arrestim

anxhela-mecani.jpg
gra moz09:32 | 16/06/2018

Në Itali një 63-vjeçar italian u ndalua nga policia e vendit fqinj, nën dyshimin se mund të ketë lidhje me vrasjen e 20-vjeçares shqiptare, Anxhela Meçani. Kjo e fundit, sipas ekspertizës mjeko-ligjore, nuk është hedhur nga makina në ecje e sipër pasi është rrahur, por është aksidentuar nga një automjet.

Disa orë marrje në pyetje të një 63-vjeçari italian nuk ishin aq të mbara për policinë e vendit fqinj, që po heton prej gati 1 javë vrasjen e një 20-vjeçarje shqiptare, e dyshuar se shfrytëzohej si punëtore e seksit. Ndalimi dhe marrja në pyetje për disa orë i një 63-vjeçari italian nuk ka dhënë rezultatet e shpresuara nga hetuesit italianë në provincën e Cuneos.

Ai u ndalua pasi dyshohet se është klienti i fundit i Anxhela Meçanit, 20-vjeçarja shqiptare, e cila u gjet në gjendje kritike orët e para të së dielës në Torino dhe ndërroi jetë 13 orë më vonë në spital. Zhvillimet e papritura erdhen pasi agjentët e policisë shoqëruan një burrë në Fossano për ta marrë në pyetje. Sipas Corriere della Sera, makina e tij Mercedes u sekuestrua dhe iu nënshtrua disa inspektimeve, për të kuptuar nëse është ai mjeti me të cilin u përplas për vdekje e reja shqiptare.

Por pas një nate të tërë të kaluar në polici, 63-vjeçari është lënë i lirë, pasi për momentin mësohet se autoritetet italiane nuk kanë mundur të sigurojnë të dhëna të mjaftueshme për arrestimin e tij. Falë tabulateve telefonike dhe pamjeve të kapura nga kamerat e sigurisë në rrugë, hetuesit mbërritën tek 63-vjeçari në Fossano. Megjithatë, të paktën për momentin duket se nuk ka ende prova që ta bëjnë këtë të fundit përgjegjësin kryesor të vrasjes së shqiptares.

Hetimet tashmë vijojnë për të kuptuar rolin që ka pasur 63-vjeçari në këtë krim.Ndryshe nga sa u dyshua në fillim, se 20-vjeçarja shqiptare u dhunua barbarisht dhe më pas u hodh në rrugë nga një makinë në ecje, rezultatet e autopsisë kanë hedhur poshtë të dyja këto versione.

Sipas mjekut ligjor, e reja është përplasur nga një automjet, që më pas është larguar me shpejtësi nga vendi i ngjarjes. Kjo shpjegon edhe frakturat e shumta të gjetura në trupin e së resë, që duket se janë bërë nga përplasja, e jo nga dhuna dhe hedhja në rrugë./abcnews.al

kishat-1280x960.jpg
gra moz10:05 | 15/06/2018

Dy persona të akuzuar për trafikim të veprave të artit u arrestuan nga Policia e Korçës. Ata janë Beni Kosturi, 49 vjeç nga Korca dhe Nerald Karollari, 30 vjeç, nga Mborje. Ndërkohe po hetohet në gjendje të lirë një 27-vjeçar. Në banesën e Beni Kosturi iu gjetën e sekuestruan në cilësinë e provës materiale 25 ikona kishtare të përmasave të ndryshme si dhe 37 monedha metalike të huaja të prerjeve të ndryshme të dyshuara si të vjedhura në Greqi. Ata dyshohet se këto objekte do t’i shisnin në këmbim të një shume prej 3000 euro, me qëllim trafikimin e tyre./abcnews.al

kokaina.jpg
gra moz09:42 | 12/06/2018

Një shqiptar ka rënë në  prangat e policisë italiane pasi u kap me një kilogram kokainë.

Arrestimi i 42-vjeçarit, me iniciale B.F., u bë pas një kontrolli të autoriteteve në Ferrara. Ajo që i bëri ata të dyshonin, ishte nervozizmi i shqiptarit, i cili nuk mund të shpjegonte arsyen se përse ndodhej në zonë.

Kokaina ishte vendosur në një pako dhe sipas policisë rezulton të jetë e cilësisë më të pastër.

Ndërkohë mediat bëjnë të ditur se nëse e gjithë ajo sasi kokaine do të dilte në treg, përfitimet do të arrinin deri në 300.000 euro./abcnews.al

 

 

 

 

 

POLICIA-ELBASAN-1280x960.jpg
gra moz10:51 | 10/06/2018

Policia e Elbasanit ka arrestuar një person nga Kosova për dhunë në familje dhe mashtrim.

Burim Pushkolli, 36 vjeç, banues në Vushtri, Kosovë u arrestua sepse ndaj tij ka bërë kallëzim penal S.P 39 vjeçe, banuese Elbasan. Burim Pushkolli dyshohet se ka ushtruar dhunë psikologjike dhe fizike në mënyrë të vazhdueshme ndaj saj, pasi bashkëjetonin të dy.

Ndërkohë nga hetimet e para ka rezultuar se Pushkolli nëpërmjet mashtrimit ka marrë një sasi prej 100.000 mjë lekësh ndaj F.M., 47 vjeç, banues në Elbasan. Ai i kishte premtuar këtij të fundit se do e ndihmonte të regjistronte djalin në Akademin e Sigurisë në Tiranë.

Gjithashtu, 39-vjeçari ka mashtruar edhe një person tjetër nga Elbasani të cilit i ka marrë 50.000 lekë duke i premtuar se do e fuste në punë në Aeroportin  “Nënë Tereza” në Tiranë.

Pas verifikimeve me Policinë e Kosovës, është vërtetuar gjithashtu se atje për Pushkollin ka urdhër arresti për tre vepra penale për mashtrim./abcnews.al

audi.png
gra moz10:38 | 03/06/2018

Dy persona janë arrestuar dhe një tjetër është shpallur në kërkim në Lezhë pas një aksidenti me makinë, ku drejtuesi i mjetit u mundua t’i fshehë policisë pistoletën që kishte me vete.

Kështu që në pranga ranë Astrid Nimani, 47 vjeç dhe Oltion Vuka, 39 vjeç, ndërsa D.M.24 vjeç, u shpall në kërkim. Këta dy të fundit u proceduan penalisht për akuzën e pengimit të zbulimit të së vërtetës së ngjarjes.

Nga burime zyrtare mësohet se, Nimani duke drejtuar mjetin tip Audi në gjendje të dehur, ka humbur kontrollin dhe ka dalë nga rruga, ku për pasojë ka patur vetëm dëme materiale.

Në momentin që ka shkuar policia në vendngjarje, ai i ka dhënë pistoletën 24-vjeçarit D.M. për ta fshehur. Arma u gjet e hedhur në oborrin e një banese afër vendit të ngjarjes, ku dhe u sekuestrua në cilësinë e provës materiale, ndërsa i riu arriti të largohej.

Policia po punon për kapjen e 24-vjeçarit./abcnews.al

polizia-stradale-599543.660x368.jpg
gra moz09:25 | 31/05/2018

Një 42-vjeçar u arrestua nga autoritetet italiane pasi u kap me një sasi të konsiderueshme heroine.

Justifikimi që përdori shqiptari se po vizitonte miqtë në Milano nuk i bindi agjentët e policisë pasi nervozizmi i tij ishte shumë i qartë, shkruajnë mediat italiane.

42-vjeçari me iniciale, A.R u ndalua gjatë një kontrolli normal që policia po ushtronte në një autostradë pasditen e 29 Majit.

Pas kontrollit të ushtruar në bagazhin e makinës tip Renault Megane, autoritetet zbuluan një zgavër në bagazhin e makinës, ku shqiptari kishte fshehur 5 kilogramë heroinë dhe 60 gramë kokainë.

Sipas mediave, rezultonte se 42-vjeçari, i cili banonte në një provincë të Padova-s është me precedentë të mëparshëm penalë./abcnews.al

droge-dhe-arme.jpg
gra moz14:20 | 30/05/2018

Lëndë narkotike, armë zjarri dhe dy makina janë sekuestruar nga Policia e Vlorës gjatë një operacioni antidrogë. Ndërsa një person është arrestuar në flagrancë dhe një tjetër është shpallur në kërkim.

Sipas njoftimit të policisë, i arrestuar është 28-vjeçari Erjon Malaj, banues në Vlorë, pasi në automjet iu gjet 1 armë zjarri tip pistoletë me 6 fishekë si dhe një palë dylbi, ndërsa në banesë iu sekuestruan 40.8 kg kanabis.

Ndërsa 37-vjeçari me inicialet E. K po banues në Vlorë është shpallur në kërkim, pasi në aksin rrugor Vlorë-Novoselë, në momentin e ndalimit nga policia të mjetit tip “Peugeot”, ku udhëtonte bashkë me 28-vjeçarin Malaj, ai doli nga mjeti dhe është larguar duke përfituar nga errësira./abcnews.al

weinstein.jpg
gra moz22:29 | 25/05/2018

Ish-producenti Harvey Weinstein është arrestuar dhe akuzuar zyrtarisht nga autoritetet amerikane për përdhunim dhe krime të tjera seksuale. Akuzat janë ngritur pas dy denoncimeve të bëra ndaj tij, edhe pse vetë miliarderi vijon të pretendojë për pavarësi.

Ish-manjati i Hollivudit, Harvey Wienstein është akuzuar zyrtarisht për përdhunim dhe një seri krimesh seksuale, pas dy denoncimeve të bëra ndaj tij. Weinstein u vetëdorëzua të premten në rajonin e policisë të Manhatanit të poshtëm, ku iu komunikua arrestimi dhe pasi iu morën gjurmët e gishtave, i prangosur u shoqërua në gjykatë.

Në seancën e shkrutër, gjatë të cilës ai nuk foli, prokurori i çështjes deklaroi se Weinstein kishte përdorur pozitat e tij, pushtetin dhe paratë, për të çuar vajzat e reja në situata ku mund t’i dhunonte seksualisht. Dhjetëra gra dhe vajza e kanë akuzuar 66-vjeçarin për agresion seksual e një seri abuzimesh, akuza të cilat i dhanë jetë lëvizjes MeToo.

Vetë Weinstein i ka mohuar vazhdimisht akuzat. Aktualisht ai ndodhet i lirë pasi ka paguar garancinë financiare prej 1 milion dollarë, por mban me vete byzylykun elektronik. Avokati i tij, Ben Brafman u tha gazetarëve jashtë selisë së gjykatës se klienti i tij do t’i qëndrojë pretendimeve për pafajësi.

“Ne do të lëvizim me shpejtësi për t’i hedhur poshtë akuzat. Ne besojmë se ato kanë defekte kushtetuese dhe se nuk mbështeten në prova”, tha Brafman./abcnews.al

polizia_arresto.jpg
gra moz11:10 | 18/05/2018

Policia italiane ka finalizuar një operacion që ka çuar në arrestimin e një shqiptari për shpërndarje të lëndëve narkotike.

Autoritetet sekuestruan një kilogram kokainë të pastër, e gatshme për t’u ndarë dhe për t’u hedhur në treg.

Përveç shqiptarit, në pranga ra edhe një maqedonas, por emrat e tyre nuk janë zbuluar.

Droga ishte e fshehur në komunën e Ocre-s, pak kilometra larg kryeqytetit italian.

Hetimet kundër dy të arrestuarve kishin nisur pas denoncimve të qytetarëve italiane në aplikacionin e policisë, “YouPol”.

Dy shpërndarësit kishin krijuar zonat e tyre të shpërndarjes së kokainës në L’Aquila në fshatrat Bazzano, Paganica dhe në lokalitetin Sant’Elia./abcnews.al

Policia-e-Tiranes-1280x662.jpg
gra moz10:23 | 18/05/2018

Policia e Tiranës ka arrestuar babë e bir në lidhje me ngjarjen e ndodhur mbrëmjen e së enjtes në zonën e “Komunës të Parisit”.

Edmond Merkaj, 53 vjeç dhe djali i tij, Edjano Merkaj, 23 vjeç, ranë në pranga pasi plagosën me thikë 27-vjeçarin D.L.

Sipas autoriteteve, i riu u plagos për shkak të një konflikti për motive të dobëta. Ai u dërgua menjëherë në spital dhe ndodhet jashtë rrezikut për jetën./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono