artan mergjyshi

pressing-17-dhjetor.jpg
G. P.16:42 | 18/12/2018

Futbolli shqiptar, problemet që e karakterizojnë atë dhe jo vetëm. Nën drejtimin e Gerti Çarçanit dhe Joana Grabollit në këtë puntatë të emisionit “Pressing” u diskutua edhe për merkaton e dimrit si dhe shortin e Ligës së Kampioneve.

Të ftuar ishin: Elton Marini, menaxher futbolli; Artan Mergjyshi, trajner; Ervin Baku, gazetar sportiv; Artan Carkani, trajner./abcnews.al

artan-mergjyshi.jpg
G. P.16:47 | 26/11/2018

Superliga shqiptare nuk arrin t’i kënaqë tifozët, edhe pse rivaliteti është rritur. Kjo është analiza e trajnerit Artan Mergjyshi, që vlerëson edhe shanset për titull të Partizanit e Skënderbeut.

Shumë konkurrencë dakord, por sa e bukur?

Për fat të keq, Superliga merr notë të mirë vetëm tek rivaliteti, edhe kjo falë rënies së Skënderbeut të vjetshëm. Ky është mendimi i njërit prej trajnerëve të njohur të futbollit shqiptar, Artan Mergjyshi, deri pak javë më parë në stolin e Laçit. Ai vlerëson edhe duelin Partizani-Skënderbeu.

“Kanë marrë maksimumin nga skuadrat e tyre. Partizani niset nga një fazë mbrojtëse e mirë. Nga ana tjetër i mungon një sulmues i mirëfilltë që t’i japë ritëm sulmit dhe të jetë prezent në çdo aksion. Po kështu edhe Skënderbeu është një skuadër e konsoliduar. Kryesorja është qetësia që ka ai klub dhe mentaliteti që ka për të fituar. Unë nuk do ndaja asnjë ekip për të fituar të dyja janë 50 me 50 për qind”, u shpreh Mergjyshi.

Nga fjalët e mira te konstatimet që nuk na pëlqejnë edhe aq.

“Është një kampionat që nuk shënohen më shumë gola. Ia lenë rastësisë ose dhe episodeve dhe mënyrës së shënimit të golave. Kjo është një filozofi që përdoret pothuajse nga të gjitha skuadrat tona”, tha ish-trajneri i Laçit.

Në këto kushte është e qartë që tifozët nuk vrapojnë për në stadium.

“Kryesorja është që tifozi pret shumë, duke pasur parasysh që edhe skuadrat lëvizin me organikën. Në momentin që skuadra shfaqet mirë futbolli është më spektakolar dhe këto e bëjnë që edhe tifozat të vijnë në stadium”, tha Mergjyshi.

Si njeri që e njeh nga afër profesionin, Mergjyshi thekson një problem për fushat stërvitore me bar sintetik.

“Mirë do të ishte që çdo ekip të stërvitej me fushën ashtu siç luhet sepse teknikisht po ta shpjegosh janë grupmuskujt të tjerë që aktivizohen në fushë me bar sintetik dhe të tjerë që aktivizohen me bar natyral. Lojtarët kanë vite që stërviten me kushte të ndryshme dhe luajnë në kushte të ndryshme. Nuk është se ndihmon lojtarët dhe kjo sjell probleme me dëmtimin e tyre herë pas here”, shpjegoi Mergjyshi./abcnews.al

laci.png
G. P.13:32 | 08/10/2018

Laçi është një nga të papriturat kryesore të Superligës këtë sezon. Skuadra kurbinase ndodhet në vendet e para, falë punës së trajnerit Mergjyshi, por edhe të aftësisë së presidentit Laska për të qenë në pozicion të mirë në hierarkinë e futbollit shqiptar.

Prej vitesh ndodhet pranë majave.

Emrin e ka Laçi, ekip i një qyteti të vogël me të njëjtin emër dikur thjesht një fshat, tashmë i mësuar edhe me trofe, dhe me kupat kontinentale. Pasi fitoi Kupën e Shqipërisë dy herë në tri finale, fitoi edhe Superkupën e Shqipërisë, si dhe mori pjesë me sukses në Ligën e Europës, po shkëlqen edhe në Superligë.

Tashmë, nën drejtimin e trajnerit Artan Mergjyshi, që po vazhdon njëlloj si Cungu, Mezani apo Prenga. Është e pamundur të intervistosh sot te kurbinasit, pasi presidenti Laska nuk e lejon, ndërsa vetë numri 1 i klubit është një nga arsyet kryesore të suksesit.

Jo teknikisht, pasi kjo është ekskluzivitet i trajnerëve, por me forcën me të cilën drejton klubin, duke mos lejuar probleme të lojtarëve me stafin teknik. Burime pranë klubit pohojnë se presidenti ka ditur të pozicionohet në hierarkinë e futbollit shqiptar, gjë që do të thotë se të paktën nuk dëmtohet nga arbitrat.

Laçi nuk shpenzon sa shumë klube të tjerë me pretendime, si Skënderbeu, Kukësi, Partizani, Tirana apo Flamurtari. Jozyrtarisht, dihet se buxheti vjetor nuk shkon më shumë se 300.000 euro, ndërsa për fitore të rëndësishme ka shpërblime.

Pas suksesit të kësaj jave ndaj Tiranës, u dhanë 3.500 euro për lojtarët. Suksesi nuk ka qenë i lehtë për një ekip të pathyer deri tani dhe shumë pranë kreut.

Burime në ekip tregojnë se trajneri Mergjyshi është dashur të mbrojë disa herë zgjedhjet e tij teknike, duke aktivizuar shkodranin Shtubina, e duke lënë në stol sulmuesin maqedonas, Altiparmakovski, të sjellë nga klubi, por që nuk e ka bindur teknikun.

Problem pritet të jetë fakti se disa ndeshje do të luhen në fushë asnjanëse, për shkak të punimeve që kanë nisur në fushën e stadiumit kurbinas. Përvoja e sezoneve të kaluara ka treguar se Laçi është nga ato ekipe që ka ditur të jetë konkurrent deri në fund, pra nuk do të ishte habi që sërish të kualifikohej për në garat europiane./abcnews.al

MERGJYSHI-TRAJNER-I-LACIT-ABC-M-1-T1-HD.mpg_snapshot_00.09-1280x702.jpg
ent ela16:51 | 07/08/2018

Laçi nuk qëndroi shumë kohë pa trajner. Pas largimit të Besnik Prengës, kurbinasit afruan një teknik të njohur nga kryeqyteti.

Kjo skuadër e gjeti drejtuesin e saj të ri.

Laçi emëroi në stol Artan Mergjyshin, i cili pritet të drejtojë kurbinasit gjatë sezonit të ri.

Ishte vetë Mergjyshi që e pohoi detyrën e tij për abc neës, në një komunikim telefonik, ndërsa do të zëvendësojë Besnik Prengën, trajnerin e ardhur nga Kroacia, dhe që e drejtoi Laçin në dy ture të Ligës së Europës, ndaj Anorthosisit të Famagustës dhe Moldes së Norvegjisë.

Mergjyshi, 50-vjeçar, ka qenë futbollist i disa skuadrave përpara sesa të niste karrierën në stol si ndihmës trajner tek Dinamo.

Më pas, ai u bë disa herë trajner i parë i Dinamos, si dhe punoi tek Kastrioti i Krujës, Besa e Kavajës, Apolonia e Fierit dhe Korabi i Peshkopisë.

Trajneri tiranas nuk ka kohë për të humbur dhe do të nisë menjëherë punën me kurbinasit, pasi fundjavën që vjen nis sezoni i ri i Superligës, ndërsa Laçi do të luajë edhe finalen e Superkupës së Shqipërisë ndaj Skënderbeut, si finalist i Kupës, edicionin e kaluar. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono