argjentina

argjentina.jpg
G. P.12:23 | 17/11/2018

Marina argjentinase njoftoi se disa studiues kanë gjetur nëndetësen “ARA San Juan” në thellësitë e Atlantikut. Gjetja e mjetit lundrues me 44 anëtarë të ekuipazhit që humbën jetën në bord, erdhi një vit pas zhdukjes së nëndetëses.

Mjeti nënujor, u zbulua në 800 metra thellësi në ujërat në afërsi të gadishullit Valdes në Argjentinë. Nëndetësja u gjet nga një robot nëndetës i kontrolluar nga anija amerikane “Ocean Infinity”.

Ky robot ishte angazhuar për kërkimin e fundit të mjetit lundrues të zhdukur. Nëndetësja ushtarake argjentinase humbi çdo kontakt me autoritetet në 15 Nëntor të 2017-s. Një javë më pas marina pranoi se 44 anëtarët e ekuipazhit kanë vdekur pasi mbaroi oksigjeni i nëndetëses./abcnews.al

BRAZIL-ARGJENTINE-NE-ARABI.mpg_snapshot_01.01-1280x673.jpg
G. P.23:40 | 17/10/2018

Brazili ia doli ta fitonte miqësoren ndaj Argjentinës luajtur në Arabinë Saudite. Gjithsesi, yjet e mëdhenj brazilianë nuk e patën aspak të lehtë ndaj një ekipi pa Lionel Mesin.

Nuk mund të presësh maksimumin kur një ndeshje luhet në Arabinë Saudite. Me gjithë kushtet e mrekullueshme të infrastrukturës në stadiumin “Qyteti Sportiv Mbreti Abdullah”, sërish loja la për të dëshiruar, edhe pse Brazili ishte i mbushur me yje. Argjentina jo edhe aq, me mungesa të mëdha, edhe pse dha maksimumin për të mos u turpëruar në Superklasiken botërore. Brazili, që pati në fushë lojtarë të mëdhenj, u desh të falej tek rrjeta e mbrojtësit Miranda në minutën e 90-të, pas goditjes nga këndi të Nejmarit.

Trajneri Tite hodhi një fushë një formacion me të vërtetë të madh, ku bënin pjesë Alison, Markinjos, Miranda, Kasemiro, Kutinjo, Gabriel Zhezus, Firmino apo Nejmar. Talente të mëdhenj edhe ata të stolit, ndonëse zëvendësime u bënë vetëm dy. Argjentina pati shumë më tepër mungesa. Mesi, Aguero, Higuain e Di Maria e refuzuan kombëtaren këtë herë, por gjithsesi talenti ishte me Dibalën dhe Ikardin në sulm.

Të mbiquajturit “Gauços” luftuan fort, madje ashpër dhe arbitri pati shumë punë, por përfundimisht, miqësoren në Xhedah, e vendosi Miranda. Kjo ishte fitorja e 39-të e brazilianëve ndaj rivalëve të tyre më të mëdhenj, ndonëse bilanci i tyre mbetet negativ, pasi kanë humbur plot 45 herë./abcnews.al

GUARDIOLA-ARGJENTINE-1280x720.jpg
ent ela13:57 | 05/07/2018

Mediat argjentinase shkruajnë se mund të jetë Pep Guardiola trajneri i ri i kombëtares së futbollit. Madje federate argjentinase e futbollit ka bërë gati dhe një kontratë me një pagesë prej 12 milionë eurosh në vit për ta bindur të largohet nga Manchester City.

Pas dështimit total të Sampaolit, Argjentina ka ndryshuar drejtim dhe zgjedh një trajner të ri për kombëtaren e futbollit. Mediat sportive në vend raportojnë se federate argjentinase e futbollit ka zgjedhur Pep Guardiolën për takimin e rradhës në Katar.

Ajo që është e qartë është se Sampaoli do të largohet, për këtë arsye federate argjentinase ka bërë gati një kontratë e cila parashikon një pagesë prej 12 milion eurosh në vit për të brinfur trajnerin katalanas.

Mediat shtojnë se do të jenë negociata të vështirapasi Argjentina duhet të gjejë mënyrën për të larguar Sampaolin i cili ka një kontratë deri në vitin 2022, por dhe për faktin se Guardiola nuk ka ndërmend të largohet nga Manchester City.

Alternativat ndaj tij janë Simeone e Pokettino. Dhe në fund nëse asnjë nga tre alternativat nuk realizohet, kombëtarja argjentinase e futbollit duhet të kënaqet me Garesan që drejtoi kombëtaren e Perusë në këtë Botëror. /abcnews.al

john-obi-mikel.jpg
G. P.10:40 | 04/07/2018

Të luash në Kupën e Botës kundër Argjentinës për kualifikim në fazën tjetër është e vështirë. Të të rrëmbejnë babain në prag të ndeshjes bëhet akoma më e vështirë. Kjo situatë e pakëndshme ndodhi me kapitenin e Nigerisë, John Obi Mikel, pak orë përpara ndeshjes kundër Argjentinës.

The Guardian ka raportuar se Mikel ishte duke udhëtuar me skuadrën drejt Shën Petërburgut, kur u informua nga një pjesëtar i familjes rreth situatës së babait. Atij iu dha një numër telefoni që të kontaktonte me rrëmbyesit, të cilët e urdhëruan që të paguante një shumë parash në këmbim të lirisë së babait.

Pa Michael Obi, babai i ish-mesfusshorit të Chelsea-t, u rrëmbye në Nigeri, kur po shkonte në funderal. Ai u torturua, por arriti të shpëtonte falë ndërhyrjes së policisë.

Ndërkohë, Mikel ishte i detyruar të merrte një vendim në momentet e fundit nëse do të luante kundër Argjentinës. Nigeriani vendosi të luante, pavarësisht se skuadra e tij humbi 2-1 në një ndeshje shumë të fortë ndaj amerikano latinëve.

Mikel zbuloi arsyet se pse vendosi të luante.

“Luajta ndërkohë që babai im ishte në duart e banditëve. Nuk e dija ç’të bëja, por e dija se nuk mund të lija në baltë 180 milionë nigerianë. Më thanë që do ta qëllonin nëse i tregoja policisë ose ndonjë njeriu. Këtë problem nuk e fola as me trajnerin sepse nuk doja që çështja ime të shqetësonte ekipin në një ditë të rëndësishme siç ishte ajo ndeshje”, tha ai./abcnews.al

argentina.jpg
G. P.08:56 | 27/06/2018

Lionel Messi heshti të gjithë kritikët në ndeshjen kundër Nigerisë të martën. Ai shënoi golin e parë për Argjentinën, por tregoi që është gjithashtu që është një lojtar që mund t’i udhëheqë shokët e skuadrës drejt fitoreve.

Një moment interesant u kap nga kamerat në shtesa teksa lojtarët e Argjentinës po ktheheshin në fushën e lojws.

Messi thirri të gjithë lojtarët e tjerë dhe po fliste me ta. Për momentin u ngritën disa dyshime në lidhje me unitetin e grupit dhe kundërshti ndaj trajnerit Jorge Sampaoli.

Por mesa duket, fjalët e Messi-t patën një ndikim goxha të madh dhe tani Argjentina do të përballet me Francën në fazën tjetër.

Por çfarë tha Messi?

Për ta zbuluar këtë foli Marcos Rojo, i cili shënoi edhe golin e fitores për të tijtë në minutën e 86.

“Messi erdhi dhe na tha të qetësoheshim dhe të mos stresoheshim. Ishim nervozë dhe mesazhi i tij na ndihmoi shumë, ndësa mua më dha më shumë vetëbesim”, tha gjatë konferencës për mediat pas ndeshjes.

“Ai është kapiteni ynë dhe kapiteni më i mirë në botë. Ishte e mrekullueshme ta shënonte atë gol. Goli im? Messi na tha të gjithëve se është çështje për jetë a vdekje. Mua dhe Mascherano-s na tha të shkonim para. I tha të gjithëve të sulmonin pavarësisht gjithçkaje. E lexoi shumë mirë ndeshjen dhe rrezikun. Është një lider. Më i miri”, përfundoi ai./abcnews.al

Lionel-Messi-Argentina-World-Cup-2018-979476.jpg
G. P.13:59 | 26/06/2018

Argjentina ka sot ditën e së vërtetës në Botëror. I duhet të fitojë ndaj Nigerisë për të mos u eleminuar përpara kohe, dhe të gjithë i kanë sytë nga Lionel Messi.

Është kundërshtari i preferuar, por a do të jetë sërish?

Argjentina ka fituar katër në 4 ndeshje ndaj Nigerisë në Kupën e Botës, me Messin që shënoi 2 gola në 2014, por gjithsesi, sot luhet një sfidë e re. Argjentinasit u vendosën në Shën Peterburg të ndërgjegjshëm për trysninë e madhe që kanë mbi vete.

Për të krijuar sado pak atmosferë çliruese, ata dolën dhe takuan tifozët përpara hotelit. Përgatitjet u përpoqën të ishin ato të duhurat dhe pritet të ketë ndryshime në formacion, me Agueron që ndoshta e nis nga stoli.

Shpresat e gjithë kombit janë tek Lionel Messi, që ka premtuar të udhëheqë ekipin drejt suksesit. Për trajnerin Sampaoli u tha se ai pati rebelim nga lojtarët.

“Ishte një javë e vështirë për ne, pas humbjes me Kroacinë. Kjo na vuri me shpatulla pas murit, pasi duhet të fitojmë patjetër me Nigerinë që të kemi shans për kualifikim. Nuk dua të komentoj lajmet që dolën për ne, pasi detyra ime është që të përgatis skuadrën për ndeshjen. Jam i bindur se Argjentina do të japë maksimumin për të fituar”.

Trajneri i Nigerisë, Gernot Ror, është gjithashtu me shpresë, me ekipin e tij që mund të kualifikohet edhe me barazimin.

Gjermani 64-vjeçar pyetet për mënyrën sesi do ta kërkojë këtë.

 “Nuk mund t’iu jap planin tim të saktë të lojës. E vetmja gjë që mund të them është që ne do të luftojmë fort. Nuk do të jetë e lehtë ndaj Argjentinës, së cilës i duhet fitorja. Ndoshta një barazim na mjafton, por nuk ka siguri, ndaj edhe ne duam që të fitojmë”.

Kombinimet janë që Argjentina kualifikohet nëse fiton ndaj Nigerisë dhe nëse Kroacia mund apo barazon me Islandën. Po ashtu, nëse Argjentina fiton thellë, dhe Islanda arrin sukses më të vogël.

Barazimi në të dy ndeshjet, kualifikon Nigerinë, e cila kualifikohet edhe nëse fiton. Pra, rëndësi ka edhe ndeshja Kroaci-Islandë në Rostov. Trajneri i Kroacisë, Zllatko Daliç, premtoi se skuadra e tij do të luajë për fitore, për të bërë një Botëror të ndershëm.

Ai nuk deshi të bënte krahasime me Kroacinë e vitit 1998 që doli e treta në botë, duke thënë se dy breza të kohëve të ndryshme nuk mund të krahasohen. Gjithsesi, Daliç u shpreh me besim tek lojtarët e tij dhe shpreson të arrijë të njëjtin sukses si në 1998.

Shumë simpatik, ndërkaq, trajneri i Islandës, Heimir Halgrimson. Ai e krahasoi Kupën e Botës me festivalin europian ku Islanda kurrë nuk ka arritur në finale, por ku gjithnjë ka shpresë. Për të, islandezët do të jenë optimistë dhe do të përpiqen të kënaqen./abcnews.al

messi-1-1280x720.jpg
ent ela18:47 | 25/06/2018

Lionel Mesi është i vendosur për të ndihmuar Argjentinën, që të kualifikohet në Botëror. Ekipi nga Amerika e Jugut hedh poshtë lajmet për përçarje dhe përgatitet për Nigerinë.

Janë ende të bashkuar për një ëndërr.

Kështu shkruhet në autobusin e kombëtares së Argjentinës, e cila nuk dëshiron të kthehet që tani në shtëpi.

Nga Lionel Mesi kërkohet një mrekulli që të fitohet ndaj Nigerisë dhe të mos vijë eleminimi i parakohshëm nga Botërori.

Ylli më i madh i botës jepet i vendosur që ta bëjë këtë. Havier Maskerano e thotë në konferencën për shtyp.

Maskerano: “Leo është mirë. Natyrisht, jemi të mërzitur sepse gjërat nuk po na ecin mbarë si skuadër. Ai është lojtar-kyç për ne, por edhe ai është njeri, pra edhe ai mund të mërzitet. Leo do të bëjë ç’mos që kjo të ndryshojë”.

Burime brenda Argjentinës, pohojnë se ai është betuar se nuk do të tërhiqet nga futbolli derisa të fitojë Kupën e Botës.

Gjithsesi, në Rusi ka lajme për konflikt mes lojtarëve dhe trajneri Sampaoli, madje është thënë se lojtarët do të ndryshojnë skemën e lojës që t’i përshtatet më shumë Mesit.

Maskerano i hedh poshtë këto zëra.

Maskerano: “Relacioni ynë me trajnerin është krejtësisht normal. Nuk ka asgjë nëse ne flasim me trajnerin kur nuk ndihemi mirë me diçka, pasi nëse bëjmë ndryshe, do të jemi hipokritë. Nëse nuk jemi të sinqertë, si mund t’i rregullojmë gjërat?”

Mesi ndërkaq, festoi 31-vjetorin e lindjes, të cilin ia uruan shokët e ekipit, ndërsa ai doli në foto me fëmijët e tyre.

Ditëlindjen e tij e festuan edhe tifozët rusë në Rusi, në qytetin Bronici, ku ishte krijuar një tortë e madhe, një statujë e Leos e ku pati brohoritje për të.

Ditëlindja e mjeshtrit u kremtua edhe në Indi. Tifozët argjentinas, ndërkaq, shpresojnë të mos kenë më zhgënjime në këtë Botëror. /abcnews.al

nigeria.jpg
G. P.20:17 | 22/06/2018

Nigeria i dha shpresë vetes për kualifikim në turin e dytë të Botërorit, duke mposhtur 2-0 Islandën. Suksesi i afrikanëve i jep mundësi edhe Argjentinës që të pretendojë.

Fitoi pa dyshim për veten, por indirekt bëri edhe një nder.

Nigeria mposhti 2-0 Islandën duke lënë pas humbjen me Kroacinë, duke i dhënë shpresë vetes për kualifikim, por duke mbajtur në pretendime edhe Argjentinën.

Në një sfidë me dy fytyra në stadiumin e Vollgogradit, afrikanët luajtën dobët në pjesën e parë, por ndryshuan krejtësisht pas pushimit.

Heroi i tyre ishte i njëjti, Ahmed Musa, autor i golave në minutat 49 e 75.

Sulmuesi shtatshkurtër ishte pak a shumë si në shtëpi, pasi aktivizohet në Premier Ligën ruse me CSKA-në e Moskës.

Nigeria e meritoi suksesin pasi, në tërësi, ishte më lart.

Mbajti topin 60 për qind, gjuajti gati dyfishin, dhe po ashtu bëri rreth 200 pasime më shumë sesa europianët e veriut.

Islanda u duk më e qartë në pjesën e parë, atëherë kur rezultati ishte 0-0 dhe kur pati mundësi të luante në kundërsulm.

Gjithsesi, nuk është se krijoi raste shumë të pastër, në një nga 45 minutat më të dobët të këtij Botërori.

Pjesa e dytë ishte tjetër gjë, pasi islandezëve u duhej të sulmonin, një mënyrë loje për të cilën nuk janë të përgatitur dhe nuk shkëlqejnë.

Kjo solli edhe humbjen, ndërsa tani do të duhet të synojnë fitoren me Kroacinë që të kenë mundësi të kualifikohen.

Nigeria, ndërkaq, mjafton të shmangë humbjen ndaj Argjentinës që të kalojë në turin tjetër.

Në grupin D, Kroacia kryeson me 6 pikë, Nigeria ka 3, ndërsa Argjentina e Islanda nga 1 pikë./abcnews.al

modriccc.jpg
G. P.17:45 | 22/06/2018

Kroacia është një fenomen i vërtetë i futbollit botëror. Vendi i vogël ballkanas ka traditë të madhe dhe shpreson të përsërisë suksesin e 20 viteve më parë, kur doli në vend të tretë në botë.

Bota i njohu shumë mirë 20 vjet më parë. Kroacia ishte supriza e jashtëzakonshme e Kupës së Botës së vitit 1998, madje edhe më shumë sesa Franca organizatore dhe kampione. Kombi krenar përfaqësoi veten për herë të parë në një Botëror, pasi kishte qenë pjesë e Austro-Hungarisë dhe dy Jugosllavive.

Gjithsesi, emrat ishin të mëdhenj. Suker, Boban, Prosineçki, Jarni, por edhe Asanoviç, Vllahoviç, Shtimac, Soldo. Ata kishin në krye Miroslav Blazheviçin 63-vjeçar. Ajo Kroaci doli e treta në botë, dhe kjo e sotmja, e Luka Modriçit, synon të paktën t’i përngjajë. Suksesi 3-0 ndaj Argjentinës ringjalli kujtimet e triumfit të madh të 1998-s ndaj Gjermanisë, kampione e Europs, po 3-0.

Ashtu si atëherë, skuadra ka shumë yje. Vetë Modriç, por edhe Rakitiç, Mandzukiç, Perisiç, Lovren, Brozoviç apo Kovaçiç. Ndryshe nga atëherë, ka një trajner jo shumë të njohur si Zllatko Daliç, prej 7 vitesh në Lindjen e Mesme. Bllazheviç e Daliç kanë të përbashkët që punuan me shqiptarët, i pari tek Prishtina, i dyti tek Dinamo e Tiranës. Gjithsesi, fillesat e futbollit kroat janë shumë më herët se 1998-ta.

Klubet e parë u themeluan në fillim të shekullit të 20-të, në 1903 Hashku, në 1906 Konkordia Zagreb, në 1911 Hajduku i Splitit dhe Gragjanski. Në Perandorinë Austro-Hungareze dhe në Jugosllavinë e parë, ata ishin pjesë e futbollit danubian, bashkë me austriakët, hungarezët e çekët, ndërsa u përballën me gjithë botën. Nga Italia, Spanja e Gjermania, deri në Brazil dhe Argjentinë.

Shkolla kroate ishte gjithnjë nga më të mirat në Europë, me trajnerë të shquar. Zllatko Çajkovski themeloi Bajernin e madh të Bekenbauerit, Gerd Mylerit e Zep Majerit. E mori në kategorinë e dytë, e nxorri në Bundesligë në 1965, fitoi dy Kupa të Gjermanisë dhe një Kupë të Kupave të Europës. Pasardhësi i tij ishte kroati tjetër, Branko Zebec, që doli kampion me Bayern-in në 1969 si dhe fitoi kupën atë vit.

Zebec shkëlqeu edhe me Hamburgun, duke dalë kampion i Gjermanisë e duke arritur finalen e Kupës së Kampionëve në 1980, humbur përballë Notingham Forestit. Zllatko Çajkovski, trajner i Bajernit 1963-1968, njeriu që krijoi ekipin e Bekenbauerit, Mylerit dhe Zep Majerit. Në Jugosllavinë e Titos, Dinamo e Zagrebit dhe Hajduku ishin pjesë e katërshes së madhe. Dinamo arriti kulmin duke fituar Kupën e Panaireve në vitin 1967, atë që sot quhet Liga e Europës.

Në finale mundi bindshëm anglezët e famshëm të Lids Junajtidit. Kjo traditë është bekimi i futbollit kroat. Sërish me futbollistë të mëdhenj, sërish me trajnerë të rëndësishëm, një kombëtare me pretendime për të qenë mes më të mirave të botës, dhe pse i përket një kombi me vetëm 4.2 milionë banorë. Standardi për t’u arritur mbetet ai i 1998-s, vendi i tretë në botë. Brezi i sotëm, duke pasur edhe pak fat, padyshim që mund ta përsërisë./abcnews.al

messi.jpg
G. P.21:58 | 21/06/2018

Kroacia shkatërron 3-0 Argjentinën dhe kualifikohet për në turin e dytë të Botërorit. Messi dhe yjet e tjerë argjentinas, bëjnë gati valixhet për t’u kthyer në shtëpi.

Ajo që parandihej, nuk mund të mos ndodhte. Argjentina në Botëror ishte si boksieri në prag të nokautit, dhe këtë ia shkaktoi Kroacia, duke e mposhtur 3-0. Luka Modriç fitoi duelin e yjeve me Lionel Messin, i cili tashmë po bën gati valixhet për t’u kthyer në shtëpi.

Asnjë rëndësi nuk pati fakti që argjentinasit ishin nënkampionë të botës, ndërsa kroatët shumë më modestë si emër, pasi në stadiumin e Nizhni Novgorodit u pa vetëm skuadra ballkanase.

Ante Rebiç, Luka Modriç dhe Ivan Rakitiç ishin autorët e golave, në një ndeshje që kroatët e fituan duke dominuar mesfushën, e duke bllokuar të gjithë yjet që Argjentina pati në fushë.

Nuk bënë punë as Messi e Aguerro, as Higuain e Dybala që hynë në lojë në pjesën e dytë. Futbolli nuk është një lojë individësh, por sport kolektiv, dhe gjigandët e Amerikës së Jugut nuk ishin të tillë.

Ata nuk patën lojtarët e duhur në mbrojtje e në mesfushë, po ashtu nuk përballuan dot presionin, dhe nuk dihet nëse trajneri Sampaoli ishte njeriu më i përshtatshëm për stolin.

Për tifozët në tribuna, mes të cilëve edhe Diego Armando Maradona, vuajtja duhet të ketë qenë e madhe. Në krahun tjetër, Kroacia e arriti kulmin që kërkonte, të paktën për fazën e grupeve. Lojtarët e saj janë të mrekullueshëm, Modriç, Rakitiç, Perisiç, Mandzukic apo Lovren.

Ata po bëjnë krenar një shtet me pak më shumë se 4 milionë banorë, dhe ndoshta mund t’i afrohen mrekullisë së vitit 1998, kur kombëtarja e Shukerit, Bobanit e Prosineçkit doli e treta në botë.

Argjentina ende nuk është eleminuar, por është shumë pranë. Nëse Islanda mund Nigerinë, Messi me shokë nuk do ta kenë më fatin në duart e tyre. Kroacia kryeson grupin D me 6 pikë në dy ndeshje, ndërsa Argjentina e madhe ka vetëm 1./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono