autobusi

MBULIM-AKSIDENTI-BULQIZE_ABC-M4-T2.mpg_snapshot_00.12-1280x720.jpg
ent ela18:01 | 28/08/2019

Një aksident rrugor ka ndodhur në afërsi të Urës së Topojanit në Shupenzë, ku për pasojë janë plagosur tre persona. Policia e Dibrës njofton se shtetasi A.K, duke drejtuar automjetin tip “Benz Mercedez” është përplasur me një automjet autobus me drejtues  shtetasin B.Xh. Për pasojë kanë mbetur të lënduar tre pasagjerë, të cilët po marrin ndihmë mjekësore në spitalin e Peshkopisë, jashtë rrezikut për jetën.

Grupi hetimor po kryen hetimet në vendngjarje për zbardhjen e shkaqeve të aksidentit. /abcnews.al

 

fieri-autobuse.jpg
ad min19:53 | 20/08/2019

Një person i identifikuar nga policia ka dalë nga mjeti i tij privat dhe ka gjuajtur 6 herë në ajër me armë zjarri duke i prerë rrugën një autobusi të linjës së plazhit në zonën e Semanit.

Ngjarja ka ndodhur pasditen e sotme në vendin e quajtur “Kulla e Ujit” në Fier. Mjeti ishte i mbushur me pasagjerë. Sipas dëshmive të banorëve të zonës autori mësohet se kishte debatuar më herët me drejtuesin e autobusit, i cili ishte i ndaluar në rrugë duke i kërkuar që të hapte rrugën.

Në debat e sipër personi në fjalë ka marrë armën nga automjeti i tij dhe ka gjuajtur në ajër para autobusit. Policia është vënë në kërkim të autorit./ABC News Albania 24/7

autobusi-1.jpg
ad min14:50 | 20/08/2019

Është ekzekutuar personi që rrëmbeu një autobus me 16 pasagjerë në Rio de Janeiro. Ai u qëllua nga një qitës i forcave speciale braziliane, ndërsa lajmi është konfirmuar nga zëdhënësi i Policisë Ushtarake në përfundim të pengmarrjes që zgjati pothuajse tre orë. Mediat braziliane raportojnë se nuk ka të plagosur, ndërsa pistoleta e përdorur nga pengmarrësi ishte lodër.

Ai hipi në autobus në orën 5 e 30 të mëngjesit me orën lokale, dhe nisi të derdhë benzinën në autobus. Të paktën gjashtë persona u liruan nga automjeti që qëndronte i ndaluar në një urë që lidh Rio de Janeiron me Niteroin. Policia rrethoi autobusin dhe rruga u mbyll për trafikun duke shkaktuar shumë probleme në qarkullimin rrugor. Sipas policisë rrugore pengmarrësi është identifikuar si një ushtarak./ABC News Albania 24/7

autobusi-flake-1280x556.jpg
nev ila09:44 | 13/08/2019

Temperaturat e larta janë shkaku pse autobusi i linjës Durrës-Mitrovicë mori flakë në rrugën e Kombit.

Vetë kompania përmes një njoftimi për shtyp tregon se të gjithë pasagjerët dhe stafi i kompanisë janë shëndosh e mirë, pasi  nuk kanë pësuar asnjë dëmtim të vetëm.

Me tej thuhet se  autobusi ka qenë në gjendje të rregullt teknike, por zjarri ka ardhur nga temperaturat e larta.

Autobusi i linjës Kosovë – Shqipëri mesditën e së hënës u përfshi nga flakët në “Rrugën e Kombit”, në afërsi të Repsit, në Mirditë.

Ai ka qenë i mbushur me pushues nga Kosova , të cilët kanë qenë duke u kthyer nga Shqipëria drejt Kosovës./ABC News Albania 24/7

MBULIM-AUTOBUSI-SULMI.mpg_snapshot_00.05-1280x720.jpg
ent ela10:00 | 13/06/2019

 Një autobus i linjës Kosovë-Slloveni është sulmuar mbrëmjen e së mërkurës gjatë tranzitit nëpër territorin e shtetit fqinj, Serbisë. Autobusi me udhëtarë kosovarë dhe linjë e rregullt është sulmuar nga disa serbë afër Batajnicës, të cilët kanë gjuajtur me gurë.

Siç shihet në këto fotografi të siguruara nga Indeksonline, xhami i përparmë i autobusit është dëmtuar për shkak të sulmit. Nga sulmi është thyer xhami i përparmë.

Pas sulmit, në vend ngjarje kanë dalë Policia e Serbisë dhe janë marrë me rastin. Udhëtarët kanë pritur një orë deri sa Policia e Serbisë ka bërë procesin e rastit dhe me pas kanë vazhduar rrugën drejt Sllovenisë.

Nuk është hera e parë që autobusët nga Kosova më udhëtarë që kalojnë nëpër Serbi, sulmohen. /ABC news Albania 24/7

NINTCHDBPICT000267042708-1280x906.jpg
nev ila11:41 | 29/04/2019

Si pasojë e një aksidenti automobilistik ka humbur jetën mesfushori i ekipit turk të futbollit Alaniaspor, Josef Sural. Shtatë lojtarë të tjerë kanë mbetur të plagosur kur autobusi që po rikthente ekipin në Alania, doli nga rruga si pasojë e përgjumjes së shoferit.

Autobusi që transportonte ekipin turk të futbollit Alaniaspor, ekipit të super ligës turke, është përmbysur në orët e para të mëngjesit në Alania, në jug të vendit.

Sipas të përditshmes turke “Harriet” në këtë aksident humbi jetën mesfushori Josef Sural, ndërsa shtatë lojtarë të tjerë kanë mbetur të plagosur. Autobusi i cili po rikthente futbollistët në Alania pas ndeshjes në transfertë në Kaiseri, ka dalë nga rruga.

Presidenti i klubit të futbollit Hasan Çavusoglu, duke cituar burime të policisë, shpjegoi për gazetarët se aksidenti ndodhi si shkak përgjumjes së shoferit të autobusit./abcnews.al

12402308-6933449-image-m-25_1555527959533.jpg
ad min21:56 | 17/04/2019

Të paktën 28 persona kanë humbur jetën si pasojë e një aksidenti tragjik automobilistik në Portugali. Ngjarja ka ndodhur në ishullën Madeira dhe sipas mediave ndërkombëtare viktimat janë turistë gjermanë.

Sipas bilancit të parë 17 prej viktimave janë femra, ndërsa 11 meshkuj. Sipas pamjeve të bëra publike autobusi me turistë pasi ka dalë nga rruga është përmbysur, duke shkaktuar përveç viktimave edhe shumë të plagosur. Mes të lënduarve dhe shoferi i guida portugeze. Në autobus sipas mediave kur ka ndodhur aksidenti kanë qenë mbi 50 persona./abcnews.al

AUTORI-AUTOBUZI-KONISPOL-1280x720.jpg
ent ela10:45 | 12/04/2019

Policia e Sarandës ka vënë në pranga autorin që dyshohet se i ka vënë flakën autobusit në Konispol.

Ngjarja ka ndodhur dy ditë më parë. I arrestuari është një 22 vjeçar, me banim në Delvinë.

Pas kontrollit të ushtruar në banesën e tij në Delvinë, policia ka sekuestruar në cilësinë e provave materiale 25 fishekë luftarake dhe një sasi fara narkotike të dyshuara si cannabis sattiva.

Materialet iu referuan Prokurorisë për veprat penale “Shkatërrimi i pronës me zjarr”, “Prodhimi dhe mbajtja pa leje e municioneve luftarake” dhe “Prodhimi dhe shitja e narkotikëve”. /abcnews.al

 

heroi.jpg
ad min22:50 | 21/03/2019

Në Itali ka bërë jehonë lajmi se fëmijët e marrë peng një ditë më parë në autobusin e shkollës u shpëtuan nga një moshatar me origjinë egjiptiane. Përveç se është pritur si hero nga shokët e klasës, 13-vjeçari është vlerësuar masivisht edhe nga mediat italiane.

Një nga fëmijët që të mërkurën në Itali u përfshi në pengmarrjen e autobusit të shkollës është pritur si hero nga shokët e klasës, pasi shpëtoi këdo që ndodhej në bord. Shoferi i autobusit mori peng mjetin dhe 51 nxënësit që ndodheshin në të dhe më pas i vuri zjarrin kur ndodhej në rrethinat e Milanos.

Fëmijët e intervistuar nga mediat italiane kanë deklaruar se 13-vjeçari Rami Shehata fshehu celularin e tij kur shoferi pengmarrës po ua merrte nxënësve të tjerë dhe më pas telefonoi prindërit duke i informuar për sa po ndodhte.

“Ai është heroi ynë”, ka thënë një shok i klasës së Ramiut.

Sipas agjencisë së lajmeve “ANSA”, Rami telefonoi të atin teksa shtirej sikur po lutej në arabisht dhe ky i fundit më pas lajmëroi policinë. Babai i 13-vjeçarit ka deklaruar se ai dhe familja e tij kanë ardhur nga Egjipti dhe se Rami ka lindur në Itali në vitin 2005, por nuk i është dhënë nënshtetësia. “Im bir bëri detyrën e tij, do të ishte bukur nëse tani do t’i jepej nënshtetësia.

Ne duam shumë të qëndrojmë në këtë vend”, tha babai i adoleshentit. Ai shtoi se kur e kishte takuar të birin pas ngjarjes e kishte përqafuar fort. Rasti i 13-vjeçarit dhe origjina e tij kanë bërë jehonë edhe në mediat italiane.

“Rami Shehata, heroi i autobusit të marrë peng”, ka shkruar portali “Lego”.

“Heroi egjiptian dhe leksioni i qytetarisë”, ka shkruar ndërkohë “Tgcom24” Ditën e mërkurë, patrullat e policisë lokalizuan autobusin dhe bllokuan avancimin e tij përpara se shoferi ta spërkaste me benzinë dhe t’i vinte zjarrin.

Fëmijët u shpëtuan nga dritaret e fundit të mjetit, pasi policia theu xhamat. Një oficer policie që mori pjesë në aksion ka deklaruar: “Ajo që më bëri më shumë përshtypje ishin fëmijët, vullneti dhe forca e tyre për të shpëtuar”.

Ndërkohë, i marrë në pyetje nga autoritetet, pengmarrësi, një 47-vjeçar nga Senegali, ka deklaruar se kishte vepruar personalisht dhe se nuk ishte i lidhur me asnjë grup terrorist./abcnews.al

KINE-SULMI-1280x720.jpg
ent ela18:38 | 26/12/2018

Të paktën pesë viktima dhe 21 të plagosur është bilanci i një atentati në Longian në Kinën Lindore. Një  person i armatosur ka marrë peng një autobus duke e përplasur me një turmë kalimtarësh.

Nuk është ende e qartë nëse në bordin e autobusit ka viktima apo të plagosur. Policia kineze bëri të ditur se ka arrestuar terroristin, por pa dhënë detaje për identitetin e tij apo arsyet e sulmit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono