banorët

pallati-3.jpg
in a11:28 | 25/12/2019

Banorët e pallatit 136 në qytetin e Laçit kërkojnë ndihmë nga bashkia për strehimin e tyre. Bashkia i ka urdhëruar të largohen prej aty për shkak të rrezikut të shembjes, por për strehimin e tyre nuk është menduar.

Pallati është cilësuar i pabanueshëm pas verifikimit të dëmeve nga tërmeti i 26 nëntorit.

“Na kanë dhënë urdhër për të dalë jashtë, nuk kemi ku të qëndrojmë. Na kanë thënë merrni shtëpi me qera”, tregon një banor.

Një njoftim i Bashkisë Kurbin në hyrje të pallatit jep vetëm këtë urdhër, por banorëve nuk u është dhënë asnjë zgjidhje për strehim.

“Të dërgojnë një eskpertizë, mos ta lënë si ngjarja  e Thumanës”, shprehet një banore.

Sipas të dhënave nga pushteti vendor në Kurbin, rreth 460 familje në këtë bashki kanë mbetur të pastrehë pas tërmetit. 7 pallate të dëmtuar janë shembur nga IKMT, ndërsa pritet një vendim për 20 pallate të tjera./abcnews.al

banori-lac.jpg
ger ta19:30 | 23/12/2019

Tërmeti i 26 nëntorit nxori të pabanueshëm disa pallate dhe banesa, duke lënë të pastrehë dhjetra familje në Laç.

Pjesa më e madhe e banorëve që jetonin në këto pallate që tashmë janë shembur janë strehuar në hotelet që ndodhen në Shëngjin, por ka dhe banorë të cilët shprehen se nuk u është ofruar as një çadër

“Kam ikur 4-5 herë te bashkia, letrat i kam të gjitha dhe tani fle në makinë. Unë jam vetë i pesti”, shprehet banori.

Në Bashkinë e Kurbinit për shkak të dëmeve të konsiderueshme, përveç pallateve dhe banesave, i pabanueshëm u shpal edhe spitali I Laçit I cili pritet të shembet dhe të ndërtohet një spital i ri./abcnews.al

bn.jpg
in a19:16 | 22/12/2019

Tërmeti i 26 nëntorit ka lënë pasoja edhe në zona të tjera të vendit. Janë disa familje në Urën Vajgurore të Beratit që pretendojnë se banesat e tyre janë dëmtuar nga tërmeti i fundit. Familja Totaj nga Ura Vajgurore, jeton në kushte të vështira ekonomike në një banesë modeste, e cila sipas të zotit të shtëpisë u rrënua edhe më shumë nga tërmeti i 26 nëntorit.

Kryefamiljari Reshat Totaj tregon pamjet e banesës së tij, ku duket e qartë çarja e rënia e mureve, por edhe e tavanit. Ai thotë se vlerësimet e autoriteteve e kanë nxjerrë të pabanueshme shtëpinë e tyre. Familja 4 antarëshe po jeton në këtë çadër në oborrin e shtëpisë.

Ky mjet i përkohshëm strehimi i është ofruar nga bashkia, bashkë me ndihma ushqimore. Por me stinën e dimrit përpara, familja e tij e ka të vështirë të ketë si banesë këtë çadër.

“Na kanë sjellë një çadër, por ajo mban ujë. Nuk di çfarë të them”, shprehet Reshat Totaj.

Banesa e familjes Totaj është një nga 5 banesat e vlerësuara si të pabanueshme në këtë zonë të Urës Vajgurore. Puna për verifikimin e banesave të tjera të dëmtuara nga tërmeti po vijon, por me ritme tejet të ngadalta nga Bashkia./abcnews.al

banoret-thumane-dokumente.jpg
ger ta14:11 | 19/12/2019

Dokumentat e shtëpive të banorëve të prekur nga tërmeti kanë mbetur nën rrënoja. Dhe si të mos mjaftonin shtëpitë e dëmtuara dhe imazhet e rënda në memorie, banorët po përballen me telashe të reja prej burokacive të institucioneve. Ata duhet të mbledhin vetë dokumentat e shtëpive.

Jani Duka është një i mbijetuar që banonte tek pallati ku pati 17 viktima në Thumanë dhe tregon se është sorollatur nga kadastra vetëm për një vërtetim hipotekor që e kërkon Agjencia e Ofrimit të Shërbimeve Publike duke humbur kohë dhe para.

Është paradoksale që atij i janë kërkuar dhe dokumentat e personat që ai ka blerë apartamentin. Fatkeqësisht ish pronari i banesës mbeti i vdekur nën rrënojat e tërmetit.

Unë shkova pardje në Kadastër, kërkova dokumentet e mia dhe nuk dilte emri në asnjë vend. I gjen të noteri. Më ra rasti dhe shkova prap i kërkova, i gjeta. Shkova dhe i çova këto dokumemte në Kadastër dje, tani kërkonin origjinën”, shprehet Jani Duka

Shpresa e vetme e Zotit Duka është që ADISA ta zgjidhë vetë këtë çështje. Ai mblodhi dokumenta të panevojshme dhe si përfundim vërtetimin e banesës nga hipoteka nuk e ka marrë dot.

Edhe Arjan Ndoka është përballur me problem të ngjashme. Atij i kanë kërkuar me dhjetra dokumetat që në fakt nuk i takojnë t’I mbledhë vetë për sa kohë institucionet janë të lidhura dhe online me njëra-tjetrën.

“Këto kërkojnë që unë ta hap një akt dëshmie për pronën e babit. Ajo pronë është blerë në 2003, ndërsa mua më sorollasin, duan trungun familjar”, shprehet ai.

Duka dhe Ndoka që janë strehuar në hotelet e Shëngjinit apelojnë që shteti të gjejë mekanizma lehtësuese se ata dhe qindra të prekur të tjerë nga tërmeti nuk kanë as para, pasi prej distancës nuk shkojnë dot as në punë.

Këta nuk janë banorët e vetëm që s’disponojnë dokumentat e banesave të tyre të cilat u shëmbën nga tërmeti i 26 nëntorit. E për sa kohë ata nuk do të mund t’i mbledhin dot mund të rrezikojnë ndërtimin  e shtëpive të reja./abcnews.al

 

droge-vlore.jpg
ger ta14:39 | 18/12/2019

Mbeturinat dhe shiringat e shpërndara në tokë tregojnë qartë se në këtë vend qëndrojnë herë pas here persona që konsumojnë lënë të forta narkotike.

Nga pamjet duket se kjo godinë e braktisur që ndodhet në lagjen “4 Heronjtë” në Vlorë është kthyer në strehën e përdoruesve të drogës.

Banorët që jetojnë pranë kësaj godinë tregojë dhe raste ekstreme. Në këtë godinë para disa kohësh janë gjetur të vdekur dy përdorues droge.

“Në këtë kanë dalë dy të vdekur, ambulanca ka ardhur këtu i ka marrë”, shprehet një banore.

Ata janë shumë të shqëtësuar pasi kanë frikë për fëmijët e tyre. Shumë pranë kësaj godine ndodhet dhe shkolla e të vegjëlve të tyre.

“Kmei frikë, ata kur pijnë drogë mund të vrasin edhe njerëz. Çfarë nuk bëhet aty, se unë janë plakë dhe nuk mund të flas dot. Shteti të vijë ose ta prishë ose ta ndreqë”, shprehet banorja.

Kjo godinë është braktisur nga disa familje 6 vite më parë. Ajo është amortizuar e duket si një vendgrumbullimi mbeturinash. Vitet e fundit ajo po shfrytëzohet dhe nga përdoruesit e drogës./abcnews.al

shengjin-banoret.jpg
nev ila16:31 | 15/12/2019

Ndihmat ndahen në mënyrë selektive. Shqetësimi vjen nga banorë të Thumanës të cilët pas tërmetit janë akomoduar në hotelet e Shëngjinit.  Qytetarët shprehen se u mungojnë veshjet. Ndërsa të sëmurët kronike ankohen se nuk  u shpërndahen ilacet.

Ilaçe për të sëmurët kronikë, veshje, pelena e ushqim për më të vegjlit janë disa prej nevojave  që shfaqin shumë prej banorëve të Thumanës të cilët pas tërmetit të 26 nëntorit po qëndrojnë në hotelet në Shëngjin.

Banorët ankohen për selektivitet në shpërndarjen e ndihmave.

Në qendrën shëndetësore të vendosur pranë Resortit ku janë strehur shume prej personave të mbetur pa strehë  nga tërmeti mjekët thonë se kryhen të gjitha vizitat ambulatore ndërsa ilaçet për urgjencat nuk mungojnë.

Bluzat e bardha hezitojnë të flasin sa i përket shpërndarjes së barnave tek të sëmurët kronikë. Rreth pretendimeve të qytetarëve mungon reagimi dhe nga njësia e kujdesit shëndetësor në Lezhë./abcnews.al

novosele.jpg
ger ta11:04 | 15/12/2019

Veç veriut po boshatiset dhe jugu i vendit. Emigracioni ka prekur dhe Novoselën e Vlorës. 12 fshatra të njësisë administrative  po shkretohen. Rreth 15% e popullsisë është larguar vitet e fundit dhe e keqja nuk përfundon këtu. Të larguarit janë profesionistë në sektorë të ndryshëm.

“10-15 % e banorëve të larguar. Më tepër ikin specialistët, muratorët, elekstriçistët, hidraulikët, në drejtim të Gjermanisë shumica”, shprehet Kanan Shakaj, kreu i njësisë administrative Novoselë.

Me ikjen e profesionistëve në fshatrat e Novoselës po vërehet dhe një rënie ekonomike.

“Ka një gjë të keqe, këta që ikin janë të tërë që kanë përfituar tokë nga ligji 7501 dhe e lënë djerrë”, thekson Shakaj.

Kjo plagë sociale ka ndikuar dhe në arsim. Dy shkolla 9-vjeçare në njësinë administrative Novoselë janë mbyllur, kurse në atë të mesme nga 400 nxënës që numëroheshin në 2018 këtë vit kanë mbetur vetëm 107./abcnews.al

 

banoret-2.jpg
ger ta16:17 | 12/12/2019

Banorët e fshatit Çidhën që jetojnë në zonën veriperëndimore të Peshkopisë kanë protestuar pasi së shpejti do të mbeten pa një pikë ujë. Është e trishtë kur sheh pamjet se si lumi Seta po thahet dhe nga devijimi i ujit të tij janë shembur pjesë të kanionit.

Për pasojë një rezervuar peshqish është dëmtuar totalisht. Në shtratin e këtij lumi prej disa vitesh ka nisur ndërtimi i 4 HEC-eve. Heci i fundit që përfundoi ndërtimin pak kohë më parë ka thelluar problemet.

Kanioni i Setës si pjesë e Parkut natyror kombëtar të Lurës klasifikohet në shkallën e parë të mbrojtjes, po kështu dhe shpella e burimi i Saponikës. “Ky është një krim i pastër ekologjik, mjedisor, por është edhe manipulim dhe korrupsion i thellë i monumenteve të natyrës”, thotë një banor. Drejtoresha e Agjencisë Kombëtare të Zonave të Mbrojtura, Adriana Peti nga ana tjetër këmbëngul që zona e mbrojtur nuk preket nga HEC-i dhe shmang argumentat e banorëve.

“Këto difroçentrale nuk i prekin monumentet e natyrës. Monumentet siç ua kemi dhënë edhe zotërinjve janë në skedat ekologjike”, shprehet ajo. Në këtë zonë ka shkuar dhe eksperti i mjedisit Sazan Guri. Ai tregon se harta satelitore është manipuluar dhe se është nxjerrë qëllimisht nga kufiri i zonës së mbrojtur shpella dhe burimin i Saponikës.

Guri ka vendos që këtë çështje ta ndjekë në gjykatat ndërkombëtare. “Po të them ty kryeministër, kryetar i Kuvendit kushdo qoftë. Janë 5 mijë banorë që jetojnë, që kanë lidhur jetën , me këtë ujë të pijshëm” , shprehet Sazan Guri. Banorët që rrezikojnë të mos kenë më asnjë pikë ujë nga devijimi që I është bërë burimeve të lumit nga sipërmarrësit e Hecit kanë vendosur ta pengojën këtë investim me të gjitha mënyrat./abcnews.al

 

lac-kisha.jpg
ger ta18:35 | 10/12/2019

Dy javë pas tërmetit të 26 nëntorit, ende nuk ka një zgjidhje për banorët e lagjes nr. 4 në Laç.

Janë me dhjetëra banorë, të cilët prej 14 ditësh vijojnë të strehohen në kishën e qytetit, pasi banesat e tyre janë të pabanueshme. Gazetari Juxhin Mustafaraj ndodhej në çadrën e improvizuar, ndërsa banorët shprehen se askush nuk ka ardhur të interesohet.

Nuk kam ku të shkoj deri sa të ketë një zgjidhje. Kam 2 invalidë brenda. Fëmijët kanë filluar shkollën dje këtu. Lagjia 4 pothuajse është e pabanueshme. Bashkia nuk ka ka kontaktuar, askush përvece kisha, na ka dhënë për të ngrëmë”, thotë një banore.

Ndërsa të njëjtin shqetësim ndan edhe një tjetër qytetare, e cila mes të tjerash kërkon rrugëzgjidhje.

Unë ushqime nuk kam marrë fare. Nga kisha dua ti falenderj shumë, edhe vullnatarët e kanë dhënë maksimumin e vet. Por duhet të na japin një rrugëzgjidhje, nuk kam ku të shkoj. Kam jetuar 22 vite jashtë shtetit, por si këtu nuk kam parë”, tha ajo./abcnews.al

banrja-durres.jpg
ger ta18:13 | 10/12/2019

Dy javë mbas tërmetit, banorët e Durrësit janë ende në kaos. Atyre që shtëpitë ju janë klasifikuar të pa banueshme, nuk dinë se kur pallatet do t’u rindërtohen, ndërsa mes banorëve, ka nga ata që thonë se ende nuk ju ka trokitur në derë ndonjë grup ekspertimi.

Këtë të martë u bënë dy javë nga tërmeti që shkundi Shqipërinë duke shënuar 51 viktima.

Në Durrës, banorët janë ende në kaos. Pallati i kësaj zonje është shpallur i pabanueshëm, por ajo nuk e di se kur do të rindërtohet dhe kur do ta marrë ajo shtëpinë e saj të re.

“Shtet masakara, hajdut se vetëm po vjedhin, i pashë te ndihmat ç’po bënin. Dua të jetoj në shtëpinë time, gënjejnë…unë nusen e djalit e kam shtatzënë, do lindë, dua të mblidhem në shtëpinë time”, thotë ajo.

Pas 15 ditësh, ka nga ata banorë që pohojnë se ende nuk ju ka trokitur rnë derë asnjë grup ekpertimi.

“Janë dy javë, nuk më ka ardhur asnjë njeri të më shohë se çfarë problemesh kam unë në banesë. Fjeta 5 ditë në makinë, tani kam hyrë në shtëpi, por jam e pasigurt. Dua një njeri të shtetit, të ma certifikojë dhe unë të hyj dhe të flej rehat aty. Nuk ka ardhur asnjë njeri”.

Automjetet që transportojnë mobiljet që i kanë shpëtuar shkatërrimit, janë prezente në rrugët e qytetit bregdetar./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono