arrestimi

KRONIKE-KANABIS-NE-KAPSHTICE_ABC-M2-T1.mpg_snapshot_00.18-1280x720.jpg
ent ela09:25 | 11/07/2019

Tre të arrestuar dhe 1324 kubikë kanabis dhe armë zjarri dhe municione luftarake të sekuestruara është bilanci i operacionit “Ballenjë-2019”, të Policisë së Bulqizës.

Të arrestuarit akuzohen për kultivim të lëndëvë narkotike dhe armëmbajtje pa leje

Policia sekuestroi gjithashtu edhe vegla pune, tuba plastike që do shërbenin për kultivimin në tokë të fidanëve të kanabisit. /abcnews.al

ARRESTIME-NE-SHKODER-MBULIM_ABC-M2-T1.mpg_snapshot_00.01-1280x720.jpg
ent ela10:45 | 01/07/2019

Policia në Shkodër ka arrestuar një person për shkak se tentoi të pengojë hapjen e qendrave të votimit në Postribë. Ai është Emrah Shaba dhe arrestimii tij është bërë brenda në shtëpi. Familjarët e tij kanë tentuar të pengojnë shoqërimin e tij nga ana e forcave të policisë dhe kanë denoncuar para gazetarëve që janë dhunuar nga policia. /ABC News Albania 24/7

images-1.jpg
Sej rie08:20 | 01/07/2019

Italia dhe Gjermania janë përfshirë në një luftë replikash pas arrestimit të kapitenes së anijes me emigrantë, që ankoroi pa leje në portin e Lampeduzës. Ndërsa presidenti gjerman kërkon që 31-vjeçarja të mos trajtohet si kriminele, Roma i benë thirrje Berlinit të mos përzihet në punët e saj të brendshme.

Një luftë fjalësh ka nisur mes Gjermanisë dhe Italisë në lidhje me arrestimin e kapitenes gjermane të anijes me emigrantë “Sea Watch 3”, që sfidoi urdhrin e autoriteteve italiane duke ankoruar anijen në portin e Lampeduzës.

Zëvendës kryeministri i Italisë, Mateo Salvini me irritim refuzoi thirrjen e palës gjermane që të mos e trajtonte kapitenen si një kriminele. Presidenti gjerman Frenk Valter Shtajnmajer deklaroi se, si një vend anëtar i Bashkimit Europian, Italia duhet ta trajtojë çështjen ndryshe, pasi sipas tij, ata që shpëtojnë jetë nuk janë kriminelë. Nga ana e tij, Salvini i bëri thirrje Gjermanisë që të heshtë.

“I kërkojmë presidentit gjerman që të shqetësohet për atë që ndodh në Gjermani dhe nëse është e mundur t’u kërkojë qytetarëve të tij të mos shkelin ligjet italiane”, reagoi Salvini. Karola Rakete, 31 vjeç, u arrestua ditën e shtunë kur anija hyri në port pa lejen e autoriteteve. Ajo kishte qenë nën hetim nën dyshimin se ndihmonte trafikantët e qenieve njerëzore, në kuadër të ligjeve të futura nga qeveria e Salvinit për të mos u ardhur në ndihmë anijeve joqeveritare.

Qeveria italiane e akuzon kapitenen Rakete, e cila ndodhet në arrest shtëpie, për vënien në rrezik të jetëve të 4 oficerëve të policisë, që iu afruan anijes me një varkë. Salvini e quajti veprimin një akt kriminal të barabartë me një akt lufte./ABC News Albania 24/7

E238E5B4-AA31-41B1-9B00-B6FF82173E90.jpeg
ent ela11:31 | 29/06/2019

Bashkia e Pogradecit ka reaguar pas arrestimit të dy punonjësve të cilët mbyllën me çelës 4 shkolla që ishin miratuar si qendra votimi nga KQZ. Një një dekalratë të shpërndarë për mediat Bashkia e Pogradec dënon këtë akt, ndërsa i bën thirrje Policisë të Shtetit dhe Prokurorisë të lirojë menjëherë dy punonjësit e Bashkisë. Sipas saj këta punonjës kanë kryer punën e tyre.

Njoftimi i Bashkisë Pogradec

Dje më datë 28.06.2019 forcat e Policisë të Shtetit, të Komisariatit të Policisë Pogradec, kanë arrestuar padrejtësisht punonjës të Administratës të Bashkisë, të cilët ishin në zbatim të plotë të ligjit dhe të detyrës të tyre funksionale.

Bashkia Pogradec dënon këtë akt të turpshëm, i cili sjell në mëndjen e çdo qytetari, masat e patetike të regjimit komunist, duke dashur të përcjellë frikë dhe kërcënim ndaj banorëve të Bashkisë Pogradec.

I bëjmë thirrje Policisë të Shtetit dhe Prokurorisë të lirojë menjëherë dy punonjësit e administratës të Bashkisë, pasi këta punonjës si çdo ditë tjetër ndodheshin pranë këtyre shkollave duke kryer punën e përditshme për përmirësimin e kushteve të shkollave, kopshteve dhe ruajtjen e ambjenteve të tyre.

Ju bëjmë thirrje të gjithë qytetarëve, të mos tremben dhe frikësohen nga ky lloj presioni.

Të mos bien pre e asnjë lloj provokimi duke shmangur çdo lloj situate konfliktuale për të treguar qytetari dhe përgjegjshmëri duke mos u bërë shkas për përplasje civile

Gjithashtu denoncojmë dhe kërkojmë masa të mënjehershme për arrestimin e personave, të cilët nga mengjësi i sotem po shkatërrojnë në mënyrë të paligjshme dyert e institucioneve arsimore që janë në pronësi të Bashkisë .

Bashkia Pogradec është në mbrojtje të ligjit dhe Kushtetutës si dhe në zbatim të plotë të Dekretit të Presidentit të Republikës. /abcnews.al

 

policia-vlore.jpg
ent ela10:15 | 28/06/2019

Policia e Vlorës në bashkëpunim me Interpol Tiranën ka vënë në pranga 42 vjeçarin nga Vlora me iniciale M.Y. Ai u arrestua në lagjen “Pavarësia” në Vlorë. Policia njofton se ndaj tij ishte lëshuar urdhër arresti ndërkombëtar nga Gjykata e Breshias në Itali në vitin 2018, për trafikim të lëndëve narkotike, kryer në bashkëpunim, ndërsa në vitin 2019 kjo Gjykatë e ka dënuar me 4 vite burg.

Njoftimi i Policisë

Në vijim të punës intensive për kapjen e personave të shpallur në kërkim, në bazë të informacioneve të marra në rrugë operative, falë edhe bashkëpunimit me qytetarët, Strukturat e Drejtorisë Vendore të Policisë Vlorë, në bashkëpunim me Interpol Tirana, organizuan punën në grup për kapjen dhe arrestimin e 42 vjeçarit M.Y në lagjen “Pavarësia” Vlorë.

Gjykata e Breshias/Itali në vitin 2018, ka lëshuar urdhër arrestin ndërkombëtar ndaj shtetasit M.Y., për veprën penale “Trafikimi i lëndëve narkotike, kryer në bashkëpunim” sipas Kodit Penal Italian.

Kjo Gjykatë, në Shkurt të vitit 2019 e ka dënuar shtetasin M.Y me 4 vite burgim.

Materialet i janë referuar Prokurorisë pranë Gjykatës së Shkallës së Parë Vlorë për veprime të mëtejshme. /abcnews.al

grabitje-ne-rinas.jpg
ent ela11:15 | 12/06/2019

Një 25 vjeçar kinez me iniciale G.L. ëhstë vënë në prangat e policisë shqiptare, pais akuzohet për gjobëvënie. Ai u arrestua në Rinas me qëllim ekstradimin e tij drejt Kinës, pasi është një prej anëtarëve kryesorë të një grupi kriminal, të cilët merrnin përfitime ekonomike nëpërmjet dhënies me kamatë, hapjes së kazinove, kumarit dhe marrjes me dhunë të borxheve.

Njoftimi i Policisë

Kapet dhe arrestohet me qëllim eksdradimi një shtetas kinez për veprën penale “Gjobëvënie”

Policia Kufitare e Rinasit në bashkëpunim me Interpol Tirana  dhe Interpol Pekini/Kinë, kanë bërë arrestimin e shtetasit kinez :

G.L, 25 vjeç,  lindur në Kinë, i shpallur në kërkim ndërkombëtar, më datë 23.04.2019,  për veprën penale  “Gjobëvënie”. (maksimumi i dënimit 10 vjet burg).

Përmbledhje e ngjarjes së ndodhur:

Zyra e Sigurisë Publike të Bashkisë së Goazhou, në Kinë, ka zhvilluar hetime, ndaj një grup kriminal, të tipit mafioz,  të cilët merrnin përfitime ekonomike nëpërmjet dhënies me kamatë, hapjes së kazinove, kumarit dhe marrjes me dhunë të borxheve.

Shtetasi G. L, është një prej anëtarëve kryesorë të këtij grupi.

Në vitin 2013, ky shtetas sëbashku me pjestarë të tjerë të grupit, kanë rrëmbyer shtetasin X.L,  duke e detyruar atë të ripaguajë një borxh, në vlerën e 3.8 milionë Yuan kinez.

Në vitin 2014, në të njëjtën mënyrë ka detyruar shtetasin Ë.H, që të paguajë një hua duke e detyruar atë të shesë 23 suita, 40 vendparkime dhe 6 automjete me çmimin shumë të ulët.

Si rezultat i këtij bashkëpunimi u bë i mundur arrestimi i shtetasit të mësipërm, me qëllim ekstradimin e tij drejt Kinës. /abcnews.al

 

ARRESTIME-SHKODER-MBULIM_ABC-M2-T1.mpg_snapshot_00.05-1280x720.jpg
ent ela14:03 | 11/06/2019

Pronaret e një subjekti VIP në Shkodër u arrestuan pasi akuzohen për mashtrim me skemën e rimbursimit të TVSH-së. Prokuroria e Shkodrës lëshoi dy urdhër – arreste, pas një hetimi 3 mujor ku u konstatua skema për përfitimin e TVSH-së në forme rimbursimi në vlerën 44,6 milionë lekë.

“Subjekti nëpërmjet aktivitetit të tij i ka shkaktuar dëm ekonomik shtetit në vlerën afro 249 milionë lekë nëpërmjet fshehjes së të ardhurave dhe 73.6 milionë lekë nëpërmjet mospagimit të taksave dhe tatimeve,” informoi policia e Shkodrës.

Pas verifikimeve nga Prokuroria dhe Hetimi Tatimor Rajoni Verior, Prokuroria e rrethit gjyqësor Shkodër arrestoi pronarët, ndërsa ka marrë masën e pezullimit të ushtrimit të detyres për një noter.

Në detyrim paraqitje u vendos pronari i një subjekti të lidhur si pjesë e mashtrimit me TVSH-në. / ABC News Albania 24/7

WhatsApp-Video-2019-05-31-at-12.30.17.mp4_snapshot_00.24-1280x720.jpg
ent ela12:40 | 31/05/2019

Policia e Tiranës ka publikuar pamjet e arrestimit të Gjergj Cukalit, njëri nga autorët e dyshuar të vrasjes së ish-policit Arben Bilali 50 vjeç. 40-vjeçari Cukali u arrestua pas analizave të ADN-së në provat që u gjetën në makinën “Mercedes-Benz”, të braktisur nga autorët pas ekzekutimit të Bilalit. Ky i fundit u qëllua me breshëri para shtëpisë së tij në zonën e Selitës në Tiranë më 30 Janar 2019.

pas një pune të mirëorgranizuar në bashkëpunim me Prokurorinë, Policia e Tiranës ka bërë zbardhjen dhe dokumentimin me prova ligjore të ngjarjes së ndodhur në datën  30.01.2019, ku në rrugën “Isuf Banka”, në Tiranë, mbeti i vrarë 50-vjeçari A.B.

Bazuar mbi provat e grumbulluara  Policia e Tiranës organizoi operacionin duke e finalizuar me vënien në pranga të autorit të dyshuar GJ.C. 40 vjeç. /abcnews.al

KAPET-I-KERKUARI-MBULIM_ABC-M2-T1.mpg_snapshot_00.02-1280x720.jpg
ent ela10:52 | 22/05/2019

Një 33-vjeçar u arrestua nga policia e Durrësit pasi ishte shpallur në kërkim për trafikim të lëndëve narkotike. Ndaj të arrestuarit,  banues në fshatin Katund Sukth të Durrësit rezulton që në korrik të vitit 2017 të jetë dhënë masa e sigurisë “Arrest me burg” nga Krimet e Rënda. Tashmë i 33-vjeçari i arrestuar pritet të hetohet nga Prokuroria e Krimeve të Rënda dhe më pas të jepet gjykimi për të. /ABC News Albania 24/7

besnik-habibaj.jpg
Sej rie09:14 | 22/05/2019

Gjykata e Apelit të Ankonas ka vendosur 14 vjet burg për një 57-vjeçar shqiptar, i cili tentoi të vriste gruan e tij. Në këtë mënyrë, apeli la në fuqi vendimin e marrë nga gjykata e Macerata-s për Besnik Habibajn.

Shqiptari me anë të një avokati kishte animuar vendimin, ku akuzohej për tentativë vrasjeje ndaj ish-bashkëshortes, Trendelina Halimi, 43-vjeçe. Gjithashtu shkalla e dytë vendosi që të kompensojë gruan me 250 mijë euro dhe dy fëmijët e çiftit me nga 50 mijë euro secili.

Sipas akuzës, Habibaj kishte vepruar për shkak të xhelozisë, sepse nuk pranonte fundin e marrëdhënies me ish-gruan. Disa ditë para aktit të rëndë, ajo e kishte denoncuar 57-vjeçarin për dhunë në familje. Për këtë arsye, gjykata e Macerata-s kishte vendosur edhe një urdhër ndaj Habibajt për të mos iu afruar asaj.

Mirëpo ky urdhër u shkel natën e 27 Tetorit të 2017-s. Sipas hetimeve, Habibaj i kishte dalë 43-vjeçares në një diskotekë. Fillimisht, ai e përplasi me makinë. Ndërkohë më vonë doli dhe e masakroi me çekiç në fytyrë.

Falë ndërhyrjes së kalimtarëve dhe policisë, shqiptarja arriti të shpëtojë nga dhuna e tmerrshme e ushtruar ndaj saj. Më vonë u shtrua në spital për shkak të dëmtimeve të rënda që kishte marrë, sidomos në pjesën e fytyrës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono