armando duka

PROVOKACIA-15-MARS-MONOLOGU-DHE-ARMAND-DUKA-PJESA-1.mpg_snapshot_26.02-1280x720.jpg
ent ela20:54 | 15/03/2019

Kombëtarja, synimet, objektivat, dhuna në stadiume dhe masat u trajtuan në studion e Provokacijas në një bisedë me kreun e FSHF-së Armand Duka. Sa i takon dhunës në Kamëz, e cila u bë shkak edhe për një tryezë të përbashkët me Kryeministrin Rama, i cili premtoi ndryshimin kodit penal për këtë çështje, Duka tha se kjo e dëmtoi keq kampionatin e Kategorisë Superiore Shqiptare.

“Çdo akt dhune është i shëmtuar, njerëz që hynë në fushë dhe goditën zyrtarët dhe në një moment e dëmtoi keq kampionatin e Kategorisë Superiore Shqiptare.

Vendimet dhe rregulloret e aktivitetit parashikojnë masa të tilla ku ka akte dhune dhe antisportive. Është një ngjarje që s’kishte lidhje me sportin dhe tejkalonte çdo gjë”.

Por ajo që vëren Duka në Shqipëri dhe që është dhe një nga shkaqet e dhunës, është vështirësia për të pranuar rezultatin.

“Ajo që kemi ne është vështirësia për të pranuar rezultatin  dhe këtë rezultat në një ndeshje futbolli nuk është kollaj që ta pranosh. Nuk mendoj që futbolli dhe futbollistët tanë mund t’i konsiderojmë të padisiplinuar.

Kemi arbitra që stërviten si futbollistët, patjetër që edhe gabojnë, por nuk pranohet rezluati dhe në fakt nuk ndryshohet asgjë”.

Për Dukën e vetmja mënyrë për t’iu përgjigjur dhunës është dhuna, që në këtë rast ai nënkupton praninë e policisë në stadiume.

“Praktika botërore është që çdo shkeje e ligjit dënohet, por në një vend si ne që shkeljet së ligjit nuk i shkohet deri në fund e vetmja mënyrë është dhuna për t’iu përgjiur se prania e policisë është dhunë dhe unë e kam parë dhe në fushat të tjera. Pas takimit me kryeministrin, dëgjova mjekë që thoshin nuk punojmë pa praninë e policisë dhe kur nuk funksionon duhet ruajtur me dhunë deri sa Shqipëria dhe ligjet dhe zbatimi i tyre të funksionojnë”.

Gjatë bisedës në Provokacija, Presidenti i FSHF-së vlerësoi lojtarët e Kombëtares dhe trajnerin Panuçi, emërimi i të cilit është kompetencë e kreut të FSHF.

 “Trajneri që është në fuqi është më i mirë për ekipin. Ka gabime si çdo njeri. Trajner i madh mund të bëhet kushdo. Guardiola si Panuçi filloi dhe u bë trajner i madh.

Në çdo moment nëse s’ke besim dhe skuadra s’ka besim dhe ai që ndërrohet më shpesh në futboll trajneri është.

Kështu është parashikuar në rregullat e çdo federate por edhe konsulta me teknikë, por në fund vulën e vë Presidenti dhe dështimet dhe të gjitha i vë Presidenti”.

Duke folur për Europianin 2020, ai vlerësoi se ndeshja e 22 marsit në Shkodër kundër Turqisë është shumë e rëndësishme dhe nëse merren 3 pikë është një shans i mirë për të parë përpara. /abcnews.al

 

lorenc-trashi.jpg
G. P.16:26 | 20/12/2018

Lorenc Trashi i Partizanit dhe Megi Doçi e Vllaznisë, u shpallën më të mirët e vitit 2018 në futbollin shqiptar. Federata ndau edhe disa çmime për figura të këtij sporti në Shqipëri.

Sakrifica e tyre nuk shkoi kot. Lorenc Trashi i Partizanit dhe Megi Doçi e Vllaznisë, u shpallën më të mirët e futbollit shqiptar për vitin 2018, për meshkuj e femra. Trashi, padyshim një nga lojtarë më të mirë të kryeqytetasve, po jep kontribut në përmbushjen e ëndrrës së tifozëve për të fituar titullin kampion pas më shumë se çerek shekulli.

“Unë shpresoj që meqë e nisa kampionatin me një trofe, ta përmbyll me një trofe në fund. Kjo do ishte perfekte. Kampionati do jetë shuëm  ashpër këto dy faza që kanë ngelur dhe do fitoj në fund ekipi që do bëjë më pak gabime”, tha Trashi.

Nëse për Trashin kishte kuptim rivaliteti, kjo nuk mund të thuhej për Megi Doçin. Sulmuesja e re e Vllaznisë shënon kaq shumë gola, ndërsa vesh edhe fanelën e kombëtares, saqë nuk lë vend për diskutim.

“Ndihem shumë e kënaqur sepse është një çmim që jepet për herë të parë, por është meritë e gjithë ekipit dhe stafit që më kanë ndihmuar që të jap një performancë shumë të mirë në fushën e lojës dhe të shënoj sa më shumë gola”, tha Doçi.

Në mbrëmjen e ndarjes së çmimeve, presidenti i Federatës Shqiptare të Futbollit, Armand Duka, deshi t’i jepte një çmim edhe institucionit të tij, për investimet në infrastrukturë.

“Punimet drejt përfundimit të stadiumit kombëtar, fillimin e projektit të madh të shtëpisë së futbollit një kompleks, i cili do pranojë për ç’do lloj aktiviteti të futbollit shqiptar, jo vetëm për zyrat, por për çdo ambient ndihëm për ekipet shqiptare. Ambient ndihmës të stadiumit të Kukësi”, tha Duka.

U vlerësuan me çmimin Nderi i futbollit shqiptar, lojtarë të së kaluarës si Perlat Musta, Agim Canaj, Genc Tomori, Osman Mema, Qamil Teliti (pas vdekjes) dhe Edvin Murati./abcnews.al

duka123.jpg
G. P.15:56 | 11/12/2018

Presidenti i Federatës Shqiptare të Futbollit, Armand Duka, do të hedhë sërish kandidaturën për të qenë anëtar i Komitetit Ekzekutiv të UEFA-s. Ishte vetë Duka që e njoftoi vendimin, në një deklaratë në faqen e tij në Facebook.

“Shpresoj që në Kongresin që do të mbahet në Romë, në shkurt 2019, të kem sa më shumë federata mbështetëse, – shkruan Duka, – kandidoj për të pëfaqësuar futbollin shqiptar dhe interesat e federatave të vogla”.

Duka kandidoi për herë të parë në Kongresin e UEFA-s në vitin 2017, duke marrë 22 vota, dhe duke mos arritur të zgjidhej vetëm për pak vota. Ai është president i Federatës Shqiptare të Futbollit, që nga viti 2002, dhe ky është mandati i tij i pestë në këtë post./abcnews.al

Armand-Duka-1280x971.jpg
G. P.17:22 | 12/09/2018

Christian Panucci ka kohë të paktën deri në ndeshjen e ardhshme të Ligës së Kombeve në Izrael. Presidenti i Federatës, Armand Duka, i del në krah trajnerit të kombëtares, edhe pse shprehet i pakënaqur me paraqitjet e deritanishme.

Goditjet kanë qenë radhazi.

Tepër të forta edhe për një njeri që di t’i përmbajë emocionet, si presidenti i Federatës Shqiptare të Futbollit, Armand Duka, që padyshim nuk është ndier aspak mirë me 4 humbjet e kombëtares në 4 ndeshjet e fundit.

Gjithsesi, ai ka vendosur të presë dhe t’i japë kohë trajnerit Kristian Panuçi, duke dalë me deklaratë zyrtare në profilin e tij në Facebook.

“Një humbje nuk duhet trajtuar si një tragjedi. Patëm mundësitë tona por nuk i shfrytëzuam, ashtu sikurse edhe difektet, që jam i bindur se trajneri i ka pikë referimi.

Jemi në gjysmë të rrugës, me pikë të barabarta me rivalin. Na pret në tetor një transfertë e vështirë në Izrael. Të gjithë ne, duhet t’i japim kohën e mjaftueshme trajnerit për të bërë ndryshimet dhe reflektimet e duhura në skuadër.

Koha e llogoreve nuk vlen për askënd. Kritikat jane normale për një skuadër kur ajo humbet. Por kur këto bëhen për interesa jo sportive, nuk i shërbejnë askujt”.

Ky qëndrim i presidentit ishte i pritshëm dhe u lajmërua një ditë më parë nga ABC News, pas informacionit të marrë nga burime të besueshme në Federatë.

Duka i ka qëndruar shumë pranë Panucci-t dhe kombëtares, duke e vizituar shpesh në seancat stërvitore, dhe duke i dalë në krah vazhdimisht, përkundër kritikave të shpeshta.

Fillimi i italianit me ekipin përfaqësues u duk pozitiv, me rezultate ndaj Lihtenshtajnit e Maqedonisë, lojra të mira ndaj Spanjës e Italisë, dhe me fitore në Turqi.

Gjithsesi, viti 2018 ka qenë negativ në çdo aspekt, me përjashtim të fitores ndaj Izraelit për Ligën e Kombeve.

Duka vazhdimisht është mburrur se ka gabuar vetëm një herë me trajnerët e kombëtares, me holandezin Arie Hahn.

Nuk dihet nëse po mendon se ky me Panuçin mund të jetë gabimi i tij i dytë./abcnews.al

kristian-panuci.jpg
G. P.18:20 | 11/09/2018

Humbja në Skoci ka krijuar dyshime për të ardhmen e trajnerit Panuçi në stolin e kombëtares. Vetë italiani duket i dorëzuar, ndërsa presidenti Duka po bën llogaritë e tij.

Vështirë të jetë ndjerë më keq ndonjëherë në karrierë. Kristian Panuçi u duk njeri i dorëzuar në stadiumin “Hampden Park” të Gllazgout, më keq edhe se skuadra e tij në fushën e lojës. Trajneri i kombëtares nuk arriti ta ngrinte moralin, as në intervistën pas ndeshjes, dhënë për “Supersportin”, menjëherë pas sfidës ndaj Skocisë në Ligën e Kombeve. Në analizën e ndeshjes, italiani sikur e harroi plotësisht pjesën e parë.

Kristian Panuçi, trajner i Kombëtares: “Nëse ajo mendon kështu, atëherë respektoj mendimin e saj. Por, ne bëmë përgatitjen tonë, patëm edhe raste, pësuam gol që në minutën e parë të pjesës së dytë, një gol i dhuruar, po ashtu siç dhuruam të dytin. Ne patëm raste, por ne nuk shënuam gol, ndërsa ata po”.

Panuçi e justifikoi zgjedhjen e Lilajt në vend të Bashës, që besohet se ka më shumë përvojë, por përsa i përket lojës në mbrojtje, fjalët e tij ishin si një kapitullim.

“Edhe lojtarët e tjerë kanë përvojë. Skocia pati ritëm më të lartë sesa ne dhe kjo u duk qartë. Ne kemi disa limite në mbrojtje, të tjerët nuk na lejojnë që të shënojmë, ndërsa ne i lejojmë shumë lehtë që të hyjnë në zonën tonë”.

Cili pritet të jetë fati i trajnerit, që sapo ka mbushur një vit në detyrë?
Burime në Federatë pohojnë se presidenti Duka nuk e mendon aspak një shkarkim të shpejtë, edhe pse është padyshim i pakënaqur me Panuçin. Besohet se Duka do të presë të paktën deri në fund të ndeshjeve në grupe, në nëntor, për të vepruar edhe pse ka shprehur shqetësime dhe paralajmërime në të kaluarën. Kritikat e analistëve kanë qenë të ashpra, por problemi më i madh në kombëtare duket mungesa e qetësisë dhe atmosfera disi e shtypur.

Burime në ekip, që nuk duan të dalin me emër, pohojnë se Panuçi ka krijuar një klimë prej kazerme ushtarake, diçka që nuk u pëlqen lojtarëve. Po ashtu, ndryshimet e shpeshta duket se tregojnë se trajneri është i paqartë në idetë e tij. Gjithsesi, goditje e rëndë ka qenë edhe mungesa e lojtarëve të dëmtuar si Sadiku, Grezda, Abrashi, apo edhe dalja jashtë forme e Mavrajt./abcnews.al

federata-1280x647.jpg
G. P.15:21 | 21/02/2018

Nuk ndryshon asgjë përsa i përket zv. presidentëve në Federatën Shqiptare të Futbollit. Komiteti Ekzekutiv, i dalë nga zgjedhjet e 7 Shkurtit, zgjodhi dy zëvendësit e rinj të presidentit Armand Duka, dhe ata janë sërish Lutfi Nuri dhe Edvin Libohova.

Nuri dhe Libohova kanë qenë zv. presidentë edhe pas Asamblesë së vitit 2014, ndërsa shërbejnë për një kohë të gjatë në Federatë. Në mbledhjen e Komitetit Ekzekutiv, u përcaktuan edhe komisionet, që do të mbulojë secili prej anëtarëve.

Presidenti Duka kërkoi që anëtarët të përcaktojnë objektivat, nismat dhe përgjegjësitë e secilit prej tyre në mandatin 4-vjeçar për të cilin janë zgjedhur. Në Asamblenë e 7 Shkurtit, u konfirmua pjesa më e madhe e Komitetit Ekzekutiv, edhe pse u zgjodhën dy anëtarë të rinj, Enkelejd Alibeaj dhe Edmond Spahiu./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono