avdylajt

67440703_2519934481391051_1156909858482552832_n.jpg
nev ila10:12 | 20/07/2019

Kryetari i Partisë Demokratike, Lulzim Basha përmes një statusi në rrjetet sociale shkruan se drejtësia në të gjithë Shqipërinë është sot në duart e krimit dhe të organizatës kriminale të rilindjes> Sipas tij Rama përmes Vangjush Dakos dhe krimit, kontrollon pushtetin lokal dhe se me këtë drejtësi nuk do të ketë kurrë politikanë në pranga dhe kriminelë në burg.

“Edi Rama përmes Vangjush Dakos dhe krimit të organizuar kontrollon pushtetin lokal, drejtësinë dhe çdo institucion tjetër të Durrësit. Bashkëpunëtori i bandës kriminale të Avdylajve, liruesi nga burgu i Lul Berishës dhe pastruesi i parave të krimit në Durrës, duhet të ishte në burg, por ai është padroni i atyre që që duhet ta dërgonin në burg.

Drejtësia në të gjithë Shqipërinë është sot në duart e krimit dhe të organizatës kriminale të rilindjes. Sot mes rilindasve dhe krimit nuk ka më asnjë ndryshim. Jemi kthyer në kohët e errëta, kur drejtësia ishte partia kriminale.

Me këtë drejtësi nuk do ketë kurrë politikanë në pranga, nuk do ketë kurrë kriminelë në burg. Me këtë drejtësi, prangat janë për njerëzit e thjeshtë dhe krimi e hajdutëria qeveritare bëjnë kërdinë. Çlirimi i vendit nga sundimi i Edi Ramës dhe bandës së tij në qeveri është domosdoshmëri për demokracinë, shtetin e së drejtës dhe stabilitetin e vendit“, shkruan Basha./abcnews.al

BERISHA-OPEN-MBULIM-ABC-M5-T2.mpg_snapshot_00.10-1280x912.jpg
ent ela22:16 | 22/10/2018

Ish-kryeministri Berisha e cilësoi kolosale sasinë 5,2 tonë heroinë që sipas tij do përfitohej nga opiumi në laboratorin e drogës që u zbulua në Has. Ai theksoi se një sasi e tillë droge nuk mund të lëvizë pa një garantor të madh politik, ndërkohë që asnjë i tillë nuk është kapur, por janë arrestuar disa fshatarë. Duke folur në studion e emisionit “Open” të gazetares Eni Vasili për megaoperacionin e ditëve të fundit, Berisha tha se aksionin në Has e dekonspiroi vetë policia. I pyetur nga gazetarët e panelit në studio, Berisha i njohu vlerën aksionit për zbulimin e laboratorit të drogës në Has, por falenderoi vetëm palën gjermane për këtë operacion.

Për ish-kryeministrin Berisha operacioni i fundit i cilësuar i suksesshëm nga policia është dekonspiruar nga vetë uniformat blu.
Ish-kryeministri komentoi edhe arrestimet e disa pjesëtarëve të familjes Avdylaj ne Shijak. Sipas tij, Avdylajt kishin mbrojtjen politike të Ramës dhe Dakos, por operacioni u diktua nga ndërkombëtarët.

Berisha tregoi dhe një foto që, sipas tij, fakton lidhjet e Avdylajve me kryebashkiakun e Durrësit Vangjush Dako dhe kryeministrin Edi Rama. Ne foton që tregoi, Berisha shpjegoi se ishte Rama me një prej Avdulajve gjatë fushatës së fundit elektorale. Sipas Berishës, ka dhe foto e video të tjera të Ramës dhe Dakos me Avdylët.

Berisha tha se klani “Avdyli” është angazhuar fuqimisht në zgjedhje për të mbledhur vota për Vangjush Dakon dhe për PS.
Avdylajt e Shijakut, sipas ish-kryeministrit, përkrahen nga Vangjush Dako në biznesin e tyre dhe për këtë solli shembull një investim në bregdetin e Currilave./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono