avokati

deklarata-avokati-policia.jpg
nev ila14:47 | 16/04/2019

Policia dhe prokuroria e Durrësit kane nisur hetimet për zbardhjen e grabitjes së ndodhur në shtëpinë e avokatit Edmond Saliu. Ai i ka thënë policisë se nuk kishte dijeni se sa para kishte në kasafortë.

Avokati durrsak Edmond Saliu, u ka thënë hetuesve se nuk kishte dijeni sa para ishin në kasafortën që i vodhën brenda në shtëpi. Fillimisht u fol për një shumë prej 35 milion lekë të reja, por në denoncimin që ai dha në policinë e Durrësit, kjo shumë nuk u deklarua.

Ngjarja ndodhi të premten e javës së shkuar në lagjen 4, megjithatë ngjarja është tentuar të mbahet e rezervuar nga familjaret e Saliut. Vetë avokati kur konstatoi vjedhjen e kasafortës kërkoi ndihmën e policisë.

Ekspertët vërejtën se nuk kishte thyerje dhe as dëmtime të dukshme. Dera e blinduar e shtëpisë duhet të jetë hapur me çelës, ose me  një paisje e quajtur “paisja ruse” që hap pa dëmtuar me anë të vakumit.

Me marrjen e denoncimit nga avokati Sula këtë të martë çështja është referuar në prokurori dhe kanë nisur hetimet për zbardhjen dhe gjetjen e autorëve./abcnews.al

 

Policia-Durres.jpg
ent ela18:09 | 15/04/2019

Banesa e avokatit Edmond Saliu në Durrës është grabitur. Ngjarja ka ndodhur para disa ditësh, por vetëm sot është bërë publike.

Mësohet se në banesën e avokatit persona ende të paidentifikuar kanë marë një shumë prej 35 milionë lekësh.

Në momentin kur ka ndodhur grabitja asnjë prej familjarëve nuk ka qenë në banesë.

Sapo vjedhja është pikasur nga avokati ka njoftuar policinë, e cila nga këqyrja e banesës nuk ka gjetur asnjë objekt të dëmtuar apo thyerje të derës apo dritares prej të cilave mund të ishin futur personat.

Paraprakisht policia dyshon që një i afërm i avokatit mund të kenë dijeni mbi grabitjen, por ende nuk kanë mundur ta zbardhin atë. /abcnews.al

protesta-5-1280x698.jpg
Sej rie19:50 | 14/04/2019

Avokati i Popullit  një ditë pas protestës se opozitës raporton përmes ekipeve monitoruese në terren se protesta është zhvilluar përgjithësisht në mënyrë paqësore dhe se episodet e dhunës apo të kundërshtimit të forcave të policisë nga ana e protestuesve kanë qenë në një shkallë të menaxhueshme. Tre grupe të Avokatit të Popullit kanë marrë takime me të gjithë të ndaluarit e ndodhur në ambientet e Drejtorisë së Policisë së Tiranës, si dhe komisariateve Nr.1, Nr.2, Nr.3 dhe Nr.6.

Sipas  grupeve të Avokatit të Popullit në deklarimet e tyre ata pohojnë se kanë qenë pjesëmarrës në një protestë për të drejtat e tyre dhe në mbështetje të subjektit politik që e organizon. Kryesisht të arrestuarit janë në moshë të re, por ka edhe persona të moshuar. Ndërkohë që dy vëllezër të shoqëruar nga Miloti deklarojnë se nuk u është komunikuar arsyeja e shoqërimit. Pas kontaktit të Avokatit të Popullit në Drejtorinë e Policisë së Tiranës ata janë shoqëruar fillimisht në Komisariatin e Policisë Nr.1 dhe më pas janë liruar. Nga ana tjetër Avokati i Popullit shpreh shqetësimin për mos bërjen publike te protokollit për përdorimin e gazit lotsjellës apo përbërësve të tjerë irritues./abcnews.al

KRONIKE-SHULLAZI-1280x720.jpg
ent ela10:35 | 08/04/2019

Është shtyre sërish procesi gjyqësor në ngarkim të Emiljano Shullazit dhe 4 të bashkëpandehurve me të në Gjykatën e Apelit të Krimeve të Rënda. Kjo është hera e 6 rradhazi që shtyhet séanca gjyqësore në ngarkim te grupit të Shullazit.  Edhe këtë herë shkak për shtyerjen e seancës është bërë mbrojtja. Avokati Emiljano Shullazit, Vladimir Meçe, paraqiti një raport mjekësor, me të cilën njoftoi mungesën e tij për shkaqe shëndetësore.

Ndërkohë, avokati i caktuar nga gjykata për Gilmando Danin, njoftoi se nuk mund të ishte mbrojtës i tij, pasi më Shkallë të Parë ka mbrojtur Ylvi Beqjen, dëshmia e të cilit fundosi Shullazin dhe antarët e grupit të tij. Në këto kushte, gjykata shtyu seancën dhe bëri zëvendësimin e avokatit kryesisht. Për te mbrojtur Gilmando Danin u caktua Ismail Aga. Ky grup criminal u denua në total me 55 vite heqje lirie nga Gjykata e Krimeve të Rënda, nga të cilat me 14 vite burg u dënua Emiljano Shullazi.  /abcnews.al

ravik-gurra.jpg
G. P.13:22 | 07/04/2019

Detaje të tjera janë zbuluar nga vrasja mafioze e avokatit Ravik Gurra. Sipas burimeve nga Prokuroriua e Krimeve të rënda, autori pasi kreu ekzekutimin, u largua në këmbë pikërisht pranë një patrulle policie që ndodhej shumë pranë lokalit. Pranë vendngjarjes, sipas burimeve, ndodheshin edhe 2 oficerë krimesh të policisë së Elbasanit, të cilët u larguan sikur të mos kishte ndodhur asgjë.

Pasi ekzekutoi avokatin Ravik Gurra mbrëmjen e 22 Marsit në qytetin e Elbasanit, atentatori i kaloi pranë patrullës së policisë. Vetëm pak metra larg lokalit në rreth rrotullimin e “1 Majit”, automjeti i rendit ishte parkuar dhe brenda ndodheshin dy efektivë.

Personi që qëlloi ndaj Gurrës me armë zjarri pistoletë me silenciator, kaloi pikërisht në këmbë, pranë makinës së uniformave blu, pa krijuar asnjë dyshim tek punonjësit e policisë.

Burime nga Prokuroria e Krimeve të Rënda pohuan për ABC News se ngjitur me lokalin ku ndodhi atentati i tipit mafioz, në një ambient tjetër po “Bar-Kafe”, ishin edhe dy oficerë të krimeve të drejtorisë së policisë Elbasan, por ata u larguan sikur të mos kishte ndodhur asgjë.

Mosreagimi i dy oficerëve po verifikohet nga Drejtoria e Standardeve Profesionale, pranë Shërbimit të Çështjeve të Brendshme dhe Ankesave në Ministrinë e Brendshme.  Dyshohet se vrasja e Ravik Gurrës, të jetë bërë për shkak të profesionit të 50-vjeçarit, por nuk përjashtohen as pistat e tjera nga Policia e Shtetit.

I ndjeri ishte i njohur si avokati që mbronte personat me rekorde të theksuara kriminale, jo vetëm në qytetin e Elbasanit, por edhe në Tiranë e Durrës. Hetimet po kryhet nga Prokuroria e Krimeve të Rënda.

Pavarësisht këqyrjes së pamjeve nga kamerat e sigurisë, përsëri nuk është bërë e mundur identikiti i autorit të dyshuar të vrasjes edhe pse ishte i pamaskuar. Menjëherë pas krimit, një automjet u gjet i djegur në periferi të Elbasanit në afërsi të fshatit Bradashesh, nga ku dyshohet se janë larguar personat e përfshirë në atentat./abcnews.al

ravik-gurra.jpg
G. P.20:43 | 23/03/2019

Por kush ishte Ravik Gurra, avokati që u ekzekutuar në mënyrë mafioze një natë më parë?

Ravik Gurra njihet si avokati, i cili ndër vite ka përfaqësuar në gjykatë shumë nga “të fortët” e botës së krimit. Gurra ka mbaruar fakultetin e drejtësisë në Tiranë, ndërsa në vitin 1998 ka emigruar në Angli.

50-vjeçari ka punuar atje si përkthyes në gjykata, Ministrinë e Emigracionit dhe polici. Në kohën kur ka jetuar në Mbretërinë e Bashkuar, Ravik Gurra ka studiuar për avokati.

Gurra ka ndihmuar shumë emigrantë shqiptarë, të cilët kishin probleme me policinë edhe me çështjet e emigracionit, në fillim si përkthyes, më vonë si avokat. 50-vjeçari jetonte ne Lindje të Londrës bashkë me familjen.

Ai ishte babai i dy vajzave, të cilat jetojnë dhe studiojnë në Angli. Avokati Gurra ka jetuar mes Londrës, ku kishte bashkëshorten dhe vajzat dhe Elbasanit, ku shpeshherë vinte për t’u kujdesur për nënën e sëmurë.

Ai banonte në një shtëpi 2- katëshe në afërsi të vendit ku u ekzekutua. Gurra ka përfaqësuar në gjykatë shumë të pandehur, por 3 janë çështjet më të forta që ka mbrojtur;. Bëhet fjalë për grupimin “Hakmarrja për drejtësi”, Emiljano Shullazin dhe Endrit Zelën, si dhe disa nga anëtarët e një prej grupeve kriminale në qytetin e Elbasanit. Hasmëria midis grupeve rivale këtë qytet dyshohet të jetë edhe shkaku i ekzekutimit të avokatit.

Kolegë të tij shprehen për ABC News se Ravik Gurra nuk u kishte shprehur ndonjëherë ndonjë shqetësim për jetën e tij. Miqtë e Gurrës hedhin dyshime se vrasja është më shumë një mesazh që mund t’u jetë dërguar nga vrasësit e personave të afërt me çështjen që mbulonte Gurra, se sa një implikim i tij direkt në afera./abcnews.al

avokati.jpg
ent ela13:45 | 23/03/2019

Vrasja e avokatit Ravik Gurra mbrëmjen e djeshme dyshimet e para të policisë janë për hakmarrje midis bandave kriminale që veprojnë në qytetin e Elbasanit. Gurra ishte mbrojtësi ligjorë i anëtareve të njërës nga bandat kriminale në Elbasan, gjithashtu ishte mbrojtësi ligjorë i Emiljano Shullazit.

Ende nuk ka asnjë të dyshuar për vrasjen e avokatit Ravik Gurra mbrëmjen e së premtes në Elbasan. Policia shoqëroi disa persona të cilët më pas i liroi, ndërsa forca të shumta policie të mbështetura nga RENEA kryen kontrolle në rrugët, lagjet e qytetit si dhe në akset nacionale.

Ndërkohë, hetimet për vrasjen e avokatit të Emiljano Shullazit  Ravik Gurra i kanë kaluar prokurorisë së Krimeve të rënda. ABC News mëson se në krye të grupit hetimor do të jetë prokurori Behar Dibra. Dy janë pistat ku po përqendrohen hetimet. Bëhet fjalë vrasjen për shkak të detyrës, pasi avokati mbronte ta pandehur si Emiljano Shullazi dhe emra të tjerë të botës së krimit. Ndërsa pista tjetër sipas burimeve është hasmëria midis bandave kriminale që veprojnë në këtë qytet, avokat i njërës prej të cilave ishte edhe 50-vjeçari Gurra.

Së fundmi avokati kishte marrë nën mbrojtje Gjergji Kohilen dhe Sokol Boden policët e Vlorës që janë në arrati, pjesë e dosjes Tahiri.

Sipas ekspertëve, mënyra e realizimit të vrasjes tregon për një atentat të mirë-organizuar.  Avokati u qellua me pistoletë silenciator me dy plumba në kokë nga një person i maskuar. Më pas, i ndihmuar edhe nga një person tjetër, ai është larguar me një automjet tip Bez me targa AA 934 HU, i cili u gjet i djegur në periferi të Elbasanit në afërsi të fshatit Bradashesh.

Policia kriminale ka shoqëruar dhjetëra persona në Elbasan ndërsa janë sekuestruar pamjet nga kamerat e sigurisë të bizneseve përreth vendit të krimit.

Në policinë e Elbasanit këtë të Shtunë janë paraqitur anëtarë të familjes që kishte  në mbrojtje avokati, me makina të blinduara dhe tejet të revoltuar për vrasjen. Grurra ka bërë beteja të forta ligjore në mbrojtje të interesit të tyre.

Për ngjarjen ka pasur reagime në qytetin e Elbasanit. Dhoma e Avokatisë në Elbasan ka ndërprerë shërbimet për tre ditë në shenjë proteste.

Një reagim ka ardhur edhe nga Partia Demokratike dega Elbasan me anë të kryetarit të saj Eugen Isaj i cili mes të tjerash është shprehur se vrasja e avokatit të njohur dëshmon edhe njëherë se shteti dhe policia, kanë rënë.

Ravik Gurra ishte baba i dy vajzave. Ai jetonte mes Anglisë dhe Shqipërisë dhe ishte avokat i çështjeve të rëndësishme në vend./abcnews.al

SINKRON-MAKS-HAXHIA.mpg_snapshot_00.02-1280x720.jpg
ent ela11:31 | 07/03/2019

Nuk do të ketë shtyrje të afatit hetimor për Saimir Tahirin, e konfirmuar kjo edhe nga Gjykata e Apelit e krimeve të rënda. Teksa gjykata pritet të vendose lidhur me fatin e mëtejshëm të dosjes hetimore, avokati i Tahirit Maks Haxhia deklaroi se do të kërkojë pushimin e çështjes.

Gjykata e Apelit  të Krimeve të Rënda la 10 marsin si datën përfundimtare të afatit hetimor që ka prokuroria për Saimir Tahirin. Apeli  rrëzoi kërkesën e Prokurorisë qe apeloi vendimin e gjykatës së shkallës së parë, duke lënë në fuqi vendimin për moszgjatje të hetimit ndaj ish-Ministrit të Brendshëm Saimir Tahiri.

Edhe pse ishte i pranishëm, ish-ministri i Brendshëm nuk foli për mediat ndërsa, avokati i tij Maks Haxhia theksoi se pretendimet e prokurorisë janë absurde për klientin e tij.

“Ne do i parashtrojmë gjykatës të gjithë rrethanat që ka materiali. Është një material që nuk ka asnjë bazë ku mbështetet kërkesa e Prokurorisë, qoftë për akuzën apo dërgimin në gjyq. Është absurditet pretendimi që ka prokuroria “asa” nën mëngë e dokumenta, që i ka ruajtur për në seancë, jo vetëm që nuk lejohet proceduarilaisht, por të jeni të sigurtë që nuk ka”.

Bazuar në atë që e quajti mungesë provash, Avokati i Tahirit tha se do tha se do të kërkojë pushimin e çështjes për ish-ministrin e Brendshëm.

“Ne jemi në pozocionin që pretendojmë dhe kërkojmë të na jepet një fakt kriminal ku është i implikuar Tahiri, si mund të kërkojmë ne gjykim të shkurtuar”.

Avokati  Haxhia deklaroi se do të bëje kallëzim penal Për prokurorët e çështjes Tahiri.

“Mënyra si kanë dalë e si janë servirur krijojnë gabimin e dytë të Prokurorisë. E para që i ka nxjerrë dhe e dyta qe i ka nxjerrë këto akte të deformuara për të përgatitur paaftësinë e tyre e pandërgjegjësinë e tyre që ajo dosje nuk mund të ketë asnjë bazë për Zotin Tahiri”.

Më 28 shkurt Prokuroria e Krimeve të Rënda mbylli hetimin dhe pritet te percjelle  në Gjykatë dosjen e ish-ministrit të Brendshëm Saimir Tahiri. Prokuroria ka ngritur ndaj tij tre akuza, trafik droge, krijim i grupit të strukturuar kriminal, dhe kryerje e veprës penale në kuadër të grupit kriminal.

/abcnews.al

105246629_gettyimages-170854342.jpg
ent ela22:41 | 19/01/2019

Artikulli i një dite më parë sipas të cilit presidenti amerikan Tramp i ka kërkuar ish-avokatit të tij Kohen të gënjente para Kongresit Amerikan është i rremë. Deklarata është bërë nga zyra e Prokurorit Special për Russiagate, Robert Mueller.

prokurori special i cështjes Russiagate, Robert Mueller ka përgënjeshtruar artikullin e BazzFid, sipas të cilit presidenti amerikan Donald Trump kishte urdhëruar avokatin e tij Majkëll Kohen që të gënjente para kongresit amerikan për projektin mbi ndërtimin e një kulle Tramp në Moskë. Sipas tij përshkrimi i BazzFid të deklaratave në zyrën e prokurorit special dhe karakterizimi i dokumenteve të marrë nga kjo zyrë për sa i përket dëshmisë në Kongres të Kohen, nuk janë të sakta.

Një ditë shumë e trishtueshme për gazetarinë por një ditë e madhe për vendin tonë, shkruajti në profilin e tij Tuiter kreu i Shtëpisë së Bardhë pasi prokurori speciale Mueller ndërhyri me anë të zëdhënësit të tij për të rrëzuar artikullin e një dite më parë. Tramp shtoi se lajmet e rreme janë armiku i vërtetë i popullit. /abcnews.al

KRONIKE-SOLLAKU-PER-BALILIN-ABC-M5-T2.mpg_snapshot_00.10-1280x720.jpg
ent ela21:45 | 15/01/2019

Pak orë pas dorëzimit, avokati i Klement Balilit, Theodhori Sollakut, tha se klienti i tij nuk i ishte fshehur drejtësisë. Avokati Sollaku ngriti dyshime për cilësinë e provave të Prokurorisë.

Klement Balili qëndroi për dy vite në arrati, por avokati i tij, Theodhori Sollaku tha se biznesmeni nuk i ishte shmangur asnjë moment drejtësisë.

Theodhori Sollaku, avokat: “Sepse gjatë dy viteve drejtësia shqiptare nuk ka kryer asnjë veprim procedurial që të ishte e domosdoshme prania e tij. Është e vërtetë që ditët e fundit është negociuar mes tij dhe familjarëve dhe sot u gjendën modalitetet për t’u vetëdorëzuar”.

Avokati tha se klienti i tij ka marrë vetëm garancitë ligjore, por ngriti dyshime për cilësinë e provave të Prokurorisë.

“Dosja është në atë gjendje që ka qenë më parë. Provat për fatkeq janë të dyshimta dhe ajo që quhe tprovë nuk ka ansjë dëshmitar, asnjë bisedë telefonike të përgjuar”.

Në formë batute, avokati tha se me arratinë e tij, Balili ka kursyer financiarisht shtetin shqiptar.

“Vendosi që të dorëzohet se shteti do paguante ushqimin, fjetjen, do mbante policë për ruajtjen në burg dhe kjo duhet marrë në konsideratë se kostoja e një të burgosuri është 50 euro në ditë”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono