arrestime

Policia-e-Shtetit-e-re_0.png
nev ila14:58 | 17/01/2020

Gjatë paradites së sotme një operacion antidroge krye falë bashkëpunimit të policive ndërkombëtare të shtetit italian, shqiptar dhe Gjerman. Mediat italiane raportuan se nga ky operacion ishin arrestuar 22 persona mes tyre dhe shqiptarë.

Ndërkohë detajet e para për këtë operacion ka dhënë edhe policia shqiptare. Sipas policisë, operacioni i quajtur “Brokers” ka një shtrirje kohore prej 4 vitesh.

Po ashtu policia thotë se nga ky operacion u godit një organizatë kriminale italo-shqiptare që merrej me trafikimin ndërkombëtar të drogës dhe armëve në Itali.

Si koka e kësaj organizate kriminale që kontrollonte dhe organizonte trafikun e drogës ishte një shtetas shqiptar.

Nga ky operacion mëngjesin e sotëm u arrestuan edhe 3 shqiptarë:

Emrat e shqiptarëve të arrestuar nga operacioni i sotëm:

-Denis Bimi, 30 vjeç.

-Besmir Sylja, 26 vjeç.

-Luan Delaj, 50 vjeç.

Organizata furnizonte grupet  italiane me kokainë, heroinë, hashash dhe marijuanë.

Njoftimi i policisë së shtetit:

“Policia e Shtetit

Tjetër operacion ndërkombëtar antidrogë, zhvilluar mes Policisë italiane dhe Policisë shqiptare.

Operacioni “BROKERS” u zhvillua për goditjen e një organizate kriminale në fushën e trafikimit ndërkombëtar të lëndëve narkotike, marijuanë, heroinë e kokainë, si dhe të armëve e municioneve luftarake.

Operacion me shtrirje kohore prej 4 vitesh dhe u finalizua mëngjesin e sotëm në Itali dhe Shqipëri.

Më datë 17.01.2020 u zhvillua operacioni i përbashkët policor “BROKERS” midis Policisë italiane dhe Policisë shqiptare, si rezultat i të cilit u arrestua në qytetin e Shkodrës shtetasi L. D., 50 vjeç, banues në Shkodër.

Operacioni në Shqipëri u zhvillua në bashkëpunim të ngushtë me Departamentin e Policisë Kriminale, ZQK Interpol Tirana dhe UCI Albania.

Ndërsa në Itali u drejtua nga Skuadra Operacionale e Seksionit kundër Drogës, në bashkëpunim me Komisariatin e Policisë së qytetit të Tranit.

Si rezultat i këtij operacioni u godit një organizatë kriminale italo-shqiptare që merrej me trafikun ndërkombëtar të drogës dhe armëve, në zonën e qyteteve të Andrias dhe Cerignolas.

Hetimet për këtë operacion kishin filluar pas vrasjes së shtetasit italian F. F.,  në qytetin Trani, në janar të vitit 2015.

Personi që kontrollonte dhe organizonte trafikun e drogës nga Holanda, Gjermania dhe Shqipëria ishte një shtetas shqiptar, i cili nëpërmjet njohjeve të tij i siguronte organizatës kokainë, heroinë dhe hashash. Sasia e drogës vinte me anë të korrierëve që zakonisht e fshihnin në ndarjet e dyfishta në makina.

Kjo organizatë e kishte qendrën në qytetin e Foggias. Si rezultat i hetimeve të përbashkëta mes Policisë italiane dhe Policisë se Shtetit u arrit që të arrestoheshin 20 persona dhe të sekuestroheshin 440 kg droga të ndryshme si kokainë, heroinë dhe hashash, si dhe disa armë zjarri.

Policia e Shtetit, si në të gjitha operacionet e zhvilluara më parë, edhe kësaj here tregoi profesionalizëm dhe besueshmëri të lartë te Policia italiane gjatë gjithë fazave të operacionit.

Policia e Shtetit është e angazhuar dhe e vendosur për të bashkëpunuar me profesionalizëm  me Policitë partnere dhe gjithë organizatat ligjzbatuese brenda dhe jashtë vendit, për të luftuar krimin e organizuar dhe terrorizmin”./abcnews.al

dda-itali.jpg
nev ila12:49 | 17/01/2020

Mëngjesin e sotëm 22 persona u arrestuan nga policia në një operacion mes Puglia, Molise, Abruzzo, Campania dhe gjithashtu në Hollandë, Angli, Gjermani dhe Shqipëri.

Ky operacion është kryer nga agjentët kundër trafikut dhe krimit të organizuar në Itali DDA, i cili ka bërë të mundur shkatërrimin e një organizate të dedikuar për trafikun ndërkombëtar të drogës.

Urdhri i lëshuar nga gjykatësi  i Gjykatës së Barit, me kërkesë të DDA-së, për eksponentë të dyshuar të një organizate kriminale ndërkombëtare  italo-shqiptare, të akuzuar për trafik ndërkombëtar droge, armë dhe krim të organizuar, në tregtimin e drogës, midis Andria dhe Cerignola.

Për ekzekutimin e disa masave paraprake në Shqipëri, policia ka punuar në bashkëpunim me departamentin e policisë kriminale dhe zyrën shqiptare të Interpolit.

Hetimet u ngritën pas vrasjes së Francesco Ferrante, i vrarë në Trani në janar 2015.

Sipas hetuesve, vrasja ndodhi për prishje të pazareve të drogës.

Gjatë këtyre hetimeve, hetuesit zbuluan dy organizata të veçanta kriminale të lidhura së bashku, njëra që vepronte midis Cerignola dhe Foggia dhe tjetra midis Andria dhe Barletta.

Droga u importua nga Hollanda, Shqipëria dhe Gjermania nga një shqiptar, përmes bashkatdhetarëve të tij, me vendbanim në Evropën veriore.

Organizata furnizonte grupet  italiane me kokainë, heroinë, hashash dhe marijuanë.

Policët zbuluan se korrierët e drogës transportonin drogen përmes fundeve të dyfishta në makinat që transportonin drogën.

Nga Puglia droga transportohej më tej në Cerignola, San Salvo, Pescara dhe Barletta. Më pas, u shpërndahej gjithë rrjetit të trafikantëve e tjerë deri sa e nxirrnin në treg përmes shpërndarësve të drogës.

Emrat e shqiptarëve të arrestuar nga operacioni i sotëm:

-Denis Bimi,

-Besmir Sylja,

-Luan Delaj.

Nga hetimet ka rezultuar se:

-Janë sekuestruar ne Pescara, me 8 gusht 2016, 5.5 kilogramë kokainë, e kryer gjatë arrestimit të Ramiz Smajlaj.

-Janë sekuestruar ne Foggia, me 12 shtator 2016, 100 kilogramëve marijuanë dhe një pushkë gjysmë automatike belge, kalibër 30, e pajisur me fishekë gjate arrestimit në flagrancë të Paul Mandrescu, Roberto Alexa, Armand Rameta dhe Merlin Myftaraj.

-Është sekuestruar ne Foggia, me 7 Tetor 2016, një sasi prej 9.5 kg marijuanë, e kryer gjatë arrestimit të Denis Uku dhe D.P.L.

Po ashtu janë sekuestruar armë dhe drogë që kanë patur lidhje me këto grupe ku kanë qenë të përfshirë edhe shqiptarë të tjerë.

Janë kryer 20 arrestime, dhe janë sekuestruar mbi 440 kg lëndë narkotike, përfshirë kokainë, heroinë, hashash dhe marihuanë.

Gjithashtu janë sekuestruar edhe disa armë, dhe para cash.

Ndërkohë policia italiane ka njoftuar se hetimet për zbulimin dhe shkatërrimin e gjithë rrjetit ende vazhdojnë./abcnews.al

Screenshot_3-3.png
R D19:42 | 15/01/2020

Prokuroria e Tiranë ka prerë 31 urdhër-ndalime për ish-zyrtarët lokalë, ndërtues, arkitektë, etj. lidhur me dëmet e shkaktuara nga termeti i 26 nëntorit. Sipas prokurorëve janë gjetur shkelje të shumta sa i përket ndërtimeve në zonën e Unazës së Re, Farkës në Tiranë si dhe në Kamëz e Vorë.

I ftuar pasditen e sotme në studion e “Abc News” gazetari investigativ, Artan Hoxha tha se kjo dosje e servirur me bujë do të shfryhet shumë shpejt në gjykatë. Edhe pse janë lëshuar 31 urdhër-arreste nga prokuroria, gjykata do ti lirojë ata një nga një, pasi prokurorët janë të pritur të çojnë njerëz në burg kur ka presion politik.


Artan Hoxha:  Nëse i hidhni një sy sot Tiranës dhe nëse e krahasoni me atë të para 20 viteve do të shihni se Tirana është zgjeruar shumë pikërisht në këto zona që quheshin komuna, si Farka apo Kashari. Dua të theksoj se Farka administronte pjesën elite të kryeqytetit, aty janë janë vendosur restore dhe shtëpitë e VIP-ave. Ish-komuna e Farkës përfshin edhe zonën e Kopshtit Zoologjik apo Liqenin e Thatë ku janë bërë pallate me shumë kate.

E njëjta gjë është Kashari… ish-komuna Kashar ka dhënë gjithë lejet e ndërtimit për Unazën e Re (Astir), Mëzezin, Yzberishtin, etij. Kjo zonë sot për sot është si Kabul. Është ndërtuar pa asnjë lloj plani urbanisitik. Aty nuk ka asnjë shkollë apo kopësht publik. Po të shohësh në 7 të mëngjesit ka një trafik të paparë pasi të gjithë i çojnë fëmijët në shkolla të tjera të Tiranës.

20 vitet e fundit kryeqyteti është drejtuar nga e majta, ndërsa ish-komunat nga e djathta. Pra fletë-arrestet janë prerë për të djathtët, bashkia e madhe që është drejtuar nga e majta nuk është prekur nga prokurorët e çështjes. Dëgjova sot prokuroren që përmendi edhe Kamzën e Vorën. Të gjitha këto njësi administrative kanë qenë drejtuar nga kryetarë të djathtë.

U mbush qelia, 4 gra në një krevat

Artan Hoxha: Dje kur u bënë arrestimet zinxhirë isha në kafe me një drejtues policie dhe e merr në telefon një grua i thotë më kanë rrëmbyer burrin. Kur pyes çfarë profesioni ka, më thotë arkitekt? Në sallën operative mësuam se po bëhen arrestime të shumta, që ishin ishin arkitektë, inxhinierë, ndërtues dhe pushtetarë vendorë. Theksoj se janë lëshuar 31 fletë-arreste por kanë dalë emrat e 27 personave, 6 të tjerë dyshohet se janë larguar nga vendi.

Në pamje të parë duket goditje e fortë. Drejtoria e Policisë së Tiranës ishte e mbushur mbrëmë me familjarë dukej sikur aty kishte miting. Mes të arrestuarëve janë dhe 4 gra (femra) që mbrëmë kanë fjetur në një qeli, në një krevat. Avokatët nuk lejoheshin se nuk ishin gati prokurat. Pra, prokuroria dhe policia bënë gjithë këtë fluks njerëzish ndaj nuk arrijnë të bëjnë dot gati materialet. Le të shohim nesër kur të dalin në gjykatë, a do të vlerësohen të ligjshme masat e sigurimit personal?!

Unë mendoj se masiviteti sfumon cilësinë. Publiku pret tjetër gjë, pret të arrestohen njerëz të rëndësishëm me pushtet. Kjo nisja nga poshtë s’më pëlqen.

Pse nuk do dënohen ish-kryekomunarët

Artan Hoxha: I dëgjova me vemendje prokurorët, ata janë bazuar në një ligj të shekullit të kaluar, ligji urbanistik i vitit 1998. Bardh Plaku ish-kreu i komunës Farkë dhe Besnik Fuçia i Kasharit, kanë kohë që e kanë lënë mandatin. Veprat penale që u atribuon janë parashkruar… Pra i mbledhin me bujë në polici dhe i lirojnë një nga një tek gjykata. Njerëzit duan që të ketë ndëshkim të plotë për katrahurën e tmerrshme të ndërtimeve, nuk duan ‘show’.

Ndërtimet pa cilësi nuk janë bërë vetëm në periferi, por edhe në Tiranë. Aktualisht brenda qytetit të Tiranës ndërtohet me ritme të larta. Betonieret punojnë ditën dhe shkon Policia Bashkiake e gjobit qytetarët, që të mbajë rrugën e hapur për betonieret e pallateve.

Te diga e Liqenit ka shumë objekte. Ato dallojnë të gjitha nga larg se kanë kate shtesë, deri në 4 kate. Gjithë këto kohë nuk i ka kontrolluar askush ndërtuesit. Mendoj se gjyakta mund ti lirojë personat e arrestuar sepse prokuroria s’ka nevojë të bëjë zhurmë, por hetime të thelluara. Pra ata mund ti hetonte në gjendje të lirë, por ta kopsiste dosjen. Kemi 18 arrestimet e Durrësit, që u liruar ca në Shkallën e Parë e ca në Apel. Prokurorët tanë janë të pritur të çojnë njerëz në burg kur ka presion politik. /abcnews.al

famlijaree.png
R D20:19 | 14/01/2020

Prokuroria e Tiranës pas 1 muaj e gjysmë hetime ka gjetur një sërë shkeljesh me ndërtimet në Tiranë. Dëmet në banesa u evidentuan pas termetit të 26 nëntorit. Burimet konfirmojnë se janë prerë 38 fletë-arreste për ish-funksionarët e komunave Kashar, Farkë dhe të bashkisë së Vorës.

Gazetari Andi Qosja në një raportim live nga Drejtoria e Policisë së Tiranës tha se janë bërë 60 kallëzime nga qytetarë të ndryshëm për dëmet e shkaktuara nga termeti në Kashar, Unaza e Re, Farkë, Kombinat, Liqeni Thatë, etj.

Sakaq, janë arrestuar deri më tani 27 persona, që dyshohet se kanë shkelur ligjin, dhe konkretisht nenin 248 të Kodit Penal (shpërdorim detyre).

Pasi kanë mësuar për ngjarjen, në Drejtorinë e Policisë së Tiranës janë mbledhur shumë familjarë të personave të ndaluar dhe të arrestuar mbrëmjen e kësaj të marte. /abcnews.al

EMRAT/ Nisin arrestimet në Tiranë, deri tani 27 ish-zyrtarë, ndërtues e arkitektë bien në pranga

andi-dr-tirane.png
R D19:01 | 14/01/2020

Abcnews.al ka zbardhur emrat e ish-zyrtarëve vendorë, arkitektëve dhe ndërtuesve të arrestuar mbrëmjen e sotme në Tiranë dhe Vorë.  Prokurorët e Tiranës, Erjon Imeraj dhe Alket Mersini kanë prerë flete-arrestet ndërsa kanë nisur arrestimet nga policia, ku mes tyre janë Fatbardh Plaku ish-kryetar i komunës Farke dhe Besnik Fuçia ish-kryetar i komunës Kashar.

Hetimet e nisura nga Prokuroria e Tiranës në bashkëpunim me Policinë e Shtetit sollën arrestimin e mbi 27 personave. Burimet thanë se janë evidentuar shkelje që klasifikohen si shpërdorim detyre sipas nenit 248 i Kodit Penal. Për këtë vepër penale kanë përfunduar në burg, drejtues teknik, inxhinierë, deri tek ish-kryetar i komunës Farke, Fatbardh Plaku, ish-kreu i komunës Kashar Besnik Fuçia, Faik Fejzo etj.

Hetimet nisen pas termetit të 26 nentorit 2019 ku shumë objekte në Tiranë dhe Vorë u dëmtuan rëndë. Dëmtimet e evidentuara në banesa i kanë bërë ato të pabanueshme, ku dhjetera qytetare kane mbetur pa banese. Cilësia jo e duhur në ndertim, mungesa e kontrollit gjatë kolaudimit të objekteve, ndërhyrjet e padrejta në strukturë, janë disa nga shkeljet e konstatura në ish-Komunën e Farkës, Kasharit, Bashkinë e Vorës dhe lagjet e Tiranës Kombinat, Liqeni i Thatë, etj.

Theksojmë se në total janë prerë nga prokuroria 38 urdhër-arreste, ndërsa gazetari i Abc News, And Qosja ka siguruar emrat e 27 personave që janë arrestuar deri më tani. Ata po mbahen në Drejtorinë e Policisë së Tiranes, ndërsa po punohet për kapjen e personave të tjerë. /abcnews.al

Emrat e personave të arrestuar:

1. Fatbardh Plaku ish-kreu i Komunës Farkë
2. Besnik Fuçia, ish-kreu i Komunës Kashar
3. Luan Beta, ish-kreu i Urbanistikës, Vorë
4. Stela Maze, arkitekte
5. Anila Harxhi, arkitekte
6. Merita Kushi
7. Bukurije Halili
8. Ali Dyrmishi
9. Vjollca Hoxholli
10. Gerti Çalliku
11. Jani Ikonomi
12. Qirjako Gjergo
13. Sherbet Shehi
14. Naim Shehi
15. Ermir Çina
16. Adhurim Qehajaj
17. Gëzim Shkalla
18. Pëllumb Fortuzi
19. Xhevahir Doda
20. Reis Muça
21. Hekri Disha
22. Agim Eski
23. Faik Fejzo

24. Zhaneta Tagani
25. Muhamed Felahi
26. Ndoc Pepkola
27. Hekri Disho

 

policia-kamez-1.jpg
in a18:23 | 14/01/2020

Antidroga në Vlorë në bashkëpunim me struktura të tjera të policisë kanë nisur një aksion në rrethinat qytetit bregdetar për arrestimin e personave me precedent penalë. Mësohet se gjatë kontrolleve në banesa janë arrestuar 8 persona, 4 prej të cilëve janë nga fshati Kotë.

Gazetari Elton Nika tha aksioni u shtri në të gjitha fshatrat ku kalon lumi i Vlorës, zona të cilat cilësohen si më problematike për kultivimin e kanabisit. “Nuk ka ende një informacion zyrtar nëse janë kapur apo jo lëndë narkotike”, raporton gazetari.

Aksioni nga ana e policisë nuk është vetëm aksion anti drogë por është edhe për persona me precedent penal si dhe për persona që dyshohen për zjarrvënie automjetesh.

Aksioni është përqëndruar në ato fshatra ku policia e Vlorës ka pasur informacione, për kultivimin e lëndëve narkotike.

/abcnews.al

termeti-dhe-ne-Vlore.jpg
R D18:15 | 14/01/2020

Pas termetit të 26 Nëntorit, nisën hetimet nga prokuroria e Tiranës për ndërtesat e dëmtuara në bashkinë e Tiranës dhe në Bashkinë e Vorës. Sot mësohet se prokurorët kanë prerë rreth 38 urdhër-arreste për ish-zyrtarë vendorë të Bashkisë së Vorës si dhe të ish-kryetaret e komunave Kashar dhe Farkë.

Gazetari Andi Qosja tha se mes të ndaluarve në Drejtorinë e Policisë së Tiranës është edhe ish-kreu demokrat i komunës së Farkës, Fatbardh Plaku si dhe ish-kreu i komunës Kashar, Besnik Fuçia.

Operacioni i policisë po vijon thanë burimet në Vorë, Kashar dhe në Farkë, zonat ku dëmet nga tërmeti kanë qenë të shumta. Nuk dihet ende me siguri se sa është numri i arrestimeve të deritanishme, por burimet thanë se mes tyre është Luan Beka, ish-kreu i Urbanistikës në Vorë. /abcnews.al

gjykata-durres-1280x711.jpg
nev ila19:53 | 12/01/2020

Punonjësit e policisë së Qarkut të Durrësit dhe ata të pushtetit vendor dolën para togave të zeza dhe u njohën me masën e sigurisë.

Gjykata vendosi për 10 prej të arrestuarve lirimin dhe dhënien e masës së sigurisë “detyrim paraqitje”, ndërsa për 8 prej tyre dha masën e sigurisë “arrest në burg”. Ndërkohë Prokurori i çështjes ka kërkuar arrest me burg për të gjithë të arrestuarit.

Përkatësisht Gjykata e Durrësit vendosi:

-Besnik Domi  pezullim detyre, detyrim paraqitje

-Sami Xhafa  pezullim detyre, detyrim paraqitje

-Marius Shahini pezullim detyre, detyrim paraqitje

-Nikoll Marku  pezullim detyre, detyrim paraqitje

-Julian Kacadej pezullim detyre, detyrim paraqitje

-Dritan Koçi pezullim detyre, detyrim paraqitje

-Paulin Meta pezullim detyre, detyrim paraqitje

-Qerim Doka pezullim detyre, detyrim paraqitje

-Gjon Zefi pezullim detyre, detyrim paraqitje

-Astrit Nuri pezullim detyre, detyrim paraqitje

-Dëshir Dakoli  arrest me burg

-Petrit  Neziri arrest me burg

-Ermand Petova arrest me burg

-Gjergj Gërco arrest me burg

-Agim Osmani  arrest me burg

-Haxhi Sherra arrest me burg

-Ndriçim Shika arrest me burg

-Adem Lika arrest me burg

-Gani Dama (i shpallur në kërkim)

Ata u arrestuan të enjten në mbrëmje pas përgjimeve disa mujore.

Një pjesë e tyre kishin krijuar një mekanizëm për të përfituar para dhe lejonin të ndërtohej paleje, ndërsa të tjerët nuk verifikonin ankesat e banorëve duke i fshehur ato.

Mësohet se Prokuror i çështjes që heton çështjen është Afrim Shehu dhe gjyqtari që vendosi për masat është Paulin Cera.

Ndërkohë në nisje të seancës së sotme për dhënien e masave të sigurisë, një prej të arrestuarve, specialisti në policinë e shtetit Agim Osmani shfaqi problem shëndetësor dhe u shoqërua për në spital ku ndodhet jashtë rrezikut për jetën.

Në sallë munguan dy nga të akuzuarit, një specialist që përfaqësohet nga avokati i tij dhe polici Gani Dama i cili është shpallur në kërkim./abcnews.al

 

20151214150319648646.jpg
in a11:57 | 09/01/2020

Një bandë shqiptare në Belgjikë është dënuar me pesë vite burg dhe i është kërkuar që të riktheheshin gjysmë milionë euro nga paratë e drogës.

Gjobëvënie, trafik kokaine e armësh. Këto janë veprimtaritë me të cilat merreshin një bandë shqiptarësh e përbërë prej tetë personash. Shqiptarët janë kapur dhe pasi janë vënë në pranga, janë gjykuar nga një gjykatë në Belgjikë.

Hetimet nisën në vitin 2013 pas dyshimeve se banda vendoste gjoba ndaj kafeneve, hoteleve dhe diskove të zonës. Policia arriti të vendoste një përgjues në Mercedes-in e Alban C, që dyshohet se drejtonte bandën. Ndërkohë tre agjentë policorë kroatë të maskuar u infiltruan në ambientet e bandës. Përgjimet e shumta zbuluan se banda nuk merrej vetëm me gjobëvënie, por edhe me shitjen e kokainës dhe armëve të rënda si kallashnikovë. Në vitin 2015, njësia speciale arrestoi disa të dyshuar. Gjatë kontrollit u gjetën 683 gram kokainë dhe tre kallashnikovë në garazhin e Alban C. Sipas prokurorëve, rrjeti përbëhej nga Alban C. (40 vjeç), Agron L.(41 vjeç), Kevin B. (40 vjeç), Dhimitër G. (43 vjeç) dhe Ajet P. (39 vjeç). Ata kërkuan pesë vite burg dhe që të riktheheshin gjysmë milionë euro nga paratë e drogës. Në fund, gjykatësi dënoi Alban C dhe Agron L. me 42 muaj (3.5 vite) burg dhe një konfiskim prej 75 mijë eurosh.

policia-kamez.jpg
in a10:17 | 06/01/2020

Katër djem të rinj kanë rënë në prangat e policisë pas një aksioni policor në Kamzë. Policia bën me dije se kishin marrë informacion se do të realizohej shpërndarja e drogave të forta.

Ndërkohë materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e narkotikëve” e kryer në bashkëpunim.

Tiranë/Informacion

Finalizohet operacioni policor “RESTART”, për goditjen e shpërndarjes së drogave të forta në doza të vogla.

Operacioni nga Komisariati i Policisë Nr. 5, në bashkëpunim me Seksionin për Hetimin e Narkotikëve në DVP Tiranë.

Sekuestrohet një sasi lënde narkotike kokainë, e ndarë në doza.

Vihen në pranga 4 shtetas.

Në vijim të goditjeve të njëpasnjëshme të bëra gjatë vitit 2019, për parandalimin dhe goditjen e shpërndarjes së drogave në doza të vogla, si dhe në zbatim të planit të masave të hartuar për këtë qëllim, shërbimet e Komisariat të Policisë Nr. 5, në bashkëpunim me Seksionin për Hetimin e Narkotikëve në Drejtorinë Vendore të Policisë Tiranë, në bazë të informacioneve të siguruara në rrugë operative nga burime të ndryshme, finalizuan me sukses operacionin policor të koduar “RESTART”, në kuadër të të cilit u arrestuan në flagrancë shtetasit:

  1. N., 19 vjeç, A. T., 19 vjeç, M. Gj., 22 vjeç dhe J. P., 18 vjeç, të katërt lindur dhe banues ne Rrëshen.

Në bazë të informacioneve të marra në rrugë operative se disa të rinj po shpërndanin lëndë narkotike kokainë në zonën e Kamzës, Patrullat e Përgjithshme të Komisariat të Policisë Nr. 5, në bashkëpunim me Seksionin për Hetimin e Narkotikëve, kanë ushtruar kontrolle në disa ambiente dhe automjete.

Gjatë kontrollit të ushtruar në  automjetin që drejtohej nga shtetasi G. N., me pasagjerë shtetasit A. T., M. Gj. dhe J. P., Policia gjeti dhe sekuestroi një sasi dozash me lëndë narkotike, të dyshuar kokainë, të futura në qese farmaceutike gati për shitje, gjithsej 11.2 gr., të cilat u sekuestrua në cilësinë e provës materiale.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e narkotikëve” e kryer në bashkëpunim./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono