atalanta

Gjimshiti.jpg
Igli Nikolli16:56 | 07/12/2019

Një gol i Berat Gjimshitit në minutat shtesë i dhuroi një fitore të rëndësishme Atalantës përballë Veronës. Mbrojtësi shqiptar shfrytëzoi një pasim të Toloi dhe mposhti portierin mik me një gjuajtje të fortë nga afër.

Verona ishte dy herë në avantazh, por ekipi bergamask përmbysi gjithçka dhe fitoi 3-2. Di Carmine zhbllokoi ndeshjen në mesin e pjesës së parë. Miqtë u treguan dinakë, kryen shpejt një rivënie anësore dhe sulmuesi italian mposhti Gollinin me një goditje diagonale.

Atalanta reagoi dhe gjeti barazimin në minutën e 44-t me anë të Malinkovskyt. Gjuajtje fantastike me të majtën e ukrainasit dhe gol shumë i bukur. Miqtë kaluan sërish në avantazh me anë të Di Carmine në minutën e 57-të, por Muriel riktheu shumë shpejt baraspeshën.

Dawidowicz la Veronën me dhjetë lojtarë pesë minuta përpara fundit dhe Atalanta u hodh në sulm në kërkim të golit të fitores. Gjimshiti u kthye në heroin e ekipit dhe në stadium shpërtheu festa në minutën e tretë shtesë.

Kjo fitore e dërgon Atalantën në vend të gjashtë me 28 pikë. Vendi i katërt është një pikë lart, teksa Verona mbetet e nënta me 18 pikë. Goli i parë për mbrojtësin e Shqipërisë. Në krahun tjetër, Rrahmani u aktivizua gjatë gjithë ndeshjes, ndërsa Kumbulla e ndoqi sfidën nga pankina. /abcnews.al

Atalanta – Verona 3-2
(Malinkovsky 44′, Muriel (pen) 64′, Gjimshiti 90+3’/ Di Carmine 23′, 57′)

Pasalic-Mario.png
Igli Nikolli16:54 | 30/11/2019

Derbi mes Brescias dhe Atalantës është mbyllur me festën e miqve. Mario Pasalic është heroi i ekipit bergamask me dy golat e shënuar, ndërsa Ilicic vulosi gjithçka në minutat shtesë. Kroati shënoi nga një gol për pjesë pas asisteve të Castagne dhe Ilicic. Goli i dytë ishte shumë i bukur dhe Pasalic kreu një veprim fantastik, duke shënuar me finte.

I bukur edhe goli i sllovenit, i cili kreu një sprint të madh në minutat shtesë dhe dërgoi topin në rrjetë. Emanuele Ndoj e nisi si titullar për vendasit, teksa u largua në minutën e 64-t nga loja. Nga fillimi e nisi ndeshjen edhe Berat Gjimshiti, i cili nuk i shpëtoi një ndëshkimi me karton të verdhë.

“Dallëndyshet” ndodhën në krizë dhe vazhdojë të renditën në vend të fundit me 7 pikë. Rikthim te fitorja në kampionat pas 4 javëve për ekipin e Gasperinit, që renditet përkohësisht në vend të gjashtë me 25 pikë. /abcnews.al

Brescia – Atalanta 0-3
(Pasalic 26′, 61′, Ilicic 90+2′)

Gjimshiti-Atalanta.png
Igli Nikolli15:29 | 30/11/2019

Brescia po përballet me Atalantën dhe në këtë derbi plot rivalitet po aktivizohen si titullarë Emanuele Ndoj për vendasit dhe Berat Gjimshiti për ekipin mik.

Përballja është zhbllokuar në minutën e 26-të. Ekipi bergamask ka shënuar me anë të Mario Pasalic. Kroati shfrytëzoi një kros të bukur të Castagne dhe realizoi golin e avantazhit për Atalantën.

Brescia renditet në vend të fundit dhe ka nevojë për pikë, ndërsa Atalanta shpreson të rikthehet te tre pikët në kampionat pas 4 ndeshjeve pa fitore. /abcnews.al

Pipita.png
Igli Nikolli16:58 | 23/11/2019

Një dygolësh i Gonzalo Higuain evitoi humbjen e parë të Juventusit dhe i dhuroi një fitore shumë të rëndësishme bardhezinjve përballë një Atalante shumë të fortë. Dueli i zhvilluar në Bergamo nisi me ritëm dhe duele të forta. Vendasit fituan një penallti në minutën e 18-të, por avantazhi nuk erdhi. Afrikani Barrow plasi topin në traversë. Pjesa e parë nuk dhuroi gola, teksa e dyta nisi me festë për Atalantën.

Barrow veproi bukur nga krahu i djathtë, krosoi në zonë dhe Robin Gosens goditi saktë me kokë. Tifozët në festë dhe Atalanta në avantazh. Miqtë nuk mund të pajtoheshin me këtë rezultat dhe nisën të reagojnë.

Gonzalo Higuain shënoi dy herë brenda 8 minutave dhe përmbysi rezultatin. Sulmuesi argjentinas përfitoi nga një rrëmujë në zonën e ekipit vendas në minutën e 74-t dhe barazoi sfidën. Tetë minuta përpara fundit erdhi dhe avantazhi i “Zonjës së Vjetër”.

Cuadrado dhuroi një asist në zonë dhe Pipita nuk gaboi. Juventusi nuk i ndali sulmet dhe shënoi sërish në shtesa. Higuain pasoi për Dybala dhe ky i fundit mposhti Gollinin, duke vulosur fitoren e 11-të të bardhezinjve. Juventus vazhdon të kryesojë pas javës së 13-të me 35 pikë, teksa ekipi i Berat Gjimshitit, i cili u aktivizua gjatë gjithë ndeshjes, renditet në vend të gjashtë me 22 pikë. /abcnews.al

Atalanta – Juventus 1-3
(Gosens 56′ / Higuain 74′, 82′, Dybala 90+2′)

Juve.png
Igli Nikolli16:39 | 23/11/2019

Nuk ka zgjatur shumë avantazhi i Atalantës. Juventusi ka reaguar pas golit të Gosens dhe ka arritur të përmbysë ndeshjen. Gonzalo Higuain është autori i golit të barazimit. “Pipita” shfrytëzoi një rrëmujë në zonën e ekipit bergamask dhe dërgoi topin në rrjetë në minutën e 74-t.

Ndeshje e bukur në Bergamo dhe raste nga të dy skuadrat, teksa miqtë kanë gjetur edhe golin e dytë.Sërish Higuain autori i golit në minutën e 82-të. Sulmuesi argjentinas mori një asist nga Cuadrado, nuk gaboi nga brenda zonës dhe shënoi golin e avantazhit. /abcnews.al

Gosens-Atalanta.png
Igli Nikolli16:18 | 23/11/2019

Zhbllokohet ndeshja Atalanta-Juventus. Vendasit humbën një penallti në pjesën e parë me anë të Barrow (goditja u ndal në traversë), por kanë gjetur golin në pjesën e dytë. Robin Gosens është autori i golit në minutën e 56-të.

Krosimi nga e djathta e Barrow dhe mesfushori gjerman mposhti me kokë polakun Szczesny. Berat Gjimshiti e ka nisur si titullar sfidën për ekipin bergamask, teksa bardhezinjtë e Sarrit do bëjnë të pamundurën për të shmangur humbjen e parë në kampionat. /abcnews.al

Strakosha.png
Igli Nikolli17:08 | 10/11/2019

Nëse gjërat nuk shkojnë mirë në Europa League për Lazion, ndryshon situata në kampionat. Bardhekaltrit arritën fitoren e katërt rresht në kampionat përballë Lecces. 4-2 përfundoi dueli i zhvilluar në “Olimpico”, çka bën që ekipi i Inzaghit të najë vendin e tretë me Cagliarin.

Correa shënoi një dygolësh, ndërsa Milinkovic-Savic dhe Immobile plotësuan “pokerin” e Lazios. Golat u harxhuan në kryeqytet dhe dy ndeshjet e tjera u mbyllën ashtu siç nisën.

Atalanta (Gjimshiti u aktivizua gjatë gjithë ndeshjes) nuk ia doli të fitonte ndaj Sampdorias në transfertë, ndërsa pritjet e Etrit Berishës i dhuruan një pikë Spalit në transfertën kundër Udineses. /abcnews.al

Lazio – Lecce 4-2
(Correa 30′, 80′, Milinjkovic-Savic 62′, Immobile (pen) 77′ / Lapadula 40′, La Mantia 85′)
Sampdoria – Atalanta 0-0
Udinese – Spal 0-0

Ranieri.png
Igli Nikolli16:35 | 08/11/2019

Një gol i Caprarit në minutat shtesë i dha tre pikë të arta Sampdorias në transfertën kundër Spal. Ekipi dorian po lufton për mbijetesën për momentin, ndërsa ndeshja e radhës është përballë Atalantës.

Ekipi i Gasperinit është ndër kundërshtarët më të frikshëm, sidomos ofensiva e tyre. Claudio Ranieri e ka të qartë forcën e ekipit bergamask dhe zgjedh një formë ndryshe për të karikuar djemtë e tij përpara ndeshjes shtëpiake të së dielës.

Do të luajmë përballë një ekipi që po bën gjëra të mrekullueshme. Atalanta arrin të shënojë lehtësisht dhe duhet të tregohemi të aftë për t’i frenuar. Jam sinqerisht kurioz të shoh reagimin e lojtarëve të mi. Janë një ekip që nuk lodhen kurrë, vrapojnë më shumë në pjesën e dytë sesa në të parën. Ilicic është një kampion i madh, ndëra Muriel e njohim shumë mirë“, përfundon trajneri i Sampdorias. /abcnews.al

Gjimshiti.png
Igli Nikolli16:28 | 07/11/2019

Atalanta zhvilloi një ndeshje të madhe kundër Manchester City dhe mori pikën e parë në histori në Champions League. 1-1 u mbyll dueli i zhvilluar në “San Siro”, rezultat që mban ende në lojë ekipin bergamask.

Tani nevojiten dy fitore kundër Dinamos së Zagrebit në shtëpi dhe Shakhtarit në transfertë. Nëse Atalanta ia del dhe dy kundërshtarët nuk fitojnë kundër ekipit të Guardiolës, Gjimshiti me shokë kualifikohen më tej.

Berat Gjimshiti ka folur për ndeshjen kundër kampionëve të Anglisë dhe shpresat e kualifikimit në një prononcim për kanalin zyrtar të Atalantës. Mbrojtësi shqiptar, i cili u aktivizua si titullar mbrëmjen e kaluar, thur elozhe për paraqitjen e ekipit dhe beson te kualifikimi.

Zhvilluam një ndeshje të jashtëzakonshme, sidomos në pjesën e dytë. Vuajtëm pak në 45 minutat e para, por më pas reaguam me kurajë të madhe, thjeshtë na mungoi pak fat. Nuk e kemi nisur mirë, por duam të mbledhim sa më shumë pikë dhe të fitojmë dy ndeshjet e fundit“, thekson mbrojtësi shqiptar i Atalantës. /abcnews.al

Son-Tottenham.png
Igli Nikolli22:59 | 06/11/2019

Emocione por asnjë fitues në duelin Atalanta-Manchester City. Rahem Sterling zhbllokoi shifrat në ndeshjen e zhvilluar në “San Siro” që në minutën e shtatë. Goli i katërt kundër ekipit italian për sulmuesin anglez.

Gabriel Jesus mund të kishte mbyllur ndeshjen në fund të pjesës së parë, por gaboi nga pika e penalltisë. Gjimshitit (u aktivizua si titullar) me shokë i bëri mirë pushimi dhe barazuan menjëherë në fillimin e pjesës së dytë. Gomez krosoi bukur në zonë dhe Mario Pasalic nuk gaboi përballë Claudio Bravos (zëvendësoi Edersonin e dëmtuar në pushim).

“Cityzens” mbetën me një lojtar më pak në minutën e 81-të. Portieri Bravo gaboi dhe në portë u fut mbrojtësi Walker për minutat e mbetura. Pavarësisht insistimit të Atalantës, ndeshja nuk pati më gola dhe u mbyll në barazim 1-1.

Tottenhami ka arritur të sigurojë një fitore me aromë kualifikimi. 0-4 fituan djemtë e Pochettinos në Beograd përballë Crvena Zvezdës vendase, të cilën e mposhtën edhe në shtëpi 5-0. Lo Celso gjeti golin e parë me Spurs në pjesën e parë, teksa në të dytën mendoi Son Heung-Min për të mbyllur ndeshjen.

Lojtari aziatik tronditi tifozët e Crvenës me anë të një dygolëshi të shënuar brenda 4 minutave. Dedikimi ishte për Andre Gomes, të cilin e dëmtoi në ndeshjen e fundjavës në kampionat. Koreano-jugori nuk festoi dhe zgjodhi t’i kërkonte ndjesë portugezit të pafat.

Emocione, gola dhe dramë në Zagreb. Dinamo Zagreb ishte pranë fitores, por Shakhtar shënoi dy herë në minutat shtesë dhe përballja u mbyll 3-3. Ekipi ukrainas kaloi i pari në avantazh në minutën e 13-të, por kroatët përmbysën gjithçka me tre gola të shënuar. Goli i Tete nga pika e penalltisë në minutën e shtatë shtesë i dhuroi një pikë të artë miqve. /abcnews.al

Atalanta – Manchester City 1-1
(Pasalic 49′ / Sterling 7′)

Dinamo Zagreb – Shakhtar Donetsk 3-3
(Petkovic 25′, Ivanusec 83′, Ademi 89′ / Alan Patrick 13′, Moraes 90+3′, Tete (pen) 90+7′)

Crvena Zvezda – Tottenham 0-4
(Lo Celso 34′, Son Heung-Min 57′, 61′, Eriksen 85′)


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono