Austri

BALAJ-KALON-NE-AUSTRI.mpg_snapshot_00.13-1280x720.jpg
ent ela12:20 | 26/07/2019

Sulmuesi Bekim Balaj është zyrtarisht një futbollist i skuadrës së Sturn Graz në Austri. 28-vjeçari ka nënshkruar një kontratë 2-vjeçare me opsion rinovimi edhe për një tjetër sezon.

Futbollisti i kombëtares shqiptare, Bekim Balaj është zyrtarisht një futbollist i Shtorm Graz në Austri. 28 vjeçari ka firmosur një kontratë dy vjeçare me opsion rinovimi edhe për një tjetër sezon. Në lidhje me këtë aventure të re Balaj tha:

“Shturn Graz është një skuadër me traditë në Austri dhe ka një mbështetje të madhe nga tifozët. Kjo më pëlqen shumë dhe shpresoj të integrohem sa më shpejt të jetë e mundur me skuadrën”.

Ndërkohë që drejtori sportiv i klubit austriak, Gunter vlerëson Balaj për aftësitë dhe thekson se është një blerje shumë e rëndësishme.

“Është e vështirë të gjesh një zgjidhje të mirë për fazën sulmuese, por unë jam shumë i kënaqur me afrimin e Bekim Balajt. Ai ka cilësi mjaft të mira fizike. Balaj do të na ndihmojë shumë edhe me lojën në ajër, tha drejtori sportiv i skuadrës austriake”.

Bekim Balaj u aktivizua për tre sezone në kampionatin rus, ndërkohë që tashme është rikthyer në Europë ku më parë ka luajtur për skuadra se Slavia dhe Sparta e Prafes, Rijeka apo edhe në Shqipëri ku hodhi hapat e para si futbollist. /ABC news Albania 24/7

FORMULA-1-AKSIDENTI-AUSTRI.mpg_snapshot_00.17-1280x720.jpg
ent ela08:40 | 29/06/2019

Valteri Botas shpëtoi pa pasoja nga aksidenti i pësuar në provat e lira të Formula 1 në Austri. Piloti I Mercedesit pati një përplasje dramatike, duke e dëmtuar makinën e tij, por vizitat mjekësore dolën pozitive.

Paska qenë Çmimi i Madh i frikës.

Një aksident serioz, por për fat pa pasoja, ndodhi në fundjavën e Austrisë në Formula 1, ndërsa Valteri Botas u përplas me makinën e tij Merdedes.

Piloti finlandez e dëmtoi shumë makinën në një kthesë të fortë të pistës së Red Bullit në Shpilberg, dhe pas kësaj u dërgua për të bërë vizitën mjekësore.

Ndërsa, provat e lira vazhdonin, mjekët për fat dhanë përgjigje pozitive dhe Botasi do të mundë të marrë pjesë në Çmimin e Madh të Austrisë, pra në provat zyrtare dhe në garën e së dielës.

Një tjetër aksident i ndodhi Maks Verstapenit në timonin e makinës së shtëpisë, Red Bullit, edhe pse më pak dramatik sesa i pari.

Holandezit i doli njëvendëshja nga kontrolli, dhe pas përplasjes iu dëmtua pjesa anësore.

Edhe ai, ashtu si Botasi, nuk mori pjesë më tej në provat e lira.

Më shumë fat pati Sebastian Fetel i Ferrarit, por gjermani e ndaloi “kokëkuqen” në kohë, duke arritur të kthehet në pistë.

Ky ishte lajmi i dytë i mirë për skuadrën italiane, sepse fakti kryesor ishte vendi i parë i zënë nga Sharl Leklerk.

Kjo do të thotë se Ferrari ka mundësi në Austri të sfidojë Mercedesin, që deri tani ka fituar çdo garë.

Kampioni i botës në fuqi, dhe kryesuesi i renditjes, Ljuis Hamilton, doli vetëm në vendin e katërt, ndonëse gjithçka mund të ndryshojë deri të dielën.  /ABC News Albania 24/7

strache.jpg
ad min23:21 | 13/06/2019

Prokurorët në Vjenë kanë nisur hetimet mbi ish-zëvendës kancelarin e vendit, i cili shfaqej në një video ku diskutonte afera financiare me biznesmenë rusë. Videoja në fjalë, origjina e të cilës nuk dihet ende, çoi në rrëzimin e qeverisë austriake dhe shpalljen e zgjedhjeve të parakohshme.

Prokurorët austriakë deklaruan të enjten se po hetojnë ish-liderin e ekstremit të djathtë, Heinze Chrisitian Strache dhe persona të tjerë në lidhje me videon që e detyroi atë të braktiste koalicionin qeverisës.

Strache u tërhoq nga posti i zëvendës kancelarit dhe kryetarit të partisë së djathtë Partia e Lirisë më 18 maj, pasi mediat në Gjermani publikuan një video të fshehtë ku ai shfaqej me një femër që pretendonte se ishte mbesa e një oligarku rus.

Në video, Strache shfaqej duke ofruar ndihmë për caktimin e tenderave në këmbim të mbështetjes financiare të partisë së tij. Vetë ai deklaroi se videoja ishte katastrofike, por tha se nuk kishte bërë asgjë ilegale.

Por të enjten, një zëdhënës i zyrës së krimit ekonomik dhe korrupsionit në prokurorinë e Vjenës deklaroi se përveç Strache po hetohet edhe Johan Gudenus, një ish-deputet i Partisë së Lirisë, që shfaqej gjithashtu në video. Zëdhënësi saktësoi se hetimi është fokusuar në pistën e shkeljes ligjore dhe përfshin edhe persona të tjerë, për momentin të paidentifikuar.

Më herët, prokurorët vjenezë kishin deklaruar se po hetonin në drejtime të ndryshme lidhur me videon, origjina e të cilës nuk dihet ende, por që ka shkaktuar dëme të konsiderueshme politike në Austri./ABc News Albania 24/7

KURZ-PER-SHQIPERINE-ERISA-1280x720.jpg
ad min17:43 | 27/05/2019

Edhe pse arriti një fitore surprizë në zgjedhjet euro-parlamentare, kancelari austriak Sebastian Kurc nuk ka arritur t’i mbijetojë një votëbesimi të mbajtur të hënën në Parlament. Presidentit austriak i duhet të zgjedhë një lider të ri, që do të qeverisë vendin deri në Shtator, kur mbahen zgjedhjet e parakohshme.

Kancelari austriak Sebastian Kurz dhe qeveria e tij kanë humbur votëbesimin e mbajtur në një seancë të jashtëzakonshme parlamentare. Ish-partia e koalicionit të tij qeverisës, Partia e Lirisë e së djathtës ekstreme, mbështeti mocionin e sjellë për votim nga Social-Demokratët në opozitë.

Partia e Lirisë u përfshi në një skandal politik të shkaktuar nga një video sekrete, e cila me t’u publikuar çoi në rrëzimin e koalicionit. Presidentit të Austrisë i duhet tani të vendosë se cili do të jetë kancelari në detyrë, i cili do të udhëheqë qeverinë deri në shtator, kur do të mbahen zgjedhjet e parakohshme.

Kurz, kryetar i Partisë Popullore Austriake, është i pari kancelar në historinë e Austrisë së pasluftës që humbet në një votëbesim. Në moshën 32-vjeçare, ai është gjithashtu lideri më i ri botë. Social-demokratët sollën në Parlament dy votëbesime, një ndaj zotit Kurc dhe një tjetër ndaj qeverisë së tij.

Duke qenë se ata kontrollojnë 52 nga 183 ulëset në Dhomën e Ulët të Parlamentit, konservatorët e Kurz nuk i kundërshtuan mocionet, që kërkonin një mazhorancë të thjeshtë për t’u miratuar. Mesa duket, rezultati surprizë i arritur nga partia e zotit Kurz në zgjedhjet europiane të së dielës nuk mjaftoi për ta shpëtuar atë./ABC News Albania 24/7

kurz-800x450.jpg
ad min22:10 | 20/05/2019

Austria është përfshirë nga një kaos politik pas braktisjes së koalicionit qeverisës nga e djathta ekstreme. Vendimi ka ardhur pasi kancelari Kurc ka kërkuar shkarkimin e ministrit të Brendshëm në lidhje me video-skandalin ku ishte përfshirë zëvendësi i tij.

Të gjithë ministrat e së djathtës ekstreme në Austri kanë dhënë dorëheqjen pasditen e së hënës, duke bërë që vendi të hyjë në një kaos politik. Shkak për këtë lëvizje të Partisë së Lirisë është bërë vendimi i kancelarit Sebastian Kurc për të shkarkuar ministrin e Brendshëm. Në një konferencë për shtyp, Kurc deklaroi se do t’i kërkojë presidentit të Republikës shkarkimin e Herbert Kikël.

Qeveria austriake hyri në krizë të premten e kaluar, pas publikimit të një videoje të fshehtë ku shfaqej zëvendës kancelari Hajnc Kristian Shtrahe teksa bisedonte për një aferë financiare me një investitor rus.

Shtrahe u detyrua të jepte dorëheqjen ditën e shtunë dhe për kancelarin Kurc, largimi i ministrit të Brendshëm është lëvizja e duhur për të hedhur plotësisht dritë mbi episodin. Ndërkohë, Rusia ka përjashtuar çdo përfshirje në aferë. Zëdhënësi i presidentit Vladimir Putin, Dimitri Peskov ka deklaruar se gjithçka që ka ndodhur është një incident që nuk ka lidhje me Kremlinin.

Sidoqoftë, skandali vjen në një moment kritik për Partinë e Lirisë, pasi pas pak ditësh, nga 23 deri më 26 maj do të mbahen zgjedhjet euro-parlamentare, që pritet të sjellin një rritje të ligjvënësve ekstremistë. Gjithashtu, videoja pritet të ndikojë edhe në zgjedhjet e parakohshme që vendi do të mbajë në shtator, vendim i cili u mor ditën e diel./ABC News Albania  24/7

AUSTRI-ZGJEDHJET.mpg_snapshot_00.02-1280x720.jpg
ent ela15:16 | 19/05/2019

Austria do të shkojë në zgjedhje të parakohshme. Presidenti i vendit ka pranuar kërkesën e kancelarit Sebastian Kurc pas publikimit të një video-skandali, ku zëvendësi i tij shfaqej i përfshirë në një aferë korrupsioni.

Presidenti i Austrisë, Aleksander Van der Belen vendosi të dielën mbajtjen e zgjedhjeve të parakohshme në shtator, me argumentin se dëshiron të rikthejë besimin tek qeveria pas një video-skandali. Ishte kancelari Sebastian Kurz që kërkoi mbajtjen e zgjedhjeve të reja ditën e shtunë, pasi zëvendësi i tij Hajnc Kristian Shtrahe dha dorëheqjen pasi shfaqej në video teksa diskutonte dhënien e tenderave qeveritarë me një investitor rus.

“Është me rëndësi që austriakëve t’u jepet shansi për një fillim të ri me qëllim rindërtimin e besimit tek qeveria”, deklaroi presidenti Van der Belen nga rezidenca e tij në Vjenë.

Sipas tij, ky fillim i ri duhet të ndodhë sa më shpejt të jetë e mundur dhe shtatori është muaji i duhur në bazë të Kushtetutës federale. Nga ana e tij, Shtrahe e cilësoi videon një karrem të përgatitur nga rivalët e tij për ta vrarë politikisht.

Në reagimin e tij ditën e shtunë, ai insistoi se nuk kishte kryer asnjë abuzim financiar dhe se i vetmi krim që ishte kryer ishte ai i filmimit ilegal të një takimi privat. Van der Belen dhe Kurz thanë në deklaratën e përbashkët për shtyp se stabiliteti i vendit do të jetë prioriteti i tyre në muajt e ardhshëm.

Për Kurc, zgjedhjet e parakohshme janë e vetmja mënyrë për zgjidhjen e krizës. “Ato janë një domosdoshmëri, jo një dëshirë”, tha kancelari. /ABC News Albania 24/7

etilda-gjonaj.jpg
ad min15:12 | 02/03/2019

Reforma në sistemin e drejtësisë po krijon të gjitha premisat që Shqipëria së shpejti të bëhet anëtare me të drejta të plota e Bashkimit Europian, kështu u shpreh Ministri i Drejtësisë së Austrisë Josef Moser gjatë takimit me homologen e tij Shqitpare, Etilda Gjonaj.

Moser vlerësoi ecurinë që ka bërë Shqipëria, duke theksuar nga Vjena se dhe shtetet anëtare të BE-së, të promovojnë rezultatet e reformave të ndërmarra nga Shqipëria. Ministrja e Drejtësisë, Etilda Gjonaj, tregoi ecurinë e reformave dhe luftën kundër korrupsionit që ka ndërmarrë qeveria shqiptare.

Më herët, Ministrja e Drejtësisë nënshkroi edhe një marrëveshje me homologun austriak Josef Moser, e cila do të rrisë cilësinë e ligjbërjes së Ministrisë së Drejtësisë./abcnews.al

648x364_three-german-skiers-killed-in-austrian-avalanche-fourth-missing.jpg
ent ela16:32 | 13/01/2019

Tre persona janë vrarë dhe një tjetër konsiderohet i zhdukur si pasojë e një orteku që ka përfshirë një resort skish në Austri. Skiatorët vinin nga jugu i Gjermanisë dhe zhdukja ishte raportuar nga bashkëshortja e njërit prej tyre të shtunën mbrëma. Viktimat janë të moshave 32, 36 dhe 57 vjeç, ndërsa personi i katërt 28. Kërkimet për këtë të fundit u ndërprenë për shkak se orteku vazhdonte vërshimin. Tre rastet në fjalë e çojnë numrin e viktimave të motit të keq në zona të ndryshme të Europës në 24, që nga fillimi i muajit. Austria ka qenë vendi ku janë regjistruar reshje rekord dëbore dhe ku trupa ushtarake, zjarrfikës dhe vullnetarë janë dashur të angazhohen për të pastruar rrugët dhe çatitë e ndërtesave. Ditën e premte, forcat e armatosura shpëtuan me helikopter 66 studentë dhe mësues gjermanë, pasi kishin mbetur të bllokuar në një tjetër resort skish. /abcnews.al

austri.jpg
ad min15:14 | 21/12/2018

Një operacion kërkimi po zhvillohet në Vienë, për një agresor që qëlloi për vdekje një person dhe plagosi një tjetër. Ngjarja ndodhi rreth orës 13 e 30 me orën lokale, në lagjen Lugeck të kryeqytetit austriak.

Një zëdhënës i policisë ka deklaruar se, incidenti ka gjasa të jetë më tepër një akt kriminal, sesa një sulm terrorist dhe nuk përbën më rrezik për qytetarët. Në operacionin e kërkimit janë angazhuar edhe helikopterë policie, përveç patrullave që po veprojnë në rrugë tokësore.

Të shtënat ndodhën në një rrugicë që të çon në një restorant të frekuentuar nga turistët. Sipas pronarit të restorantit, i cituar nga mediat vieneze, tre personat e përfshirë në konflikt ndodheshin aty dhe ishin larguar qetësisht së bashku. Ndërsa një dëshmitar ka deklaruar se dëgjoi 10 të shtëna pistolete dhe më pas pa dy persona të shtrirë në tokë, në një kalim mes dy rrugëve./abcnews.al

 

reti-duka.jpg
ad min21:53 | 07/12/2018

Reti Duka prej 27 vitesh jeton në Austri, ku edhe punon. Si punonjëse sociale ajo tregoi, në Shqipëri është e nevojshme ngritja e strukturave që garanton integrimin e njerëzve në shoqëri. Ajo tregoi në “Provokacija” se këtu ka njerëz që kanë nevojë të integrohen.

Reti Duka: Kjo është e veçanata e sistemit integrues dhe integrativ në Austri. Është një program i veçantë dhe specifik që u përket të gjithë brezave nga çdo vend që vijnë. Është një proces që do kisha shumë dëshirë dhe është ëndrra ime sikur të implementohet brenda vendit. Konsiston në ngritjen e strukturave, konkretisht në profesionin tim, të varura nga Ministria e Edukimit e përfshirë në ministrinë e Arsimit dhe kalon si kompetencë e bashkive dhe e vendeve qytezave, qoftë fshatrave dhe komunave. Fillon si një hierarki.

Mustafa Nano: Ti the në Shqipëri. Në Shqipëri ne nuk kemi njerëz që kanë nevojë që të integrohen.

Reti Duka: Po. Kemi njerëz që kanë nevojë të integrohen. Po të shikojmë veriu në Tiranë, jugu në Tiranë. Këto mbartin probleme shumë të mëdha, vështirësi që shfaqen fillimisht tek fëmijët sapo hynë në kopësht të cilët kanë dhe prindërit nga mbrapa./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono