Artan Hoxha

do.jpg
in a22:32 | 06/11/2019

I kanë të gjitha mundësitë që të hetojnë, kjo nuk është një ngjarje që ndodh çdo ditë, kështu shprehet gazetari Hoxha për atentatin që u bë ndaj Prokurorit Arjan Ndoj.

“Pse drejtorët e hipotekave në Shqipëri mbrohen me masa atë larta sigurie, nga kush kanë frikë”, është pyetja që ngre Hoxha. Sipas tij ngjarja me prokurorin është një simbol për të shkundur shtetin shqiptar. Kryeministri para se të bëjë ligjin special duhet të merret me administratën e tij njëherë”, – tha Hoxha.

“Janë një seri ngjarjesh që kanë ndodhur, kjo ishte e paralajmëruar. Nëse hapim kronikën e viteve të fundit në këtë aks rrugor kanë ndodhur të gjitha ngjarjet pa autorë. Kemi arritur në një pikë ku me të vërtët duhet të shkundet shoqëria sepse politika nuk shkundet më, politika është brenda”, u shpreh Hoxha./abcnews.al

 

hoxha.jpg
in a21:17 | 06/11/2019

I ftuar në emisonin “Byro Politke”, në ABC News, gazetari Artan Hoxha u pyet për atentatin ndaj prokurorit Arajn Ndoji.

“Janë një seri ngjarjesh që kanë ndodhur, kjo ishte e paralajmëruar. Nëse hapim kronikën e viteve të fundit në këtë aks rrugor kanë ndodhur të gjitha ngjarjet pa autorë. Kemi arritur në një pikë ku me të vërtët duhet të shkundet shoqëria sepse politika nuk shkundet më, politika është brenda”, tha Hoxha.

“Kryeministri dhe zëvendëskryemistri duhet të japin deklarime në Prokurori. Akoma nuk kanë dalë prova shkencore nga kjo ngjarje, janë shumë elementë që duhen parë. Kemi të bëjmë me vrasës që skanë lidhje direkte me viktimat, janë të porositur”, shprehet gazetari Artan Hoxha.

Gazetari Hoxha u ndal tek grupet kriminale ku sipas tij janë të lidhur me njëri-tjetrin.

“Nuk ka më besim tek policia, në vend ka grupe të cilët funksionojnë në lidhje me njëri-tjetrin, Shqipëria është qarkuar edhe nga vrasës me pagesë të huaj”, tha Hoxha

/abcnews.al

 

debati-1-1280x720.jpg
Vladimir Prenga23:43 | 17/10/2019

Studio e “Pressing” në ABC News është kthyer në një arenë debati mes të ftuarve. Andi Lila ka debatuar me Salvador Kaccajn edhe për ligjin e sportit, ndërkohë në debat është përfshirë edhe gazetari Artan Hoxha. Më poshtë ju sjellim pjesën më të madhe të debatit të bërë në studio.

ANDI LILA – Në Shqipëri po ka shumë probleme dhe presim të shkojmë në Europian me klube që i ka akoma shteti. Kjo është skandal. Duhet të privatizohen klubet dhe më pas presidentët ta konsiderojnë gjithçka si biznes. Herën e kaluar ishte në studio Fidel Ylli. Më tha të lexoja ligjin dhe e kam bërë. Duhet ndryshuar. Nëse ecim me këto ritme, futbolli është në grahmën e fundit. Unë do i them atij tani, a kam bërë unë lloqe Kavaje, apo ka pirë ai raki Skrapari.

SALVADOR KACCAJ – E kam bërë unë ligjin? A e di si funksion?

ANDI LILA: E keni bërë skandaloz ligjin. Nuk e dija që kishit qenë edhe ju. Ka shumë vite që lojtarëve nuk u janë paguar siguracionet. Kjo është skandaloze dhe ulje e dinjitetit të futbollistëve.

ARTAN HOXHA – E di ti që lojtarët paguheshin si punonjës komunaleje.

ANDI LILA – E kemi në Kavajë, edhe Pogradec. Ja ku i kam letrat këtu, nuk kanë qenë të siguruar.

ARTAN HOXHA – Klubet punojnë me dy bordero. Doli ministria e Financës dhe tha që lojtari më i mirë paguhet më pak se pastruesja.

ANDI LILA: – Kush e ka fajin këtu, federata apo shteti? Edhe nëse e ka federata, shumë gabim është.

ARTAN HOXHA: – E dini që të Flamurtari nuk janë paguar që vjet në verë. Pse lejon FSHF Flamurtarin në garë.

ANDI LILA: Për atë punë është krijuar Sindikata. Më thoni faleminderit që e krijova. E kam vuajtur në kurriz kur luajta te Parma dhe ndoshta e keni mik Rezart Taçin. U vendos të përjashtohej. Te Flamurtari duhet t’i paguajnë lojtarët. Do na dëgjojnë të gjithë. Nëse histori e Vlorës përsëritet, atëherë do të bojkotojmë. Jam i sigurt, se jam i ndershëm. Do e bëj bashkë me futbollistë. Janë 750 lojtarë, 500 anëtarë. Janë bërë zgjedhjet dhe unë jam.

ARTAN HOXHA: Presidenti i një klubi i thyen lojtarët.

ANDI LILA: Neni 27 flet për antidopingun. Kur është bërë. Jashanica u kap me doping, mori ilaç për një problem shëndetësor. Doktori jeton i lumtur, kurse atij iu prish karriera. Se më tha Fidel Ylli bëj lloqe Kavaje, unë i them raki Skrapari. Le të ma nxjerrë statusin e sportistit, në ligj flitet për sportist elitar. Na bënë heronj, na dha pasaporte diplomatike. Ndoshta me datë 1 na i heq, ai thotë jo, unë them po. Calja ka marrë medalje dhe nuk është shpërblyer. Ky është ligji, që merreni edhe griseni. Luiza Gega është gjithashtu sportiste elitare.

/abcnews.al

Hoxha.png
Veronik Istrefaj22:39 | 17/10/2019

Gazetari i njohur, Artan Hoxha, është i ftuar në studiot e ABC News, në emisionin “Pressing”. Hoxha foli për trajnerët e Shqipërisë dhe kombëtaren tonë kuqezi, ku mes të tjerash tha:

REPLIKË NDAJ LILËS – “Nuk është e vërtetë që vetëm kombëtarja është gjëja më e bukur në Shqipëri. Ke soprano kudo në botë, ke Ismail Kadaren, nuk është vetëm futbolli që përfaqëson Shqipërinë. Futbolli ka forcën për të pasqyruar mentalitetin e popullit. Ne si Shqipëri, bëmë një kombëtare, por për mua, më përpara kemi pasur lojtarë më të mirë, por nuk kishim drejtues. Trajnerët janë ata që pasi ikin nga Shqipëria, çfarë pune bëjnë? Aty vlerësohen.

DE BIASI – “De Biasi iku në Europian me një grup shumë të fortë. Nuk e mendoja se do ta kalonim Serbinë dhe Danimarkën, por ia dolëm. Futbolli sot është bërë: Ai që menaxhon mirë burimet dhe resurset, merr rezultatet. Mos harroni, Finlanda kualifikueset e shkuara ishte në vend të fundit, ndërsa këtë radhë, po shkojnë në Europian. Skuadra e De Biasit, me rezultatet që arriti, duhet ta vazhdonte më shpejt rinovimin. Shqipëria është një vend aq i vogël, sa nuk ka kohë për të humbur, duke ndërruar trajnerët”.

MURIQI – “Muriqi kushton sot 50 milionë euro, ai e tha se ëndrra e tij ishte të luante me Shqipërinë. Ata që punonin te kombëtarja, ta shikonin Vedatin e të mos bënin qorrin. Ta shikonin çfarë talenti ishte dhe është! Shqipëria nuk është Holanda e ka talente të shumtë, ata që kemi, le t’i marrim!

/abcnews.al

carcani-1280x720.jpg
ad min11:21 | 24/09/2019

Në këtë puntatë të emisionit sportiv “Pressing” u skutua rreth ndeshjeve të superligës shqiptare. Gjithashtu të ftuarit u ndalën edhe tek stadiumi kombëtar, i cili në Nëntor pritet të inaugurohet në ndeshjen ndaj Francës.

Të ftuar në studio ishin: Ernest Gjoka, trajner; Eduart Prodani, ish-sekretar i përgjithshëm i FSHF; Arben Dervishaj, anëtar i Komitetit Ekzekutiv të FSHF; Nderim Nexhipi, drejtor sportiv i Kukësit; Anton Cicani, kryeredaktor tek Telesport dhe Artan Hoxha, gazetar./abcnews.al

fakulteti-i-drejesise.jpg
ad min15:19 | 29/08/2019

Të diplomohesh për drejtësi në Universitetin e Tiranës që nga ky vit akademik duhet të përfundosh pesë vite studime. Pas 12 vitesh, Fakulteti i Drejtësisë shkëputet nga sistemi i Bolonjes me dy cikle 3+2 dhe nis me program të integruar studimesh.

Pas 12 vitesh ndryshojnë studimet në drejtësi. Këtë vit akademik, Fakulteti i Drejtësisë në Universitetin e Tiranës shkëputet nga sistemi i Bolonjës që detyron cikël të parë dhe të dyte studimesh 3+2 dhe nis me program të integruar pesëvjeçar. Studentët e vitit të parë shpjegon Dekani Hoxha do të mësojnë me kurrikul të re, programe të riorganizuara dhe do të diplomohen për master të shkencave në drejtësi.

“Kanë avantazhin që në përfundim të këtij programi e kanë fushën e punësimit më të gjerë, por këta që përfundojnë këtë program, ata që përfudnojnë masterin e shkencave me programin e vjetër janë kandidatë për të vazhduar Shkollën e Magjistraturës dhe për t’u bërë gjyqtarë dhe prokurorë nesër”.

Ndryshimi i sistemit sipas dekanit Hoxha erdhi si nevojë e reformës në arsim dhe asaj në drejtësi.

“Ajo që ishte vënë re sipas rregullimeve të mëparshme ligjore ishte që programet e studimit kishin diferenca të shumta nga një universitet në një universitet tjetër.”

Këtë vit akademik në Fakultetin e Drejtësisë në Universitetin e Tiranës do të nisin studimet 640 të rinj. 200 prej tyre kanë mesatare 10 ndërsa fituesi i fundit 9.3. Megjithatë dekani Hoxha këshillon kandidatët poshtë vizës së kuqe të mos i humbasin shpresat, por të ndjekin me kujdes procesin.

“Kush e do drejtësinë  e kush do ta bëj në Fakultetin e Drejtësisë të ketë durim sepse ulja e vizës për fituesit që nuk regjistrohen ata do ta shikojnë që në fazën e parë që do të jetë e fortë”.

Raundi i parë i regjistrimit në shkollat e larta nis më 2 Shtator dhe përbëhet nga 7 faza 48 orëshe./ABC News Albania 24/7

gerti-carcanii.jpg
ad min12:54 | 30/07/2019

Në këtë puntatë të emisionit Pressing u diskutua rreth futbollit shqiptar. Këtë herë sporti më i rëndësishëm ndodhet përpara disa zgjedhjesh shumë të rëndësishme para fillimit të sezonit të ri.

Për të diskutuar të ftuar në studio ishin: Artan Hoxha, gazetar; Artan Shyti, profesor; Ylli Aga, komentator dhe Eno Skarco, gazetar./abcnews.al

artan-hoxha-1-1280x721.jpg
ad min21:32 | 16/04/2019

Grabitja e Rinasit, ku mbeti i varë njëri prej anëtarëve të bandës vijon të jetë kryefjalë e mediave në vend dhe në bote. Për gazetarin Artan Hoxha ditët e fundit kjo ngjarje është lënë pak jashtë vëmendjes për shkak të situatës politike në vend. I ftuar në “Provokacija” gazetari është shprehur se grabitja ka ndodhur brenda “Trekëndëshit të Bermudës” në vendin tonë.

“Aeroporti i Rinasit ndodhet brenda zonës që ne që merremi çdo ditë me kriminalitetin e quajmë “Trekëndëshi i Bermudës”. Është një vrimë e zezë në vijat Tiranë-Fushë-Krujë-Shijak. Brenda këtij harku është zona më e madhe e kompanive të biznesit në Shqipëri. Rinasi është brenda trekëndëshit. Këtu ke një numër shumë të madh organizatash kriminale shumë të fuqishme që janë parmanete në territor. Nëse këtu vepron grupi i Fushë-Krujës, nuk mund të vish nga Tepelena apo Tropoja dhe të hysh pa dijeti të atyre aty. Ose bën marrëveshje me ata, sepse ata të sulen më keq se policia”.

Sipas tij atë ditë kanë qenë në ndjekje të 6 grabitësve vetëm 5 policë, të cilët mund të ishin vrarë në përballje me bandën.

“Gjëja që më ka bërë përshtypje këtë herë është se në momentin që ndodhi ngjarja pati një sulm të drejtuar kryesisht tek policia. Ndërkohë për herë të parë policia reagoi dhe reagoi shpejt. Policia u vu shpejt në ndjekje dhe u përplas. Reagimi ka qenë i shpejtë por mënyrën e reagimit nuk e zgjodhi policia. Nuk ka qëlluar e para policia, kanë qëlluar ata. Po të kishin tentuar grabitësit të vrisnin policët do i kishin vrarë dhe aty kanë qenë vetëm 5 policë përballë 6 grabitësve. Kanë qenë policë të Forcave të Ndërhyrjes së Shpejtë por të paorientaur se më kë kanë të bëjnë. Njoftimi që kishin ata në radio ishte: “Një makinë që dyshohet të jenë grabitësit ka ikur ne këtë drejtim”. Ata janë sulur në atë drejtim”.

Për këtë ngjarje gazatri nuk shikon si fajtore policinë por kompaninë koncensionare.

“Por problemi për mua nuk është policia. Aty është problem koncensionari, mënyra se si i është dhene dhe problem i madhe është edhe korrupsioni. Kontrata është bërë në atë formë që nuk i është lënë kontroll kryesor policisë dhe i është lënë Autoritetit të Aviacionit Civil”./abcnews.al

universiteti.jpg
ad min13:32 | 15/04/2019

Dy ditë pas pezullimit të Mynyr Konit nga posti i Rektorit të Universitetit të Tiranës, dekanët e 4 falkulteteve të këtij universiteti dolën në një deklaratë të përbashkët për mediat.

Rektori i Fakultetit të Ekonomisë, Dhori Kule, u shpreh se shkeljet e bëra më parë nga universiteti nuk mund të kompensohen. Megjithatë sipas tij me pezullimin e Konit, Universiteti i Tiranës do të ketë vetëm progres.

“Zgjidhja e problemit është e vonuar. Shkeljet e bëra nga Rektorati i UT nuk mund të justifikohen. Sa pozitive është kur institucioni që mëson të tjerët si duhet të sillen, do fillojë të sillet vetë në mënyrë të ligjshme. Kam bindjen që do kemi vetëm progres dhe angazhim për të kompensuar gjithë këto deficensa që kemi pasur në gjithë këtë kohë”, tha Kule.

Ndërkohë nga ana tjetër, Dekani i Fakultetit të Juridikut, Artan Hoxha u shpreh pezullimi i Konit nga ana ministres siguron autonominë e universiteteve. Aktin e Shahinit, ai e sheh si të përgjegjshëm.

“Nuk është mirë për Institucionet e Arsimit të Lartë që të ketë ndërhyrje në administrimin e tyre apo në vendimmarrje që kanë të bëjnë për pasoja që vijnë për drejtimin. Është mirë që nëse gjërat nuk funksionojnë siç duhet e keqja të ndërpritet. Një nga mënyrat që ka përcaktuar Ligji i Arsimit të Lartë është se Rektori mund të pezullohet me urdhrin e ministrit nëse është në shkelje. Ka më shumë se disa muaj që ka një raport në lidhje me gjetjet për kontrollin e zbatimit të ligjit. Është e vonuar Ministria e Arsimit në nxjerrjen e përfundimit final të këtyre gjetjeve.

Ajo që ministrja ka urdhëruar ne e vlerësojmë në përputhje të plotë me Kushtetutën, me ligjin, me statutin e UT dhe nuk ndërhyn në autonominë e universiteteve. Ajo që është caktuar janë shkelje të theksuara në shkelje të Ligjit të Arsimit të Lartë. Janë marrë kompetenca të administratorëve të institucioneve. Janë nënshkruar kontrata financiare nga Rektori i UT që nuk ka kompetencë. Kjo do të thotë që autonomia garantohet kur ata që shkelin ligjin marrin dhe përgjegjësitë për shkeljet e tyre. Ne mendojmë se kjo që u ndërmor ishte një akt përgjegjësie. Konsideroj se ky është një veprim që do ta ndihmojë UT, i vili sot që flasim nuk ka një sistem të vetin elektronik në shërbim, për ata që kërkojnë informacione”, tha Hoxha.

Ministrja e Arsimit Sportit dhe Rinisë, Besa Shahini, pezulloi nga detyra Rektorin e Universitetit të Tiranës Mynyr Koni më 13 Prill. Sipas saj, ai ka penguar zbatimin e ligjit të arsimit të lartë.

Gjatë kohës që Ministria e Arsimit ka monitoruar zbatimin e ligjit të arsimit të lartë në Universitetin e Tiranës, Shahini tregoi se janë gjetur një sërë shkeljesh për të cilat janë lënë një sërë detyrash, të cilat Rektori Koni nuk i ka zbatuar. Në vend të tij, ministrja Shahini ka komanduar Bernard Dostin/abcnews.al

LAJME-20-_-I-FTUAR.mpg_snapshot_10.22-1280x720.jpg
ent ela20:55 | 16/03/2019

Protestën e pestë brenda një muaji të opozitës e ka komentuar në studion e Mbrëmje në ABC News edhe gazetari Artan Hoxha. Sipas tij pjesëmarrja ishte mjaftueshme për të dhënë mesazh, por thekson në protestën e 16 shkurtit kishte më shumë mesazhe, kishte më shumë femra, duke e bërë më qytetare.

 “E djathta arrin të bëjë protesta më të mëdha se e majta dhe u punua në një kohë më të gjatë pjesëmarrja e mjaftueshme për të dhënë mesazh. Nga ajo që pashë në terren kam përshtypjen se protesta e 16 shkurtit ishte më e madhe dhe sa herë ka pjesëmamrr femrash, protesta është më qytetare”.

Gazetari Hoxha thekson opozita mbajti diskret skenarin e protestës për të dhënë një mesazh ndryshe nga herët e tjera, ndërsa Policia kishte vendosur që të mos mos përballej fizikisht.

 “Një skenar që synonte të shpërndantë një mesazh ndryshe nga herët e tjera. Opozita mbajti diskret një skenar që synonte të shpërndante një mesazh ndryshe nga herët e tjera. Policia kishte vendosur që të mos mos përballej fizikisht.

Policia u vendos si dekor, ishte në numër më të madh por nuk kishte ndonjë mision, se duket nga pajisjet . Në pjesën e mbrapshtë ishte vetëm një skuadër taktike e RENEA-s, është skuadër neutralizimi nuk kishte forca të FNSH, kishte bllokuar hyrje-daljet e Kryeministrisë hoqën skelat dhe vendosën pllaka metalike dhe duhej sikur godina ishte e blinduar”.

Sipas tij opozita ka arritur disa suksese, po e nxjerr Ramën haptazi në sutë e botës autokrat, po synon t’u tregojë ndërkombëtarëve që vendi ka distabilitet, ndërsa Rama të kundërtën.

“Opozita po përpiqet t’u tregojë ndërkomëbatrëve që vendi nuk ka stabilitet. Ndryshe nga Berisha, Rama nuk sfidon largohet, policia bën të njëjtën gjë.

Opozita ka arritur disa suksese që Ramën e ka nxjerrë haptazi me pamjen e një autokrati. Nëse Tirana del në shesh vetëm atëherë tronditen themelet e pushtetit, qytetarët në masë të bashkohen e të mos kenë më frikë”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono