është hera e parë që po humbet një lojtar të rëndësishme nga Barcelona. Marc Overmars dhe Emmanuel Petiti ishin të parët. Thierry Henry ndoqi po të njëjtën rrugë disa vite më vonë. Pastaj ishte radha e Cesc Fabregas. Gjithashtu edhe Alex Hleb, Thomas Vermaelen dhe Alex Song kanë braktisur “Topçinjtë” për Barçën. Dhe mesa duket lojtari i radhës do të jetë kapiteni i saj, Aumabmeyang. /abcnews.al

 

Pierre-Emerick Aubameyang
Rakitic.jpg
Vladimir Prenga08:48 | 23/01/2020

Barcelona është e vendosur për të afruar një mesfushor dhe në tratativa po tenton të përfshijë edhe kroatin Ivan Rakitic. Prej ditësh është raportuar se mes katalanasve dhe bardhezinjve kanë nisur bisedimet për transferimin e Federico Bernardeschi.

Në Itali raportojnë se Juventusi për momentin e ka refuzuar propozimin e bërë nga Barcelona. Vecc Rakitic, klubi spanjoll i ka ofruar italianëve edhe 10 milion euro. Gianluca Di Marzio shkruan se bardhezinjtë duan më shumë.

Ata pretendojnë që të përfitojnë 20 milion euro dhe Rakitic të marrë rrugën për në Torino. Distanca për këtë lëvizje është 10 milion euro dhe mbetet të shihet nëse do të gjendet e mesmja e artë për ta mbyllur këtë transferim. /abcnews.al

Barcelona-3.jpg
Igli Nikolli20:55 | 22/01/2020

Barcelona vuajti jo pak për të mposhtur një ekip të divizionit të tretë të futbollit spanjoll në Kupën e Mbretit. UD Ibiza-Eivissa realizoi një nisje fantastike dhe gjeti golin në minutën e nëntë. Pep Caballe festoi gjatë golin që nuk do e harrojë kurrë, njësoj si tifozët e ekipit të vogël.

Trajneri Setien kishte lënë shumicën e titullarëve pushim dhe goli i barazimit erdhi shumë vonë. Antoine Griezmann realizoi të parin personal në minutën e 72-të. Francezi mori një asist të bukur nga De Jong (u aktivizua si qendërmbrojtës) dhe dërgoi topin në rrjetë.

U duk se UD Ibiza ishte pranë arritjes së një barazimi historik, por Griezmann nuk e kishte thënë ende fjalën e fundit. Ishte minuta e 95-të kur sulmuesi i njohur shfrytëzoi një pasim të Jordi Alba dhe mposhti për herë të dytë portierin vendas me një diagonale të saktë. Në këtë ndeshje u fut në fushë në minutën e 73-të për ekipin vendas edhe Kwasi Sibo, ish-lojtari i Skënderbeut. /abcnews.al

UD Ibiza-Eivissa – Barcelona 1-2
(Caballe 9′ / Griezmann 72′, 90+5′)

Inter-e1579113683477.jpg
Igli Nikolli18:45 | 22/01/2020

Antonio Conte po pret Oliver Giroud, por kampioni i botës mund të përfundojë në Spanjë. Mundo Deportivo raporton se Barcelona po tenton të arrijë akordin me Chelsea dhe vetë lojtarin për t’i dhuruar trajnerit Setien zëvendësuesin e Luis Suarez.

Goleadori uruguaian pritet të mungojë rreth katër muaj dhe drejtuesit e kampionëve të Spanjës kanë hedhur sytë nga francezi. Në listë janë edhe emra si Aubameyang dhe Lautaro Martinez, por është më e lehtë mbërritja te Giroud në këto momente.

32-vjeçarit i përfundon kontrata me “Blutë e Londrës” në fund të këtij sezoni dhe nuk po përfiton shumë hapësira nga trajneri Lampard. Giroud nuk dëshiron të humbasë grumbullimin me Francën në Europian dhe është gati të nisë një aventurë të re. /abcnews.al

 

Oliver Giroud
Coutinho.jpg
Vladimir Prenga09:59 | 22/01/2020

Bayern Munchen duket se ka arritur ne një përfundim për të ardhmen e Philip Coutinho. Sulmuesi brazilian, sipas asaj që Bild raporton, nuk i ka bindur drejtuesit e klubit bavarez që të vendosin për të aktivizuar klauzolën që u jep mundësinë ta blejnë nga Barcelona.

Ata nuk janë të kënaqur me rritjen e lojtarit, prej të cilit presin shumë. 100 milion euro janë një sasi e madhe parash dhe Bayern Munchen nuk mendon se është lëvizja e duhur shpenzimi i tyre për transferimin përfundimtar të Coutinho.

Kështu në verë braziliani pritet të kthehet te Barcelona. Me Bayern Munchen, sulmuesi është aktivizuar në 16 ndeshje në kampionat dhe 12 prej tyre i ka nisur nga minuta e parë. Futbollisti 27-vjeçar në Bundesliga ka shënuar 6 gola, kurse në Champions e ka gjetur rrugën e rrjetës vetëm një herë. /abcnews.al

Setien-Quique.jpg
Igli Nikolli18:10 | 21/01/2020

Quique Setien debutoi me fitore në pankinë e Barcelonës. Goli i Leo Messit vendosi ndeshjen ndaj Granadës, ndërsa nesër në mbrëmje është radha e Kupës së Mbretit. Ekipi katalanas do të përballet me UD Ibiza-Eivissa.

Trajneri i Barcelonës pranon se drejtuesit po punojnë për të afruar një goleador. Luis Suarez do të mungojë rreth katër muaj, ndërsa emri që përflitet është ai i Aubameyang të Arsenalit.

Po, është e vërtetë, po shqyrtojmë mundësinë e blerjes së një sulmuesi. Jemi në bisedime, por nuk është një çështje që më shqetëson shumë. Jam më i shqetësuar për ndeshjet e radhës“, thekson trajneri i ekipit katalanas. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono