arrestohen

policia-greke12.jpg
nev ila23:41 | 21/02/2020

Gjashtë oficerë policie të cilët shërbenin në departamentet e sigurisë në zona të ndryshme të Atikës janë arrestuar nga policia greke si të përfshirë në një grup që ofronte mbështetje për personat e implikuar në krime dhe trafik droge.

Provat e reja zbulojnë se si oficerët e policisë përfituan dhjetëra mijëra euro nga personat e kërkuar edhe për vrasje, duke u dhënë atyre pasaporta të rreme dhe duke i ndihmuar në ngritjen e bizneseve në zonë.

Policët në detyrë kërkuan deri në 40,000 euro për “raste të vështira”. Shumë nga ata që blenë dokumente të falsifikuara nga këta policë u akuzuan për trafik droge.

Në total, janë 33 persona të akuzuar si përfshirë në këtë rrjet, midis tyre edhe gjashtë oficerët e policisë përfshirë edhe një eficere femër, të cilët shërbenin në departamentin e sigurisë në zona të ndryshme të Atikës si Pagrati, Vrilissia, Elefsina, etj.

Sipas aktakuzës, oficerët e policisë lëshuan dhe furnizuan me pasaporta të huajt, kryesisht kriminelë shqiptarë. Arrestimet e tyre erdhën pas dy vitesh hetime nga Zyra e Brendshme e policisë greke.

Oficerët e policisë dhe bashkëpunëtorët e tyre lëshuan pasaporta për shqiptarët, ku në disa raste ndaj tyre kishte edhe urdhër-arresti evropian ose të tjerë që dëshironin të bënin biznes në Greqi duke vendosur xhamat e dyqaneve. Kjo veprimtari gjeneroi fitime të mëdha, pasi tarifa shkonte nga 5,000 deri në 40,000 euro për rast./abcnews.al

 

policia-shkoder.jpg
nev ila18:23 | 04/02/2020

Dy të rinj, të moshës 23-vjeçare janë arrestuar ditën e sotme pasi tentuan të vidhin banesën e B.G  në fshatin Berdicë të Shkodrës.

Njëri prej të rinjve kishte shkuar në Shkodër nga qyteti i Vlorës për të bastisur banesën në bashkëpunim me mikun e tij nga Kurbini. Mirëpo nuk shkoi siç e kishin planifikuar dhe u kapën në flagrancë nga Policia.

NJOFTIMI I PLOTË: 

“Shkodër

Tentojnë të vjedhin në një banesë, arrestohen në flagrancë nga Policia.

Nga shërbimet e Komisariatit të Policisë Shkodër, në bazë të informacioneve të marra në rrugë operative dhe pas një pune të mirë organizuar u bë arrestimi i shtetasve: R. D., 23 vjeç, banues në Vlorë dhe K. Ll., 23 vjeç, banues në Fushë Milot, Kurbin.

Arrestimi i tyre u bë, pasi u kapën në flagrancë nga shërbimet e Policisë në tentativë për të vjedhur në banesën e shtetasit B. G., në fshatin Berdicë. Vijon puna për dokumentimin e ngjarjeve të tjera në të cilat mund të jenë implikuar këta shtetas, si dhe për identifikimin e bashkautorëve të mundshëm.

Materialet iu referuan Prokurorisë së Rrethit Gjyqësor Shkodër, për veprën penale “Vjedhja e mbetur në tentativë, e kryer në bashkëpunim”./abcnews.al

 

WhatsApp-Image-2020-01-29-at-10.36.55.jpeg
nev ila09:50 | 29/01/2020

Policia e Tiranës ka vënë në pranga 2 persona të cilët qarkullonin me automjetin e tyre tip BMW me armë me silenciator.

“Shigjetat” e Tiranës i kanë bërë shenjë për të ndaluar dy të rinjve, por ata nuk i janë bindur urdhrit të policisë, duke u larguar me shpejtësi dhe duke lënë të dyshohet se diçka fshihnin.

Menjëherë forcat “Shigjeta” janë vënë në ndjekje të tyre.

Ndërsa vunë re se po ndiqeshin nga policia, një prej tyre ka dashur të zhdukë armën me të cilën qarkullonin, duke e hedhur nga dritarja e makinës por kjo gjë nuk ka mundur ti shpëtojë policisë.

Policia më pas ka mundur të ndalojë 2 të rinjtë dhe të ushtrojë kontroll të imtësishëm në automjetin e tyre, ku kanë gjetur fishekë dhe një aparat celularë i cili dyshohet se përdorej për të kryer shpërthime në distancë.

2 të rinjtë janë arrestuar dhe janë shoqëruar në drejtorinë e p[policisë për veprime të mëtejshme hetimore.

Njoftimi i policisë:

“Qarkullonin me armë zjarri me silenciator me vete, nuk iu bindën urdhrit të Policisë për të ndaluar, por pas ndjekjes nga forcat “Shigjetat” vihen në pranga një 24-vjeçar dhe një 29-vjeçar.

Sekuestrohen armë zjarri me silenciator dhe aparat telefon, i cili dyshohej se do të përdorej për prodhim të minave me telekomandë.

Në vijim të punës për rritjen e parametrave të sigurisë, parandalimin dhe goditjen e paligjshmërisë, nga strukturat e Drejtorisë Vendore të Policisë Tiranë janë shtuar kontrollet, sidomos në orët e vona të mbrëmjes dhe në orët e para të mëngjesit, me qëllim kapjen e personave në kërkim dhe atyre që qarkullojnë me armë zjarri.

Si rezultat i kontrolleve të shtuara, por dhe dyshimit të krijuar nga shërbimet e Policisë “Shigjetat” për lëvizjet e kryera nga një drejtues mjeti me automjetin e tij në momentin që ka parë forcat e Policisë, atij i është dhënë shenjë për të ndaluar, me qëllim ushtrimin e kontrollit fizik të personave dhe të automjetit, por drejtuesi i automjetit nuk i është bindur urdhrit për të ndaluar dhe ka vijuar lëvizjen.

Forcat “Shigjetat” janë vënë në ndjekje të automjetit  tip “BMË”. Drejtuesi i automjetit, kur ka parë se po ndiqej nga forcat “Shigjetat”, ka hedhur nga dritarja e makinës një armë zjarri pistoletë me silenciator, si dhe një aparat celular që përdoret për shpërthime në distancë.

Policia ka bërë të mundur bllokimin e automjetit dhe të dy personave që udhëtonin me këtë automjet. Në përfundim të veprimeve u bë arrestimi në flagrancë i tyre, konkretisht:

– E. Z., 29 vjeç, banues në Fushë Krujë;

– E. A., 24 vjeç, banues në Fushë Krujë;

Në vendngjarje grupi hetimor gjati dhe sekuestroi një armë zjarri pistoletë, një silenciator, 13 fishekë luftarak dhe një aparat celular që dyshohej se do përdorej për shpërthim të lëndës eksplozive në distancë.

Në përfundim të veprimeve të para hetimore, materialet i kaluan Prokurorisë së Rrethit Gjyqësor Tiranë, për veprat penale “Armëmbajtja pa leje”, për të cilën parashikohet dënimi deri në 7 vjet burgim dhe “Mosbindja ndaj urdhrit të punonjësit të policisë së rendit publik”, të kryera në bashkëpunim”./abcnews.al

arrestohen-palestinezet.jpg
nev ila17:30 | 07/01/2020

Dy palestinezë, që kishin ardhur si azilante në vendin tonë,  janë ndaluar nga policia në Tiranë, të akuzuar për vjedhje. Nga hetimet rezultoi se këta shtetas janë autorë të 4 vjedhjeve në banesa e lokale, që kanë ndodhur gjatë ditëve të para të janarit.

Në ditët e para të 2020 në drejtorinë e Policisë u raportuan si të vjedhura disa dyqane në qendër të kryeqytetit.

Nga këqyrja e pamjeve filmike rezultuan se autorë ishin tre shtetas me origjinë Palestineze, të cilët qëndrojnë në vendin tonë me statusin e azilkërkuesit.

I pari që ra në pranga ishte Yassine Lëali, 26 vjeç, ndërsa pak orë më pas u kap Osmane Ellabasi 24 vjeç, të dy të lindur në Palestinë e banues në Tiranë. Miku i tyre 18-vjeçar po hetohet në gjendje të lirë nga policia.  

Vetëm ditën e hënë tre personat nën hetim sipas njoftimit të policisë, kanë kryer tre grabitje. Konkretisht në një dyqan, në Rrugën e Durrësit, kanë vjedhur rroba të ndryshme. Në rrugën e Kavajës kanë grabitur një farmaci dhe në zonën e ish-Bllokut kanë vjedhur aparat celular dhe një portofol.

Operacioni për prangosjen e  palestinezëve u krye nga Komisariati nr.3, ndërsa po hetohen edhe persona të tjerë të përfshirë në grabitje të cilat kanë mbetur pa autor./abcnews.al

 

shqiptaret-spanje.jpg
nev ila16:26 | 03/01/2020

Garda Civile dhe Policia Spanjolle kanë sekuestruar një sasi prej 2,800 bimë të llojit “marijuana”, e cila ishte kultivuar  nga një grup i përbërë nga gjashtë persona, të cilët kishin mbjellë bimën në zona të ndryshme në provincën e Valencias.

Sipas një deklarate të përbashkët të Policisë dhe Gardës Civile, të arrestuarit janë  tre shqiptarë dhe tre gra me origjinë shqiptare dhe kolumbiane, të cilët janë midis moshës 28 dhe 45 vjeç.

Të arrestuarit akuzohen për vepra të ndryshme penale, atë të përfshirjes me krimin e organizuar, për kultivim të lëndëve narkotike, trafik droge, mashtrim dhe falsifikim dokumentash.

Operacioni i koduar “Lavori”  i cili ka patur në mbikqyrje prej 7 muajsh shqiptarët, të cilët e kryenin aktivitetin e tyre në rajonin e Valencias, arriti në përfundimin se ky grup, përbënte një organizatë të mirëfilltë dhe të mirëorganizuar kriminale, në fushën e kultivimit të lëndëve narkotike.

Deri tani në 3 zona në provincën e Valencias, janë sekuestruar  tre plantacione me 361 kilogramë marijuanë, por sasia më e madhe e bimëve të sekuestruara, u kap në një vilë në Chiva, ku agjentët sekuestruan 1.300 bimë kanabis.

Agjentët spanjollë gjithashtu kanë sekuestruar pajisje moderne dhe tepër të sofistikuara, të cilat ndihmonin në rritjen e shpejtë të bimës, të cilat kapin vlerën e 160,000 euro.

Po ashtu u sekuestruan  tre automjete super luksoze, 10 celularë, një makinë për numërimin e parave, 7442 euro cash, dy makina paketimi e një sërë materialesh të tjera, që ndihmonin në kultivimin, deri në nxjerrjen në treg të bimës.

Autoritetet spanjolle njoftuan se materialet e sekuestruara kapnin shifrat e më shumë se 2 milion euro.

Policia spanjolle ka njoftuar se hetimet janë ende në zhvillim e sipër, dhe nuk bëhen me dije detaje të tjera në lidhje me këtë operacion antidroge./abcnews.al

policia-kamez-1.jpg
in a09:31 | 24/12/2019

Dy persona të cilët transportonin mallra të prodhuara në mënyrë të kundërligjshme dhe i ofruan rryshfet punonjësve të Policisë, me qëllim shmangien e kontrollit të automjetit, arrestohen në flagrancë. Burime për abcnews.al bëjnë me dije se Policia e Lezhës ka arrestuar në flagrancë dy persona banues në Tiranë të cilët kanë kanë ofruar 2 kartëmonedha të prerjes 1 000 lekë.

Materialet procedurale në ngarkim të tyre iu referuan Prokurorisë së Rrethit Gjyqësor Lezhë.

Informacion:

Specialistët për hetimin e krimit ekonomik – financiar në Drejtorinë e Policisë Lezhë, mbi bazën e informacioneve të siguruara në rrugë operative se me një mjet po transportoheshin mallra të prodhuara në mënyrë të paligjshme, kanë organizuar punën dhe në Fushë- Milot, Kurbin, kanë bërë ndalimin e mjetit tip “Opel” me drejtues shtetasin B. A., 32 vjeç dhe pasagjer shtetasin B. S., 39 vjeç, të dy banues në Tiranë, të cilët i kanë ofruar 2 kartëmonedha të prerjes 1 000 lekë, me qëllim shmangien e kontrollit të mjetit.

Gjatë kontrollit të mjetit u gjetën dhe sekuestruan një sasi e konsiderueshme pijesh alkoolike të prodhuara në mënyrë të kundërligjshme.

Në vijim të veprimeve, Policia ka bërë arrestimin e shtetasve B. A. dhe B. S.

Materialet procedurale në ngarkim të tyre iu referuan Prokurorisë së Rrethit Gjyqësor Lezhë, për veprat penale “Prodhimi dhe shitja e ushqimeve dhe lëndëve të tjera të rrezikshme për shëndetin”, “Korrupsioni aktiv i personave që ushtrojnë funksione publike”, “Prodhimi i kundërligjshëm i artikujve dhe mallrave industriale e ushqimorë”, “Fshehja e të ardhurave” dhe “Manipulimi i tregut”./abcnews.al

shkoder-policia.jpg
nev ila09:39 | 20/12/2019

Tre persona janë arrëstuar në Fier. Policia njofton se 3 personat janë me rrezikshmëri të lartë shoqërore, dhe se në momentin e arrestimit kanë qenë të armatosur, me armë zjarri të llojit pistoletë, dhe armë të ftohta.

Mjeti që lëviznin ishte një automjet i blinduar tip “Audi A8” ku poshtë sediljes së pasagjerit kishin vendosur armët.

Ndërkohë policia ka bërë arrestimin e tyre nën akuzën e “armëmbajtjes pa leje”  dhe “mbajtja e armëve të ftohta”.

Policia ka njoftuar se: 

“Operacion për kapjen e personave me rrezikshmëri të lartë shoqërore.

Finalizohet operacioni policor i koduar “Çlirimi”.

Vihen në pranga 3 persona me precedent penal në fushën e krimeve kundër personit, pronës dhe armëmbajtjes pa leje.

Sekuestrohen 2 armë zjarri, municion luftarak, 2 armë të ftohta dhe 1 makinë e blinduar.

Në zbatim të planit të masave për kontrollin e territorit, kapjen e personave që qarkullojnë me armë zjarri dhe në vijim të punës për parandalimin dhe goditjen e paligjshmërisë, si edhe nga informacionet e mara në rrugë operative, Policia bëri të mundur arrestimin në flagrancë të shtetasve:

  • Sh. K., 33 vjeç, banues në Fier, i dënuar më parë për armëmbajtje pa leje;
  • A. B., 35 vjeç, banues në Fier;
  • R. L., 20 vjeç, banues në Fier;

Gjatë kontrollit të ushtruar nga strukturat e DVP Fier, në fshatin Çlirim, Fier, në mjetin e blinduar Audi A8, i cili drejtohej nga shtetasi R. L., poshtë sediljes së parë të pasagjerit, ku ishte ulur shtetasi Sh. K., u gjetën dhe sekuestruan 2 armë zjarri tip pistoletë dhe 2 krehëra me 24 fishekë.

Gjatë kontrollit personal, shtetasit R. L. iu gjet dhe sekuestrua një mjet prerës (thikë), që e kishte në çantën e dorës.

Gjithashtu, gjatë kontrollit personal të ushtruar ndaj shtetasit A. B., u gjet dhe u sekuestrua një mjet prerës (thikë).

U sekuestruan në cilësinë e provës materiale 2 pistoleta, 2 krehëra me 24 fishekë, 2 mjetet prerëse dhe automjeti i blinduar Audi A8.

Materialet i kaluan Prokurorisë pranë Gjykatës së Shkallës Parë Fier, për veprat penale “Armëmbajtje pa leje” dhe “Mbajtja pa leje e armëve të ftohta“”./abcnews.al

Banesat-ne-Durres-pas-goditjeve-te-termetit-5-770x433.jpg
nev ila09:17 | 20/12/2019

Banorët e shtëpive të dëmtuara në Durrës tani duhet të përballen me një tjetër kërcënim krahas frikes dhe dëmeve të pësuara.

Policia ka arrestuar një 42 vjeçar nëë Durrës, i cili u kap në fjagrancë teksa po tentonte të kryente vjedhje në banesat e braktisura për shkak të tërmetit.

“Si rezultat i kontrolleve të shtuara, nga shërbimet e Komisariatit të Policisë Durrës u arrestua në flagrancë shtetasi L. T., 42 vjeç, banues në Durrës, pasi u kap në flagrancë duke vjedhur në një pallat në lagjen nr. 17, Durrës”- njofton policia.

Tërmeti i 26 nëntorit shkaktoi 51 viktima dhe dhe rreth 1 000 të lënduar, ndërsa dëmet materiale janë të pallogaritura ende.

Mjaft prej banorëve të pallatave të dëmtuara janë detyruar të largohen nga banesat e tyre, të cilat tashmë po bien pre e vjedhjeve.

Njoftimi i policisë

Në Durrës vihet në pranga një 42-vjeçar, i cili u kap në flagrancë duke vjedhur në një pallat që ishin larguar banorët.

Drejtoria Vendore e Policisë Durrës, në kuadër të planit të masave për garantimin e rendit e sigurisë, si dhe parandalimin e vjedhjes së pronës, ka shtuar masat e kontrollit dhe të prezencës së Policisë në territor, në të gjitha ato zona, ku banesat janë braktisur nga banorët si pasojë e tërmetit.

Si rezultat i kontrolleve të shtuara, nga shërbimet e Komisariatit të Policisë Durrës u arrestua në flagrancë shtetasi L. T., 42 vjeç, banues në Durrës, pasi u kap në flagrancë duke vjedhur në një pallat në lagjen nr. 17, Durrës.

policia-e-vlores-620x411_1470916829-2604078-1.jpg
ger ta13:18 | 04/12/2019

Dy të rinj janë arrestuar nga policia e Vlorës pas janë kapur me doza kanabisi.

Në pranga kanë rënë: E.K., 32 vjeç, banues në Vlorë dhe A.L., 22 vjeç, banues në Vlorë.

Kapja dhe arrestimi i tyre u bë në Vlorë pasi nga kontrolli personal dhe nëpër banesat e tyre, specialistët e narkotikëve kanë gjetur dhe sekuestruar në cilësinë e provave materiale 18 doza lëndë narkotike e dyshuar si kanabis sativa.

Materialet iu referuan Prokurorisë në ngarkim të tyre për veprën penale “Prodhimi dhe shitja e narkotikëve” e kryer në bashkëpunim./abcnews.al

policia-berat.jpg
nev ila15:24 | 23/11/2019

Policia e Gjirokastrës ka njoftuar se ka bërë të mundur arrestimin e dy personave ndërsa këta të fundit ishin duke vjedhur një automjet.

Autorët sipas policisë tentuan të vidhnin automjetin tip “mercedes-benz” në orët e para të mëngjesit. Policia është vënë në ndjekje të autorëve duke bërë të mundur kapjen e tyre.

Njoftimi i policisë:

“Gjirokastër.

Tentuan të vidhnin një automjet, arrestohen në flagrancë dy shtetas.

Në orë e para të mëngjesit, në lagjen “18-Shtatori”, shtetasit A.L., dhe O.P. tentuan të vjedhin një automjet tip “Mercedez-Benz”.

Menjëher shërbimet e policisë u vunë në ndjekje të këtyre dy shtetasve, ku pas një pune të mirëorganizuar bënë të mundur arrestimin e tyre.

Specialistët e Hetimit të Krimeve në Komisariatin e Policisë Gjirokastër arrestuan në flagrancë shtetasit: A.L., 25 vjeç dhe O.P., 34 vjeç, banues në Skrapar.

Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër për hetime të mëtejshme”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono