Arta Marku

arta-marku.jpg
G. P.13:41 | 20/06/2019

Ndryshe nga deklaratat e shumë politikanëve se përgjimet janë indicie, prokurorja e përgjithshme e përkohshme Arta Marku sqaron se nuk janë të tilla, por mjet në kërkim të provës. Në raportimin e punës së organit të akuzës në seancën plenare, kryeprokurorja e përkohshme u shpreh se ka ardhur koha që këto çështje të zgjidhen.

Tani është momenti që të pastrohen nga pluhurat dosjet 339 dhe 184. Në këtë përfundim ka arritur kryeprokurorja e përkohshme Arta Marku pasi i bën edhe kronologjinë e rrjedhjes së ngjarjeve.

Janë dy çështje që janë regjistruar të dyja në vitin 2016. Nga viti 2016 deri në fund të shtatorit 2018 të vetmet veprime të kryera kanë qenë përgjimet. Ka pasur vetëm transkripto bisedash dhe numrash sporadikë.

Në fund të shtatorit 2018 për të dyja çështjet janë caktuar prokurorë të tjerë. U është kushtuar e gjithë rëndësia e duhur dhe për 339 është caktuar një grup prej 3 prokurorësh dhe 11 oficerësh policisë gjyqësore. 339 në momentin që është marrë nga prokurorët e tjerë ka pasur 7074 CD dhe DVD të patranskriptuara. Aktualisht pas 9 muajsh janë transkriptuar pothuajse të gjitha CD-të. Janë regjistruar 74 emra personash si persona nën hetim, janë dërguar për gjykim shumë prej tyre dhe 12 janë dërguar sëfundmi. Jam dakord me të gjithë ata që mendojnë se këto çështje duhen zgjidhur, ka ardhur momenti që të zgjidhen”.

Zgjidhjen e kërkon edhe për prokurorët që i kanë nxjerrë nga sirtarët e organit të akuzës.

Për nxjerrjen e sekretit po hetohet aktualisht nga Prokuroria e Krimeve të rënda.

Në të njëjtën çështje me 339-n. Nisja e çështjes nuk është bërë pse dolën sekretet dhe përbënte problem nxjerrja e atyre të dhënave. Nisja e çështjes është bërë pasi nxjerrja e sekretit nga oficerët e policisë gjyqësore përbën vepër penale dhe kjo nuk mund të anashkalohet.

E ftuar në këtë seancë parlamentare për të  prezantuar raportin e prokurorisë për vitin 2018, Prokurores së Përgjithshme të Përkohshme i duhet të përballej edhe me komentet e opozitës së re.

“Përgjimet nuk janë as indicie, por janë një mjet për kërkimin e provës”, tha Marku./ABC News Albania 24/7

arta.jpg
G. P.11:28 | 20/06/2019

Kryeprokurorja e përkohshme, Arta Marku, deklaroi këtë të enjte se qarqet Fier dhe Durrës kanë rritjen më të lartë për vitin 2018 sa i përket tendencës së kriminalitetit. Marku paraqiti në seancën plenare raportin vjetor të Prokurorisë së Përgjithshme për vitin e kaluar.

Prokurorja e Përgjithshme e Përkohshme theksoi se numrin më të lartë të procedimeve në vend e ka pasur Prokuroria e Shkallës së Parë Tiranë. Ndërkohë vepra penale me numrin më të lartë të procedimeve është ajo e vjedhjes.

“I janë dërguar gjykatës 570 kërkesa për miratimin e marrëveshjes së fajësisë. Edhe kjo shifër është në rritje të ndjeshme krahasuar një vit më parë. Janë dërguar në gjykatë për pushim 2605 çështje. Numrin më të lartë të procedimeve në shkallë vendi e ka regjistruar Prokuroria e Shkallës së Parë Tiranë. Sa i përket tendencës së kriminalitetit vërehet se rritjen më të lartë për vitin 2018 e ka qarku Durrës dhe Fier. Vepra penale me numrin më të lartë të procedimeve të regjistruara është ajo e vjedhjes së pasurisë, por duhet thënë që ka një ulje të lehtë krahasuar me vitin 2017. Gjatë gjithë aktivitetit të saj prokuroria shqiptare ka patur si qëllim të përmbushë rekomandimet e dhëna nga Kuvendi i Shqipërisë për vitin 2018 dhe po kështu rekomandimet e Këshillit të Ministrave për luftën ndaj kriminalitetit. Rekomandimet e dhënë nga Kuvendi janë përkthyer në një plan të mirëfilltë veprimi dhe i janë dërguar çdo prokurorie për ta mbajtur parasysh gjatë aktivitetit”, tha Arta Marku.

Për sa i përket këtij plani, Marku theksoi se janë kryer më shumë se në vitin 2017 hetime proaktive. Për sa i përket veprës penale të korrupsionit, në vitin 2018 numrin më të lartë të procedimeve e zë vepra penale e korrupsionit pasiv të personave që ushtrojnë funksione publike. Edhe për këtë rast procedimet janë rritur krahasuar me 2017-n sipas Markut.

“Është rekomanduar rritja e numrit të hetimeve në tërësi dhe në veçanti e hetimeve joaktive kundër krimit të organizuar dhe korrupsionit. Rezulton se gjatë vitit 2018 janë kryer hetime proaktive dhe me përdorim të teknikave të posaçme të hetimeve në kuadër të 93 procedimeve penale. Krahasuar me vitin 2017 shifra është në rritje. Kjo veprimtari ka shërbyer në ndalimin e 73 personave si të dyshuar në kryerjen e veprave penale të korrupsionit dhe shpërdorimit të detyrës. Numrin më të lartë të procedimeve të regjistruara për veprat penale të korrupsionit në vitin 2018 e zë vepra penale e korrupsionit pasiv të personave që ushtrojnë funksione publike. Procedimet për këtë vepër janë rritur nga 61 për vitin 2017 në 74 procedime për vitin 2018”, tha Arta Marku./abcnews.al

ARTA-MARKU-MBULIM-ABC-M4-T2.mpg_snapshot_00.01-1280x720.jpg
ent ela10:18 | 17/06/2019

Prokurorja e Përgjithshme e Përkohëshme Arta Marku nuk do të marrë pjesë sot në parlament për të folur për analizën vjetore. Marku ishte thirrur për të bërë publike analizën vjetore të organit të akuzës të drejtuar prej saj.

Vetëm pak orë para se të niset seanca parlamentare Marku e ka anulluar pjesëmarrjen e saj duke dërguar edhe një raport shëndetësorë. Burime nga Prokuroria e Përgjithshme bënë me dije për ABC News që Arta Marku do të jetë të Enjten në parlament për të relatuar para deputetëve, analizën vjetore.

Nga ana tjetër Këshilli i Lartë i Prokurorisë në orën 13:00 ka lajmëruar mbledhjen e radhës ku do të shqyrtojë dokumentet e dorëzuar nga kandidatët dokumentacionin e mbërritur për ta nga institucionet përkatëse për verifikimin e plotësimin e kushteve ligjore të 4 personave që kandidojnë për Prokuror të Përgjithshëm.

Fakti që Marku braktisi parlamentin a mos ka të bëj me mbledhjen e KLP, ku sot pritet që të vendoset dhe renditja përfundimtare e 4 kandidatëve që më pas do t’i kalojnë Parlamentit. /ABC News Albania 24/7

seanca-kuvendi.jpg
G. P.20:34 | 16/06/2019

Këtë të hënë Kuvendi do të mblidhet në një seancë të ngjeshur plenare.

Sipas rendit të ditës, pas miratimit të procesverbalit të seancës së kaluar plenare, gjatë së cilës mazhoranca dhe opozita votuan rezolutën e Partisë Socialiste ku ishin paraqitur argumentet pse ishte antikushtetues dekreti i kreut të shtetit për anulimin e zgjedhjeve të 30 Qershorit do të ketë dy raportime vjetore dhe diskutime për një sërë projektligjesh.

Në seancën e së hënës është parashikuar dhe raportimi vjetor për 2018-n i Prokurores së Përgjithshme të Përkohshme Arta Marku si dhe raportimi vjetori i Inspektoratit të Lartë të Deklarimit dhe Kontrollit të Pasurive dhe Konfliktit të lnteresave për vitin 2018.

Po gjatë seancës së të hënës pritet që të diskutohen disa shtesa dhe ndryshime ne ligjin për regjistrimin e biznesit, disa shtesa në ligjin për procedurat tatimore, disa ndryshime dhe shtesa në ligjin për masat kundër financimit të terrorizmit si dhe në atë për parandalimin e pastrimit të parave dhe financimit të terrorizmit. /abcnews.al

ARTA-MARKU-NE-KOMISION.mpg_snapshot_00.18-1280x720.jpg
ent ela14:45 | 27/05/2019

Zbardhja e 700 CD-ve të Dosjes 339 po ecën me ritme të shpejta. Kështu i është përgjigjur interesimit të deputetit të grupimit demokratik Myslim Murrizi kryeprokurorja në detyrë Arta Marku pas prezantimit  përpara Komisionit të Ligjeve të raportit të Prokurorisë për vitin 2018.

Zbardhjen e Dosjes 339 nuk e kërkon vetëm opozita jashtë parlamentit por ajo Brenda institucionit. Është deputeti Myslim Murrizi që kërkon një përgjigje nga kryeprokurorja në detyrë Arta Marku për 700 CD e përgjimeve që nuk janë transkriptuar.

“700 CD e përgjimeve. Janë përgjuar prej vitesh thotë. Janë përgjuar kot për qejf këta. Është kthyer në call center prokuroria.Po bëjnë videoklip këta? Çfarë është kjo gallatë që harxhohen pare nga taksat e shqiptarëve. A ndiheni përgjegjëse për një anëtar të KLP që rezulton bashkëpunëtor i sigurimit me emrin Venusi, se ka vajt me firmën tuaj?”

Prokurorja e përgjithshme në detyrë Arta Marku pranon se nuk janë zbardhur 700 CD , një çështje e referuar që në vitin 2016 tha ajo.

“Për 700 CD e pazbardhura, janë shumë është e vërtetë. Kam ndërhyrë sipas komptencave. Kjo çështje është referuar që në vitin 2016. Vetëm në vitin 2018, është parë kjo problematikë e përgjimeve të pazbardhura. Duket numri i lartë po është normal duke marrë parasysh volumin e çështjes. Janë dy prokurorë dhe 11 oficerë të policisë gjyqësore që po merren me këtë. Po ecet me ritme të shpejta. Për një pjesë të të pandehurve është ndarë çështja, s’ka lidhje me zgjedhjet, por me trafikimin e narkotikëve, në këtë pikë është edhe dosja 184”.

Këto përgjigje kryeprokurorja në detyrë i dha pas prezantimit përpara Komisionit të Ligjeve të raportit të Prokurorisë për vitin 2018, vit në të cilin janë ndarë edhe pasojat e vettingut tek radhët e prokurorëve tha ajo.

“2018 ka qenë një vit jo i zakonshëm për shkak të Vettingut. Janë bërë shumë shkarkime prokuroresh prandaj kanë qenë pak apatike sepse ky proces i ka bërë të pasigurtë”.

Prokuroria e përgjithshme ka bërë dhe matjen koeficientit të kriminalitetit në vend. Përfundimet kanë nxjerrë Vlorën si qarkun me numrin më të lartë të veprave penale për numër banorësh dhe Dibrën si qarkun me shifrat më të ulëta të rekordeve kriminale. /ABC News Albania 24/7

 

kryeministria-1.jpg
G. P.10:38 | 12/05/2019

Një ditë pas protestës së opozitës, kryeprokurorja e Përkohshme e Përgjithshme, Arta Marku ka mbërritur në Kryeministri. Ajo ka shkuar në godinën e qeverisë rreth orës 9:00. Nuk dihet ende arsyeja e kësaj vizite.

Të shtunën, opozita e bashkuar zhvilloi protestën e saj kombëtare. Tubimi u ndal në tre pika Kryeministri, Parlament dhe Drejtoria e Policisë së Tiranës. Që prej nisjes së saj, protesta u shoqërua me tensione.

Protestues të ndryshëm hodhën molotov dhe flakadanë në drejtim të godinës së qeverisë dhe për pasojë dera hyrëse e saj u përfshi nga flakët. Gjithashtu edhe pas zhvendosjes tek Kuvendi, tubuesit hodhën molotov, flakadanë dhe fishekzjarre. E njëjta skenë u përsërit edhe tek Drejtoria e Policisë së Tiranës.

Ndërkohë nga ana tjetër, policia është kundërpërgjigjur me gaz lotsjellës dhe ujë me presion./abcnews.al

Prokuroria-e-Pergjithshme-1.jpg
G. P.15:29 | 02/05/2019

Është mbyllur sot afati i aplikimit të kandidatëve për Prokuror të Përgjithshëm. Zyrtarisht në garë janë katër emra, të cilët kanë mbërritur në Këshillin e Lartë të Prokurorisë, Fatjona Memçaj, Lulzim Allushaj, Olsian Çela dhe kryeprokurorja aktuale Arta Marku.

Aplikantët kishin 60 ditë kohë për të paraqitur dokumentet e nevojshme, të cilat më pas do të kalojnë në procesin e vlerësimit.

Kandidaturat për Prokuror të Përgjithshëm vlerësohen në 4 kritere kryesore: Kriteri profesional, kriteri moral dhe i integritetit, vlerësimi organizativ dhe drejtues dhe kriteri i katert jane elemente shtesë për vlerësim (përvojë në jetën akademike, tituj shkencorë etj).

Një tjetër kusht që duhet të plotësojë kandidati në garë për kryeprokuror është edhe të ketë kaluar Vettingun. Këshilli i Lartë i Prokurorisë pas vlerësimit të kandidatëve do të përzgjedhë 3 emra kandidatësh, që i kalojnë për miratim parlamentit./ABC News Albania 24/7

arta-marku.jpg
nev ila09:59 | 29/04/2019

Kryeprokurorja e përgjithshme e përkohshme, Arta Marku aplikon për tu bërë kryeprokurore me mandat të plotë.

Mësohet se ajo ka dorëzuar zyrtarisht aplikimin pranë Këshillit të Lartë të Prokurorisë për të kandiduar për këtë post. Arta Marku është kandidatura e katërt që dorëzon dosjen për të aplikuar për prokuror të përgjithshem.

Më herët kanë aplikuar pranë këshillit të Larte të Prokurorisë, Olsian Çela, ish-prokuror tek Krimet e Rënda, avokati Lulzim Alushaj dhe prokurorja e Apelit Fatjona Memçaj.

Arta Marku ka marre detyrën e prokurorit të përgjithshem të përkohshëm në dhjetor 2017, pas përfundimit të mandatit të ish- kryeprokurorit Adriatik Lalla.

Ajo doli përpara Komisionit të Pavarur të Kualifikimit në korrik 2018 dhe kaloi vetingun.

Afati i paracaktuar për pranimin e aplikimeve për prokuror të përgjithshëm përfundonte dje, por ai u shty  deri me 2 maj për shkak të ditëve të pushimit zyrtar, me rastin e festave./abcnews.al

KRONIKE-ZGJEDHJ-E-VAT-STAFES.mpg_snapshot_00.05-1280x720.jpg
ent ela15:59 | 11/04/2019

Asambleja e përgjithëshme e prokurorëve me 135 vota pro zgjedh Vate Stakën anatër të Këshillit të Lartë të Prokurorisë. Gjatë Asamblesë prokurori i Tiranës Sokol Malaj së bashku me 45 prokurorë të tjerë kanë kërkuar ndryshim të rregullores së miratuar më herët. Debati ka përshkallëzuar dhe Marku i hakërrehet prokurorit “Mbledhjen e drejtoj unë, dil jashtë”.

Vatë Staka do të jëtë anëtari më i ri i Këshillit të Lartë të Prokurorisë. Staka u zgjodh me 135 vota pro nga 216 prokurorë që votuan.

Gjatë zhvillimit të Asamblesë së Përgjithshme të Prokurorëve, pati përplasje mes një grupi prokurorësh dhe Prokurores së Përgjithshme të Përkohëshme Arta Marku. Pas hapjes së mbledhjes drejtuesja e Asamblesë prokurorja e Përgjithëshme fton kandidatin e vetëm Vatë Staka që të paraqesë platformën për në KLP, por prokurori Sokol Malaj në mënyrë të befasishme ngjitet në podium dhe kërkoi ndryshim të rregullores që është miratuar në Asamblenë e parë në (Dhjetor) dhe se për këtë ndryshim kishin firmosur 45 prokuror.

Pas replikave me Arta Markun prokurori i Tiranës zgjodhi të largohej nga Asambleja e Përgjithëshme e Prokurorëve.

Shembullin e tij e ndoqën edhe 13 prokurorë të tjerë që u larguan nga asambleja pa votuar. Të pranishëm në këtë Asamble ishin 230 prokurorë nga 290 në total.

Prokurorja e Përgjithshme e Përkohshme Arta Marku nuk pranoi që të fliste për median, nëse do të kandidojë për mandatin 7 vjeçar si prokurore e Përgjithshme. /abcnews.al

MBULIM-PERPLASJA-NE-KLP.mpg_snapshot_00.01-1280x720.jpg
ent ela12:33 | 11/04/2019

Një debat i ashpër ndodhi mes Kryeprokurores Arta Marku dhe prokurorit Sokol Malaj gjatë mbledhjes së këshillit të Prokurorëve. Shkak u bë ndërhyrja e prokurorit Malaj për të sqaruar sipas tij mënyrën e përzgjedhjes së anëtarit. Kjo revoltoi Kryeprokuren Arta Marku, e cila ka kundërshtuar propozimin e Sokol Malajt.

Malaj tha se kjo mbledhje bëhet për përzgjedhjen e një anëtari jo të paracaktuar, duke dhënë pëlqimin për një kandidaturë që votohet apo nuk votohet. Ai shton se në fletë votim të ketë votë pro, kundër dhe të pavlefshme dhe kandidati duhet të bëhet anëtar nëse merr 50+1% të votive.

Por Marku e shikon këtë propozim në kundërshtim me ligjin. Më pas ajo u shpreh se do vazhdojnë votimet, dhe se mund të largohet ai që nuk do të marrë pjesë. Kjo bëri që prokurori Sokol Malaj të largohet. /abcnews.al

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono