arrestime

spitali-fier-1280x703.jpg
ent ela10:51 | 01/09/2019

Është arrestuar autori që i mori pistoletën policit dhe hapi zjarr në urgjencën e spitalit duke plagosur një person. Policia njoftoi për vënien në pranga të 5 personave në lidhje me konfliktin që nisi në Levan dhe përfundoi në Fier. Dy nga te arrestuarit D. B 21 vjeç dhe G.B 22 vjeç nga Levani akuzohen për “Vrasje me dashje të mbetur në tentativë si dhe për “goditje për shkak detyrës të punonjësit të rendit publik”.

Tre të tjerët e arrestuar, gjithashtu të akuzuar për vrasje të mbetur në tentativë, janë personat të përfshirë në konfliktin e Levanit. Ata janë  A.Zh., 51 vjeç, nga Ferrasi, E. K., 32 vjeç nga Vlora,  A. Zh., 22 vjeç nga Ferrasi i Fierit.

Nga veprimet e para hetimore rezulton se konflikti ka nisur për motive banale në një lokal. Në cilësinë e provës materiale u bë sekuestrimi i një arme gjahu, dy mjeteve prerës dhe tre automjeteve.

Aktualisht të shtruar në spital nga përplasjet midis dy familjave janë, Aleksandër Zhapaj i cili u qëllua me pistoletë në spital, Aldi Aleksandër Zhapaj, Gentjan Aleksandër Zhapaj, Klajdi Januz Lamaj dhe Erlind Afrim Mucaj të goditur me leva dhe me thika në Levan. /ABC News Albania 24/7

maxresdefault-5-1280x720.jpg
ent ela22:20 | 27/08/2019

Sonte Policia e Kosovës ka prangosur tetë persona – gjashtë gra dhe dy burra.

Arrestimi i tyre është bërë me dyshimin se janë marrë me veprën penale të prostitucionit, njofton Klan Kosova.

“Pas hetimeve aktive, dhe angazhimeve të Policisë së Kosovës për luftimin e dukurive negative në vend, luftën e pakompromis kundër trafikimit me njerëz dhe veprave tjera qe ndërlidhen me prostitucionin, sonte është në proces te realizimi një operacion policor”, ka thënë për klankosova.tv zëdhënësi i Policisë, Daut Hoxha.

“Deri në këtë fazë ne dy lokacione te ndryshme në rajonin e Prishtinës janë arrestuar 8 persona të dyshuar: 2 meshkuj dhe 6 femra, nën dyshimin e kryerjes së veprave; “mundësim apo detyrim në prostitucion” dhe “ofrim i lokaleve për prostitucion””. /klankosova

WhatsApp-Image-2019-07-29-at-12.59.35-1280x720.jpeg
nev ila12:58 | 29/07/2019

Nga 1 korriku policia po zhvillon në rang kombëtar aksioni anti-informalitet kryesisht në zonat bregdetare, ku ndëshkimit nuk i kanë shpëtuar as punonjësit të administratës për shpërdorim detyre. Sipas Drejtorit për Krimin Ekonomik Lutfi Minxhozi mes të ndaluarve ishte edhe Kryetari i Njësisë Administrative Dërmënas, në Fier Dilaver Shyti.

Nga nisja e aksionit kundër informalitetit në fillim të korrikut, kryesisht në zonat bregdetare dhe qendrat e tjera turistike të vendit, janë arrestuar dhe proceduar 30 punonjës të administratës për shpërdorim detyre.

Drejtori për Hetimin e Krimeve Ekonomike në Drejtorinë e Policisë, Lutfi Minxhozi njoftoi se mes të ndaluarve ishte edhe kryetari i njësisë administrative Dërmenas në Fier Dilaver Shyti.

“Janë proceduar penalisht 30 zyrtarë të administratës për veprën penale “Shpërdorimi i detyrës”, nga të cilët: 23 nëpunës të bashkive; 3 nëpunës të sistemit fiskal;4 nëpunës të Drejtorive Rajonale të Punësimit.  Nga nëpunësit e proceduar penalisht, 5 prej tyre janë arrestuar në flagrancë, konkretisht. Kryetari i një Njësie Administrative, Bashkia Fier;4 punonjës të Tatim-Taksave, në Bashkinë Shkodër. Në 80 raste, për subjekte të ndryshme janë marrë masa administrative nga Tatimet duke vendosur gjoba. Në 15 raste, organet tatimore kanë vendosur bllokimin e aktivitetit të bizneseve të paligjshëm”, tha Minxhozi.

Për të zbuluar subjekteve në shkelje të ligjit, Minxhozi theksoi se policia po bashkëpunon edhe Drejtorinë e Përgjithshme të Tatimeve, Doganave dhe Pushtetin Vendor.

“Në zbatim të këtij plani të posaçëm në shkallë vendi janë ushtruar kontrolle në 801 subjekte të ndryshme, nga të cilët 467 shërbime vend-pushimesh me shezlong, 162 lokale në bregdet, 83 hotele, 24 ndërtime pa leje, 4 raste për territore të pushtuara dhe në pika shpërndarëse të karburantit. Si rezultat i këtyre kontrolleve janë evidentuar 89 subjekte në shkelje të ligjit dhe të gjithë përfaqësuesit e tyre janë proceduar penalisht për veprat penale: fshehja e të ardhurave, mos lëshim i kuptonit tatimor, ushtrim aktiviteti tregtar i paligjshëm, mospagim i taksave dhe i tatimeve, ndërtim i paligjshëm etj., të cilat ndiqen në bashkëpunim me Prokuroritë e Rretheve Gjyqësore përkatëse”, tha ai.

Fokusi përveç informalitetit, evazionit fiskal në turizëm, Minxhozi paralajmëroi edhe punonjësit e tjerë të administratës se do të ndëshkohen sipas ligjit, nëse nuk raportojnë ndërtimet pa leje dhe zaptimin e hapësirave publike.

“Gjatë këtij operacioni masash, përveç parandalimit, evidentimit dhe ndëshkimit të subjekteve, vëmendja kryesore e strukturave të Policisë së Shtetit do të përqendrohet në zbulimin, dokumentimin dhe procedimin  penal të  çdo zyrtari bashkie, Tatimesh, IQT, Dogane, Punësimi etj., të cilët me dashje nuk kanë kryer detyrën për kontrollin e territorit, por kanë lejuar informalitetin, ndërtimet pa leje, ushtrimin e aktiviteteve të tregtisë së paligjshme, ushtrimin e aktivitetit tregtare pa kasë fiskale, shmangie doganore, në interes të tyre ose të personave të tretë, duke i sjellë dëme të konsiderueshme mjedisit, qytetarëve, bizneseve të ligjshme, nëpërmjet lejimit të konkurrencës së pandershme si dhe kanë sjellë dëme të konsiderueshme Buxhetit të Shtetit”, deklaroi Minxhozi.

Në aksionin anti-informalitet në 12 qarqet e vendore janë angazhuar më shumë se 100 efektive e policie./ABC News Albania 24/7

 

 

shqiptare.jpg
G. P.19:14 | 27/07/2019

17 shqiptarë janë arrestuar mëngjesin e kësaj të shtune në Itali si pjesë e tre bandave që merreshin kryesisht me grabitjen e banesave. Mediat bëjnë të ditur se grupet kriminale i kryenin vjedhjet në zonën e Milanos, Monza-s, Brianza-s dhe Varese-s.

Ndaj tyre rëndojnë edhe akuzat për tentativë vrasje dhe armëmbatje pa leje. Pavarësisht se i përkisnin bandave të ndryshme kriminale, sipas karabinierëve, shqiptarët ishin të gatshëm të punonin me njëri tjetrin, madje “huazonin” njerëzit kur ishte e nevojshme.

Që prej Prillit, ata dyshohen se kanë kryer 57 grabitje; 23 në Milano, 17 në Varese, 8 në Como, 4 në Cremona, 3 në Leço dhe nga 1 grabitje në Monza, Brianza dhe Brescia. Mësohet se në një nga vjedhjet e kryera në 13 Maj në Castellanza të Varese-s dy shqiptarë i janë përgjigjur me zjarr karabinierëve, por fatmirësisht nga ngjarja nuk pati të lënduar.

Sipas policisë, shqiptarët ishin gati për t’u kthyer në Shqipëri. Ata u identifikuan nga makinat, që kishin targa të klonuara dhe ishin përdorur në vjedhje. Gjithashtu shqiptarët u ekspozuan për shkak të takimeve që bënin në parkingun e një qendre tregtare. Atyre iu sekuestruan dy pistoleta, një revolver, dy makina, radio si dhe 2200 euro.

Të gjithë të arrestuarit ndodhen tashmë në burgun e Monza-s./abcnews.al

moscow.jpg
G. P.17:20 | 27/07/2019

Më shumë se 200 persona u arrestuan në Moskë si pasojë e protestave kundër vendimit të autoriteteve për të ndaluar kandidaturat e opozitës në zgjedhjet vendore të muajit Shtator.

Ende pa filluar manifestimi, dhjetëra aktivistë u arrestuan. Vendimi për të përjashtuar kandidatët pasi nuk kishin mbledhur firmat e duhura në peticione, ka shkaktuar manifestime disa ditore në vend të cilat nisën në muajin Korrik.

Protesta e të shtunës u organizuar nga Aleksei Navalni një kritik i ashpër i Kremlinit, i cili shprehet se do të vazhdojë të organizojë protesta deri sa disidentëve tu lejohet pjesëmarrja në zgjedhje. Të mërkurën Navalni u dënua me 30 ditë burg pikërisht për organizimin e protestës së të shtunës./ABC News Albania 24/7

polizia-italiane.jpg
nev ila17:08 | 23/07/2019

35 të dyshuar, 17 të arrestuar, 1500 kg mariuana të sekuestruara, më shumë se 100 kg hashash dhe 2 kg kokainë. Ky është bilanci i operacionit të quajtur “Outlet” nga policia italiane në Bolonja, Itali.

17 të arrestuarit, shqiptarë, italianë dhe marokenë, ishin të gjithë rezidentë në Bolonja.

Mariuana në sasi të konsiderueshme mbërrinte në brigjet e Puglias nga Shqipëria dhe transportohej me gomone.

Trafikantët blinin me shumicë mariuanën në Shqipëri me një çmim rreth 800 euro kg dhe e shisnin më pas në Itali me 2000 deri në 2500 euro kg duke përfituar kështu shuma të konsiderueshme.

Me mbërritjen në Bolonja droga shpërndahej për shqiptarët dhe marokenët. Arrestimi i njërit prej tyre përpara disa kohësh, bëri që autoritetet italiane të nisnin hetimin duke arritur zbulimin e gjithë grupit të trafikantëve.

Nuk bëhen me dije ende identitetet e të arrestuarve dhe detaje të tjera por mësohet se policia italiane ka njoftuar se hetimi nuk është mbyllur ende dhe se po punohet për të zbuluar të gjithë aktivitetin që zhvillohej në trafikun e drogës./abcnews.al

67387202_2243165242403258_858460685686800384_n.jpg
nev ila16:15 | 18/07/2019

Deputeti i AAK-së, Daut Haradinaj, ndodhet në Vjenë të Asutrisë. Nga Vjena, vëllai i kryeministrit Haradinaj ka postuar fotografi, me të cilën ka konfirmuar se është i lirë.

Daut Haradinaj ka postuar në Facebook-un e tij, pas lajmit se ai është ndalur sot në Francë.

“Live nga Vjena”, ka shkruar ai në FB.

Për vëllain e kryeministrit Haradinaj, Daut Haradinaj, u raportua se është ndaluar në Vjenë.

Para dy vitesh ishte ndaluar edhe kryeministri Ramush Haradinaj për disa muaj në Kolmar të Francës për llogari të shtetit Serb por më pas ai u la i lirë./abcnews.al

polizia-milano.jpg
nev ila10:15 | 07/07/2019

Policia italiane në bashkëpunim me policinë shqiptare, ka arrestuar tetë shqiptarë me origjinë nga Lezha për trafik droge dhe prostitucion, aktivitet të cilin e kryenin kryesisht në Milano.

Gjatë operacionit, që ka nisur që prej vitit 2017 janë sekuestruar një apartament, makina dhe llogari bankare të tetë shqiptarëve. Ata akuzohen se kanë trafikuar 20 kg kokainë në rajonin e Lombardisë.

Gjithashtu kjo bandë shfrytëzonte për prostitucion 7 vajza, shumica me origjinë rumune, të detyruara të prostituonin në brendësi të Milanos dhe në krahinën e Monzës. Vajzat detyroheshin që të garantonin 300-400 euro/nata perfitim, secila prej tyre.

Autoritetet italiane informojnë se, vazhdojnë hetimet për të zbuluar të gjithë rrjetin e kësaj bande./abcnews.al

 

ARRESTIMET-NE-SHKUP_ABC-M2-T1.mpg_snapshot_00.19-1280x720.jpg
ent ela13:45 | 29/06/2019

Janë 11 personat e akuzuar për shpërdorim detyre në Maqedoninë e Veriut, mes të cilëve dhe ish ministri i transportit Janakievski, si dhe emra të tjerë të rëndësishëm të opozitës në vend. Ata akuzohen se i kanë shkaktuar shtetit një dëm prej 2 milion eurosh.

Para gjykatësit të procedurës paraprake kanë dalë 11 të dyshuar mes të cilëve edhe ish-Ministri për Transport Mile Janakievski dhe Anëtari i Komitetit Ekzekutiv të VMRO-DPMNE-së Dimitar Dimovski dhe Dejan Mitrevski Kryetar i Komitetit Komunal të kësaj partie në Aerodrom të Shkupit.

Shpërdorim të rreth dy million eurove me katër marrëveshje të jashtëligjshme për parcela të mëdha është shkaku që për Ministrin e dikurshëm të Transportit Mile Janakievski sërish kërkohet masa e paraburgimit – thonë nga Prokuroria për Krim të Organizuar. Janakievski në gjykatë është dërguar nga paraburgimi shtëpiak për shkak të dyshimit se është një prej organizatorëve të dhunës në Kuvend.Prokuroria për Krim të Organizuar ka hapur procedurë kundër 11 të punësuarve të tashëm e të dikurshëm në institucione shtetërore. Bëhet fjalë për pesë të punësuar në Ministrinë për Transport dhe Lidhje, noterë dhe të punësuar në kadastër, si dhe avokati shtetëror i qytetit të Shkupit. Në mëngjes janë ndaluar edhe anëtarë të lartë të VMRO-DPMNE-së opozitare.

MPB-ja ka thënë se pas një procedure gjithëpërfshirëse parahetimore me urdhër të Prokurorit Kompetent Publik nga Prokuroria Publike për ndjekje të krimit të organizuar dhe korrupsionit po merren masa për sigurimin e personave të dyshuar nëpër shumë lokalitete të Shkupit.

Ata dyshohen për keqpërdorim të detyrës zyrtare për marrëveshje për shitjen e tokës bujqësore në qendër të Shkupit për të ashtuquajturat “Shkallët spanjolle” , projekt i cili duhej të jetë pjesë e projektit “Shkupi 2014”. Marrëveshjet për tokat ishin plotësuar me anekse krahas asaj që nuk ishin plotësuar kushtet. /ABC News Albania 24/7

65615324_2461627277456962_3989526513446813696_o.jpg
Sej rie13:20 | 28/06/2019

Kamëz, Tiranë

Shërbimet e Komisariatit të Policisë Nr. 5 Kamëz, parandalojnë një ngjarje të rëndë kriminale.

Marrja në kohë e informacionit si dhe ndërhyrja me profesionalizëm e forcave të Policisë të Komisariatit nr 5, parandaloi përshkallëzimin e një konflikti me armë.

Parandalohet vrasja e dy personave.

Arrestohen në flagrancë dy shtetas, si dhe bllokohet në cilësinë e provës materiale një armë zjarri Kallashnikov, që dyshohet se do ta përdorin këta dy shtetas ndaj dy shtetasve të tjerë të përfshirë në konflikt.

Shërbimet e Policisë të Komisariatit të Polcisë Nr. 5 Tiranë, pas marrjes së informacionit se në Valias po ndodhte nje konflikt i ashpër midis disa personave, organizuan menjëherë punën dhe me veprimet e shpejta dhe profesionale bënë të mundur parandalimin e mëtejshëm të këtij konflikti duke arrestuar në flagrancë dy shtetas:

B.S., 40 vjeç, banues ne Valias.

S.S., 39 vjeç , banues në Valias, i dënuar më parë për veprën penale “Plagosja e rëndë me dashje” .

Gjithashtu falë veprimeve të shpejta është bërë e mundur edhe bllokimi i armës së zjarrit Kallashnikov me dy karikatore me fishekë, me të cilën këta dy shtetas dyshohet se do vrisnin dy shtetasit e tjerë të përfshirë në konflikt.

Po në cilësinë e provës materiale është bllokuar dhe automjeti i autorëve të kësaj ngjarjeje tip Porsche Cayenne.

Materialet procedurale iu referuan Prokurorisë së Rrethit Gjyqësor Tiranë, për veprat penale “Vrasja me dashje” e mbetur ne tentativë, e kryer në bashkëpunim dhe ”Mbajtja pa leje dhe prodhimi i armëve, armëve shpërthyese dhe i municionit”.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono