arsim

Veliaj-dhe-Rama-1280x685.jpg
Sej rie13:50 | 11/04/2019

Konviktet e studentëve në të gjithë vendin do të jenë gati deri në fund të mandatit qeverisës. Premtimin e bëri kryeministri Edi Rama gjatë inspektimit të punimeve të godinave të qytetit studenti. Në shoqërinë e kryebashkiakut të Tiranës Erion Velaj, kreu i qeverisë tha se pas qershorit do të nisë puna për ndërtimin e Kampusit Universitar.

Nuk dyshon se do të drejtojë Tiranën edhe në një mandate të dytë. Të paktën kështu shprehet përpara studenteve të Qytetit Student Kryeministri Edi Rama ndërsa u flet për projektet.

Rama: Deri në fund të këtij mandati të gjithë konviktet e Shqipërisë do të jenë ndërtuar me këtë standard. Me fillimin e mandatit të ri të bashkisë së Tiranës do të ecim me punën për kampusin, investim goxha i madh, por do të bëhet, ashtu sikur do të fillojmë në fund të këtij viti investimet për laboratorët

Së bashku me kryetarin e bashkisë së Tiranës inspektuan godinat 28/29 ku kanë përfunduar punimet e rindërtimit në ambientet e përbashkëta.

Puna ka përfunduar në 3 godina dhe vazhdon intensivisht në 11 godina të tjera. Risjell në vëmendje abuzimet që janë bërë sipas kryeministrit nga qeveria e Partisë Demokratike për kthimin e pronave dhe privatizimin e disa godinave në këtë zonë.

Rama: Kemi problem rimarrjen e hapësirave, pasi një pjesë janë të abuzuara nga kohët e mëparshme me kthimin e pronave që nuk duhet të kishin ndodhur dhe janë bërë në shkelje ligjeve. Në mjediset shkollore edhe ligji e ndalonte kthimin e pronës. Janë bërë abuzime të mëdha me godinat, që i takojnë Qytet Studentit dhe janë privatizuar. Gjë që lidhet me funksionim e të gjithë projektit. Po përgatisim inventarin. Projekti i ndërtimit të hapësirave të reja, rekreative, apo akademike është duke u zhvilluar.

Fjalën e tij kryebashkiaku i Tiranës e përqendroi në ndërtimin e shkollës së re në Kodër Kamëz.

Veliaj: Situata te Bujqësori është nga problematikat për nga zhvillimi. Është mes Kamzës dhe Tiranës. Ne kemi marrë një cep të asaj fushës për të bërë shkollën. Nëse e duan me mur apo ndarje në vete jemi gati ta bëjmë. Por ai komunitet prej vitesh lëngonte për një shkollë. Toka i është shpronësuar privatit. Kjo është politike. Autorët e planit të vjetër vetë kanë firmosur që aty të kishte pallate.

Rehabilitimit i janë nënshtruar edhe godinat e Universitetit Bujqësor. Kanë përfunduar 3 dhe pritet nisë puna edhe  5 të tjera njoftoi kryebashkaiku Veliaj.

Veliaj: Kjo na ndihmon pastaj të kalojmë te pjesa e konvikteve në Universitetin Bujqësor, nëse këtu situata ju duket keq, aty është edhe më keq. Konviktet aty janë të zaptuara. Ndërkohë po punohet për lirimin e tyre. Bashkia po jep banesa sociale për ata që i kanë zënë për 30 vite.

Rama: Kjo moda që është në krijim e sipër, por ne nuk do ta lejojmë, që unë nuk jam dakord dhe hidhem përpjetë dhe unë i bllokoj, i godas dhe përplas është barbari, jo qytetari. Kjo nuk ka nevojë për kërcënime, bojkot apo bllokim, gjërat diskutohen.

Javën tjetër kryeministri do të ketë në tavolinë e qeverisë vendimin për kartën e studentit. Sipas kryetarit të bashkisë së Tiranës këshilli bashkiak i ka aprovuar 40 shërbime publike ndër të cilat kinema, teatër, aboneja e studentit. Ndërkohë që pritet të futen edhe shërbime private./abcnews.al

7965F5D4-0F37-4580-ACA4-13A5D300E8C4_w1023_r1_s.jpg
G. P.23:15 | 14/01/2019

Arsimi në Kosovë është përfshirë nga një grevë e përgjithshme. Punonjësit e këtij sektori kanë paralajmëruar qeverinë se do të ndërpresin mësimin deri në plotësimin e kërkesës së tyre për rritjen e pagave.

Institucionet arsimore në Kosovë, nga çderdhet tek universitetet, kanë nisur të hënën një grevë të përgjithshme. Greva nisi në orën 9 të mëngjesit dhe vijoi deri në mesditë, orar që do të respektohet edhe në ditët në vazhdim.

Kryetari i Sindikatës së arsimit, shkencës dhe kulturës, Rrahman Jasharaj deklaroi se nuk do të heqin dorë nga greva deri në plotësimin e kërkesës për rritjen e rrogës së arsimtarëve me të paktën 30 për qind.

Jasharaj u shpreh i vetëdijshëm se një nismë e tillë mund të jetë e dëmshme për nxënësit, por në kushtet aktuale punonjësit e sektorit të arsimit nuk kanë rrugë tjetër. Ai theksoi se prej muajsh e ka ngritur shqetësimin në takimet me kryeministrin Haradinaj dhe ministrin e Arsimit, Shyqyri Bytyçi, por ato kanë rënë në vesh të shurdhët.

Sidoqoftë, Jasharaj u shpreh i gatshëm të takohet me përfaqësuesit e komisionit parlamentar të arsimit, në rast se një gjë e tillë do të kërkohet. Duke reaguar ndaj lëvizjes së arsimtarëve, lëvizja Vetëvendosje ka akuzuar qeverinë për keqmenaxhim të arsimit, duke detyruar mësuesit të hyjnë në grevë.

 “Është detyrë e kësaj qeverie që së bashku me sindikatën të gjejnë një zgjidhje të arsyeshme që mësimi të fillojë”, deklaroi deputeti Ismail Kurteshi.

Ndërsa zëvendës kryeministri Fatmir Limaj, pasi priti në një takim përfaqësuesit e sindikatës, deklaroi se mësimdhënësit duhet të trajtohen me dinjitet. Limaj tha se i mirëkupton kërkesat e tyre, por bëri thirrje që greva të ndërpritet./abcnews.al

RRITJA-E-PAGAVE-PER-VITIN-2019.mpg_snapshot_00.47-1280x720.jpg
ent ela17:18 | 06/01/2019

Këtë vit rriten pagat për 65 mijë punonjës të administratës shtetërore. Rritja do te jete nga 5 deri në 20 përqind, sipas sektorëve të përcaktuar nga vendimi i këshillit të ministrave.

Paga më të larta do të marrin gjatë këtij viti 65 mijë të punësuar. Vendimi i qeverisë ka parashikuar disa nga kategoritë që do jenë përfitues. Duke filluar nga 3 mujori i dytë i këtij viti paga do të rritet 10 % në sistemin e shëndetësisë.Në arsim rritja është vendosur të jetë 7%.

Sipas kategorive janë edhe ushtarakët që do të përfitojnë rritje page nga 5% deri në 7%.

Ndryshime pagash do të ketë edhe për punonjësit në sistemin penitenciar. Për herë të parë përfitojnë edhe diplomatët, paga e të cilëve do të rritet 20%.Të gjitha këto ndryshime janë bërë publike më herët edhe nga Ministri i Financave Arben Ahmetaj.

Prej një janarit të këtij viti ka ndryshuar edhe paga minimale. Në shkallë vendi do të jetë 26 mijë lekë nga 24 mijë lekë, që ishte më parë.

Me hyrjen në fuqi të Paketës Fiskale 2019, zgjerohet edhe kufiri i pagës që do të taksohet me 23%, nga 13 mijë lekë të rinj në 15 mijë lekë të rinj. /abcnews.al

edmond-cata.jpg
G. P.21:07 | 18/12/2018

Vettingu i pedagogëve është një nga kërkesat e studentëve, të cilët protestojnë për plotësimin e tyre prej dy javësh. Pikërisht për këtë çështje, pedagogu Edmond Çata në emisionin “Provokacija” paraqiti platformën e tij se si duhet arritur. Sipas tij ka dy hapa. I pari është Vettingu akademik dhe së dyti riformatimi i arsimit të lartë.

“Kam një platformë. Është i mundur. Duhen bërë dy gjëra sipas meje që janë të lidhura ngushtë me njëra tjetrën. Vettingu akademik është hapi i parë. Esenca e Vettingut akademik do jetë spastrimi i sistemit, siç do bëhet në sistemin e drejtësisë. Hapi i dytë. Riformatimi i të gjithë politikave të arsimit të lartë. Si do bëhet kjo? Zoti kryeministër nuk e bën dot vetë. Nuk e bën dot as me ministren aktuale të Arsimit. Atëherë hiqi, arsimin e lartë, universitetet, kërkimin shkencor. Ose krijo një portofol të ri. Ministër të ri pa portofol dhe një këshill kombëtar ku të gjithë personat që do jenë aty të mos jenë as nga universitetet shqiptare sepse janë pjesë e problemit. Të mos jenë as nga Ministria e Arsimit, as nga qeveria. Pra të jenë shqiptarë që kanë mbaruar jashtë edhe të huaj”, u shpreh Çata.

Më tej, Çata shtoi se qeveria ka një rol shumë të rëndësishëm në këtë proces. Duke qenë se ka buxhetin në dorë mund të punësojë ekspertë të huaj dhe shqiptarë që kanë studiuar jashtë vendit, të cilët mund të vihen në krye të një institucioni të rithemeluar.

“Kam menduar edhe ku do gjenden njerëzit. Ke gjithë ata shqiptarë të shkolluar jashtë. Qeveria shqiptare mund të luajë një rol shumë të madh për arsimin e lartë, jo ashtu siç e ka bërë tani. Qeveria ka buxhet. Ka para në dorë. Të punësojë ekspertë të huaj, shqiptarë që kanë mbaruar në universitetet perëndimore dhe që ka me tonelata. Ka një listë të tërë kur i akrediton diplomat. Dhe këta mund të vihen në krye të një institucioni të rithemeluar. Këtu Rama do duhet të ndryshojë tërësisht qëndrimin dhe politikat që ka bërë. Për mua politikat e Ramës në arsimin e lartë janë të dështuara sepse i futi në një thes universitetet publike dhe private”, u shpreh ai./abcnews.al

edi-rama-1.jpg
G. P.14:24 | 10/12/2018

Kryeministri Rama përsëriti ftesën për dialog me studentët protestues. Gjatë një komunikimi live në Facebook, shefi i qeverisë bëri të qartë se vetëm duke diskutuar mund të zgjidhen problemet e universiteteve dhe kërkesat e studentëve. Rama deklaroi se është i gatshëm që buxheti i shtetit të subvencionojë 100% studimet për kategori të caktuara studentësh. Kryeministri u bëri thirrje protestuesve të mos lejojnë të përdoren nga opozita.

Ndryshe nga 4 vjet më parë, kur protestës së studentëve i dilte përballë. Në orën 11:00 të së hënës, teksa protesta vijonte në ditën e saj të 6-të, Kryeministri doli t’i tërheqë vëmendjen studentëve virtualisht.

“Nuk kam kërkuar negociata, por dialog. Protesta organizohet për t’u dëgjuar! Dhe qeveritë i dëgjojnë apo si dëgjonë, por kur qeveria ju thotë hajdeni të flasim, nuk kam dëgjuar rast në histori që të thonë: Jo nuk duam të flasim”.

Në atë që paralajmëroi të ishte dialog për Universitetin, por mori formën e një monologu që zgjati mbi 90 minuta, Kryeministri përgjigjet ia dha pyetjeve që zgjodhi vetë.

“Quhet autonomi universitare. Tarifat nuk i vendosim ne, qeveria vendos një tavan. Ato tarifa që u ngritën në 2014 janë vetëm për shkak të tavanit që ka vënë qeveria, ndryshe do kishin shkuar kacafiu. Ne jemi gati që të investojmë nga taksat për të mëbshtetur studentët në pagesëne tarifave”.

Disa propozime i dha aty për aty.

“Po pse t’ia ulim ne tarifën 50% studentëve me 9 e 10, ia heqim fare, ia paguajmë ne të gjitha. Pse mos t’ia heqim fare atyre që vijnë me ndihmë ekonomike. Po pse vetëm tarifat e shkollave, po të konvikteve? Do t’i shkarkojmë të gjithë përfaqësuesit e qeverisë në bordin e administrimit një nga të emëruarit e qeverisë do jetë një nga ju, ju vetëm sillni emrin, vendosni mekanizimin. Kam një propozim një mijë vende pune për studentët me 9 e 10 dhe është investim real, ëhstë te fakulteti i ndërtimit, shkon 56 milionë në total. Ne studentëve të shkëlqyer do t’i japim bursë, po si t’ia japim ne këtu ju atje”.

Pas leksionit mbi demokracinë.

“PD thotë se qëllimi i protestave Demokratike është të shtrohet një problem për zgjidhje me qeverinë e zgjedhur demokratikisht. Kjo është eksperienca”.

Dhe atij për jetën.

“Kjo nuk është çështje vlerash financiare por vlerash universitare”.

Kryeministri iu kthye strehës së preferuar, ironisë.

“Kur do bëhet vetingu? Ju nuk keni ngritur njëherë zërin kur ju kanë poshtëruar o merr librin tim, o nuk merr notën. Jo unë nuk bëj asgjë për ju, ose hajdeni t’i bëjmë bashkë ose rrini atje”.

Vetëm në tryezën e dialogut mund të gjehen zgjidhjet për problemet e studentëve, theksoi kryeministri Rama, jo duke bërtitur me megafon.

“Qofte tek daja qeveria nuk ka”. /abcnews.al

 

 

INVESTIMET-NE-SHENDETESI-DHE-ARSIM.mpg_snapshot_01.25-1280x720.jpg
G. P.16:28 | 23/11/2018

Investimet në shëndetësi dhe arsim ishin temë e diskutimit mes ministrave të fushës dhe deputetëve në komisionin parlamentar të ekonomisë dhe financave. Ndonëse në mbledhje ishte e pranishme ministrja Lindita Nikolla përgjigjen studentëve dhe pedagogëve ia dha kryetari i komisionit Erion Braçe.

Studentëve dhe pedagogëve që protestuan para kryeministrisë për ulje të tarifave të studimit dhe rritje të buxhetit për arsimin përgjigjen ia dha kryetari i Komsionit Parlamentar të Ekonomisë dhe Financave, Erion Braçe.

Erion Braçe, kryetari i Komisionit Parlamentar të Ekonomisë: “Më bën shumë përshtypje buxheti i shtetit, është 1.6 miliardë lektë, 120 milionë dollarë. Për të gjithë ata që janë në këtë arsim, pedagogë, ndihmës pedagogë, por mbi të gjitha për ata që dalin në rrugë se e gjitha kjo është 25 milionë dollarë më shumë se i gjithë buxheti i Ministrisë së Bujqësisë.”

Protestuesve Braçe iu sugjeroi të ndryshojnë sheshin e protestës.

“Unë e kuptoj që protesta merr më shumë zë politikisht këtu përpara këtij sheshi ku jemi ne, por kam përshtypjen se efektivisht këto protesta duhet të jenë atje ku janë të destinuara këto para. Kërkoni llogari deri në qindarkën e fundit, ku shkojnë 81 milionë dollarë që janë para që dalin nga buxheti i shtetit. 126 milionë dollarë që bëhen bashkë me tarifat e tyre.”

Ndërsa ministrja e Arsimit e thirrur në Komisionin Parlamentar për të detajuar buxhetin e parashikuar për vitin që vjen zgjodhi ti përgjigjej opozitës, ndonëse deputetët e saj nuk ishin të pranishëm në mbledhje. Lindita Nikolla u ndal tek mbyllja e klasave kolektive.

Lindita Nikolla, ministre e Arsimit: “Janë mbyllur në të gjithë vendin rreth 325 klasa kolektive. Ne realizuam premtimin që anjë mësues nuk do të dilte jashtë sistemit për shkak të mbylljes së klasave kolektive dhe orientimit të nxënësve me trensport falas drejt shkollave ku qendërzoheshin. Pra janë 800 milionë lekë që do të mundësojnë transportin e 35 mijë nxënësve dhe 12 mijë mësuesve.”

Ndërsa më herët ministrja e Shëndetësisë Ogerta Manastiliu, iu tregoi deputetëve se për ti ndryshuar pamjen spitaleve dhe qendrave shëndetësore vitin që vjen do të investohen 3.1 miliardë lekë.

Ogerta Manastirliu, ministre e Shëndetësisë dhe Mbrojtjes Sociale: “Me buxhetin e vitit 2019 ne përfundojmë ndërtimin e spitalit kirurgjikal të QSUT, me një vlerë prej 8.5 euro, gjithashtu vijon investimi për spitalin e ri të sëmundjeve të brendshme. 100 qendra të reja shëndetësore për vitin 2019 të cilat do të financohen nga ky buxhet, patjetër që do të përmirësojnë shërbimet për qytetarët edhe në ato zona ku shërbimi shëndetësor apo qendrat shëndetësore janë jo në gjendje të mirë infrastrukturore.”

Buxheti i vitit që vjen, sipas ministres së Shëndetësisë, mbulon më shumë se 85 % të nevojave që ka vendi nga rreth 40 % që financoheshin me para publike për shëndetësinë 5 vjet më parë./abcnews.al

edi-raamaa.png
G. P.18:05 | 05/11/2018

Arsimi sipas kryeministrit Edi Rama ka hyrë në rrugën e duhur. Përpara gjimazistëve të “Sami Frashërit” në Tiranë, Rama tregoi reformat e ndërmarra nga qeveria e tij.

Kryeministri Rama thotë se qeveria e tij ka bërë për arsimin atë që s’mund të imagjinohej të bëhej n këtë vend.

“Ti japim meritës rrugën drejt universiteteve. Nëse kjo nuk do ishte e vërtetë do kishim hyrje në unveritet me ankesa, denoncime dhe përgënjeshtrime”.

Përpara gjimazistëve të “Sami Frashërit” në Tiranë shefi i qeverisë bëri një përmbledhje të reformave të ndërmara në arsim. Rama veçoi largimin nga shkolla të pesë mijë mësuesve pa arsimin përkatës.

Gjuhës shqipe, kryeministri tha se i ka dhënë vendin që i takon. Tregoi për nxjerrjen nga qarkullimi të teksteve shkollore me gabime e projektin e tre lëndëve në gjashtë orë. Kryeministri kishte ende për të thënë, por një e lehur qeni e detyroi të mbarojë./abcnews.al

LINDITA-NIKOLLI-DURRES_ABC-M2-T1.mpg_snapshot_00.23-1280x715.jpg
G. P.18:34 | 29/10/2018

Ministja e Arsimit, Lindita Nikolli, tha se ka një interes të maturantëve për të ndjekur programet dy-vjeçare. Ajo mori pjesë në inagurimin e ndërtesës së re të Kampusit të Universitetit Aleksandër Moisiu.

 

Në 70 programe studimi dy-vjeçare të hapura në të gjithë vendin janë regjistruar 1665 studente. Ndërkohë interesimi vazhdon të jetë i lartë nga ana e maturantëve, tha Ministrja e Arsimit, Lindita Nikolli, gjatë inaugurimit të ndërtesës së re në kampusin e universititetit Aleksandër Moisiu.

Lindita Nikolla ministre e Arsimit: “Është një lajm shmë i mirë që në këto programe Universiteti i Durrësit nk ka asnjë kuotë të lirë.pra kemi një rritje të numrit të studentëve në rogramet 2 vjeçare, që do të thotë një mendësi e re për ta kuptivuar tek të rinjtë dhe të rejat.”

Nota më e ulët mesatare e studentëve që ndjekin studimet në programet dyvjeçare është nota 6. Kurse 68 përqind e studentëve në total ndjekin universitetet publike. Në universitetin e Durrësit ata kanë mundësi të ndjekin studimet ne degët navigacion, TIK, teknologji automobilash, ndërtim, elektrike dhe hidroteknik. Aktualisht në këto degë në vitin e parë nuk ka asnjë kuotë të lirë./abcnews.al

ELBASAN-ARSIMI-1280x720.jpg
G. P.19:27 | 13/06/2018

Nën kujdesin e Rektorit të Universiteti i Elbasanit “Aleksandër Xhuvani”, profesor dr. Skënder Topi, në bashkëpunim me Universitetin e Barit “Aldo Moro” dhe Universitetin e Foggia Itali, ne Elbasan u organizua  Simpoziumi me temë “Vlerësimi dhe misioni i universiteteve në perspektivën europiane”. Qëllimi i këtij simpoziumi ishte krahasimi i sistemeve të  vlerësimit dhe akreditimit të universiteteve në kontekste të ndryshme kulturore dhe shkencore.

Universiteti i Elbasanit kthehet në promotor ndryshimesh dhe ngjarje e rëndësishme për Arsimin e Lartë në Shqipëri. Rektori i Universitetit të Elbasanit prof. dr. Skënder Topi  tha se  “Ëndërra jonë- është integrimi europian, por që të arrijmë atje, duhet të përgatitemi shpirtërisht dhe moralisht në të gjitha fushat”.

“Element i rëndësishëm është se një grup profesorësh të Universitetit të Barit shpalosin në këtë simpozium gjithë eksperiencën e tyre shumë vjeçare në raport me ndryshimet që po pëson Arsimi i Lartë në Shqipëri vitet e fundit. Ky takim le të na shërbejë si një ogur i mirë për të parë veten se ku ndodhemi në raport me Europën”.

Në takim ishte edhe zv/ministri Arsimit, Ervin Demo, i cili tha se institucionet e Arsimit të Lartë janë duke u organizuar në dy shtylla kryesore, në organizimin akademik dhe atë administrativ, të cilat përmbyllen brenda vitit 2018.

Në këtë simpozium e morën fjalë profesorë të njohur të universiteteve italiane, profesorë dhe administratorë të universiteteve shqiptare të cilët këmbyen eksperiencat për një përqasje evropiane të Arsimit të Lartë në Shqipëri.

Qëllimi i këtij simpoziumi ishte krahasimi i sistemeve të  vlerësimit dhe akreditimit të universiteteve në kontekste të ndryshme kulturore dhe shkencore. Ky simpozium iu referua harmonizimit të sistemeve universitare në perspektivën e një kuadri evropian për arsimin universitar, sipas procesit të Bolonjës./abcnews.al

lindita-nikolla-ne-fier.jpg
G. P.15:45 | 30/05/2018

Asnjë shqetësim nuk duhet të kenë nxënësit për provimet e Maturës Shtetërore për shkak të vendit ku do të zhvillohen provimet. Këtë sqarim, ministrja e Arsimit, Lindita Nikolla, e bëri për të gjitha maturantët nga fshati Strum i Fierit gjatë takimit për turin e Llogaridhënies. Ministrja e Arsimit siguroi maturantët se testimi në ambiente të mëdha nuk është diskriminim, por më shumë siguri për të vlerësuar ata që dinë dhe të marrin atë çfarë meritojnë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono