artistët
Sissoko feston golin e tij (74')

promovime-ekspozita.jpg
ad min15:30 | 16/08/2019

Ekspozita “Mbro dhe promovo” prezanton punimet e 10 fotografëve të rinj shqiptarë e të huaj në kangjellat e Presidencës. Organizatorja Ilda Mare thotë se qëllimi kryesor është promovimi i trashëgimisë kulturore dhe historike të Shqipërisë nga syri i të rinjve.

Për vitin e 3 radhazi konkursi i fotogtafisë “Mbro dhe promovo”, sjell monumentet arkeologjike dhe historike nga syri i të rinjve shqiptarë dhe të huaj. Organizatorja e këtij konkursi, Ilda Mara, teksa flet për interesin e madh të të rinjve jep edhe arsyet pse kanë zgjedhur institucionin e presidencës për këtë ekspozitë.

Megjithëse janë përzgjedhur nga një juri profesionale 10 prurjet më të mira, si fotografia fituese është shpallur “Sarda mesjetare shqiptare”, e studentit  polak të arkeologjisë Michal Pisz.

Syri i këtyre të rinjve ka pikasur larmi të monumenteve te ndryshme shqiptare nga veriu në jug, që nga kalaja e Gjirokastrës, Kullat e Veriut apo të Jugut edhe kalaja e Lezhës,  parku i Butrintit apo Apolonia.

Janë të shumtë kalimtarët apo turistët e huaj të cilët ndalojnë dhe kundrojnë bukuritë shqiptare të pasqyruara në këto fotografi.

Ekspozita do të qëndrojë e hapur deri në fund të Gushtit në kangjellat e Presidencës, për të rrugëtuar më pas edhe në qytetin e Shkodrës, në kalanë e Beratit dhe pazarin e Gjirokastrës./ABC News Albania 24/7

artistet-1280x707.jpg
ad min12:10 | 24/07/2019

Artistët kanë vendosur të mos lënë ambientet e teatrit kombëtar. Këtë vendim e kanë marrë pas një mbledhje që zhvilloi Aleanca për mbrojtjen e teatrit. Disa prej tyre thanë për abc neës se përgjigja e vetme që presin nga qeveria është shpallja e godinës monument kulture dhe ndërtimi i teatrit të ri në një tjetër zonë të Tiranës./ABC News Albania 24/7

teastri-ne-fshat-1280x719.jpg
nev ila15:59 | 16/07/2019

Për herë të parë teatri i kukullave realizoi turin artistik  veror në 9 fshatra të Shqipërisë. Fëmijët shijuan jo vetëm teatrin  e gjallë në natyrë, por ata u përfshinë edhe në aktivitete interaktive.

Personazhet  e dashur të fëmijëve, kukullat, nga teatri kësaj here kanë shkuar tek fëmijët. Drejtori i teatrit të kukullave Fatjon Sulstarova e cilëson një eksperiencë të veçantë, pasi shumë prej fëmijëve shijuan për herë të  parë  një shfaqje me kukulla.

Krahas projektimit të shfaqjeve, nuk munguan edhe aktivitetet interaktive si dhe dhurimi i librave për fëmijë.

Edhe pse sezon pushimesh, teatri i kukullave po punon edhe për premierën e shtatorit dhe projektin për 75 vjetorin e çlirimit theksoi Sulstarova.

Projekti “Erdhi teatri”,  është hera e parë që aplikohet në fshatra pas viteve 90-të  si bashkëpunim i Qendrës Kombëtare të Fëmijëve dhe Ministrisë së Kulturës./ABC News Albania 24/7

83618548-c255-4d9c-b993-58f160c0c22e-1280x853.jpg
ad min13:40 | 14/06/2019

 “Gjatë fushatës së dhurimit vullnetar të gjakut në ndihmë të fëmijëve talasemikë, arritëm në 2200 dhurime vullnetare, që mbulojmë një pjesë të konsiderueshme të nevojave për fëmijët talasemikë, në këtë periudhë të vështirë të vitit”.

Në Ditën Botërore të Dhurimit të Gjakut, Ministrja Manastirliu apeloi për më shumë dhurime vullnetare, për të plotësuar nevojat me gjak.

“Shqipëria ka 10.8 dhurime për 1000 banorë ndërsa nevojat janë dy herë më të mëdha. Nevojat e vendit për gjak janë 20 dhurime për 1 mijë banorë ndaj gjej rastin përsëri, bashkë me miqtë tanë artistë të bëjmë një apel për qytetarët, të dhurojnë gjak”, tha Manastirliu.
Fushatës së dhurimit vullnetar të gjakut sot ju bashkuan figura të njohura të skenës dhe ekranit, si Valbona Selimllari, Mirela Milori, Rudina Dembracaj, etj, të cilët dhuruan gjak në ndihmë të fëmijëve talasemikë.

“Sot mbyllim një fushatë intensive, ku dhurues nga e gjithë Shqipëria, nga institucione publike e private, njerëz të zakonshëm, dhurues periodikë por edhe shumë dhurues për herë të parë, personeli shëndetësor, artistë, politikanë dhe sidomos të rinjtë, u bashkuan në nismën tonë në ndihmë të fëmijëve talasemikë”, tha Manastirliu.

Sipas të dhënave të Qendrës Kombëtare të Transfuzionit të Gjakut, nëse vijojmë me këtë ritëm dhurimesh vullnetare, me të gjitha gjasat, kjo verë nuk do të ketë vështirësi për sigurimin e gjakut për fëmijët talasemikë, për të bërë një jetë sa më normale.

Me një kalendar të përcaktuar përgjatë gjithë verës, sidomos gjatë muajve Korrik-Gusht, do të vijohet me dhurimet vullnetare, për të garantuar plotësimin e nevojave me gjak për fëmijët talasemikë dhe për këdo që ka nevojë./abcnews.al

fier-3-1280x716.jpg
ad min14:40 | 30/05/2019

Në qytetin e Patosit kanë mbërritur artistët ndërkombëtarë të njohur si street – artist. Këta të fundit kanë nisur një projekt për të ndryshuar fasadat e pallateve dhe për ta kthyer qytetin në një destinacion turistik.

Artistë të famshëm ndërkombëtar të artit të rrugës janë duke ndryshuar fasadat e qytetit të Patosit.

Nën kujdesin e kuratorit Helidon Haliti street-artist po lënë gjurmët e tyre duke i dhënë ngjyra objekteve.

Pikturat murale do të përfundojnë ditët e para të Qershorit .

Kuratori Helidon Haliti dhe kryebashkiakja e Patosit thonë se ky ndryshim urban do të ndikojë edhe në rritjen e numrit të turistëve në këtë qytet.

Koncepti i idesë do të jetë i bazuar në gjetjen e ekuilibrave midis mjedisit dhe industrisë së nxjerrës së naftës./ABC News Albania 24/7

EKSPOZITA-E-ARTISTEVE-AUSTRIAK.mpg_snapshot_01.33-1280x720.jpg
ent ela19:30 | 05/04/2019

Emigrimi i shqiptarëve në vitin 1991 si dhe debati mbi kufijtë detarë ka inspiruar 2 artistë austriakë  gjatë qëndrimit 1-mujor në Tiranë. Punimet e tyre i kanë prezantuar në ekspozitën “Hipoteza dhe interpretime.

Dy artistë bashkëkohorë austriakë Karl Wratschko dhe Lilith Kraxner për më shumë se një muaj kanë realizuar një rezidencë artistike në Tiranë.  Fillimisht ata thanë se janë surprizuar nga energjia  pozitive e Shqipërisë dhe nga kontakti me artistë këtu, pasi kjo është vizita e parë e tyre.

Krijimet e tyre artistike realizuar përgjatë kësaj kohe janë të bazuara mbi  historinë, emigrimin dhe memories si dhe inspirime personale bazuar në botën e brendshme dhe atë të jashtme.

Emigrimi i shqiptarëve në vitin 1991 rivjen përmes amfiteatrit nga Karl Wratschko. Në këndvështrimin e tij vijnë edhe kufijtë detarë në dy kohë.

Ndërsa Lilith Kraxner, artiste dhe regjisore, që jeton në Vjenë punon me film 16mm, në përpjekje për të kapur fytyra, për të kapur kohën, për të kujtuar momente të caktuara, ose për të treguar histori të vogla. impresionet personale i shpreh edhe përmes kësaj videoje.

Ekspozita “Hipoteza dhe interpretime” do të qëndrojë e hapur në galerine “Zeta” deri më 17 prill. /abcnews.al

irini-qiriaku-1280x668.jpg
ent ela17:00 | 12/02/2019

Një grup studentësh organizuan në Universitetin e Arteve koncertin me këngë e valle popullore “ Ruaj traditën, festo shqip”.  Këngëtarët profesionistë  thonë se është detyurë e tyre për të përcjellë vlerat e traditës tek brezi i ri.

Këngëtarë profesionistë të traditës së muzikës shqiptare nga gjithë trevat e Shqipërisë u bënë bashkë me brezin e ri për një qëllim të vetëm, ruajtjen e traditës.

Këngë e valle popullure në gjurmët e traditës përcollën emocione jo vetëm tek spektatori por edhe te vetë këngëtarët. Qëllimi kryesor i këtij koncerti organizuar nga një grup studentësh ishte “ruajtja dhe percimi i traditës së muzikës e valleve shqiptare tek brezi i ri”./abcnews.al

YLLI-SULA-PER-CMIMET-KULT.mpg_snapshot_01.21-1280x720.jpg
ad min18:42 | 19/11/2018

Mbrëmjen e 21 Nëntorit mbahet edicioni i 14-të i çmimeve Kult. Mbrëmja gala do të jetë live në Tv Klan Plus. Organizatori i eventit më të rëndësishëm, të vetmet çmime kombëtare vjetore për fushat më përfaqësuese të artit dhe kulturës shqiptare, Ylli Sula, thotë se juritë kanë përzgjedhur 66 artistë për 11 kategori.

Prej 14 vitesh Akademia Kult sjell mbrëmjen e madhe të ndarjes së çmimeve Kult, të vetmet çmime kombëtare vjetore për fushat me përfaqësues të artit dhe kulturës shqiptare. Organizatori i këtij eventi, Ylli Sula thotë se juria ka nominuar 66 artistë për 11 çmime nga fusha të ndryshme.

Ylli Sula, organizator i çmimeve Kult: “Ka disa sektorë që sipas viteve janë më aktive se të tjerët dhe aty ku ka prurje të rëndësishme aty edhe zgjedhja bëhet pak më e vështirë, por them që gjithësesi me përmasat që ka marrë sistemi i vlerësimit që ne kemi ngritur sepse bëhet fjalë për 4 juri të fusahve kryesore që është: e librit, e muzikës, artit pamor, teatrit dhe filmit. Numri i jurisë së madhe të Kultit, sot që flasim ka kaluar 130 vetat. Janë të gjithë artistë, profesionistë të fushës, kritikë, studiues që jo vetëm se i njohin këto aktivitete, por janë në gjendje të bëjnë edhe vlerësime të nivelit profesional.”

Risi e këtij viti është se rikthehet kategoria e Filmit me 6 të nominuar.

“Këtë vit qëlloi që nga viti 2014 janë filma të prodhuar deri më 2017-n dhe në këtë listë që prodhoheshin mbi 20 filma, janë përzgjedhur 6 të nominuar dhe do të dalë një fitues. Disa fusha që nuk kanë prodhimtari të madhe, për të mos i lënë jashtë vëmëndjes, në momente të caktuara bëjmë edhe grumbullimin e 2 viteve bashkë. I tillë është edhe në këtë rast edhe çmimi për librin studimor të vitit.”

Emrat më të spikatur dhe më elitarë, krijues dhe interpretues, shkrimtarë dhe përkthyes, regjisorë dhe aktorë, këngëtarë dhe muzikantë, balerinë dhe instrumentistë, artistë pamorë, gazetarë dhe figura të ekranit do të përshkojnë tapetin e kuq të çmimeve Kult mbrëmjen e së mërkurës. Mbrëmja gala do të mbahet në sallën e eventeve pranë Katedrales Ortodokse që fillon në orën 20:00 dhe transmetohet live në Televizionin Kombëtar Klan Plus.

Dhe 66 të nominuarit për 11 çmimet e mëdha janë si më poshtë:

Aktori i vitit:
Gazmend Gjoka me Humaxhuni tek “Rojat e Taxhit”
Igli Zarka me Alan Strang tek “Equus”
Lulzim Zeqja me Baburi tek“Rojat e Taxhit”
Reshat Arbana me Babai tek “Babai”
Robert Ndrenika me Profesor Toti tek “Mendohu Xhakomino”
Timo Flloko me Psikiatri Martin Dysart tek “Equus”

Aktorja e vitit:
Ema Andrea me Znj. Strang tek “Equus”
Erjona Kakeli me Infermierja tek “Equus”
Ina Gjonçi me Blanche DuBois tek “Tramvaji dëshirë”
Luiza Xhuvani me Lukrecia Borxhia tek “Lukrecia Borxhia”
Olta Daku me Shirli Valentina tek “Shirli Valentina”
Yllka Mujo me Gabi tek “8 Femrat”

Filmi Kult:
Blerta Zeqiri me “Martesa”
Bujar Alimani me “Krom”
Edmond Topi me “Yjet e së ardhmes”
Gentian Koçi me “Dita zë fill”
Gjergj Xhuvani me “Engjëjt janë larg”
Namik Ajazi me “Amaneti”

Regjia e teatrit:
Altin Basha me “Rojat e Taxhit”
Artan Imami me “Mashtrimi”
Driada Dervishi me “Shirli Valentina”
Helidon Fino me “5 Djelmoshat”
Jonida Beqo me “Euridita”
Spiro Duni me “Babai”

Instrumentisti i vitit:
Aristidh Prosi në Violinçel nga “Camille Saint – Saëns – Koncert No.1 në la minor për violinçel dhe orkestër”
Florian Vlashi në Violinë nga“Bach, Johann Sebastian Koncert për 2 violina Re minor”
Jonela Golemi në Flaut nga “Saint Saëns – Rondo Capriccioso për flaut dhe orkestër”
Jonian Kadesha në Violinë nga “Ludëig Vag Beethoven – Koncert për violinë dhe orkestër në Re maxhor, Op.61”
Klajdi Sahatçi në Violinë nga “Aleksandër Peçi – Rapsodia Koncertante për Violinë, Piano dhe orkestër”
Merita Rexha Tërshana në Piano nga “Aleksandër Peçi – Rapsodia Koncertante për Violinë, Piano dhe orkestër”

Balerini i vitit:
Adela Muçollari me Odette & Odille tek “Liqeni i mjellmave”
Anxhelo Muçollari me Fëmija tek “Exil- Déjà vu”
Elton Merja me Babai tek “Exil- Déjà vu”
Ervis Nallbani me Siegfried tek “Liqeni i mjellmave”
Ledia Sulaj me Odette & Odille tek “Liqeni i mjellmave”
Rovena Shqevi me Nëna tek “Exil- Déjà vu”

Kënga e vitit:
Anxhela Peristeri me “E çmendur”
Aurela Gaçe me “S’mundem”
Elhaida Dani me “E ngrirë”
Elton Deda me “Fjalët”
Eugent Bushpepa me “Mall”
Miriam Cami & Alban Skënderaj me “Dhurata”

Libri artistik i vitit:
Ardian Christian Kyçyku me “Ati”
Besnik Mustafaj me “Biri i Adamit”
Flutura açka me “Të ftuar në rrethin e dhjetë”
Mira Meksi me “Flutura mes gjinjve”
Sadik Bejko me “Këngë të Solomonit”
Zija Çela me “Ora e Zooparkut”

Libri studimor i vitit:
Anila Omari me “Leksiku i Veprës së Pjetër Bogdanit”
Bardhyl Demiraj me “Areali kulturor i Veriut në shek. XVI-XIX”
Evalda Paci me “Studime mbi tekstet e vjetra shqipe”
Laura Smaqi me “Kaleidoskop”
Marenglen Verli me “101 profile biografike nga Kosova për Kosovën”
Shaban Sinani me “Hieronymi në botën arbëreshe”

Përkthimi i vitit:
Abedin Preza me “Orlandi i çmendun” nga Ludovico Ariosto
Aida Baro me “Armëpushimi” nga Primo Levi
Bashkim Shehu me “Gjenerali në labirintin e tij” nga Gabriel Garcia Marquez
Brikena Çabej me “Anna, soror…” nga Marguerite Yourcenarl
Edmond Tupja me “Sharlota” nga David Foenkinos
Mimoza Hysa me “Rastet” nga Eugenio Montale

Arti pamor i vitit:
Arben Bajo me “Exhibition nr:9”
Ardian Isufi me “Pushteti i luleve”
Gazmend Leka me “Taso”
Jorgji Gjikopulli me “Atje… ku kam qenë, atje…ku dua të jem”
Sadik Spahija me “Vox-Machina”
Zef Shoshi me “Vepra 1956-2014”/abcnews.al

MARSHIMI-PER-TEATRIN-ABC-1280x720.jpg
ent ela22:07 | 12/07/2018

Artistë dhe anëtarë të shoqërisë civile zhvilluan të enjten një marshim protestë në mbrojtje të Teatrit Kombëtar.  Para kryeministrisë dhe presidencës, protestuesit kërkuan kthimin e ligjit që i hap rrugë prishjes së godinës.

Ashtu si kishin paralajmëruar, pasditen e së enjtes artistë dhe anëtarët të shoqërisë civile u bënë bashkë para Teatrit Kombëtar për të nisur marshim-protestën përgjata bulevardit “Dëshmorët e Kombit” kundër shembjen së godinës së Teatrit.

Ndalesa e parë ishte tek Kryeministria.

Më pas protestuesit shkuan para Presidencës. Përmes një megafoni ata dërguan mesazhe kreut të shtetit.

“I dashur President mos e dekreto këtë ligj”.

“Dil nga rreshti, bëhu burrë do bëhesh i dyti pas Pandeli majkos që del nga rreshti, mos njollos veten me këtë turp.

Guximin për një lutje publike kundër prishjes së teatrit e mori edhe një i mitur që jetonte në Itali.

“Mos e prishni Teatrin”.

Ligji që i hap rrugë shembjes së Teatrit Kombëtar u miratua në Parlament me 75 vota pro në seancën plenare të 5 korrikut.  /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono