banorët

roskovec.jpg
in a15:24 | 28/01/2020

Banorët e Roskovecit, ndërtesat e të cilëve duhet të shemben nga projekti për rehabilitim e qendrës së qytetit kundërshtojnë vendimin e bashkisë.

Edhe pse pronarët e një godine janë në proces gjyqësor me bashkinë, ata kanë marrë njoftimin për prishjen e saj.

“Ku do të fle, jam veti i gjashtë, kërkoj zgjidhje të menjëhershme. Dje më kanë thirrur në Bashki më kanë thënë prona i takon bashkisë, me ç’të drejtë. Kur të mbarojë procesi gjyqësor le të vijë aty”, shprehet një banore.

Avokati i banorëve tha se njoftimi për të ndërhyrë forcat e IKMT për të prishur këto objekte është shtyrë.

“Nëse bën një njoftim publik, qytetari quhet i njoftuar pas dhjetë ditëve. Edhe sikur ta marrim të mirëqenë shkresën që për mua është e kundraligjshme, duhen dhjetë ditë që të vijnë dhe ta prishin”, thotë avokati i banorëve.

Nënkryetari Bashkisë Roskovec, Maks Goga u shpreh se plani rregullues për rehabilitimin e qendrës do të vazhdojë sipas projektit.

“Mbështetur në planin rregullues të qendrës së qytetit të Roskovecit të zonës numër dy kanë vazhduar të gjitha procedurat ligjore për problemet e prishjes dhe të shpronësimit. Për problemin në fjalë me vendimin e Këshillit të Ministrave të datës 31 tetor 2019 është shpronësuar i gjithë objekti, kati i parë dhe i dytë. Kati i tretë ka qenë jashtë kushteve ligjore”, u shpreh Maks Goga.

Në bazë të kërkesave ligjore, qytetarëve iu është lënë 5 ditë afat për të liruar godinën./abcnews.al

termeti-sukth-banesat.jpg
nev ila19:59 | 24/01/2020

Mos verikimi i pallatit të tyre, i cili pas 26 nëntorit u shpall i pabanuar nxori në protestë banorët e Sukthit.

Të mbetur pa shtëpi prej dy muajsh banorët ankohen se askush nuk është kujtuar për ta.

“Gjendja këtu është e keqe. Pallati ka marrë goditje dy herë, në shtator dhe nëntor. Këta të bashkisë na gënjyen, nuk erdhën. Një çrregullim të tillë në jetën time nuk e kam parë, u bëra 75 vjeç”.

Të tjerë denoncojnë mos marrjen e bonusit të qirasë.

“Nuk kemi marrë as shpërblim, as gjë prej gjëje. Të vijnë të na shikojnë shtëpitë, na kanë lënë në qiell të hapur. Shteti vetë na çoi në hotel, pastaj po vetë na nxori, na tha shkoni gjeni shtëpi. Kemi mbetur nëpër njerëz, se nuk na ka dalë bonusi”.

Në mbështetje të banorëve ishte  edhe Kryetari i Partisë Demokratike, Ferdinand Xhaferraj, i cili akuzoi qeverinë dhe Bashkinë e Durrësit se i ka lënë qytetarët rrugëve.

“Jemi në fund të janarit, janë 92 godina që qeveria ende nuk ka përcaktuar se çfarë do bëhet. Janë 400 ekspertë teknikë, paratë janë, 150 milionë të koncesioneve, PD e ka dhënë zgjidhjen se çfarë duhet bërë”.

Vetëm në Bashkinë e Durrësit ka arritur në katër mijë numri i kërkesave për bonuse qiraje, por kur po mbushen dy muaj nga tërmeti i 26 nëntorit vetëm 900 aplikantë kanë arritur të sigurojnë fondin e bonusit të qirasë./abcnews.al

qiraja.jpg
ger ta13:37 | 17/01/2020

Për shumë familje të Thumanës hoteli është e vetmja strehë, pasi mundësia për të gjetur një shtëpi me qira është e vështirë.

Janë me dhjetëra të tilla, të cilat mbetën pa shtëpi pas tërmetit shkatarimtar të 26 nëntorit.  Ata janë të vetdijshëm që koha për të qëndruar në hotel reduktohet dita ditës, pasi edhe kontrata që ka nënshkruar bashkia nuk është pa limit. Problemi sipas tyre janë qiratë e shtëpive  të cilat janë rritur shumë pas tërmetit.

“Nuk gjendet shtëpia se s’ka apo janë të shtrenjta? Çmimet janë shumë të shtrenja. Një hyrje e vogël mund të shkojë edhe 220 mijë lëke, ky thotë do t’iu jap 120 mijë. Atëherë ku të shkojmë. Askërkush nuk ka dëshirë më ndenj këtu. Kam gjithë jetën time aty, kam jetu 50 vjet. Kam pas dy hyrje. I kam pas rregullu të gjithë”, shprehet një banor.

“Jo koha është e mjaftueshme, nga nuk kam shtitur, çmimet në stratosferë, edhe ato shtëpia që kanë më i lëshu me qira, i ka zënë termeti, për ashtu shtëpie kam timen une që më kanë nxjerrë jashtë”.

Ky zotëri tregon se doli nga shtëpia vetëm me rrobat e trupi dhe mundësia për të gjetur një shtëpi për familjen e tij është e vështirë.

“Nese une do të shkoj ti këkroj minibashkisë një bonus ajo thotë nuk e di. Pse mos të shpjegohesht, nese është vënë një vlerë, të shpjegohet. Jo në të bardhe të shpjegohet. Pse të hap numër llogarie. Do të rri këtu deri sa të më nxjerrin jashtë”.

Kjo zonjë tregon se e ka gjetur një shtëpi në Thumanë, por s’ka asnjë kusht brenda, ndërsa akuzon kryetarin e bashkisë që nuk e di sa është bonusi  i qirasë.

Thumana ishte një nga zonat më të prekura nga tërmeti 26 nëntorit të 2019, ku humbën jetën 24 persona të cilët mbetën në rrënojat e pallateve./abcnews.al

fierzw.jpg
in a20:36 | 16/01/2020

Qindra banorë të Kukësit nuk kanë përfituar ende kompensim të tokave apo zëvendësim të tyre që pas përmbytjeve të liqenit të Fierzës. Ata kanë protestuar këtë të enjtë dhe i kanë lënë afat qeverisë që të zgjidhë këtë problem brenda muajit në të kundërt do të spostojnë protestën në Tiranë.

Banorët e disa fshatrave të Kukësit kanë protestuar në lidhje me tokat e tyre që janë përmbytur nga liqeni i Fierzës në vitin 1978 gjatë ndërtimit të hidrocentralit. Ata kërkojnë që tokat ose të kompensohen ose t’ju jepen toka në zona të tjera.

“Ne jemi të përmbytur nga Liqeni i Fierzës. Jemi pa shkollë, pa drita, pa rrugë. Çfarë të bëjmë më parë”, shprehet një prej banorëve.

Ata kanë vendosur t’i lënë qeverisë një muaj afat në të kundërt do të përshkallëzojnë protestën deri tek godina e kryeministrisë.

“Një muaj do të presim, do ti drejtohemi Kryeministrit, Ministres së Drejtësisë, Energjitikës dhe Amabsadave. Nëse nuk kemi përgjigje, populli do të mblidhet në shesh dhe kthim pas nuk ka”, tha një tjetër banor.

Madje një prej banorëve thotë se çështjen do ta dërgojnë në gjykatat ndërkombëtare.

“Do ta çojmë në Gjykatën e Strasburgut, të njihet prona”, u shpreh ai.

Pas përmbytjes së rreth 3000 hektarëve tokë dhe qindra banesave në 34 fshatra të Qarkut Kukës, vetëm 400 familje kanë përfituar kompensim në para apo janë zhvendosur në qytete të tjera ku ju është dhënë edhe tokë. Kurse pjesa tjetër që është shumica, nuk kanë përfituar asgjë./abcnews.al

banoret-thumane-cadra.jpg
nev ila18:00 | 06/01/2020

Me ftohjen e motit, vështirësohet akoma më shumë edhe jetesa për banorët e Thumanës, të cilët prej më shumë se një muaji jetojnë në çadër. Këta banorë nuk kanë pranuar të braktisin shtëpitë dhe të strehohen në hotele pasi kanë bagëti dhe duhet të kujdesen për to.

Banorët e Thumanës që jetojnë në çadra, kaluan një natë tepër ftohtë.

Kjo është  Xhume Jangozi. Ajo bashkë me fëmijët e saj të mitur jeton prej më shumë se një muaji në çadër.

Temperaturat e ulta, përgjatë këtyre dy ditëve e kanë vështirësuar më shumë qëndrimin e saj dhe të fëmijëve në këtë çadër.

Në një tjetër çadër, me kushte aspak të favorshme për të përballuar të ftohtin e dimrit, jeton edhe familja Xhixha. E zonja e shtëpisë shprehet se dita ditës situata e tyre vështirësohet më shumë.

Pranë familjes Xhixha ndodhet familja e Ndue Bakës. Vajza e tyre e madhe është me aftësi të kufizuara. Nëna e saj tregon për peripecitë që po kalon prej një muaji

“Në hotel nuk shkoj dot me vajzën se ngrohet me zjarr pasi  kondicioneri i than ajrin”.

Në të njëjtën situatë janë edhe shumë familje në këtë zonë, të cilët duhet ti kalojnë këto ditë të ftohta Janari në ambient aspak favorizues. Seit Mirdita ka menduar qe familjen e tij ta strehojë në kasollen e bagëtive.

Edhe pse qeveria u ka ofruar bonusin e qerasë, banorët deklarojnë se ata nuk mund ti braktisin shtëpitë pasi kanë bagëti dhe duhet të përkujdesen për to./abcnews.al

banoret-hotelet.jpg
nev ila16:03 | 04/01/2020

Durrsakët që po jetojnë në hotele pas tërmetit të 26 nëntorit të një viti më parë tregojnë se ende nuk kanë parë me sy paratë e bounsit dhe nuk e quajnë të drejtë që të kërkojnë banesa me qira dhe pasi të bëjnë kontratën me qiradhënësin të marrin shumën e caktuar nga qeveria. Atyre ju janë lënë dhe 30 ditë afat për të lënë hotelet.

 “Që të lëvizim ne duhet të bëjë diçka shteti, paratë s’na i kanë dhënë emrat, s’na i kanë shënuar”, thonë banorët.

Sipas tyre një pjesë e  banesave të qytetit bregdetar janë rënuar dhe jo vetëm që nuk po gjejnë dot shtëpi se nuk ka, por dhe çmimet janë shumë të larta krahasuar me vlerën e bonusit.

Ne nuk dimë ku të shkojmë, pa gjetur shtëpi ku të shkojmë ne? Tani nuk gjen shtëpi”.

Kjo zonjë me burrin invalid që nuk lëviz dot as nga shtrati, tregon se si banesa e saj mori goditjen e parë në 21 shtator të 2019 dhe tërmeti i nëntorit e rënoi atë përfundimisht.

Unë kam burrin invalid, të verbër, e kisha shtëpinë në katin e parë dhe në 21 shtator u prish. Nuk morën asnjë masë, tani nuk është më e banueshme”.

Aktualisht kjo zonjë thotë se qeveria paguan para për qëndrimin e tyre në hotel dhe vlera nuk është e vogël për sa kohë po jetojnë në restor, ndaj dhe kërkon që të shtohet masa e bonusit.

“Shteti për ne paguan një shyumë të caktuar. Duan të më nxjerrin jashtë nga hoteli por sa bosun më jep shteti për strehimin mua?”

Po edhe sikur të shtohet masa e bonusit të strehimit, shumë durrsakë do të mbeten pa shtëpi, pasi agjencitë imobilare në Durrës, sqarojnë se në treg ka më pak oferta se kërkesa.

“Oferta jonë është shumë e pakët meqenëse po kërkohen shumë dhe çdo dit. në zonën e Currilave kemi disa hyrje bosh, çmimet variojnë nga 25 mijë lek deri në 35 mijë lek. Shpresoj që të zgjidhet ky ngërç në këtë moment, sepse përditë kemi përplasje me zyrat tona të personave që kërkojnë shtëpi me qera”.

Nga tërmeti i 26 nëntorit 2019 në Durrës mbetën pa streha rreth 10 mijë familje./abcnews.al

banoret-durres.jpg
nev ila18:04 | 03/01/2020

Banorët e një pallati të dëmtuar nga tërmeti i 26 nëntorit në Durrës janë rikthyer në banesat e tyre, edhe pse pallati nuk është rikostruktuar. Pas inspektimeve, ekspertet i vendosen kryqin e verdhe pallatit.

Ndërkohë, të tjerë qytetarë janë në kërkim të shtëpive me qira në Durrës, por ata thonë se çmimet janë më të larta se bonusi i dhënë nga qeveria.

Viti i ri i ka gjetur qytetarët e Durrësit, shtëpitë e të cilëve u dëmtuan nga tërmeti në rrugë.

Edhe pse ky pallat është shpallur i pabanuar nga inxhinierët, banorët nuk i frikësohen shembjes së banesave.

Ata janë rikthyer në apartamentet e dëmtuara dhe kanë rinisur jetën aty ku lanë para 26 nëntorit.

Qytetarët ankohen se autoritetet po i lënë në mëshirë të fatit pasi për pallatet e dëmtuara nuk po merret asnjë masë për rikonstruksionin e tyre.

Në Durrës janë 11 familje që sorollaten për të gjetur një çati për të futur kokën. Kërkesa për shtëpi me qira në Durrës është shumë e lartë, ndërsa oferta shumë e ulët.

Por teksa hasin vështirësi për të gjetur një shtëpi me qira, qytetarët po përballen me çmime shumë, shumë të larta të banesave me qira.

Tërmeti i 26 nëntorit 2019 shkaktoi 51 viktima, la mbi 750 të plagosur dhe mbi 11 mijë familje të pastreha./abcnews.al

durresi.jpg
in a11:11 | 26/12/2019

Një muaj pas tërmetit banorët e Durrësit vijojnë të jenë të pasigurt për banesat e tyre. Për gazetarin e “Abc News” Andi Qosja, banorët e një pallati treguan se godina është inspektuar dy herë dhe ata kanë marrë dy vlerësime të ndryshme. Prej shtetit ata kërkojnë një përgjigje, nëse mund të vijojnë të jetojnë atje. Situata është e njëjtë edhe në zonën e Plepave.

Njerëzit e prekur nga tërmeti janë po aq të pasigurt për jetën e tyre sa një muaj më parë, kur banesat e tyre u bënë të frikshme për të qëndruar. Në lagjen numër 13 në Durrës janë rreth 1000 banorë të 500 apartamenteve që nuk kanë marrë një përgjigje të prerë nga shteti nëse mund të kthehen në banesa. Pallati i tyre është është inspektuar dy herë gjatë këtij muaji dhe ata kanë dy përgjigje të kundërta.

“Kanë ardhur vetëm dy herë, njëra palë thotë se janë të pabanueshme ndërsa pala tjetër nuk ka dhënë asnjë zgjidhje.

Pasiguria ka pushtuar dhe banorët tek zona e Plepave në Durrës. “ABC News” takoi disa qytetarë të kësaj zone që thonë që prej 26 nëntorit ata jetojnë jashtë, në këto temperature të ulëta.

“Më shumë rrimë jashtë sesa në shtëpi”, shprehet një banor.

Muret e banesave në këtë zonë vijojnë të jenë të çara dhe me krisje.

“Të gjithë muret lidhëse në rastin më të parë mund të rrëzohen”, thotë një banor.

Prej shtetit këta banorë kërkojnë që të marrin një përgjigje nëse mund të futen dhe të jetojnë pa frikë në banesa./abcnews.al

durres-4.jpg
in a09:20 | 26/12/2019

Tashmë është bërë një muaj nga rënia e tërmetit që goditi vendin i cili shkaktoi një numër të konsideruar vikitmash dhe dëme të mëdha në materiale.

Gazetari Andi Qosja raporton për abcnews.al se në bazë të inspektimeve të bëra në Durrës shumë nga objektet kanë dalë jashtë përdorimit.

Ndërkohë janë shembur 61 objekte, 58 prej tyre në rrethin e Durrësit.

Durrësi është qarku që është prekur më shumë nga tërmeti. Ende qyteti nuk është në ritmet e duhura. Ajo çfarë shihet është se shumë nga banorët këto festa kanë preferuar  ti kalojnë jashtë vendit për shkak se trauma e përjetuar vazhdon të jetë e rëndë.

Në krahasim me vitet e mëparshme ku shihej një numër i lartë emigrantësh që ktheheshin në Shqipëri shumë nga qytetarët kanë preferuar të jenë larg Durrësit.

Ndërkohë pritet të kryhet inspektimi total i të gjitha objekteve dhe do të vendoset se kur do të fillohet ndërtimi.

Në lagjen 13 në Durrës banorët shprehen për gazetarin Andi Qosja se inspektorët nuk kanë dhënë asnjë zgjidhje. “Askush nuk ka ardhur të thotë se çfarë duhet të bëjmë”, shprehen banorët.

Një prej banorëve ,Tomorr Duda thotë se vijnë dhe nuk japin asnjë përgjigje: “kemi mbetur si peshku pa ujë, kemi marrë dhenë me qera. Kemi shkuar në Bashki dhe asnjë përgjigje”, shprehet ai.

Gjithashtu ai thotë se një sizmiolog ka parë banesat por nuk ka dhënë përgjigje nëse është i banueshëm apo i pabanueshëm.

Një prej tyre tregon se ka ngritur shqetësimin në Bashki, kanë mbledhur edhe firma, gjithashtu i ka drejtuar një letër kryeministrit për zgjidhje të problemit. Ai thotë se presin akt ekspertimin për shkak se ka paqartësi në verifikimin e ndërtesave. /abcnews.al

edi-rama-ne-gjorm.jpg
nev ila16:57 | 25/12/2019

Kryeministri Rama ka qenë sot  në Gjorm të Laçit ku ka vizituar disa familje të prekura nga tërmeti. Kryeministri ka marrë pjesë në një drekë të  shtruar nga vetë banorët.

Ata janë përpjekur ta mirëpresin kreun e qeverisë, me të gjithë të mirat, sipas traditës së shtëpive shqiptare. Gjatë bisedës në këtë familje, Kryeministri pyet për pjesëtarët më të rinj të saj, se çfarë bënin në jetë.

Rama pyet më të voglën e shtëpisë, ndërsa shpërndan mishin e gatuar, nga vetë banorët e shtëpisë në nder të Kryeministrit:

Biseda e Kryeministrit me banorët në Gjorm të Laçit:

Rama: Merreni (mishin) me dorë se s’kemi pirun…këto kushte kemi. Çfarë klase je?

Vajza: Në klasë të dytë

Rama: Si je me mësime?

Vajza: Tek të dalluarit…

Rama: OOooo, do vdes, ka lezet, ke të dallimit…

Rama: Po ti ku je? (i drejtohet djalit të madh të familjes)

Djali: Unë nuk e kam ndjek shkollë, 12 vjet dhe nuk kam vazhduar më.

Rama: Po çfarë bën, punon?

Djali: Jo aktualisht pa punë..

Rama: Pa punë por kështu qenke i vesh si model, top model. Po pse pa punë? Të të fusin në punë… apo varet çfarë pune..

I zoti i shtëpisë: U nis për të ik në Angli, por e kthyen…

Rama: PO ti?

I zoti i shtëpisë: Kësaj ja kam hequr shkollën unë, se e fejova 15 vjeçe

Rama: Hmmm….

I zoti i shtëpisë: Traditat tona…. mbaroi klasën e 9-të

Rama: Pse? Nuk e lije ti bënte vetë këto..

I zoti i shtëpisë: Jo, më hynë me zor, ma morën gati si me zor.., nuk u lidh kjo por me shkues

Lindita Nikolla: Ato janë tradita të kalume ato, kanë kaluar tani…

Rama: PO ca kanë kaluar, ja…

I zoti i shtëpisë: Tani ai ka rënë në burg në Itali, ka tre vjet

Rama: Ja paske gjet tamam…

Rama: Hajde jeta kshu e ka.. s’ke ça bën..mos u mërzit

I zoti i shtëpisë: Ti mirëserdhe njëherë e ta priftë zoti mbarë, je burrë i fortë

Rama: Shko merre koka kolën se e piu goca…

Lindita Nikolla i drejtohet Ramës: Do marrësh çik djathë…

(Rama nuk kthen përgjigje… Nikolla ul pjatën në tavolinë…)

Rama: Besoj që në fillim të pranverës do vendosim shtëpiat dhe 100 % brenda vitit tjetër të gjithë do ti sistemojmë, ata që kanë shtëpitë individuale.

Rama: Ju falënderoj shumë për mikpritjen../abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono