Barcelona

Barcelona-Messi.png
Vladimir Prenga08:43 | 21/11/2019

Barcelona ka në gjirin e saj një numër të madh lojtarësh, të cilët nuk kanë hapësira dhe lëvizja më  emirë për ta është huazimi, ose shitja. Një prej tyre është edhe mbrojtësi Jean-Clair Todibo. Deri më tani i riu 19-vjeçar ka luajtur vetëm në dy ndeshje në La Liga, njërën prej tyre si titullar kundër Sevilla.

Sipas katalanases “Sport”, Barcelona ka vendosur ta shesë mbrojtësin në janar. Gjithsesi do të përdoret strategjia e zakonshme, ku në kontratën e tij do të vendoset një klauzolë që i jep të drejtën klubit spanjoll për ta riblerë për një shumë të caktuar.

Momentalisht bisedimet kanë nisur me gjermanët e Bayer Leverkusen, por ka interes edhe nga disa klube të tjerë. Në Angli Watford është klubi që po e vëzhgon me kujdes. Për kartonin e Tobido, Barcelona kërkon 10 milionë euro. /abcnews.al

Auba-Laca-Pepe.png
Veronik Istrefaj22:19 | 20/11/2019

Ylli i Arsenalit, Pierre Emerick-Aubameyang, nuk pranon të rinovojë kontratën e tij me “Topçinjtë”, për shkak të situatës kaotike që po kalon klubi londinez. Shumë lojtarë të Arsenalit janë kundër trajnerit Unai Emery dhe flitet se Aubameyang është një prej tyre.

Sulmuesi nga Gaboni u bë dhe kapiten i Arsenalit pas incidentit të Granit Xhakës me tifozët, por kjo gjë nuk i ka ndërruar mendjen sa i takon së ardhmes së tij. Aubameyang nuk po rinovon dhe kontrata e tij skadon në verën e vitit 2021.

Nëse sulmuesi 30-vjeçar nuk rinovon, “Topçinjtë” do të detyrohen ta shesin në verë, në mënyrë që të mos rrezikojnë ta humbasin me parametra zero 12 muaj më vonë. Barcelona është gati të paguajë për Aubameyang, duke parë dhe moshën madhore të Luis Suarez./abcnews.al

Neymar-1-1280x731.jpg
Veronik Istrefaj17:09 | 19/11/2019

Çmenduritë e merkatos së janarit duket se nuk do të përfundojnë dhe lajmi më i bujshëm deri më tani, është padiskutim ai i publikuar nga DiaroSport. PSG është gati të lërë të lirë Neymar të largohet, madje ia ka ofruar Barcelonës.

Kampionët e Francës duan 140 milionë euro dhe kartonin e talentit 17-vjeçar, Ansu Fati. Ky i fundit ka shkëlqyer këtë sezon dhe po merr vëmendje të madhe. Neymar nuk arriti asnjëherë të justifikojë 222 milionë eurot e paguara për të, për shkak të problemeve jashtë fushave.

Nga ana tjetër, Ansu Fati vlerësohet 40 milionë euro, shifër jashtëzakonisht e lartë, duke marrë  parasysh se para gjashtë muajsh, sulmuesi anësor vlerësohej më pak se 1 milionë euro. Mbetet për t’u parë nëse ky transferim do të realizohet me sukses në janar./abcnews.al

mbappe-griezman.jpg
Vladimir Prenga13:54 | 19/11/2019

Kylian Mbappe dhe Antoine Griezmann janë dy prej lojtarëve që kanë marrë vëmendje të madhe gjatë kësaj periudhe. I pari për largimin nga PSG drejt Real Madrid, ndërsa tjetri për ta marrë drejtimin nga Spanjë në Francë, aty ku e pret Barcelona.

Eduardo Inda, në ‘El Chiringuito’ është shprehur i bindur se Griezmann po e mendon largimin nga katalanasit. Ai nuk po përshtatet në ekipin e ri. Mënyra e lojës nuk i shkon për shtat, ndërkohë që te PSG e kanë në shënjestër.

Inda, ndërkohë zbulon edhe një tjetër skenar. Sipas tij, Mbappe ia ka çuar një mesazh Realit të Madridit. Nëna e sulmuesit u ka komunikuar spanjollëve se nuk do të pranojnë asnjë propozim për të rinovuar, për t’i vënë në presion drejtuesit e PSG, që duhet të dorëzohen dhe ta shesin yllin e tyre. /abcnews.al

Barcelona-Messi.png
Vladimir Prenga09:40 | 19/11/2019

Spanjolli është në listën e dëshirave të shumë klubeve. Barcelona, sikurse edhe Reali e Manchester City, mes tyre po e ndjek dhe Napoli sigurisht nuk dëshiron të humbasë një lojtar si Fabian Ruiz.

Presidenti Aurelio De Laurentiis, duke parë zhurmën që po krijohet rreth të ardhmes së mesfushorit, ka menduar të bëjë lëvizjen bllokuese për katalanasit dhe klubet e tjera. Napoli ka nisur bisedimet për rinovimin e kontratës me Fabian Ruiz dhe i është ofruar një marrëveshje e re deri në vitin 2025, një shtesë prej dy vitesh nga kontrata aktuale.

Në të synohet të përfshihet edhe një klauzolë për largimin, që do të kapë shifrën e 180 milionë eurove. Napoli e ka blerë Ruiz verën e vitit 2018 nga Real Betis për shumën e 30 milionë eurove dhe tanimë pas tij janë vënë klubet më të mëdha në Europë.

Sigurisht Napoli nuk do të donte ta humbiste një lojtar si ai dhe me kontratën e re do ta kthente në një dëshirë të parealizueshme për klubet e interesuara. /abcnews.al

 

Rakitic.png
Veronik Istrefaj19:08 | 18/11/2019

Ivan Rakitic është i larguar nga Barcelona dhe katalanasit po presin vetëm merkaton e janarit që të ndahen përfundimisht me mesfushorin kroat. Barça synon të përfitojë 30 milionë euro nga shitja e mesfushorit, por deri më tani, asnjë skuadër nuk i është afruar kësaj shume.

Siç raportojnë mediet britanike, Barcelona ka refuzuar një ofertë prej 13 milionë eurosh për Rakitic. Kjo ofertë është bërë nga një klub anglez, identiteti i të cilit nuk është mësuar ende.

Katalanasit duken të prerë për shumën që duan të përfitojnë dhe nuk kanë ndërmend të pranojnë asgjë më pak se 30 milionë euro. Vetë Rakitiç preferon një kalim në Serie A, aty ku Milani dhe Interi janë skuadrat e interesuara./abcnews.al

Napoli-2.png
Igli Nikolli10:33 | 18/11/2019

Napoli ka disa lojtarë plot kualitet në përbërje. Ekipi po bën mirë në Champions League dhe po vuan në Serie A. Një nga lojtarët më të mirë të ekipit është Fabian Ruiz. Mesfushori spanjoll është rritur shumë nën drejtimin e Carlo Ancelottit.

Në qershor debutoi me kombëtaren iberike dhe deri tani ka zhvilluar 5 ndeshje. Shumë klube europianë janë gati për të shpenzuar për kartonin e tij, teksa Napoli po tenton ta “blindojë”. Kontrata me nënkampionët e Italisë përfundon në vitin 2023, por presidenti De Laurentis është gati t’i ofrojë rinovimin.

Ndryshe mendon Fabian Ruiz, i cili nuk është gati për të zgjatur bashkëpunimin. El Mundo Deportivo raporton se pas tij qëndron Barcelona. Eric Abidal, drejtori sportiv i kampionëve të Spanjës, e ka ndjekur nga afër dhe po përgatit një ofertë për Napolin. Lojtari tundohet nga ideja e transferimit te Barcelona dhe ka bllokuar rinovimin me ekipin italian. /abcnews.al

Fabian Ruiz
De-Ligt-1.png
Igli Nikolli09:32 | 18/11/2019

Juventus dhe Barcelona rivalizuan mes tyre në merkaton e verës për shërbimet e Matthijs De Ligt dhe në fund festuan bardhezinjtë. 19-vjeçari i talentuar holandez zgjodhi kampionët e Italisë dhe vendosi të vijonte karrierën në Serie A.

Eric Abidal, i cili mban postin e drejtorit sportiv të klubit katalanas, i është rikthyer edhe njëherë kësaj çështje në një prononcim për katalanasen Sport. Francezi zbulon shkakun që ish-kapiteni i Ajaksit vendosi të mos transferohej te Barcelona.

De Ligt është një qendërmbrojtës i nivelit të lartë, por nuk dëshironte të vinte te Barcelona. E dini pse? Kërkonte garanci për të luajtur gjithmonë, por te ne askush nuk e ka vendin e sigurt. Aktivizimi si titullar nuk garantohet kurrë. Trajneri mund të të bindë me disa premtime të caktuara, por sidoqoftë rrezikon të mos luash. Në fund zgjodhi të shkonte te Juventusi“, thekson Eric Abidal. /abcnews.al

Inter2-1280x740.png
Vladimir Prenga14:49 | 17/11/2019

Kontrata është garancia e Interit, por një ofertë e “majme” do t’i bënte zikaltrit të mendoheshin. Milan Skriniar është në listën e dëshirave të dy klubeve spanjolle, Real dhe Barcelona. Corriere dello Sport shkruan se në janar ose në verë pritet të ketë oferta për sllovakun,  i cili vjet pranoi propozimin e zikaltërve dhe rinovoi.

Interi qëllimisht nuk përfshiu në kontratë një klauzolë për largimin e tij, duke mos rrezikuar. Paraqitjet e Skriniar kanë qenë mjaft të mirë dhe ai është një nga pikat më të forta të skuadrës italiane. Deri më tani janë refuzuar oferta deri në 60 milionë euro.

Me Barcelonën dhe Realin e Madridit të interesuar, frika për një largim të Skriniar është prezente. Kjo pasi bëhet fjalë për klube që mund të ofrojnë shifra të rëndëishme, që mund t’i tundojnë zikaltrit. /abcnews.al

Barcelona.png
Veronik Istrefaj23:37 | 15/11/2019

Barcelona është gati të bëjë çmendurinë e radhës. Ekipi katalanas interesohet për shërbimet e mesfushorit brazilian, Reiner dhe është gati të paguajë plot 40 milionë euro për firmën e tij. Reiner aktivizohet me skuadrën e Flamengos dhe është vetëm 17-vjeç.

Reiner vetëm këtë sezon ka luajtur në elitën e futbollit brazilian, pasi deri në verë, aktivizohej për ekipin e moshave. Ndeshje si profesionist ka vetëm 12, kështu që 40 milionë eurot e Barcelonës, duken një bast i guximshëm.

Reiner ka mesatare të mira me statistika në këto 12 takime që ka luajtur. 17 vjeçari gjuan 1.3 herë për ndeshje portën e kundërshtarit, jep 0.9 pasime kyçe dhe driblon me sukses 0.6 herë për ndeshje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono