arsenal

Arsenal-3.jpg
Veronik Istrefaj21:31 | 27/01/2020

Skuadra e Arsenalit ka dyfishuar rezultatin përballë Bournemouth, sfidë e vlefshme për raundin e katërt të FA Cup dhe që po luhet në “Vitality Stadium”. Pas golit të Bukayo Saka që në minutën e pestë, ka shënuar një tjetër talent i Akademisë, Eddie Nketiah.

Është Willock sërish ai që rregullon gjithçka në mesfushë, me talentin që pason te Saka në të majtë. Ky i fundit kroson në qendër dhe Nketiah me portën gjysmë të boshatisur, nuk e ka të vështirë të shënojë./abcnews.al

FA Cup, raundi 4

Bournemouth – Arsenal  0-2
Saka 5′, Nketiah 25′

Saka.jpg
Veronik Istrefaj21:07 | 27/01/2020

Talenti i Arsenalit, Bukayo Saka, ka shënuar supergol në takimin e FA Cup kundër Bournemouth në transfertë. Në minutën e pestë të takimit, Arsenali krijon një aksion të shkëlqyer dhe Joe Ëillock ndërton gjithçka.

Mesfushori pason te Martinelli, i cili shërben për Sakan në një pozicion të vështirë. Talenti 18 vjeçar gjuan fort me të majtën nga një kënd thuajse i pamundur dhe pasi topi përplaset në traversë, ndalet në rrjetë. Arsenali në avantazh./abcnews.al

FA Cup, raundi 4

Bournemouth – Arsenal  0-1
Saka 5′

Ronaldinho.jpg
Igli Nikolli09:13 | 27/01/2020

Gabriel Matinelli është surpriza më e bukur e Arsenalit për këtë sezon. 18-vjeçari italo-brazilian po paraqitet mirë dhe po shënon gola. Deri tani ia ka dalë të realizojë 10 gola dhe Ronaldinho nuk i kursen elozhet për të.

Në një prononcim për The Mirror, legjenda braziliane e krahason djaloshin e artë të Arsenalit me Ronaldon dhe shpreson që ai të ndjekë rrugën e fenomenit duke u bërë lojtari më i mirë në botë.

Ne brazilianët jemi shumë të lumtur për Martinellin dhe të ardhmen e tij. Të kesh talent është një gjë, por të kesh besimin që ka ai te vetja në moshën 18-vjeçare është diçka tjetër. Më kujton Ronaldo fenomenin. Në sezonin e tij të parë në Europë shënoi 30 gola dhe njerëzit pyesnin: ‘Kush është ky brazilian 18-vjeçar?’

I pëlqente të luante me topin dhe të nisej drejt portës kundërshtare pa frikë prej kujt i dilte përballë. Shoh të njëjtat cilësi te Martinelli. Gabriel dëshiron të ketë topin dhe të shënojë gola. Ronaldo u bë futbollisti më i mirë në botë, mendoj se ky është edhe objektivi i Martinellit“, deklaron Ronaldinho. /abcnews.al

 

Gabriel Martinelli
stepanovs-1280x674.jpg
Vladimir Prenga13:47 | 26/01/2020

Quajeni mbreti i dështimeve në merkato. E pësoi Arsenali, klubi që në vitin 2000 transferoi mbrojtësin letonez, Igors Stepanovs. Madje me një trajner si mjeshtri Arsene Wenger. Një i panjohur firmosi për ta. I panjohur në Angli dhe më gjerë, pasi në futbollin modest në Letoni kishte fituar gjashtë tituj radhazi me Skonto Rigën. Luante edhe me kombëtaren e tij, por për t’u aktivizuar në Premier duhet shumë më shumë se kaq. Gjithsesi ai ia doli të firmoste për katër vite me Arsenalin.

Por si ia doli? E ndihmuan lojtarët e Arsenal, në tentativë për të ngacmuar Martin Keown. Ky i fundit, së bashku me Tony Adams, ishin në fund karriere dhe duhej një alternativë. Stepanovs shkoi në provë dhe Keown nuk ndihej mirë kur shikonte se dikush i rrezikonte vendin. Gjithçka rrëfehet nga Ray Parlour në autobiografinë e vet.

 

Autobiografia e Ray Parlour

Ai zbulon se Keown e shikonte shtrembër mbrojtësin letonez dhe kjo u kuptua edhe nga shokët e skuadrës. Vetë Parlur, Denis Bergkamp dhe disa prej lojtarëve të tjerë, i punuan një rreng shokut të tyre. Gjatë seancave stërvitore kishte lavde të shumta. “Goditja fantastike”, thoshte Bergkamp, i cili pranë kishte trajnerin Wenger. “Sparkatë e pabesueshme”, ia pasonte Parlour. Edhe pse paraqitjet e Stepanovs ishin nën nivel, lojtarët e Arsenalit ndikuan që ai të firmoste.

Keown, i cili shpërthente gjatë seancave kur gabonte letonezi, ishte mposhtur nga shokët e tij. Nuk munguan as shakatë një natë kur lojtarët u mblodhën për birra, kurse të nesërmen do t’u dilte gjumi direkt kur parë Stepanovs që ishte i pari në fushën stërvitore. Pyeta e Parlour, “po ti çfarë dreqin bën këtu”, mori një përgjigje që i la të gjithë gojëhapur: “Më kanë blerë, firmosa për katër vite”.

 

Plot 1.35 milionë sterlina, për një lojtar që u ble vetëm për elozheve të Denis Bergkamp dhe lojtarëve të tjerë. Arsene Wenger as që ia kishte hedhur sytë mbrojtësit, i cili qëndroi në Londër për tre vite. Vetëm 17 ndeshje për të, titullar në një humbje 6-1 ndaj Manchester United, për shkak të mungesa të shumta.

Dwight Yorke, sulmuesi i “Djajve të Kuq” bënte edhe shaka në pushim. “Parlour, po atë mbrojtësin nga e keni gjetur”. “Lërë fare, histori e gjatë”, ishte përgjigja, ndërkohë që Parlur nuk e kishte parë kurrë aq të tërbuar Wenger. I vinte për të qeshur, por nuk mund ta bënte dot… Me siguri në Londër askush nuk e mban mend Stepanovksin, që pjesën tjetër të karrierës e kaloi në klube të dorës së dytë. /abcnews.al

 

Stepanovs në ndeshjen ndaj Manchester United
Ceballos.jpg
Igli Nikolli21:54 | 24/01/2020

Ditën e djeshme qarkulluan zëra që Dani Ceballos kërkon largimin nga Arsenal. Spanjolli po has vështirësi tek ekipi londinez, teksa Mikel Arteta, i cili nuk po e aktivizon si titullar, ka folur rreth situatës së tij.

Trajneri i “Topçinjve” nuk i kursen kritikat për 23-vjeçarin. Mesfushori ofensiv është në pronësi të Real Madrid dhe verën e kaluar u transferua tek Arsenal, por deri tani ka zhvilluar 17 ndeshje dhe ka shënuar vetëm një gol.

Kam biseduar me Ceballos. Kur erdha këtu ai po merrte veten nga dëmtimi i pësuar. Nuk e kam parë shumë, është stërvitur vetëm  një javë ose rreth 10 ditë me ne. Kam dëgjuar zëra, por nuk dua t’i komentoj. Dani duhet të rikthehet në formë dhe të luftojë për hapësirat e tij“, thekson Arteta. /abcnews.al

Cazorla.jpg
Veronik Istrefaj08:44 | 24/01/2020

Santi Cazorla është një ndër futbollistët më të dashur në botën e futbollit. Fantazisti spanjoll ka bërë një karrierë të shkëlqyer dhe kur pësoi atë dëmtim të frikshëm në thembrën e Akilit, shumë menduan se nuk do të luante më futboll.

Madje, mjekët i thanë se do të ishte me fat nëse do të ecte sërish. Megjithatë, spanjolli u rikthye më i fortë se kurrë dhe po i befason të gjithë me fanellën e Villareal, duke bërë ndeshje të shkëlqyera. Cazorla ka folur për mediet spanjolle, duke thënë se ka vetëm një peng në karrierën e tij: Fakti që nuk është larguar në mënyrën e duhur nga Arsenali.

“Nuk e di nëse është e mundur apo jo, por dua të luaj edhe një ndeshje të fundit për Arsenalin para se të tërhiqem nga futbolli. Kam një peng të madh se nuk u largova në mënyrën e duhur. Arsenali është skuadra më e madhe me të cilën kam luajtur në karrierën time dhe jam shumë krenar. Thjesht do të doja një ndeshje të fundit dhe një mundësi për t’u larguar në mënyrën e duhur”, tha mes të tjerash Cazorla./abcnews.al

Martinelli.jpg
Igli Nikolli19:59 | 23/01/2020

Arsenal po zhvillon një sezon larg pritshmërive të tifozëve dhe problemet në ekip janë të shumta. Një ndër gjërat e pakta të bukura të “Topçinjve” është Gabriel Martinelli. Sulmuesi italo-brazilian është surpriza më e bukur e këtij sezoni dhe 18-vjeçari ka shënuar 10 gola deri tani.

Paraqitjet pozitive kanë tërhequr vëmendjen e klubeve të mëdha europiane, mbi të gjitha atë të Real Madrid. Arsenal nuk ka ndërmend të humbasë shërbimet e tij dhe ka gati planin për ta “blinduar”. Daily Mail raporton se drejtuesit e klubit londinez do të refuzojnë çdo ofertë në drejtim të lojtarit të talentuar.

Jo vetëm kaq, Arsenali po përgatit një ofertë fantastike për 18-vjeçarin. Martinelli përfiton aktualisht 1.2 milion euro në sezon, ndërsa kontrata e re (aktualja i përfundon në verën e vitit 2024) do ia trefishojë rrogën vjetore. /abcnews.al

suarez.png
Klejdi Kaimi14:26 | 23/01/2020

Barcelona më në fund duket se e ka gjetur zëvendësuesin për të dëmtuarin, Luis Suarez. Bëhet fjalë për sulmuesin e Arsenalit, Pierre-Emerick Aubameyang, i cili ka dhënë dritën jeshile për transferimin në Katalonjë.

Sipas raportimit nga “Mundo Deportivo”, katalanasit kërkojnë ta huazojnë lojtarin nga Gaboni deri në fundin e sezonit. Nga ana tjetër klubi londinez e ka futur në presion Aubameyangun, duke i kërkuar të vendosë për të ardhmen pasi kontrata e tij përfundon sezonin tjetër.

Arsenal nuk është hera e parë që po humbet një lojtar të rëndësishme nga Barcelona. Marc Overmars dhe Emmanuel Petiti ishin të parët. Thierry Henry ndoqi po të njëjtën rrugë disa vite më vonë. Pastaj ishte radha e Cesc Fabregas. Gjithashtu edhe Alex Hleb, Thomas Vermaelen dhe Alex Song kanë braktisur “Topçinjtë” për Barçën. Dhe mesa duket lojtari i radhës do të jetë kapiteni i saj, Aumabmeyang. /abcnews.al

 

Pierre-Emerick Aubameyang
martinelli-arsenal-chelsea.jpg
Veronik Istrefaj23:15 | 21/01/2020

Është mbyllur takimi derbi mes Chelsea dhe Arsenalit, me rezultatin e barabartë 2-2. Ishin Blutë e Londrës ata që kaluan të parët në avantazh, me anë të një penalltie nga Jorginho. Ishte David Luiz ai që pengoi Abraham dhe u ndëshkua me karton të kuq.

Edhe pse me 10 futbollistë, Arsenali arriti të qëndrojë në lojë dhe në pjesën e dytë, barazoi me anë të një supergoli nga Gabriel Martinelli. 18 vjeçari e mori topin nga zona e tij dhe pasi i dribloi të gjithë, arriti të shënojë.

Chelsea u shokua, por arriti të reagojë. Ishte kapiteni Azpilicueta ai që shënoi në 84-ën dhe u duk se Chelsea e siguroi fitoren, por kapiteni i Arsenalit, Hector Bellerin, i kundërpërgjigjet tre minuta më vonë dhe vendos rezultatin final, 2-2.

Mustafi-1280x737.jpg
Veronik Istrefaj21:51 | 21/01/2020

Chelsea ka shënuar golin e parë në derbin e Londrës kundër Arsenalit, që po luhet në “Stamford Bridge”. Ishte Shkodran Mustafi ai që bëri një gabim të pafalshëm, në minutën e 26 të sfidës.

Mbrojtësi me origjinë shqiptare nuk arrin të pasojë në mënyrë të saktë drejt portierit Leno dhe Abraham përfiton, duke dalë i vetëm me portën e boshatisur.

David Luiz sakrifikon dhe bën një ndërhyrje ndaj Abraham: Penallti dhe karton i kuq. Jorginho merr përsipër ekzekutimin e penalltisë dhe shënon, duke kaluar Chelsean në avantazh./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono