Armand Bajrami

MANDI-I-FTUAR-ORA-16-1280x720.jpg
ent ela18:04 | 17/01/2019

Klemend Balili u përball sot me katër akuzat e ngritura kundër tij, “trafikut të narkotikëve” në formën e grupit të struktutruar kriminal, “pjesëmarrjes në grup të strukturuar kriminal”, “pastrim parash” dhe “mosdeklarim të pasurisë”. Gazetari ABC News Armand Bajrami, i cili ka ndjekur nga afër zhvillimet, i ftuar në studio nga Juli Xhokaxhi ka komentuar në ABC News.

Pavarësisht proklamimit të Policisë për sukses dhe operacion, ai ndan bindjen se ishte vetëm dëshira e Balilit për t’u dorëzuar në momnetin që dosja do mbërrinte në gjykatë.

“14 operacione policie për arrestimin e tij, por të dështuar. 2 vjet e 6 muaj arrati përfunduan kur ai vetë u dorëzua.

Në thelb është një dëshirë e Balilit për t’u dorëzuar. Policia ta proklamonte si sukses e operacion pretendoi që ishte ngushtuar laku dhe fusha e lëvizjes së Balilit, por unë ndaj bindjen se ka qenë një zgjedhje e Balilit që ky moment do vinte kur dosja të mbërrinte në gjykatë. Ai dyshohej nga drejtësia greke për trafikun e drogës edhe përtej Greqisë edhe DEA Amerikane ka qenë e përfshirë se dyshohej si zotërues kokaine në Belgjikë”.

I pyetur për mundësinë e ekstradimit të Balilit në Greqi, gazetari shprehet se kjo është  e pamundur pasi nuk ekziston ligjërisht marrëveshje ekstradimi me Greqinë.

“Balili nuk mund të ekstradohet në Greqi, sepse nuk kemi marrëveshje ekstradimi me Greqinë, dhe nuk ka ardhje të prokurorëve, pasi drejtësia greke i është përgjigjur drejtësisë shqiptare duke i vënë në dispozicion të gjitha materialet”.

Balili foli shumë pak gjatë seancës së sotme duke mohuar akuzat dhe se nuk ka prova të fajësisë së tij, ndërkohë që mohoi edhe ekzistencën e videove të famshme e lakuara mediatikisht.

“Qasje të forta politike, i mbështetur shumë fort nga një forcë politike, dyshimet edhe të drejtësisë greke janë që aktiviteti i tij kriminal është i shtrirë përtej Greqisë dhe Shqipërisë.

Në off record që pati me gazetarët mohoi ekzistencën e videove të famshme e lakuara mediatikisht”. /abcnews.al

 

armand-bajrami.jpg
G. P.15:53 | 15/01/2019

Klement Balili u vu në pranga mëngjesin e së hënës pas një arratie prej gati 2 vjetësh. Gazetari Armand Bajrami ishte i ftuar në studion e lajmeve të ABC News për të folur rreth vetëdorëzimit të tij. Ai theksoi se kanë qenë pak persona që kanë pasur dijeni për ngjarjen e ditës së sotme.

“Konstatuam që në të vërtetë ishin shumë pak personat që kishin dijeni për këtë gjë. Edhe avokati i Balilit ishte dyshues nëse ishte vetëdorëuzar apo jo. Takimi i parë me oficerët është bërë në një zonë të Delvinës. Ka mbëritur fillimisht në Komisariatin nr. 6 dhe mandej është shoqëruar për në Drejtorinë e Policisë së Tiranës. Është një ngjarje shumë e madhe për hir të faktit të peshës së këtij emri, i cili që ka qenë në qendër edhe të arenës politike”, tha ai.

“Jemi në një situatë të ndërmjetme. Pas konfirmimit të lajmit pati një dyjëzim nëse ishte arrestim apo vetëdorëzim. Avokati i tij theksoi që kemi të bëjmë me një vetëdorëzim. Lleshaj përmendi një operacion policor. Nuk jemi në rastin e një dorëzimi klasik kur i kërkuari shkon dhe deklaron se është personi i kërkuar apo një operacion të mirëfilltë që çon në arrestimin e të kërkuarit. Prandaj kemi një dyjëzim”, tha Bajrami.

Vetëdorëzimi i Balilit ka ardhur pas negociatave që janë zhvilluar me Policinë e Shtetit, prandaj për këta të fundit nuk ishte surpizë. Për gazetarin, Klement Balili ka marrë garancitë e tij për t’u vetëdorëzuar.

“Balili ka hyrë në negociata me Policinë e Shtetit. Këto janë finalizuar ditën e sotme. Edhe policia ka pasur një mirëkoordinim. Për tanuk ishte surprizë.

Ajo që mund të them është fakti që Balili patjetër që ka marrë garancitë e tij për të ndërmarrë këtë akt. Kur them garancitë, jo vetëm ato ligjore,. Mua fakti i vetëdorëzimit në këtë moment më bën të mendoj se ka marrë garanci të tjera që pa spekulluar ndoshta nuk do ta lejojnë të marrë një dënim të rëndë”, tha Armand Bajrami./abcnews.al

byro-politike.jpg
G. P.23:16 | 09/01/2019

Rasti i fundit i denoncuar në emisionin “Stop” ku një gjykatës kërkonte para dhe favore seksuale ndaj një nëne që luftonte për kujdestarinë e fëmijës tronditi opinionin publik. Për të diskutuar mbi këtë çështje në emisionin “Byro Politike” nga Juli Xhokaxhi ishin të ftuar Oriola Pampuri, deputete; Stela Dhima, psikologe; Gëzim Tushi, sociolog dhe Armand Bajrami, gazetar.

Për të gjithë të ftuarit rasti i gjyqtarit Roland Hysi dhe i psikologes Elona Meçani që luante rolin e sekseres është i papranueshëm dhe i pafytyrë. Deputjetja e PD-së, por njëkohësisht edhe psikologe, Oriola Pampuri tha se ky është një rast i pacipë për kolegët e saj, njëkohësisht edhe për gjykatësin.

Oriola Pampuri: “Është një rast i pacipë për kolegët tonë. E njëjta gjë vlen edhe për gjykatësin. “Stop” nxorri në pah një problamtikë të tillë që nuk është e vetmja. Këto raste janë ato që na pengojnë të ndërmarrim ato reformat. Gjëja e parë që duhet të bëhet është heqja e licensës dhe bashkë me të hapat që u ndërmorën. Këta meritojnë atë që bëri zonja mbrëmë”.

Nga ana tjetër, sociologu Gëzim Tushi tha se, “Reagimet dhe denoncimet janë shumë pak me të vërtetat që ndodhin dhe në këtë rast kemi të bëjmë me viktima që janë fryt i ngacmimit seksual. E keqja në shoqërinë shqiptare po ndeshet me disa fenomene që janë të reja dhe po agravojnë dhe po tejkalojnë edhe atë kodin mes nderit dhe turpit në vendin tonë dhe kjo është e pafytyrshme. Meshkujt janë përgjithësisht që kërkojnë favore seksuale. Meshkujt shqiptarë, një pjesë e tyre, mesa duket kanë mentalitetin feudal që mendojnë se vartësen e tyre ta konsiderojnë si objekt seksual dhe kjo është e turpshme për një mashkull shqiptar. Po të investigohet akoma më shumë besoj se këtu mund të kenë gisht edhe të tjerë persona”.

Oriola Pampuri:Ajo që më bëri të ndihem mirë ishte mënyra se si zonja iu përgjig. Besoj se zonja të tilla ka plot. Pushteti i këtyre personave në të gjitha hallkat e administratës e bën të fortë kundrejt nevojës që ka përballë. Ka edhe nga ato gra që edhe mund të vetëofrohen, pikërisht edhe ky grup i vogël ndot atë grupin e madh të zonjave me dinjitet”.

Gëzim Tushi:Ka raste kur në mënyrë paradoksale shikon njerëz edhe femra që bëjnë karrierë nëpërmjet këtij mjeti. Është e vërtetë që pjesa më e mahde e femrave janë dinjoitoze, por ka edhe nga ato që trupiune tyre e kthejnë në instrument për të përfituar favore. Neë kemi raste si ky se në se thua jo nuk do vazhdosh edhe punën. Mentalitei i meshkujve shqiptarë është që kolegen, vartëse e tyre e shohin si objekt seksi”.

Stela Dhima:Kur nuk arrin të kënaqesh me ato që ke në jetë, sigurisht do arrish të shfrytëzosh mundësi të tilla”.

Gazetari Armand Bajrami theksoi se procesi i Vettingut i ka futur në presion gjyqtarët. Madje sipas tij një pjesë e tyre e kanë kuptuar që nuk do të kalojnë dhe punojnë si në ditën e fundit, për të përfituar sa më shumë të munden.

Armand Bajrami: “Procesi i Vettingut me gjithë anët pozitive ka sjellë një presion shumë të mëdha në gjyqësor. Shumë gjyqtarë janë të frikësuar, të ndrojtur për situata që mund të ndodhin në skena të përditshme. Disa të tjerë punojnë si për ditën e fundit dhe të vjelin ç’të munden. Unë nuk e di saktësisht momentin kur është bërë videoja, gjithsesi pa u shkëputur nga tema, Stop i ka bërë një nder shumë të madh publikut. Janë edhe tre raste të tjera, ku dy gjyqtarë kanë shkuar në organet e hetimit ndërsa një drejtues i lartë, Shukri Xhelili u shpall i fajshëm për korrupsion nga Gjykata e Shkallës së Parë për Krimet e Rënda, por akuza u ndryshua në shkallët e tjera të drejtësisë. Dënimet nuk kanë qenë të rënda dhe kanë përfituar kanë përfituar shërbim prove e të tjera”.

Në fund, të gjithë të ftuarit treguan edhe një zgjidhje se si mund të ndalohet ky fenomen.

Gëzim Tushi: “Unë mendoj që për zgjidhjen e këtyre problemeve sociale ka dy anë. Një anë është edukimi i njerëzve, forcimi i personalitetit të femrës, emancipimi i femrës, që ta mendojë që është sovrane e trupit. Duhet të edukojmë vajzat në familje, t’i mësojmë në shkollë, shoqëria civile dhe media. E dyta ka të bëjë me ndëshkimin”.

Armand Bajrami:Nuk mund të jap një diagnozë, por inkurajoj vajzat që të denoncojnë rastet kur për një vend pune kërkohen favore të tilla”.

Stela Dhima: “Jam dakord me pjesën e edukimit, është kyç në këtë proces. Ne nga njëra anë edhe e ofrojmë edukimi, që arrin të plotësojë disa hapësira, por është i gjithë morali, shoqëria, i gjithë populli që ka një kulturë ndryshe nga edukimi. Unë shpresoj që të mos ketë aq shumë psikologë të tillë sepse shpresoj që psikologët të kenë parime. Unë shpresoj që të jenë duke bërë punë me etikë, por kur qytetarët ndjejnë se nuk marrin shërbim të drejtohen te Urdhri i Psikologut”.

Oriola Pampuri:Përmirësimi i marrëdhënieve familjare që është venitur kohët e fundit, forcimi i ligjit dhe denoncimi. Të treja janë hallka të rëndësishme që rrisin një shoqëri me dinjitet”./abcnews.al

BYRO-POLITIKE-DT-29-00002.mpg_snapshot_03.19-1280x720.jpg
G. P.21:49 | 29/10/2018

Në mbrëmjen e sotme të emisionit “Byro Politike” nga gazetarja Juli Xhokaxhi u fol për ngjarjet më të rëndësishme në vend. Një diskutim mbi dorëheqjen e ministrit të Brendshëm Fatmir Xhafaj. Gjithashtu një analizë mbi ngjarjen e rëndë të ndodhur në fshatin Bularat, ku një i ri minoritar humbi jetën në një shkëmbim zjarri me forcat e policisë. Të ftuar ishin Enkelejd Alibeaj deputet i PD, Mentor Kikia drejtor i Klan Plus, Armand Bajrami gazetar i ABC News, Arjan Curri analist.

E larguan Xhafajn apo iku?

Alibeaj: “Ça rëndësie ka kjo? Panorama e përgjithshme është që ministri i Brendshëm, shumë i përfolur dhe i akuzuar, sot nuk është më në detyrën e tij. Nuk është se ka ikur apo e kanë larguar më një arysetim politik. Arsyeja është për shkak të situatës aktuale se ku është zhytur kjo mazhorancë: 1. Qeveria është e zhytur në krim; 2. Qeveria bashkëpunon me krimin për të blerë vota. Këto janë karakteristikat që e definojnë këtë lloj mazhorance. Ajo ç’ka ka ndodhur tani është shenja e parë që më në fund kjo organizatë mafioze që qeveris vendin, sot ka humbur hallkën kryesore të ingranazhit të vet. Kjo për shkak të luftës së fortë dhe intentensive të opozitës, por edhe që publiku shqiptar sot i ndjen këto dy simptoma të qeverisë”.

Kikia: “Xhafaj bëri gabim sepse e shiti në emër të moralit dhe nëse do ishte kështu duhet ta kishte shitur më herët. Xhafaj ishte syri i ciklonit, për gjatë gjithë vitit në politikë dhe nuk duhej njoftuar vetëm me një rresht. Duhen shpjegime sepse kjo e bën edhe më të ngarkuar ngjarjen. Xhafaj duhet të përgjigjet se kë kishte goditur me gurë?”

Bajrami: “Për mua është surprizë momenti i zgjedhur për dorëheqjen sepse në javën e kaluar patën një operacion të përmasave të mëdha. Mendoj se më shumë se kurrë publiku shqiptar e meriton një transparencë më shumë. Për mua ngre dyshim që vendimi i Xhafajt mund të jetë edhe e diktuar nga qarqe të caktuara qoftë edhe të botës së krimit që mund të jenë të shënjestuar nga operacioni volvo 4 ose të cënuar prej tij”.

Në lidhje më deklaratat e Xhafajt i cili tashmë i thotë opozitës që të nxjerrë provat.

Alibeaj: “Xhafaj se ka bërë kurrë angazhimin ndaj publikut. 3 kanë qenë kauzat e mëdha të tij. 1,Vëllai, 2.44 bandat kriminale, 3.operacioni volvo 4. Në secilën prej këtyre 3 kauza, kanë qenë të dështuara. Gjatë kohës që ishte në pozicione shtetërore i dha ndihmë vëllait për tu mos u ekstraduar. Përfshirja e drejtpërdrejtë e manipulimit të provave për Alizotin. Në këtë mes nuk ka çështje morale por kriminalo-mafioze. Sikur të mos ishin denoncimet tona mafia do ta gjente gjuhën e përbashkët”.

Gjithashtu, të ftuarit dhanë mendimin e tyre edhe për gjenerali Sandër Lleshin, i cili pritet të jetë dhe pasardhës i ministrit Xhafaj në postin e ministrit të Brendshëm.

Alibeaj: Ç’lind nga macja gjuan për minj.

Kikia: Zoti Lleshi tashmë nuk është më gjeneral. Lleshi i ka sugjeruar Ramës që t’i mbante prefektët ushtarakë dhe ky vendim i rezultoi i suksesshëm ndaj dhe e emëroi atë.

Bajramaj: Figurë interesante, përpos eksperiencës së tij ministria e Brendshme është në tjetër mënyrë të punuari dhe është sfidë e fortë për të.

Curri: Në qoftë se ka një ministër të Brendshëm dhe Mbrojtjeje duhet të garantojnë sigurimin civil. Dhe të vendosësh një gjeneral në këtë post ka një koflikt detyrash dhe statusesh.

Gjithashtu pjesë e diskutimit ishte dhe ngjarja e ndodhur në fshatin Bularat, ku mbeti i vrarë shtetasi Kostandinos Kaçifas në një shkëmbim zjarri me policinë.

Alibeaj: “Analiza e vetme në ngjarje është se nëse reagimi i policisë ka qenë proporcional për të arritur qëllimin, eliminimin e rrezikut. Nëse rreziku ka qenë se ai mund të merrte jetë njerëzish, reagimi do të duhej të ishte propocional. Qëndrimi i policisë është propocional sipas mendimit tim. Duhet të bëhet një hetim që shpirtrat të jenë në qetësi. Shqetësuese janë gjërat që ndodhin pas”./abcnews.al

BYRO-DT-10-1280x720.jpg
ent ela21:17 | 10/10/2018

Video-përgjimi i Alizotit i publikuar nga deputeti demokrat Ervin Salianji një ditë më parë në studion e Opinion, është diskutuar në studion e Byro Politike në një panel juristësh dhe gazetarësh. I pyetur nga gazetari Spartak Koka  se sa i besueshëm është ky përgjim, juristi Jordan Daci u shpreh se juridikisht nuk është provë.

“Juridikisht video përgjimi që nuk është i autorizuar nga gjykata nuk ka vlerë, por edhe nëse është i autorizuar, është indicie, por nuk është provë”.

Sipas juristit Daci përveç përgjimit parandalues nga gjykata dhe prokuroria, të gjitha përgjimet e tjera janë të dënueshme.

“Kemi dy lloj përgjime që është parandalues dhe nuk përbën prove dhe përgjime nga gjykata e Prokuroria. Të gjitha përgjimet e tjera janë të dënueshme, por nuk mund të merret provë”.

Ndërkaq juristi Shefqet Muçi theksoi se tani që çështja u lëkund, masa e sigurisë ndaj Alizotit mund të ndryshojë.

“Tani që çështja u lëkund masa e sigurisë së tij mund të ndryshojë. Video-përgjimi i djeshëm ka të njëjtën vlerë, sikurse audio përgjimi parë, por rëndësi ka ajo se çfarë përmban”.

Ndërsa gazetari Armand Bajrami shpjegoi se  video-regjistrimi i mbrëmshëm as nuk e pohon dhe as nuk e rrëzon akuzën, por angazhon prokurorinë, që pas sekuestrimit do jetë marrja në pyetje e Alizotit për sqarimin e situatës.

“Pas sekuestrimit do jetë marrja në pyetje e Alizotit për sqarimin e situatës.  Kemi një video të titruar më dëgjim jo të saktë dhe  me zë të fshirë, që më krijon bindjen se ndërsa video e mëparshme është e dyshimtë s’mund ta zhvlerësojmë më një tjetër të dyshimtë.  Është një bisedë e nxjerrë nga konteksti. Nuk e dimë kush është personi tjetër që flet. Nuk e dimë në ç’ kushte është bërë”./abcnews.al

BYRO-DT-10.mpg_snapshot_16.08-1280x720.jpg
G. P.20:56 | 10/10/2018

Në puntatën e radhës të emisionit “Byro Politike” nga gazetarja Juli Xhokaxhi u diskutua për ngjarjet më të rëndësishme politike në vend. Përpjekje për të hedhur dritë për ato personazhe që me dashje apo pa dashje janë bërë pjesë e realitetit politik në vend. Të ftuarit e sotëm ishin: Shefqet Muçi jurist, Jordan Daci jurist, Spartak Koka gazetar, Armand Bajrami gazetar.

Diskutim mbi dosjen “Babale” dhe audiopërgjimin e famshëm të kësaj çështjeje të lançuar që në maj të këtij viti. Fillimisht u bë një përmendje kronologjike e situatës. Ku u tregua se Alfred Alizoti ka pranuar se ishte ai që fliste ne audiopërgjim, kjo gjë e pasqyruar dhe në tabulatet telefonike. Alizoti në deklarimet para prokurorëve tha se i kishte premtuar një shumë prej 200.000 mijë eurosh dhe fakti që nuk kishte marrë këto para kishte bërë që të vetëdeklarohej.

Sipas Kokës, nga publikimi i videos mbrëmjen e kaluar situata ka marrë nje tjetër rrjedhë, prokuroria sqaroi se Alizoti është shoqëruar nga punonjës të policisë Fier më 1 qershor pas kërkesës së porkurorisë. Sipas të ftuarve, gjatë përgjimit të bisedave telefonike të shtetasit Albert Veliu ka rezultuar si person që ka komunikuar me të disa herë i shqetësuar duke bërë biseda për të cilat ka patur të dhëna gjatë përgjimit për përfshirjen e tij bashkë me shtetasin Albert Veliu në realizimin e audiopërgjimit.

Muçi shprehet se ajo që e ngatërron problemin është vetë politika. Kemi të bëjmë më ndërhyrjen në pushtetin gjyqësor. Duke u marrë me provat organet e shtetit deformojnë provat dhe disinformojnë publikut dhe çorjentojnë organet e drejtësisë. Sipas Dacit duhet të rezervohemi me daljen e konkluzioneve të prerave pasi mund të dalin surpriza nga ekspertiza. Përderisa nuk ka një provë të qartë nuk mund të shërbejnë.

Muçi: Me sistemin e drejtësisë në përballje të çështjeve Xhisiela-Babale çorientojne prokurorinë, nuk u interesojnë popullit por vetëm atyre që kërkojnë të shmangin vëmendjen e popullit nga hallet e përditshme.

Daci: “Gjykata e Krimeve të Rënda Gestapo moderne me zero pafajësi, njerëzit po masakrohen nga ky sistem dhe kjo lloj qasje, jo vetëm dëmton drejtësinë por edhe interesat e qytetarëve.”/abcnews.al

armand-bajrami.png
G. P.22:35 | 05/10/2018

Dy gazetarët Andi Qosja dhe Armand Bajrami ishin këtë të enjte në “Mbrëmje Ide” të Mirela Milorit. Ngjarja e Bllokut, ku mbeti i vrarë një person dhe u plagosën dy të tjerë ishte tema e diskutimit.

Qosja tha se autorët e krimit janë në kërkim, ndërsa të plagosurit janë jashtë rrezikut për jetën. Në atentat sipas Qosjes janë përdorur tre armë dhe policia ka sekuestruar 11 gëzhoja.

Nga ana tjetër, Armand Bajrami foli për deputetin e PD-së, Ervin Salianji. Ky i fundit u paraqit sot në Prokurorinë e Krimeve të Rënda për rastin “Babalja”.


/abcnews.al

PROVOKACIJA-ARMAND-BAJRAMI-PJ-3.mpg_snapshot_03.14-1280x720.jpg
ent ela21:29 | 02/10/2018

I ftuar në “Provokacija”me gazetarin Mustafa Nano, gazetari i kronikës në ABC News Armand Bajrami. Një diskutim mbi të vërtetat e ngjarjes më të nxehtë në vend në lidhje me “dhunimin” e Xhisiela Malokut.

Sipas Bajramit e gjithë ngjarja pati një pikë kthese shumë të fortë dhe pasoja shushatëse.

“Kemi 4 procedime penale, 2 në Prokurorinë e Tiranës dhe 2 në Prokurorinë e Krujës pikërisht për këtë çështje. Kjo e bën çështjen serioze në aspektin shtetëror dhe institucional të gjësë, por që u zhvlerësuan në sytë e publikut nga deklaratat e çuditshme të Xhisielës.”

Gazetari u shpreh se në lidhje me deklaratën e vajzës një natë më parë në studion e “Opinion” nga Blendi Fevziu, ai në sytë e tij, ka parë një vajzë të kërcënuar, të fustruar dhe ngushtuar nga mjedisi dhe nga vetja e saj.

I pyetur për korrektësinë e gazetarëve në lidhje me raportimin e ngjarjes, Bajrami tregoi se e gjithë ngjarja u kthye në qendër të vëmendjes për hir të presionit publik dhe presionit mediatik dhe me anë të dinamikave sot u bë e mundur arrestimi i një personi. Ai tregoi dhe mendimin e tij për deklaratat e fundit të Xheisilës.

“Xhisiela ka qenë e lëkundur ç’ka mua më bën të jem i bindur se ajo është e pavërtetë në ato ç’ka tha mbrëmë të paktën publikisht. Ajo ka qenë e lëkundur jo vetëm mbrëmë, madje po të bënim dallimin ndërmjet dy intervistave që janë transmetuar natën e mbrëmshme, ka pasur luhatje. Por edhe në prokurori Xhisielës i janë marrë 7 herë deklarimet. Nga nisja e kësaj historie në korrik është pyetur 7 herë nga anëtarë të grupit hetimor dhe në të 7-a deklarimet e dokumentuara ka luhatje, thënie dhe kundërthënie të saj.”

I pyetur nga gazetari Nano, Bajrami tregoi dhe këndvështrimin e tij në lidhje me çështjen “Nuhu” dhe se si qëndronte figura e ish-zyrtarit në këtë situatë.

“Në bindjen time personale dhe informacione zyrtare e jozyrtare mund të them me siguri se në dëshminë e oficerit Nuhu ka pika shumë të errëta. Për mua pika më e errët është prania e zyrtarëve të lartë të Partisë Socialiste në zyrën e tij, në stacionin policor të Fushë-Krujës. Nuk e besoj fare dhe është një pikë mjaftueshëm e errët. Kjo për arsye se Emiljano Nuhu ka qenë një nga punonjësit elitarë të policisë së shtetit, njeri i mësuar me rrezikun, presionin dhe unë do të doja që ai të kishtë një provë më shumë që të mos mbeteshim vetëm tek deklarimet dhe dëshmia e tij.”

Gazetari Bajrami, për fundin e kësaj situate thotë se kjo histori solli dhe një herë në fokus vrazhdësinë shqiptare në raportin mashkull-femër duke personifikuar Xhiisielën me shoqërinë shqiptare të 30 viteve të fundit, e cila pajtohet me dhunuesin dhe në një moment kur vendos të hedhë krye, pendohet dhe qëndron aty ku ishte./abcnews.al

BYRO-POLITIKE-11-KORRIK-2018-1280x720.jpg
ent ela11:39 | 12/07/2018

Humbjet e jetëve në det, aksidentet në rrugë dhe masat e marra përgjatë sezonit turistik janë diskutuar në studion e “Byro Politike” me të ftuarit: Albert Dervishi Drejtori i Rendit Publik, Skënder Bratja, drejtor i urgjencës, Mitat Tola, drejtori i Policisë Rrugore dhe gazetari i ABC News Armand Bajrami.

Sipas drejtorit të Urgjencës, Skënder Bratja, pika kryesore është parandalimi, sensibilizimi dhe trajnimi për të dhënë ndihmën e parë.

Gazetari i ABC News, Armand Bajrami, ka folur në lidhje me ngjarjen e ndodhur në Dhërmi, ku u cënua siguria e turistëve dhe qytetarëve në një nga lokalet e natës.

Albert Dervishaj tha se ngjarja e Dhërmiut është nje vepër kriminale dhe shqetësuese për rendin dhe sigurinë publike.

Dervishaj theksoi se janë ngritur komisione që vlerësojnë rrezikun për çdo subjekt dhe për masa shtesë. Ligji sipas tij është në zbatim e sipër dhe nuk ka përfunduar.

Drejtori i Policisë Rrugore, Mitat Tola, u shpreh se në kohën e sezonit turistik ndodh eksod dhe rrjeti rrugor nuk është i përgatitur për flukse njerëzish të tillë. /abcnews.al

 

 

 

 

EMISIONI-BYRO-POLITIKE-1280x720.jpg
ent ela10:06 | 14/06/2018

Dhuna ndaj grave dhe krimi në familje ka qenë pjesë e diskutimeve në studion e Byro Politike në ABC News me psikologët Gëzim Tushe dhe Oriola Pampuri dhe gazetarët Spartak Koka dhe Armand Bajrami. Psikologët kanë renditur shkaqet e rritjes së dhunës dhe krimit në familje, ndërsa gazetarët kanë sjellë dëshmi e fakte për rolin e Policisë sa u përket denoncimeve, si dhe shifra tronditëse të urdhrave mbrojtës dhe pezullimeve të tyre. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono