Arta Marku

vlcsnap-error881-1280x720.jpg
ent ela11:38 | 22/02/2018

Ka qenë një vizitë e befasishme e prokurores së Përgjitheshme Arta Marku në Elbasan. Dhe pse nuk është dhënë asnjë njoftim zyrtar për këtë takim të papritur të saj me prokurorin e Elbasanit Ardjan Nezha, masa të larta sigurie u morën në hotelin ku sëbashku pinë kafen. Ende nuk dihen shkaqet e këtij takimi, por një burim i tha ABC Neës se Marku piu një kafe ngushëllimi për një nga prokurorët që ka humbur babain. Megjithatë ajo duket se e ka shfrytëzuar ardhjen në Elbasan edhe për punë, pasi përveç drejtuesit të Prokurorisë së Elbasanit, Ardjan Nezha aty ishin dhe një rreth i ngushtë prokurorësh.  /abcnews.al

vlcsnap-error206-1280x720.jpg
ent ela14:36 | 15/02/2018

Kryeprokurorja e Përgjithshme e Përkohshme, Arta Marku ka bërë një deklaratë të fortë, gjatë analizës vjetore në prokurorinë e Tiranës lidhur me cilësinë e hetimeve.Shefja e akuzës, i cilësoi hetime prokurorisë se kryeqytetit pa cilësi, sporadike e me mungesë vizioni për t’u fokusuara në luftën kundër krimit. Sipas saj, prokurorët me kurajo dhe guxim duhet të fokusohen tek hetimi i çështjeve me karakter sensitiv dhe impakt në publik, si korrupsioni, lufta kundër drogës dhe grupeve kriminale që operojnë në qytetin e Tiranës. Në fund Kryeprokurorja deklaroi se duhet identifikim dhe hetim i personave me rekorde kriminale, me pasuri që nuk reflektojnë të ardhurat e tyre, duke krijuar kushtet për pastrim të parave në me disa aktivitete të dyshimta./abcnews.al

vlcsnap-error843-2-1280x720.jpg
ent ela15:33 | 14/02/2018

Energji të reja dhe përshpejtim të hetimit të të gjitha çështjeve. Ky ka qenë thelbi i fjalës së prokurores së Përgjithshme, Arta Marku, para prokurorëve të Krimeve të Rënda dhe të Apelit. Kryeprokurorja nënvizoi rëndësinë e pavarësisë së prokurorëve, por kërkoi të mos kalohet në anarki.

Mbajtja e analizës vjetore të Prokurorisë për Krimet e Rënda dhe të Apelit u lajmërua për mediat nga Prokuroria e Përgjithshme.
Por të parët që shkuan në institucion ishin prokurori shqiptaro – amerikan që asiston prokurorët e Krimeve, Gjon Junçaj dhe kreu i Policisë së shtetit, Ardi Veliu.

Pas mbërritjes së kryeprokurores nisi edhe analiza, që u zhvillua me dyer të mbyllura për median.

Duke iu referuar dosjeve të bujshme që kanë në dorë prokurorët e Krimeve, Marku kërkoi energji të reja për të ngritur më shumë nivelin e bashkëpunimit dhe bashkërendimit të punës me agjencitë e zbatimit të ligjit brenda vendit dhe veçanërisht me partnerët ndërkombëtarë. Më tej, kryeprokurorja ka kërkuar hetime të shpejta për çdo dosje.

“Prokuroria e Përgjithshme nxit dhe mbështet përshpejtimin e hetimeve të të gjitha çështjeve nga prokurorët e Krimeve të Rënda. Kjo, pa e cenuar aspak cilësinë e hetimeve, por për shkak të ndjeshmërisë së lartë publike që kanë çështjet që hetohen prej jush. Prandaj, kërkohet kjo shpejtësi në plotësimin dhe standardizimin e protokolleve hetimorë”.

Pasi kujtoi të drejtën legjitime të pavarësisë së prokurorëve, Marku kërkoi të mos abuzohej me këtë të drejtë.

“Pavarësia e prokurorëve mbetet e pacënuar, si një e drejtë e njohur nga Kushtetuta dhe Kodi i Procedurës Penale. Por, kjo nuk do të thotë që të kalohet në anarki, përveçse kërkohet vëmendje dhe përkushtim maksimal në ushtrimin e ndjekjes penale dhe përfaqësimin e akuzës në gjykatë”.

Analiza e vjetore e Krimeve të Rënda erdhi pas mbajtjes së analizave në disa prej prokuroritë e rretheve gjyqësore, në të cilat ka qenë e pranishme edhe kryeprokurorja Marku./abcnews.al

vlcsnap-error292-1280x720.jpg
gra moz18:56 | 13/02/2018

Prokurorja e Përgjithshme e Përkohshme, Arta Marku, nuk pranoi të paraqitet personalisht në përballjen gjyësore mes saj dhe Rovena Gashit në Gjykatën Administrative. Pas kësaj, kërkesa e Gashit u refuzua edhe nga gjykata. Ndërsa avokati i ish-drejtoreshës së Marrëdhënieve me Jashtë në Prokurorinë e Përgjithshme bëri një sfidë publike për Prokurorinë e Përgjithshme.

Çlirim Gjata: “Prandaj unë e kërkova. Se e ka ligji në bazë të kërkesave ligjore, qoftë ligji për gjykimet administrative, qoftë kodi i procedurës civile, që kur ka paqartësi thirret vetë Prokuroja e Përgjithshme, personalisht të vijë t’i sqarojë gjërat”.

Kjo kërkesë e bërë nga avokati i Rovena Gashit në seancën e 31 Janarit 2018 u kundërshtua nga Prokurorja e Përgjithshme e Përkohshme, Arta Marku. Përmes përfaqësueses së saj në gjykatën Administrative, Pranvera Gruda, Marku shprehu mungesën e vullnetit për t’u paraqitur në gjyq.

Juristja e Prokurorisë e cilësoi kërkesën të pabazuar në ligj, pretendim që u miratua në vijim edhe nga gjykata.

Pas këtij vendimi kryesuesi i seancës deklaroi të mbyllur fazën përgatitore dhe caktoi datën 27 Shkurt për seancën e shqyrtimit në themel të padisë.

Çlirim Gjata: “E çuditshme është se nuk e di se ku po shkon prokuroria. Kur vetë një prokurore ka frikë nga salla e gjyqit. Mendoj se ky është një intimidim i keq për të gjithë prokurorët”.

Duke rikujtuar se Rovena Gashi u lirua pasi dërgoi në Komisionin Qëndror të Zgjedhjeve emrat e dy deputetëve që prekeshin nga dekriminalizimi, Gjata bëri një sfidë publike për Prokurorinë e Përgjithshme.

Çlirim Gjata: “Fakti që u ndërrua Drejtorja e Marrëdhënieve me Jashtë nuk është kot.m Nuk ka qenë thjesht një lajthitje ligjore. Ajo ka një qëllim. Unë e thashë. Jam gati të djeg licensën time nëqoftëse drejtoria e re e Marrëdhënieve me Jashtë në Prokurorinë e Përgjithshme do dërgojë qëoftë edhe një emër të nëpunësi të kriminalizuar sot e tutje”.

Urdhri administrativ për lirimin nga pozicioni drejtues i Rovena Gashit u firmos nga kryeprokurorja Marku në 29 Dhjetor 2017./abcnews.al

vlcsnap-error781-1280x720.jpg
ent ela13:13 | 13/02/2018

Nga Korça aty ku mori pjesë në analizen vjetore kryeprokuroria Arta Marku foli serish për drogën. Ajo tha se duhen hetime më të thelluara në luftën kundër drogës, pavaresisht asaj çfarë është arritur deri tani.

“Përkrahim hetime më të thelluara në luftën kundër drogës, ku megjithë suksesin e arritur, e bën të domosdoshme që prokuroria të mos mbetet vetëm me goditjen e shpërndarësve të lëndëve narkotike”- tha kryeprokurorja.

Sipas Markut, Prokuroria të mos mbetet vetëm me goditjen e shpërndarësve të lëndëve narkotike, por të identifikojë dhe vendosë përpara përgjegjësisë penale grosistët, grupet që financojnë dhe organizojnë kultivimin e lëndëve narkotike, trafikimin.

“Prokuroria të identifikojë dhe vendosë përpara përgjegjësisë penale grosistët, grupet që financojnë dhe organizojnë kultivimin e lëndëve narkotike, trafikimin etj.”-theksoi Marku./abcnews.al

vlcsnap-error117-1280x720.jpg
ent ela12:53 | 09/02/2018

Fieri dhe Vlora ishin këtë të premte destinacionet e takimeve të Prokurores së Përgjithshme, Arta Marku, me vartësit e saj. Në Fier, ajo apeloi thellimin e hetimeve për evazion fiskal, ndërsa në Vlorë e drejtoi vëmendjen tek goditja e narkotrafikut.

Nga Vlora, Prokurorja e Përgjithshme tha se droga luftohet duke kapur krerët e organizatës dhe jo konsumatorë, apo shpërndarësit e vegjël.

Veprimtaria kriminale në fushën e narkotikëve nuk zhvillohet e vetme, pa mundësinë e korruptimit edhe të zyrtarëve publikë, në hallka kyçe të strukturave të shtetit, tha Marku gjatë analizës me vartësit e saj në qytetin bregdedar.

Për Markun s’ka dyshim që Vlora, tashmë prej kohësh, njihet si një vend prodhues i kanabisit, jo aq i drogave të tjera sintetike, por edhe si një vend i rëndësishëm tranziti për në vendet e Europës, specifikisht favorizuar nga linja e gjatë bregdetare.

Më herët, ajo ishte në Fier dhe aty, ku tha vartësve që në një zonë, ku operojnë kompanitë më të mëdha, ato të naftës dhe të gazit, hetimi për abuzuesit në tatim – taksa ka qenë i papërfillshëm.

“Në Fier operojnë në tregun privat një numër i madh kompanish duke përfshirë sektorin e naftës dhe gazit”, tha Kryeprokurorja në takim.

Por sipas saj, për vitin 2017 janë hetuar një numër jashtëzakonisht i papërfillshëm në fushën e tatim-taksave, ndërkohë sjelljet që cënojnë legjisalcionin tatimor janë të shumta dhe shpesh të ndëshkueshme penalisht.
Ajo la të kuptohet se aty ku edhe korrupsioni është më i madh, prokurorët nuk kanë treguar interes për të ndëshkuar autorët.

“Fshehja e të ardhurave, deklaroi kryeprokurorja Marku gjate takimit me prokuroret e Fierit, -nuk mund të realizohet nga subjektet tregtare pa patur ndihmën dhe bashkëpunimin e nëpunësve të administratës tatimore”.
“Shumë prej tyre, sipas shefes së organit te akuzes, shpeshherë misionin e tyre, atë të mbledhjes së të ardhurave për Buxhetin e Shtetit, e shkëmbejnë me përfitime personale./abcnews.al

vlcsnap-error734-1-1280x720-1-1280x720.jpg
ent ela13:21 | 08/02/2018

Pas takimeve në Shkodër dhe në Elbasan, Prokurorja e Përgjithshme Arta Marku shkoi në Durrës. Në takimin me vartësit e saj, ajo u shpreh se konstatohet ulje të veprave penale kundër jetës, por ka një rritje të agresivitetit nga grupet kriminale në kryerjen e këtyre veprave penale. “Autorët në funksion të realizimit të qëllimeve të tyre kriminale janë të gatshëm të sakrifikojnë çdokënd që mund të jetë rastësisht në rrezen e tyre të veprimit. Kjo vjen nga mosndëshkimi, apo ndëshkimi i lehtë dhe jo proporcional me krimin e kryer dhe rrezikshmërinë e autorit, deklaroi Marku. Kryrprokuroria shtoi se për krimet përmes Portit të Durrësit, prokurorët duhet të nisin hetime kryesisht dhe jo të rrinë në pritje të referimit nga policia apo nga vetë doganat./abcnews.al

vlcsnap-error432-1280x720.jpg
ent ela13:31 | 07/02/2018

Kryeprokurorja Arta Marku e cila ishte në Elbasan për analizën vjetore të Prokurorise  tha se “duhet të hetohen në mënyrë efikase, e shkuara dhe e tashmja e personave me precedentë kriminalë dhe me pasuri të dukshme ardhur në mënyrë të paligjshme”.

Në takim nuk u lanë gazetarët dhe as vetë Marku nuk u deklarua për ta jashtë analizës, por sipas pjesmarrësve thuhet se ajo ka theksuar që “Elbasani rezulton pikë e nxehtë e grupeve kriminale tashmë të sofistikuar, moderuar dhe prezentë në jetën publike të qytetit, duke investuar në tregun privat dhe punët publike”.   Pavarësia e Prokurorëve në rrethe nuk do të thotë pavarësi nga ligji, u shpreh  Marku. Para Elbasanit, për analizë vjetore Kryeprokurorja Marku ka qenë edhe  në Shkodër./abcnews.al

vlcsnap-error836-1280x720.jpg
gra moz18:24 | 02/02/2018

Prokuroria e Përgjithshme nënshkroi një marrëveshje me Ministrinë e Brendshme. Objekti i saj është hetimi i specializuar i krimit të organizuar përmes krijimit të disa seksioneve të posaçme të përkohshme në dhjetë prokurori.

Ministri i Brendshëm, Fatmir Xhafaj dhe Prokurorja e Përgjithshme e Përkohshme nënshkruan të premten një marrëveshje bashkëpunimi.
Objekt i saj ishte hetimi i specializuar i grupeve të krimit të organizuar përmes krijimit të seksioneve të posaçme të përkohshme në Prokurorinë për Krimet e Rënda dhe në nëntë prokurori të rretheve gjyqësore, përfshi Tiranën dhe Durrësin.

Në marrëveshje thuhet se këto seksione do të kenë në kompetencë edhe hetimin e vepra penale të nenit 135/2 të Kushtetutës së Shqipërisë, ku flitet për vepra penale të korrupsionit e krimit të organizuar, si dhe akuzat penale kundër Presidentit të Republikës, kreut të kuvendit, ministrave, deputetëve dhe zyrtarëve të lartë.

Kjo dispozitë kushtetuese përcakton njëkohësisht edhe kompetencën e veprave që do të hetohen nga Prokuroria e Posaçme Kundër Korrupsionit dhe Krimit të Organizuar, SPAK. Kjo strukturë nuk është krijuar ende për shkak të mosngritjes së institucioneve të reja të drejtësisë të diktuara nga ndryshimet kushtetueses.

Sipas marrëveshjes, mes Xhafajt dhe Markut, prokurorët që do të caktohen në seksionet e Posaçme do të kalojnë në disa filtra të verifikimit të pasurisë dhe integritetit në trajtën e një Vetingu, por që do të realizohet nga Prokuroria e Përgjitjshme.

Detyrimet e Ministrisë së Brendshme në këtë marrëveshje janë sigurimi i logjistikës, mjeteve dhe jetës së prokurorëve të këtyre seksioneve apo familjarëve të tyre./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono