avokati

105246629_gettyimages-170854342.jpg
ent ela22:41 | 19/01/2019

Artikulli i një dite më parë sipas të cilit presidenti amerikan Tramp i ka kërkuar ish-avokatit të tij Kohen të gënjente para Kongresit Amerikan është i rremë. Deklarata është bërë nga zyra e Prokurorit Special për Russiagate, Robert Mueller.

prokurori special i cështjes Russiagate, Robert Mueller ka përgënjeshtruar artikullin e BazzFid, sipas të cilit presidenti amerikan Donald Trump kishte urdhëruar avokatin e tij Majkëll Kohen që të gënjente para kongresit amerikan për projektin mbi ndërtimin e një kulle Tramp në Moskë. Sipas tij përshkrimi i BazzFid të deklaratave në zyrën e prokurorit special dhe karakterizimi i dokumenteve të marrë nga kjo zyrë për sa i përket dëshmisë në Kongres të Kohen, nuk janë të sakta.

Një ditë shumë e trishtueshme për gazetarinë por një ditë e madhe për vendin tonë, shkruajti në profilin e tij Tuiter kreu i Shtëpisë së Bardhë pasi prokurori speciale Mueller ndërhyri me anë të zëdhënësit të tij për të rrëzuar artikullin e një dite më parë. Tramp shtoi se lajmet e rreme janë armiku i vërtetë i popullit. /abcnews.al

KRONIKE-SOLLAKU-PER-BALILIN-ABC-M5-T2.mpg_snapshot_00.10-1280x720.jpg
ent ela21:45 | 15/01/2019

Pak orë pas dorëzimit, avokati i Klement Balilit, Theodhori Sollakut, tha se klienti i tij nuk i ishte fshehur drejtësisë. Avokati Sollaku ngriti dyshime për cilësinë e provave të Prokurorisë.

Klement Balili qëndroi për dy vite në arrati, por avokati i tij, Theodhori Sollaku tha se biznesmeni nuk i ishte shmangur asnjë moment drejtësisë.

Theodhori Sollaku, avokat: “Sepse gjatë dy viteve drejtësia shqiptare nuk ka kryer asnjë veprim procedurial që të ishte e domosdoshme prania e tij. Është e vërtetë që ditët e fundit është negociuar mes tij dhe familjarëve dhe sot u gjendën modalitetet për t’u vetëdorëzuar”.

Avokati tha se klienti i tij ka marrë vetëm garancitë ligjore, por ngriti dyshime për cilësinë e provave të Prokurorisë.

“Dosja është në atë gjendje që ka qenë më parë. Provat për fatkeq janë të dyshimta dhe ajo që quhe tprovë nuk ka ansjë dëshmitar, asnjë bisedë telefonike të përgjuar”.

Në formë batute, avokati tha se me arratinë e tij, Balili ka kursyer financiarisht shtetin shqiptar.

“Vendosi që të dorëzohet se shteti do paguante ushqimin, fjetjen, do mbante policë për ruajtjen në burg dhe kjo duhet marrë në konsideratë se kostoja e një të burgosuri është 50 euro në ditë”. /abcnews.al

MBULIM-COHEN-DESHMIA_ABC-M1-T1.mpg_snapshot_00.05-1280x650.jpg
ent ela11:22 | 11/01/2019

Majkëll Kohen, ish avokati personal i Presidentit amerikan Donald Tramp, i dënuar me tre vjet burg për krime të ndryshme, do të dëshmojë para Kongresit Amerikan. Lajmi është konfirmuar nga CNN. Kjo është lëvizja e parë e rëndësishme e demokratëve, pas marrjes së kontrollit në dhomën e deputetëve, ndaj kreut të Shtëpisë së Bardhë. Një hap tjetër ishte dhe propozimi i ligjit për publikimin e detyrueshëm të deklaratave fiskale nga ana e presidentëve dhe zëvendës presidentëve. Kohen do të dëshmojë para komisionit kryesor hetimor të dhomës së deputetëve./abcnews.al

TRUMP-FLORIDA.mpg_snapshot_00.00.jpg
G. P.19:40 | 13/12/2018

Presidenti amerikan Donald Trump u mbrojt nga akuzat e ish-avokatit të tij të dënuar një ditë më parë me 3 vite burg. Kreu i Shtëpisë së Bardhë tha se nuk e ka udhëzuar kurrë Michael Cohen që të shkelë ligjin.

Donald Trump thyen heshtjen pas dënimit me 3 vite burg të ish avokatit dhe mikut të tij dhe shkarkon mbi të, të gjithë përgjegjësinë për krimet e kryera. Presidenti amerikan thotë se nuk ka udhëzuar kurrë Michael Cohen të shkelë ligjin. “Ai është avokat dhe supozohet se i njeh ligjet”, shkruan Trump në një postim në tuitër duke shtuar se ish avokati i tij pranoi fajësinë për të “vënë në siklet presidentin”.

Komentet e kreut të Shtëpisë së Bardhë vijnë pasi Cohen u dënua me 3 vite heqje lirie pasi u shpall fajtor për akuza të ndryshme përfshirë shkelje të rregullave financiare të fushatës dhe mashtrime financiare. Gjatë seancës gjyqësore të së mërkurës, 52-vjeçari fajësoi ndikimin e Trump mbi të dhe akuzoi se ka shërbyer për të mbuluar punët e pista të manjatit amerikan.

Në një sërë postimesh në Twitter, Trump insistoi se nuk ka bërë asgjë të gabuar sa i përket ligjeve për financimin e fushatës. Ai thotë se Cohen me shumë mundësi nuk ishte fajtor për shkeljet elektorale por pranoi akuzën për përfitime personale. “Si avokat, Michael ka përgjegjësi të madhe për mua!”, nënvizon presidenti amerikan.

Avokati 52-vjeçar u shpall fajtor për mashtrim të Kongresit, shkelje të ligjeve të financimit të fushatave elektorale dhe për evasion fiskal. Cohen është personi i parë i rrethit të ngushtë të Trump që dënohet lidhur me hetimin e prokurorit special Robert Mueller. Ky i fundit drejton hetimin për ndërhyrjen e dyshuar të Rusisë në zgjedhjet e 2016-s./abcnews.al

la-1544237647-ivncj1tbes-snap-image-1-1280x720.jpg
G. P.22:54 | 12/12/2018

Michael Cohen, ish avokati personal i Donald Trump është dënuar nga drejtësia amerikane me 3 vite burg. Ai u shpall fajtor nga një gjykatës i Nju Jorkut. Cohen pranoi se ka kryer evasion fiskal, ka gënjyer Kongresin për mardhëniet e tij me Rusinë dhe ka shkelur ligjin elektoral duke përdorur fondet e fushatës për të blerë heshtjen e dy grave që kanë pasur mardhënie intime me Trump.

Ish bashkëpunëtori i ngushtë i presidentit amerikan, tashmë i kthyer në armik i tij, pranoi të bashkëpunonte me hetuesit amerikanë në këmbim të reduktimit të dënimit. Cohen është anëtari i parë i rrethit të ngushtë të Trump që dënohet për hetimin e prokurorit special Robert Mueller. Ky i fundit heton lidhur me dyshimet për ndërhyrjen e Rusisë në zgjedhjet e 2016-s dhe për bashkëpunimin e ekipit të Trump me Moskën./abcnews.al

GJATA-DHE-AVOKATI-I-ALIZOTIT.mpg_snapshot_00.06-1280x720.jpg
ent ela11:53 | 24/10/2018

Në gjykatën e apelit të krimeve të rënda janë shqyrtuar ankimimet e gazetarit Jetmir Olldashi dhe të Fredi Alizotit për çështjen “Babale”. Apeli nuk ka pranuar kërkesën e avokatit të Olldashit për ndryshimin e akuzës e shpalljen e moskompetencës, ndërsa ka rrëzuar edhe kërkesën e avokatit të Alizotit për lehtësimin e masës së sigurisë “arrest me burg”.

Gjata: Përsa i përket vendimit prapë nuk mori parasysh kërkesat tona që nuk ka vepër penale në adresë të gazetarit. S’mund të ketë kallzim të rremë kur gazetari publikon një lajm. Nuk u shpreh për kompetencën. Nuk mori parasysh kërkesat tona në lidhje me provat,nuki ka prova, janë degjeneruar si prova, nuk ka aktekspertimi të gjitha janë kundër akuzës, pa folur për kundërshtitë e tij. Ky është nj porces i montuar politikisht nga Prokuroria për të shpëtuar fytyrën e qeverisë pas gjithë skandaleve dhe akuzon një gazetar kot.

Avokati: Qëndrimi i klientit tim është i njëjti nga fillimi në fund. Nëse bëjmë analizë dhe dalim përfundime me pjesë të caktuara të dosjes hetimore këto janë të pasakta. Ngjarjet janë zhvilluar në kohë. Nëse shohim një pjesë të vogël nuk e kuptojmë dot të tërën. Do njihemi me dosjen e plotë dhe do kuptojmë si ka qenë e vërteta. /abcnews.al

avokati-933x445.jpg
G. P.22:45 | 08/10/2018

Avokati i të plagosurit Ervis Martinaj thotë se klienti i tij dhe Ervin Mata, tentuan që të shuanin sherrin në zonën e ish-Bllokut.

Këtë deklaratë ai e bëri në emisionin “Opinion” të Blendi Fevziut në Tv Klan. Avokati u shpreh se Ervis Martinaj ishte së bashku me Eljon Haton dhe do të shkonin në një lokal tjetër në atë zonë. Më pas, u thirrën nga pronari i lokalit ku ndodhi vrasja, me të cilin ka miqësi të vjetër.

Sipas tij, në lokal ka qenë edhe Ervin Mata, i cili është një nga personat e shpallur në kërkim. Ky i fundit dhe Ervis Martinaj u futën në mes të sherrit dhe tentuan të qetësonin gjakun.

“Ervis Martinaj është pyetur të nesërmen e ngjarjes. Ervis Martinaj nuk është i përfshirë. Së bashku me Eljon Haton do shkonin te lokali Bilioneri. Në kohën që parkonte makinën, te shkallët takuan Popeskun, i cili i ka takuar dhe ka miqësi të vjetër. Janë ngjitur në lokal, ka qenë Eljon Hato me një person tjetër. Ervis Martinaj është ulur me Popeskun. Ervin Mata është shkëputur me disa miq që ka qenë në tavolinë dhe pak minuta më vonë ka hyrë në lokal Fabian Gaxha. Ky është miku i ngushtë i djalit të dajës. Ervin Mata nuk ishte në tavolinë me personat që u konfliktua Gaxha. Martinaj dhe Mata janë përpjekur që të qetësojnë se s’kanë qenë në konflikt, ka hyrë në mes“, tha avokati Mirash Martini. /tvklan.al

AVOKATI-i-martinajt-1280x720.jpg
ent ela13:19 | 07/10/2018

Avokati i Ervis Martinajt deklaroi se kërkesa e prokurorisë për masën “arrest me burg” nuk ishte e bazuar në ligj. Ai tha se klienti i tij nuk ishte pjesë e sherrit ku mbeti i vrarë Fabiol Gaxha në një lokal në ish-Bllok. Sipas tij Ervis Martinaj kishte marrëdhënie të mira me Ervin Matën dhe nuk ishte i përfshirë në konflikt.

“Ishte një seancë normale pyetjeje, ishte një kërkesë që nuk përligjet me provat. Ervis Martinaj ka dhënë shpjegime për ngajrjen. Nuk ka qenë i përfshirë në konflikt, megjithë personat në lokal ka marrëdhien normale dhe nuk ka asnjë provë për veprime të paligjshme. Djemtë që shqoëronin Ervis Martinajn kanë ëprdorruru armë po këto akuza nuk janë të mbëhstetura në dosjen e prokurorisë.  Nuk ka të dhëna se Ervis Martinaj kishte konflikt me dikë, ai ka qenë në shoqërinë e dy miqve të tij Redi Popeskut dhe Ervin Matës, me të cilët ka patur dhe ka marrëdhënie shumë të mira. Me personin e vrarë ka një lidhje të largët, ndërsa personi i plagosur ka qenë me të, i cili nuk ka qenë i armatosur por është afruar në pëprjekje për të shuar sherrin. Sherri ka qenë mes dy personave të cilët nuk kanë lidhje me Ervis Martinajn”- deklaroi avokati i Ervis Martinajt. /abcnews.al

AVOKATI-I-HATOS-1280x720.jpg
ent ela12:58 | 07/10/2018

Avokati i Eljon Hatos kundërshtoi kërkesën e prokurorisë për masën “arrest me burg” ndaj klientit të tij. Ai e argumenton këtë me faktin se nuk janë kushtet dhe rrethanat për të caktuar këtë masë sigurie, pasi klienti i tij është në gjendje të rëndë shëndetësore. Avokati Zeni Qinani ka kërkuar që gjykata ta vlerësojë të paligjshëm arrestimin në flagrancë.

Avokati: Unë kërkova në seancën gjyqësore, që gjykata të vlerësojë të paligjshëm arrestimin në flagrancë ndaj klientit tim, pasi nuk janë kushtet dhe rrethanat për të caktuar këtë masë sigurimi dhe nuk ekziston ansjë dyshim i arsyeshëm dhe i mbështetur në prova për të caktuar këtë masë sigurie,  pasi ai akuzohet për një vepër penale goxha të rëndë që është 279 DH, në bashkëpunim, vrasje e mbetur në tentativë dhe armëmbajtje pa leje. Asnjëra nga këto pretendime të prokurorisë nuk janë të bazuar në prova e argumenta, ndaj kërkova të vlerësohet arrestimi i palgijshëm dhe mos caktohet asnjë masë sigurie, pasi ai është një viktimë e atij çasti dhe është në gjendje spitalore të rëndë për jetën. Nuk është në gjendje të flasë. /abcnews.al

sajmir-vishaj.png
G. P.20:41 | 03/10/2018

Sipas avokatit Sajmir Vishaj, rasti i Xhisiela Malokut është politizuardhe për këtë fakt asnjëherë nuk ka për të përfunduar ashtu si çdo rast tjetër.

Gjatë emisionit Byro Politike, ai u shpreh se është shkelur edhe ana ligjore, pasi para se të dilte publikisht, media duhet të ishte konsultuar me avokatin e saj.

Sajmir Vishaj: “Ne jetojmë në Shqipëri si ju edhe unë. Më thoni një çështje apo një fakt që është politizuar dhe ka përfunduar. Asnjë! Asnjë! Ne kemi një javë që e deklaruam provën, fajësinë. Para se ajo të dalë publikisht media duhet të pyesë avokatin e saj. Këtu është shkelur ana ligjore”.

Juli Xhokaxhi: Pse duhet ta pyeste media?

Sajmir Vishaj: Është me ligj. Është viktimë dhe viktima ka një përfaqësues ligjor të zgjedhur dhe nëse nuk e ke vetë ta cakton shteti.  

Më tej avokati i njohur shtoi se tashmë djali i depuetetit të PS-së akuzohet për përndjekje dhe jo për dhunë.

“Është rrëzuar kjo pjesë. Prokuroria e ka anashkaluar këtë pjesë, dhunën fizike. Ai akuzohet vetëm për përndjekje”, u shpreh Vishaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono