Athinë

foto-5.jpg
in a08:10 | 26/12/2019

Një autobus i linjës Tiranë – Athinë ka dalë nga rruga gjatë natës në aksin rrugor Memaliaj–Tepelenë, në vendin e quajtur ura e Bënçes.

Fatmirësisht nga ky aksident nuk ka pasur pasoja tragjike. Autobusi  me targa greke nuk ka pasur pasagjerë, pasi po udhetonte bosh drejt Athinës.

Të vetmit që janë lënduar kanë qenë dy shoferet e autobusit, por fatmirësisht të dy janë jashtë rrezikut për jetën./abcnews.al

showtime.jpg
Autor E12:55 | 01/11/2019

Policia greke njoftoi dje se kishte shkatërruar një grup trafikantësh në Athinë duke i kapur atyre edhe rreth 104 kilogram lëndë narkotike e llojit kokainë.

Krahas kësaj, policia greke kapi edhe 828 mijë euro në shtëpinë e grupit i përbërë nga dy shqiptarë, njëri 40 vjeç dhe tjetri 33 vjeçm, si dhe një kroat.

Mediat greke bëjnë me dije se në momentin që e kanë rrethuar 40 vjeçarin shqiptar ai nuk ka bërë rezistencë duke thënë në fund: Ju lumtë, më kapët.

Mësohet se shqiptari lëvizte shpesh në vende të ndryshme të Europës, ndërsa droga ishte e pastër dhe vinte direkt nga vendet e Amerikës Latine.

Qeset e kokainës ishin të fshehura brenda një ene të mbushur me rërë. Pakot e ‘pluhurit të bardhë’ ishin të stampuara me mbishkrimi apo logo të ndryshme.

Në disa shkruhej ‘Show Time’ (koha për shfaqje) dhe në të tjera kishte imazhe të ndryshme. Operacioni i Policisë së Athinës është organizuar në bashkëpunim me DEA-n amerikane.

Sipas autoriteteve greke, organizata kriminale ishte e strukturuar mjaft mirë dhe profesionale. Kjo duket në sasinë e madhe të lëndës narkotike, logot e vendosura mbi pako dhe organizimin e tyre.

Në mesin e tre të arrestuarve është edhe drejtuesi i këtij rrjeti. Ky i fundit ishte përgjegjës për blerjen, ruajtjen dhe shpërndarjen e kokainës.

Anëtari i dytë ishte përgjegjës për sigurinë dhe transferimin tek blerësit, ndërsa i treti ishte përgjegjës për mbledhjen e parave. /abcnews.al

showtime.jpg
Autor E14:44 | 31/10/2019

Policia greke ka zbuluar detaje të tjera në lidhje me operacionin për kapjen e një grupi trafikantëshg të drogërave të forta, mes të cilëve edhe dy shqiptarë.

Deri më tani krahas shqiptarëve është arrestuar edhe një kroat.

Mediat e Athinës raportojnë se janë sekuestruar 104 kilogramë kokainë dhe një shumë parash që varion nga 500 mijë-600 mijë Euro.

Aksioni policor u zhvillua në një apartament në Athinë.

Qeset e kokainës ishin të fshehura brenda një ene të mbushur me rërë. Pakot e ‘pluhurit të bardhë’ ishin të stampuara me mbishkrimi apo logo të ndryshme.

Në disa shkruhej ‘Show Time’ (koha për shfaqje) dhe në të tjera kishte imazhe të ndryshme. Operacioni i Policisë së Athinës është organizuar në bashkëpunim me DEA-n amerikane.

Sipas autoriteteve greke, organizata kriminale ishte e strukturuar mjaft mirë dhe profesionale. Kjo duket në sasinë e madhe të lëndës narkotike, logot e vendosura mbi pako dhe organizimin e tyre.

Në mesin e tre të arrestuarve është edhe drejtuesi i këtij rrjeti. Ky i fundit ishte përgjegjës për blerjen, ruajtjen dhe shpërndarjen e kokainës.

Anëtari i dytë ishte përgjegjës për sigurinë dhe transferimin tek blerësit, ndërsa i treti ishte përgjegjës për mbledhjen e parave.

Policia sqaron se organizata kriminale do të fitonte 5 milionë Euro nëse kjo sasi kokaine do të hidhej në treg.

 

athina.jpg
Autor E14:48 | 29/10/2019

Një atentat i tipit mafioz ndodhi gjatë orëve të paradites së sotme në lagjen “Chaidari” në Athinë. Disa breshëri të gjata ndaj një makinë luksoze “BMW” dhe pak sekonda më pas një person që del i gjakosur prej andej.

Kjo ishte ajo që panë dëshmitarët e tmerruar nga ngjarja në rrugën “Satovrinou”.

Objektivi i atentatit u dërgua me shpejtësi në spital, por nuk i mbijetoi plagëve të marra, ndërsa makina iu bë shosh me plumba.

Më pas, policia konfirmoi se bëhet fjalë për një biznesmen të njohur grek, i cili shpërndan kafe në Atika, ndërsa është i përfshirë edhe në tregun e lojërave të fatit, përcjell Albeu.com.

Ai është Dimitris Malamas dhe sipas mediave greke njihet për kontaktet e tij të forta me “nëntokën” greke.

Policia është duke hetuar për shkaqet e ngjarjes, por nuk ka ende një pistë hetimi pasi autorët nuk lanë asnjë shenjë në vendin e ngjarjes.

Atentatet e këtij lloji janë shtuar shumë në Athinë kohët e fundit ku personazhe të nëntokës vriten apo vrasin për të larë hesapet apo për të marrë tregjet.

greqi-zjarri-1280x711.jpg
nev ila11:15 | 12/08/2019

Një zjarr ka përfshirë një sipërfaqe malore në lindje të Athinës, duke shkaktuar frikë dhe panik në kryeqytetin helen. Flakët janë vënë nën kontroll nga skuadrat e ndërhyrjes së shpejtë, por në zonat përreth shumë banorë u evakuuan.

Banorët e Athinës janë alarmuar për shkak të një zjarri të madh që ra rreth orës 3,30 pas mesnate. Flakët, që arritën në 20 metra lartësi, përfshinë shumë shpejt një pjesë të malit Ymitos, në lindje të kryeqytetit.

Për fat të mirë, reagimi i autoriteteve raportohet se ishte i menjëhershëm dhe brenda orëve të para të mëngjesit arritën ta kufizonin perimetrin e zjarrit, duke shmangur përhapjen e flakëve në një zonë më të gjerë.

Në zonat e banuara që ishin më afër vatrës së zjarrit u bë evakuimi i banorëve, ndërkohë që po vazhdojnë të operojnë 10 avionë dhe helikopterë, 46 mjete dhe rreth 150 zjarrfikës.

Megjithatë, dy banesa raportohet se janë djegur dhe disa të tjera janë dëmtuar rëndë, ndërsa nuk ka të lënduar.

Për disa orë u ndërpre qarkullimi në autostradën që lidh Athinën me aeroportin ndërkombëtar Eleftherios Venizelos. Deri në orën 8,30 të mëngjesit të së hënës situata ishte më e vështirë në zonën ku ngrihet parku i antenave ritransmetuese radiotelevizive.

Kjo ka bërë që stacionet radiofonike të Athinës të ndërpresin transmetimin në sistemin analog.

Në fundjavë në gjithë Greqinë u shënuan 122 zjarre, disa prej të cilave po vazhdojnë.

Shërbimi i mbrojtjes civile ka paralajmëruar se edhe gjatë së hënës rreziku i zjarreve është mjaft i lartë, thuajse në gjithë pjesën qendrore të vendit./ABC News Albania 24/7

ekstradim-933x445.jpg
ent ela11:29 | 27/07/2019

Ekstradohet nga Greqia një i dënuar për vjedhje me dhunë, ngjarje kjo  e ndodhur 3 vite më parë. Erdion Shahaj u prangos nga autoritetet policore në Athinë në Dhjetor të vitit 2018 me qëllim ekstradimin drejt Shqipërisë.

Sipas njfotimit të Policisë së Shtetit, 47-vjeçari ishte shpallur në kërkim ndërkombëtar  nga Interpol Tirana, pasi gjykata e Tiranës,  në vitin 2017, e ka dënuar këtë shtetas me 8 vjet  burg, për veprën penale “Vjedhje me dhunë”. Shahaj në bashkëpunim me një tjetër person, në datë 15 korrik të 2016, në kryeqytet, i kanë vjedhur me dhunë çantën një gruaje. E dëmtuara u godit disa herë me sende të forta nga Shehaj, duke përfunduar në spital në gjendje të rëndë shëndetësore.  /ABC News Albania 24/7

Ministria-e-Jashtme-e-Greqise-1024x672.jpg
nev ila16:28 | 22/07/2019

Qeveria e re e Greqisë ka përsëritur kushtin e vjetër për Shqipërinë: të drejtat e minoritetit grek në vendin tonë mbeten kusht për hapjen e negociatave. Ministri i jashtëm grek Nikos Dendias, e bëri të qartë këtë gjatë prezantimit në parlament të planit të qeverisë së tij.

Athina zyrtare: Të drejtat e minoritetit – kusht për negociatat.

Pavarësisht ndryshimit të pushtetit, qëndrimi i Athinës zyrtare ndaj Tiranës mbetet i njëjtë.

Politika e jashtme greke vazhdon ta kushtëzojë hapjen e negociatave për anëtarësim të Shqipërisë në BE, me minoritetin grek që jeton atje.

Kjo është deklaruar nga ministri i jashtëm grek, Nikos Dendias, gjatë prezantimit në parlament të programit të qeverisë, të hënën pasdite.

“Shqipëria vazhdon të mos përmbushë detyrimet në raport me të drejtat minoritare dhe pronësore të minoritetit etnik grek. Prandaj, në kuadër të hapjes së negociatave të anëtarësimit me Shqipërinë (për çka BE ka shtruar kushte të qarta), do të vazhdojmë të mbikqyrim ngushtësisht përmbushjen nga Shqipëria të pesë kritereve bazike. Do të vazhdojmë të mbikqyrim ngushtësisht respektimin me vepra të të drejtave të njeriut. Për gjithë qytetarët shqiptarë, përfshirë të drejtat e pronës të minoritetit autokton grek”, ka deklaruar Dendias.

Pavarësisht kundërshtimit të manifestuar nga pozicioni i opozitës, qeveria e re greke, duket se ka ndryshuar qasje për marrëveshjen e Prespës.

“Qëllimi ynë është që të bëjmë gjithçka që është e mundur për të pakësuar pasojat negative të marrëveshjes. Do të synojmë thellimin e marrëdhënieve me fqinjin tonë verior, në kuadër të bashkëpunimit me dobi reciproke. Mirëpo nuk do të tolerojmë fenomene të mosrespektimit të plotë të marrëveshjes”, tha ai.

Pas debatit parlamentar që ka filluar të shtunën, qeveria e Kyriakos Mitsotakisit pritet të marë votëbesimin mesnatën e të hënës./ABC News Albania 24/7

KRONIKE-ATHINE-TERMETI_ABC-M4-T2.mpg_snapshot_00.38-1280x720.jpg
ent ela18:45 | 19/07/2019

Kryeqyteti grek është tronditur pak pas mesditës së kësaj të premte nga një tërmet 5.1 ballë. Lëkundjet sollën jo vetem panik tek qytetarët e turistët, por edhe kaos në trafik, energji dhe telekomunikacion.

Një tërmet me magnitudë 5,1 gradë është shënuar të premten në mesditë në Greqi. Lëkundjet e tërmetit u ndjenë fuqishëm edhe në Athinë, ku banorë e turistë qëndruan për mjaft kohë të grumbulluar rrugëve dhe shesheve. Epiqendra e tërmetit u lokalizua 23 km në veriperëndim të Athinës. Sipas sizmologëve, vatra ndodhet në të njëjtën zonë nga kishte ardhur tërmeti i shtatorit 1999, që shkaktoi 123 të vdekur. Nga tërmeti i të premtes nuk janë raportuar të lënduar.

Dëmet materiale janë të kufizuara dhe kryesisht në banesa të vjetra. Copëra mermeri janë shkëputur nga fasadat e disa kishave, por edhe nga godina e parlamentit. Menjëherë pas tërmetit pati ndërprerje të përkohshme të energjisë elektrike, por edhe të telekomunikacioneve. Kompanitë e telefonisë celulare u rekomanduan qytetarëve të përdornin rrjetet alternative si viber, WhatsApp dhe Messenger. Shërbimit zjarrfikës iu desh të ndërhyjë në më shumë se 20 raste për të nxjerrë njerëz që ishin bllokuar nëpër ashensorë. Trafiku ishte i rënduar jashtëzakonisht në gjithë akset që lidhin Athinën me pjesën tjetër të vendit. /ABC News Albania 24/7

athina.jpg
ad min10:16 | 14/07/2019

Një shqiptar është ekzekutuar me armë zjarri në kryeqytetin grek. Ngjarja ka ndodhur gjatë mesnatës në lagjen “Haidari”. Mediat kanë bërë të ditur se viktima është 33 vjeç, por nuk kanë dhënë detare të tjera. Mësohet se ai u gjet i plagosur rëndë nga një kalimtar i rastit në rrugën “St. Mavras”.

33-vjeçari u dërgua në spital, por për shkak të plagëve të rënda nuk mundi të mbijetojë. Paraprakisht dyshohet se i riu është qëlluar nga pas. Deri më tani nuk dihen motivet dhe shkaqet e kësaj ngjarje të rëndë, por autoritetet greke kanë nisur hetimet./abcnews.al

rinas-polici-ekstradim-642x330-1.jpg
ad min11:04 | 17/06/2019

Një 43-vjeçar është ekstraduar nga Athina drejt vendit tonë për një vrasje të kryer 22 vite më parë. Sipas njoftimit të uniformave blu, Mentor Hasani, 43 vjeç ishte shpallur në kërkim pasi Gjykata e Dibrës e ka dënuar me 17 vjet burg.

Më 28 Gusht të vitit 1997, ai vrau me armë një person, teksa ky i fundit po kthehej në banesën e tij. Ngjarja ndodhi në fshatin Lishan i Epërm. Si rezultat i bashkëpunimit të Interpol Tirana me Interpol Athinë, u bë i mundur arrestimi i tij në Greqi dhe ekstradimi drejt vendit tonë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono