Ardi Veliu

ardi-veliu.jpg
G. P.17:13 | 16/02/2019

Pas përfundimit të protestës së opozitës, drejtori i Policisë së Shtetit, Ardi Veliu, ka mbërritur në sheshin para kryeministrisë, për të përshëndetur efektivët e policisë të angazhuar për mbarëvajtjen e saj.

Ai i ka përgëzuar, ndërsa interesimit të gazetarëve iu përgjigj vetëm me fjalinë “Policia e shtetit ka bërë vetëm detyrën”. Pesë efektivë mbetën të lënduar nga protesta e së shtunës. Gjithashtu lëndime kanë pësuar edhe dy përfaqësues të mediave si dhe disa protestues./abcnews.al

policia-veliu.jpg
ent ela18:55 | 02/02/2019

Policia e shtetit ka arrestuar 32 persona të cilët trafikonin klandestinë nga vendi ynë drejt Anglisë dhe SHBA. Aksioni i së shtunës është vijimi i Operacionit të nisur më herët gjatë vitit 2018, ku qytetarët paguanit deri në 20 mijë euro për të kaluar Atlantikun.

 32 persona, mes tyre edhe një efektiv i policisë ranë në pranga, gjatë një operacioni kundër trafikimit të klandestinëve nga Shqipëria drejt vendeve evropiane deri në Shtetet e Bashkuara të Amerikës. Po ashtu janë shpallur në kërkim 4 shtetas të tjerë.

Kreu i policisë Shtetit Ardi Veliu  në prani edhe të Prokurorit të Krimeve të Rënda Vladimir Mara dha detaje të operacionit.

“U zbuluan e sekuestruan 4 laboratorë në Shqipëri që shërbenin për falsifikimin e dokumenteve, pajisje të ndryshme si skaner, fotokopje, një sasi e madhe parash cash, certifikata, karta identiteti, një numër i konsiderueshëm dokumentash të personave si dhe një armë zjarri automatik”.

Aksioni u shtri në tetë drejtori vendore, ndërsa morën pjesë rreth 250 forca policie.

“Operacioni u zhvillua në disa qytete të vendit, në Sarandë, Delvinë, Gjirokastër, Tepelenë, Përmet, Vlorë, Fier, Berat, Lushnjë, Krujë, Elbasan, Tiranë, Korçë, etj”.

Veliut tregoi si funskiononte kjo skemë trafiku klandestinësh.

“Pasi i pajisnin shtetasit me dokumente identifikimi të falsifikuara, kundrejt përfitimit monetar u krijonin kushtet në mënyrë të paligjshme të udhëtonin drejt vendeve të BE-së, me linja ajrore ose tokësore e më pas drejt SHBA-së, Kanadasë dhe Mbretërisë së Bashkuar, duke paguar shuma të konsiderueshme nga 10 mijë paund për në Mbretërinë e Bashkuar, deri në 20 mijë euro për në SHBA e Kanada”.

Ky grup kriminal ka pajisur me dokumente të falsifikuara edhe shtatas me rrezikshmëri të lartë shoqërore.

“Nisja e personave me dokumente të falsifikuara bëhej nga Shqipëria, Mali i Zi, Italia, Greqia, Franca dhe Norvegjia. Në këtë veprimtari kriminale është evidentuar përfshirja edhe e një punonjësi të policisë,  i cili duke shpërdoruar detyrën ka kryer veprime korruptive kundrejt shumave monetare, si dhe ka ndihmuar pjesëtarët e këtij grupi kriminal duke shfrytëzuar të dhënat që dispononte për shkak të detyrës në një pikë kontrolli kufitar”.

Për operacionin ka reaguar edhe ministri i Brendshëm Sandër Lleshaj, duke e quajtuar një goditje të fortë kundër krimit të Organizuar. “Trafikantët mashtrojnë qytetarët, minojnë lirinë e lëvizjes, e të ardhmes tonë Evropiane”, shkruan Lleshaj në rrjetet sociale. /abcnews.al

komisariat-policia.jpg
G. P.17:57 | 11/01/2019

Ministri i Brendshëm,  Sandër Lleshaj dhe drejtori i Përgjithshëm i Policisë së Shtetit, Ardi Veliu, morën  pjesë në inaugurimin e komisariatit nr. 6 në Tiranë. Lleshaj tha se ky është një shembull konkret për modernizimin e Policisë së Shtetit.

Sipas Ministrit të Brendshëm, fjala modernizim përbën kyçin e programit të tij në raport me Policinë e Shtetit.  Tashmë banorët e zonës së Kombinatit, që është një nga njësitë më të mëdha të kryeqytetit, pas pothuajse 3 dekadash mungesë vëmendje në këtë fushë kanë një komisarit të ri të rikonstruktuar tërësisht, sëbashku me zyrën moderne të shërbimeve për qytetarët./abcnews.al

MBULIM-TESTIMI-PER-GRADAT-PERFUNDON-NE-GJYKATE-ABCM3T1.mpg_snapshot_00.16-1280x720.jpg
G. P.15:01 | 27/11/2018

Dërgohet në Gjykatën Administrative urdhëri i anulimit të testimit për gradën “Komisar”, që u zhvillua në datën 7 nëntor, i cili mban firmën e drejtorit të përgjithshëm të policisë së Shtetit, Ardi Veliu. Në kërkesë-padi oficerët që morën pjesë në testimin për gradën “Komisar” kërkojnë pavlefshmëri të urdhrit të testimit dhe rezultatit, deri në zbardhjen e vendimit përfundimtar nga Gjykata Administrative. 460 konkurentë ishin pjesëmarrës në konkursin e gradës Komisar të zhvilluar në ambientet e Akademisë së Sigurisë.

Më herët, Shërbimi për Çështjet e Brendshme dhe Ankesave gjeti shkelje dhe kallëzoi në Prokurorinë e Tiranës procesin e gradës “Komisar” dhe “Kryekomisar”. Ndërkohë 100 konkurent ankimuan vendimin e dhënë nga komisioni, të cilët prentendojë parregullsi gjatë procesit si edhe publikim të tezës së provimit./abcnews.al

kryekomisari.jpg
G. P.16:14 | 19/11/2018

Numri i ankesave sa vjen e rritet nga konkurentët e gradës kryekomisar, të cilët kanë bërë kallëzim në prokurorinë e Tiranës. Sipas tyre, rregullorja për gradën ndryshoi vetëm pak minuta para para testimit, ku u shtuan edhe pyetjet me zhvillim.

Pas disa ankesave të bërë në prokurori nga konkurentët e gradave kryekomisar lidhur me parregullsinë të zhvilluar të hënën e 12 Nëntorit, organi i akuzës ka nisur verifikimet.

ABC News ka siguruar listën e personave fitues të gradës Kryekomisar, ku nga 260 konkurentë, vetëm 30 prej tyre u shpallën fitues. Për mënyrën se si u shpallën në krye të kësaj liste, prokuroria e Tiranës kërkon shpjegime nga numri një i policisë Veliu, zëvëndësja e tij, Aida Hajnaj si edhe nga kreu i akademisë së Sigurisë, Bilbil Mema.

Sipas pretendimeve të aplikantëve, të cilët kanë bërë kallëzimin në prokurori, ata pretendojnë se rregullorja për gradën kryekomisar pak minuta para nisjes së konkursit ka ndryshuar formati i testit. Ishin po aq, 100 pyetje, por vetëm 50 ishin me alternativa, ndërsa 50 të tjerat me shtjellim.

Por çfarë parashikon ligji në këtë rast?

Në rregulloren e Policisë së Shtetit, përcaktohet qartësisht se si duhet të kryhet korrigjimi i testit. Në pikën 4, të nenit 168 të kësaj rregulloreje, sqarohet pikërisht procesi i testimit me shkrim, ku thuhet: “Si rregull, testi me shkrim korrigjohet në formë elektronike, brenda ditës dhe rezultatet u bëhen të ditura aplikantëve nëpërmjet afishimit në ambientet e zhvillimit të testimit”.

Pra në ligj parashikohet që edhe nëse testi i zhvilluar me shtjellim duhet të korrigjohet në mënyrë elektronike gjë që nuk ka ndodhur kështu. Si pretendim nga konkurentët janë nxjerrë edhe emrat e disa prej fituesve ku ndër të tjera është e një i afërm i kreut të Policisë së Shtetit, Ardi Veliu, si edhe dy pedagogë të Akademisë së Sigurisë. Ndërkohë nuk është përcaktuar ende se kur do të zhvillohet konkursi për gradën komisar, të anuluar nga Ardi Veliu pa dhënë asnjë shpjegim, ku konkurentë ishin afërsisht 460 efektivë policie./abcnews.al

KALLZOHET-NE-PROKURORI-KONKURSI-I-GRADES-ABCM4T1.mpg_snapshot_00.12-1280x693.jpg
G. P.16:56 | 15/11/2018

Shërbimi i Çështjeve të Brendshme dhe Ankesave në Ministrinë e Brendshme kallëzoi në Prokurorinë e Tiranës procesin e konkurimit të organizuar në Akademinë e Sigurisë për gradat “Komisar” dhe “Kryekomisar”. Me urdhër të drejtorit të policisë Ardi Veliu ky testim është anuluar për shkak të parregullsive të vërejtura dhe do të organizohet në një datë tjetër.

Shërbimi i Çështjeve të Brendshme dhe Ankesave ne Ministrine e brendshme kallëzoi në Prokurorinë e Tiranës, procedurat e ndjekura në konkursin për gradat e policisë, “Komisar” dhe “Kryekomisar”, që u zhvillua më datë 7 nëntor. Kallëzimi nga SHÇBA është bërë për “Shpërdorim Detyre” dhe bazohet në nenin 248 të Kodit Penal.

Sipas denoncimeve nga pjesëmarrës në këtë garë, gjatë testimit ka pasur shumë parregullsi, mundësi për të kopjuar dhe dyshime për dalje të tezës së provimit. Sipas disa garuesve, ditën e testimit edhe pajisja “skaltron” që korrigjon provimet elektronikisht, ka paraqitur probleme.

Në datën 13 nëntor, drejtori i përgjitshëm i policisë Ardi Veliu kishte anuluar këtë konkurs përmes një urdhëri, duke e shpallur të pavlefshëm. Testimi, sipas tij, do të përsëritej në datë 15 nëntor, por më pas sërish u shty për një datë ende të pacaktuar. Rreth 400 oficerë policie konkurruan për 130 vende për gradën Komisar dhe 230 oficerë për 100 vende me gradën Kryekomisar. Komisioni i provimit kryesohej nga zv/drejtorja e policisë së shtetit Aida Hajnaj dhe kishte në përberje edhe 4 anëtarë të tjerë./abcnews.al

ardi-veliu.jpg
ent ela15:55 | 13/11/2018

Procesi i konkurimit, i zhvilluar në datën 7 nëntor nga Policia e Shtetit për të fituar gradën “Komisar”, ku morën pjesë 470 efektivë blu, u anulua me një urdhër të kreut të policisë, Ardi Veliu.

Një kopje të urdhrit të anulimit e disponon edhe ABC News. Në të thuhet se ka dyshime që tezat janë shitur, apo ka pasur komunikime ndërmjet konkuruesve në procesin e zhvilluar në ambientet e Akademisë së Sigurisë.

Konkurimi  i parë u anulua me arsytimin se është cënuar integriteti i testimit me shkrim.

Tre oficerë, të cilët ishin konkurentë kanë kërkuar që procesi të pezullohet dhe të përsëritet, duke denoncuar rastin në Prokurorine e Tiranës. Urdhri  i Drejtorit të Përgjithshëm të Policisë së Shtetit Ardi Veliut mban datën 13 nëntor dhe procesi i konkurimit do të përsëritet në 15 nëntor. /abcnews.al

policia-e-shtetit-foto-e-re.jpg
G. P.11:37 | 03/11/2018

Vrasja e Kostandinos Kacifas në Bularat ka qenë një nga temat e bisedës gjatë një takimi që drejtori i Përgjithshëm i Policisë së Shtetit, Ardi Veliu pati me një delegacion të policisë greke në vendin tonë.

Gjatë takimit përfaqësuesit e dy policive shkëmbyen informacione lidhur me operacionin e zhvilluar në Bularat nga RENEA, ku gjatë shkëmbimit të zjarrit dhe pasi nuk pranoi t’i dorëzohej policisë mbeti i vrarë minoritari grek Kostandinos Kaçifas.

Gjithashtu mësohet se në takim Ardi Veliu me delegacionin e policisë greke diskutoi edhe mbi forcimin e bashkëpunimit mes dy policive./abcnews.al

8ada5fff-4b7d-4e67-97d3-f810ba2725e0-1280x853.jpg
ent ela13:26 | 23/10/2018

Drejtori i Përgjithshëm i Policisë së Shtetit, Ardi Veliu, në një konferencë për shtyp deklaroi se operacioni “Ndëshkimi i të fortëve” po kontrollon individët me “precedentë kriminalë dhe me rrezikshmëri shoqërore”, kudo që ata janë.  Nga ky operacion u arrestuan 300 persona prej 20 shtatorit në çdo cep të Shqipërisë.

Pasi drejtori i Policisë shtetit mbajti shënim kritikën e shefit të Qeverisë Edi Rama, ragoi në një kohë të shkurtuar, duke bërë publike rezultatet e punës së tij.

Ardi Veliu në daljen e dytë para gazetarëve, në po kaq ditë, theksoi se, operacioni “Vol-vo”, ku u zbulua edhe një laborator i përpunimit të heroinës në Has vijon dhe hetimet janë në rrugë të mbarë.

“Që prej nëntorit 2017, kur nisi operacioni “Forca e Ligjit” për skedimin, identifikimin dhe hetimin, një sërë grupesh kriminale janë goditur dhe një numër i konsiderueshëm i anëtarëve të këtyre grupeve sot janë pas hekurave të burgut. Operacioni i orëve të fundit ‘Vol-Vo 4” goditi anëtarët e 4 grupeve kriminale dhe pati një shtrirje në 12 qytete, pa asnjë dekonspirim, megjithë përmasat jo të zakonshme të një operacioni policor, me 1500 efektivë në terren. Për shumë grupe të tjera të skeduara tashmë në hetimet intensive prej shumë muajsh, janë në rrugë të mbarë dhe do të ketë shpejt të tjera rezultate domethënëse në këtë luftë pa kompromis.Sot jam përballë jush dhe qytetarëve, për t’ju informuar dhe bërë me dije rezultatet e para të një tjetër Operacioni me shumë rëndësi, në të cilin është angazhuar Policia e Shtetit në të gjithë territorin e vendit”.

Operacionet e muajve të fundit, çuan në gotitjen e 300 të fortëve, ku gjysma e tyre kishin një urdhër-kërkimi, këmbëtar dhe ndërkombëtar.

“Gjithashtu janë kapur e arrestuar 154 persona për të cilët ka patur një urdhër kërkimi kombëtar dhe 14 të tjerë në kërkim ndërkombëtar, për vepra të ndryshme penale”.

Policia e Shtetit në bashkëpunim me agjencitë e tjera ligjzbatuese kanë kryer kontrolle disa banesa dhe lokalesh, dhe për këtë gjë drejtori Veliu kërkoi ndjesë nëse iu ka shkaktuar shqetësim në ato familje.

“Policia e Shtetit, duke përfituar nga rasti kërkon ndjesë, nëse në ndonjë rast kontrollet e ushtruara në ambiente publike krijojnë shqetësim, por e konsiderojmë më shumë rëndësi vënien para përgjegjësisë ligjore të personave që tentojnë të sfidojnë autoritetin e shtetit, nën petkun e “të fortit”. Nuk ka të fortë përballë autoritetit të ligjit!”

Burime nga drejtoria e policisë së shtetit pohojnë se, nuk janë ndërprerë aksionet për prangosjen e personave të shpallur në kërkim, të cilët prej prej shumë vitesh i fshihen drejtësisë. /abcnews.al

 

ARDI-VELIU-MBULIM.mpg_snapshot_00.07.jpg
G. P.14:04 | 19/10/2018

Sot Drejtori i Përgjithshëm i Policisë së Shtetit, Ardi Veliu, është parë të hyjë Prokurorinë e Krimeve të Rënda. I pyetur nga gazetarët e pranishëm aty, për arsyet e vizitës së tij në këtë institucion, drejtori Ardi Veliu e quajti atë normale, duke u shprehur për prokurorët “Bëjmë takime. I kemi partnerë”.

Po sot në mëngjes, drejtori i policisë kriminale në policinë e shtetit. Eduard Merkaj ka qenë në Prokurorinë e Krimeve të Rënda, ku sipas burimeve është takuar me prokurorët Vladimir Mara dhe Dritan Prençi. Një ditë më parë, ministri i Brendshëm paralajmëroi operacione të rëndësishme policore, në bashkëpunim edhe me partnerët e huaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono