atalanta

De-Laurentis.png
Vladimir Prenga09:28 | 31/10/2019

Aurelio De Lurentiis nuk ka duruar. Penalltia e padhënë në ndeshjen e djeshme me Atalantën, pas një dueli të Llorente me Kjaer, është kontestuar shumë nga napolitanët. Presidenti i klubit të Serie A ka folur menjëherë për “Sky Sport”.

“Po të isha në vend të Ancelottit, do shkoja larg nga kjo Serie A. Jemi ne që investojmë në këtë futboll, pa ne të gjithë do të qëronin patate. Nuk them nëse ishte apo jo penallti, por them se kam të drejtë të shikohet në VAR pasi investoj”, tha fillimisht De Laurentiis.

Ai ka kritika për përgjegjësit e arbitrave në FIGC: “Nuk besoj se Rizzoli dhe Nicchi e bëjnë punën e tyre në mënyrën më të mirë të mundshme. De Laurentiis dhe 19 presidentët e tjerë që financojnë në futbollin italian kanë të drejtë të dëgjohen.

Të gjithë tifozët napolitanë dhe italianë janë të lodhur nga ky pompoziteti që Rizzoli dhe Nicchi janë të paprekshëm. Ishte penallti dhe duhet të rishikohej në VAR.  Kërkoj qartësi dhe respekt. Të dashur Nicchi dhe Rizzoli, duhet të vendosni fytyrën tuaj në vend. Deri tani keni bërë një punë të gabuar dhe jeni aktorë të këqij”. / abcnews.al

Atalanta-Napoli.jpg
Veronik Istrefaj21:07 | 30/10/2019

Është mbyllur takimi mes Napolit dhe Atalantës, në barazim spektakolar 2-2. Në “Sao Paolo”, u zhvillua një sfidë e shkëlqyer, me të dyja skuadrat që kërkuan deri në fund fitoren. Ishte Maksimovic ai që kaloi Napolin në avantazh, që në minutën e 16-të të takimit.

Edhe pse në disavantazh, Atalanta arriti të reagojë brenda pjesës së parë, duke barazuar. Në minutat e fundit të fraksionit të parë të lojës, Freuler arrin të barazojë, për t’i çuar skaudrat në dhomat e zhveshjes me rezultatin 1-1.

Në pjesën e dytë, e njëjta histori. Napoli arriti të kalojë sërish në avantazh, për t’u barazuar sërish nga Atalanta. Milik shënoi për napolitanët në minutën e 71-të të sfidës, ndërsa ai gol i Ilicic në minutën e 86-të vendosi rezultatin final të sfidës në 2-2. Pas kësaj ndeshje, Atalanta bëhet ekipi i vetëm në Serie A që shënon 2 ose më shumë gola në 10 javët e para./abcnews.al

Serie A, java 10

Napoli – Atalanta  2-2
Maksimovic 16′, Milik 71′ / Freuler 41′, Ilicic 86′

Gjimshiti-1.png
Igli Nikolli09:12 | 28/10/2019

Atalanta është një realitet i bukur prej disa vitesh në Serie A. Ekipi bergamask zhvillon një futboll spektakolar, po arrin rezultate pozitive dhe ka një ofensivë vdekjeprurëse. Zikaltrit renditen në vend të tretë me 20 pikë, tre më pak se Juventusi dhe dy larg Interit.

Ekipi i Gasperinit është sulmi më i mirë në kampionat për momentin. 28 gola të shënuar në 9 ndeshje është një shifër fantastike. Vetëm Manchester City (32) dhe Ajaksi (35) kanë shënuar më shumë, por “Cityzens” kanë zhvilluar një ndeshje më shumë e “Harkëtarët” dy më shumë.

Milani i sezonit 1992/1993

Për t’u kthyer në Serie A, vetëm Milani i Fabio Capellos ka shënuar më shumë në 9 ndeshjet e para. Ishte sezoni 1992/1993 dhe Van Basten me shokë shënonin 29 gola në 9 ndeshjet e para. Dy sezone më pas u fut rregulli i tre pikëve për fitore dhe nga ai moment, askush nuk ka shënuar më shumë në 9 ndeshjet e para se Gjimshiti me shokë. /abcnews.al

Gasperini.png
Igli Nikolli17:22 | 27/10/2019

Atalanta la pas krahëve humbjen në mesjavë kundër Manchester City dhe u rikthye te suksesi në kampionat. Gjimshti me shokë (u aktivizua si titullar dhe luajti 52 minuta) shkatërruan në shtëpi 7-1 Udineses dhe renditen në vend të tretë me 20 pikë, tre më pak se Juventusi kryesues.

Gian Piero Gasperini është shumë i kënaqur me paraqitjen e ekipit të tij, që është edhe sulmi më i mirë në Serie A. Trajneri i Atalantës ndalet te dyshja Ilicic-Muriel dhe komentin aventurën në Champions League. Atalanta po fluturon në kampionat, por trajneri nuk dëshiron të flasë për titullin kampion.

FITORJA – “Jam shumë i lumtur. Kartoni i kuq i Udineses na ndihmoi dhe më pas ishim të papërballueshëm. Po shënojmë shumë gola prej një viti e gjysmë, madje gola me cilësi. Kjo është forca jonë e madhe dhe na lejon të kalojmë edhe momentet e vështira. Ditë e madhe për ne. Skuadra po luan bukur, edhe renditja është e tillë”.

ILICIC – “Sot ishte i jashtëzakonshëm. Kishte zhvilluar ndeshje të nivelit të lartë në fillim të sezonit, më pas dukej i lodhur. Mbetet një futbollist fantastik dhe sot po luante me një marsh më shumë”.

Lojtarët e Atalantës duke festuar një nga golat e sotëm

MURIEL – “Më duhet të punoj ende me të, mund të rritet akoma. Mund të shënojë më shumë, ka një potencial të jashtëzakonshëm. Sa më afër portës që të luajë, aq më vdekjeprurës është”.

CHAMPIONS – “Është një eksperiencë që do të na rrisë shumë për të bërë më mirë në kampionat. Tani duam të bëjmë mirë në tre ndeshjet e mbetura në Evropë. Rëndësi ka të mos heqim dorë nga mentaliteti jonë”.

TITULLI – “Jo, vetëm Juventusi mund ta humbasë titullin. Në garë janë Interi, Napoli. Më pas vijnë skuadrat e tjera. Kampionati sapo ka nisur”. /abcnews.al

Ilicic-Atalanta-1280x1001.jpg
Veronik Istrefaj17:05 | 27/10/2019

Atalanta ka fituar me rezultatin 7-1 kundër Udinese, duke treguar dhe njëherë tjetër forcën që ka ekipi i Gasperinit këtë sezon. Ekipi nga Bergamo e pa veten në disavantazh, pasi Okaka kaloi në avantazh Udinesen në minutën e 12-të. Megjithatë, Atalanta u zgjua dhe arriti të shënojë plot 7 herë.

Ilicic shënoi dy gola, ndërsa Muriel, ishte autor i një triplete. Pasalic dhe Traore ishin autorët e dy golave të tjerë. Në takimet e tjera të Serie A, Torino dhe Cagliari janë ndarë në barazim 1-1. Ishin miqtë që shënuan të parët, me anë të Nandez, ndërsa për Torinon, barazoi Zaza në minutën e 69-të.

Napoli është ndalur në transfertë nga skuadra e SPAL. Të besuarit e Ancelottit shënuan që në minutën e nëntë të takimit, me anë të Arkadiusz Milik. Por në minutën e 16-të, Kurtiç barazoi për SPAL, gol që vendosi dhe rezultatin final të takimit, 1-1./abcnews.al

Serie A, java 9

Atalanta – Udinese   7-1
Ilicic 21′ 43′, Muriel 35′ 48′ 75′, Pasalic 52′, Traore 83′ / Okaka 12′

SPAL – Napoli  1-1
Kurtic 16′ / Milik 9′

Torino – Cagliari  1-1
Zaza 69′ / Nandez 40′

Pep-Guardiola-1280x629.png
Igli Nikolli11:06 | 23/10/2019

Manchester City vuajti gjysmë ore në ndeshjen kundër Atalantës. Goli i Malinkovskyt befasoi të pranishmit në “Etihad Stadium”, por Aguero përmbysi rezultatin brenda katër minutash.

Kampionët e Anglisë nuk u përmbajtën dhe shënuan edhe tre gola të tjerë deri në fund me anë të Rahem Sterling. Përfundimisht 5-1 për ekipin e Guardiolës, i cili tregon sekretin e këtij triumfi të thellë.

“Arritëm një rezultat të shkëlqyer kundër një Atalante shumë të mirë. Ata të çojnë në limite, diçka që nuk e bën çdo skuadër. E bëmë diferencën në sulm dhe ia dolëm të fitonim”, komenton trajneri spanjoll pas fitores me “manita”.

Manchester City kryeson grupin C me 9 pikë të plota, ndjekur nga Shakhtar Donetsk dhe Dinamo Zagreb me nga katër pikë. Në fund renditet ekipi italian me zero pikë. /abcnews.al

Guardiola.jpeg
Veronik Istrefaj16:49 | 21/10/2019

Trajneri i Manchester City, Pep Guardiola, ka folur në konferencë për shtyp para ndeshjes kundër Atalantës, që do të jetë e vlefshme për grupin C në Champions League. Në fjalën e tij, tekniku spanjoll tha:

“Mendoj se kemi ndërtuar një skuadër shumë të fortë, si pjesë e një projekti që ka filluar që para katër sezonesh. Dy sezonet e fundit në Champions, jemi eliminuar nga rregulli i golit në fushë kundërshtare. Në këtë kompeticion, nëse do t’i shkosh deri në fund, duhet të pësosh sa më pak gola.

“Ky është një kompeticion që vendoset nga një episod, nga një metër më shumë ose më pak, nga një pasiguri ose moment individual. Këto diferenca të vogla vendosin fate të mëdha. Këtë sezon, them me plot bindje se jemi më të fortë se dy sezonet e fundit. Lojtarët kanë fituar eksperiencën e duhur dhe janë më mirë fizikisht”, përfundoi Guardiola./abcnews.al

Guardiola.png
Igli Nikolli14:32 | 21/10/2019

Manchester City pret Atalantën nesër në mbrëmje për ndeshjet e treta të fazës së grupeve në Champions League. Kampionët e Anglisë do të tentojnë fitoren e tretë rresht.

Pep Guardiola ka folur për këtë përballje në konferencën për shtyp. Spanjolli flet me superlativa për ekipin bergamask, një ndër surprizat më të bukura të Serie A në 2-3 vitet e fundit.

Loja e Atalantës i pëlqen shumë dhe Gasperinit e krahason me Sarrin e Juventusit. Guardiola ka luajtur me Brescian më parë, por nuk e sheh këtë ndeshje si një derbi. Më pas një koment për ekipin e tij dhe në fund një ide se çfarë duhet bërë me racizmin.

Roberto Baggio, Appiah dhe Guardiola kur ishin pjesë e Brescias

ATALANTA – “Ajo që ndjeja për Sarrin është identike me atë që mendoj për Gasperinin. Atalanta bëri diçka të jashtëzakonshme sezonin e kaluar. Ishte sikur të kishin fituar titullin kampion. Është kënaqësi t’i shikosh duke luajtur. Kanë shumë guxim dhe sulmojnë pafund. Derbi për mua? Jo, edhe pse kam qenë shumë i lidhur me familjen Corini. E di që është një ndeshje e veçantë, por nuk kam biseduar me askënd nga Brescia”.

RIVALITETI – “Kam shumë besim te skuadra ime, por e di që ka edhe klube të tjera që mund ta fitojnë këtë kompeticion. Si futbollist dhe trajner, kam zbritur gjithmonë në fushë për fitore, edhe pse futbolli ka edhe humbje. Do doja të thoja që do të jemi ne fituesit e Champions League, por nuk e di çfarë mund të ndodhë në të ardhmen”.

RACIZMI – “Shpresoj që FIFA dhe UEFA të hedhin hapa para sa i përket kësaj çështje. Mendoj se është më shumë një problem kulturor, duhet t’ia nisim që nga fëmijët e vegjël”. /abcnews.al

Gjimshiti.png
Igli Nikolli13:14 | 21/10/2019

Atalanta do të zhvillojë nesër një ndër ndeshjet më të rëndësishme në histori. Ekipi bergamask do të udhëtojë drejt Manchesterit për t’u ndeshur me Cityn e Guardiolës. Djemtë e Gasperinit kanë humbur dy ndeshjet e para në fazën e grupeve të Champions League.

Gjimshti me shokë do të tentojnë të marrin pikët e para kundër kampionëve të Anglisë, pavarësisht vështirësisë ekstreme që paraqet kjo sfidë. Mbrojtësi shqiptar pritet ta nisë si titullar përballjen me “Cityzens”.

Situata në repartin defensiv të ekipit italian nuk është me e mira. Kjaer dhe Palomino janë të dëmtuar dhe nuk kanë udhëtuar me ekipin. Toloi, Gjimshiti dhe Masiello do të tentojnë frenimin e një prej sulmeve më të rrezikshme në botë, teksa alternativa e vetme në stol do të jetë braziliani Ibanez. /abcnews.al

muriel.png
Igli Nikolli16:59 | 19/10/2019

Ndeshje spektakolare dhe shumë gola mes Lazios dhe Atalantës. Ekipi bergamask u tregua i pamëshirshëm në pjesën e parë, ndërsa bardhekaltrit zhvilluan një 20 minutësh të çmendur në pjesën e dytë.

Miqtë shënuan tre herë brenda 14 minutash, duke çoroditur Strakoshën (ka një pjesë të fajit te goli i dytë) dhe ekipin kryeqytetas. Luis Muriel me anë të një dygolëshi dhe kapiteni Gomez i dhuruan avantazhin e trefishtë Atalantës (Gjimshiti e ndoqi takimin nga stoli).

Lazio reagoi në pjesën e dytë dhe ia doli të evitonte humbjen. Ciro Immobile ktheu në gol një penallti në minutën e 69-të. Ekipi i Inzaghit gjeti sërish golin pas një minute.

Argjentinasi Correa realizoi një gol shumë të bukur dhe në Olimpico u rikthye shpresa. Vendasit morën zemër dhe shënuan në minutat shtesë. Ciro Immobile u tregua sërish i saktë nga pika e panalltisë, duke i dhuruar një pikë ekipit të Inzaghit. Atalanta humbi shansin për të barazuar përkohësisht Juventusin në krye, ndërsa bardhekaltrit ngjiten në kuotën e 12 pikëve. /abcnews.al

Lazio – Atalanta 3-3
(Immobile (pen) 69′, (pen) 90+3′, Correa 70′, / Muriel 23′, 28′, Gomez 37′)


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono