Barcelona

Setien-Barcelona.jpg
Igli Nikolli17:18 | 18/01/2020

Quique Setien do të debutojë nesër në stolin e Barcelonës. Katalanasit presin në shtëpi Granadën në “Camp Nou” dhe Setien dëshiron ta nisë me fitore. Trajneri ka folur qartë në konferencën për shtyp. Loja e bukur dhe ekuilibri i ekipit janë dy objektiva të tij, teksa nuk do të tolerojë asnjë lojtar që del jashtë pozicionit dhe detyrave taktike.

Kjo javë ka shkuar mbarë, më mirë seç e mendoja. Ka paqartësi se si do të përgjigjet ekipi kur shkon te një skuadër e re. Kemi punuar mirë, jam shumë i lumtur. Objektivi ynë është gjithmonë fitorja, por duam të luajmë bukur për t’u kthyer në shtëpi të lumtur. Do të tentoj gjithmonë që Barcelona të luajë bukur.

Rregulli është shumë i rëndësishëm për mua. Jo vetëm Vidal, por edhe lojtarë të tjerë kanë tendencën për të humbur pozicionin e tyre në fushë. Kjo gjë sjell rrëmujë dhe ne kemi nevojë për ekuilibër. Vidal ka mundësi për të luajtur njësoj si gjithë lojtarët e tjerë. Pres maksimumin nga të gjithë“, përfundon trajneri i Barcelonës. /abcnews.al

turan-2.jpg
Klejdi Kaimi11:46 | 18/01/2020

Sulmuesi turk, Arda Turan, po kërkon një klub të ri. Lojtari që është ende në kontratë me Barcelonën deri në 30 qershor të këtij viti, ka kërkuar një kalim tek Boca Juniors.

Sipas mediave në Argjentinë, ai i është vetëofruar Bocas pasi largimit nga Istanbul Basakshir në fillim të janarit. Turan kishte firmos një marrëveshje dy-vjeçare huazimi në janarin e vitit 2018, por u largua në konsensus me drejtuesit e klubit turk.

32-vjeçari mund të rikthehet tek Barcelona nësë ai nuk gjen ekip përpara se merkato të mbyllet. Flitet se ai mund të ribashkohet me gjigandët turk, Galatasaray. Arda Turan ka qenë pjesë e turqve përpara aventurës tek Atletico Madrid, ku shkëlqeu për disa sezone radhazi. /abcnews.al

Sarri.png
Klejdi Kaimi09:13 | 18/01/2020

Kampionët e Italisë, Juventusi, po mendon të afrojë në Torino mesfushorin e Barcelonës, Ivan Rakitic. Sipas Gianluca Di Marzio, bardhezinjtë po projektojnë një shkëmbim mes mesfushorit kroat dhe Federico Bernardeschit.

Plani i ‘Zonjës së Vjetër’ është të dërgojë italianin në ‘Camp Nou’ në shkëmbim të Rakitic, për t’i dhënë më shumë eksperiencë mesfushës juventine. Ky shkëmbim u diskutua shumë në merkaton e verës, por nuk u realizua.

Situata e Rakitic nuk është më e mira që ai po kalon. Ylli i kombëtares kroate nuk luan më si titullar tek katalanasit, që nga ardhja e Frenkie de Jong në Katalonjë. E njëjta situatë është dhe për sulmuesin anësor të Juventusit, i cili ka kohë që e ka humbur vendin e titullarit. Trajneri i Juves, Maurizio Sarri, ishte kundër shkëmbimit 6 muaj më parë, por tashmë ka ndryshuar krejtësisht mendim. /abcnews.al

Setien-Barcelona-1.jpg
Igli Nikolli21:24 | 17/01/2020

Quique Setien nuk e beson ende se është bërë trajneri i Barcelonës. 61-vjeçari ka dhënë një prononcim interesant për Barça TV, aty ku thekson se dita e prezantimit ka qenë një ndër më të bukurat e jetës. Trajneri i ekipit katalanas tregon edhe filozofinë e tij të futbollit dhe nisur nga fjalët e tij, tifozët e Barcelonës do të zbaviten shumë me futbollin e Setien.

Ka ndodhur gjithçka kaq shpejt dhe e kam akoma të vështirë për të pranuar atë që ndodhi. Kur u zgjova nga gjumi e kuptova realisht që isha bërë trajneri i Barcelonës. Dita e prezantimit ishte e mrekullueshme, një nga më të bukurat e jetës time.

Më kanë ardhur 600 mesazhe në telefon, do më duhet t’i lexoj të gjitha. Jam një tip emocional. Nëse do më duhej të zgjidhja midis arsyes dhe zemrës, do të zgjidhja të dytën. Kur luaja vetë futboll, preferoja më shumë të kisha topin në qarkullim sesa të vrapoja pas tij.

Mendoj se 99% e futbollistëve e mendojnë kështu. Më pëlqen që skuadra ime të luajë gjithmonë bukur, është e vetmja mënyrë për t’u kthyer në shtëpi i lumtur. Nëse fitojmë një ndeshje 1-0 pa e merituar, më bëhet qejfi për tifozët por jo për veten time. Mos të harrojmë se ke më shumë mundësi për të fituar nëse luan bukur“, përfundon Setien. /abcnews.al

Iniesta-Xav-i.jpg
Igli Nikolli19:57 | 17/01/2020

Andres Iniesta dhe Xavi janë një ndër dyshet më të forta të historisë. Dy mesfushorët zhvilluan një futboll spektakolar te Barcelona dhe ishin një ndër shkaqet kryesorë të fitimit të shumë trofeve nga klubi katalanas.

Barcelona tentoi t’i besonte pankinën Xavit, por ish-kapiteni që drejton aktualisht Al Sadd në Katar, nuk ishte gati për këtë hap. Rreth së ardhmes dhe mundësisë për t’u ulur në pankinën e ekipit të tyre të zemrës bashkë me Xavin, ka folur edhe Iniesta, i cili vijon të luajë me japonezët e Vissel Kobe.

Unë me Xavin në pankinën e Barcelonës? Nuk tingëllon aspak keq, por nuk është momenti për diçka të tillë. Jam shprehur se do të dëshiroja të shihja Xavin në stolin e Barçës, por duhet kuptuar edhe çfarë dëshiron ai”, përfundon 35-vjeçari prononcimin për Radio Marca.

Në të ardhmen, ndoshta, mund të bëhem trajner. Për momentin po zbavitem duke luajtur ende futboll. Besoj se çdokush dëshiron të kthehet një ditë tek ish-klubi i tij. Nuk e di se në çfarë roli, kjo varet nga aftësitë, por të gjithë do të donin të ktheheshin në klubin ku kanë kaluar pjesën më të madhe të jetës së tyre“, përfundon 35-vjeçari prononcimin për Radio Marca. /abcnews.al

Boca.jpg
Igli Nikolli19:17 | 16/01/2020

Boca Juniors mbetet një nga klubet më prestigjioze të botës dhe shumë lojtarë ëndërrojnë të luajnë një ditë në mitikun “Bombonera”. Transferimi i Daniele De Rossit verën e kaluar në ekipin e famshëm latin mund të mos jetë i vetmi.

Një tjetër mesfushor, kësaj radhe ofensiv dhe jo defensiv, ëndërron të luajë për “Xenezies”. TycSports raporton se Arda Turan dëshiron të lërë pas krahëve vështirësitë e hasura në sezonet e fundit dhe shpreson të “rilindë” në Buenos Aires.

32-vjeçari turk është rikthyer te Barcelona pas huazimit te Basaksehir, por nuk bën pjesë në planet e trajnerit Setien. Për të interesohet edhe Galatasaray, por Arda dëshiron Boca Juniors. /abcnews.al

 

Arda Turan dhe Leo Messi
Pochettino-Mauricio.png
Igli Nikolli18:59 | 16/01/2020

Mauricio Pochettino po shijon pushimet pas shkarkimit nga Tottenham në muajin nëntor. Trajneri argjentinas është ndalur te ndryshimet e pësuara në pankinën e Barcelonës.

Në një prononcim për Sky Sports, 47-vjeçari vlerëson punën e Valverdes dhe nuk pret shumë ndryshime nga trajneri i ri. Ai mendon se ky është një shans fantastik për Setien dhe një sfidë e madhe njëkohësisht.

Barcelona është një nga skuadrat më të mëdha në botë. Të gjithë janë të sigurt që trajneri i ri do të vijojë me të njëjtën filozofi të Valverdes, i cili kreu një punë të madhe tek ekipi katalanas. Mos të harrojmë që e la Barcelonën në krye të kampionatit. Kjo është një sfidë e madhe dhe një shans i artë për Quique Setien“, thekson Mauricio Pochettino. /abcnews.al

Ronaldinho.jpg
Igli Nikolli17:56 | 16/01/2020

Ronaldinho është një nga lojtarët më të mirë të historisë së futbollit. Për shumëkënd është më i miri absolut në aspektin teknik, një gjeni me topin. Braziliani transmetonte emocione të veçanta dhe do të kishte zhvilluar një karrierë edhe më brilante nëse do të ishte pak më shumë profesionist.

39-vjeçari ka prekur disa tema gjatë një prononcimi për revistën Panenka, aty ku flet për Barcelonën, trajnerin më të mirë që ka pasur në karrierë dhe Leo Messin. Në fund Milani, aty ku u transferua nga Barcelona në korrik të vitit 2008. Dinho flet shkurt, rreshton disa emra të frikshëm dhe e krahason ekipin e famshëm italian me një përzgjedhje të lojtarëve më të mirë në botë.

BARCELONA – “Jo, nuk e kam ndryshuar unë historinë e Barcelonës, ishin një grup lojtarësh që po kalonin një moment të artë. Ishte gjithçka shumë e bukur, nga dita e parë në të fundit. Ishte gjithçka speciale. Kur erdha te Barcelona kishin ardhur mijëra tifozë në stadium për të më pritur”.

 

Dinho, Messi, Rijkaard dhe Henry, gjatë një seance stërvitore

 

RIJKAARD – “Është një trajner i madh, më i miri me të cilin kam punuar. Ai kishte njohuri për gjithçka, jo më kot kishte luajtur në nivele të larta. Komunikonte me mua në mënyrë të thjeshtë dhe të të drejtpërdrejtë. Më jepte shumë liri në fushë, pavarësisht aspektit taktik”.

MESSI – “E mbaj mend se kur erdha te Barcelona diskutohej për një djalosh që shquhej nga të tjerët. Më pas filluam të luanim së bashku dhe u bëmë miq të mirë. Është bukur të shijosh hapat e parë të dikujt që do të pushtojë botën. Kemi mësuar shumë gjëra së bashku, ai më mësoi spanjishten, unë i mësova gjuhën portugeze. Leo është një person i qetë, nuk përfshihet kurrë në probleme. E sheh gjithmonë me familjen dhe njerëzit e afërt. Ai nuk ka nevojë për asgjë, ka gjithçka”.

MILAN – “Ishim një skuadër e jashtëzakonshme. Kishim Kaka, Pirlo, Beckham, Seedorf, Ibrahimovic, Thiago Silva, Gattuso dhe Maldini. Dukej sikur kuqezinjtë ishin një përzgjedhje e më të mirëve në botë”. /abcnews.al

 

Ibra, Pato, Seedorf dhe Ronaldinho
Xavi.jpg
Klejdi Kaimi13:02 | 16/01/2020

Legjenda e Barcelonës, Xavi, ishte në qendër të vëmendjes nga mediat spanjolle. Spanjolli ishte kandidati kryesor për stolin katalanas, por e ka refuzuar ofertën. Më pas bordi vendosi ish-trajnerin e Real Betis, Quique Setien, në një marrëveshje për 2 vite e gjysmë.

”Po, e mora ofertën nga Barcelona në prani të Eric Abidal dhe Oscar Grau, por unë nuk e pranova. Është shumë shpejt për mua të drejtoj Barcelonën, por ëndrra ime do të vazhdojë të jetë që një ditë të jem unë trajneri i saj,” tregon Xavi për gazetarët.

”I tregova familjes sime fillimisht dhe më pas dhe lojtarëve të Al Sadd sepse edhe ato e kanë ndjekur situatën time. Tashmë jam tërësisht i fokusuar tek Al Sadd dhe do të jap maksimumin tim për këtë ekip’,’ mbyll ish-mesfushori katalanas. /abcnews.al

Setien-Barcelona.jpg
Veronik Istrefaj09:12 | 16/01/2020

Trajneri i ri i Barcelonës, Quique Setien, ka nisur menjëherë punën në krye të katalanasve dhe sot ka drejtuar seancën e tij të parë stërvitore. Pas stërvitjes, mediet spanjolle raportojnë se strategu 61 vjeçar është ulur për të biseduar me drejtuesit e klubit sa i takon merkatos.

Arturo Vidal është njeriu kryefjalë në Camp Nou, me kilianin që dukej i larguar. Megjithatë, Setien i ka kërkuar klubit ta mbajnë mesfushorin dhe të refuzojnë çdo ofertë për të. Nga ky vendim i trajnerit, e ka “pësuar” Interi, pasi zikaltërit ishin shumë pranë firmës me mesfushorin.

Gjithashtu, Setien ka sqaruar edhe problemet në sulm, pas dëmtimit afatgjatë të Luis Suarez. Mendohej se Barcelona do të ndërhynte në merkato, por Setien ka plane tjera. Trajneri i ri i katalanasve, ka vendosur të provojë Griezmann në qendër të sulmit, si dhe do të rikthejë në formacion Dembelen, i cili është rikuperuar nga dëmtimet e fillim sezonit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono