armë

WhatsApp-Image-2020-02-23-at-12.04.42.jpeg
eri Ida12:15 | 23/02/2020

Policia e Tiranës ka vënë në pranga një 43 vjeçar, i cili ka tentuar që të udhëtojë drejt Italisë me armë zjarri pa leje me vete.

Sipas uniformave blu bëhet me dije se gjatë skanerimit të valixhes së tij të dorës, Policia i gjeti një armë zjarri e llojit pistoletë, e markës “Pietro Beretta”, me një krehër me fishekë

Tiranë:

Finalizohet operacioni policor i koduar “Short Weapon”.

Operacioni nga Seksioni për Hetimin e Trafiqeve të Paligjshme në DVP Tiranë në bashkëpunim me Policinë Kufitare të Rinasit,  punonjësit e sigurisë së aeroportit “Nënë Tereza” dhe DVP Durrës.

Sekuestrohet një armë zjarri pistoletë “Berreta”, me një krehër me fishekë.

Vihet në pranga 43-vjeçari që posedonte armën e zjarrit.

Vijon operacioni, në bashkëpunim me homologët italianë, për zbardhjen e qëllimit të 43-vjeçarit që tentoi të udhëtonte me armë zjarri drejt Bolonjës, Itali.

Në Rinas, si rezultat i bashkëpunimit dhe koordinimit të veprimeve mes shërbimeve të Policisë Kufitare të Rinasit, specialistëve për Hetimin e Trafiqeve në DVP Tiranë dhe punonjësve të sigurisë së Aeroportit të Rinasit, konkretisht të skanerit të bagazheve dhe personave, u bë i mundur finalizimi i operacionit policor të koduar  “Short Ëeapon”, në kuadër të të cilit u bë arrestimi në flagrancë i shtetasit B. L., 43 vjeç, banues në Durrës.

Falë informacioneve të marra në rrugë operative nga Specialistët  e Seksionit për Hetimin e Trafiqeve të Paligjshme  se një shtetas dyshohej që kishte armë zjarri me vete dhe do udhëtonte drejt Italisë është organizuar puna për mbajtjen nën vëzhgim të shtetasit të dyshuar, deri në momentin e futjes në skaner në zonën e kontrollit kufitar. Gjatë skanerimit të valixhes së tij të dorës, Policia i gjeti një armë zjarri e llojit pistoletë, e markës “Pietro Beretta”, me një krehër me fishekë.

Në bashkëpunim me Policinë e Durrësit u  ushtrua kontroll në banesën e tij në Durrës dhe në përfundim të veprimeve të kryera nga specialistët për Hetimin e Trafiqeve të Paligjshme në DVP Tiranë u bë arrestimi në flagrancë, për veprën penale “Trafikimi i armëve dhe municionit”.

Specialistët për Hetimin e Trafiqeve të Paligjshme në DVP Tiranë, nën drejtimin e Prokurorisë së Rrethit Gjyqësor Tiranë  dhe në bashkëpunim me homologët italianë po vijojnë hetimet për identifikimin e bashkëpunëtorëve të tjerë në këtë veprimtari kriminale, si dhe për identifikimin e destinacionit dhe zbardhjen e qëllimit final që shtetasi i arrestuar ka patur me këtë armë./abcnews.al

pranga-irainain1.jpg
eri Ida09:18 | 23/02/2020

Policia e Durrësit ka vënë në pranga një 19 vjeçar i cili po lëvizte me armë zjarri me vete.

Ndalimi i tij është bërë nga uniformat blu të qytetit bregdetar në bashkëpunim me forcën “Shqiponja”, pas informacioneve të marra se në ambientet e një lokali ndodhej një person i armatosur.

Sipas informacioneve gjatë kontrollit fizik të ushtruar ndaj këtij shtetasi, shërbimet e Policisë  i gjetën në trup një armë zjarri pistoletë “Ekol” të cilën e mbante pa leje.

Durrës

Goditet një tjetër rast i armëmbajtjes pa leje.

Lëvizte me armë zjarri me vete, arrestohet në flagrancë një 19 vjeçar.

Sekuestrohet në cilësinë e provës materiale një armë zjarri pistoletë.

Shërbimet e Komisariatit të Policisë Durrës në bashkëpunim me forcën “Shqiponja”, pas informacioneve të marra se në ambientet e një lokali ndodhej një person i armatosur, organizuan punën dhe menjëherë shkuan në adresën e dhënë.

Si rezultat i ndërhyrjes profesionale  nga ana e shërbimeve të Policisë  u bë kapja dhe arrestimi  në flagrancë i shtetasit A.K.,19 vjeç, banues në Durrës.

Gjatë kontrollit fizik të ushtruar ndaj këtij shtetasi, shërbimet e Policisë  i gjetën në trup një armë zjarri pistoletë “Ekol” të cilën e mbante pa leje.

Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje” për të cilën parashikohet dënimi deri në 7 vite burg./abcnews.al

gjermani.jpg
ger ta07:22 | 20/02/2020

Të paktën 11 persona janë vranë nga të shtënat me armë  në qytetin gjerman Hanau, në afërsi të Frankfurtit.

Disa persona të tjerë u plagosën gjithashtu pasi një i armatosur hapi zjarr në orën 22:00 me kohën lokale të Mërkurën, tha policia.

I dyshuari u gjet më vonë i vdekur në shtëpinë e tij, së bashku me trupin e një personi të dytë, sipas policisë.

Ndërkaq, mbetet ende i paqartë motivi i sulmit. Gazeta Bild raportoi se i dyshuari ishte një shtetas gjerman që dispononte leje për armë zjarri, dhe  revista me municione dhe armë ishin gjetur në makinën e tij. /abcnews.al

WhatsApp-Image-2020-02-19-at-09.19.10.jpeg
eri Ida09:46 | 19/02/2020

Policia ka arrestuar në flagrancë një person në Memaliaj, të cilit i ka sekuestruar dy armë zjarri dhe 20 doza me lëndë narkotike, e dyshuar kanabis sativa.

Policia bën me dije se gjatë kontrollit fizik dhe në banesë, shërbimet e Policisë i gjetën këtij shtetasi: 1 armë zjarri pistoletë “Zastava”, 1 armë gjahu teke, një pushkë sportive (të cilat i mbante pa leje), municion luftarak dhe 20 doza me lëndë të dyshuar narkotike cannabis sativa.

Memaliaj

Goditet një rast i armëmbajtjes pa leje dhe shpërndarjes së drogave në doza të vogla.

Arrestohen në flagrancë 1 shtetas.

Sekuestrohen 2 armë zjarri, një pushkë sportive dhe 20 doza me lëndë narkotike, e dyshuar cannabis sativa.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve dhe armëmbajtjes pa leje, si dhe mbi bazën e informacioneve të marra në rrugë operative, specialistët e Seksionit për Hetimin e Narkotikëve në DVP Gjirokastër, në bashkëpunim me Komisariatin e Policisë Tepelenë dhe Stacionin e Policisë Memaliaj bënë të mundur arrestimin në flagrancë të shtetasit A. Ç., 32 vjeç, banues në fshatin Krahës 1, Bashkia Memaliaj.

Gjatë kontrollit fizik dhe në banesë, shërbimet e Policisë i gjetën këtij shtetasi: 1 armë zjarri pistoletë “Zastava”, 1 armë gjahu teke, një pushkë sportive (të cilat i mbante pa leje), municion luftarak dhe 20 doza me lëndë të dyshuar narkotike cannabis sativa, të cilat u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Gjirokastër, për veprat penale “Prodhimi dhe shitja e narkotikëve”, “Armëmbajtja pa leje” dhe “Prodhimi dhe mbajtja pa leje e armëve të gjahut dhe sportive”./abcnews.al

WhatsApp-Image-2020-02-19-at-08.52.12.jpeg
eri Ida08:58 | 19/02/2020

Policia e Durrësit ka vënë në pranga një 38 vjeçar, i cili hyri në lokal me armë pa leje me vete. Policia bën me dije se se , në bashkëpunim me forcën “Shqiponjat”, pas telefonatës së marrë në sallën operative të DVP Durrës se në ambientet e një lokali ndodhej një person i armatosur kanë bërë të mundur ndalimin dhe sekuestrimin e armës.

Durrës:

Goditet një tjetër rast i armëmbajtjes pa leje, falë bashkëpunimit me qytetarët.

Hyri në lokal me armë zjarri me vete, arrestohet në flagrancë një 38-vjeçar.

Sekuestrohet në cilësinë e provës materiale një armë zjarri pistoletë.

Shërbimet e Komisariatit të Policisë Durrës, në bashkëpunim me forcën “Shqiponjat”, pas telefonatës së marrë në sallën operative të DVP Durrës se në ambientet e një lokali ndodhej një person i armatosur, organizuan punën dhe menjëherë shkuan në adresën e dhënë nga qytetari.

Shërbimet e Policisë arrestuan në flagrancë shtetasin A. S., 38 vjeç, banues në Durrës, pasi pas kontrollit fizik të ushtruar ndaj këtij shtetasi, Policia gjeti dhe sekuestroi në cilësinë e provës materiale një armë zjarri pistoletë “Ekol”, të cilën e mbante pa leje.

Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje”, për të cilën parashikohet dënimi deri në 7 vite burg./abcnews.al

prishtine.jpg
ger ta11:11 | 18/02/2020

Në orët e para të mëngjesit të së martës, në parkingun e klubit të natës “Duplex”, në Prishtinë dyshohet se ka pasur të shtëna me armë zjarri.

Po ashtu gjatë përplasjes janë përdorur edhe armë të ftohta, ku për pasojë ka mbetur i plagosur një person. Lajmi është konfirmuar nga zëdhënësja e policisë për rajonin e Prishtinës, Florije Ahmeti. Ajo ka bërë të ditur se policia është në kërkim të tre personave të dyshuar për këtë rast.

“Sot rreth orës 02:00, në stacionin policor Qendra në Prishtinë është iniciuar një rast vrasje në tentativë. Rasti ka ndodhur në rrugën “Rinia”, ku pas një zënke (ku dyshohet se ka pasur edhe të shtëna me armë), në mes të disa personave, lëndime nga arma e ftohtë (thikë) ka pësuar R. A. Personi i lënduar është dërguar për trajtim mjekësor, ndërkohë që policia i ka identifikuar tre persona të dyshuar dhe është në kërkim të tyre”, ka treguar Ahmeti./abcnews.al

armeeeeeeee.jpg
eri Ida09:33 | 15/02/2020

Policia e Divjakës ka vënë në pranga një 51vjeçar i cili akuzohet për armëmbajtje pa lejë. I ndaluari është shtetasi N. P, 51 vjeç, banues në Muçias, 1 armë gjahu dhe 2 thika të cilat i mbante pa lejen e organeve kompetente.

Divjakë:

Mbante pa leje armë gjahu dhe armë të ftohta, arrestohet në flagrancë poseduesi.

Sekuestrohet 1 armë gjahu dhe 2 thika.

Në vijim të punës për të parandaluar dhe goditur paligjshmërinë, nga specialistët për hetimin e krimeve në Komisariatin e Policisë Divjakë, është goditur një tjetër rast i armëmbajtjes pa leje.

Shërbimet e Komisariatit të Policisë Divjakë, në bazë të informacioneve të mara në rrugë operative, i gjetën  shtetasit N. P, 51 vjeç, banues në Muçias, 1 armë gjahu dhe 2 thika të cilat i mbante pa lejen e organeve kompetente.

Në përfundim të veprimeve të kryera, është bërë arrestimi në flagrancë i shtetasit N. P për veprat penale “Mbajta pa leje e armëve të gjuetisë” dhe “Mbajtja pa leje e armëve të ftohta”.

Materialet proceduriale për veprime të mëtejshme i kaluan Prokurorisë pranë Gjykatës së Shkallës së Parë Lushnjë./abcnews.al

kallash-fisheke.jpeg
nev ila10:06 | 14/02/2020

Policia e Tiranës ka njoftuar se është vënë në pranga një 20 vjecar pasi po planifikonte të kryente grabitje me armë pranë një marketi në Laknas.

Policia ka rënë në gjurmët e 20 vjecari pas një informacioni se një person ishte duke lëvizur në Laknas me çantë shpine dhe biçikletë.

Pas lokalizimit të 20 vjeçarit nga policia, u ushtrua kontroll fizik. Gjatë kontrollit u gjet, një armë automatik Kallashnikow me krëhër me 17 fishekë, që 20 vjeçari kishte planifikuar ta përdorte gjatë grabitjes.

Policia ka bërë të mundur arrestimin e autorit, ndërkohë po punon për zbulimin edhe të autorëve të tjerë, që mund të jenë përfshirë.

Njoftimi i policisë:

“Policia parandalon vjedhjen me armë të një marketi.

Finalizohet operacioni policor “Laknasi”.

Kapet në flagrancë 20-vjecari, i cili po planifikonte të vidhte me armë në një market, në Laknas.

Sekuestrohet në cilësinë e provës materiale një armë zjarri kallashnikov.

Në vijim të punës për parandalimin e vjedhjeve, kapjen dhe arrestimin e personave që tentojnë të kryejnë vjedhje me dhunë e armë, në orët e mbrëmjes së datës 13.02.2020, Seksioni i Policisë Kriminale të Komisariatit të Policisë Nr. 5 Tiranë ka marrë informacion në rrugë operative se në Laknas, një shtetas 20-vjeçar qarkullonte në orët e pasdites, me biçikletë, duke mbajtur me vete një çantë shpine, brenda së cilës dyshohej se mund të kishte armë zjarri.

Bazuar në këto informacione është organizuar, zhvilluar dhe finalizuar operacioni policor i koduar “Laknasi”.

Shërbimet e Policisë, gjatë operacionit kanë bërë të mundur lokalizimin e vendndodhjes dhe identifikimin e shtetasit të dyshuar, i cili qarkullonte me një biçikletë dhe në çantën e shpinës kishte një armë zjarri kallashnikov. Në momentet që ky shtetas po përgatitej të hynte në një market në Laknas, shërbimet e Policisë kanë ndërhyrë duke e prangosur në flagrancë shtetasin K. K., 20 vjeç, banues në Laknas.

Gjate kontrollit fizik atij i është gjetur në çantën e shpinës, një automatik model 56, me një krehër me 17 fishekë.

Vijon puna në bashkëpunim me Prokurorinë, pasi dyshohet se ky shtetas mund të jetë autor edhe i disa tentativave të tjera për vjedhje me armë, të ndodhura më parë në Tiranë.

Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet”./abcnews.al

arma.jpg
eri Ida13:15 | 13/02/2020

Policia e Shkodrës ka indentifikuar dhe shpallur në kërkim autorët e dyshuar, për përplasjen me armë mes dy automjeteve mesditën e së mërkurës. Gjithashtu policia është gjetur nga polumbarët, në lumin Buna, arma me të cilën autorët qëlluan në ajër.

Sipas uniformave blu të Shkodrës në vendin e quajtur “Parrucë”, lagjja “Qemal Stafa”, Shkodër, duke udhëtuar me mjetin tip “Benz”, janë konfliktuar për motive të dobëta me shtetasin T. A., 32 vjeç, banues në Shkodër, të cilin shtetasi H. M. e ka goditur me sende të forta në pjesën e kokës duke i shkaktuar dëmtime të lehta, ndërsa shtetasi G. U. ka qëlluar me armë zjarri në ajër dhe më pas janë larguar.

Policia Shkodër

Zbardhet ngjarja e ndodhur dje, më datë 12.02.2020.

Identifikohen dhe shpallen në kërkim autorët e dyshuar.

Gjendet nga polumbarët, në lumin Buna, arma me të cilën autorët qëlluan në ajër.

Nga strukturat DVP Shkodër, në bashkëpunim me Prokurorinë e Rrethit Gjyqësor Shkodër, falë reagimit në kohë dhe si rezultat i veprimeve të shpejta hetimore në lidhje me ngjarjen e ndodhur dje, me datë 12.02.2020, u bë identifikimi dhe shpallja në kërkim e autorëve të dyshuar, shtetasve G. U., 26 vjeç, banues në Shkodër dhe H. M., 24 vjeç, banues në Shkodër.

Këta shtetas, dje, më datë 12.02.2020, rreth orës 13:50, në vendin e quajtur “Parrucë”, lagjja “Qemal Stafa”, Shkodër, duke udhëtuar me mjetin tip “Benz”, janë konfliktuar për motive të dobëta me shtetasin T. A., 32 vjeç, banues në Shkodër, të cilin shtetasi H. M. e ka goditur me sende të forta në pjesën e kokës duke i shkaktuar dëmtime të lehta, ndërsa shtetasi G. U. ka qëlluar me armë zjarri në ajër dhe më pas janë larguar.

Në vendin e ngjarjes u gjet dhe u sekuestrua në cilësinë e provës materiale një gëzhojë pistolete.

Gjithashtu, pas kërkimeve intensive në lumin Buna, nga Njësia Polumbare e repartit RENEA u gjet dhe u sekuestrua pistoleta me të cilën kanë qëlluar shtetasit e lartpërmendur.

Materialet iu referuan Prokurorisë së Rrethit Gjyqësor Shkodër, për veprat penale “Armëmbajtja pa leje”, “Prishja e rendit dhe e qetësisë publike” dhe “Plagosja e lehtë me dashje”./abcnews.al

a90d5a09-41a5-4b7f-b238-f0a05014c2bd.jpg
eri Ida11:25 | 13/02/2020

Gjykata e Tiranës ka vendosur masën e sigurisë arrest me burg për Vladimir Gjutën. Ndërkohë avokati i tij deklaroi pas seancës se kërkesa e prokurorisë bazohej vetëm në faktin e sasisë së parave që kishte me vete. Sipas tij, klienti i ka pasur paratë për t’i thyer në Exchange dhe për t’i përdorur për biznesin e tij.

“Ka mbrojtur pasurinë e vet, kështu e ka menduar ai. Me paratë ai pretendoi se paratë janë të ligjshme dhe i ka siguruar nga biznesi në Angli së bashku me familjarët. I duheshin për të krijuar një biznes, tregti me mallra amerikane. prokuroria kërkoi arrest me burg vetëm për paratë e gjetura. Paratë do i thyente për biznesin e tij”, deklaroi avokati.

Ndalimi i Gjutës është bërë me 10 shkurt pranë selisë së PS duke lëvizur i armatosur, por në atë moment selia e PS ishte e mbushur me deputetë, ministra dhe vetë kryeministrin Rama pasi po zhvillohej mbledhja e Kryesisë.

Gazetarja Glidona Daci raporton për abcnews.al se Gjuta në polici para grupit hetimor është shprehur se mbante armë me vete pasi kishte një shumë të madhe parash me vete dhe do ti thyente në Exchang-in që ndodhej pranë selisë së Partisë Socialiste.

“Vlerësimi i masës do të bëhet me dyer të mbyllura. Ai ka shpjeguar se ka lëvizur me pistoletë pasi kishte një 120 mijë eurosh me vete të konsiderueshme parash me vete. Ai ka thënë se është një person që e do dhe e vlerëson shumë Edi Ramën dhe Berishën. Ai ka theksuar se paratë ika marrë nga i ati për ti thyer dhe nuk ka pasur asnjë qëllim tjetër”, tha gazetarja e ABC News Glidona Daci./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono