ardian takaj

kukesii.jpg
ad min13:05 | 15/05/2018

Kukësi është vendosur paraprakisht nga UEFA si skuadër pjesëmarrëse në Ligën e Kampionëve, sezonin e ardhshëm. Gjithsesi, duhet pritur vendimi i KAS-it për dënimin e Skënderbeut.

Mund të jetë aty për të dytin vit radhazi.

Kukësi në Champions nuk është një ëndërr aq e largët, me UEFA-n që e ka vendosur në listën e ekipeve të Ligës së Kampionëve sezonin e ardhshëm, pasi siguroi vendin e dytë në Superligë.

Ëndrra do të bëhet realitet, sidoqoftë, vetëm pasi Gjyqi i Arbitrazhit Sportiv në Lozanë do të vendosë për dënimin e dhënë nga UEFA ndaj Skënderbeut.

Skuadra kuksiane, nëse gjithçka do të ecë mirë për të, do të jetë në vazon e parë në turin e parë eleminator, pra mes ekipeve më të fortë, ndryshe nga sezoni i kaluar, kur u ndesh me Sherifin e Tiraspolit.

Shorti hidhet në 19 Qershor, ndërsa ndeshja e parë është në program për t’u luajtur në 10 ose 11 Korrik.

Vjet, Kukësi mori pjesë në Champions si kampion i Shqipërisë, ndërsa nuk pati fat ndaj Sherifit të Moldavisë, duke u eleminua me gol në fushë kundërshtare.

Skënderbeu, ndërkaq, është i bindur se gjithçka do të jetë ndryshe, dhe se do të fitojë pafajësinë në KAS.

Presidenti Ardian Takaj, sqaroi kështu strategjinë e klubit, në një intervistë të posaçme për abc neës-in.

Ardian Takaj: “Do kërkojmë pezullimin e vendimit për marrjen pjesë në Champions League. Nuk është se gjykohemi për një çështje të re, është një çështje e vjetër. Ne kemi marrë pjesë një vit më parë në grupet e Europa League, prandaj nuk është se cënojmë garën në këtë aspekt”.

Gjykata Sportive në Lozanë pritet të japë vendimin për heqjen ose jo të dënimit të kampionëve të Shqipërisë përpara hedhjes së shortit në 19 Qershor.

Korçarët janë dënuar me 10 vjet përjashtim dhe 1 milionë euro gjobë nga Komisioni i Disiplinës dhe i Etikës në UEFA, ndërsa ky ndëshkim mbeti në fuqi edhe në Apel./abcnews.al

korca-1280x853.jpg
ad min16:32 | 21/02/2018

Mijëra qytetarë protestuan në Korçë kundër përjashtimit të mundshëm të Skënderbeut nga kupat e Europës. Ata mbështetën ekipin e zemrës dhe i dërguan një peticion UEFA-s.

Partitë politike me siguri do të kenë ndjerë zili.

Një miting i një lloji tjetër u zhvillua në Korçë, ai i paralajmëruari në mbështetje të Skënderbeut.

Shprehimisht, i gjithë qyteti iu përgjigj thirrjes së bërë nga disa emr atë njohur dhe padyshim edhe nga klubi, për të protestuar haptazi ndaj UEFA-s dhe planeve të saj për të ndëshuar skuadrën.
Ishin me qindra e me mijëra qytetarët që dolën në sheshin qendror përpara Katedrales Ortodokse.

Parullat ishin të shumta, në shqip e në anglisht, në mbështetje të Skënderbeut, krenarisë së qytetit, dhe duke iu hakërryer UEFA-s.

Njerëzit dolën në tubim për shkak të ndëshkimit të mundshëm dhe të rëndë që mund t’i bëhet ekipit të presidentit Takaj dhe trajnerit Daja.
Nismëtarë të protestës ishin figura të njohura të sportit, të artit dhe të arsimit të qytetit, disa nga të cilët edhe mbajtën fjalime.

Vërshëllima të shumta kur Vaso përmendi Partizanin, menduar si klani anti-Skënderbe i përmendur nga Takaj.

Të gjithë i kanë dëgjuar lajmet për propozimin e bëra nga inspektorët e etikës për Komisionin e Disiplinës, që ta përjashtojë 10 vjet Skënderbeun nga kupat e Europës dhe ta gjobisë me 1 milionë euro.

Vendim ende nuk ka, dhe pikërisht korçarët duan që kjo protestë e tyre të jenë një plus për kryesuesit e Superligës në gjyqin sportiv që pritet këto javë.

Edhe pse askush nuk është i sigurt nëse Skënderbeu është apo jo i përfshirë në trukim ndeshjesh, askush nuk dëshiron ta besojë këtë gjë, dhe aq më pak ta lenë vetëm ekipin në momentin më të vështirë.
Ishin me mijëra qytetarët që e firmosën peticionin drejtuar UEFA-s, ku i bëhet thirrje të mos e dënojë Skënderbeun./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono