babale

artan-gjermeni.jpg
nev ila17:10 | 04/01/2020

Zbardhet vendimi i Gjykatës Penale te Tiranës për dënimin me 1 vit burg për ish-deputetin e PD, Ervin Salianji nën akuzën e kallëzimit të rremë, lidhur me publikimin e audiopërgjimit që implikonte si të përfshirë në trafik droge, vëllain e ish-ministrit të Brendshëm, Fatmir Xhafaj.

Në vendimin e firmosur nga gjyqtari Artan Gjermeni, thuhet se Salianji u përfshi në kallëzimin e rremë për interesin e tij politik dhe të PD. Sipas argumentimit të Gjykatës, Albert Veliu, i njohur ndryshe si “Babalja” u akomodua fillimisht në selinë e PD, ku ka dhënë dhe intervista.

Gjykata thotë se biseda e stimuluar mes Albert Veliut dhe Fredi Alizotit është regjistruar në janar të vitit 2018 me një mjet përgjimi stilolaps, të cilin Albert Veliut, sipas gjykatës, ja ka dorëzuar Salianji.

Në vendim thuhet se Ervin Salianji i ka premtuar Albert Veliut se do të përfitonte një shpërblim në një vlerë prej 200 mijë eurosh, në rast se do të sillte të dhënat që inkriminonin Geron (Agron) Xhafaj në fushën e narkotikëve në qytetin e Vlorës.

Sipas Gjykatës, për të realizuar regjistrimin kompromentues për Geron Xhafajn, Veliu ka kërkuar ndihmën e Fredi Alizotit, me të cilin kishte një njohje të vjetër dhe shumë miqësore. Gjykata ka konstatuar se zëri i vëllait të ish-ministrit të Brendshëm në audio përgjim, Geron Xhafa është stimuluar nga Fredi Alizoti.

“Të dy të pandehurit kanë regjistruar bisedën e simuluar, në muajin Janar të vitit 2018, në qytetin e Vlorës, tek një lokal që ndodhet përballë lokalit të shtetasit Geron (Agron) Xhafaj. Bisedën ata e kanë regjistruar tek një mjet regjistrues i tipit stilolaps dhe mbasi kanë ardhur në Tiranë, i pandehuri Albert Veliu ja ka dorëzuar të pandehurit Ervin Salianji, i cili ishte dhe personi që i kishte dhënë këtë mjet”, thuhet në vendim.

Gjykata ka konstatuar se mes 4 te pandehurve të çështjes “Babale”, Veliu, Alizoti, Salianji dhe gazetarit Jetmir Olldashi ka pasur komunikime te shpeshta para e pas publikimit të audio përgjimit.

Sipas gjykatës, kontakti mes Albert Veliut me gazetarin Jetmir Olldashi është realizuar nga Salianji. Për gjyqtarin Artan Gjermeni, edhe deklarimet publike te ish-deputetit Salianji nuk dhanë asnjë provë për veprën penale të trafikut të drogës në ngarkim të Agron Xhafës.

Për këto arsye, sipas gjyqtarit, kjo veprimtari e kallëzimit të rremë, nuk mund të konsiderohet e kryer brenda fushës së ushtrimit të funksionit politik të deputetit apo lirisë së shprehjes.

Ashtu siç kishte premtuar edhe në përfundim të gjykimit në shkallën, e parë ish-deputeti Ervin Salianji ka apeluar vendimin duke kërkuar pafajësi për veprat penale për të cilat ka qenë nën hetim.

Përveç ish deputetit demokrat, gjykata ka dënuar me 3 vite e 5 muaj burg, Albert Veliun për akuzën e kallëzimit të rremë dhe kalim të paligjshëm të kufirit, dhe me 2 vite Fredi Alizotin si bashkëpunëtor në regjistrimin e audio përgjimit.

Ndërsa për gazetarin Jetmir Olldashi  dënimi me 6 muaj burg është konvertuar me detyrimin për të kryer 100 orë pune në interes publik. Sipas vendimit të gjykatës penale, vuajtja e dënimit për Ervin Salianjin, do të nisë nga dita që vendimi merr formë të prerë.

Në të përcaktohet se vuajtja e dënimit do të kryhet në një nga burgjet e sigurisë së zakonshme./abcnews.al

juli-ervin-salianjo.jpg
nev ila11:00 | 19/12/2019

I ftuar në studio me Juli Xhokaxhi ditën e sotme ishte Ervin Salianji i cili deklaroi se do të publikojë në vazhdim prova dhe fakte të reja që tregojnë lidhjet në trafikun e drogës, të vëllait të ish-Ministrit të Brendshëm, Agron Xhafaj.

Sipas Salianjit, Agron Xhafaj është ortak dhe partner, me personat që janë kapur përpara disa muajve me tonelata droge në shtetin grek.

Juli Xhokaxhi: Jo më larg se dje keni deklaruar se do të publikoni prova dhe fakte të reja. A mund të na thoni dicka?

Ervin Salianji: E kam thënë pak, por po pres që të marr konfirmime të plota, nga i njëjti grup i strukturuar kriminal që ka denoncuar gazetari dhe Albert Veliu, në Gusht, janë kapur tonelata me drogë në Greqi, disa skafe, të cilët janë ortakë, partnerë dhe shoferë, që rrinë gjithë kohën bashkë me Agron Xhafajn. Kështuqë në momentin që do ti faktojmë, do ti bëjmë publike. Ashtu sic thuhet dhe në Akt-ekspertimin britanik, që ka vërtetuar se zëri në audio-përgjim është i Agron Xhafaj, dhe ka përjashtuar kategorikisht një “Agron” tjetër (Agron Hyseni) që ka futur SHISH për të ngatërruar akt-ekspertimin. Pra kanë gjetur një “Agron” tjetër, që të bëjnë cfarëdolloj marifeti dhe ngatërrese, për të mbuluar Agron Xhafajn.

Juli Xhokaxhi: A po mblidhni prova të tjera?

Ervin Salinanji: Ka shumë prova aty që do të ndërtohej narrativa e cila duhet të ishte bërë tashmë. Ne do ti drejtohemi edhe SPAK në vazhdim për këtë çështje. Gjithsesi është shumë e habitshme që Agron Xhafaj, nuk doli kurrë me zë dhe figurë, për të mohuar se zëri në përgjime nuk ishte i tij, Ai e deklaroi këtë vetëm me një shkresë.

Ditën e djeshme Gjykata Penale e Tiranës mori vendimin për të akuzuarit në çështjen “Babale”.

Gjyqtari Artan Gjermeni vendosi që Ervin Salianji të dënohet me 1 vit burg. Ndërkohë dënoi me 3 vite e 5 muaj burg Albert Veliun dhe 2 vite burg për Fredi Alizotin ndërsa për Gazetarin Jetmir Olldashi gjykata vendosi dënimin e tij me 6 muaj burg të konvertuar në 100 orë shërbim komuniteti.

Por çfarë është dosja “Babale”?

Pranverën e 2018-ës, PD botoi 2 audioregjistrime, përmes së cilave supozonte se vëllai i ministrit të Brendshëm aso kohe, Fatmir Xhafaj, Agroni ishte i përfshirë në trafikimin e lëndëve narkotike. E tërë çështja u emërua “Babalja”, pasi dëshmitari X i Partisë Demokratike, i cili ishte i përfshirë në audioregjistrime, thirrej në to me pseudonimin Babale.

Krimet e Rënda lëshuan urdhër-arreste për protagonistët e audiopërgjimit, Albert Veliu, i njohur ndryshe me nofkën “Babalja” dhe kunatin e tij, Fredi Alizoti. Nga ekspertiza që i është bërë kampionit të zërit, ai që dëgjohet në audio është i Agron Xhafajt, por i Alizotit, i cili pranonte se kishte imituar zërin e vëllait të ministrit, pasi iu ishin premtuar 200 mijë euro nga deputeti me mbiemrin Salianji./abcnews.al

 

ervin-salianji-reagimi.jpeg
nev ila16:05 | 18/12/2019

Pas marrjes së vendimit nga Gjykata penale e Tiranës, Ervin Salianji dha një prononcim për mediat ku theksoi se vendimi i sotëm për dënimin e tij do të apelohej më tej. Sipas Salianjit Gjyqtari Artan Gjermeni ka patur konflikt interesi në gjykimin e çështjes ndaj tij.

“E komentoj me qetësi. Ishte e pritshme  sepse ishte bërë gati kohë më parë. E pabazuar në ligj dhe në fakte, vetëm e bazuar në vendime politike.  Ky gjyqtar në një çështje më parë, ku unë kam qenë palë,  kemi kërkuar përjashtimin e tij sepse ka qenë në një konflikt interesi. Nuk ka mafje, nuk ka llum që më ndalin dot. Padiskutim që nuk më tremb por më bën të privilegjuar dhe i motivuar edhe më denoncues në këtë grup të strukturuar kriminal. Tashmë vendimi do të apelohet dhe do të ndiqen të gjithë shkallët e gjyqësorit deri në Strasburg“.

Gjykata e dënoi me burg, çfarë ndodh tani me ish-deputetin demokrat?

Sipas raportimit të gazetarit Andi Qosja për ABC News, Gjykata Penale e Tiranës ka marrë vendimin ditën e sotme për të akuzuarit në çështjen “Babale”.

Artan Gjermeni ka vendosur që Ervin Salianji të dënohet me 1 vit burg. Ndërkohë Gjykata Penale e Tiranës dënon me 3 vite e 5 muaj burg Albert Veliun dhe 2 vite burg për Fredi Alizotin.

Për Gazetarin Jetmir Olldashi gjykata ka vendosur për dënimin e tij me 6 muaj burg të konvertuar  në 100 orë shërbim komuniteti.

Çfarë është dosja “Babale”?

Pranverën e 2018-ës, PD botoi 2 audioregjistrime, përmes së cilave supozonte se vëllai i ministrit të Brendshëm aso kohe, Fatmir Xhafaj, Agroni ishte i përfshirë në trafikimin e lëndëve narkotike. E tërë çështja u emërua “Babalja”, pasi dëshmitari X i Partisë Demokratike, i cili ishte i përfshirë në audioregjistrime, thirrej në to me pseudonimin Babale.

Krimet e Rënda lëshuan urdhër-arreste për protagonistët e audiopërgjimit, Albert Veliu, i njohur ndryshe me nofkën “Babalja” dhe kunatin e tij, Fredi Alizoti. Nga ekspertiza që i është bërë kampionit të zërit, ai që dëgjohet në audio është i Agron Xhafajt, por i Alizotit, i cili pranonte se kishte imituar zërin e vëllait të ministrit, pasi iu ishin premtuar 200 mijë euro nga deputeti me mbiemrin Salianji.

/abcnews.al

vbabale-ervin-salianji.jpg
nev ila15:00 | 18/12/2019

Ditën e sotme është zhvilluar seanca e radhës gjyqësore për çështjen “Babale”kundër ish-deputetit demokrat Ervin Salianji, për të cilin Prokuroria ka kërkuar dënimin me 1.6 vite burg. Për Salianjin seanca gjyqësore ishte një farsë.

Ndërsa pritet që të jepet në minutat në vazhdim edhe vendimi për çështjen Babale, Salianji deklaroi dhe bëri me dije provat e reja shkencore që sipas tij janë të pakundërshtueshme. Salianji theksoi se provë themelore në këtë çështje mbetej akt –ekspertimi  britanik i cili provon se zëri në audio-përgjime është i Agron Xhafajt.

Lexo edhe: Burg Salianjit, reagon Bardhi: Ju tregoj kush e dënoi në të vërtetë ish-deputetin

“Ajo që ndodhi në seancën gjyqësore ishte një farsë. Është e qartë për prokurorinë dhe gjykatën që në datën 24 kur gazetari Jetmir Olldashi që ka bërë investigimin, pothuajse për një prë sipas qelizave telefonike, të pakundërshtuara sot edhe nga prokuroria, edhe Geron Xhafaj edhe Jetmir Olldashi dhe Alfred Alizoti sipas antenave të kompanive celulare ndodhen në të njëjtën zonë që është edhe lokali i Geron Xhafaj. Në orën 1 e 30 ka ndodhur regjistrimi i audio-skandalit ku përfshihej në skandal vëllai i ish-ministrit të brendshëm, provë e cila nuk është kundërshtuar nga prokuroria. Pretendimi apo prova kryesore e prokurorisë e cila pretendohet se dëshmitari i rremë Alizoti ka sjellë në datën 15 janar audio-përgjimin se bashku me Albert Veliun, me pretendimin se ma kane sjellë mua. Pra sot kemi fakte të pakundërshtueshme të bisedave telefonike, ku në datën 14 janar deri në fund të Shkurtit, nuk kanë ardhur në Tiranë, bie me provë shkencore pretendimi i dëshmitarit të sajuar, se ka ardhur në Tiranë dhe më ka dorëzuar audio-përgjimin. Të dy numrat e telefonit edhe të Alizotit dhe të Albert Veliut nuk janë në Tiranë në këtë periudhë, provë të cilën prokuroria nuk e kundërshton”, tha Salianji.  /abcnews.al

 

 

 

ccccc-1.jpg
ger ta11:36 | 18/12/2019

Gjykata Penale e Tiranës do të japë sot vendimin për ish-deputetin e PD, Ervin Salianjin dhe tre të akuzuarit e  tjerë të dosjes “Babale”.

Gazetari Andi Qosja bën me dije për abcneës.al se avokati i Salianjit, Ledio Braho ka paraqitur para trupës gjykuese edhe një tabelë që paraqiste të gjitha qelizat telefonike.

Sipas deklaratës së avokatit, i bazuar në verifikimn e qelizave telefonike “më datë 14 janar 2015 e deri në 31 janar asnjëherë Fredi Alizoti dhe Albert Veli nuk kanë qenë në Tiranë. Pra  bie poshtë dëshmia e Fredi Alizoti dhënë para prokurorit Kolë Hysenaj se në datë 15 janar kishte takuar Salianjin bashkë me Albert Veliun te Partia Demoktatike”.

Po ashtu avokati ka shtuar se “Agron Geron Xhafaj është takuar dhe kjo e provuar nga qelizat tefonike me Albert Veliu në zonën e Orikumit nga ora 12.45 deri ne 13.45./abcnews.al

 

 

ervin-salianji.jpg
nev ila15:39 | 17/12/2019

Ervin Salianji në një deklaratë për mediat ditën e sotme nga selia blu ka publikuar përgjimet e Alfred Alizotit për dosjen “Babale”

Sipas Salianjit Edi Rama ka përdorur pushtetin e tij ka sajuar dosjen kundër opozitës, ka shpikur aktorët kundër saj, ka manipuluar duke hequr prej dosjes përgjimet zyrtare që implikojnë në mënyrë flagrante dëshmitaren e sajuar të qeverisë dhe drejtues të lartë të policisë së shtetit, të cilët po përdoren sot, dhe janë e vetmja alibi, dhe provë e prokurorisë, në gjyqin kundër opozitës.

Salianji tha se sot u paraqitën disa prej përgjimeve ku paguhet dëshmitari Alizoti prej drejtuesve të lartë, drejtorit dhe nëndrejtorit të policisë së Fierit dhe shumë përgjime të tjera të cilat nuk janë transkriptuar nga ana e prokurorisë.

“Këto video faktojnë qartësisht vënien e qeverisë në shërbim të krimit dhe më pas të mbulimit të krimit për të shpëtuar fytyrën qeverisë. Sajimin e dëshmitarit të rremë zbulohet edhe në përgjime zyrtare të prokurorisë. Përgjimi zyrtar me drejtorin e Policisë së Fierit dhe me nëndrejtorin fakton se policia është vënë në shërbim të qëllimit politik të qeverisë Rama për të fshehur të vërtetën e vëllait të ministrit të brendshëm në detyrë atë kohë. Dokumentet zyrtare faktojnë se përveç gazetarit që po investigonte Agron Xhafaj dhge Albert Veliu ishin nën survejim nga shërbimi sekret por edhe nga prokuroria e krimeve të rënda për transportin e një sasie marramendëse Cannabis sativa në drejtim të Italisë.  Faktet tregojnë se pushtetin e kanë në dorë kriminelët dhe nënshtrimin e policisë për interesa politike. Për fat të keq të gjitha këto nuk janë marrë si pjesë e hetimit”, tha Salianji.

Më tej në përmbyllje të fjalës së tij Salianji njoftoi se ditën e nesërme do të ketë publikime të reja të përgjimeve të bisedave për çështjen “Babale” që sipas Salianjit nuk janë marrë parasysh dhe se faktojnë lidhjen e shtetit me krimin.

“Nesër në 10 fakte dhe prova të reja shkencore që faktojnë në mënyrë të padiskutueshme të gjithë atë që ne kemi thënë deri më sot”, tha Salianji./abcnews.al

artan-hoxha.jpg
ger ta20:20 | 10/12/2019

I ftuar në “Mbrëmje në Abc” me Mirela Milorin, gazetari Artan Hoxha komentoi pretencën e dhënë sot nga Prokuroria për të pandehurit e çështjes “Babale”.

Sipas Hoxhës, pjesa e gazetarit Olldashi është rënduar nga Prokuroria dhe se nuk duhej të pelalizohej.

Në fakt sot është dhënë vetë kërkesa përfundimtare e Prokurorisë. Po ta shikoni kemi dy persona që kanë të bëjnë me publikimin e historisë dhe dy të tjerë siç e quan prokurori kanë të bëjnë me manipulimin e fakteve.

Mendoj që pjesa e gazetarit Olldashi është e rënduar nga Prokuroria. Nuk e shoh me vend që gazetari të penalizohet. Bisedat janë bërë rreth muajve tetor dhe nëntor dhe gazetari nuk e ka publikuar histoinë se nuk ka qenë i bindur se ka pasur provat e duhura. Historia është publikuar nga eksponentë të PD.

Vendim politik po të shikosh në të gjitha rastet, personazhet e botës politike, i quajnë sulme politike. Nuk e përjashtoj këtë që thotë Salianji. Po këto janë gjykatat dhe jep një vendim në favor të njërës palë, është edhe një gjykatë edhe më e lartë’, tha gazetari./abcnews.al

prokuroria-dosja-babale.jpg
nev ila17:00 | 10/12/2019

Prokuroria e Tiranës dha pretencën për të akuzuarit e dosjes “Babale, ku për ish-deputetin e PD Ervin Salianji kërkoi 1 vit e gjysmë burg. Organi i akuzës ka kërkuar dënimin me 3 vite e 6 muaj burg për Albert Veliun dhe 3 vite për Fredi Alizotin.

Për gazetarin Jetmir Olldashi u kërkua 1 vit burg por, dënimi të konvertohet në 200 orë punë në interes publik.

Pas gati 1 vit e gjysmë hetimesh, prokuroria Tiranës dha pretencën për dosjen “Babale” ku nën hetim është ish-deputetit i PD Ervin Salianji, bashke me tre të tjerë.

Edhe pse kanë patur kohën e mjaftueshme për t’u  dakordësuar dy prokurorët e çështjes, Kolë Hysenaj dhe Genci Qano ishin me kërkesa të ndryshme për dënimin me burg të ish-deputetit të PD-s.

Ndaj Salianjit organi i akuzës kërkoi 1 vit e gashtë muaj burg por, dënimi të konvertohet në 3 vite shërbim prove.

Sipas prokurorit Kolë Hysenaj, Fredi Alizoti ka bërë zërin e Agron -Geron Xhafaj vëllai i ish-ministrit të Brendshëm Fatmir Xhafaj,  kundrejt përfitimit prej 100 mijë eurosh.

Gjatë leximit të pretencës, Hysenaj pohoi se, “Ervin Salianji ka bërë njohjen ndërmjet Fredi Alizotit dhe Albert Veliut, teksa ky i fundit kishte marr 70 mijë euro për pjesën e parë të regjistrimit.

Kërkesat për dënim me burg ishin edhe për Fredi Alizotin dhe Albert Veliun, ndërsa për gazetarin Jetmir Olldashi dënimi prej një viti t’i konvertohet në punë të interesit publik prej 200 orësh.

Në sallën e gjyqit ishin të pranishëm përfaqësues të shumë të Partisë Demokratike. Pas përfundimit të pretencës, Ervin Salianji theksoi se ai nuk do të ndalojë së denoncuari rastet e korrupsionit dhe skandalet nga radhët e mazhorancës.

Vendimi për dosjen “Babale” do të jepet më 18 dhjetor, ku më parë do të lexohet mbrojtja për 4 të pandehurit nga avokatët e tyre. /abcnews.al

 

salianji.png
R D14:46 | 10/12/2019

Ish-deputeti demokrat, Ervin Salianji duke dalë nga Gjykata e Tiranës, pasi u dha pretenca e prokurorisë, tha se “nuk i druhem fare sepse është një gjyq tërësisht politik”. Më tej ish-deputeti demokrat, u shpreh se nuk i druhet askujt, dhe se në këtë rast Prokuroria është bërë pjesë e llumit.

“Nuk pati asnjë provë asnjë fakt të ri, pati një devijim çështjes nga trafik ndërkombëtar droge të vëllait të ish-ministrit, Xhafaj drejt një gjasme pretence ku prokuroria në këtë rast bëhet pjesë me llumin. Pa dyshim asnjë intrigë, pabesi, tradhëti nuk ia del ta mposhtë të drejtën dhe të vertetën. E sigurt është se sot shqiptarët shohin një person të dënuar me 7 vite e 4 muaj burg që po kryen dënimin. Ai është vëllai i ministrit të larguar nga detyra, Fatmir Xhafaj. Dhe padyshim një prokurori të deskretituar që lexoi fiks atë që tha kryeministri ditën që doli audio-përgjimi dhe gjithë ato që ka thënë avokati i Xhafajt”, u shpreh ai.

Lexo edhe: “Babale”/Prokuroria: Dënimi për Ervin Salianjin konvertohet në shërbim prove


/abcnews.al

 

salianji-1-1280x720.jpg
R D14:30 | 10/12/2019

Prokuroria ka dhënë pretencën për ish-deputetin e PD, Salianji si dhe për Fredi Alizotin, Albert Veliun, dhe gazetarin Jetmir Olldashin të akuzuar për dosjen “Babale”.

Prokurori Kol Hysenaj ka kërkuar 1 vit e 6 muaj burg për ish-deputetin e PD, Ervin Salianji, por që do konvertohet në shërbim prove për 3 vite.

Sipas prokurorit, Fredi Alizoti ka bërë zërin e vëllait të ish-ministrit  Xhafaj kundrejt përfitimit prej 100 mijë eurosh.

“Përgjimet nuk janë origjinale dhe regjistrimet janë të pjesshme. Nga hetimet rezultoi se zëri në video-përgjim nuk i përket Agron (Geron) Xhafajt. Ervin Salianji ka bërë njohjen ndërmjet Fredi Alizotit dhe Albert Veliut”, deklaroi prokurori në seancë.

Prokuroria ka kërkuar 1 vit burg për Jetmir Olldashin që konvertohet në 200 orë shërbim prove. Prokuroria ka kërkuar 3 vite burg për Fredi Alizotin. Ndërsa për Albert Veliun (Babale) prokuroria ka kërkuar 3 vite e 6 muaj burg.

Të pranishëm në seancë gjyqësore ishin edhe ish-deputetët e grupit parlamentar të PD./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono