autostrada

makkina-kanal-lushnje-1280x711.jpg
nev ila11:30 | 13/08/2019

Dy nga tre makina që u përfshinë në një përplasje te vendi i quajtur “Pushimi i Shoferit” në autostradën e Lushnjës përfunduan në kanal.

Për fat në këtë aksident të rëndë pati vetëm dy persona të plagosur të cilët u dërguan në spital.

Makina e tretë pas aksidentit është larguar nga vendi i ngjarjes. Nga këqyrjet e para të vendit të ngjarjes, dyshohet se shkak është bërë parakalimi i gabuar i makinës që është larguar./ABC News Albaniaa 24/7 

gruevski.png
G. P.16:30 | 05/07/2019

Qeveria e Maqedonisë së Veriut me anë të një ceremonie do të përurojë autostradën Shkup-Shtip, e cila vlerësohet si një ndër arteriet kryesore të Maqedonisë Lindore. Ish-Kryeministri Nikola Gruevski përmes Facebook-ut shkruan se kjo autostradë është ndërtuar në kohën e VMRO-DPMNE-së, duke i dërguar mesazh pushtetit aktual që ta mirëmbajnë, sepse do të kthehet.

Qeveria e Maqedonisë së Veriut me një solemnitet do ta shënojë lëshimin në përdorim të autostradës Milladinovci-Shtip. Në solemnitetit që duhet të mbahet të shtunën do të marrin pjesë Kryeministri, Ministra, përfaqësues të Ambasadës së Kinës e të tjerë. Ish-Kryeministri në arrati Nikola Gruevski, nga Budapesti, përmes një postimi në Facebook ka komentuar lëshimin në përdorim të kësaj autostrade.

Gruevski sqaron se i gëzohet përfundimit, siç thotë, të arteries kryesore për Maqedoninë Lindore dhe se 85 deri 90% është ndërtuar derisa VMRO-DPMNE-ja ka qenë në pushtet. Ai ka thënë se një meritë të madhe për ndërtimin e kësaj autostrade ka edhe ish-ministri i Transportit Mile Janakievski, për të cilin janë ngritur procedura për shpërdorim të detyrës.

“Le të jetë me fat autostrada Shkup-Shtip. Këta hajnat e pushtetit, le të përpiqen së paku ta mirëmbajnë siç duhet. Të mos jetë i shkatërruar kur të kthehem! Përshëndetje nga Budapesti”, ka shkruar ish-Kryeministri Gruevski.

I menjëhershëm ka qenë reagimi i socialdemokratëve në pushtet. LSDM-ja thotë se pikërisht ka qenë Gruevski, i cili ka keqpërdorur mjetet për ndërtimin e kësaj autostrade, siç thonë së bashku me bashkëpartiakun e tij, Mile Janakievski. Socialdemokratët me mesazhin se Gruevski nuk duhet të shqetësohet për mirëmbajtjen e autostradës.

“Rruga e vetme nëpër të cilën do të kalojë, kur të kthehet, është rruga që çon drejt institucioneve ndëshkuese-përmirësuese, ku e pret qelia e burgut”, tha ai.

Ndryshe kjo autostradë duhej të kishte përfunduar vjeshtën e kaluar, kurse para një muaji është lëshuar për qarkullim. Gjatësia e autostradës është 47 kilometra dhe filloi të ndërtohet në vitin 2014, kurse ndërtimi kishte koston e 177 milionë eurove. /ABC News Albania 24/7

makinaaa-policia.jpg
G. P.17:13 | 10/06/2019

Një makinë e policisë rrugore është përfshirë në një aksident këtë të hënë.

Ngjarja ka ndodhur në autostradën Tiranë-Durrës në kilometrin e 8. Sipas të dhënave paraprake nga policia e kryeqytetit mësohet se shoferi, punonjës policie ka humbur kontrollin dhe për pasojë mjeti ka dalë nga rruga duke u dëmtuar.

Raportohet se në automjet ishin dy punonjës të policisë rrugore të sektorit të linjave Tiranë. Asnjëri prej tyre nuk ka pësuar dëmtime, ndërsa në vendngjarje siç duket dhe nga video e siguruar nga ABC News është ngritur grupi hetimor për përcaktimin e shkakut të aksidentit./abcnews.al

autostrada-1280x707.jpg
Sej rie13:30 | 29/05/2019

Personalitete të shumta morën pjesë në inagurimin e autostradës “Arbën Xhaferri” e cila lidh Kosovën me Maqedoninë e Veriut. Mediat në Kosovë raportojnë se për të janë shpenzuar 700 milion euro

Është përuruar autostrada “Arbën Xhaferi” në Han të Elezit, punimet për të cilën kanë nisur në vitin 2014.

Kjo autostradë e gjatë 65.5 kilometra do të lidhë Kosovën me Maqedoninë e Veriut.

Në përurim morën pjesë liderë nga Kosova, nga Maqedonia e Veriut, ambasadorë e qytetarë të shumtë. Mediat në Kosovë raportojnë se për ndërtimin e saj janë shpenzuar mbi 706 milion euro.

Në ceremoninë e inaugurimit kanë marrë pjesë liderët e vendit, mysafirë të tjerë nga vendi dhe vendet e rajonit.

Kjo autostradë ka urën më të gjatë në rajon me gjatësi 5.7 kilometra pa ndërprerje kurse lartësia maksimale është 83 metra.

Kryeministri I Maqedonisë së Veriut Zoran Zaev u shpreh se autostrada “Arbër Xhaferi” përbën një motivim që dhe Shkupi të përshpejtojë procedurën. Ai shtpi se shumë shpejt do të shpallet tender për 14 kilometra rrugë nga Bllaca deri në Shkup, në mënyrë që rruga Shkup-Prishtinë të përshkohet për 45 minuta./ABC News Albania 24/7

BLLOKOHET-AUTOSTRADA-TIRANE-DURRES-1280x720.jpg
ent ela14:57 | 07/05/2019

Nëse ditët në vijim iu duhet të përdorni autostradën Tiranë –Durrës dhe anasjelltas për të lëvizur merrni masa pasi mund të përballeni me trafik.

Autoriteti Rrugor Shqiptar njofton se në autostradë do të nisin punimet për të rehabilituar sistemin e ndriçimit dhe nga mëngjesi i 8 majit deri më 17 korrik automjetet do të lejohet të qarkullojnë në një korsi.

Investimi do të kryhet në segmentin rrugor ish Dogana-Qafë Kashar-Vorë dhe vjen në kuadër të projektit të mirëmbajtjes dhe sigurisë rrugore të Bankës Botërore dhe Qeverisë.

Qarkullimi i automjeteve në pjesën ku do të kryhen punimet sipas Autoritetit Rrugor Shqiptar do te jetë me shpejtësi të reduktuar. /ABC News Albania 24/7

 

 

 

 

tuneli-panoramik.jpg
G. P.15:47 | 28/04/2019

Tuneli panoramik në rrugën Tiranë-Elbasan është i kalueshëm për të gjithë. Ministrja   e Infrastrukturës dhe Energjisë, Belinda Balluku, nënvizoi se tashmë gjithçka po përmbyllet me sukses drejt përfundimit të plotë të punimeve që është fundi i muajit Maj.

Ka përfunduar edhe vepra e fundit e artit në aksin rrugor Tiranë-Elbasan.

Në prononcimin e saj, Balluku bëri të ditur se investimi në fjalë u bë i mundur në saj të një fondi prej 458 milionë lekësh të akorduara nga buxheti i shtetit, ndërsa punimet për ndërtimin e tij u realizuan para afatit të parashikuar.

“Kjo është një vepër shumë e rëndësishme e aksit Tiranë-Elbasan, i cili siç dihet tashmë nga të gjithë ishte një aks problematik për shkak të mungesës së studimit gjeologjik në fazat fillestare, por gjithçka po përmbyllet me sukses dhe jemi në pritje që të përmbyllim këtë projekt ashtu siç kemi premtuar në fund të Majit”, u shpreh ministrja Balluku.

Nga ana e saj, drejtoresha e ARRSH-së, Sonila Qato, tha se tuneli i ndërtuar është një vepër arti e cila është e plotësuar me të gjithë komponentët e saj.

“Tani më i gjithë aksi është në përdorim të mjeteve dhe të përdoruesve të rrugës”, deklaroi Qato.

Ndërtimi i këtij tuneli, bën të mundur eliminimin e rrezikut të rrëshqitjes së dherave në këtë pjesë të aksit. Puna për ndërtimin e tij nisi për shkak të rrëshqitjes së një masivi dheu një vit më parë./abcnews.al

autostrada-tirane-elbasan-1280x724.jpg
Sej rie17:15 | 20/04/2019

Pas afro shtatë muajsh punime rruga Elbasan –Tiranë është hapur ne dy kahet e saj.  Autostrada u bllokua në njërën korsi për shkak te shkarjeve të tokës pranë tunelit.

Hapja e dy aneve te rrugës po monitorohet nga policia rrugore. Punimet nisën në vjeshtën e vitit 2018 dhe afati i përfundimit ishte për 7 muaj. Për këtë qëllim Autoriteti Rrugor Shqiptar akordoi një fond prej rreth 371 milionë lekë.

Inxhinieri Kristaq Xhika thotë se ky është një projekt unik në rrugët shqiptare pasi për herë të parë ndërtohet një galeri e tillë ose tunel panoramik që ka edhe vlera arkitekturore si vepër arti.

Për ndërtimin e kësaj vepre lëvizën 20 mijë m3 dhe, u vendosën 214 pilota të ngulura në 8 m thellësi duke e bërë shumë të sigurt mbrojtjen në të ardhmen.

Tuneli i ri është i gjatë 150 m dhe bashkë me pjesët mbrojtëse prej betoni në hyrje dhe dalje shkon në 260 m.

Rruga Tiranë-Elbasan, e cila ka një gjatësi prej 27 kilometrash, filloi të ndërtohet në vitin 2011 e ndarë në tre lotë dhe me një kosto të përgjithshme të tenderuar prej 33 miliardë lekësh.

Rruga pritej të përfundonte në vitin 2015 por afati i punimeve u shty për në maj të këtij viti ku pritet të hapet edhe karrexhata tjetër me dy korsi në rrugën Tuneli i Kërrabës-TEG.

Fatos Salliu, gazetar i ABC News, Elbasan

arrsh-1280x713.jpg
ent ela19:29 | 17/04/2019

Autoriteti Rrugor Shqiptar, ka njoftuar se Këshilli Teknik ka miratuar gjurmën e autostradës Adriatiko-Joniane, që i hap rrugë projektit përfundimtar të Korridorit të Kaltër.

Sipas ARRSH, studimi i bërë në varësi të kësaj gjurme, bëhet vetëm për segmentin rrugor Mali i Zi-Shqipëri.

Autostrada ‘Adriatio-Joniane’ në planin e saj fillestar, nisej nga Trieste dhe përfundonte në Kallamata, në Greqi. Kjo autostradë së pari do të shërbejë si lidhje midis Korridoreve Europiane dhe Ballkanit Perëndimor, me kryeqytetet dhe portet kryesore. Gjatësia e  përgjithshme  e  vlerësuar e  korridorit  është përafërsisht 1,550 km. /abcnews.al

BALLUKU-INVESTIMI-NE-AUTOSTRADE.mpg_snapshot_00.01-1280x720.jpg
ent ela16:20 | 08/04/2019

Autostrada Laç-Mamurras tashmë do të ketë linjen e re të tensionit të mesëm në të dyja kahet e saj, investim i cili kap vlerën prej 468 milionë lekësh. Gjatë inspektimit të punimeve, ministrja Belinda Balluku deklaroi se ky investim do të ulë humbjet në rrjet dhe do të sjellë zhvillim ekonomik përgjatë gjithë zonës.

Ministria e Infrastrukturës dhe Energjisë në bashkëpunim me OSHE bëjnë të mundur ndërtimin e linjës së re të tensionit të mesëm në autostradën Laç-Mamurras. Investimi në të dyja kahet e autostradës kap vlerën prej 468 milionë lekësh dhe ka një gjatësi 33 km rrjet kabllor në tension të mesëm, si dhe është shtrirë rreth 25 km rrjet i tensionit të ulët.

Ministrja e Infrastrukturës dhe Energjisë, Belinda Balluku gjatë inspektimit të punimeve theksoi se synimi është edhe rritja e kapaciteteve me më tepër se 1500 abonentë.

Belinda Balluku, ministre e Infrastrukturës dhe Energjisë: “Ky është një investim prej 468 milionë lekësh dhe çfarë është më e rëndësishmja përveç faktit që ndihmon bizneset e zonës për të zhvilluar më tej investimet e tyre ka ulur humbjet të cilat janë objektivi kryesor për përmirësim që ne në OSHEE kemi, dhe kjo është diçka për t’u shënuar. Padyshim rritja e kapaciteteve edhe më tepër se 1500 abonentë është synimi ynë edhe në këtë projekt”.

Ministrja Balluku e cilësoi investimin mjaft të rëndësishëm edhe për zhvillimin ekonomik të zonës.

Belinda Balluku, ministre e Infrastrukturës dhe Energjisë: “Ky është një projekt shumë i rëndësishëm, kryesisht në mbështetje te bizneseve të zonës, sepse siç thamë këtu janë të vendosura bizneset më të mëdha të zonës, por sigurisht ndikon dhe tek abonentët tek familjarët për rritjen e kapaciteteve dhe përmirësimin e shërbimit”.

Investimi në të dyja kahet e autostradës Laç-Mamurras, ka bërë të mundur reduktimin e humbjeve në rrjet dhe ka ulur problematikat dhe defektet në kabinat elektrike. /abcnews.al

 

autostrada.jpg
ent ela11:52 | 03/03/2019

Autoriteti Rrugor Shqiptar nëpërmjet një njoftimi të shpërndarë bën me dije se në autostradën Tiranë – Durrës, nga Rrethrrotullimi Shqiponja u raportua nga ana e kontraktorit për mirëmbajtjen e këtij aksi, një tentativë për vjedhje të kabllit të linjës së ndriçimit në një gjatësi prej 820 m.

Sipas ARRSH-së, prsona të paidentifikuar kishin gërmuar dhe thyer betonet duke dëmtuar në shumë vende kabllin e ndriçimit në këtë gjatësi të rrugës dhe duke marrë një sasi të tij.

Pas njoftimit Policia e Tiranës ka bërë të mundur identifikimin dhe kapjen e autorëve, të cilët gjatë së shtunës vodhën kabllin e energjisë elektrike të shtyllave të ndriçimit.

Policia paralajmëron se kushdo që cënon apo vjedh pronën publike, do të penalizohet me forcën e ligjit! /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono