arti

Shpresa-Berdellima2.jpg
nev ila20:22 | 27/10/2019

Ndërron jetë në moshën 60 vjeçare aktorja e njohur Shpresa Bërdëllima.

Aktorja shqiptare ka ndërruar jetë ditën e sotme rreth orës 15:00. Prej 2 vitesh ajo vuante nga një sëmundje e rëndë. Aktorja e njohur mbahet mend për rolet e saj të spikatura ku ka përformuar si protagoniste në filmat:

-Vajzat me kordele të kuqe (1978)… zonjusha Gajtani

-Përtej mureve të gurta (1979)… Asimeja

-Era e ngrohtë e thellësive (1982)… Vali

-Kur hapen dyert e jetës (1986)… Liza

-Kur ndahesh nga shokët (1986)… Zana

-Të shoh në sy (1986)… bashkeshortja e z. Mina

-Mirela (telekomedi) – (1988), Mirela

-Flutura në kabinën time (1988)… Keti

Shpresa Bërdëllima lindi në Tiranë, më 11 prill 1959. /abcnews.al

70314741_2495614457168949_2078568518323798016_n.jpg
ent ela11:45 | 15/09/2019

Baristi nga Kosova, Jetmir Maliqi, krijon vepra të mirëfillta arti në filxhanët e kafesë, të cilat i shërben për klientët e tij prej 22 vitesh. Vepra e tij më e fundit janë portrete me kokrrat e kafesë. 

Ka 22 vjet që merret më këtë zanat. Kafja e përgatitur nga baristi Jetmir  Maliqi është një art në vete.

Ai njihet ndryshe edhe si “piktori i kafes”, pasi që me shumë mjeshtri përgatit kafe me figura të ndryshme.

Ndonëse konsiderohet si më i miri në Ballkan, Maliqi e ka të pamundur t’i ndjekë të gjitha festivalet e artit të kafesë.

Thotë se nuk ka përkrahje nga sponsorët e kafesë siç ndodh në gjithë botën, dhe për më tepër shpesh ka munguar në këto festivale edhe për shkak të pamundësisë për t’u pajisur me vizë.

Konsideron se profesioni i tij nuk vlerësohet shumë në Kosovë, andaj është edhe duke shqyrtuar ofertat e fundit që i kanë ardhur nga vende të ndryshme të botës.

Së fundmi Maliqi ka kaluar në një tjetër nivel. Ai ka filluar të bëjë portrete me kokrra kafeje.

Maliqi e ka mahnitur edhe futbollistin shqiptar nga Gjilani, Xherdan Shaqiri i cili portretin e tij të punuar nga Maliqi e ka postuar në instagram. /ABC News Albania 24/7

erion-veliaj-bunk-art-1280x714.jpg
nev ila15:08 | 14/08/2019

Artisti i artit pamor Helidon Gjergji prezantoi veprën e tij më të fundit në Tiranë. I pranishëm gjatë promovimit, kryebashkiaku Erion Veliaj deklaroi synimin e tij për të ridimensionuar hapësirat publike në kryeqytet.

Arti bashkëkohor po zë vend gjithnjë e më shumë në jetën kulturore të Tiranës.

Instalacioni “Tango Down 2” i Helidon Gjergjit i cili ka shndërruar një sallë pasqyrash një nga dhomat e bunkerit anti atomik të periudhës së komunizmit.

 “Është gjithmonë gëzim i madh kur një artist i madh si Helidon Gjergji, kthehet në qytet edhe sjell disa nga përvojat e tij më të mira, por edhe një vepër që provokon. Besoj se Bunk’Art 1 po prodhon Tiranën policentrike. Pra, është tjetër gjë të thuash që do bëjmë qendër edhe në Kinostudio, në Kombinat, në Laprakë, dhe është tjetër gjë kur shikon se si mbushen me jetë cepa të qytetit, ku një akupunkturë siç është Bunk’Arti ka sjellë jo vetëm artistë shumë të njohur, por sjell qytetarë që dinë të vlerësojnë diçka që i provokon, i bën të mendojnë”, tha Veliaj.

Vepra të tilla sipas kryetarit të Bashkisë duhet të përhapen dhe në  zona të tjera në kryeqytet.

 “Është mirë të flasim se si mund t’i ridimensionojmë disa hapësira publike ose mikrohapësira në qytet. Në një lagje ka një bibliotekë, një kënd lodrash apo një fushë sportive, të treja këto konkurrojnë denjësisht me lojërat elektronike të dhunshme”, tha kryebashkiaku.

Tango Down e ka origjinën nga zhargoni ushtarak. Prej vitit 2008 është përshtatur nga lojërat elektronike me tematikë lufte.

Artisti i arteve pamore Helidon Gjergji me veprën e tij dëshiron të konfrontojë audiencën  që hyn edhe del në dhomën e veshur me pasqyra me kufijtë e realitetit./ABC News Albania 24/7

filigrani-1280x721.jpg
nev ila19:30 | 12/08/2019

Prizreni, përveç se historik është edhe një qytet ku arti i filigranit me fije ari dhe argjendi mbijeton ende. Atje, një grup i vogël artizanësh punon me përkushtim për të mbajtur gjallë traditën.

Prizreni është një prej qyteteve më të vjetra, ndërsa quhet edhe “qytet muze” i Kosovës.

Prej shekujsh qyteti i Prizrenit njihet për traditën e stolive të filigranit të punuara prej ari dhe argjendi.

Një grup i vogël artizanësh po përpiqen të mbajnë gjallë një traditë shekullore të bizhuterive të filigranit.

Periudha me shitjet më të mëdha është pragu i verës kur sezoni i dasmave arrin kulmin.

Për këtë zanat duhet durim dhe përkushtim i madh.

Lushaj dhe të gjithë filigranistët e Prizrenit dikur janë shkolluar për këtë zanat, ndërsa tash po mundohen të mbajnë kurse për të rinjtë për të mos u shuar kjo traditë.

Nuk mungon interesimi i të huajve që vizitojnë këtë qytet./ABC News Albania 24/7

edi-rama123-3.jpg
ad min19:29 | 28/07/2019

Gjatë një forumi në Salzburg të Austrisë, kryeministri Edi Rama tha se Shqipërisë i duhet maturi politike. Ai e pranoi se situata në vend është mjaft e vështirë, ndërsa foli edhe për domosdoshmërinë e anëtarësimit të Shqipërisë në Bashkimin Europian.

Situata e vështirë politike në Shqipëri, ishte në qendër të fjalës së kryeministrit Edi Rama gjatë forumit Konvoko, mbajtur në Salzburg të Austrisë. Shefi i qeverisë tha se palët politike në Shqipëri e kanë të vështirë të gjejnë gjuhën e përbashkët, ndërsa foli për domosdoshmërinë e maturimit politik.

“Ne kemi një jetë shumë të vështirë politike. Besoj fort se cilësia e demokracisë, e të bashkëjetuarit nuk varet nga sa shumë biem dakord, por nga mënyra sesi nuk biem dakord. Ne nuk biem dot dakord as për kohën. Duhet të piqemi sepse demokracia nuk është e thjeshtë. Rritja, maturimi janë pjesë e këtij tranzicioni të dhimbshëm dhe Europa është shumë e rëndësishme dhe integrimi europian është unik sepse na jep mjetet për tu modernizuar, na jep mënyrat dhe njohuritë për të ndërtuar institucione, për të ndërtuar një sistem drejtësie të besueshëm”, tha Rama.

Kryeministri i tha moderatorit të forumit se Integrimi në Bashkimin Europian është mjaft i rëndësishëm për Shqipërinë, dhe se qëllimi kryesor është ndërtimi i një shteti europian të së drejtës.

“Për ne në rajon, Europa është së pari dhe më e rëndësishmja ajo që u nis si projekt paqeje dhe bashkëpunimi për të mirën e gjeneratave të reja. Prandaj s’mund të heqim dorë nga ajo. Megjithëse Europa nuk po shkon mirë, ne përsëri e duam. Nuk është se duam të bashkohemi me Europën e t’i shtojmë kokëcarje drejtuesve të saj që mesa duket janë lodhur me disa vende që kanë ardhur së fundmi, por duam të ndërtojmë një vend Europian dhe një rajon Europian me institucione dhe shtet të së drejtës dhe me demokraci funksionale, e ka vetëm një mënyrë për ta arritur këtë, me Europën”, tha Kryeministri.

Në përfundim, Rama foli mbi artin, letërsinë dhe kulturën. Ai nuk la pa përmendur edhe kërpudhën që u shkatërrua në njërën nga protesta e opozitës. Kryeministri tha se ajo jo vetëm do të rindërtohet, por do të ketë një lartësi 25 për qind më të madhe se e mëparshmja./ABC News Albania 24/7

kultura.jpg
nev ila16:00 | 18/06/2019

Shqetësimet social politike dhe bukuria  shpirtërore janë në qendër të performancave të studentëve të multimedias.  Kuratori dhe pedagogu Vladimir Myrtezaj në një intervistë për ABC News thotë se arti i performancës është thellësisht prekës dhe komunikues.

Arti i performancës është shumeë pak i aplikuar në skenën e artit shqiptarë edhe pse fillesat në botë i ka në vitet 60 dhe në Shqipëri në fillim vitet 90. Atelieri i multimedias e vë në zemër të galerisë FAB.

Per Edison Cerajn performanca ka prirjen të hetojë marrëdhënien e komplikuar ndërmjet “të jetosh” dhe “të ekzistosh”.

Megjithëse shpesh performancat nuk kuptohen nga masa por Vladimir Myrtezaj thotë se artisti duhet ta përfshij publikun në kodet e tij komunikuese duke dialoguar më të.

Myrtezaj e thotë me bindje se këto artistë të rinj kanë sjellë  performanca prekëse, origjinale  dhe depërtuese. Gjëja më e rëndësishme në art dhe në mësimdhënie është të qënurit i hapur.

Performancat e artistëve  janë të fokusuar tek aspektet  social –politike dhe shpirtërore

Këto performanca janë një shteg, ku disa –prej artistëve në të ardhme e shohin veten në këtë medium./ABC News Albania 24/7

zamira-kita.jpg
ad min21:15 | 09/04/2019

Aktorja e njohur Zamira Kita është prej kohësh drejtoresha e Qendrës së Artit dhe Kulturës në Korçë. Ajo ishte e ftuar në emisionin “Provokacija” këtë të martë. E pyetur se kush është gjëja më e mirë që ka bërë që kur është vënë në këtë pozicion, Kita renditi të parin aktorin 92-vjeçar Kiço Qendron dhe disa nga rolet e saj në këto vite.

“Gjëja më e bukur është që kam rikthyer Koço Qendron. 92 vjet fluturon, të mbush me optimizëm për jetën. Jo vetëm ne që luajmë me të, por i gjithë publiku që e shikon. Fluturon. Pandi Bello më tha “Po ne mezi ecim në bulevard, ai kërcente në skenë”. 92 vjeç. Për Guinnes. I hymë kësaj rruge. Më tregoi rrugën Leonard Bombaj dhe i hyra kësaj pune, mirëpo mu kthye përgjigja që është një 94-vjeçar me rol kryesor në Bukuresht.

 Është gjëja më e mirë që kam bërë këto vite. Edhe Dhimitër Orgocka që është shumë aktiv dhe shumë vital që nuk ka reshtur së vëni shfaqje. Kurse në rolet që kam bërë vetë, Bernarda Alba ka qenë një nga rolet e bukura. Një karakter nga më të bukurit në komedi e kam bërë së fundi me Gëzim Kamen. Një në komedi që e veçoj e kam bërë me Ilir Bokshin”, tha aktorja./abcnews.al

kaso.jpg
ad min18:32 | 13/02/2019

Universiteti i Arteve në bashkëpunim me koleksionistë shqiptarë prezantuan në Milano punët e 8 artistëve bashkëkohorë. Pedagogu dhe kuratori Ilir Kaso thotë se qëllimi kryesor është integrimi i artistëve të rinj jashtë Shqipërisë.   

Krijimi i profilit individual është pjesa më e rëndësishme e një artisti. Universiteti i Arteve sëbashku me koleksionistë shqiptarë, janë bërë bashkë për të lançuar artistët bashkëkohorë jashtë Shqipërisë, pikërisht në Milano në panairin “E përballueshme”. 8 artistët e përzgjedhur janë emra të njohur të skenës bashkëkohore në artet pamore shqiptare  të cilët për 2 ditë punët e tyre u prezantuan në panairin e artit bashkëkohor botëror.

Kuratori i ekspozitës Ilir Kaso thotë se ky është një shteg për të integruar artistët e rinj pas universitetit. Kaso është shpresë plotë për këta artistë të cilët me gjuhë të ndryshme si piktura, fotografia videoarti dhe instalacioni shprehin probleme sociale apo ndjesi të brendshme reflektimi. Pas prezantimit të punëve të tyre në Milano, punët e tyre do të prezantohen për një javë në galerinë Kalo në kryeqytet./abcnews.al

POLITIKA-NE-ABC-NEWS-EDI-RMA-MES-KOSOVES-ARTIT-E-SHQIPERISE-01.12.2018.mpg_snapshot_02.29-1280x720.jpg
ad min15:38 | 01/12/2018

Kryeministri Edi Rama tërhoqi vëmendje publike kur sfidoi nga Kosova, Bashkimin Europian dhe Serbinë. Ndërsa në shtëpinë e tij, opozita po mbështet protestat ndaj qeverisë të banorëve të Unazës së Re. Këtë dinamikë të ndryshme në dimensionin e festave na sjell Mimoza Koçiu me Politika në ABC News.

Kryeministri Rama, tërhoqi vëmendje ndërkombëtare, javën politike që lamë pas, kur artikuloi nga Peja tezën delicate të bashkimit kombëtar me Kosovën. U shfaq si protagonist në mbledhjen mes dy qeverive, duke sfiduar në emer të Shqipërisë e Kosovës, BE dhe Serbinë. Përkrah kryeministrit Haradinaj, u kujdes të mbronte presidentin Hashim Thaçi që ka kundër qeverinë e vendit të tij, për idenë e tij të rishikimit të kufijve. Në shtëpinë e tij, Kryeministri i Shqipërisë vazhdon të ketë një konflikt të hapur me banorë të unazës së re, ndërsa i vetmi komunikim me opozitën janë tiradat që i lëshon nga Twitteri.

Po cfarë ndodhi javën politike që lamë pas?

Ishte rradha e Kosovës për të mikpritur sipas traditës mbledhjen e qeverive të Kosovës e Shqipërisë. Takimi i pestë mes tyre u mbajt në Pejë, ndërsa protagonist ishte Kryeministri i Shqipërisë. Foli në emër të dy shteteve për bashkim, bazuar në një dokument strategjik që do përgatitet për gjendjen e të ardhmen e dy vendeve pas 2025, kohë kur Serbia hyn në BE. Po në emër të dy vendeve shprehu zhgënjimin ndaj BE.

Më 21 nëntor, një ditë pas Kosova dështoi të antarësohej për herë të tretë në Interpol, e Beogradi zyrtar mori meritat për këtë, qeveria Haradinaj e rriti në 100% tarifën për mallrat serbe, e moslejimin e produkteve, ku ajo emërtohej “Kosovë e Metohi”. Pakënaqësia serbe përveçse me deklarata u duk edhe tek lobimi tek institucionet ndërkombëtare, disa prej të cilave, përfshi shefja e diplomacisë së BE Mogherini, i kërkuan Kosovës anullimin e atij vendimi, Por Kryeministri Haradinaj u përgjigj se nuk kishte ndërmend të tërhiqej. Një natë më parë i ishte rrëfyer një histori presioni serb e ndërkombëtar ndaj Kosovës e tashmë Kryeministri u rendit në krah të Haradinajt.
Numri i marrëveshjeve të nënshkruara mes dy vendeve, ishte më i madh se në 4 mbledhjet e mëparshme. Pa përmirësime të dukshme nga marrëveshjet e mbledhjeve të kaluara, këtë herë palët rritën pritshmëritë.

Por marrëdhënia nuk dukej aq rozë. Konferenca e përbashkët për shtyp, përplasi këndvështrimet mes Ramës e Haradinajt, mbi propozimin e Thacit për rishikimin e kufijve me Serbinë, një çështje që ka ndarë institucionet më të larta në kosovë, presidentin e Kryeministrin. Padyshim që këtë dituatë e di mirë Edi Rama, që zgjodhi të etiketonte pa doreza kundërshtarët e idese së Thaçit, teksa njërin prej tyre e kishte në krah. E Haradinaj nuk ia përtoi përgjigjen.

Kosova duket se po e pranon taksën prej 5 euro për një kalim, vendosur nga qeveria Rama për të hyrë në Shqipëri. Por kërkesa për Edi Ramën ishte therëse: Shqipëria duhet të garantojë standardin rrugor, që justifikon atë tarifë që ka vendosur. Simbolika me flamurin dhe shqiponjën mbylli mbledhjen mes dy qeverive, duke sjellë pakënaqësinë tradicionale instinktive të Beogradit, e një reagim të vakët nga BE, ndryshe nga çështja e tarifës ndaj importeve serbe. A ka fituar vallë imunitet BE nga retorika të tilla, apo problemet brenda Unionit tashmë po dominojnë, ato të vendeve jashtë tij? Të dy hipotezat vlejnë. Por interesant është se në këtë tensionim edhe publik mes KS e Serbisë, pas vendimit për tarifat, rishikimi i kufijve mes tyre paraqitet si një proces drejt dakordësimit nga presidenti i vendit. Nuk ka një konsensus brenda vendit për këtë çështje, por kjo nuk e pengoi Thacin, që mbështetet publikisht nga Kryeministri Rama, zhvilloi takime në Uashington me sekretarin e shtetit mike pompeo e këshilltarin e presidentit Trump për sigurinë kombëtare Majkëll Bolton, sipas tij, për t’u koordinuar me administratën amerikane në hapat e fundit të negociatave me Serbinë.

Mungesa e konsensusit politik është tipik edhe në Shqipëri, e asnjëra palë nuk investohet për afrim, as vetë Kryeminsitri që dukshëm po investohet për konsensus në Kosovë. 106 vjetorin e pavarësisë e festuan të ndarë: mazhoranca e presidenti në Vlorë, kurse opozita në Tiranë. Në nderimet e atij që njihet si ati i pavarësisë, Ismail Qemalit, spikati veshja jo zyrtare e Kryeministrit Rama. Veshja ne stilin e stilistit të tij të preferuar, japonezit Johji Yamamoto, kontrastoi fort në formalitetin e ceremonisë e përkrah stilit zyrtar të presidentit e kreut të kuvendit.

Veshja iu rikthye stilit formal disa orë më vonë, në pritjen tradicionale shtetërore për 28 Nëntorin. Ilir Meta i kujtoi se në 106 vjetorin e shtetit, ka një sfidë të paadresuar
Edhe në pritjen shtetërore opozita nuk ishte aty. Lulzim Basha kishte zgjedhur ta festonte ditën e flamurit me shqiptarët në Milano, ndërsa në mëngjes, kishte nderuar 28 Nëntorin, jo vetëm si ditën e pavarësisë, por edhe çlirimit të vendit, një korrigjim në ceremonialin zyrtar i bërë nga Sali Berisha, pas debatit nëse vendi ishte cliruar me 28 apo 29 nëntor të 1944.

Lulzim Basha po mbështet prej disa javësh kauzën e banorëve të unazës së re, shtëpitë e bizneset e të cilëve do prishen nga zgjerimi i rrugës. Nga 12 të arrestuar pas protestës tek parlamenti, vetëm 2 janë në burg, ndërsa deputetë të opozitës ishin në gjykatë për t’i mbështetur. 2 protestues të tjerë janë arrestuar, e disa të tjerë proceduar penalisht, për shkatërrim prone publike gjatë protestave të mbrëmjes. Edhe Lulzim Basha me disa deputetë të PD e LSI, pjesëmarrës në protesta janë proceduar penalisht, për organizim dhe pjesëmarrje në grumbullime të paligjshme, prishje e qetësisë publike dhe pengim i qarkullimit të mjeteve.

Njëlloj si për teatrin kombëtar, edhe ky rast duket i është lënë Erion Veliajt për menaxhim. Kryebashkiaku furnizon mediat me pamje nga prishja e objekteve të para, e madje edhe të banorëve që kanë pranuar të zhvendosen në banesa sociale në Shkozë. Pikëpyetja e fortë mbetet se si ka nisur vallë ky proces, pa një vendim të Kryeministrit, i cili bazuar në vlerësimin në terren të grupeve të punës, liston banorët që do përfitojnë dëmshpërblim, bonus qeraje apo banesë sociale. Kjo mangësi ligjore, nuk e pengon Veliajn që cdo ditë t’i tregojë publikut një tjetër anë: banorë që pranojnë shembjen e shtëpive tek Unaza e Re, në këmbim të një banese sociale në Shkozë
Padyshim që rikthimi i opozitës në kuvend për miratimin e Kodit të ri zgjedhor, përveçse përbush një detyrim të BE, i shmang afatin e djegies së mandateve për pjesën dërrmuese të deputetëve të saj, për shkak të mungesës 6 mujore në kuvend. Duhet thënë se përkundër denoncimeve sistematike, opozita po përgatitet për zgjedhjet vendore.

Atmosfera e festive bën të vetën, e duket se të gjithë po marrin kohë, pasi takimi me zgjedhësit do jetë vetëm 7 muaj më vonë. I vetmi që nuk e fsheh se po punon fort për një mandat të dytë është Erion Veliaj.

Veliaj në FRESSH: “Të kemi një fitore spektakolare në Tiranë. Këtë herë nuk na duhet vetëm fitorja, por shumica absolute në këshill për të mos e kthyer bashkinë ne minitepsira”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono