Ballkani Perëndimor

SERBIA-FLIRTI-ABC-M3-T2.mpg_snapshot_00.03-1280x720.jpg
ent ela15:52 | 30/10/2019

Kryeministrja e Serbisë Ana Brnabic e konsideroi të ekzagjeruar tezën se në mungesë të Bashkimit Europian, Serbia po flirton me Kinën dhe Rusinë. Ajo theksoi se investimet më të rëndësishme kineze janë bërë në Europën Perëndimore.

Është një lojë që luhet në një fushë neutrale në Athinë. Edhe gjatë forumit dy ditor ndërkombëtar për bashkëpunimin mes Europës dhe Ligës Arabe në Greqi, vëmendja u përqendruar tek integrimi europian i Ballkanit Perëndimor. Një lojë, e cila nëse nuk konsiderohet e humbur, të paktën është e kompromentuar. Në dalje të Maksimos Mansion, selisë zyrtare të qeverisë greke, kryeministrja serbe Ana Brnabic, shprehu shqetësimin e saj për sa i përket negociatave me Bashkimin Europian.

“Duhet të them se procesi shpesh është shumë i dhimbshëm dhe i lodhshëm. Cdo gjë varet nga sfidat e brendshme të Bashkimit Europian. Të thuash se nuk mund të hapen negociatat me Maqedoninë e Veriut dhe Shqipërinë, për fat të keq, sipas meje përkthehet, në faktin se kur Bashkimi Europian të vendosë se sa kapituj do hapen për Serbinë, do të jetë shumë konservatore për këtë çështje, pavarësisht reformave që po ndodhin në Serbi”.

Ekuilibrat gjeopolitikë po spostohen pra në lindje, ashtu si lë të kuptohet dhe marrëveshje për tregtinë e lirë mes Beogradit dhe Bashkimit Ekonomik Euroaziatik, e firmosur nga kryeministrja serbe në Mpskë. Boshllëku në perëndim mund të mbushet nga Rusia dhe Kina dhe pse Brnabic nuk e konsideron si një zgjedhje eksluzive.

“Ajo që ëshët e rëndësishme për ne është që të kemi partner në të gjithë botën. Për këtë arsye dëshiroj të marr në konsideratë dhe marrëveshjen për tregti të lirë që firmosëm të premten e kaluar me Bashkimin Ekonomik Euroaziatik në Moskë. Nuk e konsideroj si një faktr në kundërshtim me anëtarësimin në Bashkimin Europian apo me rrugën tonë drejt Bashkimit Europian. E konsideroj plotësues. Edhe një herë e përsëris, për sa i përket influencës së Kinës apo Rusisë, mendoj se po ekzagjerohet”.

Horizonti i 2025-ës, i fiksuar nga Komisioni Europian, për integrimin e Serbisë, duket se një rrugë e mbushur me pengesa. /ABC news Albania 24/7

 

SINKRON-RAMA-AMERIKANJA.mpg_snapshot_00.01-1280x720.jpg
ent ela15:26 | 28/10/2019

Kryeministri Edi Rama gjatë një konference për politikat e SHBA në Ballkanin Perëndimor, e ka kritikuar edhe njëherë bashkimin Europian për refuzimin e negociatave me Shqipërinë dhe Maqedoninë e Veriut. Rama tha se BE e ka dëshmuar disa herë se nuk e mban fjalën, sikurse ka vepruar edhe me Kosovën. Ndërsa e ngarkuara me punë e ambasadës amerikane në Tiranë, Lejla Moze Onesh tha se Shqipëria po punon fort në fushën e sundimit të ligjit dhe vendin e ka në BE.

I ka bashkuar Politika amerikane në Ballkan për t’i drejtuar mesazhe Kinës Rusisë dhe Iranit se Shqipëria nuk është në krahun e tyre.

“Shqipëria është përgjigjur prerë dhe ka mbajtur qëndrime parimore të përshëndetur nga SHBA-ja përsa u përket kërkesa të bëra nga Kin, Rusia dhe Irani për çështje interesash”.

Jo vetëm kaq por e ngarkuara me punë e Ambasadës së Shteteve të Bashkuara të Amerikës në Tiranë në emër të Shqipërisë i ka treguar kundërshtarëve të vendit të saj se makinacionet ruse nuk do të mund të depërtojnë dot.

“Për Rusinë dhe Kinën, Ballkani është mjet që të shfrytëzohet dhe të flaket tej, ata duan të minojnë modelin perëndimor. Irani ka shfrytëzuar praninë në Tiranë për të shkatërruar kundërshtarët. Shqipëria ia ka bërë të qartë Kinës, se disa gjëra nuk janë në shitje dhe ka refuzuar makinacionet ruse”.

Kryeministri Edi Rama ndalet tek aktualiteti i politikës shqiptare duke i kujtuar Shteve të Bashkuara të Amerikës por edhe Bashkimit Evropian në veçanti se nuk janë të angazhuar me aleatët në këto procese të ndërlikuara, sepse ua kërkojnë ata por sepse e kërkon destinacioni historic.

“Sepse të njëjtat gjëra që Shqipëria duhet dhe do të bënte pasi të merrte “PO”-në, të njëjtat gjëra duhet dhe do të bëjë pavarësisht se “PO”-ja nuk erdhi dhe mund të vijë, apo mund të mos vijë në muajt e ardhshëm, apo në vitet e ardhshme, kjo nuk varet nga Shqipëria, kjo nuk varet nga çfarë bëjmë ne, kjo definitivisht varet nga çfarë duan apo nuk duan të bëjnë ata me veten e tyre dhe me perspektivën e Ballkanit Perëndimor në raport me familjen e Europës së Bashkuar”.

Fundin e fjalës së tij ia dedikoi skeptikëve holandezë që duket se nuk janë të tillë kur vijnë në Shqipëri dhe marrin shijen e ushqimit dhe kënaqësitë e tjera që të fal ky vend.

 “Këtë mund t’jua them jo vetëm si banor i Tiranës, por edhe si një njëri që kam patur fatin të shikoj që edhe vetë holandezët mrekullohen kur vijnë në Tiranë dhe thonë që është komplet ndryshe Shqipëria nga çfarë ne e mendojmë dhe pastaj kur kthehen, e shikojnë ashtu siç e mendojnë dhe jo ashtu siç e kanë parë”. /ABC News Albania 24/7

 

parlamenti-europian-1.jpg
ent ela14:37 | 27/10/2019

Në një editorial të Europe Blog, shtrohet teza sesi kushtëzimi i Bashkimit Europian ndaj vendeve të Ballkanit Perëndimor, përforcon kapjen e shtetit në këtë rajon.

Procesi i zgjerimit të BE në Ballkanin Perëndimor nuk ka arritur të riprodhojë ndikimin transformues që pati në Evropën Qendrore dhe Lindore. Solveig Richter dhe Natasha Wunsch tregojnë për kapjen e shtetit si pengesën thelbësore për demokratizimin e thellë në rajon dhe argumentojnë se kushtëzimi i BE jo vetëm që nuk arrin të kapërcejë modelet e qeverisjes së dëmshme, por pa dashje kontribuon në ngatërrimin e tyre. Vetëm duke e zgjeruar angazhimin e saj përtej ekzekutivit mbizotërues dhe duke favorizuar diskutimin e brendshëm mbi pajtueshmërinë e nxitur nga stimulimi, BE mund të presë që të ndryshojë situatën për mirë.

Kushtëzimi politik është instrumenti kryesor përmes të cilit Bashkimi Evropian është përpjekur të nxisë reformat demokratike në Ballkanin Perëndimor. Megjithatë, është gjithnjë e më e qartë se ky mjet klasik i politikës së zgjerimit nuk po krijon kushtet e kërkuara në një kontekst të brishtë pas konfliktit për të trajtuar me sukses reformën e njëkohshme politike dhe ekonomike. Përkundrazi, ka një zbërthim të mrekullueshëm midis një rritje të qëndrueshme të niveleve të pajtueshmërisë zyrtare me kushtet e pranimit në BE, dhe rënies së njëkohshme të demokracisë liberale në të gjithë rajonin, me tendencat e nivelit të vendit duke filluar nga stanjacioni në regresionin e plotë.

Në një studim të kohëve të fundit, ne gjetëm prova që sugjerojnë se vëzhgimi është për shkak të kapjes së gjerë të shtetit që parandalon qeveritë në rajon të ndjekin një transformim efektiv demokratik. Kapja e shtetit përshkruan një formë veçanërisht destruktive të korrupsionit, ku institucionet shtetërore dhe aktorët ndërmjetës, siç janë partitë politike, bëhen plaçkitëse ose infiltrohen nga rrjetet e klientelistëve që i përdorin ato për të dhënë praktikat e tyre informale me veshje zyrtare.

Në strategjinë e saj për Ballkanin Perëndimor 2018, Komisioni Evropian e identifikoi kapjen e shtetit si një pengesë kryesore për reformat e thella në Ballkanin Perëndimor, duke pretenduar se vendet tregojnë elemente të qarta të kapjes së shtetit, përfshirë lidhjet me krimin e organizuar dhe korrupsionin në të gjitha nivelet e qeverisë dhe administratës, si dhe një ngatërrim i fortë i interesave publike dhe private. Megjithatë, kushtëzimi i BE jo vetëm që nuk ka arritur të adresojë në mënyrë efektive kapjen e shtetit, por gjithashtu kontribuon pa dashje në konsolidimin e proceseve të tilla duke bërë të mundur rrjetet informale për të forcuar kontrollin e tyre.

Efektet e dëmshme të kushtëzimit të BE-së

Pse ka arritur qasjen e kushtëzimit të BE-së në nxitjen e pajtueshmërisë me kriteret zyrtare të pranimit të BE-së, por nuk do t’i vendosë vendet e Ballkanit Perëndimor në një rrugë të qëndrueshme drejt demokratizimit? Për ta kuptuar këtë paradoks, ne duhet të përfshijmë sistematikisht politikën e brendshme informale në analizë dhe të shqyrtojmë efektet negative (të paqëllimta) të politikës së zgjerimit të BE-së. Ne nuk pretendojmë se BE shkaktoi kapjen e shtetit në radhë të parë, pasi ky është një proces shumë-shkakor që priret të shfaqet në një varg kontekstesh tranzicioni. Megjithatë, ajo ka kontribuar në vendosjen e modeleve të tilla të qeverisjes së dëmshme në disa mënyra.

Ne identifikojmë tre lidhje të dallueshme që lidhin kushtëzimin e BE-së me konsolidimin e kapjes së shtetit. Së pari, presioni i jashtëm për liberalizimin e tregjeve në mungesë të një kornize ligjore gjithëpërfshirëse lejoi një elitë të vogël ekonomike të realizonte përfitime private dhe të ndërtonte rrjete të fuqishme që ndikojnë në vendimmarrjen politike (para).

Së dyti, kushtëzimi i fortë nga lart poshtë pengon diskutimin e brendshëm dhe dobëson mekanizmat e brendshëm të përgjegjësisë, duke lejuar elitat në pushtet të heshtin kundërshtarët e brendshëm (fuqia).

Dhe në fund, përparimi drejt anëtarësimit në BE dhe ndërveprimet e shpeshta me zyrtarë të nivelit të lartë të BE-së dhe shteteve anëtare shërbejnë për të legjitimuar elitat në pushtet (lavdia).

Si rezultat, vendet e Ballkanit Perëndimor janë ngecur në një grackë të kapjes së shtetit që çon në demokratizimin në stanjacion dhe pamundësi për të zbatuar reforma të thella.

Rruga përpara: Përtej angazhimit ekzekutiv

Pra, duhet të konkludojmë se vendet e Ballkanit Perëndimor janë një shkak i humbur për demokracinë dhe sundimin e ligjit? E kundërta. Dhjetëra mijëra protestues në të gjithë rajonin po kërkojnë ndryshime politike, përfshirë demonstrime në shkallë të gjerë kundër presidentit serb në Beograd dhe në veriun e Kosovës. BE-ja mbetet shtytësi më i rëndësishëm i jashtëm për një ndryshim të tillë. Megjithatë, qasja aktuale e kushtëzimit rrezikon të forcojë kapjen e shtetit edhe më tej. As thjesht përsosja e kushteve nuk do të jetë e mjaftueshme për të trajtuar paaftësinë e përhapur të kontrolleve dhe ekuilibrave të brendshëm në të gjithë rajonin.

Nëse një transformim i plotë demokratik mbetet ende qëllimi i BE-së në rajon, kushtëzimi duhet të plotësohet me një fuqizim më të plotë dhe të qëllimshëm të parlamenteve kombëtare dhe aktorëve të shoqërisë civile si një kundërpeshë ndaj drejtuesve dominues. Të favorizosh diskutimin e brendshëm dhe jo pajtueshmërinë e nxitur nga stimulimi duhet të shkojë shumë përpara në sigurimin e qëndrueshmërisë së sundimit të ligjit dhe reformave demokratike edhe pasi vendet e Ballkanit Perëndimor të bëhen përfundimisht anëtarë të BE. /abcnews.al

 

 

C54D908E-EF26-4E5B-9809-B83E4915BF33_w1023_r1_s.png
ent ela22:57 | 30/08/2019

Sekretari i Shtetit ka emëruar Zëvendës Ndihmës Sekretarin Matthew Palmer si Përfaqësuesin e tij të Posaçëm për Ballkanin Perëndimor.

“Në këtë rol, – tha Departamenti i Shtetit, – zoti Palmer do të udhëheqë përpjekjet tona për të forcuar angazhimin diplomatik amerikan në mbështetje të paqes, stabilitetit dhe begatisë në rajon dhe për t’u përqëndruar në integrimin e vendeve të Ballkanit Perëndimor në institucionet perëndimore.”

Departamenti amerikan i Shtetit njofton se si Përfaqësues i Posaçëm, zoti Palmer do të shkojë në Slloveni duke filluar nga 1 shtatori për të marrë pjesë në Forumin Strategjik të Bledit. Ai gjithashtu do të përfaqësojë Shtetet e Bashkuara në takimin e Drejtorëve të Quint-it për Ballkanin në Bruksel dhe do të marrë pjesë në takime në Vjenë dhe Podgoricë, nga 4 deri më 10 shtator.

Përveç shërbimit si Përfaqësues i Posaçëm i Sekretarit, zoti Palmer do të vazhdojë të jetë Zëvendës Ndihmës Sekretar në Zyrën e Çështjeve Evropiane dhe Euroaziatike, një post që ai mban që nga viti 2018. Më parë, ai ishte Drejtor i Zyrës për Evropën Jugore dhe Qendrore. /VOA

FINLANDEZI-NEGOCIATAT-1280x720.jpg
ent ela21:18 | 30/08/2019

Vendet e BE-së kanë një mendim pozitiv sa i takon hapjes së negociatave të anëtarësimit me vendet e Ballkanit Perëndimor. Deklarata është bërë nga ministri i Jashtëm finlandez, pas një takimi me homologët europianë, si dhe është konfirmuar nga shefja e Politikës së Jashtme të BE, Mogerini.

Ministri i Jashtëm finlandez deklaroi të premten se vendet anëtare të BE-së janë optimiste për hapjen e negociatave të anëtarësimit me Shqipërinë dhe Maqedoninë e Veriut, edhe pse nuk dha një datë të saktë se kur mund të ndodhë kjo. Ministri Peka Havisto foli pas takimit me homologët europianë të mbajtur në Helsinki, me të cilët diskutoi mes të tjerash edhe për ambicjet e anëtarësimit të dy vendeve ballkanase, vendimi për të cilat është shtyrë disa herë nga disa shtete. “Për mendimin tim, pritshmëritë se në një moment mund të vendosim hapjen e negociatave me Maqedoninë e Veriut dhe Shqipërinë janë pozitive”, tha Havisto për gazetarët, pa saktësuar se cilët ministra ishin dakord dhe cilët skeptikë. Më herët gjatë së premtes edhe shefja në ikje e Politikës së Jashtme të BE, Federika Mogerini refuzoi të tregonte se cilat shtete mbështesin hapjen e negociatave me dy vendet ballkanase dhe cilat e kundërshtojnë atë. “Kam parë sot një mbështetje dhe një vendosmëri edhe më të fortë tek vendet anëtare lidhur me rëndësinë strategjike të Basahkimit Europian për të mbajtur të hapur procesin e zgjerimit”, tha Mogerini. Në qarqet e Brukselit janë të mendimit se Maqedonia e Veriut e meriton hapjen e negociatave pas marrëveshjes së emrit me Greqinë, që i hap rrugë mes të tjerash edhe anëtarësimit në NATO. Ndërsa për Shqipërinë, disa vende anëtare deklarojnë se duhet të bëjë më shumë në luftën kundër krimit të organizuar, korrupsionit dhe për sundimin e rendit dhe ligjit. /ABC News Albania 24/7

49566844_303.jpg
ent ela13:42 | 13/07/2019

Në një intervistë për Deutsche Velle, koordinatori i samitit të Poznan Voislav Tarka, për Ballkanin Perëndimor, u shpreh se aktualisht Bashkimi Europian dhe Ballkani janë në udhëkryq. Ndër të tjera ai  tha se Shqipëria dhe Maqedonia e Veriut i kanë përmbushur të gjitha kushtet. Rekomandimi i Komisionit Europian është pozitiv, por Parisi është kundër hapjes së negociatave me këto dy vende.

Anëtarësimi i Ballkanit Perëndimor në BE as s’mund të sfidohet dhe as s’mund të zëvendësohet me forma të tjera angazhimi të BE, thekson në intervistë me Deutsche Velle ambasadori Vojislav Tarka, koordinator i Samitit të Poznan-it.

I pyetur për çështjet kryesore që u shtruan në këtë samit ai theksoi se forumi “Think Tank” iu kushtua kryesisht situatës social-ekonomike në Ballkanin Perëndimor dhe të ardhmes së politikës së BE-së ndaj rajonit. Ai shtoi se mesazhi është i qartë: duhet të ndryshojë mënyra sesi ka funksionuar deri tani zgjerimi i BE në Ballkanin Perëndimor, në mënyrë që zgjerimi si politikë dhe BE si aktor i politikës në Ballkanin perëndimor të mbeten të besueshme. Tarka shprehet se BE dhe BP janë në udhëkryq: procesi i zgjerimit duhet ose të përshpejtohet deri në arritjen e qëllimit përfundimtar, që vendet e reja anëtare t’i bashkohen BE-së në një të ardhme të parashikueshme, ose politika e zgjerimit dhe BE, si aktor politik në BP do të humbasin qëllimin.

I pyetur për qëndrimin e presidentit francez Emanuel Makron sipas të cilit Franca do të refuzojë miratimin e zgjerimit të mëtejshëm të BE derisa ai të rikuperojë kredibilitetin e humbur dhe përshpejtojë vendim-marrjen; Tarka u shpreh qartë. Sipas tij Franca po mbështet politikën e zgjerimit të BE në BP sipas meritës. Por në fakt, politika që po ndjek BE është krejt e kundërta: Shqipëria dhe Maqedonia e Veriut i kanë përmbushur të gjitha kushtet. Rekomandimi i Komisionit Europian është pozitiv, por Parisi është kundër hapjes së negociatave me këto dy vende. Politika e zgjerimit është politika më efikase kundrejt vendeve fqinje me BE. Ekspertët mendojnë, se Franca po minon themelet e kësaj politike dhe nuk po propozon asnjë alternativë. Ky qëndrim do të dobësojë në masë të konsiderueshme ndikimin e BE jo vetëm në BP por në gjithë vendet e tjera fqinjë me BE.

“Polonia, si shumica e shteteve anëtare, është e kënaqur që Komisioni Europian rekomandoi hapjen pa kushte të negociatave të pranimit me Shqipërinë dhe Maqedoninë e Veriut. Na vjen keq që nuk u mor vendim muajin e kaluar, në qershor, dhe presim që në tetor të merret një vendim pozitiv, pa asnjë vonesë të mëtejshme,” përfundoi ai. /ABC News Albania 24/7

bashkimi-eurpian.jpg
nev ila18:16 | 28/05/2019

Komisioni Evropian, të mërkurën (29.05) i paraqet Parlamentit Evropian raportet e progresit për shtetet në procesin e zgjerimit, ku përfshihen shtetet e Ballkanit Perëndimor dhe Turqia.

Në raporte nuk pritet të ketë befasi dhe duket se Komisioni Evropian do të rekomandojë edhe kësaj radhe çeljen e negociatave për anëtarësim për Maqedoninë e Veriut dhe Shqipërinë. Në Bruksel kjo ngjarje që vitet e mëparshme është shoqëruar me shumë aktivitete këtë herë ndodhet nën hijen e Samitit të Jashtëzakonshëm të vendeve anëtare, të cilat duhet të vendosin për mënyrën e zgjedhjes së presidentit të ri të Komisionit të BE-së.

Këto raporte rekomandojnë shumë veprime, të cilat zbatohen në bazë të vendimeve në strukturat e tjera të BE-së të udhëhequra nga zyrtarë të zgjedhur të vendeve anëtare. Vendimi për çeljen e negociatave bëhet nga Këshilli Evropian ku marrin pjesë krerët e vendeve anëtare.

Raporti në tërësi do të përmbajë vlerësime për ecurinë e reformave në vendet e Ballkanit duke përfshirë edhe ato të cilat janë kyçe për Shqipërinë si funksionimi i institucioneve, sundimi i ligjit dhe lufta kundër korrupsionit. Sa i përket Shqipërisë dhe Kosovës si pika kyçe do të mbeten lufta kundër korrupsionit dhe funksionimi i drejtë i gjykatave.

Përmbajtja e raportit do të përdoret nga vendet anëtare dhe nga vendet që pretendojnë anëtarësimin si mjete lobimi për marrjen e vendimeve.

Sa i përket çeljes së negociatave për Shqipërinë situata nuk ka ndryshuar me Francën si një kundërshtare me peshë e çeljes së negociatave, e përkrahur nga vende si Holanda dhe Belgjika.

Më herët është spekuluar se qëndrimi negativ i Francës për zgjerimin ka qenë i lidhur me zgjedhjet për Parlamentin e BE-së dhe ndikimin që një vendim i tillë mund ta ketë në këto zgjedhje. Rezultatet e zgjedhjeve nuk përmbushën frikën e forcimit tw së djathtës në nivel evropian, por pozita e Presidentit Makron është goditur, pasi partia e tij humbi kundrejt ekstremit të djathtë të udhëhequr nga Marine Le Pen në Francë. Mbetet të shihet se si ky rezultat do të ndikojë në qëndrimin francez./DW

FONDI-I-BALLKANIT-PERENDIMOR.mpg_snapshot_00.02-1280x720.jpg
ent ela15:54 | 24/05/2019

Fondi i Ballkanit Perëndimor një iniciativë ndërqeveritare, e themeluar me qëllim promovimin e vlerave të përbashkëta në rajon organizoi në Tiranë seminarin mes partnerëve grantmarrës. Projektet fituese do të zbatohen në sektorin e kulturës, edukimit e kërkimit shkencor.

Me qëllim rritjen e bashkëpunimit rajonal Sekretariati i Fondit të Ballkanit Perëndimor çeli në Tiranë seminarin mes partnerëve grantmarrës. Pjesëmarrëse ishin 24 organizatat fitues të thirrjes së dytë të cilat shkëmbyen përvojat e përbashkëta.

“Sot ne po fillojmë një miqësi të përbashkët, e cila do të përforcohet dhe konsolidohet në periudhën e ardhshme me 24 organizatat tuaja. Ne mendojmë se këto ngjarje janë një mundësi unike për të gjithë ne që të njohim më mirë njëri tjetrin dhe të bëjmë miq nga e gjithë rajoni”.

Projektet e organizateve fituese nga rajoni do të zbatohen në sektorin e kulturës, edukimit, kërkimit shkencor dhe zhvillimit të qëndrueshëm.

 “ Jam i bindur se ky sesion do të ketë suksesin e të parit. Ky është shembulli më i mirë sesi shoqëria civile dhe pushteti qendror përfshihen në aktivitete në promovim të vlerave europiane.

“Fondi i Ballkanit Perëndimor ka gjithmonë një rol kyç sa i përket stabilitetit dhe sigurisë në rajon përmes projekteve që orienton.”

Ceremonia e Çmimit të Madh të projekteve fituese të Fondit të Ballkanit Perëndimor do të zhvillohet më 24 maj po në Tiranë.

Gjatë fazës së zbatimi të projektit fituesit do të jenë pjesë e një makinerie më të gjerë rajonale ku përfshihen më shume se 80 partnerë.

Fondi i Ballkanit Perëndimor është një iniciativë ndërqeveritare, e themeluar me qëllim promovimine vlerave të përbashkëta ndërmjet qytetarëve, shoqërisë civile dhe institucioneve në rajon. /ABC news Albania 24/7

merkel.jpg
ad min15:48 | 29/04/2019

Nis në Berlin samiti i liderëve të Ballkanit Perëndimor, thirrur me ftesë të kancelares Merkel dhe Presidentit francez Macron.

Raportet e fqinjësisë në Ballkan si dhe kërkesa për vijimin e dialogut mes Prishtinës dhe Beogradit pritet të jenë temat më kryesore gjate diskutimeve në këtë samit.

Shqipëria përfaqësohet nga kryeministri Edi Rama dhe ministri në detyrë për Europën dhe Punët e Jashtme, Gent Cakaj. Ndërsa Kosova nga Presidenti Hashim Thaçi dhe kryeministri Ramush Haradinaj. Serbia  dhe Mali i Zi gjithashtu do të përfaqësohen nga Presidenti dhe kryeministri.

Ndërsa Maqedonia e Veriut do të përfaqësohet nga kryeministri Zaev. Takimi i parë i këtij samiti është mes kancelares gjermane Angela Merkel dhe kryeministrit të Maqedonisë së Veriut, Zoran Zaev.

Më pas Merkel do të zhvillojë një bisedë me kryeministrin e Shqipërisë, Edi Rama, që do të pasohet nga një tjetër bisedë dypalëshe mes saj dhe presidentit Macron e që më pas do t’ia lërë vendin konferencës së përbashkët për shtyp në 17:30.

Më pas takimi me liderët e Ballkanit Perëndimor, ku do të marrin pjesë edhe shefja e Politikës së Jashtme të BE-së Federica Mogherini dhe Komisioneri Johanes Hahn do të nisë rreth orës 17:45 dhe parashikohet të zgjasë deri në orën 19:30. Brenda kësaj kohe, sipas axhendës së siguruar nga mediat kosovare, pritet të ketë edhe një darkë pune.

Ndërkohë presidenti i Serbisë Aleksandër Vuçiç pas takimit me përfaqësuesen e lartë të Bashkimit Europian, Mogherini, deklaroi se nëse Kosova do të heqë taksën e vendosur ndaj mallrave serbe, dialogu do të riniste të nesërmen./abcnews.al

VELIAJ-SAMITI-DIGITAL.mpg_snapshot_00.08-1280x720.jpg
ent ela15:09 | 05/04/2019

Samiti i ardhshëm digjital i Ballkanit Perëndimor do të mbahet në Tiranë, e më konkretisht te Piramida.

Tirana shumë shpejt do të kthehet në një nga qendrat më të mëdha të zhvillimit të Teknologjisë në gjithë rajonin. Kështu bëri të ditur Kryetari i Bashkisë Erion Veliaj në Samitin Digjital të Ballkanit Perëndimor që po mbahet në Beograd.

Veliaj tregoi se Samiti i ardhshëm do të mbahet në kryeqytetin shqiptar. Pikërisht tek Piramida, e cila do t’i dedikohet teknologjisë dhe kodimit.

“Kjo është një ditë shumë e mirë për Shqipërinë, sidomos për gjithë reformat në digjitalizimin e Shqipërisë dhe kryesisht të Tiranës. Kanë ndodhur disa gjëra shumë të rëndësishme në Samitin Digjital të Ballkanit: së pari, Shqipëria dhe Tirana janë përzgjedhur si mikpritëse të Samitit Digjital të Ballkanit. Prandaj do të punojmë fort që, në të njëjtën kohë, vitin tjetër, të kemi gati Piramidën si qendrën më unike në të gjithë Ballkanin për mësimin e teknologjisë së informacionit. Me përparimin e madh që ka bërë Shqipëria, sidomos në digjitalizimin e qyteteve, jemi një nga modelet që u vlerësuan edhe në samitin e sotëm”.

Kryebashkiaku i Tiranës Erion Veliaj vlerësoi punën e Majlinda Bregut dhe Këshillit Rajonal për heqjen e kostos e Roaming në komunikimet telefonike.

“Është një ditë e shkëlqyer sidomos për ata që shpenzojnë me roaming dhe duan të bëjnë biznes apo të udhëtojnë në Ballkan. Falë punës së shkëlqyer të Majlinda Bregut dhe Këshillit Rajonal për Bashkëpunimin në Ballkan është realizuar dhe mundësuar marrëveshja e roaming-ut pa pagesë, kur vjen puna për udhëtimet brenda rajonit”.

Veliaj theksoi gjithashtu se digjitalizimi do t’i afrojë më shumë, jo vetëm vendet, por edhe qytetarët e rajonit të Ballkanit, duke ulur kostot, por edhe duke shkëmbyer informacionin. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono