armë

58e3eafa-911c-400b-a9eb-4b9bfb54e5fa.jpg
G. P.08:55 | 02/05/2019

Një i ri është arrestuar nga policia në Shkodër. Në njoftimin e dërguar nga uniformat blu thuhet se ai është një 25-vjeçar me iniciale P.I, banues në lagjen “Guerile”.

Ai u arrestua pasi qëlloi me kallashnikov në ajër në lagjen e tij. Reagimi i efektivëve të policisë ishte i menjëhershëm dhe bënë të mundur kapjen e tij. Gjithashtu ata sekuestruan armën në cilësinë e provës materiale./abcnews.al

aa-2-1280x850.jpg
G. P.15:01 | 30/04/2019

Policia e Vlorës ka parandaluar një ngjarje të mundshme kriminale. Gjatë patrullimit në orët e mbrëmjes së djeshme në qytetin e Vlorës, uniformat blu kanë konstatuar një person të dyshimtë 36 vjeç.

Ky i fundit sapo ka parë policinë ka tentuar të largohet me vrap. Menjëherë pas kësaj policia u vu në ndjekje të tij, ku u bë e mundur kapja. Gjatë kontrollit personal ndaj 36-vjeçarit, uniformat blu të Vlorës gjetën një pistoletë me 8 fishekë. Ato u sekuestruan në cilësinë e provës materiale./abcnews.al

makina-2.jpg
G. P.11:08 | 28/04/2019

Policia e Fierit ka parandaluar një ngjarje të mundshme kriminale. Mësohet se dy të rinj janë vënë në pranga, ndërsa një tjetër është shpallur në kërkim.

“Patrulla e Përgjithshme e Komisariatit të Policisë Fier gjatë patrullimit  në orët e para të mëngjesit, në dalje të qytetit  Fier, ka konstatuar një automjet “Renault” që kryente lëvizje të dyshimta dhe porsa ka parë makinën e policisë është larguar me shpejtësi”, thuhej në njoftimin e uniformave blu.

Menjëherë pas kësaj, patrulla është vënë në ndjekje të makinës. Gjatë ndjekjes, duke përfituar nga errësira njëri prej pasagjerëve, 29 vjeç, ka mundur të largohet. Ndërkohë shoferi dhe një pasagjer, të dy 22 vjeç, janë arrestuar në flagrancë. Gjithashtu, sipas policisë të tre të rinjtë janë nga qyteti i Durrësit.

Gjatë kontrollit në automjet, policia gjeti dhe sekuestroi një armë zjarri pistoletë me silenciator së bashku me karikator me fishekë, si dhe një dozë me lëndë narkotike kanabis.

Ndërkohë, gjatë kontrollit të ushtruar në banesën e 29-vjeçarit, Policia e Fierit në bashkëpunim me Policinë e Durrësit kanë gjetur 40 doza me lëndë narkotike kanabis sativa. Specialistët po vijojnë punën për zbardhjen e plotë të rrethanave dhe qëllimit të lëvizjen së këtyre personave të armatosur nga Durrësi në Fier.

Gjithashtu vijon puna për kapjen e personit të shpallur në kërkim, si dhe për identifikimin dhe kapjen edhe të personave të tjetër që mund të jenë të përfshirë në veprimtari të mundshme kriminale./abcnews.al

corovode.jpg
Sej rie09:15 | 27/04/2019

Dy persona të armatosur dhe të dyshuar si shpërndarës të kokainës u arrestuan gjatë operacionit “Osumi”, në Çorovodë. Kapja e tyre u bë pas dy muajsh hetimi me metoda të specializuara.

Të dy të arrestuarve u janë gjetur doza kokaine, si dhe armë zjarri.

Ata zakonisht i gjenin klientët ne një lokal në Çorovodë, pronari i të cilit po hetohet në gjendje të lirë. Gjatë këtij operacioni janë bërë edhe kontrolle të tjera nëpër lokale dhe banesa./abcnews.al

pistoletaaa.jpg
G. P.16:31 | 25/04/2019

Një 54-vjeçar ka rënë në prangat e Policisë së Shkodrës pasi u kap me armë zjarri. Uniformat blu njoftuan se ky operacion u zhvillua falë bashkëpunimit me qytetarët të cilët kishin dërguar informacione se V.K. mbante armë zjarri në banesën e tij në lagjen “10 Korriku”.

Si rezultat i kontrollit atje, policia gjeti një automatik dhe një pistoletë me fishekë dhe krehër. Ato u sekuestruan në cilësinë e provës materiale. Ndërkohë ndaj 54-vjeçarit rëndon vepra penale e “prodhimit dhe mbajtjes pa leje të armëve luftarake dhe municionit”./abcnews.al

arme-gjahu.jpg
Sej rie22:07 | 20/04/2019

Një i moshuar është vetëplagosur më armën e gjahut mbrëmjen e kësaj të shtune. Ngjarja ka ndodhur në orën ‪21:10, në fshatin Gajush, Lezhë. 77 vjeçari me inicialet P.I , ka qenë në oborrin e shtëpisë së tij në momentin që ka shkrepur armën.

Ai është dërguar në spital dhe po merr ndihëm mjekësore.

Grupi hetimor ndodhet në vendngjarje dhe po punon për zbardhjen e rrethanave të ngjarjes.

paligjshmeria.jpg
G. P.09:54 | 17/04/2019

Një 28-vjeçar nga Vlora ka përfunduar nga prangat pas denoncimit të qytetarëve. Këta të fundit dyshonin se i riu shpërndante drogë dhe mbante armë pa leje.

Menjëherë pas denoncimit, uniformat blu organizuan një operacion që bëri të mundur kapjen e 28-vjeçarit. Gjatë kontrollit të detajuar në banesën e tij, ata gjetën të fshehur një pistoletë si dhe një sasi kanabisi. Sipas policisë, lënda narkotike do të shitej në doza të vogla.

Ndaj të riut nga Vlora rëndojnë veprat penale të “Mbajtjes pa leje dhe prodhimi i armëve, armëve shpërthyese dhe municioneve” dhe “Prodhimi dhe shitja e narkotikëve”./abcnews.al

i-riu-ne-vlore.jpg
G. P.11:09 | 16/04/2019

Një i ri nga Vlora është arrestuar nga policia pasi qarkullonte me armë zjarri me vete. Në një njoftim, policia thotë se ai qëndronte pranë një lokali në Ujin e Ftohtë. Sapo ka parë uniformat blu, 29-vjeçari E.H. ka tentuar të largohet. Por autoritetet u vunë menjëherë në ndjekje të tij, ku bënë të mundur edhe kapjen e tij në flagrancë.

Gjithashtu sipas policisë, gjatë tentativës për t’u larguar, i riu ka hedhur armën në tokë. Bëhet fjalë për një pistoletë CZ-P09, me 16 fishekë. Gjithashtu ai ka qenë edhe në vitin 2012 i arrestuar për armëmbajtje pa leje.

Në njoftimin e saj, policia thekson se kapja e 29-vjeçarit u bë në bashkëpunim me qytetarët. Ishin këta të fundit që lajmëruan uniformat blu, të cilët falenderojnë qytetarët për bashkëpunimin dhe i ftojnë ata të denoncojnë çdo paligjshmëri duke ju garantuar anonimat të sigurtë dhe reagim të menjëhershëm e të paanshëm./abcnews.al

nelson-hysa.jpg
G. P.10:55 | 15/04/2019

Një i ri është arrestuar nga Policia e Shkodrës, pasi dyshohet së është autori i një ngjarje të ndodhur në Maj të vitit 2017, ku mbeti i plagosur ish-kampioni i boksit Nelson Hysa.

Sipas uniformave blu, ai është Valter Ksolla, 23 vjeç, banues në lagjen “Mark Lula”. Ndaj tij ishte caktuar më herët nga Gjykata e Shkallës së Parë Shkodër, masa “Arrest në burg” për dy vepra penale, atë të “vrasjes me paramendim të kryer në bashkëpunim, të mbetur në tentativë” dhe armbëmbajtje pa leje.

Gjithashtu gjatë operacionit të koduar me emrin Gruda u arrestuan në flagrancë edhe dy të rinj të tjerë. N. Ksolla, 32 vjeç dhe K. Ksolla, 25 vjeç, vëllezër akuzohen për veprat penale “Përkrahja e autorit të krimit”, “Prodhimi e mbajtja pa leje e armeve dhe municioneve luftarake” dhe “Kanosja”.

Ata kishin strehuar 23-vjeçarin, ndërkohë që ky i fundit ishte në kërkim. Gjithashtu dyshohet se të dielën e 14 Prillit kanë qëlluar me armë në drejtim të banesës së një 50-vjeçari.

Ngjarja për të cilën akuzohet Ksolla ka ndodhur me 6 maj të 2017 tek vendi i quajtur Ura e Drevish Beg në Shkodër. Shkak mendohet një konflikt i mëparshëm mes ish-kampionit të boksit dhe autorit të plagosjes.

Ndërkohë ish-kampioni Hysa u vu në pranga mëngjesin e 9 Marsit. Ai akuzohet si pjesëtar i grupit kriminal të Bajrajve, që u godit nga policia vitin e kaluar. Që prej kohës që ishte shpallur në kërkim nga uniformat blu, boksieri jetonte në kryeqytet, ku edhe u arrestua. /abcnews.al

policia.jpg
G. P.13:12 | 02/04/2019

Një 40-vjeçar është arrestuar nga policia në Kukës pasi kërcënoi kreun e Aluiznit, Vladimir Spahiun. Sipas policisë, autori Petrit Hallaçi është konfliktuar në ambientet e Aluiznit për shkak të detyrës. Por më pas, ai është larguar në shtëpi dhe mori armën e gjahut, të cilën e kishte me leje.

Hallaçi është rikthyer përsëri, duke prishur dhe qetësinë publike dhe në këto momente falë ndërhyrjes së shpejtë të policisë u bë e mundur kapja e autorit si dhe bllokimi i armës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono