armë

arrestime.jpg
G. P.23:01 | 13/02/2019

Policia italiane ka gjetur kokainë dhe një arsenal të vërtetë armësh në banesën e dy të rinjve shqiptarë 25 dhe 27 vjeç në Pontasieve, Firence. Efektivët shkuan në banesën e të rinjve, pasi kishin arrestuar 27-vjeçarin. Ai u prangos me urdhër të Prokurorisë së Firences, për llogari të një dënimi penal të pakryer prej 2 vjet e 9 muajsh burg për vjedhje banesash dhe largim nga masa e “arrestit shtëpiak”.

Gjatë kontrollit të banesës, karabinierët gjetën një sasi prej gati 1 kilogramë kokaine, ende e pandarë në doza të vogla, disa gram marijuanë, 5 pistoleta, 3 armë gjysmë-automatike dhe 2 revolverë. Efektivët gjetën edhe shumë aparatë telefonësh celularë dhe tableta, që mendohet të jenë të vjedhura. Ndërsa shoku i tij i shtëpisë, 25-vjeçari me origjinë shqiptare, u arrestua për mbajtje lëndësh narkotike dhe mbajtje e paligjshme e armëve dhe sendeve të vjedhura./abcnews.al

arme.jpg
G. P.14:31 | 06/02/2019

Një i dehur tentoi të vrasë punonjësit e policisë në Korçë. 69-vjeçari i dehur ishte në sherr me fqinjët e tij kur në vendin e ngjarjes shkoi policia. Ndërkohë, ai në shtëpi kishte marrë automatikun. Kur policia ndërhyri, i dehuri Gani Xhambazi u drejtoi armën e zjarrit duke tentuar të qëllonte në drejtim të punonjësve të policisë, por fatmirësisht arma u bllokua duke mos realizuar qitjen.

Ky person u arrestua dhe akuzohet  per veprat penale “Vrasja e punonjësve të Policisë së Shtetit, mbetur në tentativë” dhe “Mbajtja pa leje dhe prodhimi i armëve dhe i municionit”. I arrestuar më parë ishte dënuar më parë për vjedhje dhe dhunë në familje. Në cilësinë e provës materiale u sekuestrua një armë zjarri automatik dhe 88 copë fishekë luftarake./abcnews.al

MBLULIM-VRASJA-NE-TIRANE.mpg_snapshot_00.07-1280x684.jpg
ent ela15:08 | 30/01/2019

Një ish-efektiv policie mbeti i vrarë në një atentat sot në Tiranë. 50-vjeçari Arben Bilali u ekzekutua me armë zjarri pranë banesës së tij në zonën e Selitës në kryeqytet. Ngjarja dyshohet të ketë ndodhur për hakmarrje, pasi dy vëllezër të viktimës janë vrarë në atentate më herët.

Një tjetër ish-efektiv u policie ekzekutua në Tiranë. Arben Bilali u qëllua plot shtatë herë, ndësa gjumët e plumbave gjenden kudo. 50-vjeçari ka qenë punonjës policie te Komisariati nr.2. në kryeqytet dhe pjesë e repartit të Forcave të Ndërhyrjes së Shpejtë.

Bilali ishte larguar nga detyra rreth 10 vite më parë, pasi kishte paraqitur vetë dorëheqjen. Dyshohet se tre kanë qenë autorët e atentatit të cilët të maskuar kanë hapur zjarr në drejtim të ish-oficerit që gjendje te pjesa e pasme e atuomjetit, siç duket edhe në pamje.

Pista kryesore e policise është e hakmarrjes. Për ngjarjen e rëndë shumë persona janë shoqëruar në Drejtorinë e Policisë së Tiranës.

Në dy dekadat e fundit janë vrarë edhe dy vëllezër të tjerë të Arben Bilalit. I pari u ekzekutua Bujar Bilali në vitin 1998, ndërsa Leonardi, ish-mundës i Dinamos u qëllua për vdekje në Gusht të 2010-s. Sipas dëshmisë së banorëve të zonës, dy vëllezërit, Arben dhe Leonard Bilali u ekzekutuan  në të njëjtin vend, pranë shtëpisë së tyre në zonën e Selitës.

Prej kohësh familja Bilali ka konflikte me një tjetër familje të njohur në zonën e Selitës ku numri i viktimave nga të dy anët është shumë i lartë. Kalvari i vrasjeve ka ndodhur në vitin e largët 1994 dhe vijoi edhe të mërkurë./abcnews.al

G. P.22:53 | 24/01/2019

Shtetet e Bashkuara kanë kërkuar të zhvillojnë bisedime mbi kontrollin e armëve me Rusinë, gjatë një takimi të Kombeve të Bashkuara, që do të zhvillohet në Pekin javën e ardhshme; ku aludohet pothuajse me siguri një grindje, e cila lidhet me një traktat të epokës së Luftës së Ftohtë.

Lajmin e bëri të ditur të enjten një zyrtar i lartë i Departamentit të Shtetit të enjten. Zëvendës sekretari i shtetit Andrea Thompson tha se administrata Trump do të “pezullojë detyrimet tona”, sipas marrëveshjes së diskutuar, nëse Rusia nuk do i kthehet bashkëpunimit, për ta diskutuar me 2 Shkurt.

Mosmarrëveshja mbi traktatin e Forcave Bërthamore e vitit 1987 ka shtuar tensionet mes SHBA dhe Rusisë, që nga fundi i Luftës së Ftohtë në vitin 1991. Disa ekspertë kanë frikë se shkelja e traktatit mund të dëmtojë marrëveshjet e kontrollit të armëve, dhe të shpejtojë një erozion në sistemin global./abcnews.al

policia123.jpg
ent ela18:12 | 19/01/2019

Një person ka mbetur i plagosur pasditen e sotme në Tiranë. Ngjarja ka ndodhur në zonën e Yzberishtit.  I plagosur ka mbetur një 20-vjeçar. Policia bën të ditur se i riu u qëllua me armë zjarri pas një konflikti të çastit. Ndërsa më tej mësohet se 20-vjeçari është dërguar në spital ku ndodhet jashtë rrezikut për jetën./abcnews.al

vrasja-korce.jpg
G. P.21:51 | 17/01/2019

Me një plumb në kokë dhe tjetrin në trup është ekzekutuar një person në periferi të qytetit të Korçës.

Ngjarja ka ndodhur mbrëmjen e së enjtes mes një blloku pallatesh në lagjen nr. 10 të qytetit. Viktima dyshohet të jetë rreth 30 vjeç, por ende nuk dihet identiteti i tij. Policia ka gjetur pak metra larg trupit të pajetë një mjet tip Benz mbi të cilin është qëlluar në pjesën e përparme.

Nuk dihet nëse mjeti i përket viktimës apo autori ka qëlluar mjetin teksa ndiqte për të vrarë të riun.  Më herët, viktima dyshohet të jetë konfliktuar me autorin në një lokal, por nuk ka të dhëna për motivet./abcnews.al

fieriiii.jpg
G. P.10:13 | 14/01/2019

Persona të panjohur kanë hapur zjarr me kallashnikov në drejtim të një lokali në qytetin e Fierit. Nuk dihen shkaqet e kësaj ngjarje dhe autorët janë larguar me shpejtësi me një makinë.

Për fat nuk pati njerëz të lënduar pasi lokali ishte i mbyllur. Policia ka bërë shoqërimin e disa personave për t’u marrë në pyetje. Në pyetje po merren dhe pronari dhe stafi i lokalit. Paraprakisht dyshohet si kërcënim ndaj pronarit të këtij lokali./abcnews.al

baza-detare-pashaliman.jpg
G. P.12:55 | 12/01/2019

“Lëviza nga vendi i punës pasi kisha ftohtë”. Kështu ka deklaruar gjatë dëshmisë së tij një nga ushtarakët e ndaluar pas grabitjes së armëve dhe municioneve në Pashaliman. Për ngjarjen janë ndaluar pesë ushtarakë që ishin në turn kur ndodhi vjedhja.

Burime të ABC News thonë se një nga ushtarakët e ndaluar pas grabitjes që ndodhi ditë më parë në Pashaliman ka deklaruar se nuk ndodhej në vendin e punës në atë moment pasi kishte ftohtë.

“U largova për të shkuar në një vend me ngrohje”, ka thënë ai.

Për këtë ngjarje janë proceduar edhe katër kolegë të tij. Çështja është duke u ndjekur nga Policia Ushtarake dhe rasti do t’i kalojë Gjykatës në Vlorë. Pesë të ndaluarit po mbahen në komisariatin e qytetit. Të gjithë ishin në turnin e rojes në momentin kur ndodhi grabitja. Tre pushkë automatike dhe municione luftarake u grabitën në bazën ushtarake të Pashalimanit. Ngjarja ndodhi natën e së enjtes.

Në lidhje me këtë ngjarje reagoi të premten dhe Shtabi i Përgjithshëm i Forcave të Armatosura, i cili ka sqaruar se Policia Ushtarake ka referuar për ndjekje penale në Prokurinë e Rrethit Gjyqësor Vlorë në ngarkim të 5 personave: “Për shkelje të rregullave të shërbimit në objektetet e rëndësishme” si dhe për “Vjedhje”.
Shtabi i Përgjithshëm i Forcave të Armatosura siguron se ky rast sporadik nuk ka dëmtuar sigurinë, gatishmërinë dhe operacionalitetin e Forcës Detare./abcnews.al

pashaliman.jpg
G. P.18:43 | 11/01/2019

Tre pushkë automatike dhe municione luftarake janë grabitur në bazën ushtarake të Pashalimanit. Ngjarja ka ndodhur natën mes së enjtes dhe të premtes. Mësohet se janë shoqëruar në komisariat pesë punonjës të bazës ushtarake dhe janë marrë në pyetje nga policia. Nga burime të ABC News është bërë më dije se roja nuk ndodhej në vendin e tij për të siguruar bazën ushtarake në momentin kur u grabitën armët.

Në lidhje me këtë ngjarje ka reaguar dhe Shtabi i Përgjishëm i Forcave të Armatosura, i cili ka sqaruar se Policia Ushtarake ka referuar për ndjekje penale në Prokurinë e Rrethit Gjyqësor Vlorë në ngarkim të 5 personave: “Për shkelje të rregullave të shërbimit në objektetet e rëndësishme” si dhe per “Vjedhje”. Shtabi i Përgjithshëm i Forcave të Armatosura siguron se ky rast sporadik nuk ka dëmtuar sigurinë, gatishmërinë dhe operacionalitetin e Forcës Detare./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono