arrestohet

termeti-solidaritet-1280x853.jpeg
nev ila11:15 | 15/01/2020

Policia e Tiranës ka vijuar operacionin e nisur një ditë më parë për abuzimet në ndërtime dhe sot është arrestuar dhe një biznesmen tjetër.

ABC News ka mësuar se sot është bërë i mundur arrestimi i Fejzo Dyrmishit, biznesmenit të ndërtimit, duke e çuar në 28 numrin e të arrestuarve.

Ditën e djeshme Policia e Tiranës ka arrestuar zyrtarë, ish-zyrtarë dhe ndërtues të pallateve të dëmtuara nga tërmeti i 26 Nëntorit në Vorë, Kashar dhe Farkë.

Dje u bë me dije se ndalimet ishin bërë nga policia gjatë një aksioni policor.

Prokuroria e Tiranës lëshoi 38 urdhër arreste për zyrtarë dhe ndërtues të pallateve të dëmtuara nga tërmeti i 26 nëntorit. Mes të ndaluarve janë edhe ish-kryekomunarët e Farkës, Fatbardh Plaku dhe ai i Kasharit, Besnik Fuçia./abcnews.al

ok-arrestimi.mp4_snapshot_00.17-1280x720.jpg
Autor E11:23 | 14/01/2020

Policia e Tiranës ka arrestuar gjatë 24 orëve të fundit pesë qytetarë, të cilët akuzohen për vepra të ndryshme penale, siç janë dhuna në familja apo vjedhja.

Një ndër rastet më specifike është ajo e dhunës në familje, ku djali ka dhunuar babain duke i kërkuar para. Kur ka parë që i ati nuk ia plotësoi dëshirën, 33 vjeçari e ka kërcënuar atë me jetë duke vijuar ushtrimin e dhunës.

Ndërkohë, një 32 vjeçar u arrestua për shkak se ushtroi dhunë ndaj kunatës së tij.

Njoftimi i policisë

Tiranë

Vijon puna nga strukturat e Drejtorisë Vendore të Policisë Tiranë, për parandalimin, evidentimin dhe goditjen e paligjshmërisë.

Gjatë 24 orëve të fundit, janë vënë në pranga 5 shtetas, për vepra të ndryshme penale.

-Nga specialistët për hetimin e krimit në Komisariatin e Policisë Nr. 2 u ndalua për veprën penale “Dhuna në familje”, shtetasi R. Ç., 32 vjeç, banues në Tiranë, pasi në banesën e tij ka kanosur me jetë babain e tij, si dhe i ka kërkuar para duke ushtruar dhunë psikologjike.

-Gjithashtu, nga specialistët për hetimin e krimit në Komisariatin e Policisë Nr. 2 u ndalua për veprën penale “Vjedhja”, shtetasi F. K., 49 vjeç, banues në Tiranë, pasi në bazë të procedimit penal të vitit 2019 ka rezultuar si autor i dyshuar i vjedhjes së një biçiklete dhe disa pijeve alkoolike në një supermarket.

– Nga specialistët për hetimin e krimit në Komisariatin e Policisë Nr. 3 u arrestua në flagrancë, për veprën penale “Dhuna në familje”, shtetasi G. M., 31 vjeç, banues në Tiranë, pasi ka ushtruar dhunë fizike ndaj kunatës së tij.

– Nga specialistët për hetimin e krimit në Komisariatin e Policisë Nr. 4 u kap dhe u ndalua shtetasi në kërkim F. O., 20 vjeç, pasi Gjykata e Rrethit Gjyqësor Tiranë e ka dënuar me 9 muaj burg, për veprën penale “Vjedhja”.

– Nga specialistët për hetimin e krimit në Komisariatin e Policisë Nr. 5 u kap dhe u ndalua shtetasi në kërkim I. Sh., 54 vjeç, banues në Tiranë, pasi Gjykata e Rrethit Gjyqësor Tiranë e ka dënuar me 1 vit burg, për veprën penale “Dhuna në familje”.

Materialet hetimore i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

arrest-1.jpg
Autor E14:20 | 13/01/2020

Policia e Tiranës ka arrestuar dy persona, të cilët i kishin vendosur gjobë 21 mijë euro një qyetari në Tiranë. Burime zyrtare bëjnë me dije se dy autorët e krimit u kapën në vendin ku kishin lënë takimin për marrjen e parave.

Operacioni u zhvillua nga komisariati nr.2 dhe të arrestuarit janë një 37 vjeçar si edhe një 43 vjeçar, i cili kishte masën e sigurisë “arrest shtëpie”.

Pavarësisht se duhej të ishte në shtëpi dhe i ruajtur nga policia, 43 vjeçar ka gjetur mundësinë që ta shijojë lirinë duke vendosur edhe gjoba në qytet.

Ata lëviznin me një makinë me fenelina dhe sirena si të policisë.

Lexoni edhe: Gjobë 21 000 euro shokut të tyre, kush janë të arrestuarit në Tiranë

“Sekuestrohen në cilësinë e provës materiale një automjet i pajisur me fenelina e sirenë policie, 2 karta italiane të falsifikuara dhe një patentë e falsifikuar, të cilat i përdorte personi në kërkim ndërkombëtar, si dhe një sasi parash”, njofton policia.

Njoftimi i policisë
Finalizohet operacioni policor “TAKIMI”.

Operacioni nga Komisariati i Policisë Nr. 2, në bashkëpunim me Forcën e Posaçme Operacionale të Drejtorisë Vendore të Policisë Tiranë.

I vendosën gjobë 21 mijë euro një shtetasi dhe lanë vendtakim për të marrë paratë, por prangosen nga Policia.

Vihet në pranga një 43-vjeçar, me masë sigurie “Arrest shtëpie”, person i dyshuar për veprimtari kriminale në Itali si dhe një 37-vjeçar, person i shpallur në kërkim disa ditë më parë nga Komisariati i Policisë Nr. 2.

Sekuestrohen në cilësinë e provës materiale një automjet i pajisur me fenelina e sirenë policie, 2 karta italiane të falsifikuara dhe një patentë e falsifikuar, të cilat i përdorte personi në kërkim ndërkombëtar, si dhe një sasi parash.

Specialistët për hetimin e krimit në Komisariatin e Policisë Nr. 2, pas informacioneve të marra se dy shtetas i kishin vënë gjobë për dhënie parash një shtetasi dhe kishin lënë vendtakim për të marrë paratë, kanë organizuar punën dhe në bashkëpunim me Forcën e Posaçme Operacionale në DVP Tiranë, duke përdorur edhe metodat proaktive, kanë organizuar dhe finalizuar operacionin policor të koduar “TAKIMI”.

Si rezultat i operacionit, në afërsi të Fushës së Aviacionit, është bërë i mundur bllokimi i automjetit me të cilin qarkullonin dy shtetasit e dyshuar N. F. alias A. T., 37 vjeç, banues në Durrës, i shpallur në kërkim policor nga Komisariati i Policisë Nr. 2 dhe E. L. alias G. G., 43 vjeç, banues në Tiranë, i kërkuar në Itali, pasi Gjykata e Milanos ka lëshuar urdhër-arresti, për kryerjen e veprave penale “Bashkëpunim kriminal, me qëllim trafik droge”. Ndaj shtetasit G. G., i cili ishte me masë sigurie “Arrest shtëpie” kanë nisur procedurat nga drejtësia shqiptare për njësim vendimi.

Këta shtetas, në bashkëpunim me njëri tjetrin, i kishin vënë gjobë një shtetasi dhe kishin lënë vendtakimi për të marrë paratë.

Në momentin e ndalimit të mjetit nga Policia, mjet i pajisur me fenelina dhe sirenë policie, këta shtetas u kanë dhënë gjeneralitete të tjera shërbimeve të Policisë, por pasi janë shoqëruar në ambientet e Policisë dhe pas verifikimeve të kryera rezultoi se të dy këta shtetas ishin të shpallur në kërkim.

Gjatë kontrollit të ushtruar në banesën e shtetasit E. L. alias G. G., 43 vjeç, banues në Tiranë, Policia gjeti dhe sekuestroi në cilësinë e provës materiale një patentë të falsifikuar, dy karta italiane të falsifikuara, të cilat i përdorte ky shtetas për t’iu shmangur identifikimit nga Policia, si dhe një sasi parash.

Në përfundim të veprimeve u bë arrestimi në flagrancë i shtetasve:

N. F. alias A. T., 37 vjeç, lindur në Kuçovë dhe banues në Durrës, për veprat penale “Shtrëngimi me anë të kanosjes ose dhunës për dhënien e pasurisë, në bashkëpunim”, “Përndjekja”, “Kanosja”, “Vetëgjyqësia” dhe “Mbajtja pa të drejtë e uniformës”.

E. L. alias G. G.(V.), 43 vjeç, lindur në Tepelenë dhe banues ne Tiranë, për veprat penale “Shtrëngimi me anë të kanosjes ose dhunës për dhënien e pasurisë, në bashkëpunim”, “Përndjekja”, “Kanosja”, “Vetëgjyqësia”, “Largimi i të burgosurit nga vendi i qëndrimit” dhe “Falsifikimi i dokumenteve”.

Materialet e grumbulluara iu dërguan Prokurorisë se Rrethit Gjyqësor Tiranë, në ngarkim të shtetasve të sipërpërmendur, për veprime të mëtejshme.

MBULIM-ARRESTOHET-MASHTRUESJA.mpg_snapshot_00.02-1280x720.jpg
nev ila22:50 | 04/01/2020

Pronari i një firme ndërtimi është arrestuar mbrëmjen e sotme në Elbasan. Bëhet fjalë për 44 vjeçarin Sulejman Shahini.

44 vjeçari është arrestuar nga seksioni i Krimeve në Komisariatin e Policisë Elbasan, pasi ishte vene nën hetim prej 6 muajsh.

Ky shtetas në emër të firmës së ndërtimit që kishte prej vitesh në Elbasan, u premtonte pronarëve të bizneseve, ndërtimin pa leje të objekteve apo shtetasve në Elbasan, por dhe familjarëve që kërkonin të ndërtonin shtëpi pa leje ndërtimi.

Sipas burimeve të ABC News, 44 vjeçari Shahini kishte lidhje të forta edhe me zyrtarë të INUV në bashkinë e Elbasanit, të cilët gjithashtu janë nën hetim për shpërdorim detyre.

Dyshohet se këta të fundit, bashkëpunonin me 44 vjeçarin për premtimet që iu bënin qytetarëve, në ndërtimin e banesave apo bizneseve pa leje, kundrejt shumave që variojnë nga 3 mijë deri në 5 mijë Euro.

Arrestimi i Shahinit është kryer mbrëmjen e sotme, nën akuzën e veprës penale të “ndërtimit të paligjshëm”, “dhënie ndihme për ndërtim të paligjshëm” dhe “fshehje e të ardhurave”./abcnews.al

greke-1.jpg
in a19:51 | 31/12/2019

Një shqiptar identiteti i të cilit nuk bëhet i ditur është arrestuar në kufirin greko-shqiptar me mbi 4 kg marijuanë.

Mësohet shqiptari u kap në Kestrini, Igumenicë, duke kaluar në këmbë e duke mbajtur një çantë shpinë brenda të cilës u gjetën dhe sekuestruan 3 pako me 4 kg 370 gram marijuanë, ndërkohë gjatë kontrollit trupor, në xhup iu gjetën dhe sekuestruan 1.6 gram hashash.

Prej fillimit të vitit, policia greke ka sekuestruar kryesisht pranë kufirit, por edhe ne zona te tjera, rreth 10.5 ton marijuanë që dyshohet se vinte nga Shqipëria.

1serbi.jpg
ger ta10:09 | 28/12/2019

Policia e Kosovës ka arrestuar një serb, pasi kishte tentuar që t’u marrë flamurin një kolone dasmorësh.

Ngjarja ka ndodhur në Graçanicë. Pas arrestimit, bëhet e ditur se  serbi është dërguar në komisariat.

“Graqanicë, 27.12.2019-13:30. Është arrestuar i dyshuari mashkull K-Serb pasi ka tentuar tu marrë flamurin një kolone dasmorësh. Pas intervistimit me vendim te prokurorit i dyshuari është dërguar ne komisariat”, thuhet në njoftimin e policisë./abcnews.al

burg.jpg
ger ta09:12 | 18/12/2019

Një 38-vjeçar është arrestuar pasi ka tentuar të fusë në ambientet e paraburgimit të Elbasanit lëndë narkotike.

Në pranga ka rënë U.K., 38 vjeç,  banues në Elbasan. Sipas policisë, ky i fundit gjatë kontrollit të ushtruar nga shërbimet e Policisë në çantat e ushqimeve të cilat do ja dërgonte vëllait të tij, Policia gjeti  dhe sekuestroi në cilësinë e provës materiale 2.3 gramë lëndë narkotike e dyshuar të llojit heroinë.

Njoftimi i policisë:

Specialistët për Hetimin e Narkotikëve në DVP,  arrestuan në flagrancë për veprat penale,  “Prodhimi dhe shitja e narkotikëve” dhe ” Futja e sendeve të ndaluara në institucionin e ekzekutimit të vendimeve me burg”,  shtetasin:

-U.K., 38 vjeç,  banues në Elbasan. Arrestimi i tij u bë pasi në dhomën e pritjes dhe takimit me të paraburgosurit pranë I.E.V.P. Elbasan,  gjatë kontrollit të ushtruar nga shërbimet e Policisë në çantat e ushqimeve të cilat do ja dërgonte vëllait të tij, Policia gjeti  dhe sekuestroi në cilësinë e provës materiale 2.3 gramë lëndë narkotike e dyshuar të llojit heroinë.

Materialet hetimore i kaluan Prokurorisë pranë Gjykatës së Shkallës Parë Elbasan për veprime të mëtejshme./abcnews.al

paktetat.jpg
ger ta09:23 | 16/12/2019

Policia Kufitare ka goditur një rast të kontrabandës me mallra që paguhet akcizë, në Kakavijë.

Sipas policisë është vënë në pranga shoferi i autobusit qe vinte nga Athina, pasi u zbulua qe kishte fshehur mallrat në mjet me qëllim mospagimin e detyrimeve doganore.

Gjatë kryerjes së kontrollit, në pjesën e brendshme të autobusit, në një vend të përshtatur në pjesën e kondicionerit dhe në pjesën e tualetit u gjeten dhe u sekuestruan në cilësinë e provës materiale 63 steka cigaresh, si dhe në bagazhin e mjetit u gjetën dy valixhe me konfeksione, të cilat do të futeshin kontrabandë në vendin tonë.

Njofimi i plotë:

Në kuadër të masave të shtuara për parandalimin dhe goditjen e paligjshmërisë, si dhe në bazë të informacioneve të mara në rrugë operative se një autobus i linjës Athinë-Vlorë, në të cilin kishte dhe mallra të fshehura me qëllim mospagimin e detyrimit doganor, do të hynte në Republikën e Shqipërisë nëpërmjet Pikës së Kalimit Kufitar Kakavijë, shërbimet e Policisë Kufitare Kakavijë, në bashkëpunim me shërbimet doganore kryen një kontroll në këtë mjet.

Gjatë kryerjes së kontrollit, në pjesën e brendshme të autobusit, në një vend të përshtatur në pjesën e kondicionerit dhe në pjesën e tualetit u gjeten dhe u sekuestruan në cilësinë e provës materiale 63 steka cigaresh, si dhe në bagazhin e mjetit u gjetën dy valixhe me konfeksione, të cilat do të futeshin kontrabandë në vendin tonë.

Nga kryerja e veprimeve të para hetimore, nga specialistët e Seksionit për Hetimin e Krimeve Ekonomike dhe Financiare në D.V.P. Gjirokastër u arrestua në flagrancë shtetasi B. L., 40 vjeç, banues në Fier, drejtuesi i autobusit.

Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër, për veprat penale “Kontrabandë me mallra që paguhet akcizë” dhe “Kontrabandë me mallra të tjerë”.

renea-shkoder-lokali.jpg
nev ila18:15 | 15/12/2019

Para se të arrestohej në Shkodër, Zamir Jakupi këngëtari i muzikës live i këndonte dashurisë, tani e tutje repertori i tij do të duhet të zhvillohet pas hekurave.

Bashkë me këngëtarin e njohur të muzikës popullore u prangosën edhe dy menaxherë të një klubi nate. Gasper Marku dhe Aldo Vruçaj u arrestuan nga policia e Shkodrës.

Dyshohet se të arrestuarit kryenin aktivitet të jashtëligjshëm, kryesisht në fushën e narkotikëve dhe të prostitucionit. Në operacion morën pjesë, forcat RENEA dhe FNSH, ndërsa është shpallur në kërkim pronari i lokalit të natës Elidon Marku.

Uniformat blu pohuan se po hetohet në gjendje të lirë një balerinë dhe një klient.

Vëzhgimi ka zgjatur disa muaj, dhe janë sekuestruar edhe pamjet filmike për të provuar aktivitetin kriminal të kryer në bashkëpunim.

Në momentin e kontrollit, Policia ka sekuestruar një sasi të vogël lënde narkotike, kokainë dhe sende të tjera, që shërbejnë për përdorimin e lëndëve narkotike, 5 aparate celular dhe dokumentacionin e lokalit ku ushtrohej ky aktivitet.

Ata akuzohen për “prodhim dhe shitje të narkotikëve e kryer në bashkëpunim”, “Përshtatja e lokalit për përdorim droge” dhe “Prostitucion”./abcnews.al

 

morine-1280x720.jpg
ger ta13:25 | 06/12/2019

Policia e Kufitare në Morinë ka arrstuar një 29-vjeçar i shpallur në kërkim ndërkombëtar nga autoritetet italiane, për disa vepra penale.

Arrestimi i tij është bërë për llogari të drejtësisë italiane me qëllim ekstradimin. Burime nga plicia bëjnë me dije se në pranga ka rënë -R. N., 29 vjeç, banues në Rrëshen.

Gjykata Chieti, Itali ka lëshuar ndaj tij masën e sigurisë “Arrest në burg”, për veprat penale “Vjedhja me dhunë”, “Mbajtja e sendeve të vjedhura”, “Armëmbajtja pa leje” dhe”Kërcënim i nëpunësit publik”, parashikuar nga Kodi Penal italian.

Njoftimi i plotë i policisë:

Arrestohet 29-vjeçari i shpallur në kërkim ndërkombëtar nga autoritetet italiane, për disa vepra penale.

Arrestimi i tij, me qëllim ekstradimin në shtetin italian.

Shërbimet e Stacionit të Policisë Kufitare në Morinë, në dalje, bënë ndalimin e shtetasit të shpallur në kërkim ndërkombëtar:

-R. N., 29 vjeç, banues në Rrëshen.

Gjatë përpunimit të dokumentacionit, ky shtetas rezultoi person në kërkim ndërkombëtar nga autoritet italiane.

Gjykata Chieti, Itali ka lëshuar ndaj tij masën e sigurisë “Arrest në burg”, për veprat penale “Vjedhja me dhunë”, “Mbajtja e sendeve të vjedhura”, “Armëmbajtja pa leje” dhe”Kërcënim i nëpunësit publik”, parashikuar nga Kodi Penal italian.

Në përfundim të veprimeve hetimore, specialistët e Seksionit për Hetimin e Trafiqeve të paligjshme dhe Narkotikëve në DVP Kukës bënë arrestimin provizor të tij, me qëllim ekstradimin drejt Italisë.

Materialet i kaluan Prokurorisë së Rrethit Gjyqësor Kukës, për veprime të mëtejshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono