balliu

permbytje.jpg
R D14:38 | 22/12/2019

Reshjet e dendura të shiut që ranë gjatë ditës së diel kanë shkaktuar probleme edhe në kryeqytet. Disa rrugë janë përmbytur, ndërsa siç shihet në pamje, lumi i Lanës ka dalë nga shtrati. Ish-deputeti demokrat, Klevis Balliu hodhi akuza ndaj Kryeministrit Rama dhe kryebashkiakut, Veliaj.

Statusi i tij në facebook

Shi ka në gjithë botën por në pak minuta u përmbyt Tirana, Lana del nga shtrati, rrugët kryesore të kryeqytetit përmbyten dhe lavatriçja drogës €rion Veliaj bën sehir.

Pse ndodh kjo është e thjesht. Ndërtimet vend e pa vend, vjedhjet në rrugët e Tiranës dhe projektet e propagandës kanë bllokuar gjithçka çka e përmbyt Tiranës në pak minuta shi.
Shqipëria ska as qeveri dhe as bashki.

Sot vendi jonë është në mëshirë të fatit.

Kur ka tërmet bashkia nuk përgjigjet as qeveria kur ka përmbytje po ashtu atëherë për çfarë na duhen këta thjesht për të vjedhur vendin që të mbushi xhepat Veliaj me Ramën.

S’mund të tolerohet më!

balliu11.jpg
ent ela13:32 | 15/11/2019

Klevis Balliu dhe Çlirim Gjata dorëzuan kallëzim penal në Prokurorinë e Tiranës ndaj Niko Brahimajt, Ermal Kapllanit, Dallëndyshe Bicit dhe Granit Korbit, që sipas tyre ushtruan dhunë ndaj banorëve të Unazës së Re.

Në një deklaratë për mediat Balliu tha se ky është hapi i parë dhe premtimi i pD për banorët e Unazës dhe dhimbjes së nënave dhe fëmijëve. Ndërsa hapi i dytë sipas tij dëmshpërblimi cent për cent i këtyre banorëve, kur PD të jetë në qeveri.

“Është hapi i parë i një premtimi nga PD për banorët e Unazës dhe të gjithë ata që i kanë dhunuar e ushtruar dhunë me gaz lotsjellës, dhimbjen e atyre fëmijëve që u traumatizuan nga shkopat e gomës e gazi lotsjellës. Për të gjitha këto do vihen para përgjegjësië. PD do të mbrojë kauzën e drejtë e kushtetuese. Projekti është fiktiv, gjithçka kane hequr duhet dëmshpërmblyer edhe dhuna dhe drama që kanë kaluar fëmijët e nënat e atyre banorëve. Ky është hapi i parë. Hapi i dytë në qeveri do të jetë dëmshëprblimi cent për cent i këtyre pronarëve që po u vidhet shtëpia”.

Ndërsa sekretari për çështjet ligjore në PD Çlirim Gjata tha se janë shkelur të drejtat kushtetuese të qytetarëve të Unazës së Re, duke përdorur metoda të dhunshme.

“Janë shkelur të drejtat kushtetuese të qytetarëve të Unazës së Re. Policia ka përdorur metoda të dhunshme ndaj banorëve”.abcnews.al

unaza-banoret-1280x720.jpg
ent ela16:10 | 10/11/2019

Më 11 nëntor banorët e unazës së re duhet që të lirojnë banesat e tyre, pasi është afati i fundit sipas IKMT-së. Banorët kanë paralajmërojnë se do të ketë përplasje mes tyre dhe të gjithe atyrë që do të shkojë për të shembur shtëpitë dhe bizneset. Ish-deputeti demokrat Klevis Ballu u shpreh se banorët duan dialog për t’i dhënë zgjidhe çështjes.

Më 11 nëntor banorët e unazës së re janë njoftuar se duhet që të lirojnë banesat e tyre sepse do të nisë shembja. Jashtë kameras banorët pohuan se ata kanë vendosur që të mblidhen që në orën 07:30 të mëngjesit së bashku me fëmijët e tyre në mbrojte të shtëpive. Banorët shprehen se nëse punonjës të IKMT-së ose policia do të shkojë në Unazë për të nisur shembjen e objekteve, ata do të përballen me ata pasi shtëpit e tyre do t’i mbrojnë me çdo kusht. Banorët ishin mblrdhur përpara gjykatës penale të Tiranës pasi u zhbillua seanca për caktimin e masës së sigurisë për Shpëtim Selimin, person i dyshuar se ka dhunuar më datë 7 nëntor një nga punonjësit e IKMT-së.  Gjyqtari Kujtim Vranici vendosi për Selmanin masën arrest në shtëpi.

Në mbrojte të banorëve ishte edhe ish-deputeti demokrat Klevis Balliu i cili deklaroi se, banorët e Unazës së Re kërkojë dialog.

Punonjësit e IKMT-së  kishte mbërritur në Unazës të Rë për të bërë njoftimin e  përfundimit të afatit, për lirimin e banesave. Një grup banorësh , në bashkëpunim me njëri-tjetrin kanë goditur me gurë e sende të forta,punonjësit e IKMT-së, ku për pasojë mbetën të plagosur 4 prej tyre dhe 1 punonjës i Policisë, gjithashtu, u dëmtua edhe një automjet i uniformave blu. /abcnews.al

 

familja-balliu-1280x703.jpg
nev ila11:28 | 20/10/2019

Një familje me katër pjesëtare të sëmurë jeton mes fatkeqësisë dhe mjerimit por për dhjetëra vite askush nuk është kujtuar për të. Gazetari i ABC News Ahmet Zani ka përgatitur një kronikë për të treguar çfarë ndodh me këto qënie njerëzore.

Jeton e vetme këtu mes shkurreve në fshatin Brret të Malësisë së Krujës. Vetëm 15 kilometra larg rrugës nacionale. Dëshira është një nga katër pjesëtaret e sëmurë të familjes Balliu.

Ajo nuk di as çfarë bënë dhe me çfarë ushqehet. Motra nëna, babai janë larguar nga banesa. Është vetëm ky qen që e mbron.

Një qënie njerëzore që nuk dihet nëse ka lindur me probleme apo u sëmurë më pas. Dëshira sot është 35 vjeçe. Ajo ka lindur tre fëmijë.  Të gjithë vdiqën në këtë vend ku kanë shkelur vetëm ata bastardë që abuzuan me të.

Ditën kalon duke ngrënë fruta të egra, kurse natën një zot e di çfarë ndodh me të. Po drama nuk mbyllet këtu në hapësirën e Dëshirës. Gazetari Ahmet Zani rrugës për në kthim takohet motrën e saj, Linditën.

Thotë se nuk shkon në shtëpi sepse sapo bie errësira dëgjon një zhurmë në derën e shtëpisë. 40 vjeçe,  rri mbi rrugën nacionale në Fushë Krujë. Dikush i fal bukë ose ndonjë teshë të vjetër. Edhe katër fëmijët e saj kanë vdekur. S’di të tregojë cilët abuzuan me të.

Jo vetëm shteti, por dhe zoti i ka harruar këto jetë njerëzore. Njerëzit as duan t’ia dinë për fatin e tyre shokues./abcnews.al

SINKRON-BALLIU-GJYKATA.mpg_snapshot_00.03-1280x720.jpg
ent ela11:41 | 13/10/2019

Për masën “Arrest me burg” për 3 personat e arrestuar se bllokuan rrugën pas protestës së mbajtur tek Unaza e Re ka reaguar edhe ish-deputeti i PD, Klevis Balliu. Ai theksoi se ndërkohë që qeveria vjedh, në burg futen qytetarët e thjeshtë dhe jo kriminelët. Balliu u shpreh se me këto vendime kryeministri Rama kërkon të ndalojë protestat në vendin tonë. Ai deklaroi se do të tërhiqen tani për një vendim afatgjatë. /abcnews.al

balliu-1-1280x554.jpg
ent ela18:27 | 12/10/2019

Si çdo natë në orën 18:30 banorët e unazës së re që preken nga projekti i zgjerimit po protestojnë sërish, ndërkohë një forca të shumta policie janë zhvendosur te unaza e re duke formuar edhe kordon policor për të ruajtur dhe rendin gjatë zhvillimti të kësaj proteste.

Gazetarja e ABC News Yllka Kamenica raporton se në të dya anët e rrugës janë forca të shumta policie, Shqiponja dhe FNSH, ndërsa mungojnë policët e qarkullimit rrugor.

Ish deputeti demokrat Klevis Balliu i cili mbështet që nga fillimi këta banorë thotë se Rama kërkon gjakderdhje

“Ne nuk përleshemi me policinë. Banorët nuk duan luftë me policinë e shtetit. Të armatosur deri në dhëmbë. Për çfarë i keni marrë armët për të vrarë qytetareë, për të plagosur qytetarë? Turp”.

Balliu tha se e kanë lënë të hapur orarin e mbylljes së protestës. Nëse çdo ditë ka përfunduar në 19:30 sot kanë thënë që është pa limit.

/abcnews.al

FABIOLA-KLEVIS-BALLIU.mpg_snapshot_01.40-1280x720.jpg
ent ela15:51 | 10/10/2019

Në lidhje me arrestimin e tre banorëve te unaza e re për bllokim të qarkullimit rrugor, një vepër që dënohet me 3 vite burg dhe kundërshtim të punonjësve të policisë, ka reaguar edhe ish deputeti demokrat Klevis Balliu, I ftuar në studion e ABC News Balliu shprehet se ajo protestë është çdo ditë për 12 muaj kundër një afere korruptive. Ai akuzon kryeminsitrin rama se me arrestimine banorëve kërkon të shuajë protestën si institucion dhe të kthejë diktaturën.

“Ndryshimi i kodit penal nuk është një kod penal, bllokimi i rrugëve ka qenë gjithnjë problem ka pasur gjithmonë ligj për të po bëhet fjalë për protestë dhe jo bllokim rrugësh. Në çdo vend të botës kur ka protestë bllokohen rrugët, ajo protestë është çdo ditë për 12 muaj kundër një afere korruptive e dalë boje nga Evropa e deri në SHBA, ku u falsifikua firma e sekretarit të shtetit, ku në mënyrë hajduteske qeveria donte të vidhte 40 mln euro. Sot ata kërkojnë të rivendosin skemën e vjedhjes prandaj drejtuesit e ARRSH nuk pranojnë të rrinë në atë post se e dinë shumë mirë që ajo aferë do i vërë para ligjit”.

Për Balliun ata banorë duhen dekoruar pasi i shpëtuan qyetarëve 40 mln euro nga një aferë korruptive dhe i dhanë shtetit shqiptar 1.6 mln euro.

“Kjo protestë ka dalë te Zëri i Amërikës që protestohet përditë. Nuk ka ndonjë gjë të re. Pse sot do t’i arrestojë? Se do të shuajë protestën si institucion, kërkon të kthejë diktaturën. Ata banorë janë në të drejtë të ligjit e Kushtetutës. Akuza është pse ti del në protestë?. Kush e vendos legjitimitetin e një proteste?. Në atë protestë nuk pati përplasje, për çfarë u arrestuan? Thjesht se mbrojnë shtëpitë te tyre kundër aferave korruptive.

Kush është arrestuar për vjedhjen e 40 mln eurove? Ku është Arta Marku? Pse nuk jep vendim për këtë çështje apo do ia kalojë Dibrës këtë çështje siç kaloi 184. Protesta ishte dje në 6 e 30 do jetë nesër dhe në vijim është përditë. Policia njoftohet për protestën. Është çdo ditë deri sa të zgjidhet ky problem.

Ata banorë i shpëtuan qytetarëve 40 mln euro që donte t’ia vidhte Edi Rama dhe në sajë të asaj proteste shteti ka fituar 1.6 mln euro. Rama kërkon me çdo kusht të asgjësojë sistemin demokratik. Sulmon të drejtën për të protestuar.”/abcnews.al

BALLIU-KAJMAKU-MBULIM.mpg_snapshot_00.09-1280x720.jpg
ent ela12:39 | 03/09/2019

Partia Demokratike vijon me akuzat ndaj kryeministrit Edi Rama se po mbron kryebashkiakun e Vorës Agim Kajmaku. Ish-deputeti Klevis Balliu në një dalje për mediat, u shpreh se organizata kriminale e Rilindjes po zbaton kodin mafioz të heshtjes, për të mbrojtur të arratisurin nga drejtësia greke, Jorgo Toto, të konvertuar në emrin Agim Kajmaku.

Sipas Balliut, Edi Rama flet për gjithçka, por nuk guxon të thotë asnjë fjalë për Jorgo Kajmakun.

“Jorgo Toto mbrohet nga kryeministri i ardhur në pushtet me krimin, sepse ai është simboli i modelit me të cilin qeveris Shqipërinë prej 6 vitesh”, u shpreh Balliu.

Ish-deputeti demokrat tha më tej se me heshtjen e tij, Edi Rama provoi se është pikërisht ai, mbrojtësi i Agim Kajmakut. /abcnews.al

balliu-1280x702.jpg
ad min11:45 | 31/05/2019

Ish-deputeti i PD Klevis Balliu dorëzoi sot në Prokurorinë e kryeqytetit disa prova që, sipas tij, tregojnë dhunën e ushtruar nga policia mbi banorët e Unzës së re. Sipas Balliut, përmes policisë Rama u ka shpallur luftë qytetarëve.

“Sot dorëzova në emër të PD-së disa video, shumë prej tyre dhe i keni parë, por edhe video të tjera, foto, të cilat faktojnë dhunën që policia e shtetit ka ushtruar ndaj këtyre banorëve. Më lejoni të jem i qartë, dhuna vjen për shkak të urdhrave politikë të kupolës së Policisë së Shtetit dhe të vetë kryeministrit Edi Rama.

Sot për shkak të politizimit të policisë së shtetit, sot Policia e Shtetit është ndarë në Polici të Shtetit dhe Polici të Pushtetit.

Policia e pushtetit të Edi Ramës, është ajo e cila dhunon protestuesit në çdo protestë, është ajo e cila gjendet e dehur në zyrat e qeverisë dhe jep urdhra e dehur për të dhunuar qytetarët shqiptar”, tha Balliu./abcnews.al 

MBULIM-PROTESTUESIT-PD-KORCE.mpg_snapshot_00.01-1280x720.jpg
ent ela13:58 | 03/03/2019

Me thirrje “Rama ik”, protesta me në krye ish- deputetët Salianji dhe Balliu, ka kaluar në Korçë. Mbështetës dhe simpatizantë të PD-së, po protestojnë para Bashkisë Maliq kundër qeverisë. Ndërkohë, blutë kanë marrë masat, duke vendosur një kordon policie në hyrje të bashkisë. Me parulla, ata kanë bllokuar bulevardin kryesor të qytetit, por nuk ka trazira dhe dhunë, duke protestuar paqësisht. Mes tyre janë parë edhe studentë. Ata kanë bërë thirrje se duhet t’i rikthehen protestave studentore, pasi nuk kanë fituar asgjë. Ndërsa fermerët janë shprehur se do e rrëzojnë qeverinë, ashtu siç shkulën mollët. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono