arrest

BARDHOK-PLLANA-MASA-MBULIM-ABC-M2-T1.mpg_snapshot_00.19-1280x709.jpg
ent ela16:06 | 05/12/2018

Gjykata e Shkodrës vendosi arrest me burg për Bardhok Pllanën, i njohur ndryshe si “Kumbari” i Shkodrës. Seanca për masën e sigurisë u caktua në spital, ku Pllana ishte shtruar pas komplikacioneve në zemër. Ai ndodhet në reanimacionin e spitalit të Shkodrës, nën mbikqyrjen e policisë. Pllana akuzohet për aktivitet kriminal, ndërsa i është vënë në sekuestro preventive, pasuria prej 2 milionë eurosh. Prej disa vitesh kishte filluar ndërtimin e një objekti 10-katësh, pa marre një leje ndërtimi. Nga hetimi ka rezultuar se objekti është financuar nga të ardhura, që dyshohet që kanë ardhur nga aktiviteti i tij kriminal./abcnews.al

PROKURORIA-MASAT-MBULIM.mpg_snapshot_00.19-1280x720.jpg
ent ela18:48 | 23/11/2018

Prokuroria e Tiranës do të kërkojë në Gjykatë caktimin e masës së sigurisë “arrest në burg” për 6 persona të ndaluar pas protestës së dhunshme para Kuvendit. Në një njoftim për shtyp të Prokurorisë së Tiranës thuhet se i është kërkuar gjykatës “arrest në burg” për shtetasit Fluturim Goleci, Ruzhdi Daci, Marsel Velillari, Dorjan Protoduari, Amarildo Sinanaj dhe Shpati Bilbilaj.

Këta persona, sipas prokurorisë, dyshohen për kryerjen e veprave penale “Plagosja e rëndë me dashje”, “Mbajtja pa leje dhe prodhimi i armëve shpërthyese dhe i municionit”, “Kundërshtimi i punonjësit të policisë”, “Organizimi dhe pjesëmarrja në grumbullime të paligjshme” dhe “Prishje e qetësisë publike”./abcnews.al

GRUEVSKI-NE-KERKIM.png
ent ela19:42 | 12/11/2018

Ish kryeministri Nikolla Gruevski shpallet në kërkim. Policia maqedonase nuk e gjeti në shtëpi kur shkoi të ekzekutonte vendimin e gjykatës penale të Shkupit për arrestimin e tij, ndërsa Ministria e brendshme e ka vendosur në seksionin e personave në kërkim në faqen zyrtare.  Sipas mediave maqedonase, aksioni i forcave policore nisi pasi gjykata themelore e Shkupit lëshoi një urdhër-arrest për arrestimin e Gruevskit, i cili nuk ishte paraqitur tek autoritetet gjyqësore për t’u transferuar në burgun e Shutkës, për të vuajtur dënimin me 2 vjet burg për çështjen “Tank”. Gruevski u shpall fajtor për shpërdorim të detyrës me blerjen e makinës luksoze qeveritare me vlerë prej 600 mijë euro./abcnews.al

APELI-SHKODER-HIPOTEKA-MBULIM_ABC-M2-T1.mpg_snapshot_00.39-1280x720.jpg
G. P.10:27 | 16/10/2018

Gjykata e Apelit ka lënë në fuqi masën e arrestit me burg për ish-drejtorin e Hipotekës, Zamir Leka, i cili u arrestua në fund të muajit shtator për korrupsion. Leka apeloi vendimin e shkallës së parë duke kërkuar një masë me të butë, por Apeli e refuzoi. Të njëjtën gjë gjykata vendosi edhe për juristen Frida Marashi, të cilën e la në arrest shtëpie.

Leka u arrestua në datë 25 shtator së bashku me juristen e ZRVPP, Frida Mirashi, ndërkohë që është liruar nga burgu sekseri Erjon Cubaj duke u lënë në detyrim paraqitje. Drejtori Zamir Leka ndodhej në zyrat e Hipotekës në momentin e arrestimit. Leka u arrestua 10 minuta para përfundimit të orarit zyrtar të punës./abcnews.al

policia.jpg
G. P.09:05 | 27/09/2018

Një 50 vjeçar është arrestuar nga policia e Krujës. Ai është Flamur Korriku 50 vjeç banor i Tiranës, por që fshihej në periferi të Fushë Krujës. Korriku ishte në kërkim ndërkombëtar i dënuar me 6 vite e 3 muaj burg nga drejtësia italiane, për veprat penale “Organizatë kriminale”,  “Shfrytëzim prostitucioni”, ” Trafik femrash”,  “Krime kundër fëmijëve”dhe  “Fallsifikim dokumentash” parashikuar në legjislacionin penal italian. Materialet i kaluan Prokurorisë së Rrethit Gjyqësor Krujë për veprime të mëtejshme./abcnews.al

auto_policia.jpg
G. P.10:54 | 25/09/2018

Policia e Bulqizës ka ndaluar një 23-vjeçar i dënuar me “arrest shtëpie” nga Bulqiza i cili dyshohet se është autori kryesor për një vjedhje me armë në qytet.

Florenc Xheleku ishte shpallur në kërkim disa orë më vonë pasi ndodhi ngjarja më 22 Shtator.

Ai dyshohet se në bashkëpunim me dy persona  të tjerë, të maskuar kanë hyrë në banesën e A.M, 50 vjeç. Ata dyshohet se posedonin edhe armë  dhe pasi kanë kontrolluar për sende me vlerë,  janë larguar duke marrë automjetin tip “Benz” në pronësi të 50-vjeçarit. Më pas ky automjet  u gjet nga policia i braktisur.

Menjëherë pas ngjarjes, bazuar në informacionet  e shpejta të marra në rrugë operative si dhe mbi bazën e dyshimeve u ushtrua kontroll në banesën e këtij shtetasi i cili ishte me masë dënimi “Arrest në shtëpi”.

Autoritetet nuk e kanë gjetur në banesë këtë shtetas pasi ndodhi ngjarja. Policia e Bulqizës, ngriti pika kontrolli grackë, ku mbrëmjen e djeshme është kapur në afërsi të një lokali.

Në momentin e kapjes Xheleku  ka bërë rezistencë ndaj policëve dhe ka tentuar të largohet, por është prangosur.

Nndërkohë po vijon hetimi për identifikimin e personave të tjerë të implikuar në këtë ngjarje./abcnews.al

arrest.jpg
G. P.22:39 | 10/09/2018

Një egjiptian është arrestuar në Arabinë Saudite pasi hëngri mëngjes sëbashku me një femër. Në Twitter u bë virale videoja në të cilën ai po hante sëbashku me një grua të mbuluar.

Në pamjet e publikuara, egjiptiani dhe gruaja arabe bëjnë shaka me njëri-tjetrin, por ajo që shkaktoi më shumë zemërim ishte se femra ushqente mashkullin. Shumë sauditë i kritikuan të dy pjesëmarrësit në video dhe përveç kësaj thanë se për rastin duhet të dënohet edhe femra.

Kjo është paligjshme në Arabinë Saudite, në vendet e punës apo restorante si McDonald’s dhe Sturbucks ku familjarët dhe beqarët duhet të ulen në zona të ndryshme. Ndërkohë, femrat beqare duhet të rrinë ndarë nga meshkujt në vende të tilla.

Ato nuk lejohen të kryejnë shumicën e aktiviteteteve nëse nuk janë të shoqëruar nga një mashkull, zakonisht babai, burri, apo vëllai ose djali./abcnews.al

policiiiia.jpg
G. P.12:36 | 26/06/2018

Shërbimi për Çështjet e Brendshme dhe Ankesat, (SHÇBA), në Elbasan ka arrestuar një punonjës policie.

Idajet Sina akuzohet për shërdorim detyre dhe korrupsion pasiv të personave që ushtrojnë funksione publike.

Kapja e tij u bë pas një hetimi disa mujor të ndjekur me metoda speciale mes SHÇBA-së dhe Prokurorisë së Elbasanit.

Sipas informacionit të policisë, Sina ishte Ndihmës Specialist për Policimin në Komunitet (SPZ) në Stacionin e Policisë, Belsh, në Komisariatin e Policisë Cërrik.

Ai dyshohet se ka favorizuar banorë të zonës që ai mbulon që të kryejnë ndërtime të paligjshme. Ndërkohë për të, Gjykata e Elbasanit ka caktuar e sigurisë “Arrest me burg”.

Gjithashtu pas hetimeve janë marrë të pandehur edhe 4 persona të tjerë, banorë të Seferanit në Belsh. Kjo zonë mbulohej nga Sina, ndërsa mbi ta rëndon akuza e ndërtimit të paligjshëm./abcnews.al

hajri-neziri-1280x674.jpg
G. P.16:04 | 22/06/2018

Gjykata e Durrësit ka shpallur moskompetencë për çështjen e Hajri Nezirit, 25-vjeçarit, që plagosi me thikë pas një konflikti të çastit dy prindërit e tij, Destan dhe Asie Neziri.

Në caktimin e masës së sigurisë e zhvilluar me dyer të mbyllura, gjykata ka lënë në burg 25 vjeçarin, ndërsa çështjen ia ka kaluar Krimeve të Rënda Tiranë, duke shpallur njëkohësisht edhe moskompetencën e vijueshmërisë së gjykimit për çështjen në fjalë.

Arrest me burg është dhënë si masa paraprake, pasi sipas Gjykatës së Durrësit, masa do të rikonfirmohet nga Krimet e Rënda./abcnews.al

chios-1280x853.jpg
G. P.14:19 | 15/06/2018

Autoritetet greke kanë arrestuar gazetarin e njohur, Stefanos Chios, me urdhër të Prokurorisë. Ky veprim erdhi pas publikimit në faqen e parë të gazetës “Makeleio” të disa fotomontazheve të kryeministrit Alexis Tsipras dhe ministrit të Jashtëm, Nikos Kotzias, të gjakosur, ndërsa presidenti Prokopis Pavlopoulos shihet i shtrirë në tokë nga plumbat. Ky botim vjen në valën e diskutimeve për emrin mes Maqedonisë dhe Greqisë.

“Në kohë lufte, zoti President i Republikës ekzekutohet”, është titulli i madh i gazetës, ku shtohet se “Maqedonia i është dhënë shqiptaro-sllavëve me emrin e rremë “Maqedonia Veriore””.

Mediat greke shkruajnë se Chios u arrestua jashtë zyrave të gazetës së tij. Ai do të hetohet lidhur me këtë botim, duke analizuar nëse përbën vepër penale me argumentin se botime të tilla mund të nxisin kriminalitetin ndaj krerëve të shtetit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono