Argjentinë

Tevez-1.jpg
Igli Nikolli10:56 | 19/01/2020

Carlo Tevez është një idhull i “Bombonerës”. Sulmuesi argjentinas është shumë i lidhur me Boca Juniors dhe ka konfirmuar për La Nacion se do e mbyllë karrierën me ekipin e famshëm. Kontrata me “Xenezies” i përfundon në fund të këtij sezoni, por nuk përjashtohet rinovimi i fundit.

35-vjeçari do marrë vendimin përfundimtar në qershor. Sivjet shpreson të fitojë titullin kampion dhe Boca renditet e dyta me një pikë më pak se Argentinos Juniors, teksa Tevez ka shënuar tre gola në kampionat.

Do të tërhiqem me këtë fanellë, por nuk e di nëse do të ndodhë në fund të këtij sezoni apo më pas. Në qershor do të marr vendimin përfundimtar. I jam mirënjohës tifozëve të Boca Juniors për mbështetjen, ndërsa me klubin kam marrëdhënie shumë të mira“, thekson sulmuesi i njohur, i cili mund të vendosë të vijojë edhe sezonin e ardhshëm, me objektiv fitimin e Libertadores për herë të dytë me Bocan pas asaj të fituar në vitin 2003. /abcnews.al

 

Tifozët e Boca Juniors në “Bombonera”
Boca.jpg
Igli Nikolli19:17 | 16/01/2020

Boca Juniors mbetet një nga klubet më prestigjioze të botës dhe shumë lojtarë ëndërrojnë të luajnë një ditë në mitikun “Bombonera”. Transferimi i Daniele De Rossit verën e kaluar në ekipin e famshëm latin mund të mos jetë i vetmi.

Një tjetër mesfushor, kësaj radhe ofensiv dhe jo defensiv, ëndërron të luajë për “Xenezies”. TycSports raporton se Arda Turan dëshiron të lërë pas krahëve vështirësitë e hasura në sezonet e fundit dhe shpreson të “rilindë” në Buenos Aires.

32-vjeçari turk është rikthyer te Barcelona pas huazimit te Basaksehir, por nuk bën pjesë në planet e trajnerit Setien. Për të interesohet edhe Galatasaray, por Arda dëshiron Boca Juniors. /abcnews.al

 

Arda Turan dhe Leo Messi
Boca.jpg
Igli Nikolli21:33 | 30/12/2019

Boca Juniors ka prezantuar trajnerin e ri. Klubi më i famshëm në Amerikën Latine do të drejtohet nga Miguel Angel Russo. 63-vjeçari ka një eksperiencë të madhe dhe do të tentojë fitimin e titullit kampion me Bocën.

Kjo është hera e dytë që Russo do të drejtojë Bocën, ekip me të cilin fitoi Kupën Libertadores në vitin 2007. “Xeneizes” renditen në vend të dytë me 29 pikë, një më pak se kryesuesit e Argentinos Juniors.

Russo do të zëvendësojë në pankinë Gustavo Alfaron, i cili drejtonte ekipin prej 2 janarit të këtij viti. Kampionati argjentinas nis me 27 janar, datë kur Boca Juniors do të presë në shtëpi ekipin e Independientes. /abcnews.al

De-Rossi-Boca.jpg
Igli Nikolli16:35 | 28/12/2019

E ardhmja e Daniele De Rossit është e paqartë. Mesfushori roman u transferua në verë te Boca Juniors dhe deri tani është aktivizuar në 7 ndeshje dhe ka shënuar një gol. Objektivi i madh është fitimi i titullit kampion. Ekipi i famshëm argjentinas renditet në vend të dytë me 29 pikë, një më pak se kryesuesit e Argentinos Juniors.

Kontrata me Bocan i përfundon në verën e vitit 2020, teksa mund të rikthehet në Serie A në janar. Fiorentina është gati t’i ofrojë një kontratë dhe një post titullari, por nuk përjashtohet as mundësia e tërheqjes nga futbolli.

36-vjeçari nuk ka marrë ende një vendim për të ardhmen, nëse do të vazhdojë me Boca Juniors, do të pranojë ofertën e Fiorentinës apo do të tërhiqet. Ekipi nga Firence e kërkoi edhe në verë, por De Rossi preferoi të provonte emocionet e futbollit amerikano-latin. Nëse vendos t’i japë fund karrierës, italiani mund të vijojë profesionin e trajnerit. /abcnews.al

Iniesta.jpg
Igli Nikolli14:41 | 24/12/2019

Andres Iniesta i dha fund aventurës së mrekullueshme me Barcelonën verën e vitit të kaluar dhe u transferua në Japoni. Mesfushori firmosi deri në vitin 2021 me Vissel Kobe, ndërsa zërat e merkatos e lidhin me një transferim në Argjentinë.

Estudiantes e kërkon dhe po përpiqet të sigurojë shërbimet e spanjollit. Tifozët e klubit latin ëndërrojnë kalimin e Iniestës tek ekipi i tyre i zemrës, ndërsa presidenti i klubit sqaron gjithçka në një prononcim për Radio Rivadavia.

Gabriel Milito dhe Juan Sebastian Veron, trajneri dhe presidenti i Estudiantes

Kërkimi i Iniestës është diçka që njerëzit nuk do e harrojnë kurrë, pavarësisht nëse transferimi ndodh apo jo. Sot nuk mund të themi që ekziston një tratativë, por e pranoj që po bisedojmë me të“, thekson Juan Sebastian Veron, ish-mesfushori i njohur argjentinas tani në rolin e kreut të klubit.

Estudiantes ka arritur akordin me Javier Mascheranon, një përforcim fantastik sipas Veron. Trajneri i ekipit është Gabriel Milito. Si Mascherano dhe Milito, kanë luajtur me Iniestën te Barcelona dhe po bëjnë maksimumin për të bindur 35-vjeçarin të provojë emocionet e futbollit amerikano-latin. /abcnews.al

dhuna-ne-argjentine.jpg
Vladimir Prenga12:54 | 19/12/2019

Ajo që ndodhi në Teuta-Partizani nuk është asnjë para asaj që ka ndodhur në Argjentinë, në një ndeshje futbolli që degjeneroi në sherr masiv. Shkak është bërë një ndërhyrje e rëndë, që u pasua me grushte të shumta.

Bëhet fjalë për një ndeshje të nivelit amator dhe pamjet janë me të vërtetë të turpshme. Lojtarët tregohen të papërmbajtshëm dhe për disa minuta ishte e pamundur të ndalej dhuna. Pamjet kanë publikuar online dhe shikohet qartë çfarë katrahure është krijuar. /abcnews.al

Maradona.jpg
Igli Nikolli13:30 | 18/12/2019

Maradona rivalizon prej vitesh me Pele për faktin se kush është futbollisti më i mirë i historisë së futbollit. Argjentinasi shpreh gjithmonë atë që mendon dhe kështu ka ndodhur edhe radhe. Në një prononcim për TyC Sports, legjenda e futbollit zgjedh një patriot të tij, i cili u aktivizua me tre kombëtare gjatë karrierës: Argjentinën, Kolumbinë dhe Spanjën.

Nuk mungon edhe një koment në lidhje me dy nga rivalët më të fortë me të cilët është përballur dhe shokun me të cilin ka qenë më së shumti i lidhur, teksa e mbyll me Leo Messin.

Mendoj se ka qenë Alfredo Di Stefano më i miri. Ai ishte superior ndaj të gjithëve, edhe se unë. Pele nuk donte ta njihte talentin e tij. Shokët e tij shpikën një trofe vetëm për të, që të jetonte si një legjendë futbolli. Unë e munda Pele në Rio, për të qenë më i miri në histori.

Bluzat më të mira që kam shkëmbyer janë ato me Gullit dhe Van Basten, kur ata ishin pjesë e Milanit. Lojtari me të cilin kam qenë më së shumti i lidhur, ka qenë Careca te Napoli. Mendoj se do të kisha disa “Topa të Artë”, por ajo që Messi ka arritur është e jashtëzakonshme.

I kam treguar se ku duhet ta vendoste këmbën kur gjuan goditjet e dënimit, por pjesa tjetër është gjithçka e tija. Unë kurrë nuk do të doja të përballesha me Messin, kurrë. Nuk e kritikoj atë, ai vjen në shtëpi dhe luan, nuk e këndon himnin dhe thonë se është katalanas. Unë jam një mik i Leos“, përfundon Diego Maradona. /abcnews.al

Tevez-1.jpg
Igli Nikolli17:56 | 16/12/2019

Carlos Tevez u largua nga Juventusi qershorin e vitit 2015 dhe u rikthye te Boca Juniors, ekipi i tij i zemrës. Aventura e dytë në “Bombonera” nuk zgjati shumë dhe sulmuesi i famshëm u largua sërish. Kësaj radhe drejt Kinës, aty ku Shanghai Shenhua e mbuloi me miliona euro.

Ishte fundi i dhjetorit të vitit 2016 dhe oferta tunduese dhe milionat e shumtë nuk u refuzuan dot nga argjentinasi. Një vendim për të cilin është penduar dhe e cilëson si më të gabuarin e jetës së tij në një prononcim për Ole.

Jam penduar, u mërzita që në ditën e parë që mbërrita në Kinë. Ndoshta ky ka qenë vendimi më i keq që kam marrë në karrierën time“, thekson 35-vjeçari, i cili qëndroi dy vite “pushime” në vendin e madh aziatik dhe u rikthye sërish te Boca e tij e dashur. /abcnews.al

Maradona.jpg
Veronik Istrefaj23:47 | 08/12/2019

Diego Armando Maradona vazhdon të befasojë. Ish-futbollisti legjendar argjentinas është tashmë në rolin e trajnerit, në krye të Gimnasia.

Si gjithmonë, Maradona është në qendër të vëmendjes së medieve argjentinase, por dhe në Europë është një nga figurat më të përfolura.

Trajneri u largua disa javë më parë nga Gimnasia, për t’u rikthyer vetëm 48 orë më pas në krye të pankinës. Sot, në takimin kundër Cordoba, Gimnasia fitoi 2-1, por gjatë një momenti kur ndeshja ishte në barazim, Maradona ka bërë një veprim të çuditshëm.

Legjenda argjentinase ndjek me shumë interes një aksion dhe në përfundim, kthehet me shpejtësi mbrapa, duke u rrezuar. Dy ndihmësit e tij shkuan menjëherë për ta ngritur lart. Ky moment, nuk i ka shpëtuar kamerave afër stolit të Maradonës./abcnews.al

Messi-Ronaldo.jpg
Igli Nikolli17:23 | 06/12/2019

Koha nuk pret askënd dhe Carlos Tevez mbush 36 vjec në fillimin e shkurtit. Sulmuesi i famshëm po aktivizohet me Boca Juniors, ekipin e tij të zemrës. Në një prononcim për ESPN, argjentinasi zbulon një detaj rreth së ardhmes dhe konfirmon dashurinë për Bocën e tij.

Tevez komenton edhe dyshen Ronaldo-Messi. Me të dy ka luajtur te Manchester United dhe Argjentina, teksa shpjegon ndryshimet mes dy gjigantëve të kësaj epoke.

BOCA – “Të gjitha forcat e mia janë të përqendruara te Boca Juniors, nuk ka asgjë më të rëndësishme në jetën time sesa ky klub. Ky mund të jetë sezoni im i fundit si futbollist. Edhe nëse do të më kërkonte Real Madrid, do u përgjigjesha se dua të qëndroj te Boca“.

Carlos Tevez duke përshëndetur tifozët e Bocas

CR7-MESSI – “Cristiano ishte i fiksuar në tru për t’u përmirësuar gjithmonë. Një ditë shkova në stërvitje në orën 6:30 të mëngjesit. Ai ndodhej aty, kishte ardhur përpara meje. Në ndryshim nga Messi, Cristiano ka luftuar shumë për t’u bërë ai që është.

Messi nuk ka nevojë për të shkuar në palestër një orë përpara të tjerëve, ai është një fenomen i natyrës. Driblimin e 2-3 kundërshtarëve e ka diçka natyrale“, përfundon Carlo Tevez. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono