armando gjini

046133a8-d401-4e46-86eb-26f916afb934-1280x720.jpg
R D15:39 | 08/01/2020

Biznesmeni Kastriot Reçi u vra mesditën e djeshme në qendër të Rrëshenit, sapo doli nga lokali i tij. Ajo çfarë dihet me siguri tashmë është se ai është qëlluar me snajper nga një pallat 9-katësh me distancë rreth 250 metra nga vendi i krimit.

Burimet nga grupi hetimor thanë se ekzekutori dyshohet të jetë qitës profesionist pasi ka qëlluar me precezion të lartë, duke lënë të vdekur Reçin me një plumb të zemër.

Sakaq, burime për abcnews.al thanë se “për të realizuar vrasjen, snajperisti është futur në banesën e shokut të Armando Gjinit”.

Abc News transmetoi live pamjet nga kjo banesë që shihet se është e braktisur. Policia ka marrë në pyetje pronarin e kësaj banese, por ai ka thënë se nuk ka dijeni pasi nuk banonte aty, ndërsa autori ka thyer derën për të hyrë brenda.

Burimet thanë se po hetohet pista e hakmarrjes, konflikte të vjetra që mund të ketë patur viktima Kastriot Reçi. Kujtojmë se edhe Armando Gjinin e kanë vrarë në Rrëshen 6 muaj më parë. Edhe kjo është një ngjarje e mbetur pa autor.

Vrasja e Gjinit

Armando Gjini i njohur si një nga pjesëtarët e grupit të Met Kananit, u ekzekutua në qendër të qytetit të Rreshenit në gusht të vitit 2019.

Ai po lëvizte me makinë bashkë me dy fëmijët dhe bashkëshorten e tij, kur dy persona kanë qëlluar me armë zjarri duke e lënë të vdekur. 48-vjeçari kishte dy identitete, Armando Gjini dhe Tonin Gjini.

Armando Gjini u arrestua me 12 maj 2018 si pjesë e grupit të baronit të drogës, Met Kanani.

Në kuadër të operacionit ‘Precizioni’ Gjini u arrestua së bashku me 37 persona të tjerë dhe u sekuestruan 8 ton drogë. Por 4 ditë pas arrestimit, Gjini u lirua nga burgu.

Atentati ndaj Armando Gjinit, hetimet në 3 pista

armando-gjini.jpg
ad min15:16 | 15/08/2019

Hetuesit kanë sekuestruar kamerat e sigurisë të objekteve pranë vendit ku u vra Armando Gjini, në qendër të qytetit të Rrëshenit. Në pamjet filmike dallohen dy autorët e maskuar brenda makinës, me të cilën i zunë pritë 48-vjeçarit dhe e vranë.

Hetuesit kanë zbuluar pamjet e makinës momentin kur i bëri pritë Armando Gjinit, por jo plotësisht portretin e vrasësve. Në filmimet e kamerave të sigurisë të objekteve rreth vendit të ngjarjes, shikohen dy autorë të maskuar, njeri në timon dhe tjetri që ka qëlluar.

Ata duket se ishin në dijeni të kamerave ndaj pozicioni që ata kanë mbajtur kur kryen atentatin është me kurriz. Por megjithatë burime thanë për ABC Neës, se janë duke analizuar me detaje për të siguruar pamje të qarta për vrasësit të cilët dyshohet se janë paguar.

Hetuesit kanë vendosur si pistë kryesore të shkuarën e viktimës. Por problemet e shumta të Gjinit me borxhet, apo dhe me një gjakmarrje të vjetër i komplikojnë hetimet.

48-vjeçari Armando Gjini u qëllua me breshëri plumbash në qendër të Rrëshenit sapo kishte ndaluar makinën nga ku kishin zbritur fëmijët dhe gruaja e tij. Atentatorët e dogjën mjetin në dalje të qytetit dhe janë larguar me një tjetër makine.

Tre muaj më parë, viktimës Gjini i  vendosën tritol në makinë, që shpërtheu pasi ai ishte larguar për të dërguar fëmijët në shkollë. Armando Gjini u arrestua me 12 Maj 2018 si pjesë e grupit të baronit të drogës, Met Kanani.

Në kuadër të operacionit ‘Precizioni’, Gjini u arrestua së bashku me 37 persona të tjerë dhe u sekuestruan 8 tonë drogë. Por 4 ditë pas arrestimit Gjini u lirua nga burgu.

Met Kanani njihet nga mediat turke si “Eskobari shqiptar” për shkak të famës që mori në Turqi si koka trafikut të heroinës dhe kokainës. Nga operacionet e zhvilluara më herët edhe në Itali, Greqi, Turqi e Shqipëri, bandës i janë sekuestruar mbi 8.4 tonë kanabis, me vlerë tregu 10 milionë euro./ABC News Albania 24/7

pamjet-vrasja-rreshen-1280x713.jpg
nev ila09:54 | 13/08/2019

Hetuesit kanë përcaktuar tre pistat e para për atentatin ndaj Armando Gjinit të hënën në qendër të qytetit të Rrëshenit. Burime për ABC News treguan se familja e Gjinit është e përfshirë në një gjakmarrje në të kaluarën.

Kjo është dhe pista e parë për policinë, por nuk përjashtohet ajo e borxheve si dhe e kaluara e tij në Belgjikë.

Policia ka shoqëruar disa persona të cilët pasi janë marrë në pyetje janë lënë të lirë.

Armando Gjini i njohur si një nga pjesëtarët e grupit të Met Kananit, u ekzekutua në qendër të qytetit të Rreshenit.

Ai po  lëvizte me makinë bashkë me dy fëmijët dhe bashkëshorten e tij, kur dy persona kanë qëlluar me armë zjarri duke e lënë të vdekur. 48-vjeçari kishte dy identitete, Armando Gjini dhe  Tonin Gjini.

Një orë me pas në fshatin Gziq të Mirditës u gjet një makine fuoristradë e djegur, që dyshohet të jetë përdorur nga autorët e krimit. Tre muaj më parë viktimës i kishin vendosur tritol në makinë, e cila shpërtheu pasi ai ishte larguar për të dërguar fëmijët në shkollë.

Armando Gjini u arrestua me 12 maj 2018 si pjesë e grupit të baronit të drogës, Met Kanani.

Në kuadër të operacionit ‘Precizioni’ Gjini u arrestua së bashku me 37 persona të tjerë dhe u sekuestruan 8 ton drogë.   Por 4 ditë pas arrestimit, Gjini u lirua nga burgu./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono