banda

PH7S3FGJMAI6TFQVR4NDFFROAQ-1280x855.jpg
ent ela18:41 | 28/08/2019

Përplasja e radhës mes karteleve të drogës në Meksikë u ka marrë jetën mbi 20 personave. Ngjarja ka ndodhur në shtetin e Verakruzit, një aks mjaft i rrahur për kalimin e narkotikëve dhe qenieve njerëzore drejt Shteteve të Bashkuara.

Të paktën 23 persona kanë mbetur të vrarë në një zjarr që përfshiu një lokal në shtetin Verakruz të Meksikës, një ngjarje të cilën policia e ka lidhur me veprimtarinë e karteleve të drogës. Mediat meksikane bëjnë të ditur se veç 23 viktimave, 13 persona të tjerë kanë mbetur të plagosur, disa prej të cilëve rëndë. Sipas burimeve mediatike, lokali fillimisht u qëllua me armë zjarri dhe bomba molotov përpara se të përfshihej nga flakët vrastare. Autoritetet në shtetin e Verakruzit kanë deklaruar se policia është vënë në kërkim të autorëve dhe kanë premtuar se ata nuk do të shpëtojnë pa u ndëshkuar. Ndërkohë, prokurorët vendas kanë deklaruar se zjarri ishte pasojë e një sulmi burracak, por hetimet vazhdojnë. Në muajin prill, një sulm i ngjashëm u mori jetën disa dhjetëra personave në lokalitetin Minatitlan, kur një grup personash të armatosur hapën zjarr ndaj një bari të populluar. Dhuna e bandave, shpesh herë e nxitur nga trafiku i drogës, nuk është e rrallë në Verakruz, një nga shtetet më të dhunshme të Meksikës. Rajoni është një rrugë mjaft popullore për kalimin e drogës dhe të qënieve njerëzore që kanë si destinacion Shtetet e Bashkuara dhe bandat rivale shpesh herë luftojnë për kontrollin e territorit. Vitin e kaluar, një varr masiv me kafkat e të paktën 166 personave, viktima të luftës për drogën, u gjet në shtetin në fjalë. /ABC News Albania 24/7

itali-1.jpg
ent ela21:00 | 30/07/2019

Policia italiane shkatërroi një grup italo-shqiptar të drogës, që trafikonte qindra kilogramë kokainë nga Shqipëria drejt Italisë.

Në operacionin “Contadino” të finalizuar në Novara përfunduan në pranga 19 persona, mes tyre 7 shqiptarë, ndërsa 7 persona të tjerë janë shpallur në kërkim.

Sipas mediave në vendin fqinj, në krye të kësaj organizate të strukturuar ishte shqiptari Arbër Çekaj, i arrestuar në muajin maj në Gjermani, pasi në kamionët e shoqërisë së tij të transporteve u gjetën 613 kilogramë kokainë të ardhura nga Kolumbia.

Hetimet rreth kësaj organizate të trafikut të drogës kishin nisur në vitin 2017, kur u arrestua me 3 kg kokainë 38-vjeçari shqiptar Elton Shano. Ky i fundit, pas disa muajsh në qeli, vendosi të bashkëpunojë me drejtësinë italiane, duke hedhur dritë mbi xhiron e mirëorganizuar të kokainës që kishte si qendër pikërisht qytetin e Novaras.

Tv Klan

1b37c242-048d-4c51-82a0-49029f79e9ad-1280x960.jpg
nev ila13:17 | 19/07/2019

Goditet banda italo- shqiptare në Messina, në pranga 12 persona.

12 persona të një bande kriminale të qytetit të Messinës janë arrestuar në orët e para të mëngjesit. Policia italiane bën me dije se grupi kriminal merrej me trafikun e drogës dhe armëve.

Ky grup e kryente aktivitetin kriminal të saj në lagjen popullore të “Mangialupi”, të qytetit të Messinës, e cila është pika lidhëse mes Siçilisë dhe pjesës tjetër të Italisë.

Autoritetet italiane bënë me dije se paraditen e sotme gjatë operacionit “Tuneli” u arrestuan 12 persona mes tyre dhe 4 shqiptarë, përkatësisht:

Ajet Cepaj, Rito Mecaj, Ernard Hoxha, Mizafer Binaj.

Të dyshuarit akuzohen, për disa vepra penale kryesisht për trafik dhe shpërndarje të lëndëve narkotike./abcnews.al

policia-1.jpg
G. P.19:14 | 09/07/2019

Europol në bashkëpunim me Policinë e Shtetit ka kryer një operacion ndërkombëtar për falsifikimin e ilaçeve sportive. Nga operacioni I koduar “Viribus”, u goditën 17 grupe kriminale, ndërsa u arrestuan 234 persona.

Gjithashtu, u sekuestruan rreth 3.8 milion substanca dopingu, Specialistët e antidrogës në Shqipëri sekuestruan 175 kg morfinë, ekstazi dhe metadon. Në kuadër të këtij operacioni 9 laboratore nëntokësore u mbyllën në vendet e Europës, duke konfiskuar 24 ton pluhur steroid të papërpunuar.

Operacioni “Viribus” u përqendrua në kontrollet e Dopingut gjatë ndeshjeve sportive, ku në disa vende, pjesë të Europol u kryen 1357 teste gjaku dhe urine. Operacioni u shtri në 33 shtete dhe 1000 persona u hetuan nga policitë e vendeve përkatëse./ABC News Albania 24/7

emmiii-1280x711.jpg
Sej rie17:15 | 29/06/2019

Një kapo bande në filmi shqiptaro-kinez, modelja dhe aktorja Emi Canaj e ftuar në “Thumb” flet për rolin e saj pas premierës së “Balkan Blood”.

“Balkan Blood” është një film fantastik që ua sugjeroj të gjithëve që ta shikoni. Ka qenë një sfidë brenda vetës sepse ka qenë fili i parë i zhanrit aksion. Unë jam në një rol dhe nuk jam gocë e mirë , jam në një rol të vështirë që për pjesën e Shqipërisë nuk është parë asnjëherë një femër e cila të jetë një kapo bande e fuqishme dhe një super-mafioze. Do ua sugjeroja ta shihni për vetë faktin se është hera e parë dhe është një bashkëpunim shqiptaro-kinez. Filmi është me tritra shqip dhe ne flasim aty gjuhën kineze. Është një super produksion që ka bërë edhe dublime. Ai xhirim është xhiruar në shqip dhe ne ishim disa aktorë që flisnim shqip. Kinezët me njeri – tjetrin flisnin gjuhën kineze. Gjuha e përbashkët që na lidhte ishte anglishtja”./abcnews.al

paloka-1280x853.jpg
ent ela16:55 | 19/06/2019

Kryeministri Edi Rama dhe ministri i brendshëm Sandër Lleshaj arrestojnë njerezit duke e përdorur policinë si bandë. Akuzat vijnë nga selia e Partisë Demokratike. Nenkryeatri Edi Paloka deklaron se krim kryejnë të gjithë ata që shkelin Kushtetutën dhe dekretin e Presidentit të Republikës për shfuqizimin e zgjedhjeve të 30 qershorit.

Deklaratë e nënkryetarit të Partisë Demokratike, Edi Paloka

Për pushtetin personal dhe për pasurinë e tij të paligjshme, Edi Rama po tregon se është i gatshëm t’i vërë zjarrin Shqipërisë, të nxisë konfliktin civil dhe vëllavrasjen mes shqiptarëve.

Edi Rama dhe banda e tij, në paligjshmëri të plotë, po arrestojnë qytetarët për arsyen e vetme se ata po zbatojnë ligjin. Ky ligj është botuar në fletoren zyrtare nga vetë qeveria dhe është akti i vetëm në fuqi për zgjedhjet.

Duke përdorur mjetet represive të goditjes së qytetarëve dhe kundërshtarëve politikë, Edi Rama po mbron karrigen e blerë në bashkëpunim me krimin e organizuar dhe bandat në të gjithë Shqipërinë.

Kjo është arsyeja përse Edi Rama dhe Sandër Lleshaj po e përdorin sot policinë si bandë kundër popullit, në shkelje të Kushtetutës, në shkelje të ligjit dhe të dekretit të Presidentit që ka shfuqizuar 30 Qershorin.

Krim, kryen kushdo që refuzon apo ndalon zbatimin e ligjit, në rastin konkret, Edi Rama, Sandër Lleshaj dhe policët që sillen si banditë me uniformë.

Kjo i bën ata zyrtarisht dhe ligjërisht një bandë të armatosur, pa ligj e pa ligjshmëri.

Qytetarët duhet ta dinë se çdo akt dhe thirrje për 30 Qershorin e Edi Ramës dhe i Sandër Lleshaj është antikushtetues dhe i paligjshëm.

Edi Rama është i vetmi i interesuar për dhunë dhe përplasje icivle, sepse tani ai ka dalë zbuluar përpara qyetarëve dhe gjithë botës. Por plani i tij për përplasje dhe  konflikt civil në Shqipëri, do të dështojë.

Dhuna dhe kërcënimët e paligjshme ndaj popullit nuk bëjnë asgjë tjetër veçse japin alarmin e menjëhershëm që çdo qytetar të jetë në këmbë për mbrojtjen e demokracisë, rendit kushtetues, lirive dhe të drejtave të tyre.

Me këtë kushtrim dhe të vendosur për kauzën tonë, ne do të jemi të gjithë bashkë të premten në orën 20.00, në protestën kombëtare dhe qytetare për Shqipërinë si gjithë Europa.

/abcnews.al

agjenti-1-1280x668.jpg
Sej rie15:30 | 12/06/2019

Shërbim “call center” dhe shpërndarje e menjëhershme e kokainës në Tanbrixh Uells në Britaninë e Madhe, ku vetëm njëri nga anëtarët e bandës numëronte 1500 telefonata për porosi. Janë të gjithë shqiptarë anëtarët e bandës që trafikonin kokainë në Britaninë e Madhe dhe që tashmë kanë përfunduar në pranga në pritje të datës së gjyqit.

Një bandë shqiptarësh ka përfituar rreth 4.2 milion stërlina – ose 4 milion e 700 mijë euro në shitjen e kokainës në zonën e Tanbrixh Uells në Britaninë e Madhe. Shërbimi i tyre njihej si ‘Deliveroo for drugs’. Sipas raportimeve të prokurorit të çështjes kjo shumë parash është përfituar për vetëm 6 muaj. Banda e shqiptarëve kishin krijuar një call center i cili funksiononte 24 orë në 24 për 7 ditë të javës në Londër.

Pas përfundimit në pranga në seancën dëgjimore u theksua se shqiptarët përdornin një sistem të thjeshtë dhe të suksesshëm për të shitur drogën. Ata përdornin një rrjet për shpërndarjen e ushqimeve për të mbuluar shitjen e kokainës dhe përdornin telefona të pa-përgjueshëm për marrjen dhe konfirmimin e porosive.

Porositë ishin gjithnjë gjysmë gramësh, gjithnjë kokainë, gjithnjë për 40 stërlina dhe gjithnjë me shpërndarës shqiptarë në zonën e Tanbrixh Uells.

Gjithashtu hetuesit gjetën prova të jetës luksoze dhe shpenzimeve marramendëse të anëtarëve të bandës, në telefonat e tyre celularë. Njëri prej tyre është filmuar duke hedhur para në një klub treksa perfomonte një këngëtare shqiptare. Një tjetër kishte dërguar një Range Rover për një shokun e tij në Shqipëri, dhe një i tretë i kishte paguar shërbimin dentar vjehrrës së tij. Zona në fjalë njihet për nivelin e lartë të jetesës, ndërsa në telefonin e njërit prej të arrestuarve u  gjetën 1500 telefonata porosish me një vlerë prej 60 mijë stërlinash.

Kishte raste që linja e telefonit bllokohej për shkak  të fluksit, dhe klientët luteshin që të paktën të kishin një konfirmim të porosisë së tyre.

Banda gjithashtu lidhet edhe me një sulm me thikë por askush nuk është akuzuar zyrtarisht.

Policia britanike arriti të gjurmonte linjën e shitjes së kokainës në juglindje të Londrës ku jeton njëri prej të arrestuarve 20-vjeçari Rigels Hadashaj. Policia arriti të mblidhte fakte dhe duke përdorur agjentë të infiltruar të cilët blinin kokainë prej javësh nga banda e shqiptarëve.

Një tjetër i arrestuar është dhe Ervis Dervishi, i cili u përgjua teksa transportonte me automjetin e tij një nga agjentët e infiltruar, të cilit i thoshte të mos fliste pasi shefi i tij nuk donte që ai të kishte të panjohur në automjet.  Një tjetër i arrestuar kishte 8 mijë stërlina cash dhe kokainë me një vlerë prej 2 mijë stërlinash.

Nelson Aliaj një tjetër anëtar i bandës kishte blerë toka dhe biznese në Shqipëri, ndërsa pjesa më e madhe e anëtarëve qëndronin në mënyrë të paligjshme në Britaninë e Madhe. Aliaj dhe Fatos Metalia pretenduan në momentin e arrestimit, se ishin kërcënuar në mënyrë që të bëheshin pjesë e Bandës.

Emrat e të arrestuarve janë Rigels Hadashaj, 20, Arlind Palushi, 19, Fatos Metalia, 24, Izmir Basha, 24, Nelson Aliaj, 28, Ervish Dervishi, 23, Xhesil Vucaj, 21, Alfred Gashi, 19, dhe Marius Kuci, 24-vjeç./ABC News Albania 24/7

traffico-di-droga-italia-albania-un-arresto-nel-brindisino-1559281543-grande.jpg
Sej rie15:35 | 31/05/2019

Një operacion i përbashkët policor mes Policisë së Shtetit dhe asaj Italiane, ka çuar në prangosjen e 5 personave, të cilët ishin përfshirë në trafikim të lëndëve narkotike.

Policia e Shtetit në bashkëpunim me autoritet ligjzbatuese Italiane kanë prangosur 5 persona me vendim të Gjykatës së Firences.

Ata janë identifikuar si anëtar të një grupi kriminal që merrej me trafikun e lëndëve narkotike në Itali. Ndërkohë policia ka dhënë edhe detajet e këtij operacioni, ku prangosjet janë kryer në të dy vendet njëkohësisht.

Arrestimet u bë në provincat e Firences, Sienës, Brindisit dhe në Vlorë, ku u përfshinë edhe Shërbimit të Bashkëpunimit Ndërkombëtar “Interpol” dhe “Interforca” italiane në Shqipëri.

Siç njofton policia, në qytetin e Vlorës u ndalua një 50-vjeçar, ndërsa u shpall në kërkim një tjetër, të dy me masë sigurie “arrest me burg” të vendosur më herët nga gjykata e Firences.

Masat janë lëshuar në përfundim të hetimeve të nisura në janar të vitit 2018, nga Skuadra Hetimore e Repartit “Operation”, që kanë mundur të identifikojnë një grup të organizuar kriminal në fushën e narkotikëve.

Operacion policor ndërkombëtar u kodua “SABBIA”, ndërsa u përfshinë një numër i lartë i punonjësve të policisë, Shqiptare dhe asaj Italiane./ABC News Albania 24/7

drugs_3_0.jpg
Sej rie18:45 | 21/05/2019

Autoritetet holandeze këtë të martë kanë arrestuar disa persona, në saj të një operacioni të madh kundër një rrjeti kriminal shqiptar. Policia në Limburgun e Jugut bastisi në dhjetëra shtëpi dhe ambiente biznesi ku qëndroni “kryesisht shqiptarë”, të përfshinë në kultivimin e kanabisit. Operacioni është ende në zhvillim dhe policia raporton se deri më tani janë arrestuar 15 persona. Autoritetet presin për të tjera arrestime.

Deri më tani, policia ka bastisur në trembëdhjetë ndërtesa. Në dhjetë prej tyre agjentët kanë gjetur lëngë narkotike. Ndërsa një ndërtesë ku thuhet se ishte fabrikë kanabisi u gjetën 7500 rrënjë lëndë narkotike dhe u konfiskuan 100,000 euro para të gatshme. Agjentët kanë gjetur edhe një armë zjarri dhe konfiskuan një makinë.

Ky aktivitet i gjerë kriminal ishte zbuluar krejt rastësisht. Një agjent kishte shkuar në një shtëpi në nëntor të viti 2016 dhe aty kishte zbuluar lëndë narkotike. Një i dyshuar shqiptar ishte arrestuar dhe rezultoi se ai nuk paguante qira për qëndrimin aty. Qiraja e banesë në fjalë shlyhej nga një kompani në Geleen. Më pas, kjo kompani u mbajt nën mbikëqyrje dhe rezultoi se ajo paguante qiranë e shumë banesave në zonë ku në to qëndronin kryesisht shqiptarë.

“Por ne e filluam këtë hetim vetëm në nëntor të vitit të kaluar, sepse kemi mungesë kapaciteti. Kjo për fat të keq është realiteti”, thotë udhëheqësi i ekipit, raporton media holandeze nrc.nl. 

Kompania zyrtarisht ishte e regjistruar të ushtronte aktivitetin e shërbimeve për makina, por sipas policisë, kompania gjithashtu ndihmoi kriminelët me pagesa të paligjshme. Kompania gjithashtu ka degë në Belgjikë dhe Gjermani.

Katër nga pesëmbëdhjetë të arrestuarit thuhet se janë drejtorët e kësaj kompanie. Të ndaluari janë dy 40-vjeçar marokenë dhe një grua 36 vjeçare me origjinë belge. I dyshuari i katërt është një 34 vjeçar me prejardhje shqiptare. Policia dyshon se kompania është themeluar për të mundësuar prodhimin e drogës. Është e paqartë saktësisht se çfarë roli kanë luajtur 11 të arrestuarit e tjerë. Arrestimet u bënë në Belgjikë, Gjermani dhe Geleen./abcnews.al

karabinierrr.jpg
nev ila11:26 | 16/04/2019

Plaçkitnin shtëpi të izoluara, në Piemonte, por përpara se të largoheshin me sendet e vjedhura, nxirrnin në fotografi pronarët e shtëpive ndërsa ishin në gjumë.

Një bandë grabitësish është arrestuar nga autoritetet italiane të Genovas dhe Torinos, ku mësohet se 3 anëtarë të saj ishin shqiptarë dhe një italian. Ata akuzohen për “vjedhje të banesave” dhe “grabitje të sendeve dhe mjeteve luksoze”.

Banda e grabitësve është përgjegjëse për 79 vjedhje të cilat i kishin kryer nga muaji Mars deri Nëntor të vitit të kaluar.

Grabitësit arrinin të hapnin bravat e dyerve apo të dritareve, duke përdorur një trapano dhe përpara se të largoheshin u bënin foto pronarëve të banesave.

Jam i fiksuar, hyra dhe i bëra foto vajzës aty”, thotë kreu i grupit të kësaj bande në një përgjim.

Autorët e këtyre grabitjeve ishin “kampinonë” në zbërthimin e bravave të dyerve, raportojnë mediat italiane. Ata vinin në shënjestrën e tyre, shtëpi të cilat ndodheshin larg qendrave të banimit, të cilat banoheshin nga të moshuar.

Policia ka sekuestruar 10 makina të cilat u janë kthyer pronarve që kishin bërë denoncimin si dhe dy armë të vjedhura./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono