asteroid

qv-89.jpg
G. P.15:46 | 08/06/2019

Asteroidi QV 89, i madh sa një fushë futbolli i është drejtuar Tokës. Sipas përllogaritjeve të ekspertëve, vetëm më 9 Shtator të këtij viti do të mund të mësohet nëse do të përplaset ose jo, me planetin Tokë.

Është i madh pothuajse sa një fushë futbolli dhe bëhet fjalë për një prej 870 objekteve hapësinore që mbahen nën vëzhgim. Bëhet fjalë për QV89, një asteroid i cili mbahet nën vëzhgim që nga viti 2006 pasi i është drejtuar planetit tonë. Sipas llogaritjeve ka një mundësi ndryshe nga zero për t’u përplasur me Tokën dhe për këtë arsye mbahet nën vëzhgim nga mjetet hapësinorë.

Asteroidi ka një diametër prej 40 metrash dhe sipas tabelës së impaktit të Agjencisë Hapësinore Europiane ka një mundësi prej 0.014% të impaktit me Tokën, gjë që pritet të ndodhë në 9 Shtator. Gjithsesi bëhet fjalë për disa milionë kilometra nga atmosfera jonë. Kjo gjithmonë nëse llogaritë e ekspertëve nuk janë të gabuara.

Asteroidi në fjalë ka pasur dy takime të afërta me planetin tonë: një në vitet 50 dhe një tjetër në vitet 60. Ky i këtij viti pritet të jetë afrimi më i rrezikshëm dhe do të ndodhë në 7 milion kilometra. Për të bërë një krahasim hëna është 384 mijë kilometra larg Tokës.

Në vitin 2018, NASA ka publikuar strategjinë e përgatitjes kundër impakteve të mundshme. Bëhet fjalë për plane ndërkombëtare që parashikojnë një bashkëpunim të fortë. Ndërkohë presim 9 Shtatorin për të përshëndetur asteroidin dhe pse hera tjetër do të jetë në 2032-shin./abcnews.al

toka-1.png
G. P.23:11 | 15/05/2019

Një video simulim ka zbuluar momentin shokues se çfarë do të ndodhte nëse një asteroid i madh do të godiste Tokën. Mësohet se pamjet janë krijuar nga “Discovery Channel” në vitin 2008, por po riqarkullojnë sërish në Twitter kohët e fundit.

Aty imagjinohet sikur një asteroid 500 kilometra i gjerë do të godiste oqeanin Paqësor. Vetëm pak pas impaktit, krijohet një valë gjigande me mbetje që ngjitet me shpejtësi në orbitën e poshtme të planetit.

Më pas rikthehen sërish duke shkatërruar në këtë mënyrë Tokën. Gjatë impaktit të dytë, krijohet një stuhi zjarri që rrethon tokën dhe avullon çdo gjë që jeton.

Nëse kjo ndodh, besohet se duhet vetëm një ditë që sipërfaqja e Tokës të bëhet e pabanueshme. Por mos u dëshpëroni! Fatmirësisht, gjasat që simulimi të bëhet realitet një ditë janë shumë të vogla.

NASA ka deklaruar se nuk ndodhet asnjë asteroid apo kometë në një kurs përplasjeje me Tokën për të paktën 100 vitet e ardhshme./abcnews.al

sonda-japoneze.jpg
G. P.09:50 | 25/02/2019

Është ulur me sukses mbi asteroidin Ryugu sonda japoneze Hayabusa. Qëllimi i këtij misioni të Agjencisë Hapësinore Japoneze është studimi i origjinës së sistemit diellor, duke mbledhur prova dhe pluhur kozmik.

Aktualisht ky asteroid ndodhet 342 mln km larg Tokës dhe në bazë të të dhënave të deritanishme rezulton të jetë një ndër trupat qiellorë më antikë të sistemit tonë. Qëllimi i shkencëtarëve është të mblidhte informacione se si janë krijuar planetët dhe si në disa prej tyre është akumuluar uji. Në këtë asteroid mendohet se ka shumë materiale organike dhe ujë 4.6 mld vjeçar, pikërisht në lindjen e sistemit diellor.

Shkencëtarët bëjnë të ditur se kanë mbërritur të dhënat e mbërritjes së sondës në sipërfaqen e asteroidit. Sipas tyre ulja ka qenë brenda normave, më pas është lëshuar një plumb që peshon vetëm 5 g me shpejtësi 300 m në sekondë, për të mbledhur fragmente me një teknologji me fuqi thithëse.

Pas mbledhjes së informacioneve shkëmbore, organike dhe pluhuri sonda do të rinisë udhëtimin për rikthimin e saj në Tokë.

Klan Plus

vlcsnap-error462-1280x720.jpg
G. P.22:12 | 01/03/2018

Një asteroid i madh sa një autobus do të kalojë të premten mes Tokës dhe Hënës. Të apasionuarve pas astronomisë do t’u duhet të çohen herët në mëngjes dhe natyrisht të jenë të pajisur me teleskopë modernë për ta parë.

Një asteroid me përmasat e një autobusi pritet të kalojë pranë Tokës të premten. Objekti shkëmbor, i quajtur “DV1 2018”, do të kalojë 105 mijë kilometra larg planetit tonë, që është dhe një e treta e distancës mes Tokës dhe Hënës.

Asteroidi ka një diametër që varion nga 5.6 deri në 12 metra dhe u zbulua të hënën falë teleskopëve më të fuqishëm në botë. Astronomët thonë se kalimi i tij nuk përbën shqetësim. Ai është asteroidi i 18-të që fluturon brenda një distance lunare të planetit tonë që nga fillimi i vitit.

Objekti do të kalojë në orën 06:30 të mëngjesit dhe vëzhguesit e yjeve mund ta shohin teksa kalon përgjatë planetit tonë duke përdorur një teleskop robotik 16-polësh. Më herët gjatë muajit, një gurë hapësinor, i quajtur “CB 2018”, mori flakë kur ndodhej në një të pestën e distancës mes Tokës dhe Hënës.

Rastin më i rrezikshëm rezulton ai i vitit 2013, kur një asteroid me përmasë 18 metra u përplas pranë qytetit Çeljabinsk të Rusisë, ku shpërtheu me një forcë prej 500 mijë tonë tritol. Rreth 1.500 persona mbetën të plagosur pasi xhamat e disa qindra ndërtesave u shkatërruan./abcnews.al

asteroidi.jpg
G. P.20:43 | 09/02/2018

Një asteroid, i cili u zbulua vetëm para pesë ditësh, pritet të kalojë shumë afër Tokës.

Asteroidi “2018 CB” llogaritet përafërsisht rreth 40 metra. Ai do të kalojë rreth 70 mijë kilometra larg Tokës, një distancë sa një e pesta e distancës mes planetit tonë dhe Hënës.

Ky fakt e bën të rrezikshëm asteroidin “2018 BC”.

Një projekt survejimi i Nasa-s në Tuscosn të Arizonas arriti të dallojë asteroidin.

Asteroidi pritet që të kalojë afër Tokës rreth orës 22:27 me orën qendrore zonale./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono