armë

1b37c242-048d-4c51-82a0-49029f79e9ad-1280x960.jpg
nev ila13:17 | 19/07/2019

Goditet banda italo- shqiptare në Messina, në pranga 12 persona.

12 persona të një bande kriminale të qytetit të Messinës janë arrestuar në orët e para të mëngjesit. Policia italiane bën me dije se grupi kriminal merrej me trafikun e drogës dhe armëve.

Ky grup e kryente aktivitetin kriminal të saj në lagjen popullore të “Mangialupi”, të qytetit të Messinës, e cila është pika lidhëse mes Siçilisë dhe pjesës tjetër të Italisë.

Autoritetet italiane bënë me dije se paraditen e sotme gjatë operacionit “Tuneli” u arrestuan 12 persona mes tyre dhe 4 shqiptarë, përkatësisht:

Ajet Cepaj, Rito Mecaj, Ernard Hoxha, Mizafer Binaj.

Të dyshuarit akuzohen, për disa vepra penale kryesisht për trafik dhe shpërndarje të lëndëve narkotike./abcnews.al

makina-laprake.jpg
G. P.10:15 | 19/07/2019

Policia e Tiranës arriti të zbardhë një ngjarje që ndodhi mbrëmjen e së enjtes, e cila degjeneroi deri në përdorim të armëve të zjarrit.

Mësohet se pas një konflikti të çastit mes M.J. dhe A.S., 27 vjeç, ky i fundit ka qëlluar një herë me armë zjarri. Fatmirësisht nga ngjarja e ndodhur në rruhen “Lord Bajron” nuk është shkaktuar asnjë pasojë.

Pas hetimeve, policia shpalli në kërkim A.S. Ai ka qenë i dënuar më parë për veprën penale “Mbajtja pa leje e armëve luftarake dhe municioneve”. Gjithashtu është sekuestruar automjeti në pronësi të tij. Policia po punon për kapjen e të riut./abcnews.al

lleshaj-1280x853.jpg
G. P.14:05 | 18/07/2019

Propozimet e mazhorancës për ndryshimet në Kodin Penal i mbështeti në Kuvend edhe ministri i Brendshëm Sandër Lleshaj. Sipas ministrit duke forcuar ligjin i shërbejmë jetës së qytetarëve duke sjellë në vëmendje edhe vitin ’97 kur u vranë njerëz në mënyrë të pavullnetshme.

“Duhet të bllokojmë kufirin për të ruajtur mosfutjen e armëve në Shqipëri. Shqipëria është vend i lirë dhe kufijtë tanë janë shumë porozë për arsye se janë kufij të gjelbër tashmë. Nuk janë kufij me tela me gjemba dhe përmes këtyre kufijve të gjelbër mund të futen. Ashtu siç futen kontrabandë cigare e mallra të tjera, mund të futen edhe armë dhe mjete të rrezikshme. Prandaj duhet forcuar dhe ashpërsuar ligji dhe ndëshkimi penal ndaj posedimit të armëve. Ne do të shkojmë në një hap më të rëndësishëm më vonë duke forcuar kriteret për mbajtjen e armëve edhe në mënyrë të ligjshme. Shqipëria, ashtu si shumica e vendeve europiane ka një politikë penale relativisht liberale sa i përket dënimit penal.

Ne që e kemi hequr dënimin me vdekje, duhet të heqim edhe mundësinë fizike që dikush të vrasë. Kur ja kemi hequr këtë mundësi ligjit dhe shtetit për të vrarë, duhet t’ia ngushtojmë mundësinë çdo qytetari, i cili siç thatë ju nuk mund të pengohet kurrë për t’u çmendur, që një ditë të caktuar duke e patur lehtësisht në dorë armën, edhe mund ta përdorë keq edhe mund të vrasi njeri. Kjo është pak a shumë ideja që është mbrapa këtij propozimi. Të forcojmë dënimin penal  ndaj atyre që posedojnë në mënyrë të paligjshme armë, sepse këto armë nuk janë instrumente muzikore nga ato të ahengut që përmendët, po janë mjete të cilat kanë vetëm një funksion – për të vrarë”, tha Lleshaj./abcnews.al

kallashnikov.jpg
G. P.21:38 | 12/07/2019

Në Ballkanin Perëndimor qarkullojnë rreth 6 milionë armë. Kështu thuhet në një raport të Komisionit Europian, që konstaton se vendet e rajonit kanë bërë pak përpjekje për kontrollin e armëve pa leje.

“Në Ballkanin Perëndimor ka rreth 6 milionë armë, nga të cilat dy të tretat janë të paregjistruara. Kjo përbën një kërcënim të vazhdueshëm për kontinentin europian”.

Ky është konstatimi i Komisionit Europian në një raport të publikuar së fundmi. Në Dhjetor të vitit 2014, Bashkimi Europian dhe vendet e Ballkanit Perëndimor miratuan një plan veprimi për armët e zjarrit për periudhën 2015-2019. Por vlerësimi i Komisionit Europian për këtë plan veprimi tregon se nuk është aspak i frytshëm.

Në plan evidentohet se ende nuk ka grumbullim të harmonizuar të të dhënave mbi sekuestrimet e armëve të zjarrit, që do të lejonte miratimin e një politike të bazuar në të dhëna faktike dhe një vlerësim të vërtetë dhe të besueshëm të tendencave të trafikut të armëve. Aktorët nuk kanë krijuar një model të raportimit për shkëmbimin e informacionit, gjë që bie në kundërshtim me planet e veprimit.

Pikat fokale kontrolluese për “armët e zjarrit” në vendet e Ballkanit Perëndimor nuk janë themeluar ende, ose s’janë operative dhe për rrjedhojë ka mungesë së gjetjeve sistematike të armëve të konfiskuara, mosintegrim të gjetjeve në bazën e të dhënave “i Arms”, ka mungesë të krahasimeve ndërkufitare në rajon, si dhe të analizave sistematike balistike ose të automatizuara.

Në raport thuhet, se kontrollet kufitare në Ballkanin Perëndimor kanë rezultuar të paefektshme për të zbuluar trafikimin e armëve të zjarrit, kryesisht për shkak të mungesës së informacionit, të formimit dhe të pajisjeve të rojeve kufitare apo agjentëve doganorë.

Në fund të raportit, Komisioni Europian i bën thirrje vendeve të rajonit dhe shteteve anëtare të përkthejnë angazhimet politike në prioritete operacionale dhe në rezultate.

Vendet e Evropës Juglindore kanë miratuar gjithashtu në vitin 2018 një plan rajonal për një zgjidhje të qëndrueshme të problemit për ndalimin e keqpërdorimit të armëve të vogla dhe të lehta dhe municionet e tyre deri në vitin 2024, nën iniciativën e Francës dhe Gjermanisë./ABC News Albania 24/7

renea-1.jpg
nev ila16:51 | 09/07/2019

Një operacion policor është zhvilluar me 1 korrik në Elbasan, ku është sekuestruar një arsenal armësh dhe municionesh. Mësohet se në një magazinë në rrugën Elbasan-Peqin janë gjetur 7 kallashnikovë, 5 pistoleta dhe municione luftarake.

Aksioni u krye një ditë pas vrasjes së Klevi Bahos, dhe armët që u gjetën janë dërguar për ekzaminim, për të zbuluar nëse janë përdorur në ngjarjet e fundit kriminale, që kanë ndodhur në Elbasan. Dyshohet se armët i përkasin një grupi kriminal.

Policia po punon për të identifikuar dhe kapur autorët që dispononin këtë arsenal armësh./ABC News Albania 24/7

policia-e-kavajes.jpg
G. P.09:03 | 05/07/2019

Pesë persona janë arrestuar për përplasjen me armë zjarri në Kavajë ku mbeti vrarë një kalimtar dhe u plagosën pesë persona të tjerë. I arrestuari i parë ishte Marjus Aliu, i cili shkoi në spital për mjekim dhe u prangos. Ai akuzohet si i dyshuar për vrasjen e 53-vjeçarit Ramazan Hasanlliu, i cili ishte një kalimtar i rastit duke shkuar në shtëpi.

Shkuan për paqe me armë në brez. Një mbeti i vdekur, pesë u plagosën. Me ndërmjetësimin e vëllezërve Rustem dhe Elton Dedej, vëllezërit Eraldo dhe Elio Hyka u ulen në një tavolinë me Marjus dhe Denis Aliu.

Ata i ftuan në lokalin e tyre për të sqaruar konfliktin e nisur një nate më parë mes vëllezërve Eraldo Hyka dhe Denis Alisë, por situata u doli jashtë kontrolli. Ndryshe nga çfarë kishin menduar vëllezërit Dedej, palët në konflikt kishin mbërritur të armatosur në takim e planifikuar për të ulur gjakrat.

Ata nuk mundën të gjejnë gjuhën e përbashkët duke ndezur edhe më shumë sherrin. Fillimisht ata u përplasën me grushte dhe më pas kanë nxjerrë armët, dy nga njëra palë e dy nga pala tjetër duke qëlluar kundrejt njëri-tjetrit.

Breshëria e plumbave e derdhur në mes të qytetit shkaktoi një viktimë rastësorë si dhe pesë të plagosur, mes tyre edhe personat e përfshirë në konflikt. Eraldo Hyka, Rustem Berberi, Sali Mekja, Arben Hajdinin dhe Marjus Aliu mbetën të plagosur. Sali Mekja dhe Arben Hajdini sipas policisë u plagosën rastësisht, pasi kishin dalë nga lokali për të parë se çfarë kishte ndodhur.

Policia dyshon se konflikti i nisur ka të bëjë me çështje territoresh për shpërndarje droge, por personat e pyetur e kanë mohuar. Ata kanë thënë se konflikti mes tyre ka nisur pas një sherri banal dhe se situata u doli jashtë kontrolli. Për ngjarjen në Kavajë, ku mbeti i vrarë një kalimtar dhe u plagosën pesë persona të tjerë, policia arrestoi pesë persona.

I arrestuari i parë ishte Marjus Aliu, i cili shkoi në spital për mjekim dhe u prangos. Ai dyshohet të jetë autori i vrasjes së 52-vjeçarit Ramazan Hasanlliu, i cili ishte një kalimtar i rastit duke shkuar në shtëpi. Në kërkim është vëllai i Marjus Aliut, Denis Aliu, 33 vjeç. Të tjerë persona të arrestuar janë Eraldo Hyka, Ardian Dedej, Qazim Merkja dhe Agron Kollçaku. /ABC News Albania 24/7

policia-e-kavajes.jpg
G. P.14:28 | 04/07/2019

Policia ka kapur njërin nga autorët e dyshuar të ngjarjes në Kavajë dhe ka shpallur në kërkim vëllain e tij. Nga përplasja me armë zjarri midis disa të rinjve, një kalimtar vdiq në vend kurse pesë persona të tjerë u plagosën.

Pesë të plagosur dhe një kalimtar vdiq në vend, njoftoi policia. Ngjarja ndodhi mesditën e kësaj të enjteje pranë stacionit të trenit në hyrje të Kavajës.

Përplasja midis disa të rinjve që sipas të dhënave policore ishin në konflikt të mëparshëm për pazare të pista, u kthye në betejë. Fillimisht ata ishin ulur në një lokal për t’u sqaruar rreth një debati të një nate me pare. Por e gjitha shkoi keq dhe nxorrën armët.

Banorët u tronditën dhe shumë nga ata u shtrinë në rruge. Dikush vrapoi të futej në shtëpi. Breshëria e plumbave vërshoi nga të gjitha anët. Viktima e rastësishme ishte Ramazan Hasalliu 50 vjeç.

Për zbardhjen e asaj çfarë ndodhi u ngrit një grup i posaçëm hetimor nën drejtimin e prokurorit të rrethit. Nga veprimet paraprake dyshohet se autorët e ngjarjes janë dy vëllezër, Marius Aliu dhe Denis Aliu.

Marius Aliu, autori i dyshuar, mbahet në ruajtje nga shërbimet e policisë në spitalin e Durrësit, pasi është i plagosur. Policia është vënë në ndjekje të autorit tjetër, Denis Aliu dhe vijon krehja e zonës për kapjen e tij.

Policia ka bllokuar dy automjete që u përkasin pjesëtarëve të palëve që janë konfliktuar. Kurse në komisariatin e policisë Kavajë janë shoqëruar disa persona dhe vijon puna për shoqërimin e personave të tjerë./ABC News Albania 24/7

epalivethree011400-3602345-854x480.jpg
Sej rie21:30 | 23/06/2019

Nëntë shqiptarë dyshohen se janë autorë të rreth 70 vjedhjeve, të kryera në komunat përreth qytetit francez  Montpellierit.  Sipas autoriteteve franceze të gjithë personat e arrestuar ishin anëtarë të një rrjeti.

Të dyshuarit u arrestuan të mërkurën në një shtëpi në Montpellier, ku në aksion morën pjesë  130 xhandarë, të mbështetur nga CRS dhe policia në kufi.

Bizhuteri, armë dhe makina ishin mallrat të cilat u sekuestruan gjatë aksionit.

Persona e ndaluar u identifikuan pas marrjes së mostrës së ADN-së, përgjimit të telefonave dhe dëshmive.

Shërbimet e xhandarmërisë do të ndjekin procedurat për të gjetur pronarët e këtyre mallrave të sekuestruara. Ndërsa anëtarët e grupit do të merren në pyetje dhe do të dalin ditët në vijim përpara drejtësisë franceze./abcnews.al

plumba-makines.jpg
G. P.13:49 | 20/06/2019

Dy persona janë plagosur në një atentat tek mbikalimi Shkozetit në Durrës. Njëri prej tyre është kunati i Lul Berishës, kurse personi tjetër, shoku i tij.

Breshëri plumbash u derdhën mbi automjetin tip “Range Rover” në të cilin ndodheshin Plarent Dervishi, i njohur si kunati i Lul Berishes dhe shoku i tij Julian Meçaj.
Atentati ndodhi në lagjen 14 në zonën e ish-Kënetës, pranë mbikalimit të Shkozetit. Julian Meçaj mori tre plumba, në kokë, shpatull dhe këmbë, kurse Plarent Dervishi dy plumba në trup.

Dervishaj më parë ka qenë në burg si pjesëtar i grupit kriminal të Lul Berishës, te akuzuar në atë kohë për vrasje e gjobëvënie. Kurse Meçaj pavarësisht se doli në përgjime vite më parë, si anëtar i bandës së Durrësit, akuzat ndaj tij nuk u provuan kurrë.

Mësohet se automjeti i cili u sulmua nga dy atentatorë po udhëtonte nga Maminasi në drejtim të Durrësit. Pranë mbikalimit të Shkozetit është qëlluar me breshëri automatiku nga para dhe pas në të njëjtën kohe.

Në vendngjarje policia sekuestroi 55 gëzhoja të qitura nga dy armë të ndryshme automatike. Kjo ngre dyshime që në atentat kanë marrë pjesë më shumë se dy persona.

Për të sqaruar rrethanat, apo motivin e atentatit policia pritet të marrë dëshminë e të plagosurve, sapo gjendja e tyre të përmirësohet dhe të cilët i shpëtuan mrekullisht plumbave.

Ende nuk dihet nëse autorët kanë lëvizur me automjet apo motor për shkak të të dhënave kontradiktore. Ndaj subjekteve që operojnë përgjatë autostradës Tiranë-Durrës, aty ku ka lëvizur automjeti që pësoi atentat pritet t’i sekuestrohen pamjet filmike.

Nëpërmjet tyre policia shpreson të gjejë ndonjë indicie që mund të çojë drejt identifikimit dhe më pas arrestimit të autorëve./ABC News Albania 24/7

vendim.jpg
G. P.10:08 | 18/06/2019

Këtë javë, senati amerikan pritet të ndërmarrë një përpjekje për të bllokuar shitjen e armëve me vlerë 8 miliardë dollarë Arabisë Saudite dhe Emirateve të Bashkuara Arabe, pasi shumë ligjvënës amerikanë vazhdojnë të jenë të shqetësuar për trajtimin e gjendjes së të drejtave të njeriut nga Rijadi, luftën në Jemen dhe vrasjen vitin e kaluar të gazetarit Jamal Khashoggi.

Korrespondenti i Zërit të Amerikës Michael Bowman njofton se administrata e Presidentit Trump është pëpjekur të anashkalojë rishikimin nga kongresit të shitjes së armëve duke e lidhur atë me një deklaratë të emergjencës kombëtare për t’iu kundërvënë kërcënimit nga Irani. Tensionet lidhur me Arabinë Saudite janë të larta në senatin amerikan.

“Marrëdhënia aktuale me Arabinë Saudite nuk po funksionon për Amerikën. Unë nuk do të tërhiqem derisa gjërat të ndryshojnë në Arabinë Saudite”, tha senatori republikan Lindsay Graham.

“Çfarë lloj aleati rrëmben një banor të vendit tuaj [Khashoggin], i cili kërkon mbrojtjen tonë, e sjell atë në një konsullatë, e copëton dhe e zhduk? Natyra e kësaj aleance [me Arabinë Saudite] shihet qartë”, tha senatori demokrat Chris Murphy.

Disa muaj pasi senati miratoi një rezolutë për t’i dhënë fund mbështetjes amerikane ndaj fushatës ajrore të udhëhequr nga Arabia Saudite në luftën e përgjakshme civile të Jemenit, senati mund të votojë kundër shitjes së armëve amerikane dhe mbështetjes ushtarake për Arabinë Saudite dhe Emiratet e Bashkuara Arabe.

Përpjekja e administratës së Presidentit Trump për të përshpejtuar miratimin e marrëveshjes për shitjen e armëve bazuar në një deklaratë të emergjencës ka acaruar ligjvënësit e të dyja partive.

“Jam i lumtur që nuk jam i vetmi në këtë organ që është i shqetësuar nga gatishmëria e Presidentit për të anashkaluar Kongresin dhe për t’i shitur këto armë pa marrë parasysh ngjarjet e fundit që kanë tensionuar marrëdhëniet tona me Arabinë Saudite”, tha senatori demokrat Robert Mennedez.

Ndërsa besohet se mund të ekzistojnë votat për miratimin me shumicë të thjeshtë të një rezolute kundër shitjes së armëve, ka dyshime për arritjen e dy të tretave të nevojshme për t’iu kundërvënë vetos së Presidentit.

Javën e kaluar, Senati nuk pranoi të merrte në shqyrtim një përpjekje për të bllokuar shitjet e armëve për Bahreinin dhe Katarin. Debati në senattregoi se shitjet e armëve në Lindjen e Mesme mbeten të popullarizuara në mesin e një numri të konsiderueshëm të republikanëve, sidomos duke pasur parasysh një varg incidentesh shqetësuese në rajonin e Gjirit Persik.

“Ndërsa ekonomia e Iranit po vuan pasojat e sanksioneve të reja amerikane, ajatollahët po shprehin zemërimin dhe tërbimin e tyre kundër botës. Është thelbësore që ne të mbështesim partnerët tanë të Gjirit Persik gjatë kësaj periudhe të rrezikshme në mënyrë që ata të mund të mbrojnë veten nga agresioni iranian”, u shpreh senatori republikan Tom Cotton.

Republikanët e tjerë theksuan se ndalimi i shitjeve të armëve do t’i detyronte aleatët të blenin armë nga armiqtë e Amerikës./VOA


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono