atentati

policia-elbasan.jpg
nev ila10:51 | 16/01/2020

Në lidhje me atentatin në Elbasan, burime pranë grupit hetimor pohojnë se ngjarja ka qenë e mirëorgnizuar dhe autori, apo autorët, kanë pasur si qëllim eleminimin e 23 vjeçarit.

Korrespodenti i ABC News në Elbasan raporton për abcnews.al se si pasojë e patrullimit të shpeshtë, që ka bërë policia në qendër të qytetit, atentatori (atentatorët), nuk kanë mundur të dalin nga automjeti për të realizuar eleminimin e Kei Pikut.

Autorët kanë qëlluar drejt 23 vjeçarit, nga brenda automjetit në të cilin ndodheshin.

Pasi ka pikasur se po qëllohej, i riu iu është shmangur plumbave drejt tij, dhe ka shkuar në fund të makinës së parkuar, ku ka rënë në toke. Mësohet se Kei Piku, ka marrë 3 plumba dhe ndodhet jashtë rrezikut për jetën.

Me sa duket patrulla e policisë, është ndodhur shumë pranë vendit të ngjarjes, pasi kanë qenë efektivët që kanë gjetur të riun, dhe e kanë përcjellë më pas, drejt urgjencës së spitalit të Elbasanit.

Sakaq policia është duke ushtruar kontroll në gjithë pikat kyce të qytetit të Elbasanit, ndërkohë ka shoqëruar disa persona, si të dyshuar se kanë dijeni për atentatin ndaj të riut./abcnews.al

fatos-tushe-trauma.jpg
nev ila11:24 | 31/12/2019

Sapo ka mbërritur tek spitali i traumës edhe kryebashkiuaku i Lushnjes Fatos Tushe. Nga deklarata e ministres së shëndetësisë është mësuar se Kryebashkiaku Fatos Tushe dhe sekretarja kanë ardhur për mjekim më të specializuar dhe ndodhen jashtë rrezikut për jetë.

Mëngjesin e sotëm u plagos nga një shperthim Kryetari i Bashkise Lushnje dhe sekretarja e tij.

Nga të dhënat më të fundit mësohet se Fatos Tushe ka marrë dëmtime serioze në shpatull dhe në këmbë. Panore Veliu Drejtoresha e Spitalit të Lushnjes, nuk ka pranuar fillimisht dhe ka qenë e rezervuar për sa i përket informacionit lidhur me shëndetin e kryebashkiakut të Lushnjes dhe Sekretares së tij.

Ajo që deklaroi Drejtoresha e Spitalit është se drejt Tiranës, janë nisur të dy të plagosurit, kryebashkiaku Fatos Tushe dhe sekretarja Erisa Salliu.

Ndërkohë edhe Ministrja e Shëndetësisë Ogerta Manastirliu tha për abcneës.al se dy të plagosurit, Kryebashkiaku Fatos Tushe dhe Sekretarja e institucionit, ndodhen në spitalin e Traumës në tiranë jashtë rrezikut për jetën.

Në Lushnje tashmë ka mbërritur edhe Drejtori i Përgjithshëm i Policisë dhe Drejtori i policisë kriminale Tonin Vocaj.

Nga të dhënat paraprake dyshohet për shpërthim brenda zyrës në bashkinë e Lushnjes, raporton abcneës.al. Pas shpërthimit në bashki janë dëgjuar edhe krisma armësh.

Abcnews.al mëson se ngjarja e rëndë ka ndodhur sot në mëngjes në orën 08:00 në momentin që Tushe ka hyrë në zyrë. Mësohet se nga shpërthimi është plagosur edhe sekretarja e kryetarit, Erisa Qalliu./abcnews.al

atentati-peqin111.jpg
nev ila09:00 | 14/12/2019

Një atentat me armë zjarri u regjistrua mbrëmjen e së premtes në anë të rrugës nacionale Elbasan-Peqin në fshatin Përparim.

Si pasojë e këtij atentati, mbeti i vdekur Andi Zylyfi, 26-vjeç me banim në këtë fshat dhe u plagos rëndë shoku i tij Ardit Uruçi, 23-vjeç, banues në të njëjtin fshat.

Megjithëse i është dhënë ndihma e parë 26-vjeçari ka mbërritur pa jetë në spital, ndërsa shoku i tij ka marrë plumba në kokë dhe në këmbë, dhe ndodhet në gjendje kritike për jetën .

Sipas të dhënave nga vendi i ngjarjes, persona ende të paidentifikuar nga policia, kanë qëlluar me breshëri armësh, në momentin kur ata ndodheshin në një automjet. Më pas ata janë larguar me shpejtësi.

Në vendin e ngjarjes kanë mbërritur forca të shumta policie, dhe forca të FNSH, të cilat kanë rrethuar zonën përreth, dhe kanë ngritur postblloqe në akset kryesore, veçanërisht në akset Peqin-Elbasan dhe Peqin-Durrës.

Ende nuk bëhen të ditura motivet e kësaj ngjarje. Por mësohet se viktima viktima Andi Zylyfi ka lidhje familjare me Endrit Alibej e Arben Dylgjern, të cilët mbetën të vrarë në një atentat më 29 dhjetor të vitit të kaluar, në Bradashesh të Elbasanit bashkë me shtetasin turk Erdal Duranay.

Pista kryesore e hetimit mbetet ajo e hakmarrjes. Por një pistë tjetër ku grupi hetimor po punon, ka të bëjë me detyrën e babait të viktimës, si punonjës i burgut të Peqinit. /abcnews.al

atentati-peqin.jpg
ger ta20:29 | 13/12/2019

Një atentat me armë zjarri ka ndodhur këtë mbrëmje në fshatin Përparim të Elbasanit.

Persona të paidentifikuar me makinë kanë qëlluar me armë zjarri ndaj dy shokëve, që ndodheshin në një lokal. Ata kanë qëlluar në kokë Andi Zylyfi, 23 vjeç dhe kanë plagosur rëndë shokun e tij Ardit Uruçi.

Abcnews.al mëson se Andi Zylyfi është kushëriri i parë, djali i hallës së Endrit Alibej ose Dylgjeri që u vra së bashku me xhaxhain e tij Arben Dylgjeri, si dhe shtetasin turk Erdal Duranay.

Krimi i trefishtë ndodhi në Bradashesh të Elbasanit, në fund të dhjetorit të vitit të kaluar, ndërsa tre viktimat ishin duke udhëtuar me një mjet ku u qëlluan me breshëri kallashnikovi. E shkuara kriminale e Alibejt, lidhjet me bandat e drogës u dyshua si shkak i kësaj ngjarjeje një vit më parë.

Objektivi kryesor i atentatit sipas hetuesve asokohe ishte 34-vjeçari Alibej i dënuar më parë në Itali për trafik të lëndëve narkotike. Viktimat jetonin jashtë vendit dhe ishin kthyer për të kaluar festat e fundvitit në Shqipëri.

Viktima, Andi Zylyfi

I plagosuri, Ardit Uruçi

Viktimat e atentatit të një viti më parë

/abcnews.al

vendngjarja-peqin.jpg
nev ila20:28 | 13/12/2019

Një atentat me armë zjarri është shënuar këtë mbrëmje në fshatin Përparim të Elbasanit.

Persona të paidentifikuar me makinë kanë qëlluar me armë zjarri ndaj dy shokëve, që ndodheshin në një lokal. Ata kanë qëlluar në kokë Andi Zylyfi, 23 vjeç dhe kanë plagosur rëndë shokun e tij Ardit Uruçi.

Raportohet se viktima Zylyfi është djali i një punonjësi të sigurisë në burgun e Peqinit.

Po ashtu, bëhet me dije se deri tani janë shoqëruar në polici 13 persona, dëshmitarë të ngjarjes. Ata po pyeten për të hedhur dritë për zbardhjen e rrethanave që mund të ndihmojnë për të identifikuar autorët. Nga mënyra e atentatit pista kryesore është larja e hesapeve mes dy bandave.

Ndërkohë ashtu siç shihet edhe nga pamjet familjarët kanë mbërritur në ambientet e spitalit. ABC News ka siguruar pamje nga vendngjarja dhe foto të të plagosurit Ardit Uruci.

/abcnews.al

 

policia-pogradec.jpg
nev ila19:55 | 13/12/2019

Rreth 1 orë më parë në qytetin e Peqinit në fshatin Përparim, në rrugën nacionale Elbasan –Peqin, autorë ende të paidentifikuar nga policia kanë qëlluar me armë zjarri ndaj 2 personave ku për pasojë ka humbur jetën 23 vjecari, Andi Zylyfi, ndërkohë që personi tjetër ndodhet në gjendje kritike për jetën, në spitalin rajonal të Elbasanit.

Ndërkohë policia ka dhënë detajet e para:

“Peqin/ Informacion paraprak

Nē aksin rrugor Elbasan- Peqin, në fshatin Përparim, në drejtim të një mjeti është qëlluar me armē zjarri në rrethanat ende të paqarta, dhe si pasojë kanë mbetur të plagosur shtetasit: A.Z., rreth 23 vjec dhe A.U., 21 vjeç, banues në fshatin Përparim, Peqin, të cilët janë transportuar në Spitalin e Elbasanit për pasojë shtetasi A.Z., ka ndëruar jetë.

Shërbimet e Policisë kanē ngritur pika kontrolli në hyrje dhe dalje të Qytetit të Peqinit.

Policia ka ngritur pika kontrolli ne akset rrugore dhe po krihet zona ku dyshohet se janë laguar autorët.

Në ndihmë të Policisë së Elbasanit janë nisur dhe një grupe FNSH-së si dhe Specialistë të Drepartamentit të Policisë Kriminale.

Po punohet intensivisht me grup të posaçëm hetimor për identifikimin dhe kapjen e autorit/ëve“./abcnews.al

artur-bresha-1-1280x800.jpg
ger ta09:02 | 05/12/2019

Zbardhen të tjera detaje nga atentati ndaj dy vëllezërve mbrëmjen e djeshme në Tepelenë, ku humbi jetën njëri prej tyre, Artur Bresha.

Abcnews.al mëson se deri më tani nuk ka asnjë të shoqëruar në polici. Burimë bëjnë me dije se objektivi i atentatit ka qenë viktima, pasi dyshohet se ka pasur shumë borxhe.

Ndërkaq, i plagosuri Artan Bresha ka marrë tre plumba por është jashtë rrezikut për jetën. Dyshimet janë për një person si autor të ngjarjes, ndërsa janë sekuestruar pamjet e kamerave të sigurisë. Po ashtu ende nuk është gjetur makina që është përdorur në atentat.

Ngjarja e rëndë ndodhi mbrëmjen e djeshme, ku Artur Bresha, 47 vjeç është qëlluar për vdekje teksa ishte në punë, si roje në kantierin e Bypass-it të Tepelenës. Pas ekzekutimit, autorët e dyshuar i kanë marrë makinën viktimës dhe janë drejtuar për në shtëpinë e vëllait të tij Artan Bresha.

Ata e kanë pikasur 43-vjeçarin rrugës për në shtëpi dhe e kanë plagosur./abcnews.al

atenttati-2-vellezerit-tepelene-1280x800.jpg
nev ila22:51 | 04/12/2019

Dy vëllezër kanë rënë pre e një atentati mbrëmjen e sotme në Tepelenë. Artur Bresha 47 vjeç është ekzekutuar gjatë kohës që ishte në punë, ndërsa më pas autorët kanë plagosur vëllanë e tij Artanin, pranë banesës.

Nuk dihen motivet dhe as autorët e kësaj ngjarjeje, ndërsa mësohet se i plagosuri është person me precedentë penalë në fushën e narkotikëve.

Një atentat me armë zjarri në Tepelenë, i ka marrë jetën një 47-vjeçari ndërsa është plagosur vëllai i tij 43 vjeç. ABC News mëson se Artur Bresha është qëlluar për vdekje teksa ishte në punë, si roje në kantierin e Bypass-it të Tepelenës. Pas ekzekutimit, autorët e dyshuar mësohet se i kanë marrë makinën viktimës dhe janë drejtuar për në shtëpinë e vëllait të tij Artan Bresha.

Ata e kanë pikasur 43-vjeçarin rrugës për në shtëpi dhe e kanë plagosur. Sipas policisë, i plagosuri ka marrë një plumb në këmbë dhe është jashtë rrezikut për jetën.

Menjëherë është ngritur një grup i posaçëm hetimor nga Drejtoria e Policisë së Gjirokastrës  dhe nën drejtimin e Prokurorisë  po vijojnë punën për zbardhjen e rrethanave të ngjarjes, identifikimin dhe kapjen e autorëve.

Në ndihmë të Grupit të posaçëm hetimor janë nisur menjëherë edhe një grup specialistësh të Departamentit të Policisë Kriminale në Policinë e Shtetit.

Në akset rrugore nacionale  dhe ato rurale që lidhen ne qytetin e Tepelenës Policia ka ngritur menjëherë pika kontrolli Forca të shumta të Policisë Tepelenë dhe Gjirokastër po bëjnë krehjen e zonës me qëllim kapjen e autorëve të dyshuar.

Artan Bresha nuk është një emër i panjohur për Policinë. Ai është arrestuar 8 vite më parë me 1 ton marijuanë, që do ta dërgonte jashtë vendit.

Në njoftimin e atëhershëm të policisë thuhej se droga do të dërgohej drejt Greqisë, ndërsa pas ndalimit të Breshës për këtë ngjarje u shpallën në kërkim tre persona të tjerë./abcnews.al

vendngjarja-tepelene.jpg
nev ila21:54 | 04/12/2019

Të shtëna me armë zjarri janë regjistruar mbrëmjen e sotme në Tepelenë, ku për pasojë ka humbur jetën një person, ndërsa një tjetër ka mbetur i plagosur.

Mësohet se ngjarja ka ndodhur në dalë të qytetit, ku i vrarë ka mbetur 47-vjeçari i identifikuar si Artur Bresha, ndërsa mësohet se është plagosur vëllai i tij Artan Bresha, i cili ndodhet jashtë rrezikut për jetën.

Por si ka ndodhur ngjarja?

Ashtu siç shihet nga pamjet e siguruara nga ABC News, Viktima Artur Bresha, i cili punonte roje nw bypass-in e Tepelenës mësohet se ka qenë në vendin e punës në momentin kur është qëlluar me armë zjarri. Autorët fillimisht kanë shkuar në kantier aty ku punonte viktima, dhe aty e kanë qëlluar, duke e lënë të vdekur në vend. Më pas atentatorët kanë marrë makinën e viktimës, një mjet tip mercedes benz 2000, dhe kanë shkuar pranë banesës së të vëllait, Artan Bresha, të cilin e pikasën në rrugë, dhe e kanë goditur duke e lënë të plagosur. Më pas atentatorët kanë arritur të largohen.

Artan Bresha, vëllai i viktimës, më herët ka qenë i arrestuar nga policia shqiptare gjatë operacionit “Koordinata” ku u bllokua një sasi droge prej 1 ton marijuana./abcnews.al

policia-1.jpg
nev ila21:14 | 04/12/2019

Mbrëmjen e sotme në qytetin e Tepelenës një person ka mbetur i vrarë dhe një tjetër i plagosur, si pasojë e një atentati. Vëllezërit Artur dhe Artan Bresha, janë qëlluar me armë zjarri, rreth orës 8 të mbrëmjes së sotme, ku mbeti i vdekur, Artur Bresha 46 vjeç, ndërsa vëllai i tij Artani, ka mbetur i plagosur, por sipas policisë, është jashtë rrezikut për jetën.

Ndërkohë policia ka dhënë edhe detajet e para të kësaj ngjarje:

“Tepelenë/Informacion paraprak.

Në dalje të qytetit të Tepelenës, në rrethana ende të paqarta është vrarë me armë zjarri shtetasi A.B., rreth 47 vjeç, si dhe është plagosur në këmbë vëllai i tij, shtetasi A.B., rreth 43 vjeç, i cili ndodhet në spital jashtë rrezikut për jetën.

Menjëherë është ngritur një grup i posaçëm hetimor nga DVP Gjirokastër dhe nën drejtimin e Prokurorisë po vijojnë punën për zbardhjen e rrethanave të ngjarjes, identifikimin dhe kapjen ne autorëve

Në ndihmë të Grupit të posaçëm hetimor janë nisur menjëherë edhe një grup specialistësh të Departamentit të Policisë Kriminale në Policinë e Shtetit.

Në akset rrugore nacionale dhe ato rurale që lidhen ne qytetin e Tepelenës Policia ka ngritur menjëherë pika kontrolli

Forca të shumta të Policisë Tepelenë dhe të D.V.P. Gjirokastër po bëjnë krehjen e zonës me qëllim kapjen e autorit/ve”, thuhet në njoftimin e policisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono