Ardian Laçi

vaini.jpg
G. P.15:59 | 18/04/2019

Plazhi i Vainit në Lezhë është nga plazhet më të pastra në vend. Por, aktualisht ai nuk gjendet në hartën turistike të plazheve dhe deri tani frekuentohet nga pushues të rastit.

Mes rrjedhës së Drinit dhe Matit, Vaini është një plazh i virgjër. Me peizazh fantastik dhe ujë të pastër 3 kilometra vijë bregdetare aktualisht nuk shfrytëzohen. E rrethuar nga lagunat Kune, Vain e Tale afron mundësinë për të eksploruar natyrën.

Por t’i referohemi kushteve ambientale  është një plazh elitar. Jo larg zonës ndodhen edhe disa lokale shërbimesh. Për turistet e huaj, Vaini mund të jetë një destinacion krejt ndryshe.

“Është e vërtetë që plazhi i Vainit është një ndër plazhet më të mira në Shqipëri dhe më i pashfrytëzuari që do edhe vëmendjen për tu mirëmbajtur”, tha Pjetër Toni, Drejtor Rajonal i Zonave të Mbrojtura Lezhë.

“Theksoj se këtu numri i pushuesve nuk ëhstë maksimal për faktin që kjo është një zonë e mbrojtur dhe ka një vegjetacion karakteristik dhe i shërben folenizimit të shpendëve”, tha Ardian Laçi, Drejtor i Arsimit, Turizmit, Kulturës e Sportit në bashki.

Çdo kush mund të vendosë një çadër pa u shqetësuar për pronar. Kjo ndërtesë e vjetër është dëshmi për plazhistë të mëhershëm.

Dimri ka ndikuar edhe në këtë plazh. Mbetje të sjella nga deti duhen larguar. Rruga drejt tij është pengesa kryesore për ata që duan të udhëtojnë drejt Vainit. Por ajo nuk mund të asfaltohet. Megjithatë edhe për mirëmbajtje vendorët janë të vonuar.

“Kemi bërë propozimet tona për ta riparuar”, tha Pjetër Toni.

“Në projektet e bashkisë është për t’u mirëmbajtur ajo rrugë dhe për t’u sistemuar në fillim të çdo sezoni turistik me materiale inerte që mundësojnë lëvizjen e lirë të njerëzve, por asnjëherë nuk është menduar asfaltimi sepse është një zonë e mbrojtur”, tha Laçi.

Aktualisht në Lezhë njihen vetëm plazhi i Shëngjinit dhe ai i Tales. Vaini mungon, por vendasit kanë akoma më shumë për të treguar./abcnews.al

emoji-i-lumturise.jpg
G. P.16:40 | 16/04/2019

Pas teatrit të kukullave, për fëmijët lezhjanë po dhurojnë emocione të bukura edhe aktorë të njohur. Kësaj here, shfaqja “Emoji i lumturisë” mbushi sallën e Qendrës Kulturore të Fëmijëve në Lezhë.

“Emoji i lumturisë” nga Tirana në skenë për fëmijët e Lezhës. Jo teatër kukullash, por një lojë aktorësh të teatrit për të kënaqur e nxitur të vegjlit. Marjana Kondi flet mbi nevojën për t’i mësuar ata me kulturën e teatrit.

“Fëmija sot duhet të mësohet patjetër me kulturën e teatrit. Fakti që ti ia zë kohën që të vijë në teatër është gjërja më e madhe”, tha aktorja e njohur, Marjana Kondi.

Afrimi i aktorëve të njohur pranë fëmijëve është një tabu që po thyhet në Lezhë, thotë drejtori i Kulturës në Bashki, Ardian Laçi.

“Këta fëmijë sot janë spektatorë nesër mund të jenë aktorë. Kështu që le ta thyejnë atë tabunë dhe figurat e ekranit mos t’i shohë nëpërmjet ekranit të vogël, por të jenë në skenë, t’i kenë bashkëpunëtorë dhe pse jo të ndjekin gjurmët e tyre”, tha Ardian Laçi, drejtor i Kulturës në Bashkinë Lezhë.

Pjesa teatrore, “Emoji i lumturisë”, i ka përfshirë maksimalisht fëmijët spektatorë të saj. Të emocionuar, ata ndoqën lojën  e aktorëve në skenë./abcnews.al

LEZHE-ZJARRI-MBULIM-ABC-M4-T1.mpg_snapshot_00.16-1280x694.jpg
G. P.08:52 | 17/12/2018

Godina ku janë akomoduar fëmijët e kopshtit “Besëlidhja” në Lezhë u përfshi nga flakët mëngjesin e sotëm. Fatmirësisht nuk ka të lënduar nga ngjarja. Shkak për rënien e zjarrit dyshohet mbingarkesa në rrjet pasi në këtë ndërtesë ndodhen edhe nxënësit e shkollës profesionale të qytetit.

Një zjarr përfshiu mëngjesin e së hënës menzën e një godine në Lezhë. Aty janë akomoduar 250 fëmijë të kopshtit Besëlidhja si dhe nxënësit konviktorë të shkollës profesionale. Flakët ranë fillimisht në katin e parë të ndërtesës trekatëshe rreth orës 6:20 minuta. Kjo krijoi panik e frikë për shkak se në godinë ishin fëmijët që sapo kishin mbërritur në kopsht. Situata u normalizua shpejt falë ndërhyrjes së forcave zjarrfikëse. Kurse fëmijët u dërguan në shtëpitë e tyre. Drejtori i arsimit në Bashkinë e Lezhës Ardian Laçi, thotë se shkak për zjarrin mund të jetë bërë mbingarkesa në rrjet.

Ardian Laçi, Drejtor i Arsimit në Bashki: “Si rezultat i një mbingarkese të rrjetit elektrik. Kemi pasur një defekt në orët e para të mëngjesit menjëherë kemi marrë të gjitha masat për të krijuar sigurinë ndaj fëmijëveqë të mos ketë probleme me shëndetin e tyre dhe tani po verifikohet situata. Sa më shpejt do të bëhet e mundur rikthimi në gjendjen normale.”

Godina nuk përmbush asnjë kusht për të qenë një kopësht fëmijësh. Ndërsa për objektin e ri po punohet  prej 5 vitesh./abcnews.al

 

NGROHJA-NE-SHKOLLAT-E-LEZHES_ABC-1280x696.jpg
ent ela15:44 | 14/12/2018

Është folur shumë në Lezhë për një sistem ngrohjeje qendror për shkollat. Por kjo nuk ka ndodhur dhe në ambjentet e nxënësve është acar. Kjo dhe për shkak se oxhaqet janë mbyllur.

Automatë që duhen ngritur herë pas here. Nuk përballojnë ngarkesën dhe kjo është rutina e mësues Gëzimit në shkollën 9 vjeçare “Gjergj Fishta” në Lezhë.

Energjia elektrike është mënyra e vetme për të siguruar ngrohjen në këtë shkollë. Në korridore e klasa ka kaloriferë të vendosur në mure, por ato janë jashtë funksionit.

Edhe pse është rikonstruktuar 3 vite më parë, ngrohja nuk i është mundësuar kësaj shkolle. Situatë e ngjashme edhe në 3 shkolla të tjera të qytetit të Lezhës.

Ndërtuar apo rikonstruktuar vitet e fundit, në asnjë prej tyre nuk është vendosur sistem ngrohjesh qendrore. Kurse oxhaqet janë mbyllur.

Drejtori i arsimit në Bashkinë e Lezhës, Ardian Laçi, thotë se ajo që ka ndodhur në Lezhë është një fatkeqësi. Ai thotë se pavarësisht kostove, Bashkia ka lejuar ngrohjen me energji elektrike në mënyrë që të përballohet i ftohti i dimrit.

Ardian Laçi Drejtor i Arsimit në Bashkinë Lezhë: “Kjo vjen nga mosrealizimi i sistemit qëndror të ngrohjes. Edhe në këtë shkollë është bërë vëtëm instalimi i rrjetit shpërndarës dhe nuk kemi impiant qëndror të sistemit të ngrohjes”.

Për të riparuar, rivendosur apo rihapur oxhaqet Bashkia e Lezhës ka kërkuar edhe mbështetjen e Ministrisë së Arsimit.

Gazetar i ABC News, Lezhë: Gjergj Figuri

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono