astiri

d97fe3cb-1c29-4c5e-96d7-7833286c1762-1280x720.jpg
ent ela12:38 | 29/11/2019

Një pallat në rrugën “Astrit Losha” te zona e Astirit në kryeqytet ka pësuar dëmtime pas tërmetit të 26 nëntorit. Një banore e cila telefonoi në redaksinë online të ABC News thotë se ndjehet e frikësuar dhe prej ditësh flenë nëpër makina.

Sipas asnjë banor nuk ka ngelur aty, të gjithë janë larguar pas tërmetit dhe askush nuk ka ardhur për ta verifikuar situatën. Ajo kërkon që të bëhet ekspertimi nëse ky pallat është i banueshëm apo jo.

“Një pallat 8 katësh të Astiri ka pësuar çarje . Nuk na kanë ardh fare, kemi ditë të tëra  që flemë në makina.

Kam biznes dhe jam e detyruar të qëndroj. Nuk vjen askush, është një pjesë shtesë se është një lokal pa leje është një rrugicë që ske ku dalësh është i vetmi pallat që askush nuk vjen të na thotë nëse është banueshëm. Nga të katra anët pallati ka ndarje, por a është suva a është kollon askush nuk vjen ta thotë. Vijnë policë, bëjnë foto dhe ikin”.

Banorja tregon edhe përmes fotove të dërguara se një shtesë e paligjshme ngjitur me pallatin është këputur fare, ndërsa pallati është i rrethuar nga të katër anët dhe vetëm një tunel i vogël shërben për të dalë.

“Shtesa është këputur fare,  është vërë e paligjshme, është bërë një lokal që nuk ka qenë në hipotekë”. /abcnews.al

avokati-i-popullit-1280x744.jpg
nev ila15:45 | 21/11/2019

Banorët e Unazës së Astirit i janë drejtuar avokatit të popullit, me synim që zëri i tyre të dëgjohet nga shteti. Ky institucion po përgatit një raport të detajuar mbi arsyet për të cilat banorët e Unazës së re kundërshtojnë prej një viti prishjen e banesave të tyre.

I ka karakterizuar pesimizmi ndaj zgjidhjes që mund t’u vijë përmes institucioneve shtetërore. Shpresën e mbajnë tek një derë e vogël me emër të madh, Avokati i Popullit.  

Erjona Canaj, Komisionere pranë Avokatit të Popullit priti këtë përfaqësi të banorëve të Unazës së re jo vetëm për t’i dëgjuar por edhe për t’i komunikuar se ia kanë dërguar për shqyrtim kuvendit listën e kërkesave të tyre.

Banorët nuk kanë ndërmend të tërhiqen. Për ta prishja e shtëpive është shpërfillje ndaj njerëzve të thjeshtë dhe përkrahje për ata që duan të përfitojnë nga tenderët miliona euro.

 Pas marrjes së përgjigjes nga Kuvendi i Shqipërisë, Avokati i Popullit i bëri me dije se do të publikojnë një raport të detajuar mbi shkakun dhe pasojën që ka detyruar banorët të kundërshtojnë zbatimin e projektit të Unazës së Madhe të Tiranës./abcnews.al

monika-kryemadhi.jpg
ger ta19:54 | 13/11/2019

Kryetarja e LSI, Monika Kryemadhi ka reaguar sërish për përplasjen e banorëve me policinë te Unaza e Re ditën e djeshme, ku IKMT shembi 33 objekte.

Përmes një mesazhi në rrjetet sociale, Kryemadhi thekson se një ditë përgjegjësit do e paguajnë sipas saj dhunën e ushtruar ndaj grave dhe fëmijëve.Më tej kryetarja e LSI bën thirrje për bashkim, sipas saj kundër diktaturës së krimit.

Reagimi i plotë:

Jam në mbështetje të plotë të banorëve të Unazës së Re. Dhuna dhe terrori i ushtruar nga Edi Rama dhe falangat e tij të krimit, të cilat kanë kapur Policinë e Shtetit dhe të gjitha instrumentet shtetërore, nuk është gjë tjetër veçse instalimi përfundimtar i narko shtetit dhe krimit të organizuar nën emrin e qeverisë shqiptare.

Gazi lotsjellës, dhuna që përdori policia shqiptare ndaj grave dhe fëmijëve në orët e para të mëngjesit ndaj banorëve të Unazës së Re, jo vetëm që është kriminale, por një ditë do të paguhet mirë dhe do të dalin përballë drejtësisë të gjithë ata që kanë kryer krime ndaj njerëzimit.

Sot më shumë se kurrë ne duhet të jemi të gjithë të bashkuar, për t’i dhënë fund njëherë e përgjithmonë diktaturës së krimit të Edi Ramës, i cili po e instalon dhe do të mbajë përgjegjësi për të gjithë kapjen e shtetit nga krimi i organizuar, për pastrimin e  parave, për trafikun e drogës, për shkatërrimin e institucioneve të drejtësisë, për shkatërrimin e reformave, qoftë kjo reformës në drejtësi, reformës së administratës publike, për bllokimin e të gjitha institucioneve shqiptare.

Ai sot vazhdon akoma më shumë, në mënyrë të pareshtur, provokimin ndaj opozitës shqiptare, por mbi të gjitha duke provokuar qytetarët shqiptarë, duke i detyruar ata për t’u larguar nga Shqipëria dhe për të ndërtuar jetën e tyre jashtë kufijve të Shqipërisë. Sepse vetëm në këtë mënyrë ai mund të realizojë planin e tij anti shqiptar.

Sot më shumë se kurrë, ne duhet të jemi të gjithë bashkë, për t’u bashkuar njëherë e përgjithmonë kundër diktaturës së krimit dhe për t’i dhënë fund të gjithë atyre mbeturinave që kanë ngelur nga diktatura komuniste, që tashmë kanë veshur vellon e krimit të organizuar. Të bashkohemi të gjithë së bashku për të dhënë njëherë e përgjithmonë drejtimin përfundimtar të Shqipërisë, drejtimin drejt Bashkimit Europian, integrimit drejt Bashkimit Europian dhe për të qenë më pranë vendeve të zhvilluara. Atyre vendeve që i kanë ndenjur gjithmonë pranë Shqipërisë në momentet më të vështira./abcnews.al

banoret.jpg
ger ta16:12 | 13/11/2019

Shumë familje, të cilave dje iu shembën banesat në zonën e Astirit, kanë mbetur pa strehë. Banorët i thanë Abc Neës se ata nuk do te largohen nga rrënojat e shtëpive të shkatërruara. Sipas tyre, shumë banesa të shembura ishin në proces legalizimi.

Rreth 100 banorë të Unazës se Re, të cilëve iu shembën banesat nga Inspektoriati Kombëtar të Mbrojtjes së Territorit, kaluan mbrëmjen e së martës dhe mëngjesin e së mërkurrës në qiell të hapur.

Kjo është pamja nga shembja e 33 Objekteve në të dy anët e Unëzës së Re.

Gërmadhat duke sikur janë krujuar nga bomardimet e një vendi që është në konflikt në Lindjen e Mesme. Përdorimi i gazit lotësjellës ka qenë në masë nga policia dhe gjurmët janë ende të dukshme.

Qytetarët po munden të shpëtojnë çdo gjë me vlerë që ka mundur të mbijetojë nga fadromat e IKMT.

Të mbledhur rreth kryefamiljarit, antërët e familjes Billa janë më të prekurit nga shëmbjet në zonën e Unazës së Re.

Myrveti pretendon se banesa e tij trekatëshë ishte në proces legalizimi dhe prej së martës jeton jashtë objektit bashkë me 19 personat e tjerë të familjes së tij.

Serxho dhe vëllai i tij më vogël nuk kanë dijeni se çfërë janë Certifikata e Pronësisë, Tapia apo Procesi i Legalizimit, por ka kërkon vetëm të ndjek rrugën e dijes si bashkëmoshatarët e tij.

Nëna e dy fëmijevë të mitur nuk pranon të largohet nga banesa e shëmbur në mënyrë abuzive sipas saj, duke kërkuar drejtësi nga organet kompetente.

Aksioni i IKMT ka qenë i mënjëhershme dhe njoftimi 5 ditëor  nuk është bërë në kohë.

Pocesi i shëmbjeve të banesave në Unazëne e Re ka ndaluar, pasi 7 objekte janë në proces gjyqësore. Në total në lotin e parë janë projektuar për t’u shëmbur rreth 80 banesa dhe biznese.  /abcnews.al

andi-1-1.jpg
in a10:56 | 13/11/2019

Një ditë pas përplasjes së banorëve të Unazës e Re me policinë kanë mbetur të shembura 33 banesa.

Policia e Tiranës ka proceduar 26 banorë të Astirit për sulmin me gurë, sende të forta dhe bomba molotov ndaj punonjësve të Policisë.

Zona e Astirit u gjend dje në rrethimin e policisë që prej mëngjesit. Edhe pse banorët rezistuan përgjatë gjithë natës nuk mundën të ndalonin ndërhyrjen. Përplasja nisi me hedhjen e shisheve me benzinë. Brenda 12 orëve IKMT shembi të 33 banesat e përcaktuara në planin paraprak.

Në lidhje direkte për “ABC News” gazetari Andi Qosja raporton nga vendi i ngjarjes se banorët konfirmojnë se policia ka ndërhyrë pa komunikuar me ata.

Lokali i cili konsiderohet si lokali qëndresë i banorëvë të unazës ka qënë objekti i parë i sulmuar nga forcat e policisë.

Një nga të intervistuarit Gëzim Sadikaj, shprehet se ka kërkuar negocim me policinë, por kjo e fundit nuk i është përgjigjur kërkesës së tij.

Kam jetuar në  Europë, kam parë se si ka luftuar policia serbe me shqiptarët në Kosovë, por nuk kam menduar kurrë se shteti im do sillej në këtë mënyrë. Na kanë provokuar, na kanë sulmuar në mënyrën më brutale. Nuk na kanë sjellë asnjë shkresë, nuk kemi parë asnjë civil të IKMT-së , por vetëm forca speciale. Vetëm banditët dhe kriminelët veprojnë në atë mënyrë”, u shpreh banori.

Banorët tregojnë se janë detyruar të strehohen tek familjarët e tyre./abcnews.al

taulant-balla-1.jpg
ger ta22:46 | 12/11/2019

Kreu i grupit të PS, Taulant Balla ka komentuar deklaratën e sotme të ish-deputetes së PD, Oriola Pampuri.

Kjo e fundit për mikrofonin e Abcnews tha se një protestues ka humbur jetën, ndërkohë që disa orë më vonë kërkoi ndjesë për deklaratën e saj.

Sakaq, Balla në një postim në rrjetet sociale shprehet se Lulzim Basha dhe partia e “fake-news”, siç e quan ai nuk kanë turp edhe kur bëhet fjalë për jetën e një njeriu.

Reagimi i plotë:

Lulezim Basha dhe partia e “fake-neës” që gënjyen banorët e Astirit për muaj me radhë, nuk kanë turp edhe kur bëhet fjalë për jetën e një njeriu.

E vërteta e Astirit është:

Qeveria dhe Ministria e Transporteve mundësuan projektimin dhe financimin e një projekti të ri të Unazës

Qeveria siguroi dëshpërblimet për këdo që i takon me ligj dhe aq sa i përcakton po ligji dhe Inspektoriati i Ndërtimit bëri njoftimet në kohë

Bashkia si njësi vendore përfituese e këtij projekti madhor mundësoi zgjidhje për të gjithë banorët që bashkëpunuan për zhvillimin urban të zonës dhe ka planifikuar ndërtimin e të gjitha rrugëve dytësore

Policia e Shtetit rikonfirmoi sot profesionalizmin në situata kur politika e mbrapshtë frymëzon anti-shtetin./abcnews.al

shpetim-idrizi.jpg
ger ta19:57 | 12/11/2019

PDIU ka reaguar për aksionin e sotëm të IKMT në zonën  e Astirit, ku u shembën 33 objekte, të cilat do i hapin rrugë ndërtimit të projektit për Unazën e Madhe.

Sipas PDIU, sot në Astir u konsumua edhe akti i fundit i dramës se filluar dy vite më parë dhe se kryeministri Rama plotësoi trekëndëshin dhunë, krim e korrupsion.

Në një linjë me partitë e tjera opozitare edhe PDIU në reagimin e saj thekson se qytetarët do marrin gjithë dëmshpërblimin që i përket nga qeverisja e ardhshme.

Reagimi i plotë:

Sot ne shtëpitë e banorëve të Astirit u konsumua dhe akti i fundit i drames se filluar dy vite më parë. Rilindasi Rama plotësoi trekëndëshin dhunë krim e korrupsion me trajtimin çnjerëzor që i bëri grave, burrave, femijëve e të moshuarve banorë të Astirit. Dhuna dhe përdorimi i gazit helmues në shtëpitëe shqiptarëve është një akt i patolerueshëm e i dënueshëm nga cdo ligj ndërkombëtar dhe njerzor

Ndërsa konsumon milionat e megaskandalit të vjedhjes së shekullit të Unazës së Astirit, ai u mohon edhe therrimet banorëve të Astirit që po mbrojnë banesat e tyre. 40 milionët e vjedhura në këtë meegaskandal do të mjaftonin disa herë që banorët të dëmshpërbleheshin denjësisht po për Edi Ramën nuk ka asnjë rëndësi kompromisi dhe zgjidhja paqësore e konfliktit. Ne vend të një zgidhjeje komprommisi u zgodh dhuna dhe terrori me qëllimin e vetëm që bashkë me Astirin të shuhej çdo vatër e reagimit dhe rezistencës qytetare.

Pa asnjë dyshim qytetarët do marrin gjithë dëmshpërblimin që i përket nga qeverisja e ardhshme e opozitës së sotme por kjo vatër rezistence qytetare do mbetet në historinë politike shqiptare si rasti më i mirë i reagimit qytetar ndaj një autokrati që ka 21 vite në pushtet e që sot duhet të mbajë përgjegjësi për gjendjen në vend si ish-ministër kulture, si ish-kryetar bashkie e sot si kryeministër./abcnews.al

 

gjata.jpg
ger ta19:23 | 12/11/2019

Në studio me Mirela Milorin, konsulenti ligjor në PD, Çlirim Gjata ka komentuar situatën e sotme në Astir.

Gjata theksoi edhe njëherë se me ardhjen e PD në pushtet do të dëmshperblehen të gjithë banorët që u është prishur ndërtesa si dhe paralajmëroi burg për hartuesit e projektit.

Edi Rama nuk e njeh Shqipërinë si atdhe por si vendlindje. Kjo është shkallë e ulët e emancipimit. Sot ka qenë një veprim në kundërshtim me të drejtat e njeriut, nëpërmjet dhunës arriti të përziente njerëzit e varfër nga shtëpia.

Mos prisni nga ne të marrim pushkat. Edi Rama pret që ne të marrim armët. PD për këtë ka lindur që të mos bëjë luftë klasash. Ka kodi civil 2 nene që e ndalon të shembësh shtëpinë e tjetrit atje. Është edhe gjykata e Strasburgut që e ndalon të shembësh pa u dëmshpërblyer. Ai nuk pyet për këto, ka nxjerrë VKM.

Këtu do bëhet një projekt 20 mln euro një kilometër. Këtu është problemi që në lidhje me oligarëtkt hartohen të tilla projekte. 

Zgjidhja që ne mendojmë është se do i dëmshpërblejmë 100%. Do të ndërmarrim një plan për hetimin e projektit dhe do hyjë në burg nga i pari deri te roja. Ne do të shohim edhe ligjin antimafia. Po të ishte transparent projekti do shpronësoheshin njerëzit. Nuk mund të shkosh te qytetari. Këtu problemi është se të gjithë kemi bërë nga një gjë. Ti pse shkon dhe jep tapitë te një pjesë dhe te një tjetër jo”, tha Gjata.

 

astiri-1.jpg
ger ta17:58 | 12/11/2019

Përplasjet në zonën e Unazës së Re mëngjesin e të martës kanë izoluar kryeqytetin. Policia e Shtetit ndaloi qarkullimin e mjeteve në të dy krahët e unazës nga rrethrrotullimi i sheshit “Shqiponja” deri në mbikalimi te “Pallati me Shigjeta”. ABC NEWS vëzhgoi atë që ndodhte në krahun tjetër të përplasjes së Polisicë me banorët e Astirit.

Ngjarja e Unazës së Re prodhoi tension dhe përplasje të forta në rrethrrotullimin pranë sheshit “Shqiponja”, ndërkohë që paralizoi dhe boshatisi një nga akset më të ngarkuara në kryeqytet.

Aksi i unazës në të dy krahët e tij paraditen e të hënës ishte në shtetërrethim. Çdo mjet që tentonte të thyente urdhërin e Policisë, ndalohej nga efektivët ose detyrohej të zgjidhte rrugë alternative.

Disa prej banorëve dhe bizneseve vendosën të ishin një hap përpara fadromave të Inspektorati Kombëtar i Mbrojtjes së Territorit duke larguar në mënyrë vullnetare orenditë apo produktet që tregëtonin.

Gardhi i vendosur nga efektivët e Policisë dhjetra metra larg vendit ku fadromat rrëzonin një e nga një ndërtesat, izoloi edhe shumë prej banorëve të “Astirit”.

Urdhëri i Policisë ishte i prerë: Askush nuk duhet të kalojë, ndërkohë që nuk mungonin edhe kërcënimet për largim nga puna për efektivë që tregoheshin njerëzor ndaj kërkesave të banorëve.

Në kohën që banorët e Unazës flasin për vijim të rezistencës, efektivët e Policisë vijojnë të mbajnë në duar skafandrat dhe maskat kundragaz si tregues se dhuna dhe përplasjet nuk kanë përfunduar./abcnews.al

 

manushaqe.jpg
ent ela10:59 | 12/11/2019

Në një lidhje të drejtpërdrejtë nën ABC News avokati i banorëve Artan Manushaqe dhe banor i zonës së Astirit ka deklaruar se policia ka ushtruar dhunë ndaj banorëve dhe të moshuarve. Sipas tij ka pasur gra dhe burra që kanë rënë përtokë nga gazi lotsjellës.

“Ka paligjshmëri totale. Pas shtëpisë time nuk e kuptoj se çfarë bën policia bashkiake, Nuk ka ansjë lloj roli. Unë po vij nga spitali. Shumica janë pleq ata që janë në spital. Është ushtruar dhunë nga palaço me skafandra ndaj të moshuarve që janë 70-75 vjeç, janë shoqëruar me dhunë shumë veta. Ishin rreth 200 banorë. Ka pasur gra dhe burra që janë shtrirë përtokë nga gazi lotsjellës. Sot nuk ka qenë profesionale”.

Manushaqe thotë se e gjitha kjo buron nga një projekt i paligjshëm dhe qytetarët nuk janë bërë pjesë e vendimmarrjes.

“Protesta do vazhdojë siç ka vazhduar. Çdo gjë është e paligjshme se nis nga një projekt i paligjshëm”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono