banorë

WhatsApp-Image-2020-02-20-at-22.57.18.jpeg
eri Ida20:50 | 20/02/2020

Banorët e Berdicës në Shkodër bllokuan punimet ne trasenë e rrugës lidhese me Velipojën.  Në vitin 2017, në këtë segment nisi puna për ndërtimin e një projekti me vlerë, e rrugës që lidh Shkodrën me Velipojën.

Projekti duhet të kishte përfunduar në dhjetor të viti 2018 por ka mbetur pezull per shkak te perplasjes per shpronësimet e 100 familjeve. Ata nuk kane marrë asnjë përgjgje nga autoritetet,  ndaj  jane detyruar që te mos lejojne fadromat te mbyllin punimet .

Këtë të enjte, tre vjet nga projekti, banorët e Bërdicës, pronat e të cilëve prekën nga ndërtimi i rrugës, u njoftuan nga bashkia se dokumentacioni ishte finalizuar.  Por, në bankë nuk kanë mundur të kryejnë asnjë veprim..

Toka është në emër të babait, ai ka vdekur…….

Në listën e bërë publike, shpronësimin e përfitojnë 85 banore

Banorët nuk tërhiqen pa marrë atë që iu takon.

Konflikti per shpronesimet pritet te zvarrise edhe me teper punimet ne aksin Shkoder -Velipojë e per pasoje rruga nuk do te jetë gati, edhe këtë sezon turistik./abcnews.al

balliuuuu-1280x770.jpg
eri Ida11:22 | 19/02/2020

Gjykata Penale ka shtyre seancën paraprake për ish deputetin Klevis Balliun dhe disa banorë të Unazës së Re.

Balliu përmes një deklarate për mediat është shprehur se seanca është shtyrë pasi nuk kishte prova, është një seancë false është shprehur ai sepse nuk ka asnjë provë për këtë pasi të gjitha janë presione politike.

“Une jam marrë si i pandehur me disa banorë nga unaza e re, kjo ishte seanca paraprake që u shty duke marrë parasysh se këto bëhen thjesht si presione politike për të hequr dorë. Unë jam nga Mokra dhe nuk e kemi zakon frikën, e dyta është se jam anëtar i PD-së dhe jemi rritur me vlerat për tu përballur me drejtësinë dhe jo për tju fshehur asaj. Dhe së treti kemi një mbështetje që është ajo e qytetarëve ndaj këto presione nuk fuksionojnë. Unë ftoj të gjithë qytetarët që hapin sytë dhe kërkojnë se çfarë po ndodh, shikoni se si qytetarë të thejshtë, dhe anëtarë të opozitës qoftë unë apo të tjerë që enden dyerve të gjykatave tek dyert ku gjenden njerëz të dënuar për akuza të ndryshme për krime vrasje që lirohen nga gjykata me urdhër të Edi Ramës.

Prokuroria nuk e di për çfarë më akuzon, fillimisht më akuzuan se kam thyer krahun e një polici, por polici me gjithë krahë të thyer është zhdukur, nuk jam njohur me ndonjë provë apo ndonjë fakt. Pse nuk fuksionon ligji për dhunën e ushtruar te banorët e bregut të lumit, pse nuk funksionon ligji kur hidhet gazi lotsjellës brenda banesave, pse nuk fuksionon ligji për ata që janë kapur duke vjedhje votat dhe janë kapur në përgjime, sepse këtu nuk ka drejtësi e ka zhdukur Edi Rama me Erion Veliaj”, tha Balliu.

Ndërkohë gazetarja e ABC News Glidona Daci bën me dije se seanca është shtyrë se disa nga avokatët mbrojtës kanë kërkuar kohë që të njihen me dosjet dhe gjithashtu një person që akuzohet nuk është njoftuar për akuzat e tij ndaj dhe është bërë shtyrja e seancës./abcnews.al

banoreeeee.jpg
eri Ida10:17 | 11/02/2020

Një ngjarje e rëndë ka ndodhur mëngjesin e së martës në lagjen “Ilira” në Shkodër, ku jetojnë disa familje të komunitetit rom, ku si pasojë e flakëve që përfshiu njërën nga barakat, ka humbur jetën një e mitur 13-vjeçe. Ngjarja e rëndë ndodhi në momentin e zjarrit vajza ishte në gjumë. Të afërmit rrëfejnë se 13 vjeçarja vuante nga probleme të shëndetit mendor.

E kemi pas të shtëpia e fëmijës, e kemi pas edhe në Tiranë. Po shkuam e morëm para vitit të ri që të festonte me familjen. Ajo ka pas probleme mendore, ka qenë gjyshja e vet që ka ndezur zjarrin në barake. Edhe kjo ka qenë në gjumë. Në momentin që është ndez zjarri ka shkuar në banjë, kur ka dal ka pa flakën. Vajza ka qenë në gjumë. Unë i kam njerëzit e gruas,” ka thënë i afërmi i të miturës.

Të mbetur në qiell të hapur, këta njerëz kërkojnë ndihmë që ngjarje të tilla mos të përsëriten.

Vit për vit ne digjemi, se si do na vejë puna unë nuk e di.U dogj në orën 6:30 ne ishim duke pirë kafe, dhe pa flakën plaku e tha dilni jashtë se u dogjëm, e nuk kam nxjerrë asgjë”, është shprehur një tjetër banore të cilës i është djegur banesa këtë të martë.

Dyshohet se shkak i zjarrit ka qenë pakujdesia. Mësohet se gjyshja e vajzës ka ndezur një zjarr për t’u ngrohur.. Për të bërë shuarjen e zjarrit, në vendngjarje u angazhuan forca të shumta zjarrëfikëse.

Ndërkohë një tjetër banor thekson se në momentin e zjarrit ka qenë në gjumë. “Unë isha në gjumë sdhe dola jashtë sapo pashë flakën, nuk kam mundur dot që të marr dot asnjë rrobë. Çdo gjë ndodhi shumë shpejt.”

Si pasojë e zjarrit, mësohet se jane shkrumbuar 3 baraka të komunitetit rom. Të ndihmuar nga materiali prej së cilës ishin ndërtuar këto banesa të vjetra, zjarri është përhapur me shpejtësi dhe ka djegur gjithçka. /abcnews.al

banoreee.jpg
So Nila18:31 | 27/01/2020

Kanë kaluar dy muaj nga tërmeti që mori jetën e 51 personave dhe akoma banorët në Vorë nuk kanë një përgjigje se çdo të bëhet me fatin e tyre.

Zgjidhje për ta është strehimi në çadra apo banesa, qerane e të cilave e paguajnë me të ardhurat e tyre të pakta.

Qytetarët e këtyre pallateve shprehen se kanë marrë banesa me qira për t’u strehuar.

“Unë tashmë jam me qera. Paratë mi ka dhënë bashkia nje muaj, se çfarë do bëhet më vonë nuk e di,” është shprehur një nga banorët. Një tjetër është shprehur se deri më tani qeranë e shtëpisë e mbulojnë me shpenzime e tyre:  “kemi marrë një shtëpi private me qera, paguajmë 200 mij lekë në muaj, presim një përgjigje por asgje. Kemi marrë para një muaji tani skemi marrë asgjë”.

Ndërkohë një tjetër qytetare në Vorë është shprehur se kanë marrë vetëm një bonus dhe se shtëpia është e pabanueshme, ajo ka një fëmijë me autizëm 14 vjeç ka kërkuar për një psikologe por ska marrë akoma asnjë përgjigje.

Qytetarët e Vorës thonë për ABC News se janë të paqartë se çfarë do të ndodhë me ta në muajt në vijim, pasi e kanë të pamundur ta përballojnë jetesën pas asnjë lloj ndihme

Qytetarët e Vorës janë të paqartë se çdo të bëhet me fatin e tyre, një nga banorët thekson se s’kanë marrë përgjigje: S’kemi marrë asnjë lloj përgjigje a do prishen apo jo se dime, është një ankth i madh njerëzit kanë ngel në agoni.

“Nuk dime gjë plackat e shtëpise i kemi brenda si të jetë shkruar”, është shpehur një tjetër qytetar shtëpia e të cilit është shpallur e pabanueshme.

Situata e rëndë paraqitet edhe për këtë të moshuar e cila që prej tërmetit të 26 nëntorit është strehuar në këtë garazh makine, pavarësisht të ftohtit dhe lagështirës.

Për faqe të zeze, këtu fle, unë rri vetëm pasi plaku më ka vdekur“, ka thënë e moshuara.

E pabanueshme siç shihet nga pamjet është edhe shtëpia e familjes Grrica me 4 anëtarë, të cilët jetojnë në kushte shumë të vështira

Kryefamiljari thekson se kanë frike të jetojnë në shtëpinë  e tyre. Bashkimi shprehet se përveç rrogës si roje nate prej 6 mijë lekësh, detyrohet të mbledhe edhe kanace për t’i shitur

Mbledh hekura për të mbijetuar pasi rroga nuk më mjafton”, është shprehur Bashkimi.

Deri tani sipas kryefamiljarit e vetmja ndihmë e dhënë nga shteti ka qenë vetëm kjo çadër dhe asgjë tjetër./abcnews.al

Screenshot_4-2.png
R D13:45 | 16/01/2020

Që nga termetit i 26 nëntorit, qyteti i Laçit dhe fshatrat përreth kanë mbetur pa shërbim mjekësor. Për gjithë bashkinë funskion vetëm urgjenca që është zhvendosur në ambientet e kishës. Vetë qytetarët ankohen për cilësinë e shërbimit.

Pas dëmtimit të spitalit të Laçit nga tërmeti, shërbimi i Urgjencës vijon të funksionojë në ambientet e qendrës sociale të një kishe. Po të sëmurët po sorollaten pasi jo të gjithë kanë informacion për transferimin e shërbimit në këtë kishë. Një grua nga Sanxhaku shprehet se “jemi sorollatur se nuk e dinim ku ishte vendosur urgjenca. Kam ardhur nga Sanxhaku me vajzën që ka 3 ditë me temperaturë. Shërbimi këtu është i dobët, vajza ka dalë me infeksion por nuk kanë dalë ende përgjigjet e analizave”.

Edhe një prej mjekëve të kësaj urgjence e ka të qartë që shërbimet mjekësore duhet të jenë të grumbulluara në një ambient dhe jo të shpërndahen.

“Kushtet e urgjencës janë optimale, por dihet se në një spital shërbehet më mirë”, tha mjeku.

Drejtuesit e kësaj kishe janë treguar vërtet humanë pasi ky është dhe misioni i tyre dhe aktivitetin e kanë spostuar në dy çadra. Ndërsa qytetarët dhe as vetë mjekët nuk kanë asnjë informacion se kur do të shembet spitali i dëmtuar dhe kur do të nisë puna për ndërtimin e të riut. /abcnews.al

 

zheji.jpg
R D22:04 | 02/01/2020

Shumë familje, me të moshuar dhe fëmijë në fshatin Zhejë të Kurbinit po kalojnë ditët e ftohta të Janarit në çadra. Kamera e Abc News ishte në familjet Paloka dhe Rrika, të cilat kanë shumë vështirësi për shkak të temperaturave të ulëta dhe erës që fortë që fryn në këtë zonë. Ata bëjnë apel që shteti t’u mundësojë sa më shpejt ndërtimin e shtëpive.


Prej më shume se një muaji familja Paloka me 6 anëtarë në fshatin Zheje të Kurbinit jeton në çadër. Kjo familje gjendet në këto kushte pasi, shtëpia e tyre u dëmtua rëndë nga tërmeti i 26 nëntorit. Pas inspektimeve ekspertet e shpallën të banaueshme.
Kryefamiljari Kastriot Paloka rrëfen se shtepia ishte dëmtuar qe me termetin e 21 shtatorit, ndërsa goditjen perfundimtare ia dha termeti i 26 nëntorit.  Ai kërkon nga shteti që ta ndihmojë në ndërtimin e shtëpisë.

Në të njëjtin fshat, në një tjetër çadër jetojnë edhe çifti i të moshuarve Rrika. I ftohti e vështirëson akoma më shumë qendrimin në çadër. “Eshtë shumë ftohte- thotë kryefamiljari – duke shtuar se në këtë zone fryen ere e fortë, si në Milot”.

Si këto familje në fshatin Zheje janë edhe shumë të tjerë. Ata kërkojnë një zgjidhje pasi dimri është i ftohtë dhe nuk mund të jetohet më në çadër. /abcnews.al

banore-ok.jpg
R D23:24 | 28/12/2019

Një zjarr i përmasave të mëdha ka rënë në katin e pestë të një pallati në lagjen 2 në Pogradec. Prej më shumë se 3 orësh flakët të ndihmuara dhe nga era nuk janë vënë dot në kontroll nga zjarrfikësit. Për pasojë ato janë përhapur dhe në apartamentet e tjera.

“Na vjen policia dilni jashtë, dilni jashtë! Zjarrfikësit erdhen kur zjarri kishte përvëluar. S’kishin ujë, vinte njëra ikte tjera”, shprehet banorët e pallatit që u dogj.

Gjashtë nga apartamentet janë djegur plotësisht. Dyshohet se shkak është bërë shpërthimi i një bombule gazi. Banorët kanë dalë jashtë në kohë dhe nuk kanë pësuar dëme. Vetëm një prej tyre prej gjendje së ankthit është shoqëruar në spital. Po kështu dhe një zjarrfikës është lënduar dhe po merr mjekim në spital. Ndërsa janë shkrumbuar shumë pajise. Mësohet se Bashkia e Pogradecit ka ofruar strehim për 6 familjet që kanë mbetur pa strëhe por nuk kanë pranuar. Ata kanë vendosur të strehohen tek të afërmit e tyre. /abcnews.al

thumanaaa.jpg
R D18:36 | 28/12/2019

Banorët e Thumanës kanë protestuar sot pasi bonusi i ofruar nga bashkia është i pamjaftueshëm për të marrë shtëpi me qira. Bëhet fjalë për banorët e dy pallateve të shembura, të cilët pas 26 nëntorit u strehuan në hotelet e Shëngjinit. Nga data 3 janar, ata janë urdhëruar të lirojnë hotelet. Pranë tyre ishte demokratja Lindita Metaliaj, e cila tha se shteti po i vret për së dyti këta qytetarë.

“Qeveria e paaftë dhe e dështuar tashmë sillet në mënyrë kriminale me qytetarët e saj! Sot përfaqësues nga Bashkia Krujë u kanë kërkuar banorëve të firmosin për të dalë nga ambientet e hotelit ku strehohen dhe të kërkojnë banesa me qera duke ju ofruar vetem 30 mijë lekë të vjetra për frymë. Kjo sjellje kriminale dëshmon edhe njëherë braktisjen e këtyre banorëve duke tentuar ti hedhin në rrugë, pa mbështetje e përkrahje nga shteti i falimentuar i propagandës dhe i hajdutërise!”, deklaroi ish-deputetja demokrate.

Ndërkohë vetë banorët shprehen të revoltuar pasi bonusi i ofruar nga bashkia e Krujës, është minimal. “Na vijnë disa nga Bashkia e Krujës… Çfarë të bëj me atë bonus, dua që të më strehojë shteti. Ku do shkojmë me aq lek, jam interesuar për shpi me qira dhe çmimi është 250 mijë lekë (të vjetra) në muaj”, thotë njëri prej banorëve.

Një tjetër banor shprehet: “Gjakun tonë e lamë brenda nën rrënoja, dhe sot po dalim në 4 rrugët. Ne do qendrojmë në grevë urie, as nuk hamë as nuk pimë derisa të vijë shteti këtu. Unë e kam punën në Tiranë në privat. Marr 9 mijë lekë në ditë, gjysma më shkon rrugë. Unë nuk e pranoj bonusin. Më ka vra termeti, po më vret edhe shteti”./abcnews.al

Lexo edhe: PROTESTA/ Refuzojnë bonusin e qirasë, banorët e Thumanës: Do futemi në grevë 

kombinat.png
in a15:08 | 27/12/2019

Lagja e Kombinatit në Tiranë është ende e tronditur një muaj pas tërmetit. Banorët kanë probleme me bonuset e qirasë dhe rrezikojnë jetën në pallatet e shpallura të pabanueshëm, ndërsa shumë biznese janë në prag të falimentimit.

Në rrugën kryesore duket sikur gjithçka është si më parë.

Kombinati, në zonën e tij qendrore nuk të jep përshtypjen aspak të një lagjeje të goditur keq nga tërmeti, por kjo përshtypje ndryshon sapo hyn në brendësi. Pallate të dëmtuar ka shumë, flitet për 24 të tillë, me qindra familje e mijëra banorë të larguar.

Pjesa më e madhe e tyre kanë marrë bonusin për qiranë, dhe janë në pritje për zgjidhjen përfundimtare të problemit të tyre, shembje apo jo e pallateve, ndërtim apo jo të banesave të reja. Edhe pse kanë kaluar 30 ditë nga goditja e natyrës, ende ka njerëz që marrin orendi për t’i zhvendosur diku tjetër.

Sipas ligjit të jetës në një sistem të tillë, fatkeqësia krijon mundësi për biznes, dhe dikush kërkon të blejë me të lirë, për të shitur më shtrenjt.

Një qytetar i vjetër shkon në ish-pallatin e tij për të marrë diçka tjetër.

Ai quhet Pëllumb Qazolli i cili tregon katet e sipërme të apartamentit të tij. Gjithashtu Qazolli tregon dokumentin e bashkisë, sipas të cilit godina është e pabanueshme.

Në mes të një shkatërrimi të frikshëm, Pëllumbi, që banon me familjen në Pallatet Çabej në fushën e Yzberishtit, tregon pasojat psikologjike të tërmetit të rënë në orën 4 pa 10 të 26 nëntorit.

Vajzën e kemi akoma në gjendje të rënduar është e frikësuar nga tërmeti. Ka një seri problemesh që i shfaq herë pas here”, shprehet ai.

Problemi kryesor i familjes së tij ka lidhje me bonusin e marrë nga shteti.

I kam bërë Bashkisë një shkresë për ta rishikuar. Kam tre dhoma një kuzhinë, të paktën të plotësohet sa është përcaktuar, për tre dhoma dhe një kuzhinë”, tha Qazolli.

Në shtëpi, Qazimi dhe e shoqja Flora, kanë ende gjëra për të marrë. Siç ata shprehen kanë panele diellore për të kursyer energjinë, apo edhe dyer dhe sende të tjera me vlerë.

Një Radio Iliria të kthen në vitet 80-të, ndërsa një biçikletë e vogël të kujton se këtu kanë banuar edhe fëmijë, që për fat kanë shpëtuar.

Gjithsesi në vizitën e sotme çifti i moshuar ka shprehur dhembshurinë edhe për lulet.

Na vjen gjynah, mendoj edhe për lulet”, shprehen ata.

Ndahemi nga çifti i moshuar, për të vazhduar hulumtimin në Kombinat.

Nuk mund të largohemi pa vërejtur shkatërrimin e brendshëm të nxjerrë në korridorin e përbashkët.

Apartamente të dëmtuar ka shumë, të braktisur, ndërsa njerëzit mezi kanë mundur të rikuperojnë mjaft gjëra të vlefshme, pasi duhet të gjejnë vend për to. Si një plugim, tërmeti ka nxjerrë nga thellësia gjëra të vjetra, si këto gazeta të 20 apo 30 viteve të shkuara. Nuk mund t’i mbajnë atje ku janë me qira, shpesh në shtëpi private, me ambiente sa për të futur kokën. Kontrasti është i fortë mes fatkeqësisë së disave dhe normalitetit të pjesës tjetër.

Normalisht, një gazetar ndjen kënaqësi kur ndodhet në terren, kur është në vendngjarje, por ndërsa zbresim nga kjo ndërtesë e vitit 1977, s’mund të ketë tjetër veçse pikëllim dhe një rëndesë në zemër.

Pasiguria këtu është e madhe, po ashtu ndjenja e pafuqisë dhe e vogëlsisë së njeriut.

Ky grup pallatesh me numrin e përbashkët 165, kanë përvojë të hidhur me tërmetet.

Një banor aty pranë, dhe e shoqja, tregojnë se pikërisht këtu nuk është punuar mirë.

“Nuk është punuar me cilësi, varet edhe nga tekniku, nëse i neglizhon punimet, ato bëhen të dobëta”, shprehen banorët.

Tërmeti i 1989-ës shkaktoi dëme edhe më të mëdha, por u rregulluan nga Komunalja, dhe u përforcuan muret me betonim.

Këta banorë kanë pasur fat dhe mund ta vazhdojnë jetën normalisht.

Ndërsa ne flasim me qytetarët, çifti i pensionistëve del nga pallati bashkë me vazot e luleve.

Gjithçka mund të bëj, është t’i ndihmoj një copë rrugë deri tek fqinja me oborr.

Jo larg prej tij është një pallat me numrin 152.

Në realitetin e plehrave dhe sendeve të braktisura në dyshemenë e tij, afrohen dy banore, të cilat nuk kanë shumë dëshirë të flasin.

Diçka normale për shqiptarët e sotëm, shenjë e urbanizimit të pamjaftueshëm, një garanci se problemet nuk kanë fuqi t’i zgjidhin, dhe janë në mëshirë të shtetit.

Këto zonja e kanë një problem.

Jemi si pallat që nuk i kemi marë, jo vetëm unë si familje”, shprehet banorja.

Gjithsesi, kanë qenë sërish me fat sepse këtu mund të kishte pasur humbje jete.

Krevatit të nënës i ka rënë suvaja në trup, por për fat të mirë ka shpëtuar”, tregon Bledi, një prej banorëve.

S’na mbetet veçse të dalim, të marrim nga sytë këmbët, për të mos rrezikuar më tej.

Në trotuarin para ndërtesës 152 mblidhen shumë banorë, një ritual ndoshta i përditshëm, por që nuk krijon një fuqi për të detyruar autoritetet të veprojnë më shpejt dhe më mirë.

Pak më larg nga zona e pallateve, është një grumbull shtëpish të ulëta në kodër.

Një zonjë, e quajtur Silvana Xhepa, ankohet për fatin e saj.

Çatia e shtëpisë është çarë komplet, çfarë bie jashtë futet brenda”, tregon Silvana.

Shtëpia ka dëmtime, edhe pse shumë më pak se pallatet që vizituam më herët, dhe kjo ndoshta është fatkeqësia e saj, ndërsa i shoqi kishte shkuar të hiqte penjtë pas operacionit të bërë disa javë më parë.

Banorët e shumëkatësheve me gjasë do të kenë shtëpi, në një zonë të Kombinatit, por për shtëpitë private nuk dihet nëse do të jetë ky kujdes.

Rruga në të cilën zbresim duket që është në gjendje në mirë.

Aty poshtë jeta vazhdon normalisht.

Njerëzit blejnë si çdo ditë në dyqane, në ato shitore me fat që kanë banorë rreth e rrotull.

Pastrueset e bashkisë punojnë, për të justifikuar atë rrogë të vogël, por shpesh tregojnë një ndërgjegjje që nuk e gjen gjerësisht.

Njëra prej tyre na lajmëron për plehrat e mbledhura para pallateve, të hedhura nga banorët e larguar.

E njëjta mendësi e tipit “kujdesem deri tek pragu i shtëpisë sime”.

Punonjëset thonë se Ndërmarrja e Bashkisë e ka lajmëruar kompaninë e pastrimit, por makinat nuk kanë ardhur.

Ndërkohë banorët e tjerë ankohen se mund të bjerë ndonjë sëmundje.

Shumë pranë është një nga ndërtesat-simbol të dëmtimeve, dhe aty pranë ndodhi humbja e vetme e jetës në Tiranë nga tërmeti.

Flamujt kanë mbetur ashtu siç ishin para 26 nëntorit, në prag të festave.

Kujt mund t’i shkonte mendja për t’i hequr.

Një gjë edhe më e rëndësishme është harruar.

Punonjës të OSSHE-së shihen të hyjnë në ndërtesën e braktisur.

Kemi ardhur për pezullimet e kontratave”, shprehen punonjësit e OSSHE-së.

Jemi në fund të dhjetorit, dhe kontratat ende nuk janë mbyllur. Kjo do të thotë se njerëzit duhet të paguajnë, qoftë edhe taksat, ndonëse nuk banojnë aty. Gjendjen në brendësi të këtij pallati është pak ta quash të frikshme. Dëmtimet janë të mëdha, si edhe në banesat e tjera të goditura. Njerëzit që kanë ardhur herë pas here, nuk kanë pasur nge të shuajnë as dritat e shkallëve të përbashkëta. Që nga katet e sipërme të këtushme, shikon lagjen e ndërtuar pa kujdes, mishërim i vërtetë i tranzicionit shqiptar.

Asnjë harmoni ndërtimesh, fasadash, ngjyrash, asnjë organizim, vetëm “secili për vete, Zoti për të gjithë”.

Shihet një lajmërim për saktësim banimi, tipike për një vend ku prej 30 vitesh nuk dihe as adresat e qytetarëve.

Të paktën, furnizimi me ujë duket se është ndaluar, pra nuk do të ketë as përmbytje, as pagesa të tepërta.

Tërmeti ndoshta mund ta ndryshojë këtë mentalitet, ndonëse nuk do të jetë aspak e lehtë.

Në pallatet aty rrotull, edhe pse me kryq të kuq, oxhaku tymos pa u trembur aspak.

Dikush përballë, mban ende dy qen të mëdhenj race, që kushedi për çfarë duhet të jenë aty.

Largohemi edhe nga ky pallat i fashuar shpejt e shpejt me shirita.

Në ndërtesën fare pranë, edhe ai i shpallur i pabanueshëm, në dritare duket një gjyshe.

Pasi ishte e pamundur të merreshim vesh në distancë, u ngjitëm lart.

Zonja Eleni Kola, me origjinë dropullite e 85-vjeçare, ka një fatkeqësi të freskët.

“Kam qënë në Greqi, më ka vdekur djali, nuk kisha çfarë të bëjë dhe erdha te shtëpia”, tregon Eleni Kola.

Ajo vjen herë pas here të marrë plaçkat, pak e nga pak.

Edhe gjyshja ka problem me bonusin.

“Shkova dhe më thanë që do dalin”, tregon ajo.

Edhe pse e vjetër, nuk harron dokumentet e pagesës së ujit apo dritave, ndërsa një rrugë e dy punë, ka bërë edhe pak blerje për t’u ushqyer.

Zonja Eleni ka ardhur këtu 22-vjeçare, dhe ka punuar gjithë jetën në Kombinat, vitet e fundit të jetës iqëlloi t’i kishte pikërisht kështu, ndonëse qeshja nuk I ka ikur.

Në një lagje të tillë nuk vuajnë vetëm familjet.

Ja një biznes i vogël që punon rëndshëm, por që është në rrezik.

“Nuk bëjmë dot dhjetë mijë lëkë xhiro në ditë. Siguracioni duhet paguar. Me çfarë do ti paguajmë”, thotë ajo.

Problemet e tyre janë tipike për një vend të papërgatitur për fatkqesitë natyrore.

“Shkova në bashki dhe më thanë se për dyqanet nuk bëhet fjalë fare, kemi hall të strehojmë kokat”, tregon banorja.

Në çdo shtet normal, taksimi progresiv do ta kishte krijuar fondin për një rast të tillë, dhe do të quheshin të paguara taksat, qiratë dhe nevojat normale të jetesës.

Ne thjesht mund të blejmë disa biskota sa për të thënë se po bëjmë xhiro.

Ky është Kombinati, lagje me mbi 50-60 mijë banorë, një muaj pas tërmetit. Në një braktisje të tillë, njerëzve u mbetet të krijojnë iluzione, të luten, të paktën për të mpirë nervat që të mos ndjejnë tmerrin. Kështu ka qenë për qindra vjet, të paktën. Kombinati po ashtu ka festë, jo më kot është fundviti. Ka edhe njësi të pushtetit lokal, të zbukuruar jo shumë kohë më parë.

Njerëzit ecin pranë e pranë, por secili larg problemit të tjetrit, një ritual që do breza për t’u ndryshuar./abcnews.al

pd-termeti.jpg
R D12:21 | 22/12/2019

Disa eksponentë të PD-së vizituan banorët e prekur nga termeti i 26 nëntorit. Ata ankohen se asnje institucion nuk ka shkuar për vleresimin e banesave.

Sipas PD, Qeveria e Edi Ramës ka dështuar totalisht t’u japë strehë mijëra njerëzve, banesat e të cilëve janë dëmtuar rëndë nga tërmeti.

“Nga dëshmitë e mbledhura prej përfaqësuesve të PD, Gent Strazimiri, Enkelejd Alibeaj dhe Xhemal Gjunkshi në zonën e Sukthit dhe të Ishmit, rezulton se banorët e fshatit janë më të braktisurit.

“Askush nuk ka ardhur të na shohë” është përgjigja që jep secili prej tyre, kur pyeten se çfare ndihme u ka dhënë qeveria apo pushteti lokal.

Më e keqja është se shtëpitë e pabanueshme dhe të rrezikshme nuk kanë asnjë vlerësim nga autoritetet.

Dëshmitë e banorëve te Sukthit dhe të Ishmit provojnë paaftësinë e qeverisë për të menaxhuar situatën, kur po bëhet një muaj nga tërmeti i 26 nëntorit”, thuhet në deklarate.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono