banesa

vrasja-allias.jpg
nev ila22:42 | 19/01/2020

Dy persona kanë mbetur të plagosur me armë zjarri në kryeqytet.

ABC News mëson se ngjarja ka ndodhur në rrugën “Njazi Meka”, ku të shtënat me armë janë dëgjuar nga të gjithë banorët e zonës.

Siç raporton gazetari Andi Qosja, aktualisht është raportuar se, 2 personat që kanë mbetur të plagosur,  janë një çift bashkëshortësh, Petrit Laze 60 vjeç dhe Aferdita Laze. Çifti i bashkëshortëve është transportuar menjëherë drejt spitalit të traumës, për të marrë ndihmën mjekësore.

Janë ngritur pika të shumta kontrolli, por që policia ende nuk ka rënë në gjurmët e autorit/ve të mundshëm.

Gazetari Andi Qosja ka njoftuar se janë sekuestruar kamerat e sigurisë në të gjithë zonën ku ka ndodhur ngjarja. Sipas policisë, dyshohet se autorët kanë dashur të grabisin banesën.

Ndërkohë që kjo e fundit, ka dhënë detajet e para për ngjarjen:

“Tiranë/Informacion paraprak

Rreth orës 21:40 në rrugën “Njazi Meka”, 2 persona ende të paidentifikuar kanë hyrë në banesën e çiftit të bashkëshortëve P.L dhe A.L.

Në momentin që janë konstatuar nga çifti i bashkëshortëve njëri prej personave ka qëlluar me armë zjarri në drejtim të çiftit.

Si pasojë janë plagosur çifti i bashkëshortëve P. L dhe A. L, të cilët u dërguan në spital për ndihmë mjeksore.

Policia ka shkuar në vendngjarje dhe ka ngritur pika kontrolli.

Vijon krehja e zonës me qëllim identifikimin dhe kapjen e autorëve.

Gupi hetimor vijon punën pēr sqarimin e mëtejshëm të rrethanave të ngjarjes”./abcnews.al

5d4ac3b3-b5eb-462f-8e2f-029ba65597f6.jpg
nev ila16:00 | 17/01/2020

Një ngjarje e rëndë ka ndodhur në Laç. Një zjarr masiv ka rënë dhe nga flakët është përfshirë një banesë.

Si pasojë e flakëve dhe tymit është asfiksuar një fëmijë 2 vjeç i cili ka ndërruar jetë.

Korespodenti i ABC News ka informuar se fatkeqësisht, fëmija i familjes Çoku, ka qenë i vetëm në një dhomë të banesës, kur flakët kanë përfshirë banesën.

Mendohet se zjarri është ndihmuar edhe më tepër, nga një sasi drush që ka qenë brenda banesës.

Prindërit e 2 vjeçarit kanë konstatuar flakët, kur ishte tepër vonë për të ndërhyrë. Po ashtu edhe zjarrfikësit e kanë patur të pamundur të shpëtojnë fëmijën.

Ndërkohë policia ka nisur hetimet për dokumentimin e plotë të kësaj ngjarje të rëndë.

Njoftimi i policisë: 

Kurbin/Informacion paraprak

Sot, rreth orës 15:00, në banesën e shtetasit H.C., banues në Sanxhak, Kurbin, ka rënë zjarr, ku pas mbërritjes së shërbimeve të Policisë dhe zjarrfikëses, në ambjentet e brendshme të banesës është konstatuar trupi i pajetë i një të mituri, 2-vjeçar.

Nga veprimet e para hetimore rezulton se fëmija ka ndërruar jetë si pasojë e asfiksisë dhe djegies.

Në vendngjarje  grupi hetimor po punon për zbardhjen e plotë të ngjarjes”./abcnews.al

4d08424b-3592-4901-a140-20f957bc5bd4.jpg
So Nila12:44 | 16/01/2020

Tërmeti i 26 nëntorit ishte një ndër tragjeditë më të mëdha me të cilat u përball vendi ynë.  Pasojat që ai la pas janë ende të dukshme në shumë fshatra të Kurbinit.

Shtëpitë e vjetra në këto zona, u dëmtuan plotësisht, por fatmitësisht nuk shkaktuan viktima.

Familja Jangozi nga Thumana është një nga të shumtat në këtë fshatat që përjetuan minuata të vëshira gjatë lëkundjeve të forta të tokës. Sot, ata rrëfejnë për abcnews.al se çfarë ndodhi atë mëngjes ku në në tentativë për tu larguar, e zonja e shtëpisë një 75 vjeçare mori plagë të rënda, pasi suvaja iu shemb në kokë.

E moshuara tregon momentin se si është zënë nga suvaja pas lëkundjeve të tërmetit

80 vjeçari Ramazan tregon ka frikë të rikthet në banesë dhe për kërë asrye janë vendosur në një kasolle. Të moshurit, presin nga shteti ndërtimin e banesës së tyre.

“Tre net kanë qenë ndër më të vështirat pastaj kam rregulluar kasollen e baklëtive dhe jetoj aty tashmë,” shprehet i moshuari.

E ndërsa temperaturat janë ulur ndjeshëm, në Larushk të Fushë –Krujës ka ende familje që nuk janë larguar nga çadrat. Janë tre familje të cilat jetojnë në kushte shumë të vështira.

“Gruan e kam të sënmurë por lekët që kam smë dalin paratë për të ngrën bukë dhe jo më për të blerë ilaçe”, tha një nga banorët.

Këto familje kërkojnë ndihme nga shtetit që ti ndihmojë në ndërtimin e shtëpise, pasi jetesa në çadra vëshirësohet dita ditës. /abcnews.al

zjarr-banese.jpg
ger ta11:41 | 15/01/2020

Një ngjarje e rëndë ka ndodhur në Vlorë, ku një 83-vjeçare ka humbur jetën pasi banesa e saj u përfshi nga zjarri.

Burime për abcnews.al bëjnë me dije se viktima është identifikuar si Gastere Strati e cila jetonte e vetme. Ngjarja ka ndodhur në fshatin Kallarat.

Ngjarja dyshohet të jetë aksidentale, për shkak të oxhakut. E moshuara, nuk ka mundur të dalë, pasi ishte e paralizuar dhe fatkeqësisht ka humbur jetën./abcnews.al

zjarri.jpg
ger ta12:39 | 02/01/2020

Një banesë në lagjen “Partizani” është shkumbuar plotësisht. Ngjarja ka ndodhur në orët e para të mëngjesit të 2 janarit. Ndërkohë që në vendngjarje ka mbërritur menjëherë dy forca zjarrëfikëse të cilët kanë bërë të mundur edhe fikjen e zjarrit. Shkak një shkendije elektrike.

Dy pjesëtar të familjes Braçe në qytetin e Vlorës kanë mbetur në qiell të hapur, pasi banesa e tyre u përfshi nga flakët.

Zjarri ka arritur të dëmtojë të gjithë orenditë shtëpiake, ndërsa zjarrfikësit kanë bërë të mundur shuarjen e flakëve. Fatmiresisht asnjëri prej familjare nuk është dëmtuar.

Kryefamiljarja Pellumbesha Braçe mes lotësh, tregon momentet e para kur kuptuan se shtëpia ishte përshirë nga zjarri.

E zonja e shtëpisë tregon se zjarri i ka djegur gjithçka.

Ndërkohë një nga banoret e zonës rrëfen se flakët u përhapën me shpejtësi dhe u ndjenë të rrezikuar.

Sipas hetimeve paraprake dyshohet se zjarri ka nisur në kuzhinë, ndërsa shkak mund të ketë qenë ndonjë shkëndijë elektrike./abcnews.al

bombol3.jpg
nev ila14:24 | 31/12/2019

Policia e Tiranës njofton se një bombol gazi ka shpërthyer në një banesë në Allias, ku si pasojë ka marrë flakë banesa.

Uniformat blu të kryeqytetit thonë se në banesë ishin dy të moshuar, të cilët janë dërguar urgjentisht në spital, ku ndodhen jashtë rrezikut për jetën.

Njoftimi i policisë:

Rreth orës 13:09 në Allias, në një banesë private ka shpërthyer një bombul gazi dhe për pasojë banesa është përfshirë nga flakët.

Policia së bashku me shërbimin e zjarrfikses kanë shkuar menjëherë në vendngjarje ku kanë mundur të nxjerrin  dy të moshuar  shtetasit B. H.,80 vjeç dhe N. H.,77 vjeçe që banonin në banesë, të cilët u  dërguan në spital për ndihmë mjeksore .

Grupi hetimor ndodhet në vendngjarje, ku po vijon punën për sqarimin e rrethanave të ngjarjes./abcnews.al

qira.jpg
R D15:21 | 23/12/2019

Çmimet e shtëpive me qera në Durrës janë shtrenjtuar. Banorët preferojnë katet e ulëta të banesave, shtëpitë private, si dhe ndërtesat e periudhës komuniste, pasi i shohin si më të sigurta.


Në Durrës, banesat me qera janë përgjysmuar pas tërmetit të 26 nëntorit. Dëmtimet kanë bërë që kërkesat për një shtëpi me qera të shumëfishohet, e bashkë me to, edhe çmimet.

Afrimi, i cili drejton një agjenci mobilare në qytet, duke folur për gazetaren Esiona Konomi, shprehet se “çmimi ka ndryshuar nga 200 mijë mijë lek hyrje 1+1 ka shkuar në 300 mijë (të vjetra). Pronarët janë hedhur në sulm, duke rritur çmimet e shtepive me qira”.

Edhe Gjon Marku punon në tregun e pronave. Ai tregon se “banorët duan shtëpi në katet e para e të dyta pallateve, ose shtëpitë private”.

Sa i përket shitje agjentet imobiliare tregojnë se “është më thjeshtë të shesim hyrje në pallat ekzistues se sa në pallat të ri”. /abcnews.al

gushtat.jpg
nev ila14:55 | 16/12/2019

Një familje me një foshnje 6 muajshe në Gjorm të Kurbinit jeton brenda banesës me muret e çara nga tërmeti i 26 nëntorit. Në Kurbin ka ende shumë familje që jetojnë në banesat e dëmtuara, pasi nuk kanë asnjë mundësi tjetër strehimi dhe nuk janë pajisur as me çadra.

Jeta e një foshnje 6 muaj në Gjorm të Kurbinit është në rrezik për sa kohë bashkë me familjen vijon të qëndrojë në shtëpinë e me mure të çarë.

Pas tërmetit të 26 nëntorit ka ende familje që nuk kanë lëvizur nga banesat e dëmtuara. Ata nuk kanë ku të shkojnë dhe askush nuk u ka sjellë qoftë një çadër.

Jeta e kësaj foshnje 6 muaj dhe e pjesëtarëve të tjerë të familjes Xeka është në rrezik. Banesa e familjes Xeka është dëmtuar por ata nuk kanë ku të shkojnë dhe janë të detyruar që në këtë stinë të ftohtë të qëndrojnë në shtëpi.

Gjyshja e të miturit tregon për ABC News se askush nuk është kujtuar të vlerësojë banesën e tyre e vetja ndihmë që ju është dhënë janë disa ndihma ushqimore.

Në fshatrat e Kurbinit ka me dhjetëra histori të ngjashme. Edhe Sinan Bacëri jeton i vetëm në fshatin Sanxhak. Ai nuk ka asnjë çadër dhe për pasojë po rrezikon jetën duke qëndruar në banesën e dëmtuar.

Edhe pse kanë kaluar gati 3 javë nga tërmeti i 26 nëntorit në zonat e dëmtuara ka ende familje që janë lënë mëshirë të fatit./abcnews.al

rama-ccc.jpg
ger ta17:40 | 12/12/2019

Kryeministri Edi Rama ishte këtë pasdite në Kamëz, në banesën e re të Aurel Lalës.

Vogëlushi u hodh nga kati i tretë i banesës në Thumanë, dhe arriti ti mbijetojë tërmetit tragjik. Gjatë bashkëbisedimit, Rama i premtoi vogëlushit se do të shkonin bashkë të hënën në shkollën e re.

“Të hënën do vij unë të të çoj në shkollë, s’ka vonesë në shkollë, do shkojmë në orar. Se u thua unë jam ai shoku i Ronaldos, s’ka kështu. Ne do takohemi bashkë në 7.00 dhe në 8 pa pesë do jemi te dera e shkollës. Mos kemi llafe se unë vij të zgjoj”, i tha Rama.

“Halli që u ra juve ëhstë një hall që nuk e zgjigh dot njeri, por këto tjerat do i zgjidhim bashkë”, iu drejtua më tej kryeministri familjarëve.

Ndërkaq, në murin e dhomës së Aurelit ishte instaluar portreti i Kristiano Ronaldos, të cilin vogëlushi e takoi pak ditë më parë.

Aureli dhe Alesio Cakoni , 10-vjeçari tjetër i cili u hodh nga kati i pestë, u surprizuan nga kryeministri në Romë, pasi takuan dy idhujt e tyre Ronaldo dhe Bufon./abcnews.al 

sharke.jpg
ger ta17:18 | 11/12/2019

Më shumë se 80 banesa janë dëmtuar në fshatin Sharkë, në bashkinë e Vorës. Banorët tregojnë për ABC Neës se askush nga instancat shtetërore nuk kanë shkuar për të parë gjendjen në të cilën jetojnë.

Sharka ndohet dy kilometra larg nga Bashkia e Vorës.

Tërmeti ka dëmtuar më shumë se 80 banesa. Më rëndë është ajo e 65-vjeçarit Petrit Dema. Ai na thotë se grupet e inspektimit ndoshta nuk e dinë se ekziston fshati i tij.

“Të paktën një çadër, mbi psë herë kam shkuar në bashki, nuk më kanë dhënë një çadër”, thotë ai.

Na fton për të parë banesën e tij nga afër.

“Është çarë komplet”

“Kjo është pasuria ime që kam shpëtuar natën e tmerrit Këto ka mundur të shpetojë pas tërmetit. Jemi tmerruar, si nga gjendja shpirtërore ashtu edhe nga shëndeti”

Me sy të lirë mund të shikosh shumë banesa të dëmtuara në fshatin Sharkë.

Disa janë shtëpi të vjetra e disa ndertime të reja.

Drita ka frikë të afrohet banesës së saj. Ka pësuar një shok psikologjik.

“Nuk hapet dera”.

Në qendër të fshatit qëndron një e moshuar. Banesa e nipit të saj ka dalë jashtë funskionit dhe askush nuk i ka thenë se ku duhet të qëndrojnë.

Nëse bashkia e Vorës nuk i ndihmon të paktën me çadra dimërore apo në banesa të përkohëshme, atëherë banorët do të protestojnë para institucionit vendor në shenjë revolte./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono