BALLKANI

gjilani-1.jpg
Vladimir Prenga15:03 | 23/02/2020

Ballkani i përgjigjet Dritës dhe Prishtinës, teksa ka fituar ditën e sotme kundër skuadrës së Ferizaj me rezultatin 3-0. Ekipi nga Suhareka e zhbllokoi ndeshjen kur ishin luajtur 25 minuta, me Kuc që me një goditje nga distanca mposhti portierin mik.

Goli i qetësisë erdhi pesë minuta nga fundi i ndeshjes, kur Arbër Hoxha shënoi me penallti. Në shtesë u akordua një tjetër 11-metërsh, që u ekzekutua nga portieri Ruxhi dhe u kthye në gol. Një fitore shumë e vlefshme për Ballkanin, që ruan distancën prej tre pikësh me Prishtinën dhe Dritën.

Gjilani ka reaguar pas humbjes në derbi dhe sot skuadra e drejtuar nga Gentian Mezani ka mposhtur me rezultatin e pastër 2-0 ekipin e Flamurtarit të Prishtinës. Prurja e janarit, Sebino Plaku, ishte ai që shënoi golin e parë, kurse Tomislav Busic vulosi fitoren e bardhekuqve.

Trepça ’89 ka bërë detyrën ndaj Dukagjinit të vendit të fundit. Një ndeshje që nuk nisi si duhet për ekipin nga Mitroviva, pasi Mark Milicaj i ndëshkoi. Një penallti në pjesën e dytë rikthyer baraspeshën, me Manajn që u tregua i saktë. Dy minuta para përfundimit të kohës së rregullt ai shënoi edhe golin e fitores për Trepça ’89

IPKO SUPERLIGA E KOSOVËS – JAVA 19
E diel, më 23 shkurt 2020, ora 13:00

Ballkani-Ferizaj 3-0
Shënues:
Kuc 26′, Hoxha 85′ (pen.), Ruxhi 92′ (pen.)
Gjilani-Flamurtari 2-0
Shënues:
Plaku 38′, Busic 68′
Trepça 89-Dukagjini 2-1
Shënues:
Manaj 69′ (pen.), 88′ / Milicaj 24′

shorti.jpg
Vladimir Prenga11:58 | 18/02/2020

Digitalb Kupa e Kosovës po shkon drejt fundit. Para pak ditësh u përcaktuan katër skuadrat gjysmëfinaliste, ndërkohë që sot në ambientet e FFK është hedhur edhe shorti që përcakton çiftet.

Goglat kanë rezervuar përballjet Prishtina-Drenica dhe Ballkani-Feronikeli. Skuadra e drejtuar nga Armand Dallku është favorite për të shkuar në finale, ashtu sikurse kryesuesit e Ipko Superliga. Ekipi nga Suhareka duhet të kalojë fituesit në fuqi të Kupës.

Tashmë janë përcaktuar edhe datat e zhvillimit të ndeshjeve gjysmëfinale. Sfidat e para do të luhen më 8 prill, kurse të kthimit dy javë më pas, më 22 prill. / abcnews.al

Ballkani-1.jpg
Igli Nikolli14:58 | 15/02/2020

Ballkani dhe Prishtina e kanë nisur me fitore të thella pjesën e dytë të sezonit të IPKO Superligës së Kosovës. Kryesuesit mposhtën 3-0 në Suharekë skuadrën e Drenicës. Jetmir Topalli zhbllokoi ndeshjen në minutën e 18-të, ndërsa Arbër Hoxha dyfishoi shifrat me një gjuajtje të bukur pas gjysmë ore lojë.

Në minutën e fundit erdhi dhe goli i tretë për djemtë e Munishit. Liridon Fetahaj vulosi fitoren me “tris” dhe Ballkani ngjitet në kuotën e 37 pikëve pas kësaj fitore. Prishtina i shënoi sërish 4 gola Vushtrrisë, por në ndryshim nga ndeshja e Digitalb Kupës nuk pësoi gol.

Endrit Krasniqi dhe Otto John shënuan dy gola të shpejtë brenda 10 minutave të para. Miqtë ishin të pafuqishëm për të reaguar dhe kryeqytetasit shënuan dy herë të tjera në pjesën e dytë me autor kongolezin Mankenda dhe Meriton Korenicën. Suksesi e ngjit Prishtinën përkohësisht në vend të dytë me 34 pikë, në pritje të derbit të nesërm midis Dritës dhe Gjilanit.

Ferizaj ndali Feronikelin dhe siguroi një pikë të rëndësishme për objektivin mbijetesë. Kenan Orana shënoi për vendasit në pjesën e parë, ndërsa liberiani Andrews evitoi humbjen e kampionëve në fuqi me golin e shënuar 15 minuta përpara fundit të ndeshjes. Ferizaj renditet e treta nga fundi me 19 pikë, ndërsa skuadra nga Drenasi mban vendin e pestë me vetëm 28 pikë. /abcnews.al

 

Rezultatet e ndeshjeve të sotme
unidentified-new-born-babies-maternity-hospital-january-sofia-bulgaria-64904836.jpg
R D23:57 | 10/02/2020

Udhëheqësit e vendeve të Evropës Qendrore dhe të Ballkanit janë në panik për shkak të rënies demografike dhe po inkurajojnë familjet që të shtojnë lindjet në përpjekje për të ndalur rënien. Disa nga nxitjet për shtimin e lindjeve sjellin në kujtime epokën fashiste dhe atë komuniste të thirrjeve në patriotizëm e vlera familjare si dhe lehtësime bujare nga taksat dhe shpërblime për çiftet që lindin fëmijë.

Kritikët liberal akuzojnë qeveritë populiste se po shfrytëzojnë kërcënimin nga shpopullimi për të çuar përpara synimet nativiste dhe për ta kthyer orën prapa tek feminizmi. Por, zyrtarët qeveritarë kundërshtojnë pohimet e tilla duke theksuar që nëse nuk parandalojnë një krizë të popullsisë dhe të rrisin pjellorinë, qeveritë nuk do të jenë në gjendje të mbulojnë pensionet dhe kostot e kujdesit shëndetësor për brezat që po plaken.

Përpjekjet për të rritur popullsinë vendase dhe për të shtuar numrin punëtorëve të rinj për të financuar kostot e ardhshme të mirëqenies, po pengohen nga tendencat e migracionit. Të rinjtë po lënë Evropën Qendrore në një numër gjithnjë e më të lartë për jetë më të begatë në shtetet e përparuara të Evropës Perëndimore.

Hungari, ku shkalla e lindshmërisë ka rënë në 1.49 lindje për një grua (shkalla e nevojshme për të ruajtur nivelin e popullsisë është 2.1), kryeministri Viktor Orban ka ofruar ndihmë për strehim dhe ulje të kredisë hipotekare, në përpjekje për të inkurajuar më shumë lindje. Nënave u ofrohet heqje e taksave mbi të ardhurat gjatë tërë jetës për të rritur katër ose më shumë fëmijë. Gratë që martohen nën moshën 40 vjeç, mund të marrin një hua qeveritare prej 36 mijë dollarësh me falje të plotë të borxhit pas lindjes së fëmijës së tretë.

Muajin e kaluar udhëheqësi populist i Hungarisë shpalli ngritjen e gjashtë klinikave që do të ofrojnë trajtimin pa pagesë dhe fekondimin artificial (IVF).

Duke njoftuar trajtimet falas për IVF-në, që filluan më 1 shkurt, kryeministri Orban shpalli pjellorinë një çështje me rëndësi strategjike për vendin. “Nëse duam fëmijë hungarezë në vend të imigrantëve dhe nëse ekonomia hungareze mund të sigurojë fondet e nevojshme, atëherë e vetmja zgjidhje është të shpenzojmë sa më shumë fonde për të mbështetur familjet dhe për të rritur fëmijë,” tha ai në një konferencë në Budapest në muajin janar.

Qeveria e Polonisë ofron një ndihmë mujore prej 500 zlotësh (rreth 125 dollarë) për fëmijë për çdo familje pas fëmijës së parë. Partia Ligji dhe Drejtësia, (PiS), paraqiti shtesën pas fitores së saj në zgjedhjet e vitit 2015, duke e përfshirë atë në një program të quajtur Familja 500+, që është bërë një model për vendet fqinjë që po përballen me shpopullimin dhe po përpiqen të ndalojnë rënien e shkallës së lindjeve.

Por, qasja e tille e vendeve të Evropës Qendrore po alarmon feministët dhe kundërshtarët liberalë, të cilët druajnë se qeveritë e drejtuara nga partitë populiste po nxisin lindjen e fëmijëve jo vetëm për arsye ekonomike. Ata kanë frikë se populistët po përdorin dhurata bujare si një mënyrë për të blerë vota.

Ata akuzojnë populistët nativistë që thonë se të pasurit fëmijë është çështje publike dhe jo vetëm private, se duan të kthehen në periudhën e patriarkalizmit, kur roli i gruas kufizohej vetëm në lindjen e fëmijëve. Ata i cilësojnë disa nga propozimet si poshtëruese dhe e shohin ofertën IVF falas si diçka që del nga romani i Margaret Atwood, The Handmaid’s Tale (Rrëfenja e shërbëtores).

“A mundemi thjesht të deklarojmë se Hungaria është Gileadi tani e tutje,” pyeti gazetarja hungareze Anita Komuves në Twitter, duke iu referuar vendit të shpikur nga shkrimtarja Atwood.

Të tjerë kritikë liberal akuzojnë kryeministrin Orban, i cili thotë që dëshiron “lindje dhe jo imigracion” dhe populistët e Evropës Qendrore se po shfrytëzojnë planet për shtimin e natalitetit për synimet e tyre kundër imigracionit. Që nga kriza e migrimeve të vitit 2015, vendet e Evropës Qendrore u kanë rezistuar propozimeve të Bashkimit Evropian për ndarjen e barrës së migruesve me qëllim të ndarjes së barabartë të tyre tek vendet anëtare.

Duke shpalosur vitin e kaluar një “Plan të Veprimit për Mbrojtjen e Familjes”, i cili përfshinte disa stimuj për krijimin e familjeve të reja, udhëheqësi hungarez tha: “Ka gjithnjë e më pak fëmijë të lindur në Evropë. Për Perëndimin, përgjigja është emigracioni… Hungarezët mendojnë ndryshe. Ne nuk kemi nevojë për numra. Ne kemi nevojë për fëmijë hungarezë”.

Qeveria hungareze pret që nxitjet e saj do të çojnë në 4 mijë lindje shtesë.

Sipas shifrave nga Zyra Qendrore e Statistikave në Poloni, ka pasur një rritje prej 13 për qind të lindjeve pasi që qeveria paraqiti nismat për të inkurajuar më shumë lindje.

Por, ekspertët e demografisë janë të rezervuar dhe sipas tyre fushatat e vendeve të Evropës Qendrore ‘para për fëmijë” do të ofrojnë asgjë më shumë se disa hope të përkohshme. Ata marrin Rusinë si një shembull, duke thënë se programet e tilla të saj kanë bërë shumë pak për të ripërtërirë një popullatë që parashikohet të bjerë nga 142 milionë në 110 milionë deri në vitin 2050.

Sidoqoftë, vendet e Evropës Qendrore nuk kanë të vetmet që shqetësohen për rënien e popullsisë. Kroacia (e pesta në botë për shkallën e rënies) e ka vënë demografinë në qendër të kryesimit gjashtëmuajsh të Bashkimit Evropian.

Gjermania synon të rrisë shkallën e lindjeve duke e lehtësuar jetën për prindërit e rinj, me çifte që marrin ndihmë bujare për dy vjet pas lindjes, nëse të dy punojnë me kohë të pjesshme. Ka pasur një rritje në lindshmërisë, por popullsia me mbi 65 vjet pritet të rritet në 27.3 për qind në vitin 2035 nga 21.6 për qind sa ishte në vitin 2017.

Por, ndryshe nga kryeministri Orban, qeveria e kancelares Angela Merkel e sheh migracionin si të rëndësishëm në ndaljen e rënies demografike të fuqisë punëtore dhe është duke lehtësuar rregullat për bizneset që kërkojnë punëtorë të rinj të aftë nga jashtë Evropës.

Italia është po ashtu e alarmuar me rënien e shkallës së lindjeve. Numri i lindjeve të reja ka rënë në shkallën më të ulët që nga fillimi i regjistrimeve në vitin 1861. Gratë italiane kanë mesatarisht 1,29 fëmijë, shumë më pak se shkalla prej 2.1 që është e nevojshme për të ruajtur popullsinë. Nga ky vit qeveria do të financojë kopshtet e për të gjithë fëmijët dhe po rritë përfitimet për kujdesin e fëmijëve si dhe zgjatjen e lejes së baballarëve.

Greqia me ‘rripin e shtrënguar”, e cila ka një nga shkallët më të ulëta të lindjeve në Evropë, tani po u ofron nënave gati 2 mijë e 200 dollarë për çdo fëmijë të porsalindur, si dhe ulje taksash.

Shqipëria

Të dhënat periodike demografike që publikohen herë pas here nga Instituti i Statistikave në Shqipëri vijojnë të dëshmojnë një situatë me rënie të numrit të lindjeve dhe rrjedhimisht rënie edhe të shtesës natyrore të popullsisë. Tremujorin e tretë të vitit 2019 në Shqipëri lindën 800 fëmijë më pak se e njëjta periudhë e vitit 2018 ndërsa shtesa natyrore e popullsisë shënoi një rënie prej 17,1 % krahasuar po me tremujorin e tretë në vitin e shkuar. Prej kohësh studiuesit kanë vlerësuar me shqetësim gjendjen e vendit në një emergjencë demografike dhe kanë kërkuar që institucionet të trajtojnë me përparesi gjetjen e rrugëve për të zbutur pasojat e rënies natyrore të popullsisë. /VOA

Xhebrailat-e1581265562682.jpg
Igli Nikolli17:16 | 09/02/2020

Ballkani është surpriza më e bukur e këtij sezoni në futbollin dardan. Ekipi nga Suhareka kryeson IPKO Superligën dhe sot arriti një fitore të rëndësishme në Kupë. Djemtë e Ismet Munishit fituan 0-2 përballë Dukagjinit dhe u kualifikuan në gjysmëfinalet e Kupës.

Tifogrupi i Ballkanit, Xhebrailat i bënë një surprizë trajnerit të ekipit të zemrës. “Nuk është kampion ai që fiton, kampion është ai që nuk dorëzohet kurrë: Ismet Munishi“, lexohet në pankartën e tyre.

Trajneri i njohur dhe karizmatik, i ka falënderuar ultrasit me anë të një postimi në rrjetet sociale. “Faleminderit Xhebrailat, këtë fitore ua dedikojmë juve . Rrnoftë futbolli, poshtë pisat e dallaveraxhinjtë . Do të ju mundim të gjithëve. Keni me plasë, o të mjerë! O Zot, ndihmoi njerëzit e drejtë, dënoi të pafytyrët dhe dallaveraxhinjtë, ti e ke fuqinë e madhe, o i madhi Zot“, shkruan Munishi. /abcnews.al

 

Pankarta e ultrasve nga Suhareka
Ballkani.jpg
Igli Nikolli14:27 | 09/02/2020

Ballkani është ekipi i radhës që kualifikohet në gjysmëfinalet e Digitalb Kupës së Kosovës. Kryesuesit e IPKO Superligës fituan 0-2 në fushën e Dukagjinit me dy gola të shënuar në pjesën e dytë.

Blend Baftiu dhe Artur Magani realizuan golat e fitores për ekipin nga Suhareka. Ballkani shkëlqeu në pjesën e parë të sezonit dhe kryeson kampionatin dardan me 34 pikë të grumbulluara në 17 javë.

Djemtë e Ismet Munishin ndiqen nga Gjilani me 32 pikë, teksa për titull do të luftojnë fort deri në fund edhe Drita me Prishtinën, që numërojnë nga 31 pikë. /abcnews.al

Dukagjini – Ballkani 0-2
(Baftiu 48′, Magani 58′)

Ballkani.jpg
Igli Nikolli17:26 | 21/01/2020

Ballkani është surpriza e bukur e këtij sezoni në IPKO Superligën e Kosovës. Ekipi nga Suhareka ka zhvilluar një futboll të bukur në pjesën e parë të sezonit dhe kryeson kampionatin dardan.

Skuadra po zhvillon fazën përgatitore në Turqi dhe sot ka zhvilluar në Antalia një miqësore kundër polakëve të Jagiellonia. Ndeshja është mbyllur në barazim 3-3, teksa golat për ekipin e Ismet Munishit janë shënuar nga Arbër Prekazi, Arbër Hoxha dhe Albin Berisha.

Fantastik goli i dytë i Ballkanit. Sulmuesi Hoxha u tregua perfekt në një goditje dënimi dhe dërgoi topin në trekëndëshin e portierit polak. Gol shumë i bukur i 21-vjeçarit nga Peja, i cili ka shënuar katër gola në kampionat. /abcnews.al

Daku-Kukesi.jpg
Veronik Istrefaj17:11 | 11/01/2020

Sulmuesi i talentuar, Mirlind Daku, e ka mbyllur aventurën e tij te Kukësi. 19 vjeçari erdhi në formë huazimi nga Osijek te verilindorët, por pas gjashtë muajsh pa lënë shumë gjurmë ka ndërruar ekip. Sërish në huazim nga Osijek, sulmuesi i Kosovës U-21 është transferuar te Ballkani në IPKO Superliga.

Njoftimi i Ballkanit:

Mirë se vjen Mirlind Daku. Futbollisti më i ri FC Ballkani është sulmuesi shtatlartë Mirlind Daku, i cili vjen në formë huazimi nga klubi mik NK Osjek – Kroaci.

Mirlindi është anëtarë i rregullt i kombëtares U-21 të përfaqësueses së Kosovës, i cili më parë ka mbrojtur ngjyrat e klubeve të Superligës duke qenë protagonist në KF Hajvalia, KF Llapi dhe në ligën superiore të Shqipërisë tek KF Kukësi. Na priftë e mbara./abcnews.al

new-1280x853.jpg
So Nila11:00 | 03/01/2020

”The New York Times” i ka kushtuar një artikull pikërisht tërmetit të 26 nëntorit të vitit të kaluar i cili la pas 51 viktima në Shqipëri. Sipas saj në Shqipëri shpesh ndërtimi kompromentohet nga korrupsioni ndërkohë thekson se Ballkani është shkatërruar disa herë nga tërmetet. Por ajo çfarë paralajmëron kjo media është se gjithë rajoni është i papërgatitur të përballojë një tërmet më të fuqishëm.

Tërmeti i 26 nëntorit në Shqipëri vrau 51 njerëz, dërgoi qindra në spitale dhe la mijëra të pastrehë. Ndërsa tronditja vazhdon, tragjedia ofron një paralajmërim të ashpër për një rajon që është shkatërruar nga tërmetet shumë më të fuqishme në të kaluarën dhe që ekspertët paralajmërojnë se është i papërgatitur për një tjetër më të madh.

 

Nga Bukureshti në Rumani deri në Sofje në Bullgari dhe në mbarë vendet e Ballkanit në Evropën juglindore, qeveritë e njëpasnjëshme nuk kanë arritur të indetifikojnë rreziqet që paraqesin ndërtesat e vjetra. Miliona njerëz jetojnë në shtëpi me pak gjasa se mund të mbijetojnë nga një tërmet më i madh, thonë ekspertët.

Duke udhëtuar nëpër zonat më të goditura pas tërmetit të fundit në Shqipëri, shkalla e sfidës ishte e dukshme. Tërmeti i kishte bërë ndërtesat e ndërtuara edhe më të rrezikuara, dukë rënduar situatën edhe më shumë.

Vendi nuk ka inxhinierë dhe ekspertë  të mjaftueshëm për të vlerësuar të gjitha pronat që janë dëmtuar dhe madje edhe kur rreziku dihet, kostoja e kryerjes së riparimeve të nevojshme është shpesh pengesë në një nga vendet më të varfëra të Evropës.

Kryeministri Edi Rama tha se kohët e fundit qeveria për riformulonte buxhetin për t’ia dalë me krizën por kishin nevojë edhe për mbështetjen e ndërkombëtarëve.

“Thjesht, është e pamundur ta bësh këtë vetëm,” tha ai.

Ndërsa Shqipëria vazhdon të mari veten, të tjerët në rajon po përdorin këtë moment si alarm.

Duke ecur në rrugët e qytetit të vjetër në Bukuresht, vizitorët me një sy të mprehtë do të dallojnë qarqet e kuqe – në qindra ndërtesa.

 

Ata u vendosën atje nga inxhinierë për të klasifikuar ndërtesat në rrezik më të madh në rast të aktivitetit sizmik.

Qeveria në kryeqytetin Rumun, identifikoi 349 struktura  në rrezik më të lartë dhe ka të ngjarë të shemben .

“Ne flasim vetëm për rreth 300 ndërtesa në rrezik të shembjes në Bukuresht,” tha Matei Sumbasacu, themeluesi i Re: Rise, organizata e parë joqeveritare e Rumanisë, e përqendruar në zvogëlimin e rrezikut sizmik. “Ne kemi informacion për rreth 1.600 ndërtesa të tjera, dhe nuk dimë se sa të tjera ka.

Ai është aq i apasionuar pas temës sa ka bërë tatuazhe në parakrahun e tij të djathtë të dhënat sizmike të një tërmeti që tronditi vendin në 1977.

Në  Rumani, ndërtesat më të vjetra shpesh paraqesin rrezikun më të madh. Por në vendet e tjera, si Shqipëria,janë ndërtimet më të fundit që shqetësojnë shumë ekspertë.

Kur një tërmet me madhësi 5.7 tronditi Bullgarinë në vitin 1986, dëmi tejkaloi më shumë nga ç’mund të pritej.

Në qytetin e vogël të Strazhitsain, në veri të vendit, shumë shtëpi u shkatërruan dhe shumica e atyre që mbetën të pashkatërruara u konsideruan të pasigurta.

Mijëra ngelen të pastrehë.

Që nga viti 2007, kur Bullgaria u bë pjesë e Bashkimit Evropian, ndërtimet në vend duhej të respektonin kërkesat e bllokut për rezistencën ndaj tërmetit.

Sidoqoftë, shumë nga ndërtimet datojnë që nga koha e komunizmit, kur autoritetet iu përgjigjën nevojave urgjente të strehimit duke ngritur komplekse gjigande të paneleve paraprakisht.

Të ndërtuara në mënyrë korrekte dhe me mirëmbajtjen e duhur, struktura të tilla mund të mos paraqesin një rrezik të  madh.

Duke vozitur përgjatë bregdetit Adriatik, nga Dalmacia veriore në Kroaci përmes Malit të Zi dhe në jug në Shqipëri, rezultatet e ndërrimeve në pllaka tektonike me kalimin e viteve mund të shihen në peizazhin mahnitës të maleve që ngrihen ndjeshëm lart mbi detin Adriatik, sikur sikur shuhen nga toka.

Pavicevic, 86 vjeç, pati “takimin e tij të parë me shkatërrimin” gjatë tërmetit në Shkup të vitit 1963, i cili la më shumë se 1.000 njerëz të vdekur dhe qindra mijëra të pastrehë.

 

Tragjedia bëri që të rifillonte studimi dhjetëvjeçar i inxhinierit civil dhe avokimin e ashpër të marrjes në konsideratë të ndërtesave të reja, të infrastrukturës dhe planeve urbane.

Këto tërmete të shekullit të 20-të e shndërruan Ballkanin një “ pajtë të cekët , transparente” për të studiuar tektonikën e pllakave. Sidoqoftë, z. Paviceviç shqetësohet se Ballkani ka injoruar historinë e tyre sizmike dhe mësimet që ai ka dhënë.

Është si një ndjenjë e ndarë dhe me ekspertë të tjerë në rajon, përfshirë Z. Sumbasacu në Rumani.

“Ne kemi nevojë për më shumë guxim, kemi nevojë për më shumë guxim politik, sepse dikush duhet të jetë i hapur për këtë,” tha ai. “Ne duhet të pranojmë cënueshmërinë tonë. “/abcnews.al

gashi.jpg
Vladimir Prenga12:59 | 28/12/2019

Teuta njoftoi një ditë më parë largimet e Darko Nikac dhe Roni Gashi. Ky i fundit ka gjetur menjëherë skuadrën e re dhe do të rikthehet të luajë në Kosovë, ku më parë ka qenë pjesë e Lirisë së Prizrenit. Mesfushori do të luajë në elitë dhe me Ballkanin, skuadër që mban vendin e parë në Ipko Superliga.

Klubi nga Suhareka ka njoftuar arritjen e marrëveshjes, ndërkohë që edhe Gashi ka pozuar me fanellën e ekipit të ri. “Të dashur tifozë , për të mbyllur vitin 2019 me përforcimin e Janarit: Roni Gashi, lojtari më i ii i klubit. Roni vjen prej Teutës nga Durrësi “, shkruhet në njoftimin e Ballkanit, që publikon edhe fjalët e para të mesfushorit pas kësaj lëvizjeje.

“E ku ka më mirë se në vendlindje”, janë fjalët e Gashit, i cili do të kërkojë të fitojë titullin kampion në Kosovë. Mesfushori qendror nuk pati shumë hapësira këtë sezon te Teuta, teksa nga 13 ndeshje, vetëm gjashtë i nisi nga fillimi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono