atdhe

eb19ef7a-55b1-4be5-834d-65a8c4726a80.jpg
Sej rie13:20 | 15/05/2019

Trupi i pajetë i major Klodian Tanushit, që humbi jetën në krye të detyrës gjatë misionit të NATO në Letoni, mbërriti sot në drekë në atdhe me një avion ushtarak. Nesër paradite, tek Muzeu Historik Kombëtar do të zhvillohen homazhe nderimi për oficerin e vrarë në Letoni, para se ai të përcillet për në banesën e fundit.

Major  Klodian Tanushi u nis drejt Letonisë 6 muaj më parë në krye të kontigjentit shqiptar në misionin e NATO-s. Por trupi i tij mbërriti në Rinas i pajetë, në një arkemort të mbuluar me flamurin kombëtar kuq e zi.

Arkemorti që mbante trupin e majorit ishte përcjelle me nderimet më të larta ushtarake nga kolegët e kontigjentit shqiptar ne Letoni.

Avioni ushtarak që sillte trupin e oficerit të vrarë në krye të detyrës në një tokë të huaj, u ul në aeroportin e Rinasit pak pas mesditës.

Ceremoni shtetërore dhe nderime ushtarake nga drejtues të Ministrisë së Mbrojtjes dhe Komandës së Forcave tona të Armatosura. Ministrja e Mbrojtjes, Olta Xhaçka, shefi i Shtabit të Forcave të Armatosura Bardhyl Kollçaku, kolegë, familjarë e miq të ushtarakut të vrarë në krye të detyrës ishin të pranishëm.

Arkivoli me trupin e Major Tanushit, i mbuluar me flamurin kombëtar u mbajt në krahë nga kolegë të tij. Të enjten nga ora 10:00 deri në 12:00, tek Muzeu Historik Kombëtar do të zhvillohen homazhe nderimi, para se major Klodian Tanushi të përcillet në banesën e fundit.

Trupi i major Klodian Tanushit do të prehet në varrezat e Dëshmorëve të Kombit. 16 maji u shpall ditë zije kombëtare, në nder të major Klodian Tanushit, i cili u shpall njëherësh edhe dëshmor i atdheut.

Në incidentin e shpërthimit të minave gjatë misionit të NATO-s në Letoni, në datën 6 maj, humbi jetën edhe nëntetarja Zarife Hasanaj si dhe u plagos rreshteri, Julian Kapaj.

/ABC News Albania 24/7

klodian-tanushiu-1280x707.jpg
Sej rie17:50 | 11/05/2019

Një ditë pasi humbi jetën në një spital në Letoni, autoritetet shqiptare kanë nisur procedurat për kthimin e trupit të tij në atdhe. Ministria e Mbrojtjes bën të ditur se është në koordinim me palën letoneze dhe shumë shpejt do të njoftohet dita e mbërritjes së trupit të dëshmorit të Kombiut në bazën ajrore të Rinasit.

Ndërkohë ministrja e Mbrojtjes Olta Xhaçka ka zhvilluar një takim me prindërit, bashkëshorten dhe të afërmit e major Klodian Tanushit.

Ministrja Xhaçka u ka premtuar atyre se nuk do të jenë kurrë vetëm, pasi ministria e mbrojtjes do t’i mbështesë gjithmonë.

“Me Klodin, humbëm një djalë të rrallë e njëherësh edhe profesionistin e kudogjendur”, u ka thënë Xhaçka familjarëve.

Klodi është jo vetëm biri juaj, por edhe djali ynë. Do t’i mungojë familjes sonë të Forcave të Armatosura”, ka vijuar ministrja Xhaçka.

Po ashtu, ministria e Mbrojtjes ka publikuar mesazhin e urimit që major Klodian Tanushi ka dhënë pak javë më parë nga Letonia, në kuadër të 10- vjetorit të anëtarësimit të Shqipërisë në NATO.

Pas vdekjes së tij mbrëmjen e së premtes në një spital të Letonisë, ka reaguar edhe misioni i përforcuar i grupit të prezencës së NATO-s në Letoni.

“Kemi humbur një nga tanët, një vëlla nën armë. Në këto kohë dhimbjeje, mendimet tona shkojnë tek të dashurit, miqtë dhe kolegët e tij. Jeta e tij do të kujtohet”, thuhet në mesazhin e ngushëllimit të këtij misioni.

Ngushëllimet për këtë ngjarje kanë përcjellë edhe zyrtarët më të lartë të shtetit Shqiptar, si Presidenti Ilir Meta, kryetari i Kuvendit Gramoz Ruçi, kryeministri Edi Rama si dhe kryetari i Partisë Demokratike Lulzim Basha.

Komandanti i kontingjentit shqiptar në misionin e NATO ne Letoni , major Klodian Tanushi humbi eten ne spital ku po kurohej pas plagëve të rënda që mori nga shpërthimi i minave disa ditë më parë. Në atë ngjarje humbi jetën nentetarja Zarife Hasanaj si dhe u plagos jashtë rrezikut për jetën rreshter Julian Kapaj./ABC News Albania 24/7

190304165246-01-juan-guaido-0304-exlarge-169.jpg
ent ela23:33 | 04/03/2019

I sapokthyer në Venezuelë pas një turi në Amerikën Latine, lideri i opozitës Huan Guaido ka deklaruar se nuk i trembet arrestimit nga regjimi Maduro dhe u ka bërë thirrje qytetarëve që të bashkohen në protestat kundër presidentit në ditët e ardhshme.

Lideri i vetëshpallur i Venezuelës, Huan Guaido mbërriti të hënën në aeroportin e Karakasit, pavarësisht rrezikut për të përfunduar në pranga nga forcat e sigurisë të regjimit të Nikolas Maduro. Guaido është pritur nga diplomatë të Shteteve të Bashkuara dhe vendeve të Bashkimit Europian, si dhe nga një turmë mbështetësish që brohorisnin emrin e tij.

“Ne e dimë rrezikun me të cilin përballemi, por jemi të fortë dhe do të vazhdojmë betejën tonë”, deklaroi Guaido përpara mbështetësve. Lideri i opozitës sfidoi ndalimin e udhëtimit që i ishte imponuar nga Gjykata Supreme e Venezuelës muajin e kaluar, kur ai u largua nga vendi. I sapokthyer, ai i bëri thirrje presidentit Maduro që të japë dorëheqjen.

Dy liderët vazhdojnë rivalitetin mes tyre prej më shumë se një muaji. Ndërsa Guaido është njohur si president legjitim i përkohshëm nga më shumë se 50 vende, Maduro mbështetet nga Kina, Rusia dhe Kuba dhe insiston se është ai kreu legjitim i shtetit. Guaido ishte larguar nga Venezuela për të bërë një tur në vendet e Amerikës Latine, disa prej të cilave e mbështesin dhe të tjera jo. Ai u bëri thirrje qytetarëve venezuelianë që t’u bashkohen protestave anti-qeveritare të planifikuara në ditët e ardhshme./abcnews.al

KRONIKE-ESHTRAT-E-MITHAT-FRASHERIT.mpg_snapshot_01.26-1280x720.jpg
ent ela19:16 | 14/11/2018

Eshtrat e Mid’hat Frashërit do të prehen në atdhe sipas amanetit të tij. Atdhetar, mendimtar dhe figurë e shquar e Rilindjes dhe Pavarësisë, më i riu i familjes së shquar të Frashërllinjve u varros në dhe të huaj për shkak të anatemimit nga regjimi komunist. Por sot eshtrat e tij u rivarrosën pranë 3 vëllezerve Frashëri, në parkun e Liqenit në Tiranë.

Përmbushet amaneti i Mit’hat Frashërit 69 vite pas vdekjes. Eshtrat e patriotit të shquar tashmë vijnë në atdheun e tij, në Shqipëri. Kryeministri Edi Rama thotë se sapo ka nisur rruga për pastrimin e kësaj figure poliedrike të kombit shqiptar.

Historiani dhe studiuese Aurel Plasari nënvizon flijimin e karrierës së Mid’hat Frashërit në të mirë të kombit shqiptar.

Arkmorti me eshtrat e mendimtari, politikanit dhe shkrimtarit Mid’hat Frashëri mbërriti mëngjesin e së mërkurës në aeroportin e Rinasit nga Shtetet e Bashkuara të Amerikës. Homazhet në nder të patriotit të shquar u zhvilluan në Akademinë e Shkencave. Simbolikisht 110 vite më herët, kur filloi punimet Kongresi i Manastirit drejtuar prej Mid’hat Frashërit. Studiuesi Bashkim Kucuku thotë se zgjedhja e kësaj dite është mjaft smblike dhe domëthënëse kombin shqiptar.

Homazhet u kryen nën masa të rrepta sigurie, ku edhe buqetat me lule u skanuan. Në ceremoninë e homazheve në Akademinë e Shkencave morën pjesë personalitete të shquara, historianë, artistë, qytetarë të thjeshtë dhe politikanë. Ish-kryeministri Sali Berisha tha se Mid’hat Frashëri ishte promotor i luftës për liri.

Ndërsa kreu i opozitës, Lulzim Basha, u shpreh që qeveria bëri detyrën në vendimin për të sjellë në Shqipëri eshtrat e Mid’hat Frashërit. Më pas arkmorti i mbuluar me flamurin kuqezi, nga Akademia e Shkencave u drejtua në kodrat e liqenit artificial, aty ku do të prehen eshtrat e tij në mëmëdhe, përkrah babait, Abdyl Frashërit dhe xhaxhallarëve të tij, Naim dhe Sami Frashëri./abcnews.al

MITHAT-FRASHERI-1280x720.jpg
ent ela13:59 | 14/11/2018

69 vite pas vdekjes, përmbushet amaneti i mendimtarit të Kombit Mit’hat Frashëri, për t’u prehur në atdhe.  Eshtrat e tij mbërritën sot në Shqipëri, ndërsa qeveria kishte vendosur për këtë akt disa muaj më parë.

Në aeroportin e Rinasit ka mbërritur mëngjesin e sotëm arkivoli me eshtrat e Mid’hat Frashërit. Për të nderuar këtë figurë të shquar të kombit ishin të pranishëm personalitete shtetërore, ministrja e Kulturës Mirela Kumbaro, intelektuale e studiues, të afërm të familjes.

Më pas homazhet për të nderuar patriotin shqiptar u zhvilluan te Akademia e Shkencave. Ndërsa ceremonia e rivarrimit të eshtrave të tij u zhvillua në Parkun e Madh të Tiranës, ku Mid’hat Frashëri do të prehet pranë vëllezërve Frashëri.

Edhe në këtë ceremoni shtetërore morën pjesë personalitete të shquara të letrave dhe kulturës, studiues, politikanë dhe të afërm të familjes Frashëri. Studiuesi Aurel Plasari dhe kryeministri Rama vlerësuan figurën e Mit’had Frashërit.

Mid’hat Frashëri, djali i Abdyl Frashërit është një nga figurat më të shquara intelektuale shqiptare. Ai ka lënë gjurmë si diplomat, shkrimtar dhe politikan.

Eshtrat e rilindasit, shkrimtarit dhe patriotit të madh mbërritën në atdhe pikërisht në javën e perkujtimit të 110 vjetorit të Kongresit të Manastirit, që u drejtua prej tij.

Mit’had Frasheri lindi në Janinë më 25 mars 1880, u rrit në Stamboll dhe më pas gjithë jetën ia kushtoi çështjes shqiptare.

Në korrik 1908 Mid’hat Frashëri themeloi gazetën “Liria” në Selanik, në vitet 1897-1928  botoi revistën “Kalendari Kombiar”, më 1909 themeloi revistën “Dituria”, në Selanik, pastaj në Kostancë të Rumanisë dhe më vonë në Tiranë.

Më 1908 mori pjesë dhe u zgjodh kryetar i Kongresit të Manastirit dhe nënkryetar i Komisionit të Alfabetit.

Mit’hat Frashëri ishte gjithashtu nje nga nenshkruesit e deklarates se pavaresise.

Në qeverinë e Ismail Qemalit u emërua Ministër i Punëve Botërore, ishte anëtar i delegacionit shqiptar në Konferencën e Paqes në Paris, në vitet 1919 – 1920. Ndërsa më 1920 përfaqësoi Shqipërinë në Lidhjen e Kombeve.

I përndjekur nga regjimi komunist , i anatemuar si themelues i organizatës së Ballit Kombëtar, Mid’hat Frashëri në përfundim të luftës u vendos në Itali e më vonë në Londër, ku krijoi Komitetin “Shqipëria e Lirë”.

Mid’hat Frashëri nderroi jete  në Nju Jork më 3 nëntor 1949, ku edhe ishte varrosur deri tani.

 

trofeu.jpg
G. P.13:09 | 16/07/2018

Sot, ekipi i Didier Deschamps do të zbresë në aeroportin Charle de Gaulle rreth orës 15:55. Kampionët e rinj të botës pastaj do të shkojnë në Shamp-Élizé për të parakaluar para tifozëve së bashku me trofeun.

Parakalimi është parashikuar nga ora 17:30 deri në 18:30. Më pas ekipi kampion i botës do të pritet nga Presidenti i Republikës, Emmanuel Macron, në pallatin presidencial Elizee, deri në orën 20.00.

Disa stacione metroje në Paris do të mbyllen nga policisë këtë pasdite për shkak të festimeve për kthimin në Francë të ekipit kombëtar të futbollit.

Nderkohë mediat franceze bëjnë të ditur se trajnerët e të ashtuquajturve “gjelat francezë” si dhe lojtarët e ekipit kombëtar francez do të nderohen dhe titullin e lartë të Legjionit të Nderit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono