arratisje

gezimtoma-1280x720.jpg
Autor E11:52 | 18/10/2019

Gëzim Toma ka tentuar sërish që të fitojë lirinë, ndërkohë që e kishte gëzuar atë disa kohë kur doli me gjashtë të tjerë nga burgu i Drenovës.

Ngjarja e rëndë ndodhi natën e 23 nëntorit të vitit 2013 kur Toma, Admir Tafili dhe pesë të tjerë u larguan nga burgu i Drenovës duke alarmuar policinë e vendit.

Tentativa e fundit e Tomës ka dështuar pasi u pikas nga një gardian i burgut të Peqinit.

Arratisja nga burgu i Drenovës

Rreth orës 19.00 të 23 nëntorit 2013, mësohet se personat e armatosur me katër armë kanë mundur të hyjnë në mes të rreshtit të parë të rojeve të burgut.

Fakti që kjo kategori gardianësh qëndrojnë të paarmatosur janë frikësuar nga armët në duart e të dënuarve dhe janë detyruar të t’iu hapin rrugën.

Të armatosurit, pasi kanë kaluar gardhin e parë kanë trokitur në magazinën e armatimit të gardianëve dhe kanë detyruar magazinierin të ju vërë në dispozicion armët që iu duheshin.

Sipas të dhënave kanë marrë çfarë kanë dashur dhe kanë kaluar një pas një rojet, duke bërë të mundur daljen në oborrin e burgut.

Kullat e vrojtimit, të cilat ruhen me roje, sipas të dhënave, nuk kanë reaguar dhe madje as nuk kanë dhënë asnjë lloj sinjali.

Për pasojë të dënuarit e armatosur kanë dalë të qetë nga rrethimi i burgut të sigurisë së lartë.

Sipas të dhënave të hetimit, personat që kanë qenë edhe si roje kullash janë edhe dilema më e madhe e kësaj arratisjeje ndërsa ende nuk është zbuluar fakti se përse nuk kanë reaguar ndaj 7 të të dënuarve që po linin ambientet e burgut dhe po largoheshin.

Mësohet se pasi kanë dalë nga rrethimi, të dënuarit janë ndarë në tre pjesë.

Admir Tafili, Fran Marashi dhe Gëzim Guri janë larguar bashkë me një automjet, ndërsa Haxhiraj, Toma dhe Lula janë larguar bashkë, këta të fundit ende të pa arrestuar.

Dyshohet se Altin Lami ka paraprirë thuajse të gjithë lëvizjen e grupit të Tafilit pasi dyshohet se ka mundur që në afërsi të komisariatit të Korçës të realizojë një shpërthim për të bërë të mundur zhvendosjen e vëmendjes.

Më pas Lami ka vijuar rrugëtimin në drejtim të Tiranës, për tu vënë në pranga orëve të mesnatës, pasi për të janë marrë një sërë informacionesh.

Dënimi për vrasjen e komshiut

Gëzim Toma është dënuar për vrasjen e Fatos Daxhës, 25 vjeç, në Krastë të Martaneshit. Sipas të dhënave, Toma ka akuzuar fqinjin e tij, Daxha, se i kishte vjedhur drutë e zjarrit që ai kishte sistemuar në oborrin e pallatit.

25-vjeçari Daxha nuk e ka pranuar akuzën dhe i është lutur disa herë fqinjit ta linte të qetë në hallin e tij. Megjithëse reagimi i Daxhës ka qenë mjaft i butë, dëshmitarë okularë në vendin e ngjarjes kanë parë momentet e tmerrit.

Gëzim Toma ka lënë sheshin para pallatit dhe është ngjitur në shtëpinë e tij, duke dalë prej andej me një thikë të madhe në dorë. Personat që kanë parë ngjarjen nuk kanë guxuar të ndërhyjnë për të ndalur krimin, pasi sipas tyre Toma ishte shumë i xhindosur dhe i është vërsulur komshiut, duke e goditur me thikë disa herë në trup.

Toma kishte pak kohë që ishte transferuar në burgun e Drenovës dhe duket se ishte miqësuar me grupin e shkodranëve, me të cilët ka planifikuar arratisjen.

Esktradimi
Gëzim Toma u ekstradua në Shqipëri nga Greqia në mars të këtij viti pasi ishte shpallur në kërkim ndërkombëtar. Ai ndodhej prej disa muajsh në burgun e Peqinit ku duket se ka planifikuar një tjetër arratisje. /albeu.com

aida-melano.jpg
ad min16:48 | 05/10/2019

Janë publikuar pamjet e arratisjes spektakolare nga burgu të ish-deputetes kolumbiane, e dënuar me 15 vjet burg për blerje votash. Ajo është arratisur nga dentisti duke përdorur një litar për të dalë nga dritarja e klinikës. Ndërkohë policia ka arrestuar vajzën e saj, e cila pretendon se nuk ishte në dijeni të planit të nënës së saj, dhe pse atë ditë e kishte shoqëruar.

Ish-deputetja kolumbiane Aida Merlano, e cila vuante dënimin me 15 vjet burg për blerje votash, është vendosur në qendër  të vëmendjes, pas arratisjes si në filma, duke u hedhur nga dritarja e ndihmuar nga një litar.

Ajo ndodhej në një klinikë dentare në Bogota ku kishte shkuar për një kontroll. Merlano u shoqërua nga dy agjentë policie deri në derën e klinikës, dhe sapo ka hyrë brenda ka marrë një litar dhe e ka lidhur me një mobilie.

Në atë pikë, ish-deputetja ka dalë nga dritarja në kat të tretë duke zbritur në kat të parë ku e priste një person me motoçikletë që i lehtësoi arratisjen e suksesshme./ABC News Albania 24/7

aarratisja.jpg
ad min11:13 | 27/08/2019

Arriti të arratisej nga burgu, por u dorëzua sërish dhe të gjithë këtë e bëri pasi donte të kalonte një fundjavë me familjen.

Është kjo historia e një 37-vjeçari të dënuar për vjedhje në Britani. Mediat shkruajnë se Steven Jones, eci rreth 160 kilometra që të shkonte të takonte familjen e tij. Ai është dënuar me 40 muaj burg, por me veprimin që bëri iu shtuan edhe 28 ditë të tjera.

Arratisja e të riut u kuptua kur ai nuk u shfaq në vendin e punës brenda burgut më 17 Korrik. Por kishte një arsye të madhe pse Jones kishte ikur.

Sipas hetuesve, ai është kujdestari parësor për katër vajzat. Jones ishte mërzitur pasi i ishte refuzuar vazhdimisht leja për të vizituar vajzat dhe kështu kishte kaluar perimetrin e burgut dhe eci deri në Cheltenham. Ai kaloi fundjavën me fëmijët dhe u dorëzua të dielën.

“Shkoi në stacionin policor të Gloucestershire për t’u vetëdorëzuar, por godina ishte mbyllur. Më pas ndaloi një makinë policie dhe u tha oficerëve në shërbim se ishte “njeri në kërkim”. Më pas u arrestua dhe u dërgua për t’u marrë në pyetje”, tha prokurorja Janine Wood.

Megjithatë për shkak të veprimit, Jones-it iu shtua afërsisht edhe një muaj tjetër dënimi.

“E kuptoj arsyen pse e bëre”, tha gjykatësi, i cili shtoi edhe 28 ditë të tjera heqje lirie për të./abcnews.al

ferrari.jpg
nev ila15:23 | 19/07/2019

Arratisja spektakolare nga patrulla e policisë me Ferrarin. Video mbresëlënëse që shihni është vërtetë për të “mbajtur frymën”.

Pa dyshim, faktori i fatit dhe aftësitë e jashtëzakonshme të shoferit, si dhe sjellja e përsosur e makinës së Ferrarit … kanë luajtur rolin e tyre.

Argëtohuni!/abcnews.al

Ferrari Escapes Police In Style Animation

That's one way to escape the police… ??

Publiée par LADbible sur Vendredi 19 juillet 2019

luce.jpg
ad min22:15 | 24/06/2019

Një shtetas shqiptar është arratisur të hënën nga burgu i Trapanit, në Siçili, ku vuante dënimin për trafik droge. I dënuari Lekë Luca, 34 vjeç, sipas mediave italiane është arratisur duke kapërcyer murin rrethues të burgut “San Giuliano”.

Burimet mediatike bëjnë të ditur se arratisja ka ndodhur rreth orës 15, kur përfundon orari ajrimit. Gardianët kanë shkuar për të udhëhequr të burgosurit në qeli, por kanë konstatuar se Luca mungonte.

Menjëherë është dhënë alarmi dhe patrulla të shumta karabinierësh dhe policie janë vënë në lëvizje për të gjetur 34-vjeçarin, që dyshohet se është pritur nga dikush me makinë jashtë mureve të burgut.

Kjo është hera e dytë që Luca arratiset nga burgu dhe agjentët e kanë konsideruar aktin e tij sa spektakolar aq edhe akrobatik./ABC News Albania 24/7

policia.jpg
ad min08:57 | 03/06/2019

Katër shtetas shqiptarë janë arratisur nga qelia e izolimit, pasi kanë neutralizuar policët e shërbimit. Ngjarja ka ndodhur mëngjesin e së hënës në komisariatin e Athinës që njihet si Petrou Ralli.

Ata të katër po mbaheshin në pritje të gjykimit për vjedhje, sipas informacioneve të para.

Njeri prej tyre u shtir sikur ishte sëmurë dhe ra për tokë. Kur një polic hyri në qeli që të shihte çfarë ka ndodhur, ata e neutralizuan nën kërcënimin e një sendi të mprehtë që nuk dihet se si ra në duart e tyre.

Pastaj zbritën si “zotërinj” në hyrje të godinës, ku u përballën me një police që ishte roje që gjithashtu e neutralizuan. Sipas një informacioni, ata u morën dy policëve armët dhe telefonat celularë dhe arritën të largoheshin nga komisariati.

Policia kaloi menjëherë në alarm dhe pas një ore u bë i mundur arrestimi i njërit prej tyre. Vazhdon operacioni për gjetjen dhe arrestimin edhe të tre të tjerëve./ABC News Albania 24/7

gruevski-2.jpg
ad min17:16 | 30/05/2019

Vetëm pas datës 10 Qershor, parlamenti i Maqedonisë së Veriut do të vendosë për mandatin e ish-kryeministrit të vendit Nikolla Gruevski. Ndërkohë komisioni për çështjet e mandateve vendosi që ai të mos figurojë më si deputet dhe as të mos paguhet më si i tillë.

Në seancën e parë të ardhshme të Kuvendit, pas 7 Qershorit, do të mund të diskutohet për marrjen e mandatit të ish-kryeministrit në arrati Nikolla Gruevski, pasi dje Komisioni për çështjet e mandateve dhe imuniteteve votoi që ai të mos figurojë më si i zgjedhur i popullit për çka edhe merr rrogë. Kryetari i Kuvendit deklaron se kjo pikë e rendit të ditës nuk përjashtohet të jetë edhe në seancë parlamentare kur do të diskutohet edhe për rikonstruktimin e paralajmëruar të Qeverisë.

Është e qartë se për dhjetë ditë do të thirret seancë parlamentare në të cilën në rend dite do të jetë diskutimi për marrjen e mandatit të deputetit të ish-kryeministrit Nikolla Gruevski, i cili me statusin e azilantit jeton në Hungari. Por është e paqartë nëse do të arrihen dy të tretat e votave nga 120 deputetë, për miratimin e vendimit të djeshëm të Komisionit për çështje të mandateve dhe imuniteteve, ku anëtarët e partisë së tij , VMRO-DPMNE-së opozitare nuk votuan.

 “Do të thotë seanca e parë e ardhshme, pa marrë parasysh nëse do të jetë në rend dite edhe propozimi i qeverisë, nuk përjashtohet në të njëjtën seancë të shihet si pikë e veçantë edhe diskutimi rreth mandatit të Gruevskit”, tha Talat Xhaferi, kryetar i Kuvendit.

Xhaferi, i cili theksoi se edhe vetë ai do të votojë për marrjen e mandatit të Nikolla Gruevskit, megjithatë nuk do të interesohet për gjendjen e tij ose ekstradimin eventual, siç kërkon Maqedonia, gjatë kohës së qëndrimit të tij të afërt në Hungari, me delegacion qeveritar. Ai refuzoi ta komentojë qëndrimin e bashkëpartiakëve të Gruevskit të cilët deklarojnë se azili i marrë në Budapest nuk mund të llogaritet si mungesë e paarsyeshme, duke aluduar në pohimin e ish-kryeministrit se nga vendi është larguar për shkak të ndjekjes politike.

“Në pajtueshmëri me këtë vlerë themelore nuk mund të ketë kushdo qoftë mungesë të paarsyeshme, nëse për shkak të asaj mungese e ka shfrytëzuar të drejtën e vet themelore të kërkojë azil, në përputhje me Ligjin 14 nga Deklarata Universale e të drejtave të njeriut”, tha Ivanka Vasilevska nga VMRO-DPMNE.

Gruevski u arratis vetëm disa ditë para se të vuajë dënimin prej dy vitesh burg, për vetëm një nga veprat me të cilat ngarkohet në proceset gjyqësore. Sot Prokuroria Speciale Publike kërkoi paraburgim të ri për Gruevskin në lidhje me lëndën “TNT”, për prishjen e objektit Kosmos, pronë e Fiat Canoskit. Në qoftë se do të dënohet edhe për vepër tjetër penale, me mbi pesë vite burg, ish-kryeministri automatikisht do ta humbë mandatin e deputetit, me këtë edhe rrogën që në llogarinë e tij ende e paguajnë obliguesit tatimorë nga Maqedonia./ABC News Albania 24/7

gezim-toma.jpg
ad min12:12 | 02/03/2019

Ekstradohet nga Greqia Gëzim Toma, i dënuar me 20 vite burg për vrasje, vjedhje me dhunë dhe arratisje nga burgu”.Toma, ishte duke vuajtur dënimin në institucionin e burgut të Drenovës, për veprën penale “Vrasja me dashje” kryer në bashkëpunim, si autor i vrasjes së një 25-vjeçari ngjarje e ndodhur në Krastë, Martanesh.

Gjithashtu ai bashkë me Admir Tafili dhe disa të burgosur të tjerë, u arratisën më 23 Nëntor të 2013, duke kërcënuar me armë gardianët. Ata u prangosën më pas në disa magazina në qytetin e Përrenjasit, por Toma mundi të shpëtonte.

Arratia e tij zgjati shumë pak, pasi u prangos nga policia greke më datë 29 Nëntor të po atij viti, ku Gëzim Toma kishte kaluar në mënyrë ilegale kurfin helen. /abcnews.al

shqiptaret.jpg
ad min12:10 | 03/01/2019

Elvis dhe Leonard Pepa, dy shqiptarët që u arratisën të mërkurën nga burgu i Koridhalosit në Athinë vazhdojnë të jenë në arrati. Ata nuk kanë lidhje familjare me njëri-tjetrin, por ishin njohur në burg, të akuzuar për vjedhje e grabitje në Korfuz e Athinë.

Janë ende në arrati dy shqiptarët që u arratisën nga burgu i Koridhalosit në Athinë.

Elvis Pepa dhe Leonard Pepa nuk janë vëllezër edhe pse kanë të njëjtin mbiemër. Të dy ishin njohur në burg, pas arrestimit për vjedhje e grabitje të kryera në Korfuz e Athinë, kryesisht ndaj personave të moshuar. Mediat greke i karakterizojnë si tipa tepër të dhunshëm.

Të dy u arratisën nga burgu mbrëmjen e të martës, pasi ia dolën të presin hekurat e qelisë e të dalin në atë që njihet si zonë e vdekur. Prej andej, hipën në murin rrethues dhe u zhdukën. Mungesa e tyre u konstatua gjatë kryerjes së apelit, paraditen e të mërkurës. Policia ka nisur një operacion të madh për gjetjen dhe kapjen e tyre. Ministria e Drejtësisë urdhëroi kryerjen e një hetimi administrativ mbi rrethanat e arratisjes së dy të burgosurve. Sipas të dhënave të para, të martën, në dy karakollet para të cilave kaluan, nuk kishte roje.

Para dy javësh, një tjetër shqiptar ishte arratisur me të njëjtën mënyrë, nga qelitë e drejtorisë policore të Atikës perëndimore. Por ai u kap pas katër ditësh, kur forcat speciale ndërhynë në banesën e miqve të tij ku ai kishte gjetur strehë./abcnews.al

policia-kukes.jpg
ad min13:46 | 02/01/2019

Dy punonjës policie dhe katër persona të tjerë u arrestuan nga Policia e Kukësit pas arratisjes së një shtetasi serb, i cili ishte në masën e sigurisë arrest shtëpiak në një ambient në këtë qytet.

Sipas njoftimit të policisë lokale, dy punonjësit e policisë me detyrë oficerë të Patrullës së Përgjithshme të Komisariatit të Kukësit kanë lejuar takimin e tij me të afërm pa autorizim përkatës, duke mundësuar largimin e të arrestuarit nga vendi i qëndrimit të detyrueshëm.

Kurse katër persona dy prej tyre nga Kosova, një nga Kroacia dhe një nga Kukësi, në bashkëpunim me njëri-tjetrin, dyshohet se kanë ndihmuar për t’u larguar nga vendi i qëndrimit, shtetasin serb S.V., 53 vjeç, banues në Mirocka, Serbi. Ky i fundit ishte me masë sigurie ”Arrest shtëpie” dhe ruhej nga punonjës policie në një ambient privat, në Kukës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono