artan lame

kadastra.jpg
G. P.13:48 | 24/05/2019

Drejtori i Përgjithshëm i Kadastrës, Artan Lame u bëri thirrje qytetarëve gjatë premtes që duke filluar nga dita e hënë të dorëzojnë dokumentacionin për të regjistruar banesat apo trojet e tyre. Ai tha se janë 12 deri në 13 mijë banesa të paregjistruara, ku rekordin e mban Saranda me rreth 3500 troje me probleme.

Në të gjithë vendin janë rreth 12 deri në 13 mijë banesa dhe troje të paregjistruara dhe me probleme. Këtë e bëri të ditur vetë drejtori i Përgjithshëm i Kadastrës, Artan Lame gjatë një deklaratë për mediat, I cili theksoi se Saranda mban edhe rekordin me plot 3500 troje të paregjistruara.

 “Sot në të gjithë vendin janë 12-13 mijë banesa dhe troje në këtë situatë absurde, ku rekordin e mban Saranda me rreth 3500 troje të dhëna në këtë mënyrë. Të tilla troje ka me shumicë edhe në Gjirokastër, Përmet, Kolonjë, Tepelenë, Berat, Fier, Elbasan, Lezhë, Kukës, Shkodër etj. E them me përgjegjësi se në një pjesë të  këtyre rasteve procesi i dhënies së trojeve ka qenë i parregullt dhe i paligjshëm. Faji nuk është i qytetarëve, por i njësive vendore apo kryetarëve të bashkive që i kanë hyrë këtyre aventurave që ende e kësaj ditë i paguajnë banorët”.

Drejtori i Përgjithshëm i Kadastrës, Lame i bëri thirrje të gjithë qytetarëve që duke filluar nga e hëna të dorëzojnë dokumentacionin përkatës për të ligjëruar pronat dhe trojet e tyre, por nuk la jashtë vemendjës edhe protestën e opozitës.

“Nesër qytetarët mund të shkojnë, ata që janë të interesuar të ndjekin edhe protestën e opozitës, por të hënën të fillojnë të plotësojnë  dokumentacionin përkatës me qëllim që të ligjërojnë banësën dhe truallin e tyre pranë zyrave tona të Kadastrës”.

Agjensia e Kadastrës e sapo krijuar konsiderohet tashmë si themeli i reformës së pronës, e cila është në varësi të Kryeministrit./ABC News Albania 24/7

ARTAN-LAME.mpg_snapshot_15.32-1280x720.jpg
ent ela10:27 | 06/04/2019

Zëvendëskryeministri Erion Braçe ka prezantuar sot drejtorin e ri të Agjencisë Shtetërore të Kadastrës, Artan Lamen. Në një deklarate të përbashkët në ceremoninë e prezantimit, Braçe ka qenë i prerë në apelin e tij për krerët e agjencive ligjzbatuese, bashkitë, por edhe për qytetarët e interesuar në marrjen e shërbimeve duke theksuar se do të marrin shërbimin dhe mos paguani asgjë që nesër mund t’u kthehet në vepër penale.

U tha e pas dy vitesh u bë. Kjo është  Agjencia Shtetërore e Kadastrës Bashkimi i dy institucioneve në një, të ALUIZNI-t dhe Zyrës së regjistrimit të pasurive të paluajtshme të cilën do ta drejtojë Artan Lame. Prezantimin e bëri numri dy i qeverisë duke I kujtuar drejtorit Lame sa shumë punë e pret përpara.

“Kemi rreth 220,000 familje qe jetojne në fshat me AMTP të paregjistruara, pra afërsisht gjysmën e tokës së punueshme në fshat.

Kemi ende rreth 20,000 familje që nuk janë pajisur me AMTP.

Kemi ende rreth 10% të banesave të para vitit 1991, ende të paregjistruara.

Kemi ende rreth 160,000 prona (96% e totalit) që ju kanë kaluar njësive vendore dhe që janë ende të paregjistruara”.

Kemi ende rreth 10% të territorit të vendit, ku ende nuk ka filluar procesi i regjistrimit fillestar.

Barra është e jashtëzakonshme, por rrugë tjetër për të mbyllur tre dekadat e kaosit pronësor, nuk ka. Zgjidhja e çështjes së pronësisë, vazhdon të mbetet thembra e Akilit për kohezionin ekonomik dhe social të vendit”.

Që kjo agjenci të arrijë qëllimin final, zëvendëskryeministri paralajmëron se do ta ndjekë personalisht duke mos i kursyer thirrjet edhe ndaj qytetarëve.

“Dua të bëj apel edhe për agjencitë e tjera, apel edhe banorëve, kërkoni shërbim, mos paguani asgjë që nesër mund tu kthehet në të kundërt, vepër penale. Bëj apel edhe për nëpunësit edhe për ata që mendojnë se mund ta blejnë shërbimin mes parave, do ta luftojmë korrupsionin”.

Agjencia Shtetërore e Kadastrës do të jetë institucioni përgjegjës për administrimin e regjistrit të pasurive të paluajtshme, si dhe për përfundimin e proceseve kalimtare të pronësisë. Qytetarët do të marrin shërbim brenda një kohe më të shkurtër si dhe do të ulet barra burokratike e dokumenteve që kërkohen nga institucionet shtetërore.

artan-lame.jpg
G. P.15:59 | 09/02/2019

ALUIZNI ka përfunduar me sukses procesin e legalizimeve në zonën e Pezës në Tiranë, proces i cili prej disa vitesh kishte mbetur vendnumëro. Kreu i ALUIZNI-t, Artan Lame deklaroi se pas procesit të legalizimeve, do të nisë puna edhe për regjistrimin e tokave bujqësore.

Peza është zona e parë në Tiranë që ka përfunduar me sukses procesin e legalizimeve. ALUIZNI dha lejet e fundit që përmbyllin një proces të gjatë dhe mjaft problematik. Drejtori i Përgjithshëm i ALUIZNI-t, Artan Lame tha se tashmë po përmbyllet problematika e krijuar ndër vite me lejet e legalizimit në këtë zonë dhe në gjithë vendin.

“Është e pabesueshme që në 8 vjet nuk u bë asnjë. I gjithë stoku prej 833 objektesh në Pezë u trajuta në këto 5 vjet. E mbyllëm këtë proces. Pastaj fillon aksioni i madh i këtij mandati që është regjistrimi i tokave bujqësore. Peza është zonë bujqësore, kështu që do ketë shumë probleme jo vetëm Peza por e gjithë Shqipëria. Është askion që i kërkon njësisë vendore të impenjohet për procedurat”, tha Lame.

Sipas kreut të ALUIZNI-t, Artan Lame do të punohet fort edhe për ato objekte që nuk mund të legalizohen apo ato objekte që duhen ndryshime ligjore, për legalizim./abcnews.al

lame.jpg
G. P.15:39 | 17/01/2019

Kreu i ALUIZNI-t, Artan Lame akuzoi se presidentin Meta se nuk ka asnjë argument për kthimin e ligjit të Kadastrës. Lame tha se shumë godina shtetërore, madje as ajo e Presidencës, që drejton Meta, nuk kanë certifikatë pronësie.

“Dje Presidenti i Republikës nuk dekretoi dhe ktheu për rishqyrtim Ligjin “Për Kadastrën”. Z. Ilir Meta sot është President i Republikës. Por godina e Presidencës e ndërtuar në vitin 1959, edhe sot e gjithë ditën nuk ka certifikatë pronësie. Përpara kësaj z. Ilir Meta për 4 vjet ka qenë Kryetar i Kuvendit. Por as Salla ku mblidhet Kuvendi, e ndërtuar që në vitet ’50, nuk ka certifikatë pronësie. Ca më parë akoma, z. Ilir Meta ka qenë edhe Ministër i Jashtëm. Por edhe Ministria e Jashtme, e ndërtuar që në vitet ’70, nuk është e rregjistruar dhe nuk ka certifikatë pronësie. Ca më parë akoma, z. Ilir Meta ka qenë edhe Kryeministër i Republikës. Por as Godina e Kryeministrisë, e ndërtuar që në kohë të Italisë në vitin 1940, sot e gjithë ditën është e pa certifikatë pronësie. Këto janë vetëm 4 nga pronat e këtij shteti, që ka të regjistruara me certifikatë pronësie vetëm 4% të pronave të veta. Të këtij shteti, që ka ende edhe 600.000 prona private të paregjistruara. Të këtij shteti që, sipas raportit të BB, duhet të ri-masë 80% të pronave të matura në këto 25 vjet, sepse janë matur së prapi. Këto janë punët me të cilat do merret Kadastra, të cilën dje zoti President e ktheu mbrapsht si të rrezikshme. Ligji e thotë qartë: Regjistri i Pronave është në administrim të Ministrisë së Drejtësisë si deri më sot. Ndërsa Agjensia e Kadastrës do të jetë në vartësi të Kryeministrit, në mënyrë që ky t’i tërheqë veshin direkt Drejtorit për mbarëvajtjen e punës së këtij Institucioni, që do të jetë themeli i reformës së pronës.”/abcnews.al

ARTAN-LAME-1280x720.jpg
ent ela14:07 | 07/12/2018

Kreu i ALUIZNI-t Artan Lame doli në një konferencë për mediat për të folur për situatën problematike të ndërtimeve pa leje në zonën e Unazës së Madhe, i cili theksoi se në periudhën 2006-2013 janë kryer legalizime të paligjshme, madje pronarëve të objekteve iu është marrë edhe pagesa sikur do iu bëhej legalizmi, por një gjë e tillë nuk ndodhi kurrë.

Kreu i ALUIZNI-t Artan Lame gjatë një komunikimi për mediat foli për problematikat e krijuara ndër vite për legalizimin e objekteve pa leje në zonën e Unazës së Madhe duke vënë theksin se gjatë vitit 2006-2013 janë kryer legalizime të paligjshme në zonën e kasharit dhe të Unazës së Madhe.

“Në zonën e Kasharit, përgjatë gjithë 8 vjetëve të qeverisjes 2006-2013 janë bërë 49 legalizime. Dhe nga këto 49 legalizime 40 janë bërë vetëm në periudhën mars-shtator 2013. Legalizimi i fundit është bërë në 10 shtator, ndërsa Qeveria e re krijohej në 11 shtator”.

Sipas kreut të ALUIZNI-t një fenomen tjetër problematik ka qenë edhe ai i legalizimeve me tokë pronar.

“Fenomeni i legalizimeve në tokë me pronar. Kategoria më e dhimbshme dhe revoltuese, është ajo e legalizimeve në troje me pronarë legjitimë.

Ligji i Legalizimeve i vitit 2006, ndërpret procesin e legalizimit të ndërtimit kur trualli është me pronarë dhe aty parashikohen ndërtime të larta”

Një fenomen tjetër i dhimbshem sipas Lames ka qenë edhe fenomeni i mbledhjes së parave dhe mosbërjes së legalizimit nga personat përgjegjës.

“Fenomeni i mbledhjes së parave dhe mosbërjes së legalizimit. Në shumë raste jemi ndeshur me fenomenin kur qytetarëve ju merreshin paratë e tokës edhe kur dihej qartë që aty nuk mund të bëhej legalizimi”.

Kreu i ALUIZNI-t bëri të ditur edhe shifrat e legalizimeve në rang kombëtar gjatë muajit nëntor.

“Gjatë muajit nëntor morën lejen e legalizimit 3142 familje shqiptare, nga të cilat rreth 300 vetëm në zonën e Kasharit, tëNJB. 6 dhe NJB. 7”.

ALUZINI fton qytetarët që janë ende në procedura legalizimi të vijojnë bashkëpunimin me drejtoritë rajonale për përmbylljen e tyre. /abcnews.al

 

LAME-PER-PRONAT.mpg_snapshot_00.53-1280x720.jpg
G. P.17:12 | 04/12/2018

Sipas Drejtorit të Përgjithshëm të Agjencisë së Legalizimit dhe Urbanizimit Artan Lame, një pjesë e objekteve tek Unaza e Re nëe Tiranë janë legalizuar në shkelje të ligjit. Lame ishte në Komsionin Parlamentar të Veprimtarisë Prodhuese ku tregoi për ngritjen e Agjencisë Shetëtore të Kadastrës, institucion me të cilin qeveria synon ti japë fund lëmshit me pronat.

Një pjesë e objekteve në Unazën e Re në Tiranë janë legalizuar në mënyre abuzive. Konstatimi është i Drejtorit të Përgjitshëm të ALUIZN-it i cili thotë se përgjegjësit do të përballen me drejtësinë.

Artan Lame, drejtor i përgjithshëm i ALUZINI-t: “Tratë e ngushtuar të Unazës që parshikonte projekti i vjetër i tyre, janë bërë legalizime të paligjshme. Janë disa prej legalizimeve që janë bërë në muajt e fundit që janë në shkelje dhe kjo ka të bëjë dhe me atë që tha kryeministri që duhet të ndiqen penalisht. Janë 40 legalizime të bëra në periudhën korrik-shtator 2018. Pra kishin lënë karriken s’kishin lënë akoma vulën.”

Ndërkohë Artan Lame dha edhe një lajm të mirë për banorët në zonën e Shkozës banesat e të cilëve preken nga projekti i Unazës lindore të Tiranës.

“Nesër sepse e kemi ndjekur hap pas hapi ata marrin certifikatën e pronësisë që i bën të mundur pastaj që të hyjnë në procesin e shpronësimit për interes publik.”

Drejtori i Përgjithshëm i ALUIZN-it iu përgjigj interesit të deputetëve socialistë në Komisionin Parlamentar të Veprimtarisë Prodhuese ku ishte për të raportuar rreth dy projektligjeve përmes të cilave qeveria synon ti japë zgjidhje kaosit të krijuar ndër vite me pronat. Ata parashikojnë shkrirjen e tre institucioneve në një. Legalizimet, hipotekat dhe Agjencia e Pronës në Agjencinë Shtetërore të Kadastrës.

“Shqipëria rezulton me rreth 4.4 milionë pasuri të paluajtshme, nga të cilat 3.8 milionë janë regjistruar, janë rreth 600,000 pasuri të tjera të paregjistruara ende. 2.5 milionë e pasurive të regjistruara janë me probleme, që do të thotë se minimalisht duhen përmirësuar, maksimalisht duhen bërë nga fillimi. Shteti shqiptar ka harxhuar rreth 80 milionë euro dhe dollarë në këtë proces deri tani, të cilat më shuma kanë krijaur kaos se sa kanë zgjidhur punë.”

Lëmshi me pronat vijon me 9 mijë praktika të patrajtuara ende nga Agjencia e Pronave ndonëse dosjet janë aty që nga viti 1993. Ndërkohë që 50% e tokave bujqësore 27 vite nga miratimi i ligjit 7501 janë ende të paregjistura./abcnews.al

JULI-INTERVISTA-ARTAN-LAME.mpg_snapshot_05.00-1280x720.jpg
G. P.11:18 | 15/09/2018

I ftuar në studion e ABC News, Artan Lame, kreu i ALUIZNI-it. Diskutim në lidhje me lajmërimin e njoftimit se tashmë pritet të regjistrohen të gjitha banesat e ndërtuara para vitit 1991. Lame tregoi detajet e kësaj nisme, në mënyrë që të informojë publikun dhe të japë më shumë informacione të nevojshme.

Ai u shpreh se bëhet fjalë për banesat e ndërtuara para ’91-shit spese pas këtij viti e kemi të rregulluar me regjistrimet dhe legalizimet e bëra.

“Ndërtesat e para vitit 1991 ka një problem, ça ndërtonte shoku Enver nuk kishte nevojë fare për leje ndërtimi dhe një pjesë e tyre janë të paregjistruara. Përgjithësisht rrethinat dhe fshatrat asaj kohe jepnin leje të cilat mbeteshin të gjitha të pahipotekuara. Bëhet fjalë për 40 deri në 60 mijë objekte.”

Ai tregoi se shtëpitë që janë tashmë në proces legalizimi nuk përfshihen në këtë VKM dhe për ta procesi do të vazhdojë normalisht siç ka nisur.

Lame tregoi se që nga e hëna hapet aplikimi onlinë për ata të cilët duhet të kryejnë këtë shërbim. Por ai sugjeron që të mos ketë dyndje, pasi nuk do të ketë një afat kohor për këtë. Fillimisht të paraqiten ata të cilët kanë vërtetë nevojë.

 

LAME-PER-BANSESAT-E-VJETRA.mpg_snapshot_00.26-1280x720.jpg
G. P.13:47 | 13/09/2018

Nga 17 shtatori zyrat e ALUIZNI-t janë në pritje të të gjithë atyre që duan të regjistrojnë banesat e ndërtuara para vitit 1991. Drejtori i këtij institucioni, Artan Lame, në një deklaratë për mediat i bëri thirrje qytetarëve të interesuar që të paraqesin çfarëdolloj dokumenti që ka lidhje me banesat e tyre.

Regjistrimit do ti nënështrohen edhe banesat e ndertuara para vitit 1991. Drejtori i përgjithshëm i ALUIZN-it, Artan Lame, ka deklaruar se procedura do të nisë të zbatohet nga dita e hënë.

Artan Lame, drejtor i Aluizni:Qytetarët nga e hëna mund të paraqiten për të aplikuar për regjistrimin. Mund të fillojnë të paraqesin çfarë do lloj dokumenti që kanë për të ndihmuar institucionin. Çdo lloj dokumenti që kanë për shtëpitë e paregjistruara ta paraqesin. Formularët mund ti gjejnë në të gjitha drejtoritë. Çdo qytetar mjafton ta shkarkojë formularin në faqen e ALUIZNI-t”.

Sipas kreut të ALUIZNI-t për këto banesa ka rreth 20 vite që nuk janë zgjidhur problemet. Risitë, lidhen me faktin si është konceptuar vendimi.

“Lehtësohet barra e aplikuesit nga dokumentet e tepërta. Ka qenë problemi i përcaktimit të datës së ndërtimit. Sipërfaqja deri në 300 metra për banesat e vjetra kalon pa pagesa dhe i jepet mundësia që sipërfaqja mbi këtë sipërfaqe të mund të kalojë në pronësi të tij, por me çmim tregu”.

Paratë që do të mblidhen nga ky proces do të shkojnë në fondin e kompensimit të ish-pronarëve.
Drejtori Artan Lame fton fillimisht të paraqiten ata që kanë nevojë të domosdoshme, si psh; ata që duan ta shesin apo të marrin një kredi. Bashkitë janë të detyruara që dosjet e depozituara pranë tyre ti kalojnë pranë ALUIZNI-t. Nga ky vendim i qeverisë që është miratuar në korrik janë 40 deri në 60 mijë ndërtime që do ti japin fund procesit të pronësisë./abcnews.al

lame.jpg
G. P.14:35 | 20/07/2018

Rreth 60 mijë objekte të ndërtuara para viteve ‘91 në të gjithë territorin e vendit, pritet të ligjërohen dhe hipotekohen. Vendimi i Këshillit të Ministrave ngarkon zyrat rajonale të ALUIZNI-t, për ecurinë e procesit, që do të bëjë pronarë të ligjshëm poseduesit e këtyre objekteve,që rezultojnë të paregjistruar.

Të gjithë qytetarët, që posedojnë objekte të ndërtuara para vitit ‘91, të cilët nuk kanë mundur t’i hipotekojnë për shkak të mungesës së dokumentacionit, do të kenëmundësi të përfitojnë nga VKM-ja e qeverisë, që i ben ata pronarë edhe ligjërisht.

Ky proces, i cili ka për qellim të formalizojë atë kategori pasurish të paluajtshme, që zotërohen prej vitesh nga pronarët që nuk kanë mundur t’i regjistrojnë do të kryhet nga zyrat vendore të ALUIZNI-t.

Kreu i ALUIZNI-t, Artan Lame, nga Korça dha detaje për vendimin e qeverisë dhe mënyrën si qytetarët mund të aplikojnë për të regjistruar këtë kategori pronash.

“Duke filluar nga Shtatori të gjithë qytetarët e interesuar për regjistrimin e banesave të tyre të ndërtuar para vitit ’91 do të paraqiten pranë sporteleve tona për të aplikuar për regjistrim. Ndërkohë këta qytetarë mund të fillojnë vetë grumbullimin e atij dokumentacioni personal, që kanë në shtëpi. Dokumete të çfarë do lloji që posedojnë, leje ndërtimi, akte pronësie, skcia, akte shit-blerje, dokumente të tjera provuese që në kohë të Zogut apo më parë”, tha Lame.

Procedura e aplikimit është thjeshtuar, ndërsa VKM-ja parashikon edhe kalimin e pronësisë së truallit të ndërtesës falas deri në 300 metër katror si dhe mundësia për të blerë sipërfaqet mbi këtë masë.

“Kalimi i pronësisë së truallit, ku janë ndëqrtuar këto objekte bëhet falas deri në masën 300 metra katrore dhe i jepet mundësia qytetarëve për të blerë rripa apo copa toke pa funksion që i kanë brenda ndërtimeve të tyre”, tha Lame.

Vendimi i Këshillit të Ministrave pritet të trajtojë 40 deri 60 mijë objekte në të gjithë vendin. Për të garantuar mbarëvajtjen e procesit, pranë drejtorive rajonale të ALUIZNI-t, do të krijohet një sektor i posaçëm, që do të ngarkohet me zbatimin e vendimit të qeverisë./abcnews.al

artan-lame.jpg
G. P.11:55 | 30/05/2018

Kreu i ALUIZNI-t, Artan Lame, ka deklaruar se nuk do të marrë leje ndërtimi asnjë ndërtues që nuk ka legalizuar objektet e përfunduara. E ashtuquajtura “lista e zezë” e  këtyre subjekteve do të depozitohet në Bashkinë e Tiranës, institucioni që jep lejet e ndërtimit.

Kreu i ALUIZNI-t, Artan Lame, njoftoi qytetarët, por mbi të gjitha ndërtuesit, se duke nisur me Bashkinë Tiranë do të aplikohen të ashtuquajturat “lista të zeza” të cilat i ndalojnë bashkisë dhënien e lejes për ndërtim në rast se ndërtuesi ka një projekt ende të papërfunduar e legalizuar.

“Në rang vendi gjysma e lejeve rezultojnë me shkelje…shohim që pjesë e këtyre paraqiten prapë për leje. Në këto kushte ne do të përcjellim listat e këtyre subjekteve duke i kërkuar që këta shoqëri apo persona rë mos pajisen me leje pa shlyer detyrimt dhe pa mbyllur procesin e legalizimit për objektet e ndërtuara tashmë prej tyre”.

341 subjekte do i pëcillen brenda ditës Bashkisë Tiranë, por thirrjen ia drejtoi sërisht qytetarëve që të mos blejnë shtëpi pa patur dokumentacionin përkatës. Sa i përket nismës së legalizimit të pallateve të braktisura nga ndërtuesit Artan Lame thekson se përgjigja ndaj saj ka qënë mjaft e lartë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono