barazon

tirasnaaaaa-f81889cab8017f1dbd19bd3e5b920c55564f86cc-850x450.jpg
ad min22:45 | 18/05/2019

Finalja e mbijetesës mes Tiranës dhe Kastriotit përfundoi me rrjeta të paprekura. Bardheblutë ruajnë distancën me dy pikë nga krutanët.

Finalja e mbijetesës Tirana Kastrioti përfundoi me rrjeta të paprekura.  Sfida e zhvilluar në Selman Stermasi pa praninë  e tifozëve ishte tepër e luftuar nga të dyja ekipet por që nuk ia dolën të realizonin.  Barazimi i bën më tepër pune Tiranës që ruan diferencën me dy pikë me skuadrës së Kastriotit.

Kastripti rrezikon në minutën e 13 me Henrin i cili godet fort por Lika mban portën e paprekur. Reagon Tirana me imamin por topi ndalet në traverse.

Nq minutën e 27 miqtë pretendojnë për një 11 metërsh  pas rrëzimit të Taulant Markut por gjyqtari maqedonas vijon lojën. Tirana e nis mirë fraksionin e  dyte të lojës pasi i afrohet golit me Hasanin. Ngo pason saktë për shkodranin por topi ndalet në vijën fatale nga Husein i cili i mohon golin e sigurtë skuadrës së Tiranës. Loja zhvendoset në zonën e Tiranës ku fillimisht Kerciku e më pas Lika shpëtojnë Tiranën.  Të dyja ekipet e tentojnë golin me të gjitha mënyrat ndërkohe që në të 69 minutë Ngo edhe pse gjendet i pamarkuar në zonë nuk ia del të dërgojq topin në rrjetë.

Kastrioti kalon në avantazh në minutën e ‘75 por gjyqtari anulon për pozicion të parregullt. Takimi përfundon në barazim 0-0 dhe gjithçka do të vendoset në dy javët e mbetura.

Pas ndeshjes trajneri i Tiranës Ardian Mema nuk e fshehu zhgënjimin për paraqitjen e lojtarëve ndërkohe që deklaroi se në futbollin shqiptar ka aleanca./ABC News 24/7

Teuta-basketball.jpg
nev ila13:04 | 16/05/2019

Teuta barazon finalen për titull në basketboll për meshkuj. Në duelin krejtësisht durrsak, skuadra me histori të gjatë mundi Goga Basketin.

 

As këtë herë nuk mundi të mësohej kampioni.

Në Pallatin e Sportit “Ramazan Njala” në Durrës, do të duhet të luhet edhe ndeshja e fundit finale për titull në basketboll për meshkuj, pasi Teuta barazoi rezultatin në 2-2 ndaj Goga Basketit.

Dy ekipet durrsake luajtën për herë të katërt, dhe rezultati këtë radhë doli 81-71 për ekipin më të vjetër, pra për Teutën.

Ata që mund të quheshin vendas ishin në avantazh gjatë gjithë kohës, duke krijuar epërsi sidomos në pjesën e parë, me rezultatin në pushim të ndeshjes 48-35.

Skuadra e trajnerit Kalaja reagoi siç duhet përballë presionit të dështimit përfundimtar, ndërsa pati një gërshetim të mirë të lojtarëve shqiptarë dhe të huaj.

Lasku shënoi 19 pikë, Hameti e Uillson nga 16, ndërsa Hysenagolli shtoi 14 pikë. Goga Basket, e drejtuar nga trajneri Lazimi, u përpoq të reagonte në pjesën e dytë, por nuk ia doli.

Skuadra, e krijuar vitet e fundit, pati në radhët e saj shumë të huaj, të cilët ishin edhe lojtarët më të mirë. Gjokoviç shënoi 24 pikë, Mos e Rame nga 13, Alen 12 dhe Miliç pati 9 pikë.

Titulli kampion në basketboll për meshkuj do të vendoset në 19 maj, por e sigurt është që do të mbetet në Durrës./ABC News Albania 24/7

tirana-dhe-laci.jpg
ent ela21:08 | 30/03/2019

Përfundoi në barazim 1-1 dueli mes Tiranës dhe Laçit në takimin e vlefshëm për javën e 26 të kategorisë Superiore. Bardheblutë shënuan të parët por Laçi barazoi në minutën e fundit shtese.

Përfundoi në barazim 1-1 ndeshja ndaj Tiranës dhe Laçit e vlefshme për javën e 26 Kategorisë Superiore. Një ndeshje ku nuk mungoi asgjë duke filluar nga golat, kartoni i kuq apo polemikat e ashpra. Tirana merr një pikë që nuk e ndihmon shume në garën për mbijetesë ndërkohë që Laçi shmangu humbjen vetëm në sekondat e fundit të lojës.

Pjesa e parë e lojës nuk dhuroi shumë raste shënimi. Dëmtimet e Ngo dhe Turtullit nuk e zbehen aspak motivimin e bardhebluve që realizuan në fundin e pjesës së parë. Sentamu i ardhur nga stoli zhbllokon rezultatin duke kaluar në avantazh vendasit. Pjesa e dytë e lojës nis me një episode. Gjyqtari akordon 11 metërsh për Tiranën pasi Sefgjini ndërhyn m faull ndaj Halilit. Hasani merr përsipër ekzekutimin por Selmani kupton krahun.

Në minutën e 65, Halili realizon për Tiranën por gjyqtari e anulon golin për një prekje të topit me dorë madje i tregon kartonin e verdhë. Gjyqtari akordon 6 minuta shtesë që ndryshon afatet e takimit. Në minutën e 94, Najdenov ndërhyn me faull ndaj Hasanit dhe ndëshkohet me karton të kuq. Moment tensioni tek lojtarët. Në minutën e ‘99, Xhixha vendos baraspeshen duke mposhtur portierin Abibi. Tirana shpërdoron shumë dhe në fund ngushëllohet me një pikë. Në takimin tjetër, Teuta fitoi minimalisht 1-0 ndaj Kastriotit./abcnews.al

KUKESI-1280x642.jpg
ad min17:00 | 26/01/2019

Kukësi nuk mori dot më shumë se një barazim në ndeshjen ndaj Laçit, duke mbetur edhe më prapa Partizanit në renditjen e Superligës. Për fat të keq, u kthyen skenat e dhunës nga tifozët

Futboll do të thotë ajo që japin lojtarët në fushë, veçse për ndeshjen në stadiumin e Kamzës ia vlen ta nisim me atë që ndodhi në tribuna.

Tifozë të Kukësit goditën me sende të forta gjyqtarin anësor, Denis Rexha, duket të pakënaqur me arbitrimin e tij në sfidën ndaj Laçit.

Për fat, Rexha nuk pati pasoja, dhe loja nisi pas disa minutash ndërprerje, veçse veprimi I rëndë nuk mund të harrohet kaq lehtë.

Tifozët kuksianë, dhe këtu e kemi fjalën, për shumicën dërrmuese, u mërzitën edhe më shumë pasi fitorja nuk u arrit dhe skuadra e tyre mbeti 5 pikë prapa Partizanit, që kryeson Superligën.

Pavarësisht se ishte favorit, dhe ndonëse në formacion ishin dy blerjet e reja, mesfushori Rrocaj e sulmuesi Shkurtaj, skuadra e trajnerit Cungu nuk mundi të shënonte asnjë gol, dhe gjithçka u mbyll 0-0.

Natyrisht, kuksianët patën epërsi ndaj kurbinasve, duke krijuar rastet më të shumta për të shënuar, diçka që pritej.

Për fat të keq, nuk patën saktësi për të realizuar, ndërsa përballë tyre, portieri I Laçit, Selmani, ishte në një ditë shumë të mirë.

Kukësi, padyshim, ka edhe një problem shtesë në krahasim me ekipet e tjerë të Superligës, pasi nuk luan dot në stadiumin e tij, madje as nuk stërvitet përpara tifozëve në Kukës.

Kjo mund të rezultojë fatale në luftën për titull me Partizanin, madje në një kampionat me kaq shumë rivalitet, çdo dështim mund të rrezikojë edhe kualifikimin për në Ligën e Europës, që është objektivi minimal I presidentit Gjici.

Pasi luajtën ndeshjet e javës së 19-të, Kukësi ka 35 pikë ndaj 40 të Partizanit, që kryeson edhe më bindshëm Superligën.

22’ Kukësi kërkon penallti

31’ Laçi

41’ Kukësi

47’ Kukësi

62’ Goditet anësori Denis Rexha

66’ Kukësi


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono