Barcelona

valverde.jpg
Vladimir Prenga12:58 | 22/09/2019

Situata te Barcelona është e nderë, sidomos pas humbjes së fundit të pësuar në transfertë me skuadrën e Granada. Trajneri Ernesto Valverde ka marrë përgjegjësitë mbi humbjen, por kjo nuk e bën atë më popullor përballë lojtarëve.

ESPN raporton se tekniku spanjoll e ka humbur besimin e disa prej lojtarëve të skuadrës. Fillimi i këtij sezoni nuk ka qenë aspak i mirë, teksa në pesë ndeshje Barcelona ka grumbulluar vetëm 7 pikë, ndërkohë që ka barazuar në Champions League kundër Borusia Dortmund.

Transferta janë kthyer në një “makth” dhe Valverde e pranoi në konferencën për shtyp pas ndeshjes me Granada. Nëse Barcelona nuk e shkarkoi trajnerin në verë, kjo ndodhi për shkak se ai kishte kontrollin e ekipit në dhomat e zhveshjes. Tani gjërat po ndryshojnë.

Gjithsesi, ESPN shkruan se presidenti Josep Bartomeu është i qetë dhe nuk nxitohet të marrë një vendim për trajnerin. Kjo për momentin, pasi nëse rezultatet nuk do të kthehen në favor të katalanasve, atëherë me shumë mundësi Valverde do pasohet nga një tjetër trajner.

Nuk duhet harruar se Barcelona po luan pa Suarez e Dembele të dëmtuar, kurse Mesi së fundmi ka lënë dëmtimin dhe ende nuk është gati të luajë si titullar. Normalisht mungesat kanë ndikuar edhe te rezultatet. / abcnews.al

Xavi.jpg
Igli Nikolli12:14 | 22/09/2019

Barcelona nuk e ka nisur mirë sezonin e ri. Vetëm 7 pikë në pesë javët e parë në kampionat dhe një barazim me fat në Champions League përballë Dortmundit kanë vënë në pikëpyetje stolin e Ernesto Valverdes.

Një prej emrave që përfliten për zëvendësimin e tij të mundshëm është Xavi. Ish-mesfushori u kthye në një legjendë si futbollist i kampionëve të Spanjës dhe diçka të tillë e ëndërron edhe si trajneri i ekipit të tij të zemrës.

“Ëndërroj të rikthehem te Barcelona, por e di që do të jetë e vështirë. Më pëlqen që më shohin si trajner të ardhshëm. Ishte e vështirë të largohesha dhe është po kaq e vështirë për t’u rikthyer. Do të më pëlqente të stërvisja Messin. Leon, Busquets, Suarez, Pique dhe Jordi Alban i njoh shumë mirë”, theksoi Xavi për “Ara”. 39-vjeçari po drejton për momentin klubin Al Sadd nga Katari dhe ëndërron të rikthehet sa më shpejt të jetë e mundur në Katalunjë. /abcnews.al

Valverde.jpg
Igli Nikolli11:26 | 22/09/2019

Barcelona ka dhuruar një tjetër paraqitje të shëmtuar në kampionat. Kampionët e Spanjës u mposhtën 2-0 në transfertë përballë Granadës dhe pas javës së pestë renditën në vendin e shtatë me po kaq pikë.

Ernesto Valverde ka marrë përsipër përgjegjësitë e kësaj disfate. Ekipi po has vështirësi në ndeshjet larg Camp Nout dhe kjo ishte transferta e katërt pa fitore. Trajneri e pranon një problem të tillë që po i shqetëson të gjithë.

Nuk po arrijmë rezultate pozitive jashtë fushës tonë dhe kjo gjë më shqetëson. Është ndeshja e katërt në transfertë që nuk fitojmë dhe kjo është një shenjë që nuk ndodhemi në gjendje të mirë. Nuk po luajmë mirë, po dominojmë, por nuk po arrijmë të shënojmë.

Ndryshe ndodh me kundërshtarët, të cilët po na ndëshkojnë lehtësisht. Tentoj të marr përgjegjësitë e mia për atë që po ndodh. Lojtarët janë aktorët pozitivë apo negativë, por trajneri është përgjegjësi kryesor dhe un ndihem i tillë.”

Granada e meritoi fitoren. Ata ishin intensivë, na shqetësuan shumë dhe na goditën në momentin e duhur. Penalltia e Vidal? Ishte një veprim i izoluar. Një situatë e çuditshme dhe diçka e tillë na ndodhi edhe kundër Osasunës“, theksoi trajneri i Barcelonës. /abcnews.al

Granada.jpg
Veronik Istrefaj23:12 | 21/09/2019

Rezultatet surprizë sot në La Liga nuk kanë munguar. Pas barazimit të Atletico në shtëpi 0-0 kundër Celta Vigo, ka qenë radha e Barcelonës për të befasuar. Katalanasit janë mposhtur pastër 2-0 në transfertë përballë Granada. Azeez dhe Vadillo shënuan për vendasit.

Që në minutën e dytë të takimit, Junior Firpo bën dy gabime radhazi dhe i dhuron golin sulmuesit Azeez, që me portën e boshatisur, nuk e ka të vështirë të shënojë. Barcelona u mundua të reagojë, por pjesa e parë u mbyll 1-0 në favor të Granada.

Valverde ndërhyri në pjesën e dytë dhe aktivizoi Ansu Fati, Vidal dhe Lionel Mesi, por sërish mungoi goli. Për më tepër, ishte Vidal ai që shkaktoi penallti në minutën e 65-të, pas një topi të prekur me dorë. Vadillo tregohet i saktë nga pika e bardhë dhe vendos rezultatin final në 2-0.

Granada – Barcelona  2-0
Azeez 2’, Vadillo (p) 66’

Arsenal-Totenham.jpg
Igli Nikolli15:17 | 21/09/2019

Arsenal-Totenham është një nga derbet më të zjarrta të Anglisë. Përveç rivalitetit në fushat e blerta, dy klubet e Londrës veriore janë vënë në garë mes tyre edhe për merkaton e janarit.

Dy janë emrat e përbashkët që pëlqehen nga trajnerët Unai Emeri dhe Mauricio Pochettino: Ivan Rakitic dhe Samuel Umtiti. The Sun raporton se drejtuesit e klubeve janë gati për të paraqitur ofertat e tyre për dyshen e Barcelonës.

Në fillim duhet bindur klubi katalanas dhe më pas duhet gjetur akordi me mesfushorin kroat dhe mbrojtësin francez. Të dy lojtarët mund të vendosin për një aventurë të re për shkak të hapësirave të pakta dhe Premier League do të ishte një opsion perfekt për ta. /abcnews.al

Real-Madrid.jpg
Veronik Istrefaj16:17 | 20/09/2019

Legjenda spanjolle e Barcelonës, Xavi Hernandez, është pyetur sot në lidhje me situatën kaotike që po kalon Reali i Madridit. Ish-mesfushori i Barcelonës tha se nuk duhen thënë fjalë të nxituara dhe se Reali i Madridit është gjithmonë pretedent për të fituar çdo trofe të mundshëm.

“Është e vërtetë që nuk po kalojnë një moment të mirë, por ishte një gjë që pritej. Skuadra ka filluar të bëhet nga e para dhe kjo gjë nuk është aspak e lehtë. Megjithatë, Reali i Madridit ka 1000 jetë. Ata nuk dorëzohen asnjëherë, pavarësisht situatës ku ndodhen. Jam i sigurt që edhe këtë sezon do të luftojnë për çdo trofe të mundshëm”, tha mes të tjerash Xavi./abcnews.al

Xavi perballe Real Madrid

 

De-Ligt-zgjidhja.jpg
Igli Nikolli16:15 | 20/09/2019

Barcelona garoi gjatë verës për shërbimet e Matthijs De Ligt, por mbrojtësi holandez zgjodhi në fund Juventusin. Sezoni fantastik i zhvilluar me Ajaksin, mosha e re, talenti dhe mbi të gjitha personaliteti i 19-vjeçarit e kthyen në të dëshiruar nga shumë klube evropiane, por në fund gëzuan bardhezinjtë.

Juventusi pagoi 86 milionë euro në total (75 milionë Ajaksit dhe 11 milionë menaxherit Raiola), ndërsa De Ligt firmosi një kontratë 5-vjeçare me një rrogë prej rreth 12 milionë eurosh në sezon.

Oscar Grau mban postin e drejtorit ekzekutiv të Barcelonës dhe në një deklaratë të tij ka zbuluar faktin se pse De Ligt zgjodhi Juven përpara ekipit katalanas.

“I bëmë ofertën tonë, por ai zgjodhi Juventusin për shkak të taksave italiane, që i lejojnë të ketë një rrogë neto më të lartë. E gjitha ishte një zgjedhje ekonomike”, thekson zyrtari i kampionëve të Spanjës. /abcnews.al

ansu-fati-1.jpg
Vladimir Prenga14:24 | 20/09/2019

Ansu Fati është një prej të rinjve që ka tërhequr vëmendjen e sportdashësve katalanas. Sulmuesi, i cili në fund të muajit tetor mbush 17 vjeç, po spikat me Barcelonën. I riu ka arritur të shënojë dy gola në tre ndeshje, ndërkohë që së fundmi ka vendosur edhe për cilën kombëtare do të luajë.

Fati ka refuzuar Guinea Bisau dhe Portugalinë, me mesazhin e qartë që zgjedhja e tij është Spanja. Së fundmi ai është pajisur me pasaportë spanjollë. Federata Spanjolle e Futbollit kishte përshpejtuar procedurat dhe kështu “rrëmben” një talent që mund t’i japë shumë kombëtares në të ardhmen.

Sulmuesi pritet t’i bashkohet Spanjës U17 dhe të marrë pjesë në kampionatin botëror të 17-vjeçarëve, që zhvillohet në Brazil gjatë muajit tetor. Ai do të humbë katër ndeshje me Barcelonën, tre në kampionat dhe një në Champions League kundër Slavia Prague. /abcnews.al

griezmann-1.jpg
Vladimir Prenga08:39 | 20/09/2019

Transferimi i Antoine Griezmann te Barcelona u shoqërua me polemika të shumta dhe me kërcënime nga klubi i Atletico Madrid. Këta të fundit pretendonin se katalanasit kishin biseduar me lojtarin e tyre në momentin kyç të sezonit dhe kishin ndikuar në rendimentin e francezit.

Ditën e sotme, El Mundo Deportivo, raporton se ka prova që Barcelona ka biseduar me Griezmann që në muajin mars. Diçka e tillë ka ndodhur përmes postës elektronike dhe për transferimin e tij janë paguar 14 milionë euro komisione, të përfituara nga babai i tij Allan,  motra e tij Maud, avokati dhe një ndërmjetës nga Barcelona, që ka përfituar gjysmën e shumës.

Këto komisione kanë pasur një ndikim të madh në vendimin e francezit për të nënshkruar me Barcelonën. Marrëveshja u mbyll mes palëve, edhe pse Griezmann kishte një kontratë me Atleticon. Ai priti vetëm që klauzola të shkonte nga 200 milionë euro në 120 milionë.

Në artikullin e gazetës spanjolle thuhet se marrëveshja për komisionet u mbyll pikërisht kur Atletico luajti ndeshjet e rëndësishme kundër Juventusit (Champions League) dhe Barcelonës (La Liga). Griezmann pati probleme edhe me menaxherin e tij. Ky i fundit ka nxjerrë edhe emailet dhe Atletico kërkon dënimin e Barcelonës për shkelje të rregullave të transferimeve. /abcnews.al

Barcelona-1280x720.jpg
Veronik Istrefaj18:55 | 19/09/2019

Barcelona dhe Real Madrid e kanë humbur shkëlqimin në Europë dhe dy presidentët e gjigantëve spanjollë, kanë filluar të shohin alternativa për trajnerë të rinj. Pas lajmeve që Zidane mund të zëvendësohet me Mourinho, mediat iberike janë fokusuar te situata në kampin katalanas, aty ku Valverde nuk po bind prej muajsh.

Kreu i pankinës së Barcelonës është kritikuar shpeshherë për stilin e lojës së tij dhe rezultatet e marra, si dhe ai eliminim me përmbysje sezonin e shkuar në Champions League nga Liverpuli, nuk është harruar ende.

Në Spanjë janë të bindur që Valverde nuk do t’i festojë Krishtlindjet si trajner i Barcelonës, pasi presidenti Bartomeu e ka gjetur pasuesin e tij. Bëhet fjalë për gjermanin Thomas Tuchel, numri një i PSG-së. Tuchel ka bërë një punë shumë të mirë në krye te PSG dhe Bartomeu e sheh si njeriun e duhur për të drejtuar Barcelonën. Negociatat mes palëve pritet të nisin në fundin e muajit nëntor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono